انا ح اقول بقى وامري لله واللي يحصل يحصل
اولا احيي الاستاذ احمد حسينين على مقال نشرتهوله
اولا احيي الاستاذ احمد حسينين على مقال نشرتهوله
المجموعة البريدية
fij
مفاده إن ضجة فتاوى البول والرضاع جات في مصلحة النظام
ولكن يجب علينا أن نتنبه ونبحث في التراث وننقيه
- الكلام ده قالهولي مينا امبارح -
وإننا نبطل نضفي قداسة على علماء هم في النهاية بشر
ثانيا تعليقا على هذا الكلام او استطرادا له
القداسة دي لا يضفيها الا انصاف العلماء
لان الدكتور المطعني وهو متخصص في علوم القرآن
كلمته مرة عشان أسأله على آية الرجم اللي موجودة في البخاري
وقال لي باللفظ: لا مافيش حاجة من دي وانا عملت بحث أثبت فيه ان الحديث ده مش صحيح
والكلام ده ما حصلش من اساسه مافيش آية نزلت واتشالت من نص القرآن
قلت له: بس ده البخاري
قال لي: البخاري عالم جليل وفاضل بس بني ادم مش ربنا يعني
ومافيش كتاب موثوق به مائة بالمائة غير القرآن غير كده أكتر كتاب ثقة في الدنيا يبقى واثقين فيه تسعة وتسعين في المائة وبرضه دي نسبة كبيرة...إذا كان مافيش بني آدم واثق في نفسه تسعة وتسعين بالمائة
قلت له: بس ده البخاري
ضحك وقال لي: يا بنتي إيه البخاري...البخاري عالم تحرى الصدق قدر المستطاع
ما عندوش حقيقة مطلقة الحقيقة المطلقة في القرآن بس...البخاري بيغلط زي أي إنسان تاني بيغلط
البخاري بيغلط؟
المفروض إن السيدة عائشة أوصت بعرض الأحاديث على القرآن ولو تعارضت مع نص القرآن أو منطقه أو منهجه تبقى يا إما غلط يا إما احنا بقى مش فاهمينها كويس...قصدي الأحاديث، أو مش عارفين الظروف اللي اتقال فيها الكلام ده ولازم نكون على علم بالسياق وده شغل المختصين في اللغة والحديث
يعني مش اجي انا مثلا وافتح البخاري واعمل قرعة على الاحاديث واشيل منها اللي ما يعجبنيش واخللي اللي يعجبني
لازم اللي يعمل كده يبقى متخصص
والتخصص سهل يعني
اللي عايز يقدر يلتحق بالدراسات الحرة في الازهر ويدرس لحد ما يتخصص
وبعدين يعمل الابحاث بتاعته
بخصوص ان الاحداث دي جات ع الطبطاب للنظام المصري
مش عارفة
حاسة انها مش طبطاب ولا حاجة
حاسة انها مقصودة
والفورتينة بين المسلمين والمسيحيين مقصودة
والتصييد للعلماء برضه مقصود
يعني معلش اسمحوا لي
التنكيل اللي لحق بالدكتور بتاع رضاع الكبير
تنكيل فوق الطاقة
الراجل قال كلام غلط
واعتذر
يعني ايه يترفد ولا يقبل اعتذاره
ويتخرب بيته ويطلع تلاتينه
وناقص يسلطوا عليه اسلاك نبيه عشان يحط له عصايا
الدكتور علي جمعة
كاتب الكلام ده في كتاب مطروح في الاسواق من مدة
يعني ايه يقعد الناس يدوروا ويفلوا لحد ما يلاقوا له غلطة
عشان يعملوا عليها ضجة
طب ادي الراجل عشان وجع الدماغ
سحب الكتاب من الاسواق
ثم هو فين بول الرسول اساسا؟
ثانيا تعليقا على هذا الكلام او استطرادا له
القداسة دي لا يضفيها الا انصاف العلماء
لان الدكتور المطعني وهو متخصص في علوم القرآن
كلمته مرة عشان أسأله على آية الرجم اللي موجودة في البخاري
وقال لي باللفظ: لا مافيش حاجة من دي وانا عملت بحث أثبت فيه ان الحديث ده مش صحيح
والكلام ده ما حصلش من اساسه مافيش آية نزلت واتشالت من نص القرآن
قلت له: بس ده البخاري
قال لي: البخاري عالم جليل وفاضل بس بني ادم مش ربنا يعني
ومافيش كتاب موثوق به مائة بالمائة غير القرآن غير كده أكتر كتاب ثقة في الدنيا يبقى واثقين فيه تسعة وتسعين في المائة وبرضه دي نسبة كبيرة...إذا كان مافيش بني آدم واثق في نفسه تسعة وتسعين بالمائة
قلت له: بس ده البخاري
ضحك وقال لي: يا بنتي إيه البخاري...البخاري عالم تحرى الصدق قدر المستطاع
