Friday, 9 July 2010

انا ابتديت اغير على المدونة :(

امبارح ناس كتير في الندوة بتاعة مركز الدراسات الاشتراكية قالوا لي انهم جم عشان مقال الدستور.. يعني ما شافوش المدونة؟ 
ما شافوش المدونة ليه؟ 
لا شوفوها بقى

25 comments:

faissl said...

اكتبي المقالات هنا وانشري اللينك في الدستور
:D

Free said...

اصلا هنا احلى مالدستور بكتيييييييييير بس انا عرفت المدونة بالصدفه لو ينفع حطي اللينك في الدستور - جنب الصورة او - تحت بعد المقال

utopia said...

برافووووو بجد على مقال النهاردة
وعلى فكرة مصفى بقرى رد على سؤالك وقال ايه اللى دار فى اجتماع البرادعى مع سكوبى انتى عارفة مخبر وواصل بقى وعنده كل الاخبار واللى يخاف ما يتكلمش
ههههههههههههه
ياريت بس توضحى للبرادعوية انك مش بتضربى كرسى فى الكلوب فى الجمعية زى بقية الاخوة المثقفين من امثال القنديلين
انتى عارفة الحب اعمى والغريق بيتعلق بقشاية و البرادعى القشاية بتاعتهم
بس كويس ان الاخوان يجيبوا المليون توقيع ويخلصونا رغم انى مش مطمن من حركة الاخوان دى لكن علشان يبتدى البرادعى حركته ويستنجد بالامريكان زى ما انا متوقع
البرادعى حاجة من اتنين اما فاكر انه يقدر يضحك على الامريكان علشان يساعدوه من غير تمن او انه مصدق انهم عايزين ديمقراطية بجد
ده لو استبعدنا افكار العمالة

على فكرة اللى مابيقراش المدونة ويقرأ كلام نوارة والمجموعة الجميلة اللى بتعلق
هواللى خسران
تحياتى

utopia said...

على فكرة
ليه بس بتفكرى الامريكان بالعلق السخنة فى افغانستان انتى صحيح مفترية
ههههههههههههههههه
ناقص كمان تفكريهم بعلقة العراق كمان
وبالمرة علقة كاس العالم
هما هايلاقوها منين ولا منين
:]

المهدى said...

يا استاذ يوتوبيا : الموضوع مش تخوين ولا صكوك وطنية الموضوع أننا لازم نكون مفتحين عنيينا على وسعها خاصة أنه الأن يصاغ مستقبلنا والثابت أننا لا يد لنا فيما يجرى إلا كما قلت أن نكون بصمجية أو كما قلت لك من قبل أن نلبس العمة بمزاجنا أو نقاتل فى سبيل هذه العمة
مبادئ أساسية : فيه حاجة إسمها سيادة
وفيه حاجة إسمها إستقلال وفيه حاجة إسمها الصالح الوطنى الثابت الوطنى وفيه حاجة إسمها العدو وفيه حاجة إسمها الصديق وفيه حاجة إسمها الشقيق وفيه حاجة إسمها المصالح المشتركة وفيه حاجة إسمها العدو المشترك
وكل هذه البديهيات تم خلطها وعجنها وهرسها جيدا طوال 36 سنة ( مش 58 سنة ) بتوع الأفندى ( الغريب أنه يدخل دائما ال 58 سنة فى جملة مفيدة أو غير مفيدة من كلامه الغامض البناء ) على الرغم من أن كل بديهياتنا وثوابتنا التى صيغت منذ بناء الدولة الحديثة وتأصلت فى الحقبة الليبرالية وترسخت فى العصر الناصرى وعبرنا بها خط بارليف ثم نكصنا عنها الواحدة تلو الأخرى
المهم بعد خلط و هرس كل هذه البديهيات نحن أمام حقيقة جديدة
وهى أن كل من عليها فان ... بما فيه هذا النظام المزمن فماذا نحن فاعلون

المهدى said...

