ماما كانت بتدرس في امريكا في الستينيات
بتقول لي انها لما كانت في امريكا
كانت بتدرس وبتشتغل في مركز الاعلام العربي
عشان تصرف على دراستها
وهي في اتحاد الطلبة العرب طبعا اتخانقت مع كل المديرين
بما فيهم سعد الدين ابراهيم
وشخطت فيه وقالت له انت مش عارف الفرق ما بين
السكرتيرة والشغالة
وبتقول لي انها كانت قرفانة قوي من كل العناصر اللي كانت بتشتغل هناك
عشان معظمهم كان في الاتحاد الاشتراكي وجايين يتجسسوا على المصريين
في امريكا
مافيش حد ماما كانت بتحترمه غير الدكتور احمس
اللي ساب بلده وجه يشتغل في مركز الإعلام العربي التابع للجامعة العربية
ساعي
ماما لما شافته اتخضت وكل ما يعدي
تقف له وتحييه: اهلا يا دكتور
وتبص للناس: ده الدكتور احمس
المهم الراجل طبعا تأثر من تقديرها ليه وعيط على كتفها وعرفها على مراته
اللي قالت لها انهم كانوا عايشين كويس في مصر وكانوا ساكنين في فيلا
وحالتهم ممتازة وهو اللي صمم يسافروا امريكا وباعوا اللي وراهم واللي قدامهم
عشان يروحوا الجنة الموعودة
هي وولادها لقوا شغل وهو ما لقاش غير ساعي في مركز الاعلام
واالمركز ده واضح انه قذر عشان يشغل دكتور شغلانة زي دي
ماما قالت لاحمس ما تروح لسابا باشا اللي بيشغل الاقباط
قال لها ما احبش ابقى تحت ايد حد وسابا ده كان في امريكا
بيشتم النظام وعبد الناصر وبيدعي ان عبد الناصر بيضطهد الاقباط
والشهادة لله عبد الناصر ما اضطهدش الاقباط
بالذات يعني
هو كان جو اضطهاد عام
المهم الراجل احمس ده واضح ان الهكسوس اكلوا له دماغه
ساب مراته وراح اتجوز واحدة امريكية
طلق مراته ازاي وهو ارثودكس
وازاي اتجوز واحدة تانية
ماما ما تعرفش بس تعرف انها صعبت عليها مراته اللي اطلقت في الغربة
وصاحبتها وفضلت معاها على طول
في يوم الست دي قالت لماما ده انا رايحة الكنيسة عشان يوم سبعة يناير
ماما قالت لها اجي معاكي
راحت بقى لقت الانبا صموئيل اللي بعد كده اتقتل مع السادات
وقعد يقول موعظة وماما تعيط
- اصل امي زيي كده بدمعة -
وبعدين صاحبتها قالت له: دي صافي ناز يا ابونا صوتها حلو قوي
وبتغني ترتيلة مريم البكر بتاعة فيروز
فالانبا صموئيل قال لها تعالي غني
ماما بقى غنتها وكل اللي في الكنيسة قعدوا يعيطوا
والانبا صموئيل قال لها: يابنتي الرب اداكي نعمة
صوت حلو ونفس طاهرة حافظي عليهم
وواحد من المهمين جالها على جنب وقال لها: كنت قاعد
متربص لك..لو كان صوتك طلع وحش وللا نشزتي
ما كنتش ح ارحمك
بس زي بعضه بقى طلع صوتك حلو
لما ماما رجعت وحكت للمرحوم فيليب جلاب
وقالت له انها حبت الانبا صموئيل
قال لها: ده امريكاني حقير
قالت له: وهو الانبا صموئيل المفروض يبقى شيوعي ليه
====
هو ينفع دلوقت واحدة مسلمة تحضر سبعة يناير وتغني كمان في الكنيسة؟
بتقول لي انها لما كانت في امريكا
كانت بتدرس وبتشتغل في مركز الاعلام العربي
عشان تصرف على دراستها
وهي في اتحاد الطلبة العرب طبعا اتخانقت مع كل المديرين
بما فيهم سعد الدين ابراهيم
وشخطت فيه وقالت له انت مش عارف الفرق ما بين
السكرتيرة والشغالة
وبتقول لي انها كانت قرفانة قوي من كل العناصر اللي كانت بتشتغل هناك
عشان معظمهم كان في الاتحاد الاشتراكي وجايين يتجسسوا على المصريين
في امريكا
مافيش حد ماما كانت بتحترمه غير الدكتور احمس
اللي ساب بلده وجه يشتغل في مركز الإعلام العربي التابع للجامعة العربية
ساعي
ماما لما شافته اتخضت وكل ما يعدي
تقف له وتحييه: اهلا يا دكتور
وتبص للناس: ده الدكتور احمس
المهم الراجل طبعا تأثر من تقديرها ليه وعيط على كتفها وعرفها على مراته
اللي قالت لها انهم كانوا عايشين كويس في مصر وكانوا ساكنين في فيلا
وحالتهم ممتازة وهو اللي صمم يسافروا امريكا وباعوا اللي وراهم واللي قدامهم
عشان يروحوا الجنة الموعودة
هي وولادها لقوا شغل وهو ما لقاش غير ساعي في مركز الاعلام
