في الحرب الأهلية ليس هناك ظالم ولا مظلوم
ليس هناك معتد ولا معتدى عليه
ليس هناك منتصر ولا مهزوم
في الحرب الأهلية يرفع الأخوان السلاح ليقتل كل منهما الآخر
...................
يا بني وطني
في الحرب الأهلية
يا بني وطني
في الحرب الأهلية
القاتل والمقتول في النار
37 comments:
بيطحنوافى بعض صراعا على سلطة على جزء بسيط من الارض اللى اشفقت عليهم اسرائيل واديتهالهم أومال لو كانت اسرائيل سابتلهم الارض كلها كانو عملو فى بعض إيه ؟؟؟
تصدقو بالله أنا نفسى اسرائيل ترجع تاخد منهم الارض والحكم الذاتى علشان يفوقوا ويرجعو يحاربو عدوهم الحقيقي بدل ما يحاربو بعض
الله يبارك لك ويكرمك يا نوارة
القاتل والمقتول فى النار
الشلل بقى ان ولاد الذين الاسرائيلين
انتهزوا الفرصة وقال ايه....البهوات صرحوا وسمحوا بمسيرة سلمية للمثلين للمطالبة بحقوقهم الجنسية؟؟؟..وفين يا ناس ياهوه
فى القدس
اللى من اربع شهور بس كان الكينست بيناقش تدنى مستوى التدين فى المراهقين
بيفقعونا...عندهم حق ماهى ناقصاهم
نسيت اقول..ومين سمعك يا ميتو
يا نورا مبروك خروج عمر وانا شايف كده انك ناويه تروحى مكانه انا طبعا باهيس لان نجم ح يتصرف المهم انت مزعجه لكن بنحبك انت وافكارك الخطر
استاذة نوارة بما انك عاشقة لنظرية المؤامرة تقدرى تستنتجى ان ده وضع طبيعى جدا ونتيجة منطقية للتحالف الامريكى الاسرائيلى المصرى السعودى ضد حماس التى اتت الى السلطة بديموقراطية لم ولن تحدث فى العالم العربى كل واحد فى الاطراف له مصلحة فى ده لكن بطريقة او بوجهة نظر مختلفة لكن المسئولية الاكبر تقع على عاتق الاخوة الفلسطنيين وخصوصا اعضاء فتح بالذات وكلنا يذكر تاريخ فتح العريق فى حروب الميكروفونات وجمع الاموال بأسم الشعب الفلسطينى ... عموما مهما كانت الاسباب اللى بيحصل ده هو غاية مراد اسرائيل وامريكا الفلسطنيين يخلصوا على بعض واسرائيل بتتفرج عليهم واللى يفضل على قيد الحياة منهم بعد كدا العراق فى انتظارهم علشان بخلصوا عليهم هناك وبكدا تتحل القضية الفلسطنية للأبد تحياتى (وش بيغمز)
انا مبقتش فاهمه حاجه خاااااااااالص بقي
كل شويه الاقي ولاد بلد واحده يمسكو يقطعو في بعض وخالتو امريكا تهلل وترحب
طب هوا ايه اللي بيحصل يخلي النار تولع كده بالسرعه دي
انا مبقتش فاهمه حاجه من اللي بيحصل سواء في مصر او لبنان ودلوقتي فلسطين والبقيه تاتي
عندما صار يقال، كلما قتل سياسي أو
ذو عقيدة، أن دم الشهيد لن يذهب هباء، فما ماتت قضية سقاها دم الشهداء ... صار دم الشهيد يذهب هباء وقضيته تموت أسرع ميتة .
كان الإستشهاد يحي القضية يوم لم يكن قول ذلك قد أصبح نسخاً عن أصل
هو ليه ثقافة الحروب الاهلية في القرن الحالي بقت موجودة بشكل شبه مركز في الوطن العربي و بعض دويلات افريقيا حيث الادغال
احنا للدرجة دي متخلفين؟ تحسي بجد اننا حافظيم مش فاهمين، كاحماااااار يحمل اسفارا
الاخت نواره اللي دايما منوارنا
اما بعد
الموضوع يا ستي اللمنتي انه الناس بتوع
غزه دول بفالهم 60 سنه مش لفيين يكلوا
واحنا قاعدين
و بصراحه كده زهقو من العيشه و اللي
عيشينها
واحنا قاعدين
و حركه فتح او منظمه التهليب الفلسطينيه عماله تسرقهم طول السنين دي
و زوجة الزعيم الراحل ابو عمار عايشه في قصر في باريس و بتصرف من الكام مليون او بليون اللي يا حسره
سابهم لها
واحنا قاعدين
و طنط امريكا و اونكل اسرائيل عينوا عمو ابو مازن و ادو له فلوس و سلاح عشان يدخل السيخ المحمي في صرصور ودن حماس
واحنا قاعدين
جت حماس و قامت لطشت لعصابه ابو مازن و شركاة
و احنا قاعدين
و الناس الغلابه يا عيني عماله تططحن في النص
برضه واحنا قاعدين
نحمد الله علي زوال حركه فتح من غزة و
الي مذبله التاريخ يا حراميه
و عقبالك يلي في بالي . . انتي ويل محروس الصغير
واحنا قاعدين
الاستاذ اللي سايب ميله
القاتل و المقتول في النار ,,,,و الضحية صارت جلاد ,,و الضعيف صار قوي ع الاضعف ..
