Friday 29 June 2007

حملة افترائية استباقية على عماد الكبير

اتصل بيا دلوقت حالا الاستاذ ناصر امين محامي عماد الكبير
وقال لي ان امبارح قام بعض البلطجية باختلاق عركة
وحصلت خناقة وكسروا ميكروباصات في بولاق
وعماد ما كانش طرف في الموضوع خالص
ولكن رئيس المباحث نزل واول ما نزل قال: هاتوا لي عماد
فعماد اتصل بالاستاذ ناصر فالاستاذ قال له ما يروحش ولو القسم
عايزه يبعت له بشكل رسمي
فالمأمور قال: خلاص خلاص
!!!!!!!!!
وبعدين الشهود والمضروبين قالوا ان عماد مالوش دخل بالموضوع
وانه ما كانش طرف في الخناقة
لكن ظهر بعض الناس اللي افتعلوا الخناقة وقالوا ان عماد كان طرف فيها
والغريبة بقى
ان القاهرة اليوم نزلت على طول القسم
وسجلت مع الناس دي اللي اتكلموا عن عماد وقالوا انه ضربهم
المفروض ان عماد بكرة ح ياخد الشهود اللي شهدوا ان عماد
ما لوش دخل في الخناقة ويروح النيابة
===
وده اسمه ايه ده بقى؟
قبل الجلسة الاخيرة بخمس ايام يتم التآمر بالشكل ده
عشان عماد ما ياخدش حقه
ويتعمل عليه كمان حملة اعلامية
احنا كنا فاكرين ان القاهرة اليوم محايدة
ما كناش نعرف انها قناة فضائية فرع وزارة الداخلية
==

http://www.youtube.com/watch?v=4iez20eP-ic

اخدت فكرة تفريغ الشريط من

:مراقب مصري
عماد: الله يكرمك يا باشا
يا باشا معلش
يا باشا معلش
اسلام: ياللا يا بن المتناكة
ياللا يا كس امك
يا باشا انا اسف عماد:
يا باشا انا اسف
آآآآآآآآآه
آآآآآآآآآآآآآآآه
رضا فتحي: ياللا ياد يا بن المتناكة
اسلام: حلوة يا خول حلوة يا خول
حلوة
ها
حلوة ياه
ايه رأيك فيها يا بن المتناكة
ايه رايك يا خول يا عرص
يا عرص
بكرة في الموقف زمايلك كلهم ح يشوفوا الكلام ده يا عرص
عماد: آآآآآآآآآآآه يا باشااااااا
رضا فتحي: قول بولاق مافيهاش راجل يا بن المتناكة
قول انا خول

التفريغ ده للناس اللي مشاعرها رقيقة ومش عايزة تشوف الفيديو
===
بقي سؤال: بفرض ان عماد اتخانق وللا ضرب وللا انضرب
وده ما حصلش
لكن بفرض ان فيه ناس استفزوك انت في الشارع
ودفعوك لخناقة
هل ده يبرر ان اسلام يدخل في مؤخرته عصايا
من سنتين؟
افهم من كده ان اسلاك ده مكشوف عنه الحجاب
وعارف ان بعد سنتين عماد ح يتخانق
فقال يسبق ويعذبه
وهل البني ادم لما يتخانق
وللا حتى يبقى بلطجي وابن ستين في سبعين
هل التعامل القانوني معاه انه يتعذب؟ ويهتك عرضه؟
اذا دي المعاملة القانونية يفهمونا
عشان نهاجر
==

الاستاذ ناصر اتصلت بيه قال لي ان عماد

راح النهاردة النيابة ومعاه الشهود والناس اللي انضربت

واللي شهدوا ان عماد ما كانش موجود في اثناء الخناقة اساسا

وكان قاعد ع القهوة

ملحوظة تانية اللي نزل مش مأمور القسم

ولكن رئيس المباحث

وهو اللي دور على عماد وراح له ع القهوة

يقول له اركب معايا البوكس

ربنا يستر انا مش عارفة الناس دي مش خايفة من ربنا وللا ايه؟

20 comments:

Anonymous said...

يا بنت والدى الشرطه عندنا مكشوف عنها الحجاب وعارفين كلتها حاجه بنفكر فيها دا انا فى مره صحيت من النوم لقيت مباحث عض المواطنين فوق دماغى لأنى كونت باحلم انى رحت ادى صوتى فى الاست فتاء ايوه اسمه كده واقول لا لمبارك المبروك

Anonymous said...

ده على كده ممدوح اسماعيل يتعامل ازاى بقى؟؟؟؟؟؟؟؟؟؟؟؟؟؟

Anonymous said...

هههههههههه

مش باقول لك انت مسخرة

Anonymous said...

بصراحة انتى اجرام
امت فعلا مقدرتش اشوف الفديو ومجرد الصورة بتتعبنى نفسيا
طبعا انا سعيدة لنى طلعت من الناس اللى مشاعرها رقيقة
تحياتى

Anonymous said...