واالمركز ده واضح انه قذر عشان يشغل دكتور شغلانة زي دي
ماما قالت لاحمس ما تروح لسابا باشا اللي بيشغل الاقباط
قال لها ما احبش ابقى تحت ايد حد وسابا ده كان في امريكا
بيشتم النظام وعبد الناصر وبيدعي ان عبد الناصر بيضطهد الاقباط
والشهادة لله عبد الناصر ما اضطهدش الاقباط
بالذات يعني
هو كان جو اضطهاد عام
المهم الراجل احمس ده واضح ان الهكسوس اكلوا له دماغه
ساب مراته وراح اتجوز واحدة امريكية
طلق مراته ازاي وهو ارثودكس
وازاي اتجوز واحدة تانية
ماما ما تعرفش بس تعرف انها صعبت عليها مراته اللي اطلقت في الغربة
وصاحبتها وفضلت معاها على طول
في يوم الست دي قالت لماما ده انا رايحة الكنيسة عشان يوم سبعة يناير
ماما قالت لها اجي معاكي
راحت بقى لقت الانبا صموئيل اللي بعد كده اتقتل مع السادات
وقعد يقول موعظة وماما تعيط
- اصل امي زيي كده بدمعة -
وبعدين صاحبتها قالت له: دي صافي ناز يا ابونا صوتها حلو قوي
وبتغني ترتيلة مريم البكر بتاعة فيروز
فالانبا صموئيل قال لها تعالي غني
ماما بقى غنتها وكل اللي في الكنيسة قعدوا يعيطوا
والانبا صموئيل قال لها: يابنتي الرب اداكي نعمة
صوت حلو ونفس طاهرة حافظي عليهم
وواحد من المهمين جالها على جنب وقال لها: كنت قاعد
متربص لك..لو كان صوتك طلع وحش وللا نشزتي
ما كنتش ح ارحمك
بس زي بعضه بقى طلع صوتك حلو
لما ماما رجعت وحكت للمرحوم فيليب جلاب
وقالت له انها حبت الانبا صموئيل
قال لها: ده امريكاني حقير
قالت له: وهو الانبا صموئيل المفروض يبقى شيوعي ليه
====
هو ينفع دلوقت واحدة مسلمة تحضر سبعة يناير وتغني كمان في الكنيسة؟
31 comments:
انا مش شايف اى مشكله ان اى مسلمه تحضر فى الكنيسه و تنشد كمان فى الوقت اللى احنا فيه
المشكله يا نواره فى بعض الناس دلوقت اللى هم اهل التشدد سواء كانوا مسلمين او اقباط و دول اللى هيجيبوا البلد كلها ورا والمشكله ان الناس دى هى الأكثر تأثيرا و الأعلى صوتا
انا باحلم بالتسامح و الترابط اللى يجمعنا تانى زى زمان واننا نتبادل حضور المناسبات الدينيه
الوحدة حاجة كويسة بس التمادي في العلاقة مش كويس
بس
:)
نواره أنا اول مره أعلق عندك
بس أصل الموضوع ده بذات شاغلنى جدا و شغاله كده على حاجه عشان تظبطه لو تحبى تنضمى أقللك بس مينفعش هنا ممكن
email
بصى يا ستى أنا رحت و الكنيسه و داعيت و سلمت و كل حاجه و كان يوم احد
أنا كاتبه عن الموضوع ده هنا
http://kabardemaghak.blogspot.com/2007/04/blog-post.html
هادور الف وراكى علشان تبعتيلى دعوة ماشى
حاجة كمان هتحضرى حفل اسكندريلا يوم الأحد القادم 1 يوليو, ياريت تحضرى انا للأسف نازل مصر اجازة 36 ساعة وهاحضر الحفلة ونفسى اشوف الناس كلها ياريت هتلاقينى حاضر ومعلق يافطة كاتب عليها عبقرينووووووو....باهزر انا هاعرفك ان شاء الله انتى اشهر من النار على العلم يابنت عمى
نوارة...في امريكا كل الفواصل بتدوب..مش عشان الحرية والديموقراطية و بس..لكن عشان فيه هامش تاني اسمة هامش الغربة..يعني وانت في الغربة..الواحد بيبقى بيتنشق على اي حد بيتكلم عربي..حتى لو كان مختلف معاه كليا..كفاية انه بيحب طشة الملوخية زيه..و بياكل محشى كرنب و ورق عنب زية..الإحساس ده بالغربة بيشيل كتير من حواجز العنصرية والتعصب..الواحد هناك بيدور على الي بيغني نفس نغمته..حتى لو مختلف معاه..انا امي مسلمة و مع ذلك اثناء فترة وجودها في امريكا للدارسة في اوائل التسعينات..كانت حريصة انها تتقابل مع كل الستات الي حواليها من المصريين..لدرجة انها كانت بتاخدنا في عيد الفصح نحضر قداس الكنيسة..هي عملت كده في امريكا...لكن عمرها ما هتعمل كده في مصر...ولا حتى هتفكر كده في مصر...في مصر..عامل الغربة والحنين والإحساس الشديد بالضعف نتيجة للبعد عن الأرض اختفى..و استعاد الإنسان قوته الي بستمدها من اهلة وناسة و دينه و مسجدة..و كنيسته..