قلنا أن النظام ذاهب لا محالة وتلك الأيام نداولها بين الناس وشعر غيرنا ( من اللى هما قاعدين قدام الفرن وشايفين العيش وهو لسة خارج ) بذلك و دول اللى هما متهرسوش
1-مؤسسة عسكرية ترفض من منطلق وطنى أو حتى فئوى أن يحكمها أفندى زى الننوس وأعوانه من مزدوجى الجنسية فوقفوا سنين بقوة أمام مشروع التوريث ومنعوه وهؤلاءوهذه المؤسسة لا تخيفها أمريكا ولا ترتبط مصالحها بإسرائيل
2-مجموعات المصالح الدولية من السماسرة العابرين للقارات وأسيادهم وهؤلاء أصحاب مشروع التوريث الأصليين للحفاظ على مكاسبهم بل وإستمرارها وعلاقاتهم بالكيان الصهيونى وأمريكا علاقة الجنين بالأم
غير كده مافيش غير متململ متضرر غريق مشتاق لقشاية هى دى بواقى القوى الوطنية بعد أن تتوقف المفرمة
فماذا نحن فاعلون

المهدى said...

فى الأسبوع الأخير من شهر أكتوبر 2009 و طوال 10 أيام متصلة شاهدنا مظاهر تؤكد هذا الطرح
1- البرادعى الموظف الدولى ( طول عمره ) يطلب الرئاسة بشروط ويطرح إسمه كمرشح وكزعيم .. طبعا بعد كدة كرمز وكغاندى وكغامض بناء .. وهو من عاش موظفا وكاد أن يموت موظفا تعرف أكثر ما آلمنى فى كل حواراته المؤلمة .. ما قاله لإبراهيم عيسى عن عدم وجود رمز من تاريخ حركتنا الوطنية بقيمة روز بارت السوداء التى منعت من ركوب الباص فرفعت قضية فى المحكمة الدستورية وناضلت حتى جاء رئيس أمريكى أسود بعد خمسين عام ( مصر أكبر من كدة يا دكتور انت بس اللى خواجة جاحد ) المهم
2-عمرو موسى السياسى الموظف أيضا والعارف والمقرب من مبارك وأمنه وسواد قلبه ( مبارك انتقم من بلد كاملة عشان مواطن ماسك ظرف ) وهو يعلم كل ذلك أعلن أنه هو الآخر خيار مطروح
3- هيكل أبو ناب أزرق اللى شارك فى مؤامرات نقل السلطة كثيرا بل كان لاعب أساسى فى إحداها ولاعب ونفرد فى أخرى يكتب ( وفين فى المصرى اليوم ) عن تشكيل مجلس رئاسى من شخصيات متفق عليها وتحت إشراف الرئيس والقوات المسلحة يقوم بتعديل الدستور وإعداد الدولة لإنتخابات رئاسية فى مشروع نقل سلطة كامل لا ينقصه وزارة تسيير أعمال فيها المسلم والقبطى والغريب أن لا يتبرأ أحد حتى هذا الطرح أو حتى يحاول يمسح أسمه لإبعاد الشبهة وفيهم رشيد وبطرس غالى

المهدى said...

