ليه بقى؟
هلبت ما فجأة وبدون مقدمات إسرائيل قررت
تكشف المعلومات عن العميل بابل
وقالوا انه حذر اسرائيل من ضربة مصرية عشية ستة اكتوبر
بس اسرائيل ما اخدتش التحذيرات على محمل الجد
وان العميل بابل كان قريب جدااااااااااااااا من عبد الناصر
وقريب ايضا من السادات
وبيشتغل في البزنس دلوقت
عروستي؟
الناموسية
وبعدها على طول
المرحوم اشرف مروان وقع من البلكونة
عاتشي يعني
ما كل اللي بيروح لندن بيقع من البلكونة
هو ده النظام هناك
هي بلكونات لندن كده غدارة ومالهاش امان
بس فيه حاجة
من كام يوم ابن اشرف مروان اتقبض عليه
لانه كرا بلطجي على واحد ماسك عليه شيكات
مين بقى هذوها الصخص
تلكمو الصخص واحد بيشتغل مع ساويرس
وكمان اشرف باشا مروان كان بيكتب مذكراته
يعني الدنيا اتدربكت على دماغ البرنس فجأة
ابنه يتقبض عليه
واسرائيل تفضحه
وهو بقى عيان والعضمة كبرت
ومن امتى ولاد رجال الاعمال بيتقبض عليهم؟
ما بيضربوا بعض وبيبلطجوا على بعض
وبيدوسوا الناس بالعربيات
وبيطلعوا منها زي الشعرة من العجين
اشمعنى يعني دلوقت ودلوقت بالذات
ابن اشرف مروان يتقبض عليه
كأنها اول حادثة من النوع ده
فيه حاجة تانية غريبة
البوليس البريطاني اتعرف على اشرف مروان
قبل ما حد من اهله يتعرف عليه
على طول قالوا ده اشرف مروان رمى نفسه من الشباك
يا سبحان الله
الدنيا دي غريبة يا جدع
اشرف مروان ده اتجوز منى عبد الناصر وهو ما حيلتوش اللضا
وبقى صخص مهم وجوز بنت الراجل الكبير
وبعدين بقى صخص مهم وبطل الاخضر واتكرم بعد حرب تلاتة وسبعين
وبعدين بقى صخص مهم وحوت كبير قوي في البزنس
وفي آخر عمره اللي استغلوه ورفعوه سابع سما
اذا كانت بقى اسرائيل
وللا المتواطئين مع اسرائيل
يفضحوه
ويرموه من الشباك
زي ورقة كلينكس نفوا فيها ورموها
ياريت كل واحد بيدب ع الارض وفاكر نفسه ملك الدنيا يعتبر
هيييييييييييييييييييييييييييييييه
دنيا فونيا
======
قالوا زمان دنيا دنية غرورة
وقلنا واللي تغره يخسر مصيره
قالوا الشيطان قادر وله الف صورة
قلنا ما يقدر ع الخيره لغيره
16 comments:
الله يرحمه ..انا شايف ان اهم انجازات الراجل ده انه خلف واحد عملنا قنوات ميلودى واللى قلدتها قنوات كتير بعد كده
بغض النظر عن كونه عميل مزدوج ام لا لكن مش غريبه فعلا حكاية بلكونات لندن
بصراحه نصيحه للى عايش فى لندن اما انه يسيبها او يسكن فى دور ارضى و يريح نفسه
ازيك يانوارة
اخبارك ايه؟؟
والله الواحد ماعارف بلكونات لندن دي اخرتها ايه
واضح ان البلكونات هناك مش بتحب المصريين وبتنطرهم لاقرب جنينة
ههههههههههه
بس الغريبة توقيت كشف فضايح اشرف مروان
http://afkaar-bella.blogspot.com/2007/06/blog-post_28.html
bella
اه يا اخوتشي
اصل بلكونات لندن دهين اسأليني انا عليها
عنصرية
بتكره العرب