في امريكا هتلاقي المسيحي بيحتفل مع المسلم بعيد الفطر زي عيد القيامة..و بيعمل قطائف في رمضان مع المسلمين..ليس ايمانا بهما..لكن عشان بيفكروه بجو مصر..و احساسه و هو في مصر..تحياتي على البوست الجامد قوي في انسانيته دي..والف تحية لصافيناز كاظم..
Bishop Samuel was a very different person from the current leadership that we have in the Church. He, Abouna Matta El Meskeen and Pope Kirolos were true spiritual leaders for Christians in Egypt and at the same time were true lovers of their country and advocated tolerance and social responsibility.
I am personally a big fan of his as he was a friend of my father and I was named after him.
الأخت نوارة اللمضة
للأسف ما كنتش متوقع هيافتك دي
كنت ناوي أتابع مدونتك بعد المناقشة العظيمة بتاعت حماس و فتح لكن يظهر أني اتدعت في دماغكم و أتاريها طلعت راس كرمبة
آسف على وقتي اللي ضيعته في الكلام معاك
على فكرة ردا على سؤالك
طبعا ما ينفعش واحدة مسلمة أو حتى واحد مسلم يحضر سبعة و لا حتى سبعين يناير
ها تقولي تطرف و تخلف و ووحدة وطنية
هاقولك الكلام ده بتاع ناس ثانية مش بتاع المسلمين
الشرع شرع و الدين دين
واللي عاوز يمشي موالس مع الكل يبقي لا هايطول بلح الشام و لا عنب اليمن
و أخيرا أقولك
"" ولن ترضى عنك اليهود و لا النصارى حتى تتبع ملتهم ""
وبعدين في المرة الشرموطة اللي كل شوية تخش تحط لي خراها دي
ح امسحها تاني
مسحتها وباعتذر تاني لزوار المدونة
عن السيدة امرأة تحت العامود وتعليقاتها اللي شبهها
محمد
انا كمان باحلم باللي بتحلم بيه
ان شالله يتحقق في يوم من الايام
علاء
هاه؟
سكوت ح نصوت
بس ده زمن غير الزمن
يعني صحيح الغربة بتقرب الناس
لكن في الوقت ده ماكانش الناس عندهم تعصب زي دلوقت
كبر دماغك
يا ستي انت نورتي
سبت لك ميلي عندك
عبقرينو
وربنا عملت لك انفيتيشن
ح ابعتها لك تاني
صمويل
والله انا ما اعرفش عن الانبا صموئيل غير الحكاية دي
لكن طبعا اعرف متى المسكين واعرف الانبا كرلس
صاحب عبد الناصر
؛)
مجهول
ما سمعتش عن سيدنا عمر اللي صلى على باب كنيسة عشان يأكد طهارة الكنيسة وما رضيش يصلي جواها عشان ما حدش يقلبها جامع؟
ما سمعتش عن مسيحيي نجران اللي اقاموا صلاتهم في مسجد الرسول؟
تقدر تملا قلبك غل وكراهية بس ما تلزقوش في الشرع
انا كما مش شايف فيها حاجة ابدا
بالعكس القصة بتاعة والدتك دي لطيفة جدا وانا شخصيا ضد الاخ مجهول اللي بيقول عكس كده
لازم تعترف يااخ مجهول بوجود اخر وتحترم الوجود ده
شكرا نوارة هانم
يا جماعة يا اللي مش فاهمين
فيه فرق بين الاعتراف بالآخر و احترامه ... و هنا لازم نحدد بالضبط يعني ايه احترامه
يعني مافيش مانع ابدا اني اعامل واحد نصراني أو يهودي معاملة عادلة ليس فيها ظلم أو اعتداء .. ولكن في نفس الوقت لا اتخذ منهم أولياء .. أصحاب و رفاق خالصين يعني
الله يكرمكم افهموا شوية طبيعة العلاقة بين المسلم و غير المسلم
بختصال كدة لا نظلمهم و لا نزيد في التقرب لهم أكثر مما حدده الشرع ..