4- عماد أديب ( المقرب والجبان وصاحب المصلحة والبوسطجى الحالى ) يعرض رسالة جديدة ويلح فى عرضها مستخدما كل وسائل الإعلام المتاحة وفيها خروج آمن للرئيس من باب الخدم وهدم لمشروع التوريث بإقامة إنتخابات نزيهة يفوز فيها أى مرشح ولو بفارق 1% أو 2% فقط ليكون شرعى ( مقلش شرعى قدام الخارج ولا لإحراج المؤسسة العسكرية) ثم جرت مياه كثيرة بعد ذلك وخرجنا من كأس العالم وجاء الأفندى إياه ومرض الرئيس المزمن وتجرى حاليا حروب لجمع توقيعات ومعارك تكثير عظام بين وزراء البزنس وجهات سيادية مجهولة ودى حاجات شايفها اللى قدام الفرن واللى فى آخر الشارع
5- أظن كل ده لا يمكن يكون مصادفة وأظن واضح إنه البقية فى حياتك لو كان النظام عايش لايمكن كل الحاجات دى تحصل بما فيها لقاء الأفندى والسفيرة
6- انت قلت إحتمالين لتوقيعات البرادعى وإستبعدت إحتمال التخوين وأنا معاك لكن فيه إحتمال ثالث هذه التوقيعات أو المطالب أو الشعبية هى نفس ما سعى به جمال مبارك لدى الأمريكان وفشل وقالوله على أمك مالناش صالح بالشأن المصرى
وهى نفسها ما كسر من أجله أيمن نور الإجماع الوطنى وترشح ليقد نفسه لأمريكا كرئيس محتمل ومطاوع وجميل يراهن على فارق العمر فى إنتخابات الرئاسة القادمة وتلقى نفس الرد أمريكا يا أولاد بتحبكم كلكم لكنها لا تتدخل ولا تعين رئيس ولكن ليس لديها مانع لو ليكوا أرضية وبتتكلموا لغتها وفاهمين على بعض إنها تساعدكوا
6- هى دى التوقيعات خلاصتها مش مهم فيها إيه ده شأن داخلى المهم مين اللى جمعها وشال ظرفها وجابهالنا لحد واشنطن هوه ده اللى عليه العين والنية هو مبارك القادم ويفضل أن لا يزيد عمره عن ال70 و أن يتمتع بعلاقات دولية متميزة و غموض بناء
ملحوظة يفضل الأصغر سنا ممن تنطبق عليه الشروط السابق ذكرها

deja vu said...

حملة مقاطعة التلفزيون في رمضان 2010م

هذه حملتنا لهذا العام ، أقدمها لكم للوعي وتوعية الآخرين ، أرجو منكم دعم نشرها في النت ابتداء بموقعكم وشبكتكم الخاصة


الراعي الحصري لهذه الحملة
DejaVu Press
www.dejavupress.blogspot.com

يسعدني استلام أية اقتراحات أو آراء لدعم الحملة بالرد على موضوع الحملة

مرفق لكم رابط الحملة الرئيسي به كل الرسائل التي لكم وضعها في موقعكم الشخصي أو مدونتكم ، علَّها بكم وبنا تلقى حصادها المرجو
http://dejavupress.blogspot.com/2010/07/boycotttv-ramadan-campaign-2010.html

* * * * * * * * * * * * * * * * * ** ** * * *

BoycottTV Ramadan Campaign 2010

I present to you this year's campaign for mass edification. Please, help support spreading it web wide starting from your own sites and networks

Exclusive Sponsorship of this campaign
DejaVu press
www.dejavupress.blogspot.com

Any suggestions and/or ideas to support the campaign are very welcomed. Just comment on the topic of the campaign

Follows, is the main link to all messages of the campaign

http://dejavupress.blogspot.com/2010/07/boycotttv-ramadan-campaign-2010.html

deja vu said...

حملة مقاطعة التلفزيون في رمضان 2010م

هذه حملتنا لهذا العام ، أقدمها لكم للوعي وتوعية الآخرين ، أرجو منكم دعم نشرها في النت ابتداء بموقعكم وشبكتكم الخاصة


الراعي الحصري لهذه الحملة
DejaVu Press
www.dejavupress.blogspot.com

يسعدني استلام أية اقتراحات أو آراء لدعم الحملة بالرد على موضوع الحملة

مرفق لكم رابط الحملة الرئيسي به كل الرسائل التي لكم وضعها في موقعكم الشخصي أو مدونتكم ، علَّها بكم وبنا تلقى حصادها المرجو
http://dejavupress.blogspot.com/2010/07/boycotttv-ramadan-campaign-2010.html

* * * * * * * * * * * * * * * * * ** ** * * *

BoycottTV Ramadan Campaign 2010

I present to you this year's campaign for mass edification. Please, help support spreading it web wide starting from your own sites and networks

Exclusive Sponsorship of this campaign
DejaVu press
www.dejavupress.blogspot.com

Any suggestions and/or ideas to support the campaign are very welcomed. Just comment on the topic of the campaign

Follows, is the main link to all messages of the campaign

http://dejavupress.blogspot.com/2010/07/boycotttv-ramadan-campaign-2010.html

إنترنتاوي said...

