Friday 29 June 2007

الجيش اللبنان يقتل اثنين ويصيب عدد من اللاجئين في نهر البارد

ما تبس بقى
جتكوا القرف في اشكالكو الوسخة
هاي هي المرجلة على رأي المجحوم؟
يعني قاعدين ع الحدود زي الشلت
لا تفجيرات بتكتشفوا
ولا امن بتحفظوا
ولا حرب حاربتو
ولا ليكوا اي لازمة في الحياة اساسا كلها
وكل ما تاخدوا دبوس...مشيها دبوس
تنزلوا ضرب في الحريم والعيال والعزل
واحد من اللاجئين الفلسطينيين طالع في الجزيرة
يقول: ماذا يريد الاخوة في لبنان؟ يريدون ان يلقوننا في البحر؟
اللاجئين الفلسطينيين اللي اتهجروا من بلدهم
واتسندوا على حيطة مايلة
راح الجيش اللبناني المغوار هجرهم من مخيامتهم اللي هم اصلا متهجرين ليها
يعني بقوا مهجرين اس اتنين
كل ده بحجة فشخ الاسلاك
واخدوا قال سلاح من امريكا
كان فين السلاح ده السنة اللي فاتت؟
اللي يشوفكوا دلوقت ما يشفكوش السنة اللي فاتت
وانتوا مستخبيين تحت ترابيزة السفرة وبتأتتوا حزب الله
من خلال الشنطة
وفين بقى فشخ الاسلاك دلوقت يا سباع الامة؟
يطلع كاتيوشا من الحدود اللي انتوا بتحرسوها
وانتوا قاعدين
تفجيرات في كل حتة في البلد
وانتوا قاعدين
ويوم ما ربنا ينفخ في صورتكوا وتتمهمزوا وتحركوها
تلجّأوا اللاجئين وبعدين تموتوهم
الناس عملوا مسيرة سلمية عشان يرجعوا لمخيماتهم
بدل ماهم بايتين في الشارع
واحد فلسطيني فانلته غرقانة دم كان بيقول: كنا ماشيين الجيش قال وقفوا
وقفنا
قال اسكتوا
سكتنا
قال ارجعوا
قلنا لا ما منرجع
قوصوا بالهوا وقال ارجعوا
قلنا لا... منوقف لكن ما منرجع
ما شفنا الا وهني بيقوصوا علينا
ما ميزوا لا مرة ولا طفل ولا ختيار ولا رجال
كل اللي كان بالصف الاول اتقوص عليه
===
جتكوا خيبة
جتكووووووووووا خييييييييييييببببببببببببة
قرفففففففففففففففففف
صدق المثل اللي قال: عريان الـ...ويتأمز تأميز ويقول باب الخمارة فين
قبح الله وجوهكم ووجوه اللي معينكم ووجوه اللي بيساعدكم ووجوه
اللي يعتمد عليكوا ووجوه اللي بيبعت لكوا سلاح
ووجوه اللي يتمزع ويقول: الجيش اللبناني
الا صحيح لو حزب الله ده دولة جوا دولة زي ما بيقولوا
يبقى كتر خيره انه مبيض وش دولة
ما تفرقش كتير عن بقية الدول العربية

19 comments:

Anonymous said...

على رأيك طول الحرب مرفعش شماعه يدافع بيها عن لبنان
والفلسطينين اللى سابوا بلادهم مجبرين وفكروا ان دول اخواتهم وهيسكنوهم قوصوهم
كمان خيبه علينا شعب

Anonymous said...

كل الأنظمه العربيه فاسده ومواليه لأمريكا بجد قمة السفه انى ألحس تراب أمريكا واسرائيل عشان خاطر الكرسى اللى انا لابس فيه واللى يبضن ان الموضوع مكشوف وبمنتهى البجاحه والصفاقه الأنظمه العربيه بتؤدى الدور الموكله به على أكمل وجه وكس ام الشعوب كلها وبحكم الديموقراطيه فان ولاة امورنا سايبين اللى يتكلم يتكلم لأنه طبعا الكلام ماعليهوش جمرك وبرضه المخطط هيتنفذ هيتنفذ وسلملى على الخواجه بن ماريكا

Anonymous said...

جيل عربي موسوم بصدمة الهزيمة
ايه الختلف يعنى عن ضرب

مخيم نهرالبارد

و حماه

وجنين

وغزه

وبغداد

والتفكيك المزعوم قادم

Anonymous said...