يا ست نوارة يااللي بستشهدي بأفعال عمر بن الخطاب رضي الله عنه
هو لم يظلمهم بل كان عادلا معهم و لكن في نفس الوقت هل وصل لك ان الرسول أو الصحابة طلبوا من المسلمين يروحوا الكنائس في سبعة يناير و يعيدوا مع النصاري
مش عارف افهمهالكم ازاي دي
العلاقة لها إطار واضح في الشرع
مرة تانية و التكرار يعلم الشطار على ما أظن
فرق كبير بين أني أكون عادلفي معانلة غير المسلمين عموما و لا أظلمهم أو اعتدى عليهم بغير سبب . هذا منهي عنه في الدين .. و لكن في نفس الوقت لا نتخذ منهم أولياء ..
أو اصحاب خلصاء ..
و دية حاجة اسمها في الشرع ...الولاء و البراء .. الولاء لأهل الإسلام و البراء من غيرهم ..
أما موضوع الحقد الاهبل اللي انت مساكين فيه ده معلش يعني ده خبل و ضعف و قلة حيلة منكم
... طيب الرسول نهى عن الاحتفال بأعياد المشركين .. يبقي نرجع نقول حقد و كراهية ليه .. ده حكم شرعي و لا علشان خاطر الوحد الوطنية و الكلام البتنجان بتاعكم ده نقول لا و الله النصارى دول موحدين و مؤمنين ..
يا جماعة فرقوا بين الأمور شوية .. أنا أكره النصارى لأانهم مشركين و ده أمر شرعي بغض أهل الكفر و موالاة أهل الإيمان .. لكن في نفس الوقت لا أظلمهم و لا أعتدى عليهم
يا رب تكونوا فهمتم
على فكرة ضعف المسلمين و هوانم مخلي ناس زيكم يستحوا من قول الحق أو حتى يتنازلوا شوية .. نغمة التطرف و الإرهاب اللي ماشية اليومين دول خلت كل واحد يخاف يبص لنصراني
يا جماعة احنا اعزاء بدينا و لا نخجل من أي حكم شرعي فيه
دين الإسلام فيه كل الأحكام التي تغطي حياة الإنسان كلها و علاقاته ..يبقي ما ينفعش نختار منها و نقي زي ما احنا عاوزين .. الدين يأمر و احنا ننفذ
.." لا تجد قوما يؤمنون بالله و اليوم الآخر يوادون من حاد الله و رسوله .."
شايفين كلمة يوادون و هي من المودة و التقريب
و لا علشان الوحدة الوطنية و صورة الإسلام تبقي حلوة نقول لا دول مش مشركين و لا حاجة ..
ياريت تعتزوا بدينكم اكثر من كده
شوية
امضاء
مسلم يحمد الله على نعمة الإسلام و لا يظلم النصارى و اليهود و لكنه يكرههم .
الاخ المجهول
شكرا ليك لانك خلتني اعلق تاني عند نوارة ده أولا
ثانيا ارجو منك ومن الجميع اللي يعبر عن رأيه يقول إن ده رأيه بس بالله عليك وحياة أبوك يا شيخ بلاش تتكلم بصيغة الآمر الناهي المتحدث الرسمي بإسم الله سبحانه وتعالي
وبلاش ندخل الناس في مسائل فقيه عليها نقاش وتفسيرات كثيرة جدا لأن فقه الولاء والبراء تحديدا فيه كلام كتير جدا
وأرجو منك أن تبحث عن عهد النبي الي مسيحي نجران وتقرأه جيدا وتقرأ تفاسير العلماء عنه قبل أن تقول هذا الكلام
بالمناسبة أنا أكره الشرك والكفر ولكن لا أكره الناس لأن ليس من الطبيعي أن أكره الناس وأحب لهم الخير في نفس الوقت
والنبي عندما ذهب الي الطائف وطرد من أهلها ونزل له ملك يقول له لو شئت لأطبقت عليهم الاخشبين رد النبي لعل الله يخرج من صلبنيهم من يؤمن بالله
هذا كلام رجل كره الكفر ولم يكره الناس
كره السلوك ولم يكره الشخص
مش عيب أبدا أن أنا أكون فاهم حاجة غلط وأتنقاش فيها بس لما نفهم صح ونصر علي الغلط ده يبقي أسمه مكابرة
وأنا أربأ بيك وبأي حد أن يكون مكابر
بحري
اذا كنت بتسألي فلا يجوز...والله اعلم
فيه حديث يروى عن رسول الله انه رأى عمر بن الخطاب يقرأ في صحيفة بها شئ من التوراة...فغضب النبي صلى الله عليه وسلم..وقال ما معناه ان القرآن يكفينا..وانه ان كان موسى حيا لكان اتبع النبي صلى الله عليه وسلم