ما عندوش حقيقة مطلقة الحقيقة المطلقة في القرآن بس...البخاري بيغلط زي أي إنسان تاني بيغلط
البخاري بيغلط؟
المفروض إن السيدة عائشة أوصت بعرض الأحاديث على القرآن ولو تعارضت مع نص القرآن أو منطقه أو منهجه تبقى يا إما غلط يا إما احنا بقى مش فاهمينها كويس...قصدي الأحاديث، أو مش عارفين الظروف اللي اتقال فيها الكلام ده ولازم نكون على علم بالسياق وده شغل المختصين في اللغة والحديث
يعني مش اجي انا مثلا وافتح البخاري واعمل قرعة على الاحاديث واشيل منها اللي ما يعجبنيش واخللي اللي يعجبني
لازم اللي يعمل كده يبقى متخصص
والتخصص سهل يعني
اللي عايز يقدر يلتحق بالدراسات الحرة في الازهر ويدرس لحد ما يتخصص
وبعدين يعمل الابحاث بتاعته
بخصوص ان الاحداث دي جات ع الطبطاب للنظام المصري
مش عارفة
حاسة انها مش طبطاب ولا حاجة
حاسة انها مقصودة
والفورتينة بين المسلمين والمسيحيين مقصودة
والتصييد للعلماء برضه مقصود
يعني معلش اسمحوا لي
التنكيل اللي لحق بالدكتور بتاع رضاع الكبير
تنكيل فوق الطاقة
الراجل قال كلام غلط
واعتذر
يعني ايه يترفد ولا يقبل اعتذاره
ويتخرب بيته ويطلع تلاتينه
وناقص يسلطوا عليه اسلاك نبيه عشان يحط له عصايا
الدكتور علي جمعة
كاتب الكلام ده في كتاب مطروح في الاسواق من مدة
يعني ايه يقعد الناس يدوروا ويفلوا لحد ما يلاقوا له غلطة
عشان يعملوا عليها ضجة
طب ادي الراجل عشان وجع الدماغ
سحب الكتاب من الاسواق
ثم هو فين بول الرسول اساسا؟
يعني احنا لو دورنا في كل الكتب اللي مكتوبة
زمان وللا دلوقت
سواء في التراث الاسلامي
او المسيحي
او اليهودي
او الانجليزي
او الفرنسي
او الالحادي
او السياسي
او الاقتصادي
او اي حاجة
ح نلاقي تخريف كتير
وعلى رأي المطعني
دول بني ادمين
نحترمهم لانهم علماء بذلوا مجهود
لكنهم مش ربنا
بيغلطوا
والغلط مردود
ومسموح به
على الاقل في الاسلام
"ان أخطأ فله أجر وإن أصاب فله أجران"
يعني واخدين تصريح من سيدنا محمد اهو
اننا نغلط طالما لا نتعمد الغلط
طالما بنجتهد بكل ما في وسعنا
طيب يعني مافيش حد مسك جمهورية أفلاطون وطلع منها
التوصيات الصريحة بانتهاك حقوق الإنسان والمعاق والمرأة
وقال ازاي الحضارة الغربية مبنية على تراث حقير زي ده؟
ماحدش مسك توماس مور وطلع كلامه اللي بينضح
تخلف وتعصب وحقارة
وقال ايه القرف ده؟
والإسلام أكتر فكر في الدنيا مرن ومفصلي
وبيسمح بالاختلاف في داخله وبيقبل المختلف معاه من خارجه
ايه بقى؟
إيه؟
واحد قال حاجة
مش عاجباك
مش عاجباني
نتناقش بشكل محترم
او نسيبها
وخلصنا
كفر يعني؟
ولو كفر...ما يكفر يا سيدي
من شاء فليؤمن ومن شاء فليكفر
وللا هو بس الكفر الصراح اللي مسموح بيه
والخطأ مش مسموح بيه؟
الا حاجة غريبة قوي بتحصل
من الجانبين
اللي هم نقطوني
من كتر ما هم مش موضوعيين ومصلحجية
وبيصطادوا في الماء العكر
جانب عامل نفسه حامي حمى الاسلام
وهو اساسا مش فاهم حاجة عن الاسلام
وبيتعامل مع الاسلام على انه قومية
مش عقيدة
وجانب نصاب
يتكلم عن حرية الفكر والتعبير لما تبقى حريته هو
لكن غيره لا
مش حر يقول اللي هو عايزه
ولا يلبس اللي هو عايزه
ولا يفكر بالطريقة اللي هو عايزها
مش حر يغلط او يصيب
مش حر خالص
ومرة واحد يساري قالها لي كده على بلاطة: انا مش باحب الاسلام
وجانب نصاب
يتكلم عن حرية الفكر والتعبير لما تبقى حريته هو
لكن غيره لا
مش حر يقول اللي هو عايزه
ولا يلبس اللي هو عايزه
ولا يفكر بالطريقة اللي هو عايزها
مش حر يغلط او يصيب
مش حر خالص
ومرة واحد يساري قالها لي كده على بلاطة: انا مش باحب الاسلام
ولا المسلمين
ودول كلهم يترموا في الزبالة او يتخرسوا خالص
!!!!!!!!!!!
