العزيزة
incomplete
قالت ان الموضوع ده مش هزار
مش بوست يقعد يومين ونقفل على كده
احنا لازم نقف وقفة من اللي هي كده
وبالفعل
قمت بعمل بلوج
الحوار عليكوا حق
وادي اللنك بتاعه
اللي عايز يبقى من فريق البلوج يتفضل معايا
بس يقول لي اعمل ايه
مش بس كده
انا ح انقل كل التعليقات اللي اتكتب في الموضوع ده
واعملها بوستات في البلوج التاني
تحياتي
20 comments:
بنت عمى
السلام عليكم أنا معاكى جدا خصوصا أنى ليا علاقات كتيييير بإخواتى المسيحيين وكمان المسلمين وحابب أكون من الناس الى تعالج هذا المرض الخطير وتطهر المجتمع المصرى من هذا المرض
يارب يكون فه إخلاص العمل ده وتكون النية صادقة لله سبحانه وتعالى
ابعت لي ميلك ع الميل اللي انا نشراه وانا اعمل لك انفيتاشن
ع المدونة الجديدة
ماشي؟
انا عجبتني جداً الفكرة وحمستني اني اشارك الحوار معاكو وانا نقلت نسخة من الموضوع على منتدى كفاية علشان نشوف الناس هناك رأيها ايه
الاقباط بيكرهوا المسلمين وا الاقباط فى الخارج شغالين الله ينور . شتيمه و حقد وا قلة ادب و شكاوى لماما امريكا وا بابا الفاتيكان زي بالاضافة لابوهم الراجل السافل زكريا بفلز اللي سايب الانجيل وا قاعد طول النهار يفسر لنا القران علي مزاج الست والدته وا باوجه لهم نصيحه لوجه الله انهم يبطلوا سفاله وا تطاول علي اخواتهم المسلمين (المش غزاه).
الاستاذ اللي سايب ميله
يشرفني يا زعيمة الجبهة الانضمام للمشروع
اتمني حضرتك تقبليني معاكم في المشروع اذا كنت حضرتك و مينا توافقوا يعني
المايل بتاعي حبعتوه علي المايل سالف الذكر
شكرا يا زعيمة
انا مش عارف فين المايل اللي ابعتلك عليه
عموما ده المايل بتاعي
haniology@gmail.com
mohamad_hany@hotmail.com
شكرا جزيلا
في انتظار الرد بالقبول او الرفض
:)
الاخ محمد هاني لسة حالا شايفة تعليقك
حالا ح ابعت لك انفيتيشن
ليه الاقباط وضعهم مختلف؟ همامش اقليه زي المسلمين في امريكا و اروبا؟ و بعدين مش هما الاقباط اللي عاوزين ديمقراطيه زي بتاعه امريكا؟ اومال بيشتكونا لامريكا ليه؟ طيب و امريكا فيها كام عضو مجلس شعب مسلم؟ واحد يا حسره و مطلعين روحه
و كام عضو مجلس شوري؟ مفيش
و كام وزير؟ مفيش
طايب كام مسلم في وظيفه قياديه في البوليس او ال اف بي اي او ال سي اي ايه؟ برضه مفيش
طيب ليه الدنيا اتقلبت في فرنسا السنه اللي فاتت لما المسلمين حصلوا علي تصريح بناء جامع في مدينه تولوز الفرنسيه مع العلم ان المسلمين في فرنسا هم %10 و انتهت القضيه بسحب الترخيص
و ايه حكايه منع المحجبات من دخول المدارس و الجامعات في اوربا؟ دواعي امنيه؟
يالا ما علينا
طيب فين الدوله الحلوة دي اللي الاقليه فيها بتحكم الاغلبيه؟