اااخ خيتي نواره بوستك حرق قلبي و لما حكيت للوالد عنه دمعت عيني ...كثير بالنقاشات الي كانت تدور اقولهم لاااااا شعبنا واعي شعبنا عنده حدود و خطوط حمرا ... مبارح بالشغل قالولي وين الخطوط الحمرا ,,, تلقائتي المحطمة قلتلهم الخطوط تحولت لدم احمر و احنا بزمن التحولات و الخياته ف ممكن التحول لاي اشي
هو بس تعليق بسيط انشالله الشيطان بيكون ورا الطرفين و داعمهم مالي قضيتي مش مين بحرك كل طرف قضيتي البلد الي دمرت و الشعب الي معنوياته حطمت قضيتي انه كلمات الصهيونية زي منطقة عسكرية مغلقة صارت فلسطينيه قضيتي لما الفلسطيني بيذبح الفلسطيني ..قضيتي لما صار همنا ارفع علم حماس و لا رايه فتح ع مقر الامن الوطني بدال من الاقصى
مش قضيتي مين بيدعم مين معلش بزعجك دايما بس الطمع بالكرام
عندنا في مصر دايما في الخناقات يقولوا ما تركبش نفسك الغلط
صحيح المبدأ ده يبان قمعي
بس اللي ما بيركبش نفسه الغلط هو اللي بيكسب في الاخر
ترجمة ما تركبش نفسك الغلط دي موجودة في القرآن كده: "لئن بسطت يدك إلي لتقتلني ما أنا بباسط يدي إليك لأقتلك"
ووصية الرسول: كن كأحد ابني آدم
غريب أن من له عقلك و موهبتك من الكلام أن يصدر عنه هذا التعميم الأحمق
لن أطيل في وصف الماء و لكن قبل أن أنقل حكم الجاسوس في الشريعة و حكم من يوالي الكفار من المسلمين و يعينهم عليهم و يطلعهم على عوراتهم أذكرك ان كنت تعلمين أن تاريخ فتح في الخيانة لا ينكره فتح أنفسهم و لكنهم حين يعترفون به يتحدثون بمنطق أهل الحق
كمثل هؤلاء الخونة الذين عفت حماس عن كثير منهم و أعدمت بعضهم لثبوت خيانته و هو الذي قيل له لا تبالغ في العمالة فتستهدفك حماس فرد قائلأ الله نفسه لا يستطيع أن ينال مني
اتق الله في قلمك و لا تخلطي الأوراق
لو كان قاتل الجاسوس و الخائن في النار ما فعلها رسول الله و القصة مشهورة و لم يقل أحد يوماً أن رسول الله يقتل أصحابه أو أنها حرب أهلية
اليك أحكام الشريعة في الجاسوس و موالي العدو و ان كانت غير موثقة من جانبي و العهدة على الناقل لكنها صحيحة بالاجمال و الله أعلم
من هو الجاسوس ما حكمه في الاسلام الجاسوس: هو الذي يخبر العدو بأحوال المسلمين و قد اختلف العلماء في حكمه ،
قال ابن القيم في الزاد(3/ 422 ): فصل وفيها ( أي قصة حاطب) جواز قتل الجاسوس وان كان مسلما لان عمر (رضي الله عنه) سال رسول الله (صلى الله علية وسلم) قتل حاطب بن أبي بلتعة لما بعث يخبر أهل مكة بالخبر ولم يقل رسول الله (صلى الله علية وسلم) لا يحل قتله لأنه مسلم بل قال وما يدريك لعل الله اطلع على أهل بدر فقال اعملوا ما شئتم فأجاب بان فيه مانعا من قتله وهو شهوده بدراً
وفي الجواب بهذا كالتنبيه على جواز قتل جاسوس ليس له مثل هذا المانع وهذا مذهب مالك واحد الوجهين في مذهب احمد وقال الشافعي وأبو حنيفة لا يقتل وهو ظاهر مذهب احمد
والفريقان يحتجون بقصة حاطب والصحيح إن قتله راجع لرأي الإمام فان كان في قتله مصلحة للمسلمين قتله وان كان استبقاءه أصلح استبقاه والله اعلم ، انتهى.
