المدونين بيتقبض عليهم
وبيتسجنوا
ويتعمل لهم قضايا
ويعتقلوا
ويشهر بيهم
وتشن ضدهم حملات لاغتيال سمعتهم
والحملات دي ضد كل المدونين
من كل التيارات الفكرية والسياسية والعقائدية
كل ده عشان ايه؟
عشان بيفضحوا فساد الدولة
عشان بيعبروا عن نفسهم
عشان بيحبوا البلد دي وبيخدموها؟
هم بيكرهونا في البلد ليه؟
برضه قاعدين ومش ح نسيبهالهم
ارحمووووووووناااااااااااااااا
بقىىىىىىىىىىىى
9 comments:
بجد يا نوارة كدة زيادة قوى ... زيادة جدا بشكل مستفز
انا مش شايف قمع للمدونيين بالصورة اللى انتى بتصوريها دى انا حسيت اننا بندون من السجن كلنا
اللى اتقبض عليهم عددهم لا يتجاوز اصابع اليد و اتقبض عليهم علشان سبب بعيد عن التدوين نهائى
كمان المدون مش على راسه ريشة علشان اى لمسه تحصله يتعمل عليه افلام ركزوا احسن فى باقى البلد و باقى الناس اللى محتاجة فعلا مساعدة
كمان سرعة عمل البانارات دى هاتخلى اى حملة بعد كدة عبارة عن صياح لكذاب القرية
كدة مش هاينفع بجد
بجد يا جيمي انت اللي زودتها قوي
كل ما مدون يتقبض عليه تقول يغور في داهية
المدون مش على راسه ريشة
بس هو اساسا ما عملش جريمة عشان بيدون
وبتقبض عليه عشان التدوين
امال عمر كان رايح يغطي الانتخابات لقناة الجزيرة؟
ولو كنا ما بنعملش بانارات ولا بنسأل في المدونين اللي بيتقبض عليهم كل تلات ايام
كنت قلت لنا طيزكوا تقيلة وما بتتحركوش وانتوا جبنا وانتوا ولاد وسخة
عشان انت عايز تشتم وخلاص
هما مش عاوزينا نسيبها
هما عاوزينا نسيبهم فى حالهم
اولا انا ما قولتش مدون يغور فى دين ام داهية و حاولى تتناقشى مش تاخدى ظاهر الكلام
ولا عمرى ما قلت لك جريتوا عملتوا بانارات بسرعة ليه دايما بسكت و أضحك لانكوا هاتتحولوا لكداب القرية عن قريب ان شاء الله
اولا الموضوع فيه كذا جزء
اول واحد المدونيين مش صفوه و لا فئة لا يجب التعدى عليها لمجرد انه عامل مدونة لان بعد كدة هانلاقى النصابين و الحرامية عاملين مدونات علشان يلاقوا حد يدافع عنهم
ثانيا : الناس طالع دين ابوها بعيد عن التدوين و دلوقت اصبحت كل المشاكل الىل بيتكلم فيها المدونيين مدون مش عارف اتحبس مدون اتسرق مدون عيان زى ما يكون المدونيين نفسهم بقوا مادة اعلامية مش اداة اعلامية
حاجة احا زى الفنانيين سيبنا دين ام الفن و عمالين نتكلم مين طلق مين و مين سرق مين
ثالثا : اللى أعرفه و أتعلمته بصراحة ان كتر الهموم بيعلم البكى لما نقضيها حملات عمال على بطال و بانارات شويه بشويه هاتفقد معناها و دة شىء اى حمار يعرفه يعنى هايبقى المدونيين دول عادى طز شويه عيال و كل يومين يعملوا شويه صور لناس اتحبست على النت و خلاص
رابعا : مستغرقين فى دين ام خمسة ستة بيتحبسوا و خلاص و سايبين البلد تولع يا ستى انا واحد من الناس قايل لو اتحبست و حد ساب شغله و قضاياه و اتكلم عنى هاخرج اطلع دين امه و انا عن نفسى الخميس اللى فات مقبوض عليا و قاعد خمس ساعات فى القسم و ما اتصلتش بحد و لا قلتله و النبى تعالى الحق مدون اتحبس و انتى بنفسك كنتى بتتصلى بيا و كان تليفونى مغلق ساعتها و بعتى رسالة بعديها لو فاكرة
خامسا : اللى بيقرى مدونات الواحد العادى بقت عنده حالة ملل كل ما يدخل مدونة يلاقيها بتتكلم عن واحد صاحب المدون و لا واحد مدون تانى اتحبس و لا تيزه وجعاه و الناس بى عندها فقر فى الكتابة و فقر انهم يحركوا قضايا اخرهم يجمعوا توقيعات على النت و خلاص
سادسا : الوقت الفارق و اللحظات الفارقة فى تحريك الحملة فى اولويات مش الكل يجرى يعملى بانارات و لسه المقبوض عليه بقاله ساعتين تلاته ممسوك و الله اللى اعرفه اللى يتعمله بانر دة يكون واحد صاحب قضية و اتحبس دفاعا عنها
