Thursday 4 March 2010

ما تيجولنا دوغري وتقولوا انكم عايزين منافقين

يعني اللي عنده الشجاعة انه يقول على نفسه ملحد يتمسك ويتبلغ عنه النائب العام ويتهدد بالحبس او المنع او الحجب ويطلع تلاتة من واحدة ياما كتبت تدافع عن سيد القمني

خخخخخخخخخخخخخخخخخخخخخخخخ

هو سيد القمني مسلم وللا ايه؟ 
اه هو عمره ما كان عنده الشجاعة اللي تخليه يقول على نفسه ملحد زي اللي طلعوا رجالة كده وقالوا احنا ملحدين واللي عاجبه ع الكحل يتكحل اللي مش عاجبه يترحل ويا سيدي لو مش عاجبك كلامنا ما تفتحش مواقعنا ولو عاجبك كلامنا اهلا وسهلا ولو عايز تتناقش اهلا وسهلا برضه

وماحدش يقول هم بيتطاولوا... انتوا ح تربوا الناس؟ كتر خيرهم انهم شجعان وواضحين عشان انت نفسك كواحد مؤمن تبقى عارف كوعك من بوعك وانت بتتكلم مع اللي قدامك وتحدد موقفك

ولما ناس تكتب نفس الافكار الالحادية بس ما عندهمش الشجاعة انهم يقولوا انهم ملحدين وحد يناقشهم (اللي هي امي بدون ذكر اسماء) ويطلب منهم تعريف علمي للكلام اللي بيقولوه عشان الناس ما يلتبسش عليها الامر
يتشالوا ويتحطوا وبرضه يكتبوا بلاغات امنية على اللي بيناقشهم: يا ارهابي، يا اخواني، يا ايراني، يا شيعي، يا اسامة بن لادن

ما تجيبوا من الاخر وتقولوا انكوا عايزين حرية النفاق، وكل من تسول له نفسه انه ما يبقاش منافق او يحارب النفاق يتقدم فيه بلاغات

والله انا ما كنتش اعرف النفاق متجذر في الثقافة للدرجة دي
ولجنة الحريات واقفة مع سحر جعارة في بلاغتها ضد الناس؟
"معا من اجل حرية الابلاغ عن المواطنين اللي بيعبروا عن نفسهم بلا نفاق"
"معا لحماية النفاق في المجتمع"
"فلنساند كل اللي بيضحكوا علينا ويدونا على قفانا"
انا معدتي قلبت والله العظيم
اووووووووووعععععععععععععععععععععععععععععععععععععععععع
خرا على دماغ دي بلد منافقة وكمان تهدد اللي مش عايز يبقى منافق

55 comments:

Anonymous said...

المشكلة في رأيي هي ثقافة حد الردة
فهو الذي يجعل الملحدين يلبسوا عباءة المسلمين خوفا من عقاب المجتمع

Unknown said...

اوكيه

طب هم خولات وخايفين

لما يبقى فيه بقى رجالة ومش خايفين يتقدم فيهم بلاغ للنائب العام عشان مش خولات؟

لالالالالا

انا ح اتنقط فعلا

كأن فيه تعمد على تشجيع الناس على النفاق

صوت الحق said...

طب يا نوارة ايهما افضل للمجتمع ان الملحد يجاهر بالحاده و لا ان الملحد يخفي الحاده

AUCWORKERS said...

بصي يا نواره, في ياما مش مؤمنين, بس مبيقدروش يعلنوا عن دا بشكل علني لأسباب موضوعيه ياما اوي انت اول الناس اللي عارفاها كويس.
تاني حاجه, انا ضد طبعا الحاجه الجعاره, وحقيقي مش مستغرب خالص اللي هي عاملاه, ولا حتى لو الكلام اللي انت كاتباه صحيح عن موقف لجنة الحريات فانا مش مستغربه,"طبعا انت واخده بالك مين اللي ماسك لجنة الحريات ".
الحاجه الاخيره, انت عايزه الناس اللي مش مؤمنه بأديان ابراهيميه"لازم نفرق طبعا مابين الملحد تماما, واللاديني, او اللي مش بيتبع دين منظم او ابراهيمي"تقول انه مش مؤمنه عشان يحصل فيها ايه ؟
نصر ابو زيد مش بعيد عننا اوي, والرجل مسلم, ومجتهد, ومش القمني مثلا ولا خليل عبدالكريم, وفي النهاية تم التفريق بين وبين مراته, ونفيه "اختياريا" برا البلاد.
يعني يا نواره الموضوع مش خولات وخايفيين, موضوع ان الناس عايزه تعيش, وان كان سيد القمني, او غيره هم اللي صوتهم عالي, متنسيش ان في ناس مش مؤمنه محترمه, واعتقد ان دي الاغلبيه, ومالهمش ضهر, ونفسهم يعيشوا من غير تمييز زيادة ضدهم عن اللي بيحصل لهم فعليا.

نعيب زماننا said...

يا رب مكونش أنا اللي قلبت معدتك و عصبتك كدة,,, ده انا لا يمكن أسامح نفسي.
.
بس لو واحد واخد واحدة في الشارع و شغال فيها معركة حب هل يمكن أن أمدح شجاعته و أنه بيعمل كدة في الشارع ومش همه أحد. أنا أرى هؤلاء الملحدين كذلك و كما قلت لما أحد يستهزئ بديني فقد خرج من نطاق الحرية إلى نطاق التعدي, تعدى علي كما لو كان ضربني تماما و إلا فما شعار الله يخرب بيت أم العنصرية في الأرض فما هو حر في رأيه أن أنا أدنى منه منزلة.
النقاش ممكن و مقبول و لكن بدون استهزاء. لا أريد تربيتهم و لكن أيضا لا أريد أن أضار بأخلاقهم.

و من قال أن سيد القمني و لا جمال البنا أفضل من هؤلاء, أنا أراهم كلهم فوج واحد. العبرة في الفكر و ليس القول و من قال أننا نحب ابن سلول لأنه قال أنه مسلم.
مرة أخرى الاستهزاء بالدين لا يمكن قبوله و المخالف أو المشكك يمكن حواره ولكن الاحترام فوق كل شيء.