انا معنديش مشكله ان الاقباط يبنوا كنايس او يطالبوا بحقوقهم .. و ياخدوها كامله متكاملة . . حلوة متمكاملة دي . . هههههه . . . بس انا مش موافق علي قله الادب و السفاله اللي بشوفهم بيعملوها في الخارج زي علي سبيل المثال ابوهم زكريا بقلظ لما يطلع في التلفزيون و يهددنا ان امريكا حتضربنا بالصواريخ . . او الاستاذ مايكل منير اللي لسانه نشف و هو بيطالب بقطع المعونه الامريكيه عن مصر . . اقول ايه و لا ايه . . انا في العادة بحتفظ براءيي لنفسي . . بس الست نواره دي غاليه علينا قوي . . و تحياتي و حبي للجميع
الاستاذ اللي سايب ميله
يا معلم يا بتاع
"""""لانتي حتبنيلهم كنايس
و لا هما حيبطلوا يسبوا دينك و اليوم اللي شافوا المسلمين فيه
الاستاذ اللي سايب ميل""""""
انا مسيحي و بقولك من نفسي اسألك سؤال من نفسي:
و حياة عنيك و عافيتك يا أخي و دينك اللي انت محروق قوي من اللي عايزين يبنوا كنايس
إحنا اللي بنقول ورا شيوخ الزوايا كل يوم جمعه آمين لما بسلامته يدعي
اللهم يتم اطفالهم و إنصرنا علي اليهود و النصاري و أعداء الإسلام؟!!!!!!!!!!!! ولا انت مش بتصلي الجمعة أصلاً و احنا بس اللي بنسمع الكلام ده ولا هتقولي إني بألف قصص و حواديت
لو مسمعتش شيخ بيقول كده إخطف رجلك للمعصرة ولا دار السلام ولا حدايق المعادي و اسمع من الدعا علينا من المنقي يا خيار علينا و علي عيالنا و ستتاتنا و اللي خلفوا اللي جابونا الأحياء منهم و الأموات مع إن الميت ماتجوزش عليه غير الرحمه!!!!!!! ولا الموضوع ده كمان متعرفوش
انتوا عاوزينا نصدق مين و عاوزينا نصدق ايه؟؟؟ انكم بتحبونا!!! هأوووووو كان زمان
المسلمين مابيشتروش غير من المسلمين و ما يشغلوش غير المسلمين و الكلام ده حصل معايا شخصياً و و الله مش مره واحده!!!! لو مش مضطرين و مش قادرين تحركوا اللي ماسكين الإقتصاد زي الجواهرجيه و رجال الأعمال و الصيادله الي آخر اللسته اللي انت عرفها من الأعمال اللي إحتكرها المسيحيين كان زمانكم رميتونا في المالح من زمان انتوا بتعاملونا أوسخ من معاملة اليهود يا مؤمن!!!!! و للأسف الإنكار مش هايفيد ان ده مش صح إلي آخر الكلام الفاضي ده
انتوا بتكرهونا و عاوزينا نطفش من البلد علشان ده هو النصر علي أعداء الإسلام و نصرة دين الله مع إن ده مش صح بس انا هقولك ده بعيد عن أحلامك؟؟!!!!!! ولا هايحصل و لو حكمت آه أمريكا إحنا بالنسبالها مسمار جحا و بقولك إحنا ده بالنسبه لنا مصلحه
آه مش عاوزينا تحتل البلد أصلها بلدنا برضه بس من وقت للتاني قلمين علي وش العالم اللي زيك كده يفوقوهم علي فكرة انا مرحتش امريكا قبل كده و مش بحبها قوي كده زي ما انت طبعاً هتقول و تقول بصوا المسيحيين بيفكروا إزاي، لأ فوق و شوف ايه اللي وصَّل الحال لكدة فكر شوية قبل ما تسخن و تشتم و تزعق
عاوز اسأل سؤال كمان - معلش طولت عليكوا شوية بس القهر اللي الواحد فيه زاد عن الحد::