سابعا : التعامل مع المدونيين ان على دين ام راسهم ريشة احا دة انا بشوف ناس دلوقت بتعمل مدونات علشان تتبلطج على الامن فى المظاهرات و تتحبس دة اسمه خرة
ثمانية : لما كل المدونات تتكلم عن معتقلين يبقى احنا كدة افلسنا خلاص و دة يودينا فى سكة ان التدوين فعلا أفلس و ليس فى الامكان ابدع مما كان
لما تيجى تناقشينى تناقشينى فى كل نقطه و بالعقل فل كدة يا معلم
و بصراحة انا عايز واحد ما جابيتوش ولادة يثبتلى عكس الىل انا قلته دة
ومازال الضحايا يتساقطون
الثورة الايرانية أخدت 77 الف شهيد- كي تصبح ايران على ما هي عليه الآن
الأيام دول......فقط لا تأخذكم بهم شفقة عندما تنقلب الأمور ان شاء الله
هو الكلام مالوش دعوة بالموضوع أوي بس جت علي بالي القصيدة دي اللي مش عارف مين اللى كاتبها
شعر الرئيس .. اهداء الى الشعب
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك وادل اللي جابك وحيكون عدابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
الاخت العزيزة نوارة
انا مكنش قصدي إطلاقا مطلقا تماما المقارنة بينك وبين الاستاذة صافي نازكاظم بس هي اللي جت في دماغي ساعتها ويمكن ده علشان فعلا كنت متأثر بالمقال بتاعها في العربية
المهم
انا مع الواد الصايع اللي فوق ده في بعض النقاط اللي هو قايلها رغم انها كلها شبه بعضها
يعني انا فاكر موضوع منعم كويس والاحداث بتعاته والغليان والمزايدات حتي علي الاخوان اللي منعم منهم اصلا وانهم باعوه وضحوا بيه واهو الراجل طلع ولسه اخوان وعادي يعني
اللي انا عايز أقوله إن في خلط في الفهم بين مدون بيدافع عن وجهة نظر وصاحب موقف ورأي أو حتي مدون فلاش بيكشف لنا أحداث ويرصد أخبار
دول اللي فعلا المفروض تقلبوا الدنيا علشانهم ونطالب ونوقع وحاجات كده
بس سؤال صغير للإخوة اللي بيعملوا الحملات والبانرات حد يعرف إسم عيل من اللي كانوا مقبوض عليهم مع منعم؟؟؟
محدش يفهم كلامي غلط انا بحب منعم جدا رغم عدم معرفتي بيه بس إشمعني منعم دون عن الالف بني آدم اللي اتقبض عليهم من الاخوان
ولا علشان منعم مدون وتضامن مع ناس تانية؟؟
الاخ العزيز جيمي باشا
اهو بحترمك علشان متغلطش فيا
اولا انا مش شايف ان ده وقت مناسب انك تفتح الموضوع وتناقشه دلوقتي
ثانيا : بلاش قلة ادب وانت بتقول رأيك لأن ده بيفقدك المصدقية والناس مبتكملش قراية من كتر سب الدين وقلة الحيا اللي انت فيها
ثالثا : ممكن تقولي الفرق بين اولا وسابعا
رابعا : مش معني ان المدون مش علي راسه ريشه ان احنا لا نتضامن معاه ونطالب بحريته ونعتبر ده في العادي وإيه يعني
لا طبعا مش عادي وحاجة مقرفة اما واحد يتقبض عليه علشان بيصور او علشان بيكتب سواء بقه مدون ولا غيره
خامسا : بلاش موضوع التحدي والولادة والحاجات ديه علشان انت مش في دربي المدونات
وفي قضايا كتيرة نجح المدونين أنهم يثيروها ويتبعوها ويلفتوا ليها الانظار
سادسا : ايه الرغي ده كله متروح يا عم تكتب تدوينة تقول فيها اللي انت عايزة بعيد عن الناس او حتي تسافر بعيد عن الناس ديه وتيجي اسكندرية
بحري
لا إزاي اومال هينكدوا علي ميين !! وسيبونا في حالنا ليه
تحياتي
مفيش يا بحرى
الموضوع كله بيتلخص انى مش لاقى حاجة اقراها كله هرى فى هرى
موضوع المصداقية مين قالك يا بحرى انى صاحب رأى و بقدمه للناس يا سيدى انا على باب الله و لا احب أخد رأى عن حد و لا حد ياخد رأيه عنى
كمان تقريبا دة المكان الوحيد و المدونة الوحيدة اللى برد فيها لان اساسا ماحدش بيستحملنى الا اختى و لا يا ايه يا معلم نوارة الكل عايز اللى يرد عليه يطبطب و انا مالياش فى الطبطبة الصراحة
و الموضوع مش ماراثون و لا مسابقة انا الصراحة فعلا عايز حد يثبت عكس الكلام دة علشان انا جيبت أخر
Post a Comment