و بالله عليكي متضربيش بعد التعليق ده و متغليش في نفسك عشان مصر عايزاكي.

Unknown said...

مالك

طب واللي مش خايف يا مالك

واللي بيقول بشجاعة رأيه زي واحد صاحبي انت ما تعرفوش وكاتب تعليق بيدافع عن الخايفين مع انه هو مش بيخاف؟

:))

يتهددوا ليه؟ وليه واحدة زي دي تقدم فيهم بلاغ وكل واحد يزايد عليهم

وقال ايه؟ ح يرموها من الشباك

هم حيرموها من الشباك عشان هم ملحدين؟ ده مطلب شعبي يابني

Unknown said...

نعيب زماننا
الانسان حرررررر يصدق في اللي هو عايزه وما يصدقش في اللي هو عايزه

والاديان بالذات ماعليهاش دليل مادي واضح عشان اللي ما يصدقش فيها يبقى بيخالف المنطق مثلا

ده ايمان

احنا نفسنا بنقول الهداية من عند الله وبنقول ان الايمان نور بيدخل القلب

يعني ما ينفعش تلزم بيه حد

لكن ينفع تلزم كل انسان من كلامه

وينفع تقول للانسان خليك محترم وقول اللي في قلبك

ولما انسان يقول اللي في قلبه بشجاعة ما يتهددش ويتقدم فيه بلاغ للنائب العام

والا يبقى بنشجع على النفاق

النفاق مرض
والمرض عمره ما يبقى في مصلحة حد

الانسان اللي بيتجبر على النفاق وادعاء ايمان مش ايمانه بيبقى اشرس في محاربة الايمان اللي هو مجبر عليه

وانا او انت كمؤمنين مش من مصلحتنا ابدا ان يبقى فيه انسان مدسوس على ايمانا يلخبط ويشوه ولما تكلمه وتقول له ده كفر يقول لك بتكفرني؟ انا مسلم

الانسان من حقه يعلن ايمانه من حقه

منننننن حقققققققققققه

حراااام

حط نفسك مكانه

تخيل نفسك عايش في بلد مش قادر تقول فيها انك مسلم والا تتعامل زي الكلب ويمكن تتقتل

وفيه بعض الناس اخدوا المبادرة وقالوا احنا نعلن حقيقة ايمانا

المفروض نساعدهم ونشكرهم انهم بيحاولوا يطهروا المجتمع من النفاق مش نقدم فيهم بلاغ للنائب العام

وياريت البلاغ متقدم من البدري وللا نبيه الوحش

ده متقدم من واحدة ياما قالت كلام يتصنف انه لا ديني على الاقل ومش ح اقول الحادي

وبعدين تقول لنا انا عاملة عمرة سبع مرات

طب هي عندها مشكلة ازدواجية لازم تعالجها بدل ما ترمي بلاها على ناس محددين موقفهم وواضحين وكمان عندهم شجاعة كافية عشان يقولوا عقيدتهم

Unknown said...

الصوت الحق

انهي احسن لك ليك ولمصلحتك

اني اقول لك انا صاحبتك وباحبك وخايفة عليك ياللا قوم ارمي نفسك من الشباك؟ وللا اني اقول لك: انا باكرهك ومش طايقاك ولو ما سكتش ح ارميك من الشباك؟

AUCWORKERS said...

انا مش عارف مين صاحبك اللي اعلن رأيه بصراحه, وكاتب اسمه الحقيقي, وبيقول كدا, انا معرفهوش حقيقي, ومعرفش مين اللي مبلغ عنه.
انا عارف ان موضوع الجعاره هانم ضد حسن الهلالي, ومعنديش فكرة ان كان الرجل اعلن عن نفسه ولا لا.
بعدين لو اعلن عن نفسه, انت متوقعه انه يعرف يعيش في البلد دي ؟ حيعرف يمشي في الشارع, لو اتعرف وطلعت صوره او اسمه في اي مكان ؟
مراته او ابنه او عيلته كله حتسلم من الأذى ؟
ومافيش حد حيحميه, والنظام حيقدمه على طبق من دهب ويعمل نفسه حامي الاسلام.
اعتقد ان قرار الاعلان عن حقيقية عقيدة الانسان علانيه, قرار غير منطقي بالمره.
وطبعا في نفس الوقت ضد نفاق اللي بيكتبوا عن اصلاح الاسلام من الداخل وهم اصلا مش مسلمين, ومش بدافع عنهم.

رحلتنا في الحياة said...

طيب انا هقول حاجة يمكن غايبة عن اغلبنا فى الوقت الحالى احنا مش بنرجع ليه ونشوف الرسول صلىالله عليه وسلم ومن بعده الصحابة والتابعين فى التعامل مع الملحدين او غير المؤمنين
كاان فى نقاش وكان فيه حوار بهدف اقناعهم زى مثلا اليهودى اللى سال الرسول عن الروح واهل الكهف وامهله فرصة علشان يرد عليه
فكرة انهم يقولوا انهم ملحدين ده انا معاها بدل النفاق على الاقل زى ما قولتى تبقى عارفة انتى بتتعاملى معاهم على اساس ايه
عايزين يلحدوا والله دى حرية شخصية ليهم وكل انسان ليه حرية االاعتقاد
لكن اللى مش ليهم فيه حرية شخصية انهم يسخروا ويستهزوء بالاديان ويقولوا احنا حريين
لا معلش دى بقى قلة ادب والناس اللى زى دى من حقى ان القانون يقف فى صفى علشان يرجعلى حقى فى سخريتهم من معتقداتى
ده غير ان الملحدين عندهم انتيكاريا كده انهم دايما مضطهدين والناس بتتهمهم وبتسبهم بالالفاظ كتير ملحد كفار وفاسق ومعرفش ايه
طيب مهو من اسلوبهم وطريقتهم
هو لو الانسان محترم وبيتكلم ويتناقش بطريقة محترمة حد هيقول عليه نص كلمة
لكن اللى حصل دلوقتى ان الانترنت انتشر عليه مواقع ومدونات مش ملحدين بيتكلموا عن حرية اعتقادهم لا هى مجرد مواقع علشان تسخر وتستهزء من الاديان

Unknown said...

