تعبانة شوية انا
بس اسلاك بيه كان طالع برة القفص قبل ما ترفع المحكمة
وزنزانة قالت لي انهم قبل ما اجي اوموا عماد من البنش اللي قاعد عليه عشان عايزين
يقعدوا اسلاك بيه على البنش اللي وراه
عماد شكله قلقان
انا مسجلة كل وقائع المحاكمة
ونقلت منهم بتاع اتناشر فايل
ولسة بانقل
مرافعة النيابة كانت رائعة
ومرافعة الاستاذ ناصر امين كانت رائعة وعظيمة
تحس ان واحد بيدافع عن ابنه او اخوه الصغير
لحد ما ريقه نشف
انا برضه مسجلة المرافعة كلها
المفاجئة
ان فيه واحد من المتهمين اللي في القفص بيتهم
اسلاك بانه عذبه ولفق له قضية
انا مسجلة معاه برضه
المفاجئة السارة بقى
ان هيئة الدفاع بتاعة اسلاك
قال جايبة الفيديو وحاطة عليه مزيكا
عشان تثبت ان اي حد ممكن يحط اي صوت
شوفوا الفيديوهات
فيها كل حاجة ان شاء الله
الحلسة كانت سرية بس اذنوا للاعلاميين انهم يحضروها
!!!!!!!!!!
الفيدوهات اهيه
الاول عرض النيابة للفيديو بتاع عماد
وكيل النيابة محمد بكر اللي ساند عماد
ما قدرش يبص على الفيديو ودور وشه
وبعدين النيابة عرضت الفيديو بتاع معاينة القسم
وبعدين
المستند اللي قدمه سعيد جميل وبقية طقم الدفاع
حاطين مزيكا على التعذيب
على رأي مينا
ناس سادية
وحاطين صوت واحد تاني عمال يقول: يا حيوان يا قليل الادب
عماد كان زعلان ان اسلاك برة
ودي ست بتقول انها اتلفق لها تهمة
وانها شاهدة على تعذيب الراجل اللي قعد يحسبن ده
وده الراجل
بيحكي حكايته
مرافعة النيابة
وبعدين مرافعة الاستاذ العظيم ناصر امين
ربنا يحميه
تم تأجيل الجلسة ليوم الخميس بعد بكرة
لسماع مرافعة الدفاع
ويارب تبقى نطق بالحكم ويبقى أقصى عقوبة
على المجرم اسلام نبيه
قولوا امين
10 comments:
مش عارف اقولك ايه يا نوارة على مجهودك دا كلمة شكر متسويش مقدرة جهدك لتغطية المحاكمة
ربنا ما يحرمنا منك
وربنا مع عماد يوم الخميس وينتقم من اسلام والزايو
السلام عليكم
نوارة شكرا ليكى جدا جدا على التغطية
كل ظالم وله نهاية ان شاء الله انا متفائل ان شاء بيوم الخميس ويكون عييد لينا كلنا
وهاعزم الناس اللى معايا فى الغربة هنا ,معلش بقى كنت نفسى اعزمكم كلكم بس للأسف 3000 كم مسافة كبيرة
ربنا معاكم
شكرا جدا يا نوارة على المجهود الرائع و انشاء الله يأخذ العقاب اللى يتستحقه علشان اى كلب بعد كده يعرف انه مش بعيد عن العدل اللى مفروض يتطبق
بس يا رب القضاء يعدل علشان الثقه ترجع فيه من جديد و شكرا
AMEEEEEEEEEEEEEEEEEEEEEEEEEEEN
bas ostaz 7'aled ya nawara by2ul ano islam 7ay7'od sana bas !!! b3d kda yseeb el shorta we y3od sana b3deen y3mal altmas we 7yrg3o tane we yr2oo kmaaan !!!! we b3deen yan2lo 7ata feha floos zay el mtaar !!!
2al we a7na ban2ool lw 7'ad talata 7nb2a mdy2eeen !!!
انا نفسى اشوفيك يا نوارة علشان أشكرك بنفسى على مجهودك الرائع دة
مش ممكن يا عبقرينو دا يحصل ربنا موجود وكمان دا الأستا> ناصر أمين هوا اللى اترافع
المسألة واضحة يا جماعة سعيد جميل ده هو محامى ممدوح اسماعيل بتاع العبارة ويا ريت اللى شافه فى برامج العشرة مساء ولا الحقيقة وهو بيقول ان ممدوح اسماعيل لم يعلن بالقضية يقول معايا قرناااااااي قرنااااااي اووؤ اووؤ
السلام عليكم
رهيب يا نوارة بجد
شغل ممتاز اوى ربنا يكرمك بجد
هايل
ان شاء الله هايخذ الى يستحقة
شكرا على الجهد الرائع
كأننا كنا معاكم في الجلسة
عقبال يارب ماالسادي اللى اسمه اسلاك ده ياخد اقصى عقوبة علشان نحس ان لسه فيه عدل في البلد دي
امين امين امين
يخليكي لنا يا نوارة يارب ومايحرمناش منك ومن تغطياتك ابدا
Post a Comment