Wednesday, 17 October 2012

عبد الله بدر لازم يترفد من الازهر

انا عايزة افهم هو الازهر بقى فاتحها ايه بالظبط عشان واحد زي عبد الله بدر ده يشتغل فيه ويدرس فيه للعيال كمان؟
انا لسه جايبة جرنال التحرير وكنت باتصفحه لقيت خبر لتغطية القضية اللي الهام شاهين رافعاها عليه وكاتبين انه هو انصاره دايرين بصور الست على باب المحكمة يوزعوها، وكاتبين خبر ناشرين فيه صورة لفتاة بورنو رومانية ونفس الصورة معمولة فوتوشوب لالهام شاهين وكاتبين ان عبد الله بدر واخد الصورة بتاعة فتاة البورنو الرومانية وحاطط عليها وش الهام شاهين وعمال يوزعها على الناس على باب المحكمة
ايه الانسان المريض ده؟ واضح ان عنده مشكلة حقيقية محتاجة علاج، بيتفرج على مواقع بورنو وكمان بيعمل صورها فوتوشوب وواضح ان عنده هوس قديم بالهام شاهين وبيحبها... طب هي ذنبها ايه؟
انا قرفت جدا.. ايه ده؟ اييييه ده؟ ايه القرف ده؟ وهو والناس اللي معاه قاعدين يوزعوا الصورة دي ويهتفوا اسلامية اسلامية
هو الازهر فتحها ماخور امتى معلش يعني؟ هي دي مؤسسة بتحترم دين ربنا وبتحترم نفسها ولا ايه؟ واحد زي ده يفضل يشتغل عندهم ازاي؟ والله العظيم دي لو شركة سياحة وكان بيشتغل فيها واحد زي ده وعمل الامراض دي كان زمانها رفدته
والست دي مالهاش نصير يعني؟ يعني دمها حلال كده؟ حرام يا ناس.. انتوا ما عندكوش ولايا؟ ما عندكوش رجولة؟ البلد دي فيها رجالة ولا كاوركات، ولا هي عشان فلول؟ 
هي فلول ومن بتوع ابناء مبارك والمجلس العسكري، بس انا والله العظيم لما قريت الخبر ده وشوفت اللي هو عامله قعدت ادعي لها من قلبي ربنا ينصفها.. ربنا ينصفها 
ايه الكائن ده؟ ما تشوفوا له مصحة يتعالج فيها
هي البلد دي مافيهاش رجالة تحط الاشكال المريضة دي عند حدها؟ انت تقبل ان انسانة يتعمل لها صور فوتوشوب بالطريقة دي وتتوزع قدام المحاكم على الناس بكرة الست الوالدة يتعمل لها فوتوشوب وتتوزع صورتها.. اللي يرضاها يشوفها
يا رب ينصرك يا الهام شاهين.. ربنا ينصرك
آخر حاجة كنت اتوقعها في حياتي اني ادعي لالهام شاهين، ومن قلبي... 
قال ايه الهام شاهين فلول.. وعبد الله بدر ده بقى ثوري؟ تصدقوا بايه؟ تغور الثورة وملعون ابوها الف مرة لو عبد الله بدر يبقى ممثلها

15 comments:

ashraf said...

معلش أنتي غلطانه لأن ليس من المعقول ان الرجل مرفوع عليه قضية سب وقذف من التهاب شاهين ويزود الطينة بله ويجيب صور برنو ويحط عليها وش ألتهاب شاهين هو مش ناقص بلاوي زيادة وغير كده لماذا تدافعين عن أنسانة فاجرة من الفلول ام هو أعتراض لمجرد الاعتراض ليس أكتر لماذا تدافعين عن الباطل وأنتي واثقة بأن التهاب شاهين أنسانه ساقطة وبتدخل البيوت عارية وفي أوضاع تخدش الحياء للبنت المراهقة والشاب المراهق لماذا تدافعين عن أنسانه باعت جسدها للمشاهدين وكمان فلول وضد الثورة أمرك بصراحه غريب وأصبح لا يطاق

ashraf said...

معلش أنتي غلطانه لأن ليس من المعقول ان الرجل مرفوع عليه قضية سب وقذف من التهاب شاهين ويزود الطينة بله ويجيب صور برنو ويحط عليها وش ألتهاب شاهين هو مش ناقص بلاوي زيادة وغير كده لماذا تدافعين عن أنسانة فاجرة من الفلول ام هو أعتراض لمجرد الاعتراض ليس أكتر لماذا تدافعين عن الباطل وأنتي واثقة بأن التهاب شاهين أنسانه ساقطة وبتدخل البيوت عارية وفي أوضاع تخدش الحياء للبنت المراهقة والشاب المراهق لماذا تدافعين عن أنسانه باعت جسدها للمشاهدين وكمان فلول وضد الثورة أمرك بصراحه غريب وأصبح لا يطاق

ashraf said...

معلش أنتي غلطانه لأن ليس من المعقول ان الرجل مرفوع عليه قضية سب وقذف من التهاب شاهين ويزود الطينة بله ويجيب صور برنو ويحط عليها وش ألتهاب شاهين هو مش ناقص بلاوي زيادة وغير كده لماذا تدافعين عن أنسانة فاجرة من الفلول ام هو أعتراض لمجرد الاعتراض ليس أكتر لماذا تدافعين عن الباطل وأنتي واثقة بأن التهاب شاهين أنسانه ساقطة وبتدخل البيوت عارية وفي أوضاع تخدش الحياء للبنت المراهقة والشاب المراهق لماذا تدافعين عن أنسانه باعت جسدها للمشاهدين وكمان فلول وضد الثورة أمرك بصراحه غريب وأصبح لا يطاق

GMA said...
This comment has been removed by the author.
iahmed said...