مالك
انا ما اعرفش حد اتقدم فيه بلاغ عشان بيعلن عن ايمانة غير كريم عامر

mido said...

@MaLek
أغلب المصريين فى المنتدى اللى الجعارة بلغت عنه مش عايشيين فى مصر تقريبا

AUCWORKERS said...

استاذه أيوشه
خلينا نفرق مابين الاستهزاء والنقد.
بمعنى لو حد مش مؤمن قرر انه ينتقد الدين الاسلامي زي ما المسلمين بينتقدوا المسيحيه او اليهوديه حنصنفه كإيه ؟
مستهزأ ولا منتقد ؟
على فكرة اغلبية الغير مؤمنين, اللي فعلا مقتنعين بنفسهم, عمرهم ما بيتريقوا او يستهزقوا بالعكس حتلاقي ان الموضوع مبني بشكل منطقي ونقد عقلاني تماما.
هل تعتقدي ان لو الاسلام تم انتقاده في بلد زي مصر, من غير قلة ادب او عدم احترام, حيتم التعامل مع الشخص اللي عمل دا ازاي ؟
وبعدين حضرتك بتقولي حرية عقيدة وحرية اديان الخ,دي مش فاهمه اوي.
عايزه تقوليلي لو واحد اتعرف عنه انه مش مؤمن في الحاره والشارع بتاعه, حيحصل فيه ايه, والله لو كان اطيب بني ادم على ظهر الارض, حيتم التعامل معاه بشكل حقير جدا, اذا كان المسيحين اللي هم المفترض انهم مؤمنين بنفس الرب, بيتعاملوا في اماكن ياما بعنصرية , واليهود طبعاالعنصرية بتضخ ضدهم في كل مكان"احفاد قردة وخنازير, ومتقوليش انك عمرك ما سمعت الجمله دي على السنة شيوخ وفي خطب الجمعه.
خلينا واقعين, وبلاش اسلوب محمد بيحب جرجس, ومينا بيموت في احمد.
نوارة:تخيلي بقى ان كريم عامر مقالش انه ملحد ؟
هو شتم الاسلام, والمسلمين, ومحمد الخ, بس مقالش في اي حته انه ملحد:)

نعيب زماننا said...

من المعروف سحر الجعارة أفكارها طبيعتها ايه. فعلا استغرب أنها تقف خلف حاجة زي دي. بس لا نوافق أن الملحدين ينشروا أفكارهم لأن سحر الجعارة معترضة.
البلد اللي أتهان فيها كمسلم أمامي حل من اثنين, لو خفت على اعتقادي أو نفسي أتركها لو أستطيع, أو أقاوم كي أحظى باحترامي و مساواتي بباقي المجتمع. بس في حالتهم أنا على الطرف الآخر المضطهد بكسر الهاء لأني أريد أن أحافظ على نظام عام و لي أسبابي. أنا لا أتركهم يسرحون بين الشباب الضايع الآن, في زمن كل من هب و دب بيتكلم فيه, و الشباب لا يوجد عنده ثقافة و علم, و ميعرفوش غير البنات و اتفرجي على المجمع النظري في اسكندرية. و دول معاهم سلاحي الشبهاااات و الشهوات و الفضول, الفضول اللي يخلي زكريا بطرس يتسمع له من مسلمين ميعرفوش يعني ايه الرحمن الرحيم. هو أحنا حنلاقيها من الاعلام الفاشل و الافلام الهابطة و كمان يطلع لنا الملحدين بدلا من المنافقين. أكيد المنافق أخطر من الملحد و في الدرك الأسفل من النار و لكن مينفعش أبدله بملحد,أقاوم الاثنين معا.
فالخلاصة, نناقشهم و نناظرهم في ندوات و لقاءات موافق, لأن من سيستمع لهم غصبا عنه سيستمع لطرف الايمان و سيقتنع لو لم يقتنع فقد أقمت عليه الحجة. اما أن يرتعوا بلا رقيب بين شباب المجتمع فلابد من التصدي لهم, لأن المجتمع مش ناقص خراب أكتر مالعيال دماغها ضاربة.

Anonymous said...

يانواره يابنت نجم
الأمور تتسمى بمسمياتها الحقيقيه
يعنى الملحد ملحد والكافر كافر والمنافق منافق و.وكل دول يتلمو كده ويروحوا دار الندوه حتى نأخذ من كل رجل قبيله

Early bird said...

انتى قرات المدونه دى وشفتيها

اذا كانت دى حريه الراى يبقى سورى بقى احنا ديكتاتوريين

الكافر فى مجتمع اسلامى حر يكفر زى ماهو عايز انما اللى يسيبوه يجاهر بالمعصيه وكمان يدافعوا عنه علشان دى حريه راى مش عارفه ممكن اوصفهم بايه غير انهم تركوا فريضه الامر بالمعروف والنهى عن المنكر

داحنا اصلا كنا خير امه اخرجت للناس علشان دى بالذات من علامات ضعف اى دوله ظهور امثال هذه الاشكال

انا شخصيا اؤيد جدا غلق مثل هذه المدونات واعتبر دى قربه الى الله اترك من يسب دينى رسمى ولا اقف ضده باعتبار ان اللى مش عاجبه ما يشفش طيب ماحنا مش عاجبنا حسنى واعوانه طيب مانسيب لهم البلدباعتبار انه راخر راجل له فكره اللى ضد فكرنا وهو حر

ايه بقى معنى الحريه ده سب الاشخاص يعاقب عليه القانون امال بقى سب الادين بقى اسمه جري ه واللى بمارسه بقى جرىء وغير منافق

مالكمكيف تحكمون

Tamer said...