بعد ١١ سبتمبر لما مسيحيين مصر بيروحا امريكا مثلاً يعني مبيتبهدلوش تفتيش عشان من مصر يعني؟؟؟؟؟؟
زيهم زي المسلمين و اكتر عشان بشكوا انهم يكونوا مزورين ورقهم و تفتيش ذاتي و كل اللي قلبك يحبه ده غير اللي بيتعمل في الناس اللي هناك من العرب محدش بيسأل ده مسلم ولا مسيحي كله بيتاكل في الرجلين و بعد قانون مكافحه الإرهاب أحمد زي مينا كله هايتلم و بعدين نشوف
سؤال كمان:
لو إفترضنا هزلاً و ليس جدياً ان وزارة التعليم العالي و الواطي و اللي في النص قررت تحط محفوظات من الإنجيل في اللغة العربيه ، هل هايوفق الأزهر؟؟؟؟ و الإخوان و اللي مش إخوان و أي عابر سبيل مِعدي في الشارع؟؟؟؟
و الله اللي عمره ما دخل جامع حتي مش بيصلي البلد كلها هتتوحد لهدم الكنائس مش مظاهرات بس؟؟؟
إشمعني إحنا ولادنا من قدم الدهر لازم يحفظوا آيات من القرآن
( بجد مع كامل إحترامي))))))ـــــ))))----
هل هذا منطقي؟؟؟؟؟ هل لازم في إمتحان آخر السنه أكتب أول ورقة الإجابة بسم الله الرحمن الحيم و إلا ابقي من المشركين و الكفار اللي مستنيين نصر ربنا عليهم
ما الذي يمكن أن يتعله و بفهمه الطفل المسيحي من أنه مضطر ان يحفظ آيات من دين ليس دينه؟؟؟؟؟؟؟
ردوا عليا...... بجد
هل هذه حضاره؟ هل هذا من التي هي أحسن؟!!! بجد يا جماعه؟؟؟؟
مش هاتكلم عن الوصول لمناصب حك،ميه او في الشرطة أو في الوزارات السيادية أو لا سمح الله الجيش أو حتي المحافظين لحسن تقولوا عليا ده شكله أهبل
نواره اهو واحد مسيحي رد هتشتميه ول هتلغي الرد بتاعه
؟؟؟؟؟؟؟؟
شكرا و ربنا يعينك علي الوطن بالله بجد
معلش معرفتش أعلق هناك عشان معنديش الفيتيشن
تحياتي يا نواره
و بجد انا يحب مدونتك قوي و بحترم آرائك جدا بس ده اللي جوايا انا مسيحي و بجد مش عشان مدنه انا ٩٠٪ من آصحابي مسلمين ولاد و بنات
الاخ المسيحي المجهول كالعاده
اشكرك علي قله ادبك في الرد - كالعاده برضه
و واضح انك من انصار زكريا بقلظ اللي حيوديكوا في داهيه انشاءالله
كما ذكرت سابقا . . انا اؤيد مساواة المسلمين و المسيحين في المواطنة و الحقوق و الواجبات
و لكني اعترض علي الاسلوب الدنئ اللي سيادتكم بتعبروا بيه عن مطالبكم
يمكن سيادتك زي اغلبيه المصريين مش بتشوف و لا بتسمع حتي جزء من الوساخه اللي اخواتك الافاضل عملينهافي المهجر و انشاءالله ابونا ينعم عليك بكارت توصيه من اياهم و يبعتك علي سفارة دوله غربيه عشان تنضم لاخواتك المحترمين و تساعدهم في شتيمه الغزاه المسلمين اللي احتلوا مصر من 1400 سنه . . وما تنساش تشتم محمد نبي الاسلام باقذر الصفات . . و تمشي في مظاهرةبتطالب بقطع المعونه عن مصر . . عشان الرب يباركك
و بعدين هما فين القلمين اللي علي وش العالم اللي زيي؟ انت بتحلم و الا بتخرف؟
هو مين اللي عمال يعيط طول النهار انه بينضرب في مصر؟ انا و الا سيادتك؟
اكلمك بلغتك؟ حاضر . .
