Saturday 27 October 2012

قل لا لدستور ام ترتر

انا مش فاهمة الناس اللي قررت تقاطع ده بناء على ايه؟ كده احنا حنلبس في دستور ام ترتر
فيه ناس بتقول لان اللجنة اصلا باطلة
بس لو اللجنة اصلا باطلة المقاطعة حتعمل ايه؟ وفيه ناس مش عايزة تصوت بلا عشان السلفيين حيصوتوا بلا ومش عايزين يخشوا في القرف بتاع المنافسة بين الاخوان والسلفيين: لو قلت لا حتخش الجنة.. لا وربنا ده لو قلت نعم حتخش الجنة
على فكرة انا شايفة ان دي حاجة كويسة وفي صالح ان الناس تبتدي تفكر بقى وتاخد بالها ان الجنة والنار عاملينها على هواهم ومصالحهم ولما مصالحهم اتعارضت كل واحد عمل لنفسه جنة ونار بتوعه زي يوم جمعة قندهار لما كل واحد فيهم عمل جماعة لوحده
السلفيين حيقولوا لا على الدستور عشان مش فاشيست بالقدر اللي هم عايزينه
بس ده مش معناه اننا نقاطع.. احنا مش لازم نلبس في الدستور ده ابدا.. الدستور ده عيب وحرام ويتهز له سبع سموات
وانا ناوية ان شاء الله استلمهم عشان يبطلوا يربونا
جماعة الاخوان المسلمين كل يوم بتثبت انها جماعة اسسها مدرس ابتدائي.. كل الدستور عبارة عن تربية وتنشئة وتقاليد مصرية اصيلة.. ايه يا خالتي؟ ناقص يحطوا مادة في الدستور: الست ما تسيبش بيت جوزها.. متخانق مع مراتك انت تنزل تشوف لك حتة تبات فيها لكن هي ما تخرجش برة بيتها..
- يحظر الدستور ان يلعب الطفل في مراخيره حظرا تاما
والبيان الختامي للدستور:

الجماعة جاية تربينا انتوا فاهمين غلط.. مافيش حد بيربي شعب.. خصوصا الشعب المصري، ده احنا نربي اللي جابوكوا ونتوبكوا

19 comments:

Ahmed Ewida said...

المقاطعة سلاح سلبي هيخربها على دماغ ابونا .. زي ما الناس قاطعت الانتخابات وف الاخر لبسنا محمد مرسي .. دلوقتي عايزينها نقاطع الدستور عشان نلبسه هو كمان ونتنفخ

Ahmed Ewida said...

المقاطعة سلاح سلبي هيخربها على دماغ ابونا زي ما مقاطعة الانتخابات خلتنا لبسنا محمد مرسي مقاطعة الدستور هتخلينا نلبس دستور فيه صلاحيات لمرسي العن من اللي كانت لحسني مبارك

Egypt trend said...

كله الا المقاطعة احنا وقعنا في الفخ ده قبل كده كتير احنا نقاطع واخونا البعدا ينزلوا وينجحوا وبعد كده نلطم ونقول ياريت اللي جري ماكان واللي نختاره ليمون يطلع علينا مانجو ..لو هنقول لا بيقي كل القوي السياسية طبعا المحترمة تتفق مع بعض علشان خاطر مصر...الدستور ده معركتنا الاخيرة في الثورة لو ضاع هو كمان يبقي حرام علينا البلد دي

Egypt trend said...

بلاش المقاطعة علشان منجيش نعيط بعدها ونقول يا ريت اللي جري ما كان لو هنصوت بلا يبقي فيه تنسيق بين القوي السياسية علشان نبقي جبهة قوية كدهو لها قيمتها ارجوكي يا نوارة الدستور ده معركتنا الاخيرة ولو خسرناه يبقي حرام علينا البلدي وحرام علي البلد دي الشهداء الي ماتوا فيها

hardway said...

هوأنت لسه عايشة...؟
الله يخرب دماغك ودماغ المهاطيل أصحابك
ياثورجية الندامة...
خطفوا البلد منكم ....يا قفا منك لهم
ده قفا الأمن المركزي كان أهون وهو بيزل يرن علي قفاكي أهو كان علي قفاكي لوحدك....حاليا علي قفا 90 مليون........لما أنتم عيال سيس وملعوب في أساسكم عشتم في دور الثورجية ليه...........ليه
الله يخرب دماغكم...ضاعت البلد

Unknown said...