على فرض انها مأجورة
خلينا نرميها على جنب خالص

و خلينا نتفق ان اللي بيدعوا انهم مسلمين و بيعملوا العكس و بيقولوا العكس شوية زبالة
لو ما اتفقناش على دي فده رأيي انا بصفة عامة

هل حرية السخرية من الدين و من ذات الله و من الشرائع و مهاجمة كل ده هي اللي حلوة و كويسة و زي الفل ؟؟؟؟

انا ما اعرفش هي بتهاجم مين كأشخاص , لكن اللي شفته على الفيس بوك من اسامي ملحدة بتعلن عن نفسها و اسامي ملحدة بتخفي الحادها هو قمة القرف سواء من دول ولا دول

الاتنين زي واحد بيقول للي قدامه يا حمار و التاني بيقول للي قدامه ياللي بتنهق

و مش منطقي اني افرح باللي بيقول لي يا حمار و ادافع عنه عشان فيه واحد تاني بيقول لي ياللي بتنهق
الاتنين زبالة

هو البديل الوحيد للنفاق حرية الفحش و الكفر و مهاجمة الأديان و الشرائع ؟؟؟
ما اللي ألحد يخليه في نفسه , هو لازم اللي ألحد ده يقرف الباقيين يعني يا اما يهاجمهم من تحت لتحت و يبقى منافق يا اما يهاجمهم مباشرة و يبقى جدع على حد قولك يا استاذة نوارة ؟
ايا كان توجه افكاره , نتكلم بالمنطق المادي الصرف (منطقه هو ) و نقول هو ماله بمعتقدات الناس يهاجمها ليه ؟

او نتكلم بالمنطقي الاسلامي و نقول مافيش حرية ردة في الاسلام ( معلش انا مؤمن بحد الردة ) و نقول ان الاساءة لذات الله و لا شرائعه على أرض مفترض انها بيحكمها الاسلام حاجة هانتحاسب عليها كلنا ؟

lastcrazyboys said...

الحمد لله ..أهــو كده الواحد يوافق عالعروض اللي جاية له من الخليج ..ويشتغل ..ويكوّم نفسه " من اول وجديد
:اصل انا كنت ذاللهم بعيد عنك
بقى أنا افتح موقع الاقي رسالة بتقول انه غير مصرح لك ..الخ الخ الخ"

دلوقتي بقى اول تليفون هيجيلي بعد الجهود المبذولةهيقوللي فكك بقى من الحرية والكلام الفضي ..وآدي الروس اتساوت
ولازم تقتنع اننا شعب اتخلق عشان يشتغل ويعمل القرشينات ..ويرجع يلاقي البلد اوسخ مما سابها عليه عشان يقعد يتحسر عالايام والذكريات
!!!
هو انا بقول ايه بالضبط..هم عملوا فيا ايه
والله مانا عارف

يلى ينعل ابوكو ولاد كلب

مهندس مصري بيحب مصر said...

خلاصة الكلام يا نوارة اللي عايز يلحد و يعلن عن إلحاده اوكيه
بس من غير ما يشتم و يسخر و يستهزئ
لو عايز يناقش يبقى يتناقش بأدب
مش عايز يتناقش يبقى يكن في جنب
إنما يطلع يسب لنا الدين و نسيبه يبقى صعب يا نوارة
أنما عموماً معظمهم مغمورين و التجاهل هو حلهم الأمثل
مش نشهرهم على الفاضي

مواطن مصري said...

انا هقول كلمة واحدة الله يرحمك يا فرج فودة

شهيد الكلمة

شمس العصارى said...

ياسلام على كباية الشاى مابين العصر و المغرب
بس دى غير بتاعة الموجى
ههههههههههههههه
موضوع البوست حلو
عارفة الحل الى الناس كلها بتدور عليه فين
عارفة فين
لا مش عندى طبعا
بس فى توحيد الحاكمية = الحاكمية لله
فى كتاب معالم فى الطريق لسيد قطب فصل كامل يتحدث عن الحاكمية لله
اقريه
وانا بدعوا كل المعلقين يقروه
و ياريت الى يحب يقرا الكتاب كله
وقبل ما حد يقول سيد قطب و مش عارف ايه
نقرا الفصل ده الاول و بعدين الى عاوز يقول يقول
رائع رائع رائع هذا الفصل
فى حل المعضلة دى الى بتتكلموا فيها
تصدقى حسيت براحة غريبة بعد ما قراته
و مش حعرف الخصه لانه مينفعش يتلخص و اقوله هنا الى عاوز يقراه فى الكتاب
نلتقى من غير نفاق
بقلك ايه يا نوراة ما تسالى الاستاذة صافيناز كده عن الموضوع ده

Anonymous said...

هي بلغت عن الملحدين علشان الحادهم ولا علشان هددوها بالقتل ؟؟؟؟؟
فيه فرق

Anonymous said...

احلى حاجة فيكى انك يا نوارة بتيجى على احكام شرعية وتقومى ترميها فى الزبالة وتبدأى تتفلسفى .
يعنى مثلا فى حاجة فى الاسلام اسمها حد الردة دى دايسة عليها بالجزمة وبتتكلمى عن اننا يجب ان نشكر ونحترم الملحد اللى بيسب الدين والرسول والملة والله علشان مش منافق , منطق عجيب والله .
ممكن تضغطى على نفسك وتحاولى ترجعى لأحكام الاسلام فى الامور اللى تخص الاسلام ؟ اصل الامام على قال كلمة حكمة " لو كان هذا الدين بالرأى لكان مسح باطن الخف اولى من اعلاه " فمينفعش تقولى فى الاحكام الشرعية انا شايفة والمنطق بيقول .
اما موضوع ان الاديان ماعليهاش دليل مادى واضح فمش عارف منين جاتلك الفكرة دى؟ امال ربنا فى القران كان يقرع الكفار بأنهم لا يتدبرون ولا يعقلون ولا يتفكرون ؟ مادام الموضوع مش عليه دليل مادى ولا يخالف المنطق لو كفر امال ربنا هايحاسبنا ازاى؟ اذا كان ربنا لم يعطينا الوسيلة التى نهتدى بها للايمان فكيف يحاسبنا على مالا يد لنا فيه؟ عجيبة والله .