يا معلم الصياعه جدعنه مش هز طياز
و قله الادب و السفاله و الرزاله مش حتوصلكوا لحاجه بالعكس . . الناس
كرهتكم اكتر
الاستاذ اللي سايب ميله
يانوارة بعت الميل بتاعى
nawara_negm@yahoo.com
ولغاية دلوقتى ولا دعوة ولاشىء, عارف أن مسئولياتك كتييييييير
ربنا معاكى
انا المسيحي المجول كالعادة
يا عم الاستاذ اللي سايب ميله
انا مش بحب زكريا بقلظ و لا بحترمه و الله لانه مش بيحترم المسلمين و بجد أسلوبه مش محترم في الحوار و هذا غير مقبول ده اولاً
ثانيا انا من طائفة أخري غير طائفة زكريا و لست من هواة الكروت
ثالثاً أعتذر عن الإساءة الغير مقصوده لشخصك و لكن انت متضايق او هكذا يبدو من إسلوبك!!! لماذا لا تريد أو توافق علي أن أرد عليك علي نفس المستوي من الغضب؟؟؟؟؟؟
انا مش بعيط من الضرب في مصر و لو انا و انت وقفنا جنب بعض في مظاهرة هنضرب احنا الاتنين لا هايفرق مع اللي بيضرب مين مسيحي و لا مين مسلم و انت عارف كده كويس
و انا مش موافق علي اللي بيعملوه بتوع المهجر دول عالم بتجعجع و هما مش شايفين حاجه أصل اللي حاطط صباعه في طيظ غيره يدوس أوي يا معلم
عموماً احب اقولك إني مش صايع و مش من هواياتي الجعجعة بلا طحن و انا بحترم رأيك لأنك في حاجات كتير عندك حق كرد فعل لما يفعله اقبط امريكا و زكريا تحديداً، و لكن اتمني ان تغير رأيك في ان ما يفعلونه يجب ان ندفع نحن ثمنه،
شكراً لِسعة صدرك،
تحيات.
المسيحي المجول كالعادة
نواره، تلقيت هذا علي الميل، هل عندك أخبار بالموضوع ده:
أحداث مؤسفة في الإسكندرية... حادث الإعتداء على الأقباط في منطقة عبد القادر بحري بالإسكندرية
شباب مسيحي ومسلم و في يوم الجمعة بعد الصلاة تجمعوا على إحدى المقاهي المقابلة للكنيسة وأتفقوا على الهجوم بعد صلاة العشاء ثم صلوا العشا جماعة وفي2 بدأت الأحداث يوم الخميس بمشاجرة بين م قام بلطجي يدعى هراس الديب تاجر مخدرات وتحرش بالمسيحيين وقال لهم أقفلوا المحلات يا كفره و قام بسب كل المسحيين وقام بضرب الأستاذ ياسر حسان (مواطن مسيحي) بالسيف في9:45الساعة رأسه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الاستاذ المسيحي المجهول
اعتذارك مقبول و انا كمان بعتذر عن اي اساءة غير مقصوده لشخصكم الكريم
انا واحد من الناس اللي عمري ما بصيت مين مسلم و مين مسيحي و كنت دايما مؤمن بانه الدين لله و الوطن للجميع
و عند صاحب قبطي بيحبني اكتر من اي صاحب مسلم تاني
ايوه . . الاقباط ليهم حقوق . . و عندهم مشاكل . . و من حقهم يبنوا كنايس . . امال يصلوا فين؟
و من حقهم يشتغلوا في اي وظيفه تعحبهم . . زي اي مسلم
و مفروض كمان المسلمين يكون عندهم شويه ذوق و يبطلوا دعاء علي النصاري
و كمان مفروض انه يتم توعيه بعض المسلمين الجهله اللي عاملين فيها الشيخ الشريب و عاوزين يدبحوا في خلق الله
و اخيرا و ليس اخرا . . نفسي اشوف قداسه البابا شنودة و كبار الاقباط . . بيدينوا كلاب المهجر . . و زكريا السافل . . اللي عاوزين مصر تنضرب بالصواريخ . .