وهذا هو اختيار شيخ الإسلام ابن تيمية وذهب الشيخ العثيمين إلى انه يقتل وان تاب حدا لا ردة
ويجب أن يعلم إن الكثير من الجواسيس اليوم في بلادنا قد تعدوا الوصف الذي تكلم عنه العلماء أعلاه بل وقعوا في تولي الكافر المحتل ومعاشرته ودلّه على عورات المسلمين ومظاهرته عليهم. فهؤلاء لهم وصف زائد وحكم آخر وهو الردة
قال الشيخ حمد بن عتيق النجدي رحمه الله في الدفاع عن أهل السنة والإتباع (31-32 ): فقد تقدم إن مظاهرة المشركين ودلالتهم على عورات المسلمين أو الذب عنهم باللسان أو الرضى بما هم عليه كل هذه مكفرات ممن صدرت منه من غير الإكراه المذكور فهو مرتد وان كان مع ذلك يبغض الكفار ويحب المسلمين
قال ابن حزم ( 18 /138 ): صح أن قوله تعالى ( وَمَنْ يَتَوَلَّهُمْ مِنْكُمْ فَإِنَّهُ مِنْهُمْ)(المائدة: من الآية51) انه على ظاهره بأنه كافر من جملة الكفار وهذا حق لا يختلف فيه اثنان من المسلمين
ماهي حــكــم الــتــولــي والــمــوالاة وما حكمها في الاسلام• التولي هو اتخاذ الكفار أولياء بنصرتهم ومحبتهم لكفرهم ومظاهرتهم على المسلمين وما أشبه ذلك وهذا كفر لا شك فيه
• قال ابن تيمية في الصارم المسلول ص163 : وكان (صلى الله علية وسلم) يكافئ المحسن إليه لإحسانه وان كان كافراً
• قال الشيخ ابن باز في مجموع فتاواه (1 /274 ) : وقد اجمع علماء الإسلام على أن من ظاهر الكفار على المسلمين وساعدهم بأي نوع من أنواع المساعدة فهو كافر مثلهم كما قال تعالى: ( يا أيها الذين آمنوا لا تتخذوا اليهود والنصارى أولياء ... الآية)
• قال ابن القيم في المدارج ص 281 : أهل السنة متفقون على أن الشخص الواحد يكون فيه ولاية لله وعداوة من وجهين مختلفين
• وقال الشيخ عبد اللطيف آل الشيخ :( وعرفتهم إن مسمى الموالاة يقع على شعب متفاوتة منها ما يوجب الردة كذهاب الإسلام بالكلية ومنها ما هو دون ذلك من الكبائر والمحرمات ( الرسائل والمسائل النجدية : 3 / 38)
ما هي احــكــام الــتــعــامــل مــع الــكــفــار ينقسم الكفار في شريعتنا إلى أربعة أقسام:
1- الذميون : وهم الكفار الذين يعطون الجزية عن يد وهم صاغرون مقابل الكف عنهم وحمايتهم وهؤلاء لا يجوز التعرض لهم بسوء ما التزموا بالذمة ولم ينقضوها لقوله (صلى الله علية وسلم): ( من آذى ذمياً فقد آذاني ) .
2- المعاهدون : وهم من كان بينهم وبين المسلمين عهد فلا يجوز التعرض لهم إلا إذا غدروا ونقضوا العهد وإذا أراد المسلمون بدأهم بالقتال فيجب قبل ذلك إن ينبذوا إليهم عهدهم.
3- المستأمنون : وهم أقوام من الكفار أعطاهم المسلمون ( فرداً أو جماعة) أمانا لوقت معين وغرض معين فلا يجوز التعرض لهم حتى ينقضي الوقت والغرض .
4- المحاربون : وهم ما عدا هذه الأصناف الثلاثة ولا يشترط في المحارب أن يشهر سلاحاً بل المتعاون معهم كالتجار والصحفيون إذا ثبت ذلك .
كلنا يخطئ و يصيب و لكن الرجوع الى الحق من فضائل أهله أسأل الله أن يجعلك منهم
جاسووووووووووووووووووووس
والجواسيس دول برضه منهم عيال صغيرة واطفال
ومرضى في مستشفيات
اتقوا ربنا بقىىىىىىىىىىىىىىى
والله ماينفع كده ده انا شفت تفجيرات المباني يعني حاجه تنرفز قوي قوي
تحياتي
سايبين العدو الحقيقي و بيقتلوا في بعض.... يا فرحة اسرائيل و أمريكا فيهم.....
الأخ المجهول ده أقل ما يقال عنه إنه سافل و بجد دورت فى قاموس الشتائم ملقيتش شتيمة تناسبة، غير إنه ممكن يكون هوه نفسه شتيمة
حد يشيل أم التعليق ده من هنا
مش هزعل من اتقو ربنا
لأن الله قالها لمن هو خير مني و منك:
"يا أيها النبي اتق الله"
انما بقىىىىى المطولة دي مش من النصيحة و تقلب المعنى تماماً يعني أنا مثلاً أو احنا و لا أعرف من تقصدين لأني بتكلم بصيغة الفرد لا نتق الله و عاوزانا نبطل الحكاية دي
حكاية مستشفيات و أطفال دي غير واردة حتى في قتال الكافرين و ان حدثت فلا شك عندي أنها من جانب الخونة الذين يبيعون دماء اخوانهم ليل نهار على رؤوس الأشهاد و لعلك لا تمانعين في قول أحدهم "ربنا نفسه ما يقدرش عليا" و ممكن تحلفي انه مش ممكن يكون بيقتل أطفال و الكفرة بتوع حماس بيشربو دم أطفال قبل النوم.
تتوقعي ايه الحال باعتبارك معارضة لمبارك لو في يوم حصلت فلتة و الشعب اختارك تحكميه فالمحروس ماعجبوش الحال و حاربك بل و استعان بالعدو (اللي مش موجود أصلا لأننا في سلم صوري) و باركته شياطين الانس ؟
هتدوري خدك اليمين و تقولي له اضرب يا معلم؟ و لا هتحاربيه عشان مصلحة البلد اللي ظلمها؟ دا في مصر اللي بنظلم بعض فيها مننا في بعض, فما بالك بمن اختاره الشعب المحتل في حال حرب دائمة ليصلح حالهم فأبى عليه العدو بل و لم يقدر عليه بعدته و عتاده؟ أصول الاخراج بتقول اننا نجيب اللي لو قدر عليه فبها و نعم و ان ماقدرش يبقى نعمين و أهو طلع كلب زي غيره. حاجة كدة من مبادئ نظرية المؤامرة لو كنت من عشاقها و من ألف باء المنطق لو كنت تحكمينه.