واظن لو قرا البوست ده ح يعرف نفسه يعني
انا باكره الانتهازية في كل من الجانبين
اللي كل واحد فيهم مستني التاني عشان يقع
وهو يطرح نفسه كبديل
وكونه بيطرح نفسه مش عيب
بس الناس دي ما تعرفش اخلاقيات
ولا نزاهة وهي بتطرح نفسها
وبيخوضوا مع بعض حرب باردة
مافيهاش ابسط مبادئ الاخلاقية
او المبدأية
زي برضه واحد امبارح - راخر عارف نفسه - يقول المنقبة حرة
بس ما تدخلش الجامعة وما تسوقش عربية وما تمشيش في الشارع
اصلها مغطية وشها
قلت له اشمعنى يعني اللي بطنها باينة تمشي في الشارع
ما ردش والناس اللي قاعدة ضحكت
اللي بطنها باينة تمشي في الشارع عشان هو عايز يتفرج
واللي مغطية وشها ما تمشيش في الشارع عشان هو عايز يعرف ايه اللي ورا النقاب
وهي غايظاه ومش عايزة تقول له
طيب يعني احنا في الروضة هنا؟
وكل واحد يلاقي لنفسه تخريجة عشان بس يعرف يخدم مصالح تياره
التي لا تتجاوز أرنبة أنفه
الإسلام دين الحرية الإنسانية
مبني عليه أساسا
وفيه ناس - على هذا الاساس- بتقول ان الاسلام هو الحل
لانه دين بيحترم الانسانية وبيقبل الاختلاف
مش بااااااااارضه؟
والمفروض إن فيه ناس مسمية نفسها
اليسار
بيتكلموا عن العدالة وحرية التعبير
وللا ناس مسميين نفسهم ليبراليين
بيتكلموا عن الديمقراطية
هلبت بقى
ليه كل دولم
ما بيعترفوش بالحرية اذا مارسها حد
من خارج تيارهم؟
اوووووووعععععععععععععع
لا ولا حاجة
انا بس بارجع
والمفروض إن فيه ناس مسمية نفسها
اليسار
بيتكلموا عن العدالة وحرية التعبير
وللا ناس مسميين نفسهم ليبراليين
بيتكلموا عن الديمقراطية
هلبت بقى
ليه كل دولم
ما بيعترفوش بالحرية اذا مارسها حد
من خارج تيارهم؟
اوووووووعععععععععععععع
لا ولا حاجة
انا بس بارجع
26 comments:
والله يا نواره الفتوي بقت فته
كل واحد يفتي وكل واحد يتكلم في الدين
ما جدوي الفتاوي دي في الوقت الحالي؟
مشكلتنا اننا مجتمع عاوز يتربى من الأول
علشان يعرف ازاى يحترم نفسه ويحترم الأخر
وازى يحافظ على مبادءه ويحترم مبدء الأخر
وعموما موضوع الفتوى دا بقه حاجة مسخرة بجد
كل من هب ودب كل واحدة فنانة لابست لها حجاب يومين تفتى
لنا الله
يا بنت الناس ما انا قلت لك دا م الأول
واهي فرصة القرف اللي طلع دا يخلينا تاني نفكر في تنقية التراث من زبالته
وأنا مصر على كلمة زبالته
مش تشفيا طبعا
بس عشان تميزي بين الغث والثمين لازم تقولي على الغث إنه كلام زبالة وحقير كمان وبالتالي يبان الثمين إنه ثمين وراقي ومتحضر ومفعم بالخير والبر والحياة
لكن لما نتكسف نواجه واقع إن كل التراث الإنساني فيه زبالة زي ما فيه جواهر يبقى هنفضل طول عمرنا دافنين رؤوسنا في رملة متعاصة كاكا كمان
طبعا التراث الديني المسيحي - زيه زي الإسلامي - مليان قرف وزبالة ويجب تنضيفه من زبالته ودا مش عيب... وبيحص من خلال الرجوع إلى الأصول الصحيحة والقياس عليها والحكم على كل التراث وإعادة تقييمه وما إذا كان غثا أم ثمينا... ودي فرصة بالمناسبة للتفرقة بين الأصولية والسلفية
السلفية هي إنك بتستلمي التراث من جيل إلى جيل إلى جيل وفي كل تسليمة ونقلة للتراث يزاد عليه أو يحذف منه حتى يصل إليكي في النهاية نسخة مشوهة أبعد ما تكون عن الأصل الصحيح المنقول عنه أول مرة
وأما الأصولية فهي بالبلدي خالص الرجوع إلى الأصول قفزا فوق أجيال النقل والتسليم وقفزا فوق جبال التراث والسلف وصولا إلى الأصول... والأصل في المسيحية مثلا هو الكتاب المقدس بينما السلف هو التقليد الآبائي... فالأصولية في المسيحية (ومصطلح أصولية أساسا أطلق أولا على الإصلاحيين اللوثريين الذين رفضوا زبالة التراث المنحرفة عن تعاليم الكتاب المقدس)
وفي الإسلام الأصول الصحيحة هي القرآن وصحيح السنة ويحكم على السنة إذا كانت صحيحة أو مختلقة من خلال مقارنتها بالتعليم القرآني فإذا لم تتوافق مع مبادئ القرآن حكم بعدم صحتها
وطبقي نفس المبدأ على كل الكتب التي كتبها بشر وكل الموروث التقليدي والذي يشذ عن صحيح الإسلام قرآنا وسنة صحيحة
لذلك فالقول بتنظيف التراث من زبالته وإن كان قولا قاسيا إنما هو الحل الوحيد لإحياء صحيح الدين واللحاق بركب التحضر وترك غياهب الجاهلية التي بات أهل بلادنا تحت نيرها يرزحون
خدي يا ستي عينة مثلا من صحيح مسلم (أعتقد أنها مثلا تخالف التعليم القرآني الصحيح) وهو حديث شريف ورد في "صحيح" مسلم وهأنا أتساءل أهو حديث صحيح؟ على الرغم من مخالفته لمبادئ قرآنية عديدة تتحدث عن حسن معاملة أهل الكتاب والنصارى منهم تحديدا... خدي الحديث وقولي لي رأيك
حدثنا قتيبة بن سعيد حدثنا عبد العزيز يعني الدراوردي عن سهيل عن أبيه عن أبي هريرة
أن رسول الله صلى الله عليه وسلم قال لا تبدءوا اليهود ولا النصارى بالسلام فإذا لقيتم أحدهم في طريق فاضطروه إلى أضيقه
عزيزي يساري
لاحظ أنني أؤكد وجهة نظرك بأن هذه الأمور لابد وأن لا تكون صحيحة ولكن ماذا وقد وردت في مسلم أو البخاري أو كليهما معا ومن ثم يعمل بها الكثيرون متجاهلين حتى أحكام القرآن الواضحة
أختلف معك في جزئية عدم الكلام وعدم فتح الملف كله ومواجهة المهزلة لن تكون بدفن الرؤوس فب الرمال بل بالدعوة الشاملة إلى تنقية التراث كله من شوائبه وأكاذيبه
المنع وحجب المواقع لن يفيد على الإطلاق بخلاف أنه تعدي على الحريات... الحل في العلاج الجذري والتنقية والمواجهة والآن هي لحظة تاريخية حاسمة فعلينا أن نختار أن نكون أو لا نكون إلى الأبد
حبيبتي يانواره والنبي انتي الوحيده الي بتفهم في وسط العالم الركش دول
يسلم فمك بصراحه
والله انا شايف ان اللي حصل دا كله في بيصب في خدمة الناس
.
