في اسبوع واحد
اب غرق بنته اللي عندها سنة ونص
في الجردل
واب تاني فضل يعض في بنته اللي عندها شهرين لحد ما ماتت
ومش ممكن يعني يكون السبب انها مكلبظة زي ما واحدة صاحبتي استنتجت
وانما السبب انه ساب شغله
!!!!!!!!!!!!!!!!
واب تالت قتل بنته اللي عنده 13 سنة مع مراته
ودفنوها تحت السرير
مرات ابوها هربت من الخوف
وهو فضل نايم فوق جثة بنته
السؤال بقى
هي الناس بتموت عيالها ليه؟
في الكتاب المقدس
ورد ان بني اسرائيل مروا بمجاعة
لدرجة انهم اكلوا عيالهم
طبعا يعني المتعارف عليه في المجاعات
ان الناس بتاكل ورق الشجر
روث البهائم
لكن الواحد ياكل عياله دي ما يعملها الا بني اسرائيل
واللي عايز يقول عليا عنصرية يقول
من حقي يبقى عندي عنصرية مضادة
بس دول بني اسرائيل
ودي مجاعة
وده اكلوهم
مش قعدوا عليهم مثلا وفطسوهم
ايه بقى؟
الناس بتموت عيالها ليه؟
الحمد لله ام البنت ام 13 سنة ماتت
يعني البنت وامها ارتاحو
المشكلة في اللي بنتها عندها شهرين
واللي عندها سنة ونص
يعني الستتين دولم
اتجننوا خلاص
خلاص
متهيالي مافيش خبرة إنسانية اسوأ من اللي مروا بيها
اللهم احفظنا
واحد امبارح بيقول لي بس دي حالات فردية
الحالات الفردية تبقى في زنا المحارم مثلا
في قتل الاخ لاخوه
حاجات كده من اللي هي شريرة
وطول عمرها حالات فردية
لكن دي حالات
حالات ايه
مش عارفة اوصفها
ولما تحصل تلات مرات في اسبوع واحد
او على وجه الدقة في عشرة ايام
مش كتير دي
ايه بقى
الناس بتموت عيالها ليه؟
مش حاسة اننا ينفع نقول عليها
حالات فردية
مش حاسة انها ينفع تبقى موجودة في الدنيا اساسا
الاولاني اللي غطس بنته
تقريبا خلل وبيقول عليه عفريت
او بيستعبط وعايز يفلت من الاعدام
التاني
اترفد من شغله يعض بنته لحد ما تموت؟
التالت
زهقان من البنت عشان كانت في الملجأ ورجعت
ايه بقى
الناس بتموت عيالها ليه؟
13 comments:
وجعتي قلبي على الصبح
:(
على قد مابحب الإنسان على قد مابخاف منه
الإنسان اللي يجي له قلب يقتل فلذة كبده..يخوف بجد
زمان كان ممكن اخاف من جني ولا عفريت ولا مارد حتى
دلوقتي فعلاً ماعفريت الا بني آدم
أنتى مش ملاحظه أن كلهم أباء ده معناه أن الرجاله بدأوا يتمردوا على دورهم فى الأنفاق على أسرته متهيألى يا نواره أن البلد دى بتجرد الناس من أدميتهم تدريجيا يعنى لما ألاقى نفسى باتعامل كحيوان أو أقل سأفقد تدرجيا أى مشاعر أدميه ومتهيألى أنا شفت فيلم أمريكى بالمعنى ده بس اللى محيرنى ليه الرجاله دول ميموتوش نفسهم؟
incomplete
العفريت اخره يوسوس
يعني كائن رغاي
لكن البني ادم هو اللي بيعمل كل الخير وكل الشر
مجهول
ايه ده ايه ده ايه ده
مين الشخص الذكي قوي ده
بجد احييك او احييكي على ذكائك
الناس لسعت من كتر الكبت
انا سمعت مرة عن ست في امريكا حطت بنتها في الغسالة علشان البت كانت بتعيط و مش عايزة تسكت
اكيد عندهم مشاكل نفسية بتفصلهم عن احاسيس الانسانية و الابوة
نوع من الهروب
ربنا يحفظنا
بس بيني و بينك العيال بتجنن فعلا
تحياتي
الناس وصلت لطريق مسدود
خلاص تخريب العقول عدم الوعى قلة الدخل
يااااااااااااااااا
وحاجات كتير
ummm bel zabt zy makaan l nas fl gahelya byw2edo 3eyalhom 5of mn saby aw mazalla
enty msh mla7za enohom kolohom bnaat weli atalhom aboohom
tela2eeh 5ayf 3leeha tetla3 zy l bnat eli byshofhom fl share3 aw tetla3 matetgawezsh aw tetla3 matakolsh fa b3a2lo l mareed aaal ana amawet-ha delwa2ty w awadeeha l ganna a7san
mashaallah 7osny raga3na ila 3asr ma qabla al Islaam::S:S:S:s
ummm bel zabt zy makaan l nas fl gahelya byw2edo 3eyalhom 5of mn saby aw mazalla
enty msh mla7za enohom kolohom bnaat weli atalhom aboohom