أبو أمك said...

يعني لو الواحد اتهمها بالإلحاد هاتقدم بلاغ قذف وتقول شق عن الصدور
طب يا ترى لو فعلاً نشق عن الصدور... مش هاتقدم بلاغ تحرش

Anonymous said...

سحر الجعارة : "لها من اسمها نصيب" زى مابيقولوا .

هراء لا داعى له ..... said...

المجاهر بالردة المفروض يقام عليه الحد

أما إللى بينافقوا السلطة فدول المفروض الشعب ياكلهم

Unknown said...

يا مالك

انا ما باتكلمش على الشارع والحارة

شارع وحارة ايه بس؟ حد ح يعلق يافطة على صدره بدينه؟

انا باتكلم عن اللي بيكتب بصفة معينة وهو عكس الصفة دي

يعني يكتب بصفته مسلم ومضمونه الحادي ولما تقول له ده كلام الحادي يقول لك انت ح تكفرني؟ انا مسلم

ماهو يا اما عنده ازدواجية يا اما منافق

وانا مصممة على مثال سيد القملي

الراجل بيقول ان السيدة خديجة هي اللي مألفة الاسلام لو وانت بتناقشه قلت له انت ملحد يقول لك: انت بتكفرني

امال هو ايه؟

Unknown said...

وبصراحة يا مالك دي خولنة منه

لو راجل يقول اه ملحد واللي يعرف ابويا يروح يقول له

بس المشكلة كمان في اللي متوهمين ان فيه حاجة اسمها حد ردة اصلا

mido said...

هى الأستاذة

صافى ناز كاظم

مش بتقرا تعليقاتك يا نوارة؟

ايه الشتايم دى كلها؟
:p

Anonymous said...

انا معمولي بلوك ليه يانوارة

Anonymous said...

الملحدين كام واحد اتنين عشره مليون..اتوقع المساله اكبر من ملحدين هي قمع الراي والشعب ياتبقي معنا يا انك ارهابي او ملحد وانت اختار..وضعنا الحالي لا يسر الا اسرائيل وامريكا يكفي ان العرب اخترعوا شي اسمه ابداع من نوع اخر تحويل الجمهوريات من معناها الشمولي الي امبروطوريات من العصر الحجري
الي متي سنظل هاكذا
خمسين سنه سابقه قادره على ان تبني دوله حضاريه دوله مؤسسات ليس اشخاص
حتي اللملكات انظروا الي انجلترا
وتعلموا منها لا يمتلكون الا الاسم
والباقي الشعب هو من يحدد.
الشعب هو من يحدد اذا كان يريد دوله اسلاميه او ملحد او علمانيه او يهوديه ان ارا
فهو حر

كل هدفهم ان الوضع يستمر علي ماهو عليه مزيد من التخلف مزيد من البدونه
وهاذا يعجب من الموكد امريكا فمصالحها في ان الوضع يستمر على ماهو عليه.

dr.lecter said...

لسه شايف حلقه سحر في مانشيت النهارده

بهيج الشرير said...

والنبي ياأبلتي أنا عندي سؤال وممكن برضه يكون إقتراح! ياترى الواد عمرو أديب اللي راسه شبه طيزالعيل ده لو عمل راسه براس البرادعي اللميع حبيب الملايين والبعبع النووي، ممكن تكون دي بداية الشرارة

عم مينا said...

يا نوارة محدش بيشجع النفاق
بس تعملي ايه فيل بلد ثقافتها كده
اقري التعليقات اللي علي البوست بتاعك.. في علي الأقل ٤ أو ٥ انفار جابوا سيرة حد الردة.. عاوزة الناس تبقي مش منافقة ازاي لو فيه ناس بتفكر كده

Anonymous said...

الذين سالوا عن ذو القرنين هم اليهود وسألوه على جهة الامتحان
فجاء الرد تصدقيا له

والله ورسوله اعلم

احمد خليل said...

اولا من الصعب حجب مواقع الحادية او جنيسية او سياسية ممكن حجب الشيكة كلها
المواضيع دية لا تناقش الا فى البلاد المتخلفةزى المنطقة العربية
فى البلاد المتقدمة لا تعرف دين اللى ساكن فى الشقة اللى قدامك او دين زميلك فى العمل الدين لا يدكر فى الاوراق الرسمية
وليس من حق اى انسان ان يفخر بدينة لانة لم يختارة زى لونة وشكلة وجنسيتة اتولد بيهم
الناس وهى بتتناقش م لاتقدم اولا بمادا تدين

الموضوع المثار ليس لحجب مواقع الحادية ولكن لتحجيم مواقع سياسية اصبحت تشكل صداع للانظمة زى المدونة بناعتك خاصة وهى مقرؤة اكثر من بعض الجرائد صباح الخير

Early bird said...

سورى يا جماعه انتم كده اللى بتقرفوا الناس فى حريه الراى اى مواطن عادى من الامه دى لا مثقف ولاشئ _مع انى مش عارفه ايه الثقافه فى انى ارضى بان يجهر بالكفر واللى عاجبه الكحل يتكحل _ قرا المدونه الخايبه بتاعه حسن الهلالى ووعرف ان هى دى حريه الراى اللى بتدافعوا عنها هيلعن ابو دى حريه ويبوش ايد بابا حسنى وش وظهر

فى حاجه فى كل الدنيا انها ضوابط وفى النهايه ربنا مطلع علينا

انا مش فاهمه صعبه دى فى ايه

ليه كله فى سله واحده زى افلام يوسف خالد ينقد الحكومه فى افلام مغلفه بكل انواع القرف والسفاله وقله الأدب زى مايكون بيقول كده هى دى اللفه علشلان تعارض تبقى سافل وملحد لكن المعارض اللى بيومن بربنا والمثل والمحترم ده لا وجود له زى العنقاء والخل والوفى دهحتى فى الحاله دى اقله ربنا مش هيبارك لنا ويمد فى عمر حسنى ولن نتمكن من زحزحته ابدا

جربى كده انتى فى اى بلد اوروبى حر متقدم انك بس مجردانك تشككى فى عدد اليهود اللى ماتو فى الهولوكوست المزعوم مش تنكريه وتشوفى كده هيجرالك ايه مع ان هناك الحريه على ابوه

Anonymous said...

