Sunday, 11 July 2010

من وزارة الدفاع للاهرام.. تامر حسني والتدرج الوظيفي

للاسف ماحدش معايا يصورني هههههههههههه او الحمد لله، لان لو حد صورني فيتيون وانا في الحالة دي ممكن اعدائي يمسكوها عليا زلة ويقولوا: صدقتوا بقى انها مجنونة؟ 
من ساعة ما قريت الكاتب الكبير، والمؤرخ الاريب، والشاعر الاديب، العلامة الفهامة تامر حسني وهو يشرح لنا الظروف اللي كتب فيها اخر معلقاته: كام واحد فينا، والتي يسبقها تحذير لكل من يسمع هذه الاغنية انه ما يسمعهاش قدام مراته، لان الاغنية بتقلع في النص
طبعا كلنا عارفين ان الاستاذ تامر حسني ساب المناصب عشان يتفرغ للادب والشعر لان عنده رسالة
فمثلا تهرب من الجيش، مع ان الجيش كان حيموت عليه، والدليل انه هو الوحيد اللي عرف يطمن الجماهير الغفيرة على الجمهور المصري في السودان وقال بالحرف: وزارة الدفاع اتصلت بيا دلوقت وبلغتني اطمن كل الناس على جمهورنا في السودان
يذكر ان وزارة الدفاع كانت اتصلت بيه بعد ما كان تهرب من الجيش 
وغالبا تهرب من الضرايب لانه مش بتاع فلوس وعشان كده كتبوه في الاهرام
انا مش حاعلق على مكال تامر حسني
وهناك من تزوجا بشكل متسرع لمجرد احساسهم بأنهم سيكونون في منتهي السعادة وخصوصا في العلاقة الحميمة‏,‏ ويتفاجأ كلا منهما بعد فترة قصيرة أن الزواج لا يتعلق بهذه المسألة فقط ولكنه مسئولية كبيرة لكلا الطرفين واحترام متبادل بينهما‏..‏ وهات وخد‏.‏


انا ما فهمتش هات وخد دي عايدة على الاحترام وللا على العلاقة الحميمة؟ انتوا عارفين الكلام الراقي ده يصعب على امثالي فهمه
اقروا واتعلموا.. شالله اشوفكوا كده ملو هدومكوا ومتهربين من الجيش

23 comments:

علي الزيبق المصري said...

أضحك الله سنك يا أستاذة نوارة !
حساس الجيل بقى >>Sensor of Generation :)
هنعمل ايه ! نصيبنا كده!

إنترنتاوي said...

أحلى تعليق موجود على المقال ده بيقول :

لما بندعى ربنا بنقول ربنا لا تؤاخذنا بما فعل السفهاء منا.. اهو هما دول بقى السفهاء منا

utopia said...

يانهاااااار اسود
هى بقت كده؟؟؟
مش عارف اضحك ولا ابكى

احب ابشرك يا اخت نوارة
اننا ضايعين ضايعين ضايعيييييييييين
لا محالة

dreimi said...

هع هع هع هع هع
You made my Night!
هات إيه وخد إيه
الله يحرقه إلا ما في جمله مفيدة
كله أحظاء لغوية ونحوية
و كلام مالوش معني
هو عايز يعمل مثقف؟
ولا بيسوق للشريط بتاعة؟
و الاسخم انه في الأهرام الجريدة ألي مفروض
صحافة راقية
بقت دلوقتي راقية العالمة
حد يفهمني لأحسن حاتجنن

lastcrazyboys said...

ربنــا ما يحرمنا من تحفـك وحصريــاااتك يا انســة
خصوصا انه فيه ناس كتير كان ممكن يحصل لهم عاجـة لو معرفوش قصة معلقـة "ابن حســني " الجديــدة

بس هي البلــد دي محتــاجة كام ابن حســني عشــان تخرب ..ويتجــاب
!!ضلفهــا

حزر فزر وابعت الاجــابة على لاظوغلي ..وستجدوا ما يسركم

بهيج الشرير said...

هو برضه ياأبلتي عنده وجهة نظر من اللي شافه في بيتهم بين أبوه وأمه، خصوصا في موضوع هات وخد ده، وبالذات لما يكون الراجل هو اللي بياخد

hooda said...

ههههههههههههههه خلصتيها والله ملكيش حل

عادل المصري said...

