Tuesday 27 July 2010

انا باحب زياد الرحباني قوي :)

في ظل الهطل المعمول على قضية فيروز وولاد منصور الرحباني
زياد الرحباني قال ان الحق حق، وولاد منصور لهم حق وياخدوه، وما معناه انا صحيح مش حاتخانق مع امي بس اقل حاجة على الاقل ما اتدخلش والقضاء ياخد مجراه
طب ليا حق احبه ولا لأ بقى؟ والنبي باحبه قوي
انما ايه اللي الناس عاملاه على موضوع فيروز ده؟ بجد يعني؟ مافيش اي موضوعية ولا عدالة خالص كده؟ منع فيروز منع فيروز.. حد منعها؟ ما تدفع للناس فلوسها.. وياترى كام في المية من المتضامنين رجالة من اللي ما بيتأثروش بالعاطفة وعندهم قدرة على الحكم وكام في المية ستات من اللي ما يصلحوش للقضاء عشان غير مؤهلات وعواطفهم بتأثر عليهم؟ 
طب انا ست اهو وشايفة ان ولاد منصور رحباني لهم حق ولازم ياخدوه، وزياد الرحباني راجل وشايف نفس الحكاية 
بس مش عارفة تامر حسني يتصنف ايه؟ عموما فيه واحد على التويتر كتب مقولة خالدة: 
لو كان تامر حسني رجلا لقتلته

20 comments:

آخر أيام الخريف said...

ياه يا نوارة ده انتى قلتى اللى انا عايزاه بالضبط :)))))

حلو البوست ده ...وأنا بحب زياد من غير حاجة ....زياد ده الغالى بن الغالية :)))))))))

lastcrazyboys said...

أنــا عن نفسي للحظــات وقفت وقفة صريحة مع نفسي بغض النظر عن ما تمثله "الست فيروز" بالنسبــة لي

لاني آثرت على نفسي ألا أنجرف خلف أي "هوجــة " اعلامية "بالذاااات من
.....ساعة حكاية الجزائر "ولكن

تعالي نحسبها دلوقتي .. لو مكنش صوت "الســت" هو اللي تسبب بهذا الكم الناجح لأغاني الرحبانية
كانوا هيدوروا دلوقتي على ورث

أنا لا انكر ما قام به الاخوين من جهد جبــار ..لكن برضه أكيــد الناس دي واخدة حقها تالت ومتلت ساعتها

ولو لييييهم حق ..مايبقاش بالطريقة المبتذلة دي.. ..يعني ايه امنع حد عن حق أصيل من حقوقه

هم كان ممكن يطلعوا قرار ان حقوق الغناء ده تتقسم بينهم بأمر محكمة ويعاد صياغة العقد

انما منع من الغناء ..لا كتييير قوي وابتزاز بصراحة

مواطن مصري said...

فيروز فوق الجميع

فيروز فوق القانون


كفاية صوت فيروز بيريح الواحد غير انة بيشرب فيروز اناناس كمان


فيروز فوق كل القوانين


\معلش انا مع فيروز بالرغم اني بحب زياد رحباني بس صوت فيروز ملك الجميع و فوق اي قانون

Anonymous said...

أجيبلك نيفو تقولك انها بتحبه أكتر منك وتمسكو فـ شعر بعض =P ..

قوليلهم والنبي .. العيال دي بتستهبل باين !;S

Nicholas Urfe said...

االجميل ان الهام شاهين رايحة تتظاهر .

كل ما احط صورة الهام شاهين جنب صورة فيروز في خيالي احس اني بتكهرب !

أبو أمك said...

وهي لسه هاتغني في السن ده؟
ما تسيب الفرصة للشباب بقى..خلي صباح تاخد فرصتها قبل ما تعجز

حـنــّا السكران said...