روبرت فيسك: طريق صعب أمام البرادعي

عبر الكاتب البريطاني روبرت فيسك عن اعتقاده بأن الطريق وعرة جدا أمام ترشح الرئيس السابق للوكالة الدولية للطاقة الذرية محمد البرادعي للانتخابات الرئاسية في مصر، موضحا أنه لن يجد من بين الشعب المصري المنهك من يناصره على الأرض لا بإحداث التغيير ولا بالعصيان المدني.

وتساءل عن سر احتفاظ من وصفهم بكبار السن بالحكم في مصر لفترة طويلة؟ في إشارة إلى الرئيس حسني مبارك - 81 عاما- ، كما تساءل عن سر رغبة من وصفهم بمتوسطي العمر بالسلطة في بلد شعبه منهك وشرطته قساة والفساد متفش فيه ونظامه الانتخابي موصوف بالمزور؟ في إشارة إلى المرشح المحتمل البرادعي.

وأشار فيسك في مقال نشرته له صحيفة الإندبندنت البريطانية إلى أن البرادعي صرح بأنه سيترشح للرئاسة المصرية "إذا توافرت ظروف انتخابات ديمقراطية نزيهة"، ومضى إلى أن "إذا" الشرطية تعتبر كلمة كبيرة ضمن مفردات السياسات المصرية.

وقال إنه يبدو أن البرادعي أو من وصفه بالقديس الورع لا يدرك مدى وعورة وصعوبة الطريق أمامه وهو يطالب بتعديلات في الدستور المصري وبوقف العمل بقوانين الطوارئ في البلاد، مضيفا أنه أيضا لا يدرك أن كل مطالبه لا تهز شعرة في جسد مبارك ولا تثير عنده أي مخاوف.

الخليفة المنتظر

ومضى فيسك إلى أن مشكلة مصر لا تكمن في صعوبة فرص البرادعي فحسب، وإنما في ما وصفه بالخليفة المنتظر جمال حسني مبارك الذي قال عنه إنه لو ورث الحكم من والده لشكل ما سماها الخلافة الثانية في العالم العربي بعد تلك التي شكلها الرئيس السوري بشار الأسد عندما ورث الحكم عن والده في سوريا، مضيفا أن حزب البعث عدل القوانين لتصبح مواتية لتسلم الأسد الجديد زمام الأمور في البلاد.

وقال الكاتب إن رئيس المخابرات المصرية عمر سليمان لم يسبق له الإفصاح عن رغبته في الترشح للرئاسة، مشيرا إلى كونه يعاني مشاكل في القلب. وأشار إلى حركة الشباب في مصر أو تلك الحركة التي تناصر البرادعي عبر شبكة الإنترنت بوصفها قد تعتبر أداة للتغيير في ر{ض الكنانة، وهي المسماة الجبهة الوطنية للتغيير (التي تضم 11 كيانا سياسيا).

وقال إن تصريحات البرادعي السابقة التي لوح فيها بالعصيان المدني حين ذكر أن "الناس‮ ‬يتحدثون عن كل شيء وربما يعلنون عصيانا مدنيا إذا لم‮ ‬يحدث أي‮ ‬تغيير"، قد لا تجديه نفعا.

حركة كفاية

وتساءل فيسك عن فرص البرادعي المتاحة عبر الإنترنت الذي يخضع لرقابة الأجهزة الأمنية في مصر، موضحا أن حركة كفاية لم تلق التأييد المناسب من الشعب المصري المنهك في شوارع القاهرة، ومشيرا إلى أن إحدى الصحفيات من أنصار الحركة سبق أن تعرضت للاعتداء وتمزيق ملابسها من جانب ضباط الشرطة وهم متنكرون باللباس المدني في وضح النهار بشوارع القاهرة.

ومضى إلى أن البرادعي يواجه مشاكل أخرى في طريق ترشحه للانتخابات الرئاسية المقبلة تتمثل في أن بعض المعارضين السياسيين يتهمونه بعدم فعل الكثير لمنع الولايات المتحدة من غزو العراق، كما يتهمونه بأنه يريد أن يلعب دور كرزاي في مصر جديدة حليفة للولايات المتحدة.

ونسب فيسك إلى البرادعي قوله إنه يريد أن يزاوج بين التنمية الاقتصادية والاجتماعية والإصلاح السياسي في مصر شريطة تغيير نظام الانتخابات فيها ليصبح ديمقراطيا.

رغبات البرادعي

وتساءل عما إذا كان مبارك الأب ومبارك الابن قلقين جدا كي يعدلا نظام الانتخابات لتتناسب مع رغبات البرادعي، مشيرا إلى أن منافس الرئيس المصري في الانتخابات السابقة أيمن نور تعرض في السابق للحبس بتهمة التزوير. واختتم الكاتب بالقول إنه ربما يصعب على النظام المصري الإيقاع بالبرادعي، لكن حلم الأخير بإيجاد الديمقراطية في مصر صعب التحقق، وأصعب من مراقبة الأعمال النووية الإيرانية.

المرأة المجهولة .. والله مش شادية said...

السلام عليكم

انتي كلامك حلو وطبيعي ومش متكلّف

بس ياليت (وده طلب مش أمر) إنك تخففي من استخدامك بساعات كتيرة لالفاظ مايصحش إن بنت أمورة زيك تقولها

إنتي بنت ملتزمة دينيا والحاجات ديت حتى لو كانت بسيطة ممكن تشوه أو تخدش الصورة الجميلة ليكي

وبعدبن انا مفروسة منك (شوية مش كتير) لأني سألتك على أخبار وائل عباس وانتي ما رديتيش علي وطمنتيني عليه

ربنا يحفظكم

نوني said...