أنا كنت أحد المشاركين في حملة هنعمل إيه علشان نوفر ميه
شاركت ببوست في الموضوع ده في اللينكة التالية
هنـــــــــــــــــــــــــــا
و لكن مش عارف ليه حاسس إن الموضوع اتنسى من بعض المشاركين

على العموم أنا عملت بوستين تانيين لهم علاقة بالموضوع على قد إجتهادي في الوصلات التالية
هنـــــــــــــــــا
و

هنــــــــــــــا

و يا ريت تقولي لكل المشاركين في الحملة يبحثوا و يكتبوا مواضيع جديدة و نفضل على حماسنا
و ربنا يجعله بفايده
و لو أي حملات أخرى فيها تنمية و إصلاح أنا معاكوا إن شاء الله

العيسوى الصغير said...

ما كده ولا كده أنت/ى اللى كاتب/ة

المهدى said...

بعد إذنك يا نوارة أكمل ... وأعتذر للإطالة و الأخطاء الناتجة عن تخلفى التكنولوجى و إنفعالى و إرتباطى
بعزومة على فرح أحد أعز أصدقائى
المهم : المطلوب يا أستاذ يوتوبيا من الجميع أن ينتبه النهاية قادمة وكذلك صياغة المستقبل وجميع الإحتمالات والفرضيات مفتوحة ومنها التخوين ومنها السيناريو الخيالى الذى أفترضه ( ده لو أعتبرته خيالى ) ولذلك يترتب علينا الأتى :
1-ان نثق فى أن التغيير قريب وأقرب مما نتخيل ( يعنى الكلام عن أن أى شئ أفضل من الحالى كلام فارغ فراغ السلطة الحالي
2- لن يستطيع أحد أن يكون الرئيس المزمن مرة أخرى ( يعنى الكلام اللى بتقال عن حتى لو البرادعى وحش نغيره سارى على الجميع ) حتى العسكرى فالقادم يجب أن يتفاوض ويحقق شئ من الإختلاف لضمان شرعية الحكم
3- طيب نفاوض مين العسكرى المصرى الوطنى الباحث عن الشرعية على تحقيق ديموقراطية حقيقية تليق بمصر هو لا يعرفها ولكنه يملك أن يعطيها أم مبعوث العدو الأمريكى الذى يتمتع بالرضا الإسرائيلى و أوهام ديموقراطية ما قبل ال58 سنة على تحقيق السيادة والكرامة التى لا يعرفها ولا يملك أن يعطيها فهى فى يد سيده الأمريكى
أعتقد أننى أجبت على تعليقك بالأمس واتمنى أن أكون قد وفقت

المهدى said...

إلى النوارة العزيزة خالص التحية والإحترام على مقال الأمس لو السيناريو اللى أطلت فى وصفه ده مظبوط يبقى منطقى أن لا تفهمى ولا تحسى ... جربى تتخيلى فنحن أجيال لم ترى من قبل لحظات إنتقال السلطة ولخبطة النخبة فى لحظات إقترابها وتهافتها
إسمحي لى أن أحكى لك عن عزومة البشاوات لجمال عبد الناصر وبعض من رفاقه المقربيين قبل حتى ما يكون رئيس ولا رئيس وزراء ولا حتى وزير داخلية فقط البكباشى جمال عبد الناصر شاب من أصول متواضعة 35 سنة ويستطيع أن يحدد من يحكم فوجد من يتودد إليه ومن يستعطفه ومن يناديه بجمال بك ومن يضع له الأكل أمامه وشوية حيوكله بإيده وخرج عليه رحمة الله يقول ما كونتش أعرف إن البشوات ينفعوا رقاصين للدرجة دى
ألف تحية على ثباتك وإنتباهك ويا ريت تحكي لنا عن ما دار فى الندوة

مواطن مصري said...