السلام عليكم
تحية طيبة وبعد
تصر الجماعات الاسلامية على مليونية الشريعة ولا اعرف اى شريعة يريدون تطبيقها؟هل الشريعة الاسلامية المطبقة فى السودان او افغانستان اوايران او الصومال او السعودية؟
ان جميع هذه النماذج جعلت حميع هذه البلدان فى تخلف وفقر حتى السعودية نفسها .فى ايران وافغانستان والصومال والسودان يقتل المسلمون بعضهم البعض.هل هذه هى الشريعة الاسلامية؟الفلسطينيون والعراقيين والسوريين والليبين والجزائريين والتونسيين يقتل المسلمون بعصهم البعض.وفى مصرومادراك ما مصريكفر هؤلاء الجماعات الاسلامية جميع المصريين بلا استثناء .جميع الاخوة الذين تستضيفونهم على القنوات الفضائية المنتمين الى الجماعات الاسلامية يستحقون حد القصاص لانهم شاركوا فى قتل المئات من المصريين فى الثمانينات والا ما ذنب جنود الامن المركزى الذين لاحول لهم ولاقوة والذين تم قتلهم على يد الجماعات الاسلامية عقب مقتل السادات؟وغيرهم كثير . هل هذا هو الاسلام ؟
نعم للشريعة الاسلامية الحقة وليست شريعة الغاب التى يريدون تطبيقها . الشريعة ليست كلها حدود ولكنها شريعة متكاملة تبدا من الحاكم وتنتهى الى المسلم فى دار الحرب.اين الحاكم الشرعى الان الذى يتم اختياره عن طريق البيعة وليست الانتخابات ؟ومن الذى يختاره ؟واين شهود العدل فى زمننا هذا؟
فى جريمة القتل .الحد معروف .من قتل يقتل. كيف تتم معالجة قصية الثار المتاصلة فى المجتمع المصرى؟هناك فقر وتخلف وجهل . لابد من معالجة هذه المشاكل اولا . ان الاطفال فى الشوارع تنطلق من السنتهم قاموس من الشتائم والسباب بل ايضا من الكبار لابد من معالجتها اولا
هناك الكثير من المشاكل الاجتماعية والاخلاقية فى المجتمع المصرى لابدمن معالجتها اولا قبل تطبيق الحدود يامسلمين
والسلام عليكم ورحمة الله وبركاته

Unknown said...

السلام عليكم
تحية طيبة وبعد
تصر الجماعات الاسلامية على مليونية الشريعة ولا اعرف اى شريعة يريدون تطبيقها؟هل الشريعة الاسلامية المطبقة فى السودان او افغانستان اوايران او الصومال او السعودية؟
ان جميع هذه النماذج جعلت حميع هذه البلدان فى تخلف وفقر حتى السعودية نفسها .فى ايران وافغانستان والصومال والسودان يقتل المسلمون بعضهم البعض.هل هذه هى الشريعة الاسلامية؟الفلسطينيون والعراقيين والسوريين والليبين والجزائريين والتونسيين يقتل المسلمون بعصهم البعض.وفى مصرومادراك ما مصريكفر هؤلاء الجماعات الاسلامية جميع المصريين بلا استثناء .جميع الاخوة الذين تستضيفونهم على القنوات الفضائية المنتمين الى الجماعات الاسلامية يستحقون حد القصاص لانهم شاركوا فى قتل المئات من المصريين فى الثمانينات والا ما ذنب جنود الامن المركزى الذين لاحول لهم ولاقوة والذين تم قتلهم على يد الجماعات الاسلامية عقب مقتل السادات؟وغيرهم كثير . هل هذا هو الاسلام ؟
نعم للشريعة الاسلامية الحقة وليست شريعة الغاب التى يريدون تطبيقها . الشريعة ليست كلها حدود ولكنها شريعة متكاملة تبدا من الحاكم وتنتهى الى المسلم فى دار الحرب.اين الحاكم الشرعى الان الذى يتم اختياره عن طريق البيعة وليست الانتخابات ؟ومن الذى يختاره ؟واين شهود العدل فى زمننا هذا؟
فى جريمة القتل .الحد معروف .من قتل يقتل. كيف تتم معالجة قصية الثار المتاصلة فى المجتمع المصرى؟هناك فقر وتخلف وجهل . لابد من معالجة هذه المشاكل اولا . ان الاطفال فى الشوارع تنطلق من السنتهم قاموس من الشتائم والسباب بل ايضا من الكبار لابد من معالجتها اولا
هناك الكثير من المشاكل الاجتماعية والاخلاقية فى المجتمع المصرى لابدمن معالجتها اولا قبل تطبيق الحدود يامسلمين
والسلام عليكم ورحمة الله وبركاته

دليلة روايه said...

