يا دكتور يا ابن الناس وسليل البشوات
بهدلت نفسك وانت ابن عز
وشحططت اهلك وراك وهم الارستقراطيين
ومراتك ماتت في غارة في افغانستان وهي بنت العائلات
وقلبت الدنيا
وكله ع الفاضي
والدنيا من سيء لاسوأ
وبعد ما خسرت كل حاجة قاعد تحت الكنبة تطلع تصريحات
وتدي اوامر
وحياة الحاجة نفسية والدة الابلة ظاظا
تقعد ساكت بقى
وكفاياك بهدلة في نفسك وفي اللي منك
وفي الدنيا كلها
14 comments:
بيفرقع كلام فى الهوا
سيبكم من فرقعه الكلام الي في الهوا خليك في الي هيحصل
فتح والمرت وعمك حسني والعاهل الاردني
هيطلعوا يقولوا ان حماس تبع القاعده وان تمويلها من هناك ونمظيمي عسكري
وهما لا حول ولا قوه
ربنا يستر
هو في ايه؟؟؟
بالطبع من وجهة نظرة
فهو مؤمن تماماً بالفكرة وبمنهجها في التغيير
وهذا هو ما يجعله متشبثاً بها رغم كل ما يلاقيه
تحياتي
يا نوارة يا مهيسة
ده راجل تراب جزمتة برقبة مليون زيك
يا ريت تخليكي في التهييس بتاعك و بتاع أهلك و شوفي خيبتك و الحسي قفاكي
و ما تكلميش على اسيادك و اسياد اهلك بنص كلمة
مالك انت يا شوارعية يا تربيةالحواري بالناس دي انت في حالك الزفت ولا الموضوع خلص بقى ميغة و مولد و كل تافه و كل عبيطة هيتكلم ...
جتكم القرف مليتوا البلد
انا بقالى قرن من الزمان ما علقتش بس صراحه كل ام بوست تكتبيه تاخدى كلمتين فى عضمك اهو خليتى الى يسوا والى ما يسواش يتكلم عليكى ارحمى نفسك التهيس ضار جدا بالصحه لا وفالحه طالعالى بربع بوست و خلاص زنقاكى ام الكلمتين دول يادكتشور يا محتشرم ارحمينى!!!!!!!!!!!
يحيى
مش عارف ليه كل ما أشوف الدكتور ايمن الظواهري أفتكر حكاية الدبة وصاحبها؟؟؟
وطالع في توقيت إيه
نشيت يا فالح
الاخ المجهول
واضح جدا جدا من كلامك انك من بتوع ولعها شعللها وأسلوبك فضحك وانت نفسك في جنازة - رغم انها موجودة -وتشبع فيها ...أقول إيه بس
ربنا يهديك
أولا أوافقك الرأى بشدة وأرجوأن تضمي الظواهرى إلى جبهة التهيس الدولية
وبالمرة ياريت تضمى المحترم أوى مجهول افندى الى علق بسخافه وتراب جزمتة وكلام فاضى اهدى يابنى دخول مدونات الناس لازم يكون له أحترامه يامتربى خالف بأحترام
ربنا يحميكى يا نوارة...يسلم فمك...لو البلد فيها الف قلب زى قلبك...اكيد الحال كان اتغير...اتكلمى ومايمكيش من اللى مش عاجبه الكلام...كلاب الحكومة كتير... وياما ناس عايشة ومش دريانة ايه اللى بيحصل
انا على العموم بأشك فى الموضوع ده
لما هو أصلآ لسه عايش وبيبعت شرايط وتسجيلات والحاجات دى ازاى واشمعنه يعنى فى الاوقات الحرجة دى
والله يا اختى مش عارفه اقول ايه
غير حسبنا الله ونعم الوكيل
اسلوب راقى
eldoktor fahm elmwdo3 3`lat w by7awl ysdr lna afkaroh w llasaf bikon lih nas ktir fakrah hero
لعنة الله علي ابيك
ياريت يصلي ركعتين قبل ما يتكفت علي وشة في جهنم
هو مين ده اللي لعنة الله على ابيه؟
ايمن الظواهري
يا استاذ
ايمن الظواهري ابن ناس محترمين ومتدينين
وجد ايمن الظواهر لامه يبقى عبد الوهاب باشا عزام مترجم الشهنامة
وعم والدته يبقى عبد الرحمن باشا عزام بتاع الجامعة العربية
وعائلة الظواهري عائلة علم وعلماء ودين وخلق
وايمن اذا كان اساء التقدير
او من كتر ذكاءه لسع
ده ما يخليكش تلعنه
ولا تتدعي عليه انه ح يتكفي في جهنم
لانه حسن النية
وان اخطأ
والاوجب انك تدعي له بالهداية والبصيرة
Post a Comment