أنا معك في الشكل العام , وضدّ في التفاصيل . أولاد منصور لهم حقّ , متل ما أولاد فيروز و عاصي لهم حق..التفاصيل بقى , أو بعضها :
بعد وفاة عاصي قام الراحل منصور بتقديم مسرحية (صيف 840 ) وهي كانت مكتوبة في حياة عاصي باسم ( عاميّة انطلياس) قدّمها منصور باسمه فقط و بعد قيل و قال كتب ( مهداة إلى عاصي ) . لم يستفد ورثة عاصي من هذا العمل , و لا حتى بالحق المعنوي ( على الأقلّ أن تُكتب باسم الأخوين رحباني , والعمل عُرض كثيرًا حتى أنه أُعيد هذه السنة ) . قدَّم منصور و أولاده أكثر من عمل من أعمال الأخوين بعد رحيل عاصي و لم يتذكّر أحد منهم أنّ لعاصي ورثة . ثم أنّ هذا الإرث الرحباني كلّه قام في حياة عاصي وعاصي رحل منذ منتصف الثمانينات أي قبل ربع قرن .ناهيك عن أنه رحل مديونًا و كان يتعالج على نفقة الدولة السورية عند دخوله المستشفى .قام منصور (في السنوات الأخيرة من حياته ) بمحاولة منع فيروز من تقديم أعمال الرحابنة لدرجة أنه تقدّم ببلاغ قضائي يطلب فيه من شرطة دبي بإيقاف فيروز في المطار ,هل يُعقل هذا ؟ ثم الأمر عينه في دمشق و الدوحة والبحرين .والاّن أولاد منصور يستكملون هذا العمل لكن بشكل صارخ أكثر .لدرجة أنهم تقدموا بدعوى أمام قاضي الأمور المستعجلة بمنع نشر أي كلام عن الموضوع .يعني ممنوع أي كلمة . ناهيك عن أنهم و بالتعاون مع وزارة التربية أصدروا قراراً بتعليم فن منصور الرحباني في المناهج, يعني إلغاء عاصي تمامًا ( و الان هم يتكلمون عن الإلغاء؟ ) و بعد أن تسرّب موضوع وزارة التربية احتجّت ابنة عاصي فقالوا أن الاسم سقط سهواً .. اسم عاصي الرحباني بيسقط سهوًا ؟؟ لولا عاصي الرحباني لما كان هناك شيء اسمه فن رحباني ,أضيفي إليه فيروز و منصور .ثم عادوا و عدّلوا القرار بشكل ممسوخ مع إبقاء اسم منصور منفردًا بعد عبارة ( بعد رحيل العبقري عاصي ) .
أنا لا أتحدث في القضاء و القانون ,لكن هناك أمور يجب الحديث عنها ومنع أولاد عاصي من مصادرة هذا الإرث , وإلاّ فليدفعوا عن كلّ ما قدّموه بعد رحيل عاصي و هو كثير , ومن نتاج الأخوين .
أو يتركوا فيروز تغنّي ما تعبت هي به كل حياتها و هي جزء لا يتجزّأ من تلك "المنظومة" الفنية الرحبانية . و يلتهوا هم بإبداع جديد إن كان بمقدورهم ,بدل من تحطيم سمعة هذا الإرث بتلك الصورة . يقدّموا هم كمان أعمال الرحابنة بطريقتهم و يستفيدوا و اللي عايز يشوفهم رح يشوفهم .
ـ إيقاف فيروز في المطارات؟؟ و حط الكلابشة بإيديها كمان !!! .

حـنــّا السكران said...
This comment has been removed by the author.
حـنــّا السكران said...
This comment has been removed by the author.
حـنــّا السكران said...
This comment has been removed by the author.
حـنــّا السكران said...
This comment has been removed by the author.
حـنــّا السكران said...
This comment has been removed by the author.
حـنــّا السكران said...
This comment has been removed by the author.
حـنــّا السكران said...
This comment has been removed by the author.
حـنــّا السكران said...
This comment has been removed by the author.
حـنــّا السكران said...
This comment has been removed by the author.
. said...

طيب ما تقولى يا نوارة كدا بصراحه
هو فى موقف معبن حصل بينك وبين تامر حسنى ؟
ولا ايه؟؟؟
اصل انا كنت عامل جروب هادف على الفيس بوك
ولما ملقتهوش اشتغل قلبته تامر حسنى لفرز
وحدث ما لم اكن اتوقع
الناس خرجت من الجروب
واضطريت ارجع هادف تانى
بس لو قى موقف احكيه ومتتكسفيش؟

Bell said...

والله يا نواره انت معاكي حق ....بس...
انا في حاجه واقفه في زوري زي الشوكه عدم المؤاخذه... الشباب الحلو المثقف اللي عامل اضراب علشان حاجه لا ناقه لنا ولا حتي معزه فيها...
يعني هوا خلاص مفيش حاجه في بلدنا محتاجه وقفه في ظل الظروف دي غير انا الف لا بعد الشر ان الحاجة فيروز متغنيش!!!!!
ولا هما قالو اشمعنا احنا ملناش وقفه!!!!!!
مع احترامي الشديد لفيروز و انا بحبها جدا بس ..مش كده يعني
يا سيدي لو فيروز مغنتش ... ابقي اسمعها علي "اي بوداك" ولامو اخذه

الدرويش المرووش said...

تصدقى تنفع
Status
على الفيس بوك

لو كان تامر حسنى رجلا لقتلته

ﻷ حلوة صحيييييح

Unknown said...

بالظبط نفس وجهة نظري بس لما قلتها كنت هتضرب الناس بتأفور أوي لما الموضوع يتعلق بفيروز
...‏ على فكرة لو كان تامر رجلا لقتلته دي بتاعتي كان المفروض تفتكر :(