غير ان معظم العلماء قالوابعدم جواز اقرارهم على ما هم فيه من الضلال بأي صورة من الصور - فعلا او قولا
وطبعا احنا مؤمنين بانه معظمه ضلال بإيماننا بالقرآن
وهم ايضا حقهم في نفس الوقت ان يعتبروننا على ضلال...بديهي
لكن احد الطرفين في النهاية هو الذي على الحق...واحد الطرفين اما مخطئ او كاذب
السماحة وحسن الجوار شئ.....واقرارهم على ما هم عليه شئ آخر
الأخ بحري
كلامك صح انا أكره الكفر و الشرك و لكن لا أكره الشخص
طبعا معنى كلامك أنا أكره ما عليه هذا الشخص
و هذا ما كنت أقوله فرق كبير بين عدم الظلم و المعاشرة بالحسنى و عدم التعدي و بين الموالاة و التودد المنهي عنه شرعا
و على فكرة اللي فهم الموضوع و قرب منه جدا الأخ الصارم الحاسم
مرة ثانية بأقولها يا اخوانا و متهيألي مش صعبة على الفهم يعني
فرق كبير بين عدم الاعتداء و بين الموالاة و المشاركة أو كما قال الأخ الصارم الحاسم الإقرار على ما هم فيه
مش عارف ايه اللي مش مفهوم فيها دي
طيب موقف الرسول الكريم مع أهل نجاران يدل على السماحة و سعة الصدر لكن فين المشاركة في الأعياد و الإنشاد في الكنائس و الاحتفال باعيادهم
ياريت يا أخ بحري تفرق شوية بين الأمور و ماتخلطش
مرة عاشرة و مليون مرة
فرق بين عدم الاعتداء و كف الظلم و اللي الدين أمر بهم مع كل الكائنات الحية مش بس البشر
وفرق بين الموالاة و المشاركة و المخالطة
و بعدين يا أخ بحري كيف تكون الموالاة و البراءة عمليا
طيب بالنسبة لليهود انت تكره كفرهم لكن تحب أشخاصهم .. تيجي ازاي دي
يا أخ بحري ما تقوله له أصل شرعي و لكنه مختلط عليك و هو ما يعرف كفر المعين أو عدم تكفيره
كمثال نقول كل من يسجد لصنم فهو كافر
هنا الفعل فعل كفر و لكن إذا قام شخص بالسجود لصنم
فظاهر الحال انه كافر .. ولكن لا يحكم بكفره شخصيا الا بعد قيام الحجة عليه و بيان الأمر له فربما كان جاهل أو مجنون
يا أخ بحري
مرة أخرى أقول لك طيب الولاء و البراء عمليا يكون ازاي
و إذا كنا هانروح الكنيسة ننشد و نحضر القداس و مش بعيد ناكل الخبز المقدس كمان ... يبقى فين الوالء و البراء يا اخونا ...
أما الأخ الصارم الحاسم جزاك الله خيرا انت قربت من الفكرة و قمت صياغتها افضل مني
الأخ بحري
.... المتحدث الرسمي بإسم الله سبحانه وتعلى ( هذا الكلام لا يليق بذات الله .. وأنا أعلم انك لا تقصدة لذلك لن أعلق أكثر من ذلك عليه )
هذا كلام لا يليق بمثلك
معنى كلامك ان كل من قال حكم شرعي أو ذكر آيه و حديث انه الأمر الناهي و انة المتحدث الرسمي باسم الإسلام و أنه يحتكر فهم الدين
لا يا سيدي و لكن اتباعا لسنة الرسول صلى الله عليه و سلم بلغوا عني و لو آية أو كما قال صلى الله عليه و سلم
و رب مبلغ أوعى من سامع
يا ريت بلاش المصادرة و التقفيل بمصطلحات الميديا و خاصة روز اليوسف
يا شباب بعد اذنكم..تقريبا كلكم بما فيكم الأخ بحري بتتكلموا في نفس الخط...لكن مع اختلاف طفيف
كان فيه تفسير للشيخ الشعراوي في آية
لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ
وايضا آية
وَوَصَّيْنَا الْإِنسَانَ بِوَالِدَيْهِ حُسْنًا وَإِن جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ
بأن الآيات هنا جاءت في حالة المشركين غير المحاربين بالمعروف والبر
ومفهوم ان البر والمعروف تعني حسن المعاملة وحسن الأدب وحسن الجوار ...ولكن دون محبة قلبية او ود قلبي...لان مشاعر الإيمان بالله وتوحيده وتنزيهه عما يلصقونه به المفروض ان تكون اعلى في قلب المؤمن
في حين ان الآيات التي تشير للتعامل مع المؤمنين جاءت بصيغة الود وخفض الجناح ..وهي هنا تشمل معنى الحب القلبي لكونهم على نفس المنهج بعبادة الله كما اراد لنا العبادة