الفسلطينيون الذين تدعين الدفاع عنهم هم من اختار حماس ليحكمه
فتح التي تعتبرينها من الأهل هم من باع القضية و تحكم في الناس قبل أن يتحكم فيهم العدو و كان يد العدو و عينه و لسانه
أمريكا و الصهاينة و و و هم من يباركون حل الحكومة الديمقراطية المنتخبة و يمولون فتح لضربها
عاوزة ايه تاني؟
يعني باختصار هم خلعوا عن أنفسهم قناع الملائكة الأخيار و حضرتك تضللين قرائك بالباسهم عباءة الاخوة الأبرياء
اتقي ربنا
ايه اللي جاب سيرةالاستاذ احمد فواد نجم هنا؟ و ده تشهير و لا تبجيل؟
الاستاذ نجم دا استاذنا كلنا و اللي مش عجبه يشرب من الترعه
و كفايه عليناان الاستاذ نجم جابلنا نواره
ما تحسدون النجم علي لمعه
ساهر الليل يضيئ الكواكب
يبعث اليكم بنوارته
افتنشرون الغرائب
والله ان لم تكفو
فليس لكم منا
الا ضرب الشباشب
ههههههه
الاستاذ اللي سايب ميله
زبالة بجد كلهم بيخسرو هايقتلو اهلهم بمنتهى البساطة
زبالة بجد
السلام عليكم
اشكر كل من تساءل عن غيابي
ووقف بجانبي في محنتي
تحياتي لكل شريف حر
العزيزة جبهة
:
ما هذا الكلام عن القاتل والمقتول في النار؟
لمذا لا تطبقي عليهم شرع من "أصاب فله أجرين ومن أخطأ فله أجر واحد"؟
أليسوا أحفاد أم المؤمنين عائشة إبنة الصديق وزوجة رسول الله ، وعلي كرم الله وجهه زوج فاطمة وربيب محمد، ومعاوية الكلب إبن أكلة الكبود وأبو سفيان بلحيته الصفراء؟
هل نسيت معركة الجمل؟ هل نسيت صفين؟
ومن شابه أباه فما ظلم
مع صادق التحيات
أبو لهب
الدرك الأسفل السابع
دوار العياذ من الله
وادي هبهب
حهنم
و الله العظيم قرفت
أه لسه بأعيط لما أشوف المناظر الفظيعه
بس قرفت خلااااااص
الواحد بقى يستعر من جنسيته و أصوله و عروبته
يعنى الواحد لو من جزيرة موريشيوس و موحد بالله كان زمانه فل الفل
يا أمةً ضحكت من جهلها الأمم
على رأى عمتى
جتنا نيله حزم
و الباقى براطيش
متهيألي اصح هنا نقول
لَئِن لَّمْ يَنتَهِ الْمُنَافِقُونَ وَالَّذِينَ فِي قُلُوبِهِم مَّرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا
وايضا
وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِن بَغَتْ إِحْدَاهُمَا عَلَى الْأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِن فَاءتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ
بوما ان مفيش جهة واحدة تقاتل الباغي-فتح
وبما ان كل الفئات الموجودة تريد اسقاط الاسلاميين واثبات فشلهم حتى باقذر واحط الطرق
يبقى فلندع حجماس تأخذ حقها الشرعي ولندع لها بالتفويق في اسرع وقت واقل خسائر
وحررراااااااام عليكم الازدواجية دي واتقوا ربنا
عشر دقائق ان شاء الله وتعليق أخير في الموضوع التاني على بلوستون وسنايبر
وياريت اللي بيعيط يفتكر الفلوس اللي كان داخل بيها هنية عشان شعبه واتعلقت منه واتقتل حارسه ...وشم مهم يجوع الشعب المهم حماس تفشل
يبقى عيط على كده
الاخت نوارة
والاخوة المعلقين
بدون موارباة وكلام متغطي
اللي ميعرفش حاجة يسأل الاول وبعدين يفتي علشان كده بقت بايخة قوي وكل واحد حافظ كلمتين - وانا واحد منكم - يقوم قايلهم ومفيش حد فاهم حاجة وكلنا قفزنا علي الحقائق وشفنا اللي مفقوع عينه رحنا مصوتين ويا لهوي ويا خرابي وحتي لم نسأل اللي فقع عينه ليه؟؟
كلام كله تعميم واستخدام شعارات عاطفية ودفاع عن حاجات هبلة ولا احنا عرفين حاجة وبنزيد الموضوع فتنة بكلمنا الجاهل والموضوع فعلا في ابعاد غير معلنة واسباب مخابراتية وانا مش من اصحاب نظرية المؤمرة بس الموضوع فعلا اكبر من الهطل اللي انا شايفه ده
بجد الواحد زهق من السطحية ديه
قاتل ايه ومقتول ايه ؟؟
وحروب اهلية وفقر وخطوط حمرا وخطوط شفتشي وحرمة الدم والاخوة الاعداء ومتركبش نفسك غلط
هو في إيه؟؟
مش نستني نفهم الاول وبعد كده نبدأ نحلل وندين ونحكم
هو حتي الاستسهال والسربعة وصلت هنا؟؟
