Sunday 3 June 2007

انا جيييييييييييييييييت

عودة الندلة
انا جييييييييييييييييييييييييييييييت
لسة راجعة البيت حالا يادوبك
وبالمناسبة دي احب اشكر البنوتة مريم صاحبة مدونة تخاريف من المعادي
على قيامها بدور اللاب توب الخاص
وتدوينها للبوستات اللي كنت بابعتها لها في الموبايل
وسبت اسكندرية المرية وترابها الزعفران
ورجعت القاهرة حبيبتي
ام الزحمة والتلوث واول صخص قابلته كان سائق التاكسي
اللي قعد يشتكي لنا من همه وغمه
وازازة الزيت اللي بستة جنيه
وامناء الشرطة
والتوك توك
والغلب الازلي
لااااااااااااااااحول ولا قوة الا بالله
هي بقت كده يا قاهرة
ايه الاستقبال المهبب ده
=======
بالنوسبة للافراج عن منعم
احب اشكر كل شباب المدونين
وعلى رأسهم نورا يونس
وعلاء سيف
ومينا
ومدونة انسى اللي فيها جنود مجهولين
ووائل عباس
وكل الحبايب وسمعني احلى بودعك

18 comments:

Anonymous said...

وانا قول الدنيا ضلمت ليه؟؟
وكانت منورة من كام يوم
انا اقصد طبعا اسكندرية
عموما مع السلامة
قصدي حمد لله علي السلامة
يوووووه
حاجة فيها السلامة وخلاص
بحري من اسكندرية

Anonymous said...

بودعك اخر وداع
القاهرة نورت

Anonymous said...

والله انتى غاوية تلوث
حد يبقي في اسكندرية ويجي مسروعة ع القاهرة؟
حرام عليكي يا شيخة
احلي بودعك يا اوختشي

Anonymous said...

مساء الخير اشكرك على اهتمامك بخيشة و على وضعك الموقع لينك لعل و عسى حد يفتحه، و حمد لله على السلامة من البحر و الهوا و عودا حميدا الى التلوث و الزحمة و الدوشة

Anonymous said...

لا يا نواره بودعك دي نسمعها يوم الحكم علي اسلاك بطيخ
انما علشان منعم فنسمع احلي زغروته

Anonymous said...

حمدلله على سلامتك

انا حلمت بيكي امبارح
حلمت اني شفتك وقعدت معاكي واتكلمنا كتيررررر
بجد والله مش هزار اصل انا هاجنن واشوف اسمك في التعليقات عندي وبصراحة ببقى متغاظة لما باشوفك بتعلقي عند زوجي الدرويش وانا لأ
مستنياكي
سلام

Anonymous said...

حمدالله عالسلامة

Anonymous said...

حمد الله على سلامتك ياجميلة
وحشتييييييييينا
:)

Anonymous said...

حمد لله على السلامه
وبودعك

Anonymous said...

حمدالله عالسلامة
و مبروك لمنعم

Anonymous said...

مهم للغاية
http://asfoorelsharq.blogspot.com/2007/06/blog-post_413.html

Anonymous said...

حمد لله على السلامة
هو التراب الزعفرانى واسكندرية الماريا معجبتكيش
بودعك يا اسكندرية
اهلا بالزحمة والتلوث اللى بنحبهم ومش قادرين حت نبعد عنهم

Anonymous said...

حطد لله على سلامتك يا نوارة... بتشكوريني على ايه يا ستي... كله بتمنه :):):):)

تسلمي يا نوارة... ده انت اختي و أنا أعملك لاب توب و موبايل و تلفزيون كمان.... :):):)

Anonymous said...

حمد لله على السلامة ... نورتى المعمورة

Anonymous said...

حمدلله على الســلامة
فين التاج أمممممممممممم
لازم هتعمليه

Anonymous said...

طب خلاص إنتى هاتخوتينى
رجعتى م اسكندرية، تقولشى رجعت من جزر الهند الغربية، دولم يادوب ساعتين، بنطلطع اكتر منهم فى أم الاتوبيس الخرة عشان نروح أم المصريين، خلاص هاتعمليلنا بقى بنت بطوطة وشدت الرحال وجايبة فى ايديها حدى عيس من بتاع زمان وستميه واربعين من النياق الحمر بتوع مهر عبلة كل ده ليه عشان جنابها رايحة اسكندرية وجنابها راجعة م اسكندرية وبعدين بتبعتى التدوينات ليه بالموبيل طب هى اسكندرية قطعت فيها النت كافيه
انا مش فاهم انتى محسسانى ليه ان حياتك ملحمة ملحومة فى بعضها وهيييه انا مسافرة هيييه انا قعدت مع سواق قرفنى هييييييييه شامه ريحه وسخة فى اول الطريق الصحراوى وتلوث هييييييييييه مش عارف ايه بتنجان
خلاص يا أمى ورحمة ابويا انا كمان بيحصل معايا ده كل يوم وكاتم الدم ع القيح ورابط دمعتى ورا حواجبى ومقضيها وعايش
عايز تكفرى امى بقى كل ما ادخل مدونتك قولى انك بقى مستهدفانى دونم عن خلق الله
انا على الطلاق ما مهوبلك مدونة تانى
انا الربع اللى فاضلى فى النافوخ لسع وكل عامون وانتم فى نيله
انا هانط من على كوبرى الساحل بكره الساعة سته وربع مساء
محدش يجى يحوشنى وانا باطرطش فى النيل
سلام

Anonymous said...

هههههههههههههههههههه

و الله بعد جيمى هود، لا تعليق

:))

Anonymous said...

اولا دي اول مره ارد في مدونتك .. اللي بالمناسبة خفيفة عالمعده و تنفع تبقى عاده يوميه
تاني حاجه بقى فانا حاسس باحساسك لإني عشته سنتين لما كنت بادرس في عين شمس وربنا تاب عليه وجيت جامعة اسكندرية .. اسكندريه دي يا بنتي عشق .. بلد كده اتعملت عشان تتعشق .. باحس اننا اهلها كده اسره كبيره ولينا عاداتنا وطباعنا وثقافتنا وآرائنا وبالذات آراءنا دي لإن في القاهره متلاقيش أبدا ليكم كلكوا رأي واحد في حاجه .. اسألي بقى هنا في اسكندريه اي سوا ق تاكس عن اي حاجه صعب انك تلاقيي سواق الشروع يقول رأي تاني وصعب انك تلاقي واحد زيي يقول غيرهم ..
تعرفي ان انا مباعرفش انام في المشروع -اللي بتسموه ميكروباص بغير حق- لما اكون جي اسكندريه غير لما يدخل اسكندريه واشم هواها !!
بس من ناحيه تانيه باعشق حاجه اسمها القاهر باليل وركزي على بالليل دي .. اجمل مكان في الربع الشمال شرقي في افريقيا بالليل .. والأحلى -بعض- قعدات كافتريات وسط البلد والكلام في السياسه والدين والعلم والجنس والاقتصاد والفن البلد دي بتديني رغبه جامعة في التفكير ..
بجد يا بختك بالقاهره بالليل !!!