tela2eeh 5ayf 3leeha tetla3 zy l bnat eli byshofhom fl share3 aw tetla3 matetgawezsh aw tetla3 matakolsh fa b3a2lo l mareed aaal ana amawet-ha delwa2ty w awadeeha l ganna a7san
mashaallah 7osny raga3na ila 3asr ma qabla al Islaam::S:S:S:s
يالهوي يالهوي يالهوي
قعد يعض فيها لحد مماتت
لا لا دول اكيد مش بني ادمين ومستحيل يبقو حيواناات الحيوانات عندها احساس
دا القطه بتاكل اي حد يقرب من عيالها
سمباتييييييييييييييييك
ازيك يا حبيبتي نورتيني
انت فيييييين
الناس لسعت
وانت بتتكلمي عن الناس اللي في امريكا
واي حد في مجتمع استهلاكي قيمته الانسانية بتتضائل قدام القيمة المادية والاستهلاكية لازم يقتل عياله
بالظبط زي ما الشخص الذكي
اللي اسمه مجهول قال
عشان كده انا فعلا حييته
البني ادم لما يتعامل على انه حيوان ح يتصرف زي الحيوانات
والحقيقة هو بيتعامل على انه آلة
مش بس حيوان
كمان الملاحظة التانية الذكية اللي قالها
مجهول
ان كلهم آباء
وان فعلا الرجالة ما بقاش عندهم الرغبة في الانفاق
بنلاقيها ساعات لما راجل يتجوز واحدة وياخد فلوسها
وفي اكثر احوالها وحشية
لما بيقتل ولاده عشان يتهرب من الانفاق عليهم
spellz
بتقول انه خايف عليها زي اللي كانوا بيوئدوا البنات
تحليل وجيه
من حيث انه فعلا زي اللي كان بيوئد بناته
بس هو مشاعر انه خايف عليها دي ممكن تكون مختلطة مع مشاعره الاقوى بانه عايز يتهرب من المسئولية باي شكل
الانسان لما يفقد الشعور بالامان
ممكن يعمل اي حاجة
طبعا احنا دلوقت ما عندناش صحرا ولا بدو رحل مهددين بالاغارة عليهم وسبي بناتهم في اي لحظة
بس العالم كله بقى مجتمعات استهلاكية
مهددين بالفصل والتشريد
وقيمتهم في هم بيجيبوا كام
مش هم ايه
عشان كده هو مش حاسس بقيمته الشخصية
وبالتالي هو مش حاسس بقيمة ولاده
لان الابناء امتداد لينا
لو حبيتي نفسك ح تعرفي تحبي اولادك
شيماء
اه فضل يعضها لحد ما عضمها اتكسر
اللي انا مستغربة له
البت دي اكيد فضلت تصرخ شوية كتير على ما ماتت
هو ازاي استحمل كل الصريخ ده
ليه مثلا ما كتمش نفسها وخلصها
وخلص نفسه
ليه فضل يكسر عضمها لحد ما ماتت؟
طبعا صاحبتي اللي بتقول تلاقيها كانت مكلبظة دي اصلها زيي
بتحب تعض العيال المكلبظين من اديهم وخدودهم
بس مش لدرجة انهم يموتوا
معقول مش عارفه ليه
طبعا عشان دول كلهم مختلين عقليا
:)
تحياتي لكي
الناس عندها كبت وغضب من كل حاجة واي حاجة وبتطلعة في الاضعف منها
للاسف في ناس مش لاقية حد اضعف منها الا ولادها
لعلمك انا لما سافرت استغربت جدا من ان الناس طبيعي انها تعيش وطبيعي ان الشرطة محترمة وطبيعي ان الاكل والسكن ومقومات الحياة متوفرة
واحنا في مصر كنت متخيل ان الطبيعي هو الجهل والفقر والظلم والقوي ياكل الضعيف
M.F.A
بصي ياستي هي فعلا عنصرية بس مش مضادة هي عنصرية خاطئه لأسباب ياما
1-الموجودين في اسرائيل دول لابني اسرائيل ولا يحزنون وبني اسرائيل منهم سيدنا موسى وعيسى ومريم وزكريا ويحيى الخ
واللي حصلت لهم المجاعه هم جدود مريم وعيسى الخ
2-بالنسبة للمجاعات فممكن ترجعي لإبن اياس في وصف الشدة المستنصرية اللي حصلت في عهد المستنصر وانتي تعرفي ان المصريين كانوا بياكلوا بعض وبياكلوا عيالهم الخ
دي مجاعة ودا الطبيعي فيها
بالنسبة لجزئية قتل الأولاد فدا شئ كان موجود في كل اللحظات السوده في تاريخ المجتمعات ممكن ترجعي لوقت قبل ثورة 19
وممكن اواخر عهد فاروق الخ وحتلاقي تشابهه ضخم بين كل حاجه
نهايته
احنا في عصر وسخ مش حستغرب لو لقيت عيل إغتصب أمه وأخواته وقتلهم بعد كدا
مالك
بالنسبة للنقطة الاولى
معاك حق
والدليل جمال حمدان
بالنسبة للنقطة التانية
معاك حق
والدليل ابن اياس فعلا
بالنسبة للنقطة التالتة
معاك حق
بالنسبة للتعليق بتاعك
اشكرك عليه
نورت المحكمة يا معلم
ابويا في التدوين بقى
Post a Comment