Friday 19 October 2012

احبك.. مواه.. اعبدك.. مواه.. اموت في هواك

قالك ده جواب بروتوكولي عادي...
هو من البروتوكول انكوا تخدشوا حياءنا كده..
السيد بيريز وصديقه الوفي
Have a room


وقال على رأي المثل: عالقدس.. رايحين.. نبوس الاسرائيليين
واذكر فيما اذكر ايام الحرب على غزة، الاخوان اعلنوا عن وقفة احتجازية في مسجد الفتح، قمنا رحنا احنا طبعا عشان نوحد الصف وكدهون يعني، انتوا عارفين يعني، الناس الكفار دول بتوع الاشتراكيين الثوريين وستة ابريل والاناركيين بتوع بي فور بانديتا، ومن سماحة الاسلام ان الاخوان رضيوا يدخلوا ناس كفار زينا كده الجامع
وطبعا كلنا عارفين ان مبارك كان قافل المعبر.. فهتفنا: يسقط يسقط حسني مبارك.. راح الاخوان مغطيين على هتافنا وقالوا: عالقدس رايحين شهداء بالملايين.. قمنا قلنا يمكن ما يقصدوش.. او ما سمعوناش.. علي صوتك شوية... احم احم: يسقط يسقط حسـ.... يروحوا ناطين في زورنا عالقدس رايحين شهداء بالملايين
قام مسكوا البلد بقى.. بعد الثورة.. قام بعتوا الجواب الغورامي ده دون اي مراعاة لان فيه اطفال بيتفرجوا على الجرايد وبنات لسه ما اتجوزتش وممكن عينيهم تتفتح لما يشوفوا الخطاب ده 
ييجي واحد يقولي: امال فين خيبر خيبر يا يهود.. اقوله: طب وهو بيريز ماله ومال خيبر؟ انت دايما ظالم كده؟ اثثثثثبتتتتت ان بيريز من يهود خيبر.. ايه دليلك؟ ممكن لنك؟ شوية رتيبة وانصاف رشدي
وزي ما داليا بتحب ماركس ونادر بيحب جيفارا، مرسي بيحب بيريز والمرشد بيحب شارون

14 comments:

m. fathei said...

احنا لسه ماشوفناش حاجه وماخفي كان اعظم اذا بيتبدلوا الاشواق في رسايل دبلوماسيه بيعملوا ايه في الغرف المغلقه ههههههههههههه ياكثوفي ياكثوفي

مواطن مصري said...

وزي ما داليا بتحب ماركس ونادر بيحب جيفارا، مرسي بيحب بيريز والمرشد بيحب شارون
هههههههههههههههههههههههههههههههه

شمس النهار said...

اللي صور الجواب ده
ووووووووووووولد
وبيقولك ان اللي صوره اليهود نفسهم
بيوقعوا بين مرسي وبيييرييز
:))))

Unknown said...

دي خصوصيات عيله يا نواره ملناش دعوه بيهم

enas ahmed said...

ههههههههههههههه
تباً لكي يانوارة الثورة .. أبدعتي
وفي النهاية أحب أقولك باسم كل اخواني "موتوا بغيظكم" ... المقال رائع يانونا بجد وهاشيره لحبايبنا الاخوان ضمن حملة "فكرهم ونكد عليهم"

GMA said...

نبوس مش مشكله ، ماكل الناس بتبوس
المشكله نبوس ايه؟

sabrafamily76 said...


'وزي ما داليا بتحب ماركس ونادر بيحب جيفارا، مرسي بيحب بيريز والمرشد بيحب شارون

وأنا وانتي وغطيني وصوتي يا أمه .

sabrafamily76 said...

وزي ما داليا بتحب ماركس ونادر بيحب جيفارا، مرسي بيحب بيريز والمرشد بيحب شارون
وأنا وانتي وغطيني وصوتي يا أمه .

سبهللة said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه انتى مسخرة

nanablo said...

إشاعة حب في القصر الجمهوري

هو فيه كده said...

يانوارة ده كان ناقص يختم الجواب ويقول المعذبة فى حبك لمياء ويطبع شفايف نونو بالروج

Assel Design said...

عيب عليكوا متلقوش حاجة تعملوها تلعبوا فى الفوتو شوب ده اخركم يا ثورجية

Assel Design said...

هو لازم نكون ليبراليين عشان نشارك بأرائنا خليتوا ايه للديمقراطيين

Unknown said...

ما أخبثك و من معك يا زبالة اتفو عليك يا كلبة يا عاهرة تكذبون على الرجل الطاهر يا أبناء ماركس و لينين و حثالة الماركسية و العلمانية تبا لكم و لمكركم و الله لن يهنالكم بال و لن يقر لكم قرار حتى يخزيكم الله و يخسف بكم خيام الدعارة و الزنا اللي أنتم ناشرينها في ميدان التحرير