بصراحة انتى اجرام
امت فعلا مقدرتش اشوف الفديو ومجرد الصورة بتتعبنى نفسيا
طبعا انا سعيدة لنى طلعت من الناس اللى مشاعرها رقيقة
تحياتى

Anonymous said...

بصراحة انتى اجرام
امت فعلا مقدرتش اشوف الفديو ومجرد الصورة بتتعبنى نفسيا
طبعا انا سعيدة لنى طلعت من الناس اللى مشاعرها رقيقة
تحياتى

Anonymous said...

بصراحة انتى اجرام
امت فعلا مقدرتش اشوف الفديو ومجرد الصورة بتتعبنى نفسيا
طبعا انا سعيدة لنى طلعت من الناس اللى مشاعرها رقيقة
تحياتى

Anonymous said...

انهي ممدوح اسماعيل؟

المحامي

ح ياخد بالجزمة

وبتاع العبارة

ادي انت شايف بيتعامل ازاي

بس ما اعرفش طبق شفافية الشرطة ازاي ما لقطش غرق العبارة؟

Anonymous said...

لا انا اقصد بتاع العباره
ده محتاج له كام عصايه


صحيح ابقى نورينا بالزياره

Anonymous said...

ايه هو ما فيش حد مسخره غيرى فى البلد دى ما تشوفى الراجل اللى بلغ من العمر ارزله و افسده وازوره من التزوير يعنى و رغمتن عن هذا ما فيش ولا شعره بيضا فى راسه عموما لو كانت مسخره دى شتومه الله يسامحك والشتومه بتلف وترجع لصاحبها هه بس

Anonymous said...

e7na

انا فعلا زرت مدونتكم وعجبتني قوي
بس ما سبتش تعليق


viva egypt

انا برضه ح اكتب لك شتومة

انت بس كل ما تدخل تسيب تعليق تفطسني من الضحك حتى وانا متنرفزة

Anonymous said...

بصراحة مش عارف اقول ايه؟اقول حسبي الله ونعم الوكيل ولا اشتم ولا ايه رأيك اقول ايه؟
ماهو معدش فيه كلام يتقال0
مع تحياتي00
والسلام عليكم0

Anonymous said...

وبعدين كمان . تفتكروا عماد بس اللى لبس العصاية ؟
Dmagh Ray7a

Anonymous said...

نوارة يا اسم على مسمى
لو مشيناها اسلام والعين بالعين تفتكرى عماد يحط اية لاسلام؟ طب بلاش دة الشعب المصرى يرد جمايل الرئيس دة كلها ازاى؟
حملة ما تقولش اية ادتنا مصر تستاهلى عليها ميت بوسة بس لما اقابلك انا كل ما يجيلى حد من المصريين المغيبين اثبتة واخلية يتفرج عليها بدل تحية الضيوف......عاوزين المزيد يا نوارة انتى بنوتة عسل ,

Anonymous said...

اتفووووووو
المرة المليون اللي اقرر فيها افتح الفيديو وأتراجع زي البوبي
:( :(
حســـــــبي الله ونعم الوكيل
يارب ياعدل انت موجووووود ومتطلع وشايف
ارحمنا برحمتك
:(

Anonymous said...

نفرض إن عماد بلطجي أول ليه جرايم سابقة هل ده يبرر اللي عمله اللي عمله إسلاك
أهو إنت عارفة بيفكروني بإيه
لو إسلاك طلع برائة يبقى معنى كده كل واحد عنده سابقة من حق الظباط إنهم يعذبوه

لما اليهود يقولوا إحنا إتعذبنا في ألمانيا يبقى فلسطين من حقنا

Anonymous said...

يانوارة
انا لقيت السؤال وعلشان دة موضوع شرحة هيطول انا ابو النجوم اصلى وابوكى مش باباكى زى ماانتى كاتبة اسمة السلطان احمد فؤاد الشهير بالفاجومى
ربنا يجعل كلامى خفيف عليكى انتى وابوكى
نهارك عسل
ابو النجوم
صاحب مدونة الانسان فى مكتوب وجيران وبلوجر

Anonymous said...

طب والله يا بنت والدى انا مبسوط انك مبسوطه وغير كده ان الشتومه منك نيشان على ايتها حته فى جسمى الضخم توجع عليها الشتومه يا غاليه يا بنت الغالى والغاليه ومترديش تانى علشان ماكونش منطر ارد تانى خلينا نشوف مصالحنا

Anonymous said...

يا بنت والدى حتى لو شتومه منك تكون نيشان على الحته اللى تيجى عليها من جسمى الضخم يا غاليه يا بنت الغالى والغاليه و ما ترديش علشان ما انطرش ارد ونعطل مصالحنا بسبب كلمه

Anonymous said...

وايه كمان ... يا تري فيه كم واحد مظلوم وحاطط جزمة في بقه وساكت علشان عياله ولا عشان ابوه.
عماد ابوه مات م الفضيحة ،، الله يرحمه
ايه تاني ناقص ايه تاني؟
مفيش رحمة ...
ميمي
http://mimayaa.blogspot.com/