محمد
هو ابنه عامل قناة مولتي؟؟؟؟؟؟؟
رضي الله عنه وارضاه يا شيخ
ويجعلها في ميزان حسناته
هو إيه اللي خلاه يطلع ينشر الغسيل ما هو أصل بلكونات لندن كده هواها بحري يللا يا رب عقبال نبوي إسماعيل و هو بيمسح الشقة
استاذة نوارة بلكونات لندن مش بتكره العرب كلهم دى بتوقع المصريين بس ومش اى حد !!!!! بس خلوة حكاية البلكونات دى تالت مرة بعد الليثى ناصف وسعاد حسنى يا ترى مين اللى عليه الدور ؟؟؟؟؟؟ عندى فكرة بمليون جنيه ما تيجى نعمل حملة تبرعات ونشترى كام شقة فى لندن ونديهم هدية للريس وعيلته ومعاهم باقى العصابة يمكن السر الباتع بتاع بلكونات لندن يطلع ويريحنا تحياتى ( وش بيغمز)
أنا دماغي كانت ستنفجر من كثرة التخميل حول من يكون هذا "بابل"، و خصوصا بعدما قرأت بانتظام تنشره جريدة الشرق الأوسط عن أرشيف لجنة أغرنات التي حققت حول الأداء السياسي و الإستخباراتي و العسكري بعد الذي حصل لإسرائيل في حرب اكتوبر. دماغي كان فعلا سينفجر، جربت كل الإحتمالات و جرمت (ان بعض الظن اثم) عدد من الناس لكن الحمد لله بعد اسبوع من العذاب العقلي أظنني وجدت احتمالا للحل. هرش الدماغ و الله مصيبة...
سلام و الله ينعل كل كلب باع اهله و امته.
زكرياء
وتخيلى قنوات ميلودى بتبث قران كريم رحمة ونور عليه
بالنسبة لكتاب وثائق حرب ستة أكتوبر المنشورة سنة 1975 بقلم موسى صبري
إسرائيل كانت فعلا عندها معلومات إن الحرب الساعة 6 مساءا مش الساعة 2
فا الكلام في الموضوع ده يجوز :)
نوارة
الواحد كده حايخاف من لندن وبلكوناتها
ولا جاتني فكرة
نعمل رحلة جماعية لحبايبنا
للندن ونخليهم يسكنوا في شقة واحدة كلها بلكونات
ونشوف بأى
اسرائيل
حاتعمل ايه
أنا كنت لسه بسال نفسى برضة إيه حكاية البلكونات دى؟
على العموم، لغز موته إنضم لبقيت الألغاز فى الدنيا ديه.
و على {اى تعليق محمد، هيه ليه الناس اللى ممكن يقعوا من البلكونه مبينعظوش و يسكنوا دور ارضى أحسن
تقريبا يا نواره الاسرائيليين فاكرنا هفوات .. أو غالبا هو فاهمين كده بما ان الحكومة بتعاملنا على هذا الأساس ..
ما هو رئيس وزراءنا الله يكرمه قال علينا اننا شعب نص سوا ..
الغريبة ان الحاجات دي كلها حصلت كدهه فجائي فجائي.. في اسرائيل فجأة يقوموا من النوم يقرروا يكشفوا عن العميل اللي نقل ميعاد حرب 73 للموساد .. بس الموساد ساعتها بقى كانوا ضاربين حاجة مضروبة خلقة .. وقال لك لأ.. ده الواحد مروان ده عميل مزدوج ..
وفجائي فجائي برضه الراجل يروح نفس الشارع اللي ماتت فيه سعاد حسني ونفس المجمع السكني (شوفتيشي صدف زي دي) ... قوم اييييه .. الهوا كان شديد قوي فيهز الراجل من البلكونة .. فيقع .. يا حلاوة يا حلاوة ..
هو احنا شاريين مجمعات سكنية في لندن "لاستضافة" الناس اللي كان ليها تاريخ برضه ...