ممكن ترحمينا شوية انتى مابتتهديش جايباها من عزبة القرود فى اسطبل عنتر لنهر البارد .بصراحة كدة انتى ناوية تعملى جناية مش مكفيكى العادلى فى مصر رايحة تخبطى فى لحود والسنيورة انا عايزك تركزى فى قضية واحدة ولما ربنا يسهل وتخلص نبقى نشوف غيرها بصراحة اكتر انا معجب باسلوبك وماتفهمنيش غلط اسلوبك بس هو المقصود
ربنا يسترها معاكى ومع كل البنات الجدعة اللى زيك
ابو النجوم

Anonymous said...

السلام عليكم
من الواضح انك متنرفزة قوى
انا مقدر موقفك
بس يا ريت تبقى تعرضى وجهة نظرك بشكل لائق شوية
يعنى بلاش الألفاظ و الأمثلة اللى مش كويسة دى
السلام عليكم

Anonymous said...

كل مرة أدخل هنا، أخرج وجرحي أعمق!

Anonymous said...

امين يا رب
ربنا يهدهم زي ما هدوا السلم لملم لملم

---
اختشي انت بتقولي لتمر حنة اني معايا رقم تليفونك
انبي مش معاياوالله و لا اطفحه
يا ريت تبعتيلي ايميلك حتى
sarah4eg@ yahoo.com
تحياتشي

Anonymous said...

e7na

آه يا خويا البلد كلها بتندك وهم قاعدين حاطين رجل على رجل ويقولوا لو حزب الله انتصر في الحرب ح تبقى كارثة

عمرك شفت كده في الدنيا؟

احمد

ربنا يكفينا شر الكرسي

انا مش فاهمة ماله الكرسي ده

معمول من غرا؟

حنتكلم

اسم الله عليك

ايه اللي حصل لك

ده انت كنت متفائل

:)

ابو النجوم

ما ردتش على سؤالي
؛)

مؤمن محمد

يا عيني

هههههههههه

معلش حاضر عشان خاطرك انت وعمر الشرقاوي ح احاول امسك لساني


احمد الشمسي

قصدك اني نكدية

<:(

سمباتييييييييك

انا بس كنت باجر رجلك

اصلك وحشتييييييينييييييييي

بعت لك تليفوني ع الميل

ممممممممووووووووووووواااااااااااه

Anonymous said...

عدنك حق 00ولا اعتقد أن هناك مايقال أكثر من ذلك0

Anonymous said...

نواره يا نواره

كيفك يا حمشة انت يا قوية

ـ شوفي يا نواره المشكلة مش في الجيش أبدا .. لأنه الجيش تعرّض لخديعة كبيرة و خيانة من الطرفين .. من الحكومة و من جماعة فتح الإسلام . وانت عارفة العقلية العسكرية بقى
ـ و عايز أقلك ان الأسلحة الأمريكية اللي وصلت ..توزعت على مناصري الحكومة وميليشياتها .. والجيش أخد كم بارودة و كم قطعة سلاح خفيفة ..
الجيش أثبت وطنيته في مواقف كثيرة كان جنبا الى جنب مع المقاومة و هو المؤسسة الوحيدة حتى الان التي عجزوا عن جعلها عدوة للمقاومة مع أنهم فعلوا المستحيل لتغيير عقيدة الجيش ..
ـ الغلط بيجر غلط و اغتيال حنود الجيش وهم نيام في اليوم الأول جعل هذا الجيش متحفزا جدا ..انت تعلمين ما جرى في اليوم الاول..حين لم يكن الجيش على علم بأي معلومات ..لكن عندما عجزت القوى الأمنية التابعة للحريري وجنبلاط وحلفاءهم من فعل شيء و جد الجيش نفسه في مواجهة مع المجهول ..
و تلقى ضربة موجعة و غادرة
لكننا بالتأكيد لا نبرر له كل شيء ..لكن البلد دخل في فوضى لا يعلم نتيجتها إلا الله .. عندنا مجموعة من المخلوقات اذا لم يوجد لها حل سريع فالبلد ذاهب الى كارثة لا سمح الله .
ـ أؤكد أن الجيش اللبناني لازال جيشا وطنيا لكل لبنان ..على عكس كل المؤسسات الأخرى التي أختطفوها كلاب ديك تشيني
ــ ههههه فرحت جدا بتعليقك على موضوع هيفا .. انت بتغيبي فين ؟؟دايما في بالي والله .. بس قلتلك قبل فترة اني لسه في السبات الشتوي
بس متابعك بقوة شديدة ..دايما

Anonymous said...

جو العزيز جدا

والله ماخدة على خاطري يا خيي

الجيش قيادة يا جو

مش ظباط وعساكر

لو كل ظابط وعسكري كويسين عنص عنصر

مش ح يقدروا يعملوا

حاجة لو القيادة كده

Anonymous said...