.
دا حقيقي
.
.
لان اللي حصل دا خلي الناس تكسر التابوه المقدس اللي كانت حاطة فيه كل شيوخ الاسلام
وكل من ارتدي عمة وكاكولة
وربي دقنه
.
.
بل جعلهم نزلوا الي مرتبة البشر مرة اخري
منهم من يخطا ومنهم من يصيب
.
.
وعلي المتلقي العادي ان يبحث ويتحري الدقه فيمن ياخذ عنه علمه
.
.
بصراحه طريقة التفكير دي
لم تكن موجودة من اربع خمس سنين مثلا
.
.
ياعني اي حد يقعد ع البسطة يقول كلام
يحلف بايمانات المسلمين انه حقيقي
لانه سمعه من واحد شيخ
.
.
هذا ما راه
لك تحياتي
والسلام
واضح اني اتفهمت غلط
العالم الجليل الدكتور علي جمعة مش ممكن يكون هو كل من هب ودب اللي انت تقصده يا استاذ مفيد او الاخت سجدة صح؟
موضوع البول ده كان منشور في كتاب لعلي جمعة كتبه ونشره قبل ما يبقى مفتي
وهو مش فتوى
هو سؤال
واحدة شربت بول الرسول خطأ وهو نايم ولما صحي ما رضيش يكسفها وقال لها حاجة فيما معناه ان شاء الله ربنا يستر وما يحصلكيش حاجة
يعني الراجل ما قالش ان الصحابة كانوا قاعدين في الكنيف فاتحين بقهم عشان يشربوا بول الرسول
دي حاجة
الحاجة التانية بقى واللي الواحد ما كانش عايز يقولها بقى عشان ما يبقاش بيخبط
شرب البول موجود في التراث اليهودي والمسيحي
ولو خطفت رجلك لحد الصعيد
وبلاش تخطف رجلك لحد اسرائيل
ح تلاقي الناس المسيحيين واليهود لما عيالهم بيتخضوا بيشربوهم بول واحد مسلم
!!!!!!!!!!!!!!
وخالتي لما كانت صغيرة وكان عندهم جيران يهود بنتهم موندا اتخضت قاموا طلبوا من جدتي انها تديهم بول خالتي عشان اسمها فاطمة
والغريبة بقى
ان اليهود في امريكا عاملين ع الموضوع ده ابحاث
وقال ايه
مطلعين له سند علمي ان البول بينفع في الخضة
بس طبعا اليهود الامريكان لما يقولوا البول كويس للخضة
يبقى البول كويس للخضة
لكن علي جمعة لما يقول ان الحادثة حصلت ايام الرسول بالخطأ والرسول لم يعنفها
يبقى الاسلام متخلف
صح؟
ومع ذلك دي ما كانتش فتوى
دي كانت مسألة
والراجل كتبها قبل ما يبقى مفتي
ايه بقى؟
التصييد ده مقصود بيه ايه غير ان الناس تتلهي عن المهم؟
=========
مراقب مصري
اهو اللي بتعمله ده عين الفتة
انت شايفني باقول الحديث يا اما مش صحيح
يا اما احنا مش فاهمين سياقه وظروفه
انا مرة كنت باقرا في البخاري ولقيت فيه حديث غريب
اتصلت برضه بالدكتور المسير قال لي: وانت فاتحة البخاري وداخلة بالدراع كده تقريه؟
البخاري مش زي القرآن مش اي حد يقراه ويفهمه
اقري فتح الباري اللي بيشرح ظروف كل حديث وسياقه التاريخي
لان قرايتك للبخاري على طول كده ممكن تخرجك عن دين الاسلام لانك مش متخصصة ومش عارفة السياق
الحديث اللي انت جايبه ده انت عارف اتقال في اي ظروف واي سياق
الرسول اول ما جه المدينة كان عامل معاهدة مع اليهود وكتب لهم فيها: لهم ما لنا وعليهم ما علينا بالمعروف
وبعدين اليهود نقضوا العهود دي
وكان فيه فترات حروب كتير بينه وبينهم
انت عارف هو يقصد مين بالحديث ده او كانت ايه ظروفه؟
ما تقوليش بقى يبقى نشيل الحديث
لان المفروض ان فيه كتب لشروح الحديث وذكر الاسباب التاريخية والسياق
زي حديث: اقتلوا الكلب الاسود
اللي ناس كتيرة فاهمة ان اي كلب اسود لازم يتقتل
بينما ظرف الحديث ان كان فيه كلب اسود مسعور بيقتل الناس
فالرسول قال لهم: اقتلوا الكلب الاسود
يا ريت يعني ما تعملش زيي وتدخل بدراعك في كتب انت مش متخصص فيها
احنا بنتخانق مع بتوع السلفية لان الواحد فيهم يبقى خريج تجارة ويدخل بدراعه في كتب هو مش فاهم منها حاجة ويفسر الدين على مزاجه