الاستاذ اللي سايب ميله
صديقي:) الاستاذ اللي سايب ميله
تيجي نبقي اصحاب!!!!!! و الله العظيم ما بهزر!!!! و ندي العلم اللي بتقرا دي درس في ابسط آداب الحوار،
صدقني بتكلم جد
انا كمان عمري ما بصيت علي مين مسيحي و مين مسلم
طول عمري معظم اصحابي مسلمين، طول عمرنا عادي ملناش فيه
كل واحد حر يعمل اللي عايزه - دينه و اللي بينه و بين ربنا و هو مسؤل عنه-
انا المسيحي الوحيد في الشغل بتاعي علي حوالي ٥٠ زميل كلهم مسلمين و هزارنا كله علي الموضوع ده،
كل ما حد يهزر معايا اقوله هاخبط دماغي في الحيطه و اطلع علي امن الدولة أوديكوا كلكم في داهية و قانون الطواريء في صفي و انا اهو و انتوا اهو -
طبعاً كل ده هزار و ضحك ولا في حساسيات و لا اي حاجه، بجد الموضوع سهل
المشكله في الجهلاء من الجانبين
جهلاء المسيحيين لديهم مشكلة هواية الإنسحاب التي زادت بعد إنعدام فائدة المواجهة سواء مع الأفراد او مع الحكومة و الحركات بتاعة فطار رمضان اللي كل يوم في حتة كلنا عارفين إنها عدة النصب!!!!! و من ناحية أخري - حلوه دي مديه علي قناة الجزيرة شويه- جهلاء المسلمين اللي بيدعوا علي المسيحيين و يسخنوا الناس عليهم و الناس -البسطاء منهم فقط طبعاً و ليس المتطرفين- بيسمعوا و من غير تفكير هوب حريقا
الحل إيه؟!!!!!! من وجهة نظري المتواضعة
إن الناس اللي عاوزة تحل من الطرفين يتكلموا مع بعض من غير رقابة الوصاية من الشيوخ و القساوسة
بجد هما لا بيحلوا ولا يربطوا دي عالم ادمنت السلطة عاوزينا زي الغنم يسوقوها شمال شمال يمين يمين،
قولي ايه رأيك؟؟؟؟؟
و رد عليا
الاستاذ المسيحي المجهول
علي فكره عجبني قوي اللقب ده واضح انك مثقف ان هامضي بيه في اي حاجه بعد كده بجد!!!!!
نواره
انتي سايبانا نتكلم و مش بتبصي علي التعليقات ليه؟؟!!!!
فاتحاها سبيل كلام ماتفهمينا فتحتي الموضوع و نمتي ولا ايه!!!
و الله شكل مدونة عم احمد هاتاكل منك الجو،
ردي عليا انا و صديقي المستقبلي الأستاذ اللي سايب ميله من فضلك بس بعد ما تقري كل اللي احنا الإتنين كتبناه لو سمحتي
الاستاذ المسيحي المجهول كالعادة
العزيز الستاذ اللي سايب ميله
انا لسه شايف ردك الل علي مدونه حوار حق
اللي فيه من اولاً لغاية تاسعاً
و عندي رد علي كل حاجه فيه بس نفسي نبقي أصحاب الأول و مستني ردك علي الموضوع ده الأول و بعدين بعد ما اعرف ردك نكمل كلام
ok????
انا كل اللي كان قصدي اقولهولك اني اقول وقائع حاصله في بلدنا و في رأيي الحوار مش لازم حد يكسب فيه بقدر ما نحاول نوحد الآراء و نقرب وجهات النظر مش إن حد يطلع كسبان و يبقي المنتصر الذي لا يقهر
و لا ايه رأيك؟؟!!!! بجد الأسلوب بتاع مين كسب في المناظره ده هو اللي خَرّب العلاقة بينا كلنا من ساعة ما بقي حد لازم يطلع كسبان،
و هذا رأيي
المسيحي المجهول عادة
ملحوظة
ارجوك بلاش كلام صعب في الردود
و لو سمحت من ديموقراطيتك انقل كل ردودي لمدونة حوار الحق و متشكر علي صبرك معايا ، انا عارف ان الكفاتسه متعبين قوي اهو من باب قبول الآخر:)
الاستاذ المسيحي المجهول
اهلا بيك صديق عزيز و اخ فاضل للغلبان اللي سايب ميله
انا لسه فاكر لما كنت عيل صغبر في السبعينات . . ماكنش فيه حاجه اسمها اقباط و لا مسلمين
و كانوا جيرانا المسيحين كل يوم عندنا . . و احنا كمان كنا قرفينهم . . طول النهار نطب عليهم و ناكل عندهم . . اصل احنا عيليتنا تعز بطنها قوي
و كنا نروح الافراح في الكنايس و نروح حفلات الكريسماس . . و اختي شقيقتي متخرجه من مدارس الراهبات