والحمد لله كلنا مؤمنين ..وبيننا مشاعر الود القلبي...اتمنى يكون ما اقصده وصلكم
الأخ الصارم الحاسم
الله ينور عليك و جزاك الله خيرا
أني احبك في الله
وانا برضه باحبك في الله..أحبك الله الذي احببتني فيه
الي الاخوة الافاضل
واضح ان في التباس في الفهم بيني وبينكم
علشان يكون كلامي واضح ومفهوم
اولا : الكلام عن ناس لا يوجد بيننا وبينهم حرب ولا إخراج من ديار ولا يحزنون
ثانيا : هذه محاولة للفهم ولذلك طلبت من الاخ المجهول إلا يتكلم بصيغة الاحكام المطلقة وان رأيه هو رأي الاسلام خاصة أن الاختلاف في الاسلام رحمة ونادرا أن نجد رأي فقهي غير مختلف فيه بإستثناء الاسس والفرائض والحدود
ثالثا : سؤال هام أرجو التفكير فيه
هل لو المسيحي أو اليهودي إذا شارك المسلم في رمضان وهذا يحدث كثيرا وصام مثلا وأفطر مع المسلم وعمل كحك العيد في عيد الفطر هل بذلك يعتبر مقر بالاسلام ويدخل الجنة؟؟؟؟
رابعا : ينفع الواحد يتزوج وحدة لا يحبها ويعيش معها في بيت واحد ويخلف منها وهو كاره لها وعندما تحتفل بعيد أو مناسبة عندها لا يشاركها من باب المشاركة فقط
ينفع؟؟؟
طب ليه الاسلام أجاز زواج المسلم من القبطية؟؟؟
خامسا : ألمني جدا أن الاخ الصارم الحاسم يقول
اذا كنت بتسألي فلا يجوز...والله اعلم
يا أخي هذا إفتاء صريح نحن لسنا أهل له كان أجدر بك أن تقول هناك فتوي للعالم الفلاني تقول كذا
أجرئكم علي الفتوي أجرئكم علي النار
سادسا : أغلب فقه الولاء والبراء مرتبط بأهل الكفر والشرك الذين يناصبونا العداء وهذا ليس مكانه
سابعا : المتحدث الرسمي بإسم الله سبحانه وتعالي هذه العبارة لا تصح فعلا ولكن أنا قلتها للنهي عنها وليس لإقرارها وأظن هناك فرق شاسع جدا بين الاثنين
ثامنا : أين المصادرة و التقفيل علي الرأي؟؟؟؟
أنا قلت لحضرتك عبر عن رأيك كما تريد ولكن لا داعي أن تقول أن هذا رأي الاسلام
ثم إيه اللي جاب روزاليوسف في الموضوع؟؟
بحري
بحري
يسلم فمك يا عمي
احسن حاجة قلتها
صحيح
ينفع الواحد يتجوز واحدة مسيحية وللا يهودية وللا مجوسية
ويخلف منها
تبقى ام ولاده
واللي بتحضر له اكله
وبينه وبينها اللي اقرب من اللي بينه وبين امه
وبعدين يرجع يقول انا ما اتخذهاش ولية
امال هي ولية مين
مش دي تبقى من ولاياه؟
وهو من اخلاق الاسلام
او اي اخلاق في الدنيا
انك تتجوز واحدة وانت بتضمر لها العداء
وللا تضحك في وش جارك وانت من جواك عمال تقول: لا انا مش باحبه انا مش باحبه
ده مسيحي ده مسيحي
بذمة النبي دي اخلاق ينص عليها اي دين
بحري
عشان تعرف بس ان مالكش الا نوارة اللي انت عملت مقموص منها
اللللللللللللللللللللللل
أيوة طبعا يا أخ بحري في فتاااااوى مش فتوى واحدة...انت فاكر اني باتكلم من دماغي
لا يجوز يا باشا اني افتي من دماغي
(:
وجمهور العلماء بيقول عدم مشاركتهم في اعيادهم بل وعدم تهنئتهم بها ..ومنهم ابن عثيمين وابن باز وغيرهم كتير
بس الفتاوى دي ما بتطلعش في بلد فتاواه محسوب بحدود السياسة زي مصر
اما جزئية زوجة المسلم غير المسلمة...فأحيلك على قولة احد الصحابة...وهل هناك اكثر كفرا من ان تقول ان المسيح ربا....لاحظ ان القرآن نفسه فيه نفس اللفظ
لَّقَدْ كَفَرَ الَّذِينَ قَآلُواْ إِنَّ اللّهَ هُوَ الْمَسِيحُ ابْنُ مَرْيَمَ قُلْ فَمَن يَمْلِكُ مِنَ اللّهِ شَيْئًا إِنْ أَرَادَ أَن يُهْلِكَ الْمَسِيحَ ابْنَ مَرْيَمَ وَأُمَّهُ وَمَن فِي الأَرْضِ جَمِيعًا وَلِلّهِ مُلْكُ السَّمَاوَاتِ وَالأَرْضِ وَمَا بَيْنَهُمَا يَخْلُقُ مَا يَشَاء وَاللّهُ عَلَى كُلِّ شَيْءٍ قَدِيرٌ
