ايه الفيلم الساقط ده؟
الانسة دي كتبت بلاغ امني عن بعض مواقع الملحدين العرب لسبب مجهول
واذ فجأتن قدمت بلاغ للنائب العام ان المواقع دولم بيهددوها بالقتل واغروها بالفلوس
هههههههههههههههههههههههههههههه
لالالالالالا توووووووووو ماتش يا انسة توووووووووووو ماتش: وانا حاجة، وعاملة عمرة سبع مرات، وبيهددوني انهم يموتوني زي سعاد حسني
يعني خلاص الملحدين العرب مش لاقيين حد يرموه من الشباك غيرها؟ طب على كده انا مستعدة ابعت لهم لستة اسامي مدام هم بيشتغلوا في الهايف وانا احبك يا فننس
ايه الفيلم ده بقى؟
هل تنطبق معايير وضوابط «النشر» على شبكة الإنترنت؟!
همممم
هي بقت كده؟ وياترى ده عشان ايه؟ عشان حملة البرادعي وللا عشان زهقوا مننا بقى وعايزين يلموا التعابين بمناسبة الغاء الوقفات الاحتجاجية على سلم النقابة
ثم بقى يبطلوا بقى كل مرة يعوزوا يقبضوا على حد وللا يطلعوا قوانين ضد الحريات على الانترنت يا اما يدخولوا للناس من مدخل الملحدين يا اما من مدخل الشذوذ الجنسي والعياذ بالله... قدمت قوي اللعبة دي، مافيش اي معلومة جديدة غير اني عرفت ايه اللي يخلي واحدة زي سحر جعارة نازلة لنا من الحنفية وهي ما عندهاش اي موهبة
حاجة تقرفففففففففففففففففففففف
همممم
هي بقت كده؟ وياترى ده عشان ايه؟ عشان حملة البرادعي وللا عشان زهقوا مننا بقى وعايزين يلموا التعابين بمناسبة الغاء الوقفات الاحتجاجية على سلم النقابة
ثم بقى يبطلوا بقى كل مرة يعوزوا يقبضوا على حد وللا يطلعوا قوانين ضد الحريات على الانترنت يا اما يدخولوا للناس من مدخل الملحدين يا اما من مدخل الشذوذ الجنسي والعياذ بالله... قدمت قوي اللعبة دي، مافيش اي معلومة جديدة غير اني عرفت ايه اللي يخلي واحدة زي سحر جعارة نازلة لنا من الحنفية وهي ما عندهاش اي موهبة
حاجة تقرفففففففففففففففففففففف
19 comments:
يا بنتى مش لازم كل بلاغ يبقى بايعاز من الدولة
!
فى ايه بس
خير
ايه الى مضايقك على المسا
و بعدين كل الحراك الى على النت ده و مش عاوزاهم يبعتوا حوت يعض الكابل تانى
ههههههههههههههههه
ده انا مستغرب من صبرهم
بس مش حنغلب
و مين سحر الجعارة دى و ايه الموضوع كله
هههههههههههههه
يعني الواحد على اخر الزمن يجيلو اتهام بالانتماء لتنظيم الملحدين المحظورة
مش بعيد مهدي عاكف يحترف في التنظيم دة :D
وانها لمنافقة
انظروا ماذا كتبت قبل ٣ اعوام الا قليلا ؟
http://musr1910.blogspot.com/2010/03/blog-post_03.html
وهذا بلاغنا ضدها ولن نسكت او نصمت او منتكلمشي
http://musr1910.blogspot.com/2010/03/blog-post.html
نوارة شفتي دة
http://www.youtube.com/watch?v=aVIyUXJg3u8
Hamas Leader Sheikh Hassan Yousef's Son of hamas
ابن حماس مصعب حسن يوسف
تخيلي لو كنا فتحنا الحدود على البحري
