Friday 12 October 2012

يا اخواني يا جبان مش ناسيين عمر سليمان

التليفون بتاعي قاطع شحن مش عارفة اكتب وسط الضرب بس ستر ربنا جبت اللاب توب واليو اس بي بتاعي وقاعدة على الرصيف باكتب دلوقت
شهادتي:
- اتوبيسات نقل المقاطف كتير قوي المرة دي اكتر من كل مرة وكلها راكنة عند عبد المنعم رياض او انا ما شفتش الا دول بس كانوا كتير
- لفيت من عند طلعت حرب لقيت عيال معدومين العافية وبيقولوا الاخوان بيضربونا، ناس راسها مفتوحة، ناس عينها مفتوحة ضرب بالهبل
- قابلت رشا عزب وانا في طلعت حرب حيث كانت معركة هناك بالطوب وقلت لرشا مين دول اللي بيضربوا على العيال قالت لي اخوان وقيادات ببدل كمان 
تقدمت فعلا كان الاخوان هم اللي بيضربوا بالطوب وزارعين وسطنا احنا ناس اخوان تانيين بيقولوا لنا اللي بيضربوكوا مش اخوان دول ثوار... انا مش اخوان على فكرة بس انا عايز نتوحد.. وشكله اخوان خالص.. عارفين انتوا الشكل الصدغ ده ابو دقن خفيفة وابتسامة مستفزة واخنف ومنحنح... كلهم نفس السحنة دي
- فضلت المعركة على كده في طلعت حرب لحد ما تقدمنا وفيه شيخ ازهري مصاب في راسه ورفع الجزم للاخوان
- دلوقت احنا في الميدان، لما دخلنا من طلعت حرب اللي في محمد محمود ضموا علينا وفضلنا نهتف:
بيع بيع بيع الثورة يا بديع
كنتوا فين يا اخوان لما انضربنا في الميدان
يا اخواني يا جبان مش ناسيين عمر سليمان
الشعب يريد اسقاط النظام
او او اوا اوا او او ** ام محمد مرسي بتاعكوا
يسقط يسقط حكم المرشد
اشهد يا محمد محمود اللي ماتوا دول اسود
اللي ماتوا دول جدعان والاخوان هم الخرفان
يتخلل هذه الهتافات ضرب طوب من الاخوان.. كل ما الهتاف يسخن وسط الميدان نلاقيهم طلعوا علينا من باب اللوق وطلعت حرب والصينية وفضلوا يحدفوا علينا بالطوب
الاصابات كتير... كلها في الراس والعين
محتاجين دكاترة واسعافات
ملحوظة: ماحدش يقول لنا بنضرب "بعض" 
احنا مش "بعض"
الاخوان سلطة ودول متظاهرين بيهتفوا والاخوان بيعتدوا عليهم بالطوب كل ما يهتفوا ضد المرشد ومرسي
ملحوظة تانية: اي اخواني حيدخل هنا حاطلع ميتين امه لو راجل ينزل لي هنا في الميدان يوريني نفسه بدل ما يسرح على النت زي النسوان اللي اجرتها خمسة جنيه وطبق بامية ارديحي

8 comments:

okila said...

يا هبلة يا بنت الهبل
كنت اتمني في هذا الوقت اني اكون من الاخوان
عشان اطلع ميتين امك انتي وكل اللي يتشددلك
انتي فاكرة انك محمية وسط الجرابيع اللي معاكي
لا والله تبقي عبيطة
في فرق واضح ان انا لو مت عندكم ده لو يعني
كنتوا قولوا علي نفسكم السلام
اسألي عن العرب كويس يا جربوعة :)

فافى said...

ربنا يحميكى يا نواره
مش عارفه ليه بقيت احبك يا بنت انتى
انا من زمان بصدقك لكن مش بحبك اوى و كنت بقول عليكى قليلة الادب وحماره عشان ابقى بريئه من ذنبك :)
بس دلوقتى انا بحبك ومصدقاكى وبقول عليكى قليلةالادب برضه هههههههههههههههه

Sara said...

مين اللي داخل يشتم دا كمان :D ?
ما تنضفي مدونتك يا نوارة XD

ربنا يحميكي و يحمي كل الموجودين من المعارضين

Unknown said...

يسقط يسقط حكم المرشد

Unknown said...

يسقط يسقط حكم المرشد

مش فاهمه said...

بصى يانوارة ماتزودهاش بقه اللى حصل غلط من الناحيتين كفايه تسخين على الأخوان و بصراحه زوجك العزيز واضح انه بهت عليكى بكرهه الواضح ليهم الكل خسران يانوارة دلوقتى الكل خسران اللى عايز يعارض مرسى و الأخوان يعارض و يضغط لكن تنزلوا تشتموا و تحدفوا طوب و فيه الاف بيعانوا ممكن تحشدوهم صدقينى الفلول حايقووا اكتر بعد البراءات دى كلها و مرسى مهما كان اخوان لكن هو الرئيس المنتخب اهدى و فكرى كويس فى اللى جاى

متفائل said...

إلى الاخت (مش فاهمه) : يبدو إنك - كعنوان مدونتك - مش فاهمه فعلاً .. شباب الإخوان هم من بدأ الضرب وتحديف الطوب فرد عليهم الآخرون .. ولا كنتي عايزاهم ينضربوا ويسكتوا ؟

ahmed kilany said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

انا من رأيى انك تتعالجى نفسيا من التهييس
وبعد كدة تتظبطى على رأى طارق مراد