وهناك فتوى سمعتها بأذني من عالم ازهري جليل وثقيل فعلا.....قال في هذا الأمر ان النصارى الذين تحدث عنهم القرآن في باب لتجدن أشد الناس عداوة...الخ..وفي موضوع الزاوج هم النصارى الذين يؤمنون او لا ينكرون ان محمد نبي من عند الله ولكنهم يثبتون على دين آبائهم..أوالذين لا يقولون ان عيسى هو الله...او الذين هم نصارى ثم عندما سمعوا بالاسلام ءامنوا به كما قالت الآية
وَإِذَا سَمِعُواْ مَا أُنزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُواْ مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ
وَمَا لَنَا لاَ نُؤْمِنُ بِاللّهِ وَمَا جَاءنَا مِنَ الْحَقِّ وَنَطْمَعُ أَن يُدْخِلَنَا رَبَّنَا مَعَ الْقَوْمِ الصَّالِحِينَ
فَأَثَابَهُمُ اللّهُ بِمَا قَالُواْ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا وَذَلِكَ جَزَاء الْمُحْسِنِينَ
وَالَّذِينَ كَفَرُواْ وَكَذَّبُواْ بِآيَاتِنَا أُوْلَـئِكَ أَصْحَابُ الْجَحِيمِ
ولا ينطبق هذا الكلام على من يلمز الاسلام ويسخر من فرائضه...وينفي شريعته ويحاربها كما يحدث الآن..ويستعدي الخارج على البلاد المسلمة التي يعيش بين اهلها ....وبالمناسبة هذه كانت اخلاق اليهود على عهد النبي
والمسلم اللي يروح يتجوز واحدة بتفعل ذلك...فلعيه ان يراجع ايمانه ويستفتي العلماء الثقات وليس علماء السلطة
ولا اقصد ولا انوي الدخول في جدال طويل...فيه كلام كتير قيل في هذا المقام...لكن الجمهور يقول ما اعلاه
والله اعلم
هاهاهاهاهاهاااااااااااايييييييييييييييييييي
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يعني طلع الزواج من المسيحية واليهودية والمجوسية مشروط بانها تبقى مسلمة؟
هئ هئ هئ هئ هئ هئ
لا دي جامدة جامدة جامدة
ربنا يسعدك دائما
(:
قلت بوضوح
وهناك فتوى سمعتها بأذني من عالم ازهري جليل وثقيل فعلا.....قال في هذا الأمر ان النصارى الذين تحدث عنهم القرآن في باب لتجدن أشد الناس عداوة...الخ..وفي موضوع الزاوج هم النصارى الذين يؤمنون او لا ينكرون ان محمد نبي من عند الله ولكنهم يثبتون على دين آبائهم..أوالذين لا يقولون ان عيسى هو الله...او الذين هم نصارى ثم عندما سمعوا بالاسلام ءامنوا به
اعيدي قراءة الكلام جيدا
(:
انتي عارفة اما دخلت مدونتك وقلت اناقشك ..لان آرائك وان كنت اختلف مع بعضها لكن بشكل عام والشخصية بشكل عام بتعجبني جدا
بص يا أخ صارم
أنا لم أنكر أن في فتوي بتقول موضوع التهنئة ده بس بلاش برضه موضوع جمهور العلماء ده الله يكرمك
لأني ممكن أجيب لحضرتك عشرات الفتوي التي تبيح التهنئة والمشاركة وكمان أجيب لحضرتك ممارسات فعلية لرموز إسلامية محترمة جدا تهنئ الاخوة المسيحين بعيدهم ولا تجد غضاضة في ذلك
وليس من بينهم شيخ الازهر
أو المفتي الذي أحترمه جدا
معظم فكر الولاء والبراء وفقه مرتبط أرتباط وثيق بحروب والفتوحات الاسلامية وليس من يعيشون وسط المجتمع الاسلامي وهم شركاء فيه لهم ما للمسلمين وعليهم ما عليهم وما تتحدث عنه من استقواء بالغرب وغيره ليس هذا مكانه وهؤلاء ليسوا أقباط مصر الذين نجلهم ونحترمهم وندافع عنهم كما يدافعون عنا
وللحوار بقية أن شاء الله