انا مش حقول رأي في الموضوع دلوقتي لغاية ما الحقائق تظهر حتي لا اتهم باني منحاز لأحد أو اني ارفض سلوك واتي بمثله
معلش سؤال مش قادر اأجله
وينفع فزورة البوست للاخوة المعلقين
حد فيكوا يعرف واحد إسمه محمد دحلان؟؟؟؟
واللي يعرفه
يعرف يقول هو فين؟؟؟؟
انتظرونا مع فوازير التعليق القادم
بحري من اسكندرية
فقع عين التاني؟
منافقين؟
فتح؟
مين اللي جاب سيرة فتح
ومين اللي حط امل على فتح
ثانية واحدة بقى
احنا بنتكلم عن مصالح وللا بنتكلم عن عقيدة
المفروض
ان حماس هم اللي ناس عقائديين
وهم اللي ناس مؤمنين بان وما النصر الا من عند الله
وهم اللي مش مفروض يبقى عندهم اطماع دنيوية
وهم اللي بيعملوا للاخرة
وهم اللي بيبتغوا وجه الله
المفروض يعني
او على الاقل هم اللي بيقولوا كده
والمفروض انهم ترشحوا للانتخابات بهدف خدمة قضيتهم الرئيسية وهي المفروض انها لوجه الله
وقع عليهم ظلم
والمؤمن المفروض انه لا يأبه للظلم ان وقع عليه من دنيا واصابه في دنيا
لان دول ناس المفروض ان هدفهم الاخرة
وقع عليهم ظلم
وقاوموا
واتواجهوا بخيانة من محمود عباس وشلته وعلى رأسهم دحلان
وخيانة الناس دي مش جديد
ولا هم حتى بينكروا
وحماس دورهم في الاساس مقاومة الاحتلال
ومافيش دولة عشان يبقى فيه سلطة
وسبب ترشحهم هو هدفهم لانقاذ الشعب الفلسطيني من براثن شلة فتح
طيب نيتهم خير
جم نجحوا وتآمر عليهم الكل
طيب
والحكومة دي حوصرت
يعني بالعربي
هدفهم لم يتحقق
ما عرفوش ينتشلوا الشعب الفلسطيني من بين انياب عباس وشلته
بل بالعكس وقعوا فريسة هم التانيين
وعطلوا كفاحهم المسلح
وكشفوا ضهرهم
وفوق ده كله استدرجوا الي قتل النفس التي حرم الله
وبطلوا بقى كلمة دول خاينين والكلام ده
حماس قتلوا زعيم كتائب شهداء الاقصى
وركبوا نفسهم الغلط
وهم اللي ساووا نفسهم بفتح
مش احنا اللي بنساويهم
مافيش شرح هنا خلاص
انتهينا
مدام ايديهم اتلطخت بالدم
بالعكس بقى
حماس تتحاسب اكثر من فتح
لان احنا املنا كان في حماس
وكان عشمنا انهم يكونوا اكثر عقائدية ومثالية من كده
وماعندناش اي امل في فتح
هم خدامين ربنا
مشيوا في طريق لخدمة ربنا وانتظارا للاجر من ربنا
ولقوا ان الطريق ده ح يتسبب في انهم نزلقوا في فتنة ومعصية من الكبائر بدل المرة عشر مرات
المفروض
لو هم صحيح بيبتغوا الدار الاخرة يحولوا مسارهم
واحنا مش في مجال مقارنة موقف فتح بحماس
مفروغ منه ان حماس ظلمت
ومفروغ منه ان قيادات فتح الحالية زي عباس ودحلان
قيادات خائنة باعتراف كوندوليزا
وعشان كده هم مش ح يهمهم ان الطفل يتقسم نصين بينهم وبين حماس
لانهم مش ام الطفل
ام الطفل هي اللي تضحي لسلامة الطفل
وحماس مكانها المقاومة
مش كراسي السلطة اللي هي مش سلطة خالص
ارجوا يكون واضح بقى
الأخت نوارة
ما شاء الله عليكي .. اتجاهك واضح وطريقك واضح .. وما حدش بيعرف يتوهك أو يضللك ..
كل اللي قلتيه صح .. لا حكومة ابو مازن نفعت الشعب ولا حتنفع .. ولا حماس قدرت انها تنتشل الشعب بل زادت مآسيه
حيقولوا انها ظلمت .. حقيقي ظلمت وحوصرت .. ولكن يا أخي النيجة المدملة ان الشعب الفلسطيني زادت مآسيه وهمومه و اختزلت قضيته في معابر ومساعدات ، انظروا الى النتيجة دائما
ان الوضع الداخلي .. لا يمت للإسلام بصلة ، التنفيذية والقسام وصفوا ابناء الشعب بالكفرة ( فتح وغيرها )
،تنكيل بالقتلى وهو ما لا يمت للإسم بصلة .. والله يا استاذه نوارة بدأت أشك في انتمائهم للإسلام
تخريب وقتل ونهب وسلب .. عيني عينك ..
يعني الشعب الفلسطيني .. أول شعب متعلم ي العالم ونسبة الأمية عنده صر .. يقاد الآن بأيدي جهلة لا يعرفون الله ولا رسوله ولا دينه
كا ذنب اطفال في المستشفيات ؟
لصالح من كل ذلك الذي حدث؟من المستفيد؟ لمن الولاء؟
انزال علم فلسطين ورفع علم حماس ؟
لا حول ولا قوة الا بالله ..