نوارة انتي بتنكري حد الردة امال حروب ابو بكر كان اسمها ايه

Anonymous said...

شوفتى الحوار ده
http://www.almesryoon.com/news.aspx?id=25534
كشف القطب الوفدي الكبير منير فخري عبد النور ، السكرتير العام لحزب الوفد ، عن مفاجأة من العيار الثقيل عندما اعترف بأن قرار تسليم السيدة وفاء قسطنطين إلى البابا شنودة كان قد صدر عن الدكتور زكريا عزمي رئيس ديوان رئيس الجمهورية بعد طلب شخصي منه ، وكانت قضية وفاء قسطنطين زوجة أحد الكهنة التي أعلنت إسلامها ولجأت إلى أسرة مسلمة للهرب من ملاحقة الكنيسة ، حيث صدر قرار من جهة مجهولة يلزم الداخلية بتسليمها إلى الكنيسة قد أثار ردود فعل غاضبة في أوساط المواطنين الذين اعتبروا ذلك تخليا للدولة عن دورها واعترافا منها بأن الكنيسة دولة موازية وسلطة بديلة ، وكان منير فخري عبد النور قد روى في حوار له مع صحيفة المصري اليوم قال ما نصه :

(أيام أزمة وفاء قسطنطين كنت عائدا ليلاً من وادى النطرون بعد مقابلة البابا شنودة وقد فشلت فى إقناعه بالعودة إلى القاهرة بعد أن قرر الاعتكاف ورفض العودة إلا بعد عودة وفاء قسطنطين، وكنا على مشارف عيد واعتكاف البابا وعدم عودته كان سيتسبب فى أزمة أكبر، فاتصلت بالدكتور زكريا عزمى الذى تدخل ولم يهدأ له بال إلا بعد أن أجرى اتصالاته وتأكد من وجودها فى إحدى مديريات الأمن وأمر بتسليمها للبابا شنودة فى دير وادى النطرون)

"

Anonymous said...

خبر عاجل :الريس فى المنيا بيشيل المرارة.ومش عارف حايحط اية مكانها؟؟؟؟ ادعولوا ان ربنا يسهل لة . ادعولوا...ادعلوا بس من القلب ... بالجامد خالص حسن على

Anonymous said...

من يطالب بتطبيق حد الردة على بسطاء الناس هل يجرؤ ان يطلب تطبيقه على ساكن القصر الرئاسي؟
الا يوجد يقين ان هذا الرجل والى اعداء الله وخاصم اولياء الله وبارز الله بالمعاصى والموبقات واشهرها جريمته المتمادية بحق اهل غزة ؟
سبحان الله كيف يتحول مزاجنا الى العنف عندما يرتكب مخلوق اساءة بحق من خلقه ورزقه وامد له في عمره وجوارحه
وكيف نجنح الى السلم مع من يسيء الى الخلق والخالق والارض التي فيها معاش الناس وحياتهم

اذا سرق الشريف تتركوه واذا سرق الضعيف تنادون باقامة الحد عليه؟
ومن يذكرنا بحرب الردة التي قام بها ابوبكر رضى الله عنه بدون وجه حق هل يقبل ان نقتل ابيه ونسبي امه وننهب ممتلكاته اذا امتنع عن دفع الزكاة؟
وبهذا المعنى كم من مستحق لهذه العقوبة لو كان اجتهاد ابي بكر صحيحاً؟
اسلامنا يمحو الجوع ويعاقب على السرقة
اسلامنا يلبي الحاجات الجنسية ويعاقب على الزنا
اسلامنا يمحو الظلم ويعاقب على قطع الطرقات
اسلامنا يجيب على الاسئلة ويعاقب على الكسل في طلب العلم
اسلامنا يعطي للانسان كل مايحتاجه لتحقيق انسانيته ثم يعاقبه اذا مد يده او عضوه او عقله الى ماليس له حق فيه

اسلامنا هو هذا وهذا ماندين لله به
ولعنة الله وملائكته وخلقه اجمعين على من حرف هذا الدين العظيم

Anonymous said...

عملية استئصال المرارة عملية سهلة يقوم بها اى جراح متوسط الخبرة ولا تحتاج المانيا ولافرنسا,انما بقى دة تعبير عن الثقة فى الاطباء المصريين ؟؟؟؟؟؟؟؟؟؟؟

مواطن مصري said...

شفتي الصورة دي

http://photos.dailyme.com/post/428897006/a-indonesian-muslim-student-throws-a-shoe-at-a

A Indonesian Muslim student throws a shoe at a banner of U.S. president Barack Obama during a protest against his planned visit outside the parliament in Jakarta, Indonesia, Friday, March 5, 2010. Obama is scheduled to travel later this month to the world’s most populous Muslim country, where he lived as a boy. (AP Photo/Dita Alangkara)

Read more: http://photos.dailyme.com/post/428897006/a-indonesian-muslim-student-throws-a-shoe-at-a#ixzz0hM3M4mRw

نعيب زماننا said...

يا رجال مصر, وستاتها
كله بكرة يصوم و يصلي الضحى 8 ركعات و يجلس في بيته على سجادة الصلاة,,,,
و يدعي للريس, ادعوله يا جماعة ادعوله,,,,
ربنا يسهللوا
يا رب خرجوا منها على خير,
يا رب سلكلوا المسائل و يطلع
يا رب اديلوا على قد ما ادانا
يا رب الراجل تعب معانا,,, يا رب ريحه مننا

و الله يخرب بيت الللي مش حيدعيله
قولوا آمين

Anonymous said...