اخى العزيز مجهول والى كل اخوانى واخواتى المسلمين توجد لديك بعض الاخطاء فى كلامك نحن لسنا مشركين لكى تكرهنا اولا نحن نعبد اله واحد ليس ثلاثة كما تقولون وهذا فى معتقدكم انتم لذا لماذا تكرهنا نحن جميعنا مسيحى مصر نؤمن بالله واحد وانا ملياش دعوه بمسيحيين الغرب لانهم بالنسبالنا ميعتبروش مسيحيين غيروا كل حاجة ومشيين بمزاجهم يعملوا اللى هم عاوزينة .ثانيا اذاى تعامل الناس بالخير والحب وتعملهم بعدالة زيهم زى المسلم وبعدين تكرهم يبقى انت كدة ملكش شخصية وحدة انت بوشين يعنى انسان نصاب والنصاب بيروح فين .....واخيرا اشكر كل من فى هذا الموقع لان لديهم فكر متقدم جيد وذلك الفكر هو من سيرفع شاءن مصر عاليا ويعنى يريت تتكلموا فى كل المشكلات ذى البطالة -الاقتصاد-الزراعة -الصناعة اللى ملهاش لزمة فى الحياة -الصحراء اللى كلها فاضية -وممكن نناقش الموضيع دى واللى عنده حل يقوله
الاخ صارم وحاسم
شايف
coptic for ever
بيقول ايه؟
اللي بيعامل الناس بوش وهو جواه كراهية ناحيتهم يبقى ايه؟
مش نصاب يا اخ قبطي
يبقى منافق
والمنافقين في الدرك الاسفل من النار
اشكر على اقتراحاتك
وفعلا انا كنت بافكر في حاجة زي اللي انت بتقولها
وكنت عايزة اوثقها بالصور
تحياتي لك
جدااااااااااا
منافق دي ان ما كانش يعرف مشاعري الحقيقية
لكن ان كنا نعيش في بلد اسلامي حقيقي هيبقى معروف جدا وجهة نظرنا من الاتجاهين...حسن المعاشرة والمعاملة ولكن عدم الود القلبي
وعدم الود القلبي ليس معناه الكراهية التدميرية....وليس معناه اني لا اتمنى الخير لهم..على العكس ...لكن معناه فيه شئ في النفس
والحمد لله في الحياة الحقيقية اي حد بيخش نقاش معايا في اي نقطة من دول..اي حاجة..سياسة دين احوال شخصية بقول رأيي بصراحة وبلا مواربة
وصدقي او لا تصدقي..كثير جدا منهم بيحبوني جدا او على الأقل بيحبوا يتعاملوا معايا جدا...وأحد من كانوا مرؤوسي وهو شاب نصراني قالهالي باللفظ اما غبت عنهم وانتقلت لقطاع آخر
مش معنى الآراء الصقورية بتاعتي اني ماشي "ألوش" في الناس في الشارع...معناها ثبات على المبدا وأظن فهم والحمد لله لصحيح الاسلام دون تفريط في الثوابت ولا زيادة
وربنا يثبتنا جميعا
أحييكي بشده يا نواره علي ردرود علي الاخ المجهول...يا ريت الناس كلها كده
الموضوع والتعليقات مميزين جدا ,,
بالنسبة لسؤالك .. افتكر انه صعب جدا دلوقتي في ظل الاحتقان المتواصل اللي عايشين فيه .. رغم اني اتمنى على الاقل الود المتبادل .. واعتبار اماكن العبادة (أيا كانت) اماكن ليها حرمتها ويجب أن تحترم .. حتى وان لم اقتنع بما يتم داخلها .. فيكفي انها تستضيف الانسان في اسمى حالاته الروحية وهو أمر يجب احترامه وتقديره جدا
ذكرتني تجربة والدتك بتجربة شخصية .. حينما دخلت مسجدا لأول مرة في حياتي من أكثر من عامين .. بمناسبة عقيقة ابن صديقتي المقربة والتي أصرت على حضوري وحرصت انا عليه ايضا
كنت في غاية التوتر والقلق .. لم اكن ارتدي غطاء للرأس بالتأكيد .. وكنت قلقة جدا من رد فعل البعض .. حتى انها قررت "تعيين" احدى قريباتها لرعايتي :)
ولكن حينما دخلت لم يرمقني الجميع بنظراتهم كما توقعت .. ربما امرأة او اثنتين .. والسبب بالطبع غطاء الرأس والصليب الفضي الكبير الذي ارتديه على صدري منذ اعوام ..
ولكنها كانت نظرات دهشة وليست استنكار ابدا .. جلسنا في صمت وتابعنا من "شرفة" مطلة على ساحة المسجد الصلاة .. ثم تشارك الجميع في الطعام وحرص اغلبهم على ارشادي على مكان كل شيء واين نضع الاحذية واين نغسل ايدينا واين أجلس والابواب المخصصة لنا ....
كانت تجربة مختلفة تماما ...
ما استفدته منها حقا ان الاماكن التي تشهد على تلك الحالة الروحانية للانسان يجب أن تحترم حتى وان لم نؤمن او نقتنع بما يدور داخلها ..
تحياتي للنوارة
Post a Comment