فسطين لن ينفع معها سوى رحمة الل .. ثم اتحاد شعبها يدا بيد في اتجاه واحد .ز وهو الاتاه الذي سلكه الشهداء والشرفاء والذين كانوا أعقل العقلاء .. واتمنى ان لا يأتى يوم على وأنا حي حتى لا تذرف تذرف العين دمعة الحسرة على ارواح الشهداء بأن تضيع هباء .. بعد أن ذرقت دمعة الألم على ما حدث يحدث
آسف على الاطالة
طب ممكن يا نوراة لو حضرتك مكملة في الموضوع تقوليلنا مقترحاتك وتخيلك لسيناريو آخر....سيناريو عملي يطبق على الواقع ...لكن حتى النهاية حتى حل القضية تماما ومعاقبة اسرائيل على جرائمها
يحولوا مسارهم يروحوا فين يعني
مش هاقولك تطبيق الشريعة الاسلامية اللي عمر ما فتح كانت هتطبقها.....لا واضح ان تفكيرك بعيد عن النقطة دي خالص
أما الحكومة تاخد قرار بنزع سلاحهم
او بقبول قوات دولية
ووضعهم في السجون...وتعذيبهم عشان خاطر عيون اسرائيل زي ما حصل في التسعينات
المشكلة مش في السجون طول عمر الإخوان لومانجية (:....المشكلة في توقف
المقاومة
والفلوس - فلوس التبرعات - اللي كانت بتتسرق وما بتروحش لمستحقيها
ايه الحل المقترح يعني
يا سلاااااااااااااام
حلو اوي التحليل ده
تيار شغال عند ربنا حاول يصلح والناس اخترته بس امريكا الوحشة وإسرائيل معجبهمش الحال
راحوا مسلطين مواظفنهم في السلطة يعملوا بوليكة وهيصة
المفروض بقه التيار المحترم اللي اختاره الشعب يعمل إيه؟؟
لو بيشرب اللبن ومصلحته البلد بجد ومش بيسعي لمصالح دنيونية كخة يقول انا اسف يا جماعة مجنتش فاكر الموضوع في حاجات قلة ادب سمحوني اني عملت كده
وينسحب ويرجع لمكانه الطبيعي اللي هو سجون السلطة ومقرات التعذيب
ومن وقت للتاني يقدم كام شاب كده علي مذابح المقاومة والشهداء واحنا نعيط وندعلهم ان ربنا ينصرهم من داخل سجون دحلان
وتنزل الستارة ونقف جميعا نصفق بشدة علي التزام الناس الحلوة ديه بالنص المكتوب في واشنطن
بلا قرف بقه
وفوق ده كله استدرجوا الي قتل النفس التي حرم الله
نفس إيه التي حرم الله؟؟؟؟
يعني سيدنا ابو بكر لما حارب مانعي الزكاة وكانوا علي اسلامهم او هكذا كانوا يدعون قتل النفس التي حرم الله؟؟
ولقوا ان الطريق ده ح يتسبب في انهم نزلقوا في فتنة ومعصية من الكبائر بدل المرة عشر مرات
كبائر إيه لا سمح الله؟؟
هو قتل الخاين كبيرة؟؟
والمؤمن المفروض انه لا يأبه للظلم ان وقع عليه من دنيا واصابه في دنيا
وده مين اللي فرضه يعني؟؟؟
طب نودي كلام ربنا فين؟؟
أذن للذين يقاتلون بأنهم ظلموا وأن الله علي نصرهم لقدير
مين قال ان الاسلام لا يرد الظلم عن المظلمين بالقوة والسلاح والحرب؟؟
مين قال ده؟؟
حبة عناوين كده علي ماقوسم
عباس يرفض لجنة عربية لتقصي الحقائق في غزة
عمرو موسي يقدم إقتراح لعباس بلقاء مشعل وعباس يرفض
بوش : سوف يتم رفع الحظر عن الحكومة الجديدة برئاسة فياض
اولمرات : سندعم انصار السلام في السلطة الفلسطنية
اسرائيل ترحب بحكومة فلسطنية دون حماس
لمين يسعي للحقيقة ومعرفة بعض ابعاد القضية
هذه بعض الروابط
فتش عن دحلان
http://www.almesryoon.com/ShowDetails.asp?NewID=29786
من هو دحلان
http://www.almesryoon.com/ShowDetails.asp?NewID=27706
دحلان وأبو شباك-التي اغتالته حماس -في المواجهات الاخيرة
http://www.almesryoon.com/ShowDetails.asp?NewID=34279
البحرية الإسرائيلية تؤمن "تهريب" مجموعة دحلان من شواطئ غزة إلى العريش
http://www.almesryoon.com/ShowDetails.asp?NewID=35596
مقاتلاً مواليًا لـ "دحلان" يعبرون الحدود المصرية إلى غزة لدعم "فتح" في مواجهة "حماس"
http://www.almesryoon.com/ShowDetails.asp?NewID=34342
لدعم "معركتها" مع حماس.. واشنطن تطلب من مصر تزويد القوة 17 التابعة للحرس الرئاسي الفلسطيني بآلاف البنادق وملايين القنابل وقطع الذخيرة
http://www.almesryoon.com/ShowDetails.asp?NewID=35306
القاهرة تطلب من عباس تحجيم نفوذ "دحلان" وترفض فكرة الانتخابات المبكرة بتاريخ17 -12-2006.