عزيزى احمد نرجو الحفاظ على ادب الحمار بدل ماتقول كس ام قول ك ا وبدل وبدل تبضن قول بيض اما بالنسبه لولاه الامر فالعلاقه بينهم وبين امريكا مش لحس العتب لكن العلاقه بينهم علاقه واحده لامؤاخذه وواحد لامؤاخذه ولامؤاخذه على الكلمتين دول

Anonymous said...

نوارة

خاطرك على راسي من فوق يا ستـّي
انت عارفك معـزّتك عندي
ـ بالنسبة لقيادة الجيش أنا لا أبرر أبدا أعمال كهذه أيـّا كان الفاعل
بالنسبة لقائد الجيش مثلا .. فهو شخص أثبت احترامه في أشد الظروف حلكة
عملوا عليه ضغوط كتيرة و ما نفعت معاه ..
هناك معارك داخل المؤسسات يا نوارة
مثلا .. وزير الدفاع و منذ أن كان وزيرا للداخلية ثم للدفاع أيضا في وزارة سابقة يعلن امتعاضه من المخيمات بل يحمـّلها معظم ما يجري
و عند محاولة اغتياله قبل حوالي السنة ونصف اتهم المخيمات التي تأوي اسلاميين على حد قوله إلى أن دعاه سعد الصغير الحريري صاحب أغنية بحبك يا تشيني
الى سويسرا لقضاء إجازة معه .. وعاد ليلمـّح بعدها الى سوريا .. لكن كرهه للمخيمات معروف
و أعتقد أنه لو لم تكن قيادة الجيش قوية لفرطت الأمور منذ زمن .. وربنا يستر

Anonymous said...

الأخت نوارة

انت لاحظتي حاجة مهمة قوي؟

الأحداث بتتسارع كلها ورا بعض ، مافيش يومين تلاتة الا وتلاقي مصيبة جديدة على رؤسنا .

بدءا م السلطة الفاسدة اللي عندنا ، وانتهاءاً بأحداث غزة وحماس اللي هدت ك اللي عملته في السنين السابقة ، ودلوقتي جاي الجيش اللبناني ( وانا اشك ان اللي عمل كدة كان باوامر من القيادة) بقتل مدنيين عائدون الى مخيمهم .. وشكي ان ما فيش اوامر بقتلهم نتيجة لأن الجيش اللبناني حاله زي حال لبنان .. طوائف وملل وتيارات و......

كله بينتقد حزب الله .. ونسيوا كلمة حسن نصر الله لما حاولوا دفعهم الى استخدام السلاح ضد من اعتدوا عليهم ايام احداث الجامة اثناء الاعتصام السلمي .. قال بالحرف الوحد : ( لن ننجر الى حر اهلية ولن نستسلم ) .. رجل لديه هدف نبيل لا يحرفه عنه اي تداخلات او محاولات تشويش

يا ريتها حماس كانت تعلمت .. بس عمرهم ما كانوا راح يتعلموا عارفة ليش ؟ لأنهم مش عايزين يتعلموا .

يا أخت نوارة .. ابشرك بأن قطاع غزة .. والذي انطلقت منه اغلب شرارات النضال ضد العدو الصهيوني .. بلا فخر .. أصبح الآن يأوي مافيات مقيتة قميئة سافلة لا هم لها سوى المال والسلطة .. لا دين ولا وطنية ولا حتى مجرد اعتقاد بأي فكر .. سوى فكر البلطجة وفوضى السلاح والسرقة العلينة والقتل لمجرد القتل


ويأتي الآن الدور على فلسطينيي الخارج .. الذين تحملوا ولا زالوا يتحملون سخافات الدول العربية وضغوطها عليهم من المعيشة الى العمل الى لدراسة ... الخ

لنا الله ... والسلاح في يدنا . يجب الا يسقط أبدا .. ولكن ايضا يجب ان لا ينحرف عن اتجاهه

Anonymous said...

جو

وانت كمان عارف معزتك عندي
ومعزة اهل لبنان

اللي انت بتقوله ده شأن داخلي جدا
مش كل الناس ح تشوفه يا جو

الناس مش شايفة غير جيش لبناني لم يشارك في حرب تموز بحجة انه غير مجهز وفجأة بقى مجهز وبيموت في الفلسطينيين اللاجئين

وفتح الاسلام دول

اللي انا متأكدة مليون المية ان اسرائيل هي اللي زارعاهم ولو حلفولي على مليون مصحف وجابولي ستين عقل على عقلي مش ح اقتنع بغير كده

فتح الاسلام دول ما حصلهمش حاجة

ومعظم المصابين من اللاجئين

صحيح تشكروا على استضافة الفلسطينيين
وصحيح زي ما بنقول عندنا في مصر: الانسان تقيل

لكن المنظر امام العالم كله

مش بس في مصر او الوطن العربي

ان العرب بيموتوا بعض

وما حدش يعرف دخليات الجيش ومين بيتصارع مع مين وهكذا


مجهول

فلسطين دي حكايتها حكاية

بس انا شفت رمضان شلح

ربنا يبارك فيه ويبقى بقية الفصائل فيها الامل

الا سؤال بس

هم الفلسطينيين مقسمين نفسهم فصائل ليه؟

Anonymous said...