وفعلا الكلمة اللي قالها المسير صح: لم تقري كتاب سنة وانت مش فاهماه وتفهميه على هواكي ممكن تخرجي من دين الاسلام وانت مش عارفة
بس تقول لمين يا حسين
ادم المصري
مين بقى اللي وضع العلماء فوق البشر؟
ولا هم ادعوا لنفسهم كده
ولا حد عاقل قال عليهم كده
انت بتضرب مثل بناس جاهلة بتتعالج عند الدكتور الصيدلي وتسبخ عنين عيالها بروث البهايم
والرسول قال: استفت قلبك
واستفت قلبك دي مش بس بتسيبك لضميرك
دي بتأكد ان ماحدش فوق البشر وان انت ادرى بشئونك
بس فيه فرق ما بين استفت قلبك
واستفت هوى نفسك
تحياتي للجميع
رغم انى دائما مش معاكى وضدك على طول الخط وانا نفسى مش عرف له لا انى اتفقت معاكى على حجتين اولا حاجه هى التدوين
والثانى شى هو هذا المقال
احمد الجيزاوى
انا نسيت احيي نواره على التدوينه الرائعه و التي اتمنى ان يقرأها كل مهاجمي الفتاوى في العالم من الاخر انتي خرستي الجميع كعادتك :D
مراقب
بالعكس انا لم اطالب بعدم الكلام او الحجب انا مقتنع بالاعتراف بامشكله حتى نتمكن من البحث عن حل لها
فى ميزة من اروع المزيا الى بتحصل عليها لكونك مسلم
حد فكر فيها قبل كدة
انك حر...الاسلام بيمنحك الحريه الاسلام دين مفيهوش الهه اعلى منك او رهبان او معابد او ابواب مقفولة لازم تسمع كلام بشرى ...انت وبس بعد نص الله
انت بتكلم ربنا لوحدك ...بتتوب لوحدك بتتعترف لوحدك بتستفى قلبك..مفيش صك غفران ممكن بشرى يمنحة....ممكن اى حد فى اى حتة يبنى جامع بدون مباركة من احد
ابنك بيكون مسلم بمجرد الولادة على عكس اديان اخرى
الاحاديث المغلوطة والرويات الغير صحيحة
تقريبا عبارة مجموعة اسرئليات شقت طريقها وسطنا بكل قوة ...
بس الفرق بين التراث الاسلامى وغيرة واضح
فالاسلام سليم قلبا بقلبة وهوا القران الكريم على عكس الباقى الذى اصيب فى عين منهجه
استاذ مراقب ليا كلمة متعتبرهاش اهانة انا معرفش انت مين بس مش عارف حاسس انك نصرانى ..يعنى من طريقة كتابتك دة واضح اوى هل انا صح؟؟؟
بص يا سيدى ...اى حديث يخالف كتاب الله
فهوا دخيل ..انا بمشى بالقران وبالاحاديث الصحيحية فقط...
بالنسبة لموقع الكلاب....(اقباط متحدون)
ايوة الكلاب والخنازير ..وياريت محدش يقولى متغلطش فيهم لان مدام انت شايف ان من حقهم كحرية راى يسبو رسولى
صلى الله علية وسلم فمن حقى انى اديهم بالجزمة عادى يعنى
ولا هيا حرية الراى على ناس وناس لا
بالنسبة للبخارى الى صعب اصلا اى حد يفهمة ما لم يكن متخصص
فية فتح البارى بيشرحة وفى كذا كتاب...
لكن انت وحدك لو فتحت الكتاب هاتفهم حجات تانية خالص
زى بالظبط لما سافرت اول مرة وركب جمبى حد متعصب جدااا وقالى انة هايثبتلى
بالدليل ان الاسلام دين انتشر بحد السيف ومن الاسلام نفسة
وراح قاليلى الاية دى
فَإِذَا انسَلَخَ الأَشْهُرُ الْحُرُمُ فَاقْتُلُواْ الْمُشْرِكِينَ حَيْثُ وَجَدتُّمُوهُمْ وَخُذُوهُمْ وَاحْصُرُوهُمْ وَاقْعُدُواْ لَهُمْ كُلَّ مَرْصَدٍ فَإِن تَابُواْ وَأَقَامُواْ الصَّلاَةَ وَآتَوُاْ الزَّكَاةَ فَخَلُّواْ سَبِيلَهُمْ إِنَّ اللّهَ غَفُورٌ رَّحِيمٌ [التوبة : 5]
ضحكت ورديت علية بالاية الى بعديها
وَإِنْ أَحَدٌ مِّنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلاَمَ اللّهِ ثُمَّ أَبْلِغْهُ مَأْمَنَهُ ذَلِكَ بِأَنَّهُمْ قَوْمٌ لاَّ يَعْلَمُونَ [التوبة : 6]
وفهمتة ظروف نزول الاية لحد ما وصلنا مثلا...