http://www.almesryoon.com/ShowDetails.asp?NewID=28053
والاخوين الصارم الحاسم
وبحري
والنبي انتوا مش مكسوفين من نفسكوا
وللا انتوا مش بتسمعوا نفسكوا
ايه اللي جاب عمر للوضع اللي احنا فيه ده
يا مؤمنين مافيش بلد
ولا فيه دولة
يعني مش ممكن بننسى التاريخ البعيد والتاريخ القريب كمان
هي اللي اسمها السلطة دي اتأسست امتى
واتأسست ليه
ياسر عرفات بقى اللي ما تجوزش عليه اللي الرحمة
قبل او انضحك عليه مش عارفة
انه قصاد اتفاقية غزة اريحا
يبقى فيه حكم ذاتي يقوم بدور المخبر ابو جلابية وبالطو وجرنال مخروم عشان يبلغ عن المقاومة
واكتر من مرة - بسبب السلطة الفلسطينية - كان الفلسطينيين ح يقعوا في حرب اهلية
ولكن حماس والجهاد الاسلامي
واللي كان اتقتل منهم ناس كتير برصاص السلطة
قالوا احنا سلاحنا موجه نحو العدو ولو السلطة الفلسطينية موتتنا واحد واحد مش ح نرد على اعتداءاتهم
احنا شغلتنا مقاومة الاحتلال وبس
واحنا مش طرف في المعاهدات ولا نعترف بيها
ومؤمنين بفلسطين من النهر للبحر
مش ده كلامهم؟
مش كانت الثوابت اللي ملتزمين بيها طول ما ياسر عرفات عايش؟
والجهاد الفلسطيني لسة ملتزمين بالثوابت دي لحد النهاردة
ايه اللي حصل غير حماس 180 درجة وخلاهم يحيدوا عن هذه الثوابت
هم ما كانش المفروض يترشحوا في الانتخابات اصلا
مش هي دي السلطة المزيفة؟
مش هي دي الحكومة التي جاءت بموجب اتفاقات لبيع حقوق اللاجئين وحقوق الشعب الفلسطيني؟
مش ده كلامهم؟
ايه اللي حصل بقى
ويدخلوا الانتخابات
للترشح للسطلة
ويقولوا احنا مش معترفين بالاتفاقيات
يا سلااااااااااااااام
اذا السلطة دي اتأسست بناء على الاتفاقيات
دي حاجة كده عاملة زي اللي بتقول انا ح اشتغل رقاصة بشرفي
ايه اللي جاب سيدنا عمر دلوقت معلش
سيدنا عمر كان بيأسس دولة
شريعة ايه اللي انت عايز تطبقها مافيش دولة اساسا؟
ولا تملك شبر واحد من الارض
في اي لحظة اسرائيل تقدر تطلع بالدبابات تموت كل الفلسطينيين وتخلص
وابقى سلم لي ع المجتمع الدولي والمعاهدات
مش بس كده بقى
لو قريت اتفاقية كامب ديفيد
ح تعرف ان في اي لحظة اسرائيل تقدر تاخد سيناء مننا واحنا كل ما نستطيع فعله هو العياط
بحري
ح ارجع تاني واقول لك والنبي مش مكسوف وانت جايب كل المصايب على دماغ دحلان؟
واحد كل الناس حتى اللي في الصين عارفين انه حرامي ولص ومرتشي ومتعاون مع الاحتلال وعنده شره للسطلة وحتى ياسر عرفات ما كانش بيطيق اللي جابوه
لك سبحان الله يا اخي
معاه عصا سحرية
بيمسك الناس السلاح في ايديهم بالعافية
وبيجبرهم يموتوا بعض
انت مسلم وللا لا؟
رد
مسلم وللا لا؟
قتل الاطفال والنساء وحصار المستشفيات اللي فيها مرضى حلال وللا حرام؟
التمثيل بالجثث على شاشات التلفزيون حلال وللا حرام؟
المشاركة في اشعال الفتنة حلال وللا حرام؟
يعني سيدنا الحسن بن علي كان راجل جبان عشان وقى المسلمين شر الدم؟
سيدنا الحسين اللي قال ما معناه لو كان في قتلي خير المسلمين فليقتلوني كان راجل بيشرب اللبن قبل ما ينام؟
هو الاسلام ده عقيدة ومبنية على مبادئ وثوابت
وللا قومية والسياسة بقى مافيهاش اخلاق
وتولع البلد وفيها لاخفيها
السلطة الفلسطينية دي بناء اسرائيلي امريكي
هم اللي اسسوها اصلا
وكان المفروض بدل ما حماس تترشح لانتخاباتها
المفروض انها كانت تطالب الفلسطينيين بمقاطعتها
انا ما فهمش الوضع المخنث ده؟
فيه احتلال يبقى فيه مقاومة
وبس
ما اعرفش حاجة تانية
ومتهيالي
الاسلام اللي انت عمالين بس تتشدقوا بيه ده بيقول كده برضه
وسيبك بقى من دحلان
انا مش محتاجة اللنكات دي كلها عشان اعرف من هو دحلان
طيب بقى
بما ان الفتنة اشتعلت وكلهم شاركوا فيها على حد سواء
ليه ما قتلوش دحلان
بدل ما يقتلوا نساء واطفال وراجل مقاتل ومقاوم ويمثلوا بيه في الشوارع؟
وللا هو اللي تطوله ايدهم يموتوه وخلاص؟
على فكرة الأخبار اللي جت ان دحلان هرب بمساعدة اسرائيلية-دي اخبار محايدة من مصادر مصرية
واكيد اتبلغ وهرب بدري بدري من رؤسائه في اسرائيل - وما أظنش مش بأبالغ بالكلام ده