قليل من الذكاء
بقلم:محمـد علي إبراهيـم
نسوا أن بيوتهم من زجاج!
http://www.algomhuria.net.eg/algomhuria/today/editor/detail00.asp

مواطن مصري said...

قليل من الذكاء نسوا أن بيوتهم من زجاج! بقلم:محمـد علي إبراهيـم http://www.algomhuria.net.eg/algomhuria/today/editor/detail00.asp بيج لول


الواقع أن هناك عدة أسباب قليلها حسن النية وكثيرها سييء الطوية.. ومن حسن النوايا أن مصر وقعت علي ميثاق عالمي لحقوق الإنسان. وأن شراكتها الاستراتيجية مع الاتحاد الأوروبي والولايات المتحدة تتطلب مراجعة لسجل حقوق الإنسان.. كما أن د. مفيد شهاب وزير الدولة للشئون القانونية والمجالس النيابية يتوجه دائماً لجنيف حيث يعرض أمام المجلس العالمي لحقوق الإنسان الخطوات التي قطعتها مصر في هذا المجال والتوصيات التي نفذتها. وبكل الاستقلالية والسيادة ترفض مصر تعديل ما تراه مخالفاً لتقاليدها وعقيدتها في طلبات المجلس العالمي مثل زواج المثليين وإباحة الحريات السياسية للشواذ والمساواة بين النساء والرجال في المواريث وتوافق علي غير ذلك.
هذا عن حسن النوايا. أما عن خبث الطوايا فالغرض منه تصوير مصر علي أنها دولة شرطية يعلو فيها الأمن علي القانون. ويتحول ضباط وجنود البوليس إلي وحوش تطارد المواطنين. فيجفل منهم الناس وبدلا من أن يستأمنوهم علي أرواحهم وثرواتهم. يثورون ضدهم.
هذه واحدة أما الثانية فلعل البعض لاحظ أن الفضائيات والصحف الخاصة كانت تتناوب علي موضوع خالد سعيد ثم سرعان ما تجد نفس البرنامج والمذيع يتعرضان لغياب الدور المصري وتراجع الدولة وفقدان تأثيرها! ومن ثم يتسلل للمواطن شعور بأن بلده انتهت ويفقد الانتماء لها ويصيبه الاحباط.. وهذا الشعور بالاحباط هو المقدمة للفوضي التي يريد كثيرون أن تشيع في هذا البلد

كملي المقال انتي بقى هاهاهاها

مواطن مصري said...

قليل من الذكاء نسوا أن بيوتهم من زجاج! بقلم:محمـد علي إبراهيـم http://www.algomhuria.net.eg/algomhuria/today/editor/detail00.asp بيج لول