المهم بقى لانى اتكلمت كتير..
الدكتور على جمعة غلط واخطا خطا كبير
بس ظنى ان الامر لحربة كانت موجهه للرجل وليست للاسلام
ربنا يعفى عن الكل
نوارة
السلام عليكم
بنت عمى... شكرا ليكى على البوست ده أنا دلوقتى مش مركز شوية دماغى مشغولة فى موضوع مشاكل الأقباط فى مصر بس متفق معاكى مبدئيا
زورينى طيب ....عدى عندى كده فى القعده بتاعتى , يسعدنى زيارتك أنا فى غربة ومحتاج سؤالك يابنت عمى
تحياتى
حرام عليكي يا شيخة...موضوعك لوحدة عايز مجلد..وكل تعليق عندك محتاج عريضة..بس فيه كام نقطة لفتوا انتباهي بعيد عن فتوى البول والرضاع...اولا مراقب مصري...مفهوم السلفية في الإسلام هو تطبيق الدين بفهم سلف الأمة...يعني نشوف الصحابة فهموا المسألة ازاي و بعدين ناخد رأيهم...أما عن الحديث بتاع ضيقوا عليهم الطرقات..فالحقيقة يا مراقب ان الحديث بالفعل صحيح..اختلفنا او اتفقنا عليه...بس قبل ما ترموني بالنار..اسمحولي اقول..ان القران نفسة..الي هو لا مجال للمساس فيه..مكنش كلة طبطة على اهل الذمة (اهل الذمة دول هما اليهود والنصارى) ودي مش شتيمة على فكرة...القران فيه العصايا والجزرة..وده في حد ذاتة من عظمتة..ومن اهم عناصر نجاحة وانتشارة...انه مش ثابت على مذهب ..بل ترك امور التشريع قابلة...للإستنباط..والفهم والفهم الأخر..والقياس..والنقل..الخ...واكبر دليل..ان مذهب ابن حزم في الأندلس..مختلف شكلا و موضوعا عن مذهب مالك مثلا في المدينة...و مذهب الشافعي في العراق..مختلف كليا..عن مذهب الشافعي كذلك عندما رحل الي مصر...اذا محاولة فلترة التراث من كل محتوياته..الي انت وصفتها انهازبالة..و محاولة فلترتة..سنجد نفسنا نفعل كما اراد المنصور ان يجمع الناس على الموطأ...و يلغي بقية المذاهب..لإقتناعة انه الحق...كمان الدين منزلش للينا وبس...يعني الإسلام فيه ما يسمح بالتعامل مع عيدي امين..وغاندي..دوي ان يضام احدهما او يظلم..وهو نفس الدين القادر على التعامل مع المسيحين واليهود سواء في اعتدالهم او تطرفهم..ما ينفعش ناخد الأحاديث برة سياقها...و كمان مهم قوي اننا نكون اول ناس بتطبق التخصص..لعل ما ليس له منطق لك الان تجد له منتهى المنطق في المستقبل..الموضوع شائك جدا..و يحتاج الي قيراط حوار...لكن دائما اول الغيث قطرة...
طيب ده عن مراقب مصري...اما عن قضية النقاب..والتي اسعدني انك لست في مجال تفنيدها يا نوارة...وبالرغم من اتفاقي معاكي شكلا وموضوعا لكن حابة اني اوضح مسألة بسيطة..ان مش ضد ان المنقبة تسوق..او تمشي في الشارع المشي في الشارع حق اصيل لا يجوز التفضل بيه,اما ان كانت مسدلة( بمعنى انها تغطي عينها بقطعة قماش) فغسمحيلي
هنا اصبح من المهم انها تمنع من القيادة..لإن ده ممكن يعرض حياتها وحياة الاخرين للخطر..اما العمل فمن المهم ان اللبس يساعد على الإنتاج..يعني لا الهاف ستومك مقبول ولا النقاب..خصوصا في المهن الي بتمارس عمل مع جمهور انا شخصيا كنت بعاني في الجامعة من المعيدات المنقبات .لإني لا بسمعهم ولا بشوفهم..والوجه عنصر اساسي في التعبير..انا مش ضد النقاب لإن دي فعلا حرية شخصية..واكيد صاحبتة تملك قدرة اعلى على مجاهدة النفس..لكن محدش بياخد كل حاجة..والجهاد ما بيتجزأش..كمان المتاجرة هنا بالدين فيها شئ من الإبتذال بيخرج الهدف من سياقة الحقيقي..
شكرا ليكي..واسفة جدا على الإطالة الشديدة
بالمناسبة..انا كتبت تعليقي بعد ما قرأت تعليق يساري و مراقب مصري فقط...و مكملتش بقية التعليقات عشان خفت الكلام يتوه مني....و عشان الكلام كده شكلة هيبقلب بغم..و شكلنا هنعمل زي الصعايدة الي بعد ما مات منهم خمسة قالوا كفاية كده لحسن بينها باخت..عايزة بس اقول لغزالي...بصرف النظر عن ان مراقب مسلم ولا مسيحي ( اعتقد ان المسيحين بيفضلوا لقب مسيحين عن نصراني) فكل انسان عنده قناعة شديدة ان دينه هو الدين الحق..فمش من حقك مثلا انك تقول ان الإسلام سليم قلبا وقالبا عكس غيره من الأديان..انا في رايي الشخصي ان ده في حد ذاته ازدراء لبقية الأديان...