ممكن سعادتك تقولي تصورك اذا محصلش كده...الأسئلة اللي وجهتها لحضرتك..بدل الكلام النظري من حيث الأخوة والسلاح موجه لصدور الأعداء
ممكن بعد اذنك تجاوبي على اسئلتي بشكل عملي وتوصر حتى يتم خروج الاحتلال
إذا عندك وقت طبعا
على فكرة انا ما جبتش سيرة عمر خااااااالص
(:
بقول عمر ما فتح هتطبقها...ع ضمة ميم سكون راء سكون
يعني في المستقبل لن تطبقها
(:
والله مش انا اللي ممكن اقدم الحل او الاقتراح
بس الحل والاقتراح
تقدمت به حركة الجهاد الفلسطيني
واكتر من مرة
وقبل ما الوضع يتفاقم كده والدنيا تولع بالطريقة دي
اكتر من مرة اعلنت حركة الجهاد دعوتها لحركة حماس بالتنازل عن السلطة والعودة الى صفوف المقاومة لانهم في صفوف المقاومة ح يكونوا اكثر فاعلية وافادة للوطن المسلوب
الست كوندي عايزة تعمل فوضى خلاقة يا سيدي
واحنا توقعنا ان الحكومات العربية
وناس زي عباس
ودحلاب ده
هم اللي ح ينفذوا خطة كوندي لانهم هم اللي بياخدوا منها الاوامر
لكن اني ابقى بريالة لدرجة ان اسقط فريسة المؤامرة
هي دي الكارثة
المفروض ان لهم طريق يمشوا فيه
ما يسمحوش حد يشتتهم عن هدفهم
واسمح لي اسألك انا بقى كام سؤال
بالنسبة لحزب الله "الرافضي" بعد نصر 2000
كان عندهم فرصة انهم ياخدوا السلطة وما اخدوهاش
ولما حكومة السنيورة تعاونت مع اسرائيل بتصريح واضح من اولمرت اللي عامل زي الرقاصة الفضحية: هئ هئ جوزك كان سهران عندي امبارح في الكباريه
حزب الله واجه ده بعمل معارضة وحدة وطنية
ولما سمير جعجع حاول يستدرجهم للحرب الاهلية
لم الناس من الشارع وقال خلاااااااااااااص
الدم اللبناني خط احمر
ورغم ان مطالب المعارضة مشروعة
ورغم ان حزب الله قال: مش عايزين لحزب الله حصة في حكومة الوحدة الوطنية
رغم ان حزب الله بيمثل قطاع كبير من اللبنانيين
الا انه لما لقى ان مطالبه المشروعة ح تكبد الوطن خسائر وتجره لحرب اهلية
امر كل المعارضة انهم يدخلوا بيوتهم ولغى الاعتصام
ومازال متمسك بمطالبه وما اتنازلش عنها
ومازال محافظ على الوطن من اراقة الدماء
ما قالش بقى ان جنبلاط على خط ساخن مع اولمرت وسمير جعجع بياخد اسلحة من اسرائيل والسنيورة والحريري بيتسلحوا من امريكا
ودول بقى كده يبقوا خونة وكفار وقتلهم واجب شرعي
ده بس مثال يعني
بس هنا تختلف
لبنان بلد حرة اولا
ثانيا ..ان مست الحكومة سلاح المقاومة او افراد المقاومة هتبقى حرب فعلا
تذكري ان الحريري رحمه الله ومن جاءوا بعده لم يجرؤ احد فيهم على اعتقال او تعذيب اي من افراد المقاومة ونزع سلاحهم
وافتكري ان ايام الحريري ضربت اسرائيل لبنان-عناقيد الغضب- بسبب المقاومة ولكنه لم يلم على المقاومة بكلمة..ولم يصطدم بهم ابدا فيما بعد بل اعلن دعم حكومته لهم
ثالثا..الحكومة غير متحكمة في فلوس حزب الله وتدفق التبرعات...الموضوع مش موضوع فلوس..الموضوع موضوع تبرعات يجب ان تصل لمستحقيها
رابعا..هل مطلوب من حماس وفصائل المقاومة تقديم الشهداء والتضحيات ثم بعد كل ذلك يفوز بالنتيجة الخونة والعملاء ..ويكون مصيرهم هم بعد ذلك القتل والتشريد
السيناريو ده على فكرة اتكرر في بلدان كتير افريقية وعربية..[ل وجزء منه حصل في مصر غير انه لم يكونوا خونة بل غير اكفاء ساعين لسلطة وادى بنا الحال لما نحن عليه الحال الآن
الهضيبي اخطأ -رحمه الله - اما صرف الناس سنة 53 من اما قصر عابدين
الحكاية مش حكاية سلطة..الأهم هو انك بتجاهد ثم بعد ذلك تترك من لا يستحق يحكم..وهو عنده استعدادا ان يحرق البلد في سبيل حصوله على السلطة
لا يصلح هنا مثال ام الطفل....من قال عليه الدواء المر كان محقا
عموما ..شوفي حضرتك..هي حاليا خربانة خربانة..عن نفسي ادعو لحماس بالتوفيق والنصر
وكم من فئة قليلة غلبت فئة كثيرة بإذن الله
انا ما اقدرش ادعي بالنصر لناس عقلهم قليل وبيستدرجوا في الفتنة بالسهولة دي
كل اللي ادعي بيه
هو الهداية وتفتيح المخ
انا كنت كتبلك رد طويل قوي
بس طبعا انتي صلتي الكمبيوتر يفصل
بس عموما مش حسيبك وحرد عليكي برضه
بس مش دلوقتي
وعموما لغاية ما نكمل خناق
ربنا يهديكي ويفتح مخك
بحري
Post a Comment