الواقع أن هناك عدة أسباب قليلها حسن النية وكثيرها سييء الطوية.. ومن حسن النوايا أن مصر وقعت علي ميثاق عالمي لحقوق الإنسان. وأن شراكتها الاستراتيجية مع الاتحاد الأوروبي والولايات المتحدة تتطلب مراجعة لسجل حقوق الإنسان.. كما أن د. مفيد شهاب وزير الدولة للشئون القانونية والمجالس النيابية يتوجه دائماً لجنيف حيث يعرض أمام المجلس العالمي لحقوق الإنسان الخطوات التي قطعتها مصر في هذا المجال والتوصيات التي نفذتها. وبكل الاستقلالية والسيادة ترفض مصر تعديل ما تراه مخالفاً لتقاليدها وعقيدتها في طلبات المجلس العالمي مثل زواج المثليين وإباحة الحريات السياسية للشواذ والمساواة بين النساء والرجال في المواريث وتوافق علي غير ذلك.
هذا عن حسن النوايا. أما عن خبث الطوايا فالغرض منه تصوير مصر علي أنها دولة شرطية يعلو فيها الأمن علي القانون. ويتحول ضباط وجنود البوليس إلي وحوش تطارد المواطنين. فيجفل منهم الناس وبدلا من أن يستأمنوهم علي أرواحهم وثرواتهم. يثورون ضدهم.
هذه واحدة أما الثانية فلعل البعض لاحظ أن الفضائيات والصحف الخاصة كانت تتناوب علي موضوع خالد سعيد ثم سرعان ما تجد نفس البرنامج والمذيع يتعرضان لغياب الدور المصري وتراجع الدولة وفقدان تأثيرها! ومن ثم يتسلل للمواطن شعور بأن بلده انتهت ويفقد الانتماء لها ويصيبه الاحباط.. وهذا الشعور بالاحباط هو المقدمة للفوضي التي يريد كثيرون أن تشيع في هذا البلد

كملي المقال انتي بقى هاهاهاها

dr.lecter said...

هنزيطلك في كل حته

دووسي انت

أبوعمر said...

هو انتى مش حاسة قد ايه انتى أهملتى المدونة؟ كان كل يوم بتنزلى 3 أو 4 بوستات سخنة مواكبة لللأحداث وكلها نقاش دلوقتى بوست واحد فى الأسيوع وغالبا دعوة لندوة أو تنويه عن حدث ؟

انتى فرحانة بالصحافة ونسيتى التدوين خالص.. مع ان هو الأصل

utopia said...

استاذ المهدى:
انا اولا ليس لى انتماء للبرادعى ولا غيره كل الموضوع انى بأتمنى من نوارة انها توضح عدم انضمامها لجوقة المهاجمين للبرادعى من اجل اطماع شخصية لانهم بجد جداد جدا مش فى العمل السياسى لا وفى التفكير السياسى واغلبهم شباب صغير وزى ماقولت متعلقين فى
قشاية وبصراحة لانهم مش لاقيين
قشاية غيرها وبيثقوا فى كلام نوارة حسب متابعتى ليهم وصعبان عليهم انها بتهاجم البرادعى وده زى ماواحد بيحب مراته وتقول له دى خاينة
بالنسبة للتخوين محتاج لدليل والا نبقى بنتهم من اجل الاتهام وده لا يمنع انى لا اوافق على البرادعى كرئيس لمصر وكان موافقتى عليه فقط على امل ان يتجمع الناس حوله ويطالبوا بحقهم نظرا لعدم قدرة احد على المساس به وده يديله مساحة حرية اكبر
واخيرا انت موافقنى على تصورى بالنسبة
لخطط البرادعى المستقبلية التى لا اوافق عليها ولكن فاتك شىء هو ان هناك سيناريو مفترض وهو استعانة امريكا ببعض افراد الجيش ودعمهم للقيام بانقلاب ودى على فكرة الطريقة المفضلة للمخابرات الامريكية ويدعم الرأى ده قيام مبارك مع قادة عرب بصياغة تعديل للوائح جامعة الدول لفرض عدم اعتراف العرب باى انقلاب عسكرى فى اى بلد
وده معناه فى رايى انه عنده اخبار ان ممكن ده يتنفذ وامريكا ليست ببعيدة عن ذلك
يتبع

utopia said...

بالنسبة للجيش احترم رايك بس انا وناس كتير عارفين ان مايحدث بمصر من فساد ومحسوبية وفساد موجود بنسبة كبيرة جدا فى الجيش ولا تنس ان اغلب المحافظين ورؤساء الشركات والمحليات من الجيش
و كل من رايت من المحالين على المعاش المبكر بالجيش كانوا من الشرفاء فلا يسمح لهم بتخطى الرتب الى الرتب العليا ووصف جنرالات الذهب ليس وصفى لكن وصف الامريكان العالمون بالامور هنا
اذا رايى ان تولى العسكريين الحكم سوف يكون مصيبة اكبر مما نحن فيه
واتمنى اسمع رايك يانوارة فى تدوينة لانك بجد بخيلة علينا برايك بقالك كتير
ربنا يستر على مصر لا ن التغيير قادم صحيح ولكن بدون قائد مخلص وشريف
سوف يكون تغييرا بلون الدم
ربنا يستر

أبو أمك said...