المحلد او اللاديني ما يخليه في حاله

هو حد بيقوله بشر بالإسلام ؟

انما ناس بتشتم وتسب وتهين معتقدات وبتخالف العقد الإجتماعي والديني للبد مطلوب ضدهم ايه ؟
نقول لهم برافو استمرو في حرية الرأي ؟

الناس بتخاف على دينها وبتخاف ان الناس تتفتن فيه .. مش عارف ايه فكرتك انك تساوي بين الدين وبين المذهب الفكري

الطريف انك بتقولي ان الدين ايمان مش عليه دليل مادي .. منتهى الميوعه

نوني said...

بالراحة علي نفسك ياعم انو ني ماوس انت عمال تهلفط وتخبط في الحلل كه ليه ابوبكر رضي الله عنه ومن غير وجه حق دا ايه بقي اجتهاد من حضرتك ولا ايه وبعدين بتغني وترد علي نفسك مين قال ياامور نقيم الحدعلي انسان دون الاخر ثم مين قالك ان انا اخ انا اخت حاجه تقرف

نوني said...

اه ونسيت اقوللك كمان ياسي ماوس انا اصلا سالت تواره حد وجهللك كلام اما غتاته صحيح

Tamer said...

استاذة نوارة ,
ممكن تقري دول ؟
و دول فيض من غيض بس على فكرة

16 - كان رجل يشتم النبي صلى الله عليه وسلم فقال النبي صلى الله عليه وسلم : من يكفيني عدوا لي ؟ فقال خالد بن الوليد : أنا فبعثه النبي صلى الله عليه وسلم إليه فقتله
الراوي: رجل من بلقين المحدث: ابن حزم - المصدر: المحلى - الصفحة أو الرقم: 11/413
خلاصة حكم المحدث: صحيح



23 - أن أعمى كانت له أم ولد تشتم النبي صلى الله عليه وعلى آله وسلم وتقع فيه فينهاها فلا تنتهي ويزجرها فلا تنزجر . قال : فلما كانت ذات ليلة ، جعلت تقع في النبي صلى الله عليه وعلى آله وسلم وتشتمه أخذ المغول فوضعه في بطنها واتكأ عليها فقتلها ، فوقع بين رجليها طفل فلطخت ما هناك بالدم . فلما أصبح ذكر ذلك لرسول الله – صلى الله عليه وعلى آله وسلم - فجمع الناس فقال أنشد الله رجلا فعل ما فعل ، لي عليه حق ، إلا قام . فقام الأعمى يتخطى الناس ، وهو يتزلزل حتى قعد بين يدي النبي صلى الله عليه وسلم فقال : يا رسول الله ! أنا صاحبها ، كانت تشتمك وتقع فيك فأنهاها فلا تنتهي ، وأزجرها فلا تنزجر ، ولي منها ابنان مثل اللؤلؤتين ، وكانت بي رفيقة ، فلما كانت البارحة جعلت تشتمك وتقع فيك ، فأخذت المغول فوضعته في بطنها واتكأت عليها حتى قتلتها ، فقال النبي صلى الله عليه وسلم : ألا اشهدوا : أن دمها هدر
الراوي: عبدالله بن عباس المحدث: الألباني - المصدر: صحيح أبي داود - الصفحة أو الرقم: 4361
خلاصة حكم المحدث: صحيح
(نفس الحديث ورد بصيغ أخرى كثيرة فيها ما هو مسكوت عنه و فيها ما أسند الى ان رواته من الثقات)

منهم دي
31 - أن يهودية كانت تشتم النبي صلى الله عليه وسلم وتقع فيه فخنقها رجل حتى ماتت فأبطل رسول الله صلى الله عليه وسلم دمها
الراوي: علي بن أبي طالب المحدث: أبو داود - المصدر: سنن أبي داود - الصفحة أو الرقم: 4362
خلاصة حكم المحدث: سكت عنه [وقد قال في رسالته لأهل مكة كل ما سكت عنه فهو صالح]

Tamer said...

ثم على فكرة

عيب اوي اوي اوي اوي ان الواحد فينا يغضب لنفسه ولا لأهله لما يتغلط فيهم , ولا لأي انسان , و في المقابل ما يغضبش لله و لرسوله , و كأن نفسه و أهله او اي انسان اغلى و اكرم عنده من ربنا و من رسوله

عيب اوي

Anonymous said...

نوني

صعب يابنتي التعرف على جنسك في السايبر سبايس وبلاش تحرقي دمك على النقطة ده ولد ولا بنت مش هتفرق كتييير يعني
على الطفرة الحاصلة في اليومين دول ممكن تكوني مزيج من الجنسين وده موش مشكلة الا لعريسك ربنا ياخد بيده
حلل ايه بخبط فيها كل يأخذ منه ويرد عليه الا رسول الله فبلاش عبطربنا يخليك
عايزة تتكلمي مع نوارة لوحدها اتكلمي على الارضي وماترحمهووش
ونصيحة لم تطلبيها : شوية نعومة ربنا يكرمك

نوني said...

شوف ياماوس انا صحيح في الاول شميت ريحة مش ولا بد في تعليقاتك لكن صراحة ماتخيلتش ان اسلوبك وتفكيرك يصل لهذه الدرجة من الدناءة والشذوذ لكن عموما كما يقال كل يري الناس بعين نفسه طبعا كل يؤخذ من كلامه ويرد ولكنها كلمةحق اردت بها باطل بسرعة كدا اظهرت حقيقتك فين الاسلام اللي كنت تتكلم عنه ماعلينا لن اقول لك الامقاله الشافعي غضب الاشراف يظهر في افعالها وغضب السفهاء يظهر في السنتها

Anonymous said...

نوني

حوار الشم انجاز عظيم لحضرتك الناس حتقول لبعضيها تعال نشم وبلاش تعال نتناقش
بصي حضرتك اي كائن بيفوت على معاد حمومه تلات ايام لازم يشم حاجات موش طبيعية وعلاج الحالة في ايدك يافندم
بقية كلامك يردك عليك
ونفس النصيحة من جديد مع رشة جريئة من البخور لزوم انف الحبايب:قليل من النعومة والتهذيب يامشروع انثى

Anonymous said...

كلام موزون