المشكلة اننا بقينا عاملين زي طالبان..نيتنا خير...بس جهلة..( احسبنا كذلك والله حسيبي)..بنقرا من الجرايد...و بنتعلم من التلفزيون..ومعندناش ثقافة التأصيل..و هو قياس الأمور على اصول ثابتة...ليست بالضرورة اصول دينية..لكن على الأقل اصول علمية في تفنيد المساءل و طرحها و الخروج منها بمعطى ايجابي...غزالي أنا متأكدة انك انسان معتدل جدا..خايف قوي تجرح مشاعر حد..و بتحسس على الكلام..وكذلك مراقب مصري..لكن المشكلة اننا كلنا محملين بتراث طويل من سوؤ الحوار...فخايفين نفتح بقنا....وخايفين نفهم و نسأل
ازاى يعنى الاسلام دين يقبل الأختلاف ودين رحمه يعنى أنا أتولدت لقيت نفسى مسلمه وبعدين لما كبرت لم أقتنع بالآسلام وقررت أكون ملحده مثلا قوم الاقى نفسى مرتده وعليا حكم بالموت؟ أو واحده سرقت لأن ولادها جعانين فى البيت نقوم نقطعاديها بصراحه منتهى الرحمه أنتى شفتى تطبيق حد الزنا بالرحم ومدى بشاعته وكاننا لسنا ادميين وما رأيك فى المسلمين الذين كانوا يسبوا النساء بعد الغزوات وبعد ما يقتلوا أباهم واخواتهم ويغتصبوهم حتى قبل ان تجف دمائهم ولأسلام دين الرحمه لم يحرم ذللك على فكره كل الأديان عك بس أنا افضت فى الكلام عن الأسلام لآنى كنت مسلمه وأنا أرى أن كل الأديان نزلت فى وقت معين ولناس معيينين وهى مناسبه لطبيعتهم وظروف حياتهم ولكن تقولولى نطبقها كماأنزلت فى زماننا هذا نبقى بنضحك على نفسنا ويا ريت حد يجيبلى دوله طبقت الاسلام حرفيا ونجحت
الاستاذ مجهول
كونك جاهل فدة شئ جميل
الاجمل انك كمان غبية
اقرى كويس
الاخت المجهولة المعروفة للاسف سيادتك بتاخدى من المواضيع والكلام بطريقة سطحية وعمرك ما هاتفهمى ببساطة لانك موش عاوزة تفهمى عاوزة تهاجمى وبس لمجرد الهجوم بتاخدى اللى على مزاجك وتسيبى اللى بيخالف هواكى ارد عليكى على تطبيق الحدود زى قطع اليد سيدنا عمر فى عام الرمادة السنة اللى جاع فيها الناس لم يطبق الحد على السارق يعنى ببساطة الجعان والمحتاج موش بيطبق عليه الحد والزانى اللى بيترجم هو المتزوج وربنا اداله رخصة يتزوج تانى يبقى يستحق العقاب لما يخالف امر ربنا ولا هى ها تبقى سايبة كدا يفحش براحته ونطبطب عليه نقوله معلهش يا حبيبى سماح ؟؟؟؟ اما قولك انك كنتى مسلمة سابقا معلهش دى وسعت منك شوية لانك لو كنتى مسلمة كنتى ها تعرفى ابسط المعلومات عن الاسلام وماكنتيش ها تتكلمى بالطريقة الغبية دى اللى فضحت جهلك الاسلام مش قانون وضعى ده تشريع كامل من عند ربنا محدش وضعه وعلى رأى والدك يرحمنا ربنا كلنا
دة ان دل على شىء يدل على انى كنت صح فى احالة الىل انا بعيشها الايام دى
اشعر و كأنى محلقا فى سماوات بعيدة خالع البنطلون و بترتر على اللى انتى ذكرتيهم دول
اذى كنتى انتى بترجعى فأنا مستمتع بالشخاخ بصراحة
فعيشوا حياتكم فأنى شاخخ عليكم جميعا
نيهاهاهاهاهاه
احييكي علي فهمك الذكي و تحليلك للموضوع
الحقيقة النتيجة الوحيدة اللي طلعنا بهامن موضوع الرضاع و البول هي ان كل الناس حاليا بيشككوا(ان ما كانوش بيشتموا كمان)في رأي كــــل العلماء
و دلوقتي لو العالم الفاضل الدكتور علي جمعة او اي عالم اصدر فتوي سهل جدا ان اي حد يرفضها و يشكك فيها .. بجهل
و في الدوشة و الهيصة ما حدش سمع عن رجوع العالم عن فتواه اللي اصلا اغلب الناس سمعها منقولة عنه مش منه شخصيا
.
هو احنا كده كل فترة يطلع لنا موضوع كبير يتعمل عليه دوشة و هليلة عشان نتلهي عن اللي بيحصل في البلد
.