خدى بالك هننزل نصوت وبردو اللى هما عايزينه هيتعمل يعنى ..الحل الوحيد انهم ياااكلو بعض هما الاتنين الاخوان والسلفيين ..والغالب هينزل لنا :)بس كده

Unknown said...

معلش هو حضرتك قريتي المسودة أصلا.. أنا دخلت اقراها مالقيتش داعي للتريقة عليها .. ممكن تعترضي علي حاجات فيها وتبعتيلهم رأيك وهم حياخدوه في الاعتبار زي ماحصل مع ناس معرفة ..
وكمان نص لجنه وضع الدستور مش إسلاميين ونص الإسلاميين جزء منه بس اخوان.. ورئيس لجنه الدستور مش اخوان .. فمفيش داعي نسميه دستور الاخوان وإلا حنبقي طاقة سلبية ومحبطة بلا أي سبب..
لو حضرتك لسه ثورية زي زمان خليكي ثورية ايجابية لصالح مصر أكتر منك لمعاندة الاخوان وخلاص.. ارجعي منصفة زي زمان وأرجع استشهد بمقالاتك تاني وانشر كلامك بين الناس زي أيام الثورة

Unknown said...

معلش هو حضرتك قريتي المسودة أصلا.. أنا دخلت اقراها مالقيتش داعي للتريقة عليها .. ممكن تعترضي علي حاجات فيها وتبعتيلهم رأيك وهم حياخدوه في الاعتبار زي ماحصل مع ناس معرفة ..
وكمان نص لجنه وضع الدستور مش إسلاميين ونص الإسلاميين جزء منه بس اخوان.. ورئيس لجنه الدستور مش اخوان .. فمفيش داعي نسميه دستور الاخوان وإلا حنبقي طاقة سلبية ومحبطة بلا أي سبب..
لو حضرتك لسه ثورية زي زمان خليكي ثورية ايجابية لصالح مصر أكتر منك لمعاندة الاخوان وخلاص.. ارجعي منصفة زي زمان وأرجع استشهد بمقالاتك تاني وانشر كلامك بين الناس زي أيام الثورة

hosseiny shatat said...

ياعيني عليك يابنتي
موضوع سايباه من اكتوبر
وماحدش عبرك غير تلاته
فين ايام ماكانت التعليقات بالمئات
ايام ماكنتي عامله محترمه
قبل ماتسقط ورقة التوت

hosseiny shatat said...

ياعيني عليك يابنتي
موضوع سايباه من اكتوبر
وماحدش عبرك غير تلاته
فين ايام ماكانت التعليقات بالمئات
ايام ماكنتي محترمه
قبل ماتسقط ورقة التوت

Ahmed Fawzi said...

الخبر الحلو انك رجعتى تكتبى فى مدونتك و المدونة كانت واحشانى .. الخبر الوحش انك رجعتى تكتبى فى مدونتك .. يعنى فى الأخر بعد ثورة و موت و شهداء و مصابين مبقاش لينا الا اللى كان لينا ايام المخلوع :(

hosseiny shatat said...

1111111111111

hosseiny shatat said...

ياعيني عليك يابنتي
عملتي كل حاجه عشان تظهري وتلفتي الانظار
وبرضه ماحدش بيعبرك
ناقص ايه تاني؟؟؟؟
والله العظيم الاحترام احسن بكتير

خالد المرسي said...

أستاذة نوارة أحي من الموضوع الفيديو الذي فيه مع اعتراضي على الموسيقى وعلى مضمون الموضوع.
أحي فيك خفة الدم

Anonymous said...

مشاهدة افلام اون لاين
افلام اون لاين | ايجي لاين
مشاهدة افلام اون لاين عربي اجنبي وقنوات ومسلسلات تركية اونلاين مباشرة بدون تحميل.

www.arbsb.com said...

شكرا لك عرب اسبيس
مجهود جميل ومدونة اجمل

Omar Ramadan said...

nice
http://www.moso3te.com/
http://www.donyaweden.com/