نوارة العزيزة

طبعا انت تعرفي اني لا أؤمن بالقطرية

و اني قومي حتى النخاع .. وطبعا قومي دي تفرق عن قـوّام ههههه

ـ اليوم في معلومات رسمية من الأطراف أصحاب الشأن غريبة و قوية جدا
ـ الجيش أصدر بيان انه المتظاهرين لم يطلقوا عليه النار فعلا
و أطراف فلسطينية من اللي كانت في المظاهرة مثل أركان بدر مثلا ممثل الجبهة الديمقراطية الذي أصيب و هو موجود الان في المستشفى صرّح انه ضرب النار أتى من جهة ثالثة ليست الجيش و ليست المتظاهرين بل و حددوا البنايات التي أطلق منها النار و هي تابعة لعناصر من تيار المستقبل
طبعا المستقبل نفى زي العادة
و الجيش بيعتبر ان شهداء المظاهرة بالنسبة لهم زي شهداء الجيش بالظبط هم ضحية ارهاب منظـّم يجري في تلك المنطقة
ـ انت لو قريتي مقال سيمون هيرش الذي سبق مشكلة فتح الاسلام بفترة قصيرة كنت عرفت كل حاجة .. وأنا هحاول اجبلك اللنك بعد شوية
ـ و صحيفة أمريكية كبيرة .. نسيت اسمها الان ..كتبت قبل حوالي عشرة أيام ان فتح الاسلام دول مدعومين هم و منظمات اسلامية متطرفة في لبنان ..من ديك تشيني شخصيا و يقوم بذلك بالنيابة عنه في لبنان من يعتبرون يده عملاء الأرض ..حلفاءه يعني و انت عارفاهم..و المخطط كان بدعمهم و تقويتهم لمواجهة المقاومة و حزب الله ( الشيعي حسب رأيهم) أي من منطلق طائفي ..وانت عارفة و الحمد لله ان المنظمات الاسلامية دي لما تقوليلها شيعي ..بتبقى عاوزة تحرر الدنيا بقى ..
ـ طبعا الموضوع خرج من ايدهم بعد ما اتأخر التمويل و العمليات بدأت لما جماعة فتح الاسلام عجزوا يستلموا الفلوس تماما و دخلوا البنك و أخدوها بالقوة .. و هنا القوى الأمنية التابعة لحلفاء امريكا حاولت تحل الموضوع بطريقتها من غير ما يعرف الجيش و لا حد ..لكن فتح الاسلام قتلوا عناصر الجيش الموجودين في ثكنة قريبة و هم نايمين ..و هنا بدأ كل اللي انت شفتيه ده .
الموضوع طويل و عويص زي كل حاجة في لبنان
ـ لازم و ضروري تقري سيمون هيرش ..و منتظر انه يكتب في الموضوع ده بعد أيام كمان
ـ انا هجيب اللنك .. استني .. أوعى تمشي هههه

Anonymous said...

http://www.al-akhbar.com/ar/node/25370

http://www.al-akhbar.com/ar/node/23483

http://www.al-akhbar.com/ar/node/24132

ـ هذه مقالات ذات صلة .. أرجو قراءتها

Anonymous said...

with all my respect to all ur posts, but it seems to me u have no idea about what's going on in Lebanon now, and actually u r totally ignorant about the Lebanese history specially the period of the civil war which Palestinians played a big rule in it, shortly, Palestinians want to involve Lebanon in a war that Lebanese don't want to go through it, if Palestinians want to fight against Israel, then why don't they fight over their own lands?? Why involving another country who just recovered from a long civil war? This was the same when they bombed hotels in Sinai, why do they want to involve all the Middle East in their case? We already fought for our lands, and we are helping them now, so what more do they want, we won't care for Palestine more than Palestinians themselves, right?

Anonymous said...

with all my respect to all ur posts, but it seems to me u have no idea about what's going on in Lebanon now, and actually u r totally ignorant about the Lebanese history specially the period of the civil war which Palestinians played a big rule in it, shortly, Palestinians want to involve Lebanon in a war that Lebanese don't want to go through it, if Palestinians want to fight against Israel, then why don't they fight over their own lands?? Why involving another country who just recovered from a long civil war? This was the same when they bombed hotels in Sinai, why do they want to involve all the Middle East in their case? We already fought for our lands, and we are helping them now, so what more do they want, we won't care for Palestine more than Palestinians themselves, right?