الله ينور عليك و علينا جميعا
تحياتي
لا اجد ما اقوله سوى انه عندما يطيخ الشكرامون فى التراللى فكل شيئ مباح بداية من اللعب فى المناخير حتى المشى بالجزمة ورباطها مفكوك فى زمن لم نعد نرصف فيه الطرقات ولم نعد ننتج فيه الكلينكس
استنونى شوية
على فكره أنا لم أهن أحد ولم أتطاول على ألأسلام أنا فقط تساءلت وللأسف كالعاده قوبل تعليقى باهانتى أنا شخصيا بصراحه منتهى التقبل للآخر وحتى لو كلامى فيه تجاوز فهذاى لا يعطى أحد الحق لاهانتى وبعدين ايه بقى اللى أنا فهماه غلط ومحدش رد عليا عن استحلال عرض النساء لمجرد هزيمتهن فى غزوه لماذا لم يحرم الأسلام الرق وهو أبشع المماراسات الغير أنسانيه وبالنسبه للحدود من رجم بالحجاره حتى الموت تشويه الناس بهذه الوحشيه فأنا أسفه فضميرى وفطرتى لا تستطيع أن تتقبل ÷ذه الوحشيه وأتعجب بأنه مازال ]وجد من يجد هذه الممارسات عاديه وعلى فكره والله أنا :نت مسلمه
واضح ان الاخت مجهول
والاخ مجهول
عارفين بعض
وعاملين المدونة مراجيح مولد النبي
طيب مافيش مشكلة
بس بما اني سي سراج
اي رئيس مراجيح مولد النبي
ياريت تفهمونا انتوا مين
وللا هاه
وستميت مرة قلنا مافيش حاجة اسمها حد الردة للافراد
ومش انا اللي باقول
انا واخدة الكلام ده من بق علماء
وحروب الردة حاجة
وحد الردة حاجة تانية
حروب الردة متعلقة بالفساد في الارض والخروج عن الدولة
كل دولة في الدنيا بتحارب الانفصاليين
وللا لازم يبقى شعرهم اصفر وعنيهم زرقا عشان يبقى معاهم حق
وبقى العلمانية اللي بتحرم على الناس يلبسوا اللي هم عايزينه هي اللي مؤمنة بالاختلاف؟
انا مصدقة ان الاخت كانت مسلمة
بالمولد
بس الواحد لازم يكلف نفسه ويتعب روحه شوية ويقرا
مش كل واحدة متغاظة من رخامة امها وقسوة ابوها تفشه في الدين
عايزة تفشه في الدين هي حرة برضه
بس ما تتكلمش في اللي هي ما تعرفوش
بالنسبة لنظام السبي
فده كان نظام عالمي
والاسلام تخلص منه بالتدريج
وحط له قوانين
مش صحيح ان السبية كانت بتغتصب كانت بتخير ما بين الاسلام او البقاء على دينها وبتخير ما بين الرق والزواج
ده غير انها كانت لازم تترك فترة حداد على اهلها وفترة استبراء لرحمها يعني فترة لا تقل عن اربعة اشهر
ودي القوانين اللي حطها الاسلام
رجاء العودة لكتب الفقه
او العلماء
او كل واحد حر يزهق من اهله بس ما يقرفناش
أولا يا نواره أنا معرفش الأخ مجهول ده وهو أكيد فاكرنى واحده تانيه لأنى مش مدونه أنا فقط أستمتع بقراءه المدونات وخاصه مدونتك وكمان أنا أعشق والدك أحمد فؤاد نجم وعلى فكره أنا مش زهقانه من أبويا أو أمى بالعكس ده أنا أتحجبت وأخفيت أرآى الشخصيه دى عنهم حتى لا أكسر قلبهم ولا أأسبب أى حرج لزوجى وأولادى وأنا أحترم ردك على ولكن لم يقنعنى وعموما لكم دينكم ولى دينى
الاخت مجهولة
لا
اعتقادك بينك وبين ربنا
وما يخصنيش
لكن يخصني
ويخصني كانسانة وكمواطنة وكمسلمة
انك ما تبقيش منافقة
تسببي لهم حرج ده ايه؟
انا افهم تسببي لهم حرج لما تمشي والعياذ بالله في البطال
تشتغلي رقاصة
جاسوسة اسرائيلية
لكن انك تتحجبي وتفهميهم وتفهمي الناس انك مسلمة وانت مش مسلمة
مش من حق حد يجبرك على ده
ومش من حقك تخدعي حد
ولا كويس لا على صحتك النفسية ولا على دماغك ولا على المحيطين بيكي ولا على المجتمع كله
ده منتهى الخطورة اللي بتقوليه ده
على نفسك وعلى غيرك
نوارة ما تتعلبش نفسك معاها لأنها بتدعى حاجة ما حصلتش فقط محاولة تشويه للصورة بأدعاء انها كانت مسلمة واتنصرت لكن بتحاول تدارى نفسها دى اصلا موش مسلمة وألا كانت عرفت ابسط المعلومات عن الاسلام لكنها بتدخل علشان تهاجم وخلاص هى فعلا مالهاش مدونة لكن لها اسم انا بعرفه من اسلوبها بتعلق كتير عندك وعند غيرك ولما بتشتم حد مش بتدخل باسمها
الاخت المجهولة دى لينك فيها رد على كل كلامك مما لايتسع له المجال هنا لو عاوزة تفهمى وعلى فكرة لو كنتى قريتى كويس وفهمتى الردود كنتى هاتعرفى انه مش مفصود اهانة بل المقصود انك ما قدرتيش تفهمى الكلام اللى الناس كاتباه او اصلا ما كانش عندك استعداد لا للقراية او لفهم التفاصيل http://www.ebnmaryam.com/shobhat/shobhat.htm
Post a Comment