كان كام واحد زي مصعب دخل سيناء
بدون الخوض فى كاتبة المقال/ سحر جعارة فانا لا أعلمها ولا أستطيع أن أحكم على نواياها ومدى صدقها
لكن عموما أنا أؤيد حظر هذه المدونات ومحاكمة أصحابها
لأن هذا نشر للفتنة والكفر فى جوانب المجتمع المسلم
وسب فى الله وفى رسوله وفى ثوابت الديانة
وحرية التعبير ليست مطلقة بحال من الأحوال
ولابد من أن يكون هناك ضابط
المهم أن تكون محاكمة عادلة تنبنى على قانون مستقيم يراعي حق الإنسان الأصيل فى التعبير والنشر دون الإخلال بثوابت الشريعة وقيم المجتمع
والله المستعان
السلام عليكم
بصرف النظر عن عدم اسباب المقال
لكن المواقع دى توحشت جدا
ومهاجمتها للاسلام فجة ورخيصة
وبتدعو فعلا لفتنة
وبعضها تحسى انه مش ملحد ولا حاجة
لكن ستار لمهاجمة الاسلام بضراوة
انا لما بدخل هناك بدافع الفضول
مش بقدر استحمل كم الصفاقة والسب لربنا سبحانه وتعالى
وللرسول عليه الصلاة والسلام
ولكل المقدسات
ممكن يكون عندك حق فى شكك
علشان الحكومة بتعمل كده كتير
لكن بجد المواقع دى بشعة
والحرية ماتبقاش بالشكل ده
من يومين كنتي ماسكة الملحدين ونازلة فيهم سلخ عشان خاطر الست الوالدة وبتكفريهم صراحة وبتقوليلهم يواجهوا مصيرهم بشجاعة طالما بيقولوا رأيهم بحرية والنهاردة بتقولي بلاغ أمني ومتضايقة أوي من طلب الكاتبة فرض رقابة على الانترنت ضد الملحدين والمفترين والمزدرين للأديان
وفي نفس الوقت اللي بتهاجمي فيه رقية السادات عشان بتحب أبوها وبتضايق من الإساءة الغير موضوعية له واللي بتوصل لحد الشتيمة ما بتحبيش تسمعي كلمة على والدك واللي ناس كتير مختلفة عليه
مفهوم أن كل واحد يحترم والديه ويقدرهما ودي ظاهرة صحية لكن لا تحرمي غيرك الحق اللي بتضعيه لنفسك
وإلا نبقى شخصيات عصابية ومتناقضة
هو شيء عجيب و غريب أن تخرج من سحر الجعارة كل الحمية دي. أنا حاسس أني أمام خالد بن الوليد في حروب الردة مش سحر الجعارة بالعك بتاعها. فلكي حق تشكي وأن أشك معكي و لا أجد تفسيرا لحماستها هذه اطلاقا.
و لكن بصفة عامة, أنا ضد حرية النشر عندما تتعارض مع المعلوم من الدين بالضرورة و يشتد اعتراضي عندما يكون معظم ما يفعلونه هو الاستهزاء بالدين أكثر من القيام بنقاش و اقناع بالحجة و المنطق.
رحم الله الهادي و المهدي و الرشيد,,, ما من أحد كان يجرؤ على التفكير في الزندقة و الالاحاد إلا و يولعوا فيه بجاز وسخ
,
,
,
أنا حاسس ان مواطن مصري لو اتكلمتي في السمك المقلي حيحول الموضوع من السمك للاخوان,,,, هو الدبور ده مش حيسيب دماغك أبدا.
قناة الحياة والمحور جايبين نطق الحكم فى قضية هشام طلعت مصطفى والسكرى
اية الاهتمام الغريب دة افتحوا اتفرجوا بس جوا القاعة الناس بتضحك لييييييييييية؟المفروض دية لحظات مصيرية وقاعدين يشكروا فى هشام ويدافعوا عنه على القناتين؟!!!!!!!!!!