وبعدين عندي سؤال بسيط .. هو عبد الناصر كان تايه .. ولا السادات كان اهبل .؟؟
يعني اتنين رؤساء بحكوماتهم في وقت حرب .. محدش شك فيه .. يعني تسبب لنا في وكسات ايام عبد الناصر .. طيب السادات مخدش باله.. ؟؟
ما هو ينفع الناس تستحمرنا مرة
وينفع نعمل عبط بمزاجنا
لكن نشرب الملابسات دي كلها .. كتييييير
أوفر يعني
وسلم لي على الهوا
اللي جه سوا في لندن
هيييييييييييييييييييه
دنيا غرورة ملهاش امان
وبعدين ربنا ستار حليم
بس ساعات بتكون الفضيحة سيلة لأن الفرد يتوب
واللى حصل ده بقى كان وسيلة انا مقدرش اقول عليها قذرة
احنا ممكن نقول انها خلصتنا من شخصية احتمال تكون قذرة
بس على فكرة حلوين البيتين بتوع المال والبنون دول
السلام عليكم
انا باحس ان اى واحد كان له علاقه بنظام عبدالناصر اول ما بيفكر يكتب مذكراته لازم يسافر لندن ويختار شقه بلكونته واطيه ويقعد هناك وبعد اول صفحتين يقوم واخد الصفحتين فى ايديه وطيران من البلكونه
عاجبانى قوى نهايه المال والبنون
يا اخوانا زي ما مصري قال
الليثي ناصف كان بيسيأ
قام وقع
سعاد حسني كانت بتشيل العنكبوت من سقف البلكونة
قامت وقعت
اشرف مروان كان بيعاكس بنت الجيران من البلكونة
قام وقع
ليه الشك ده بقى
كلها مصادفات
معلث معلث معلث
يعني ماهو كل اللي حاصل لنا ده مش مصادفات
اقصد اللي حاصل لنا مع اسرائيل
هلبت اسرائيل
بعد ما المحكمة المصرية حكمت على اتنين بالتجسس
حبت تقول لنا: يا كروديات احنا لما نحب نشغل جواسيس ما بنشغلش اقل من جوز بنت الراجل الكبير
وتفضلوا حمير طول العمر لحد ما احنا اللي نقول لكوا
عشان بس ما تفتكروش نفسكوا صاحيين
والاتنين دول بلوهم واشربوا ميتهم
انا ما اظنش ان اسرائيل هي اللي قتلته
انا اظن ان اللي كانوا عارفينه ومتواطئين معاه خافوا انه بعد ما يتفضح ياخدهم في رجليه
قالوا بقى قبل ما يخرف ويبمبك بالكلام
ننططه من الشباك
قال وشوفوا بقى ملابسات الحادثة
واحد من الشهود بيقول
ان اشرف مروان
وهو في لندن
كان بيشاور لواحد صاحبه من البلكونة عشان يقول له انه نازل له
اه والله العظيم
والله العظيم قال كده
مافيش اختراع اسمه انتركوم
مافيش موبايل
مافيش حتى تليفون ارضي
واقف يهلل من البلكونة زي طرزان: يا محماااااااااد انا نااااااااااااااااازل استنىىىىىىىىىىىىىىىىىىىىىىىىىىىىىىىى
قام اختل توازنه ووقع
شدوا له عضله
هئ هئ هئ هئ
وهكذا تحل لعنه الرب على كل من يروح الى لندن اعزائى الخونه واجواسيس السابقين والحاليين لا تذهبوا الى لندن البلكونات فى لندن بها زحاليق قاتله
tab wanbeee ach7noeee el set 2ome we aboya we gadteee we 2om 44444 we kol el mdy2nkom 3la balkonat london ...
2w lw msh 7ybfa3 ygbokna sh7n balkonat london hena..welw msh 7ynfa3 ya7'done ana b2a 3la london
Post a Comment