طب أنا ولا قريت الدستور..ولا جيت الندوة
بس شفت المدونة..كده أبقى كويس ؟

المهدى said...

أمريكا تتدخل عن طريق الجنرالات هناك عندها أو فى دول جيوشها حديثة التكوين وكما قلت لك من قبل وكما نعلم أمريكا لا ترغب فى التدخل المباشر يعنى ( تعيين رئيس ) تجربتها فى ايران مخيفة ولكن هناك من يستدعيها فى مصر ( طبعا إلى جانب رغبتها الملحة ) فى الحفاظ على هذا العهد المبارك ومجمل سياساته وكويس إنك قريت مصطفى بكرى ( وانت اللى لفت نظرى أقراه ) وكويس كمان إنك تعرف صلاته وتوجهه هو فعلا عنده معلومات
أخيرا الجيش كما قلت لك من قبل كتلة لا يعلم أحد من خارجها موازين القوى داخلها وإلا كان أسهل على مبارك والواد أنهم يجيبوا موافقته ويكملوا
سيناريو ما بعد التعديلات الدستورية ولكن ما وصل مبارك فى هذا الشأن هو إن ابنك تمنوا رصاصة ( لا هو يعرف لغتهم ولا مرارتهم تستحمل دلعوا الفارغ

المهدى said...

أصحاب المصالح المالية هم من يستدعون أمريكا وليس الجيش المصرى ولا الجهات السيادية كما نسمع بل أخالفك فى أن تلك الجهات بعيدة كل البعد عن سيطرة أمريكا ( وأقصد الجهات المنوطة بملف الأمن القومى ) ولو تذكر وقت سيطرة حماس على غزة وكم الحملات العنيفة التى قادتها الخارجية وصحف السماسرة برعاية الرئاسة والمؤتمر الدولى وفيه الأردن والسلطة والأمريكان والإتحاد الأوربى والإتجاه العام قبل وأثناء المؤتمر يشير لتدخل عنيف ضد حماس وتأتى كلمة مبارك ( أو الجهة السيادية التى تملك أن تلوى دراعه ) لتفرض كما كنت على الجميع الجهات السيادية لا تملك شراكة أمريكية ولا تأتمر بالأمر الأمريكى وهى لا تعرف الديموقراطية كما تستحقها مصر ولكنها تستطيع أن تتفاوض عليها وتتراجع لكسب شرعية
أما من يخدمون المصالح الأمريكية فى المنطقة فلا يعرفون معنى السيادة ولا يملكون التفاوض عليها

khalil said...

صباح الخير يا حلوه انا ملاحظ كده حصل بعض الاهمال للمدونه من يوم ما كتبتى فى الدستور ،مقالاتك الرائعه فى الدستور بتشبع القارئ ولم تعودى لكتابه المقالات فى المدونه ،واصبحت المدونه شبه نشره اخبار ،حقيقى صعب تكتبى مقالتين فى اليوم ولكن يمكن كتابه مقاله اسبوعيه فى المدونه لها تاريخ محدد يعرفه الناس،وبلاش الاخبار اللى ممكن تكتبيها فى التويتر تكتبيها في المدونه .الواحد بيصاب بلاحباط اما يروح للمدونه يلائكى كتبه سطرين سبق شافهم فى التويتر،النفر منا يبقى داخل على المدونه بتاعتك ناوى ياكل ويشبع ،يخش ويخرج جعان حرام عليكي.انا كمان ابتديت اغير على المدونه