سحر الجعاره دي بتاعت بروبجاندا
وبتمثل وبتتصنع الاشياء
ياريت يرموها من الشباك
نواره شوفى دى
http://hegabs-nekabs.blogspot.com/
الاخ مواطن مصرىلا تقلق احنا مش خايفيين من جواسيس اسرائل من فلسطينى غزه الاسرايئلين بيدخلوا سيناببطاقات الهويه
اانت بتحاصر شعب بحاله وقافل الحدودالطبيعيه فى وشه احسن يجى منهم جاسوس لاسرائييل تخيل جديده دى ولا حتى الابلاسه بتوع الحكومه فكروا فيها
صباح الخير
انا مش عارف ايه العلاقه بس ف خب بيقول ان نجيب ساويرس اللي اعتقد انه مساهم ف المصري اليوم تقريبا هايشتري اسهم الفيس بوك ف مصر
صراحه انا مش فاهم الخبر و لا فاهم ايه الموضوع و مش عارف اذا كان له علاقه بالكلام المنشور دا
http://www.elfagr.org/NewsDetails.aspx?nwsId=16177&secid=3668
الانونيمس اياه
بص يا امور
زمان كان اللي يقول الكلام اللي انت بتقوله ده كنت اضحك عشان ما عندوش كومن سنس دلوقت عذرتك لان اللي عنده كومن سنس في البلد دي الناس بتشاور عليه في الشارع على اساس انه كائن هلامي
انسى الملحدين وخلينا نتكلم عن الاخوان مثلا
ما ينفعش تقدم بلاغ في الاخوان وتطالب بالقبض عليهم زي ما الانسة دي طالبة
كمان ما ينفعش كل ما اناقش اخوانجي يقول لي يا كافرة يا علمانية يا ملحدة
نفس القاعدة تتطبق على اللادينيين
ما ينفعش واحدة زي سحر جعارة تقدم فيهم بلاغ امني عشان يتقبض عليهم
وبرضه ما ينفعش كل ما امي تناقش افاكرهم يقولوا لها يا ظلامية يا ارهابية يا رجعية
وضحت؟
a law for e-crimes in in the works btw and I dnt have any more details except that the draft has been prepared for a couple of years and so far nothing
و لكن يا نوارة لو سلمنا أن اعلان الحادهم مقبول و مناقشاتهم مقبولة
كيف لنا أن نقبل استهزاءهم بعقائد الاسلام و جل ما يفعلونه هو الاستهزاء. و أنا أتحدث عن الاستهزاء السافر و ليس النقاش أو الحوار أو حتى التشكيك.
أنا ممكن أرد على المشكك أنما المستهزيء كيف أرد عليه إلا بنفس اسلوبه, يعني أشتمه من الأخر بالأم كلمة أبيحة مش حقولها و هذا شيء لا يفعله مسلم. بل سينسى استهزائهم و يبقى أن المسلمون يسبون فقط و نكون نحن المخطئون.
المستهزئ لا يريد التعلم أو الوصول للحق, فلا سبيل للحوار معه إطلاقا لأنه أصم أذنيه, و أيضا لا ننحدر لنفس أسلوبه. فلابد من تدخل القضاء في أمر هؤلاء لأنه الجهة المحايدة التي تعاملهم بما يستحقون و إلا كانت فوضى
.
.
.
مرة أخرى مواطن مصري: أنا لم أكن رأيت الفيديو أو عرفت الخبر,,, يعني الراجل طهأ منك و مش سايبلك حماس و الاخوان و بس, ده سابلك الاسلام كله و بردو لسة زعلان, ده أنت غريب يا جدع طب يعملك ايه أكتر من كدة
هههههههههههههههه
البني ادم يتناقش
ويقبل النقاش
او
يقول شكرا انا مش عايز اخد وادي في الكلام
وفي الحالة دي ما ينشرش كلامه لو مش قابله للنقاش
والانسان
ما يتخفاش ويستتر ورا حاجة مش بتاعته عشان خايف
ولما يبقى عنده الشجاعة انه يعلن عن نفسه زي الملحدين العرب او مواقع الالحادية
ما يتمش ارهابه ببلاغات امنية وتهديده بالاعتقال او المنع
وانما يتم مناقشته
ولما اجي اناقشه ما يعملش هو بقى العكس ويفضل يتهمني ويهددني هو كمان
ماهو ده اللي حصل
أنا الأمور يا أمورة
اوك وجهة نظر وكلام نصه منطقي في موضوع الملحدين لكن ده مايمنعش انك برضه عندك ازدواجية وواضحة
وبما إنه كده يبقى كله يتقدم ضده بلاغ مش المجاهرين بالإلحاد بس ولانهم مستهزئين ومتعمدني تشكيك مش محاورين
واللي مش عاجبه البلد ده مسلم وشعبها ما بيعجبوش كده اغلبيته يعني فيروح يطرطش كلامه ده في أي داهية تانية
نوارة افهمى كلامى صح وبراحة
هو مين عندك اغلى ؟؟ باباكى والا سيدنا محمد
لو واحد قال على ابوكى خنزير وارهابى هتعميليه ايه؟؟ اكيد هتنطى فى كرشه صح
؟؟
طيب دووول بيشتموا سيدنا محمد طول الوقت والقران وبيسبوا الدين .. ايه باااه؟؟؟
انا عارفة انو ليكى صحاب كتير ملحدين من بتوع وسط البلد والافترايت احتمال عشان انتى عارفة انهم انسانيا
طيبيين متعاطفة معاهم
اللى عايز يلحد يا ستى يلحد بس ما يشتمش نبينا ولا يستهزىء بيه وساعتها محدش هيجى جانبه
شكرا
Post a Comment