الصوره بتاعة الهام شاهين ديه قديمه جدا و متركبه فعلا ..... بس من زمان ودول طبعا ملهومش فيه ...اى حاجه تخدم قضيتهم ....

iahmed said...

الصوره بتاعة الهام شاهين ديه قديمه جدا و متركبه فعلا ..... بس من زمان ودول طبعا ملهومش فيه ...اى حاجه تخدم قضيتهم ....

saghuzlan said...

طول ما النخنوخ العام في المنصب بتاعه طول ما مثل هذه القضايا هاتبقى موجوده

abdelrhman saad said...

ما بطيقش الهام شاهين ولا بحب اسمعها بتتكلم ولا انسى وقوفها مع مبارك وك من بعده المجلس العسكري ومن بعدهم شفيق بس في الاول وفي الاخر انا راجل وعندي كرامه ونخوه ومقبلش ان دا يحصل لاي واحده ست مهما كانت مين واللي بيقول. وماله تستاهل ويقول ما هي فلول ومن بتوع شفيق اقوله بكره دا يحصل لامك او اختك او مراتك وتسمع نفس الكلام

ashraf said...

يعني أنتم عاوزين تقنعونا بأن عبد الله بدر يوزع صور مركبة لألتهاب شاهين داخل المحكمة وهو مرفوع عليه قضية سب وقذف وبالصور يبقى تشهير يعني الرجل وصل لدرجة الغباء بأن ينشر صور متركبة فوتوشوب حتى يساءل عنها امام القاضي وعاوزين تقنعونا بأن التهاب شاهين لم تصور مشاهد في افلامها مخلة بالأداب العامة وكانت تخرج علينا منقبة وكل أدوارها كانت بتعملها في المساجد مش على السراير في احضان ممثلين على رأي عادل أمام أشمعنا يوسف شعبان بيبوس

متفائل said...

مش باقولك ست جدعة ؟ مجنونة وشعنونة آه .. بس جدعة وبميت راجل .. وأحب أنصحك جوزك مايزعلكيش أبداً لحسن يروح في أبو نكلة

ola sherbeini said...

هو تقريبا جايب الصور من ع النت متفبركة جاهزة ومكانش يعرف إنها فوتوشوب
طبعا دا لا يبرر الفعل الخرا نفسه
بس هو عبدالله بدر بس؟ أنا شايفة إن كلمة إسلاميين في مصر بتعبر عن مجموعة من المهووسيين جنسيا بس تربيتهم المحافظة منعاهم يتعاملوا مع الهوس دا فبيقلب معاهم للشكل الآخر من التطرف

AhMeD RaDy said...

والله يا نوارة ..

الله ينور بجد ... وان شاء الله تعالى كل الاش دا هيطير .. هو اللى محتاجين اليومين دول هو كلمة حق .. لحسن بجد كدا كتير

الالفاظ والطريقة اللى بيتكلم بها الشيوخ على القنوات ( مش كلهم طبعا ) بتخلى الواحد يقول يا نهار الوان !! دى بقيت خل

محمد قنديل said...

هو شكله استسهل و جاب صور من بحث الصور بتاع جوجل على النت و هي متركبة من زمان النت مليان بلاوي
إنما من غير حاجة فيديوهاتها و مشاهد أفلامها وسخة بما فيه الكفاية
من أول فيلم الهلفوت بتاع عادل إمام لحد فيلمها مع كريم عبد العزيز جنون الحياة و فيلم دانتيلا بتاعها هي و يسرا من إخراج إيناس الدغيدي
دا أي حد بيتفرج على أي قناة أفلام عربي في الدش حيبقى عارف بلاويها كلها
لأ و مش تسكت لأ تطول لسانها على الثورة و الثوار و تشتم فيهم

أنا ضد إسلوب عبد الله بدر بس برضه مش بالع أبداً التضامن مع إلهام شاهين

Mohamed Hassanien said...

الهدف مش الهام شاهين علي فكرة. الهدف هو جعلها عبرة تخوف كل مختلف. الرسالة: كل من يختلف معنا عرضه مباح وشخصه مباح ودينه مباح وكله مباح. وعلي فكرة دلوقتي اذا افترضنا جدلاً ان اتحكم علي عبد الله بدر، في حد حيلمس الي معاه؟ حيتحاكمو مثلا؟. النهارده الهام شاهين وبكره الجميع. والمنقبة الي اتسحلت من هدومها في الشارع نموذج. الفرق بس ان ده نموذج اشهر. الرسالة وصلت وغرضها واضح. ومافيش مكان للكلام عن اختلافات سياسية. الفلول مش من المريخ ومش كلهم مجرمين او حتي مستفيدين من النظام القديم. في منهم متعايشين مع النظام القديم. كلمة فلول بالمناسبة لازم يتعاد فيها نظر وتتقسم بشكل احسن من الكلام العايم الماشي ده. اصوات شفيق في الانتخابات بتقول ان ما يقرب من نصف الشعب فلول بالكلام العايم ده. لو مصدقين ان نصف الشعب فلول كشتيمةاستمرو.

rami refaat said...

حضرتك بتقولى (البلد دي مافيهاش رجالة تحط الاشكال المريضة دي عند حدها؟) ..... انا معاكى ومويد لكلامك بس الناس تعمل ايه لو الاشكال المريضة دى هى اللى بتحكم البلد؟؟؟؟؟؟ نفسى الاقى اجابة