كان لسه في خير . . كان حال البلد احسن ميت مره من الايام السوده دي
كان لسه في شقق . . و كانت الشوارع مش زحمه . . و كان الاكل ليه طعم . . و اغلبيه الناس بتحب بعض . . و كان لسه في ذمه و اخلاق
مكنتش تسمع حد بيشتم و لا بيسب دين في الشارع
و ماكنش حد خايف يروح القسم عشان يطلع بطاقه ولا يختم ورقه
كانوا ظباط الشرطه في حالهم و مكنش فيه تعذيب في الاقسام
و لما حصل موضوع الزاويه الحمرا مكناش فاهمين ايه اللي بيحصل . . عمرنا ما سمعنا عن مسلمين و اقباط يدابحوا في بعض قبل كده
و بعدين جا عمك السادات و قال انه الاقباط بيخزنوا سلاح في البدروم بتاع الكنايس . . و دقي يا مزيكا
و بعدين جا عمك حسني و قلب عاليها واطيها
اقسام البوليس بقت بتتنافس علي احتلال مركز الصداره في اهانه و تحقير و تعذيب المواطن المصري
ظباط البوليس بقوا قطاع طرق
و جاب كل الشباب اللي مش متعلم حطهم في الامن المركزي . . عشان يضربوا الشباب المتعلم اللي مش في الامن المركزي
والوزراء بيسرقوا . . و نواب مجلس الشعب بينهبوا . . و اي واحد شغال في مكتب حكومه فاتح الدرج و مستني المعلوم
و المسلم زعلان من القبطي . . و القبطي زعلان من المسلم . . و يا ريتنا حتي عارفين احنا زعلانين ليه
و بعد تفكير طويل . . اكتشفت حكمه و ذكاء و دهاء قس ابونا زكريا بطرس
هو اكيد عايز امريكا تضرب مصر بالصواريخ . . لعل و عسي صاروخ منهم ينزل علي اللي بالي بالك و يريحنا منه هو و المحروس الصغير . . يمكن مصر ترجع تاني زي ما كانت
اخوك
الا ستاذ اللي سايب ميله
مِعلمي الأستاذ اللي سايب ميله ولا اقولك عمرو و نِخلص
الكلام ده كان بعد السبعينات كمان و لسه لحد دلوقتي و هايفضل للأبد، الناس العاديه اللي زيي و زيك مستريحيين علي كده بس الفتنه و العنف هي اللي بتسخن الناس علي بعضيها
طول عمرنا عايشين في بيوت بعض و في الجامعه الشلل مافيهاش كلام فاضي من ده و احنا عيال كنا بنخش البيوت كلها عشان نعلق زينة رمضان في البلكونات و ده تحت و ده فوق و ماكانش فيه الكلام الفاضي اللي معمول ده،
كلنا متضايقين من الخناقات اللي بتحصل ناس تموت و ناس تتعور و قضايا و العيشه بقت خنقه خِلقه كله مضغوط دروس و مصاريف و عيال و زحمة
احنا في كل ده مع بعض
إشمعني سبنا كل القرف اللي احنا فيه مع بعض ده و مسكنا في الحاجه الوحيدة اللي احنا مختلفين فيها و اشمعني دلوقتي؟!!!!!!!! هاموت و اعرف
طب اضحكك
العملا بتوع الشركة كانوا قبل ما يعرفوا اني مسيحي كانوا قبل ما يصلوا يسيبوا ال٤٩ مسلم اللي في الشركة و يسألوني انا عن القبلة و كان المكتب كله بيضحك عليا لغاية لما سألت هي القبلة منين و بقي اللي يسأل أقوله و برضوا يضحكوا...... في الآخر قلتلهم يا اخواننا الصلاه علي النيه ..... مش كده ولا اييييييه
الله يرحم عمو فؤاد
سيبك انت احنا لو إتسبنا علي بعض هنعيش زي ما طول عمرنا كنا عايشين
و الدين لله و الوطن للجميع
و لو صاروخ جه من اي حته هايفرتكنا انا و انت
ولا هايفَرّق و هو نازل علي دماغاتنا مين مسيحي و مين مسلم البلد هاتخرب علينا كلنا
تحياتي
يا اخوانا المؤشرات كلها بتقول ان فيه خطة لاشعال الفتنة
واحنا عايزين نلحقها
قبل ما تحصل
وعشان كده كويس اننا نتكلم مع بعض
وعشان كده سيبتك يا عم مسيحي مجهول انت والاستاذ اللي سايب ميله تتكلموا
وسعيدة باللي وصلتواله
وان شاء الله ربنا يحفظ مصر من اي شر
Post a Comment