يبدو ان الاستاذ تمورة بيحاول يكون متنفس لقضايا المجتمع الخاصة بالمشاعر ,,,,,,,وانت عارفة يانوارة قد ايه قضايا المشاعر عاملة شغل اليومين دول والحاج تامر بيحاول كل جهده ينفس انبوبة الاحتقان اللي هتفرقع في وش مشاعر المصريين ,يارب احفظنا........... انا رأيي نسيبنا من البرادعي ونرشح تمورة رمز جيل التغيير وهو ع الاقل بيحس بالمشاعر مش البرادعي اللي سايبنا ملطوعين ويسافر......... اخيرا اقول كلمة ربنا ياخدك ياأسامة سرايا بقي ده يكون مستوي جريدة الاهرام اللي كان بيكتب فيها القمم ,,,,,وكمان حاطط المقال في صفحة دنيا الثقافة بدون ميصحح الاخطاء اللي فيه فعلا ده شئ معبر عما وصله جرنال الاهرام وربنا يرحمنا جمعيا ............يعيش تمورة رمز التغير ويسقط البرادعي واعوانه الامبرياليين الاخوانين الشيوعيين واي حاجة في اي حاجة زي ماقال عزو حفظه الله لمصر ذخرا

Kontiki said...

:) حلوة اخر معلقاتة دى يا نوارة
بس انا اتصدمت بجد تمورة بيكتب فى الاهرام هو بيعرف يقرا عشان يكتب :) وفى صفحة الثقافة يا خبر اسود فاضل فيكى اية يا بلد مش بايظ ! وجاى على اغنية لا مؤاخذة رقيعه وبيتحف البشر فى انه ينشر كلامها الله يرحمهم جون لينون وسيناترا وعبد الحليم وموتسارت وفريد الاطرش
علية العوض

مدونة النسر المصرى said...

حاااااااااسب

الكلام ده خطير، ادينى عقلك

الدكتور ابراهيم الزعفرانى بجلالة قدره

خرج من مجلس شورى الاخوان .بدون توجه من اعضاء المجلس ..خلى باللكم من موضوع توجه ده

يعنى كل الاخوان اتفقت على ان الدكتور ابراهيم الزعفرانى (كوخه..وحش.. وماينفعش يكون مؤتمن على حاجه فى الاخوان

انا الكلام ده مش داخل دماغى بشلن ولا ربع جنيه مخروم

ازاى واحد زى الزعفرانى ميكونش فى الشورى ، أومال مين اللى حيكون فى المجلس !!!

حد يقولى حاجه ياجماعة
انا حاسسس ان فيه تصفية حسابات قديمة داخل الاخوان من قبل ناس مش عاوزه الرأى والراى الاخر

يبقى عليه العوض فى الاخوان وبكده يا حلوين يكون عندنا جثة جديدة فى الشارع المصرى اسمها الاخوان .

utopia said...

مبروك تم اختطاف جمعية البرادعى من قبل الاخوان مع بقاء البرادعى كبرفان من النوع الممتاز

http://www.youtube.com/watch?v=ZzBaU6atE_U
ان بس نفسى اعرف هما ليه الاخوان دايما محتاجين برافان؟
وليه مش عايزين الناس تهتف بسقوط حسنى مبارك ؟؟
نفسى افهم حاجة قبل ما اموت

Safa Harak said...

أنا شكلي متأخرة 20 سنة .. معلش
هو أستاذنا الكبير الفنان العظيم تامر حسني بقى بيكتب مقالات ؟؟؟

Dr.Online said...

ا؛لى تعليق سمعته موجود على الموقع نفسه:

لما بندعى ربنا بنقول ربنا لا تؤاخذنا بما فعل السفهاء منا.. اهو هما دول بقى السفهاء منا

السُـلطانة said...

ما أكثر المتحذلقين

سيد المعلمين said...

كل ما بشوف تامر حسني افتكر .. أميات الاستاذ نجيب سرور:
جايز يكون مرخى جايز حضرته مت***
ومالو ..بس المهم يبان بتاع نسوان
يسهر ويسكر ويعمل نفسه قال فتَّاك
و تيجي تكشف تلاقي العرص بس بضان ...!

dreimi said...

يوتوبيا:@
انت زعلان ليه من الاخوان انهم سيطروا
ده معناه انهم اجدع منك :)
اعمل زيهم لو تقدر

amr awwad said...

يا خونا عااااااااااى هو مش قال قبل كدة انا مش هختار مرشح للرئاسة عشان التمنين مليون مميشوش ورايا
يا خونا عادى نجم الجيل وحقة
ولا حد شايف انه مش نجم الجيل ؟
الله يقطعه ويقطع الجيل اللى هو نجم عليه

utopia said...

dreimi :ربنا يخليك
انت شايف ان انا جماعة سياسية علشان اسيطر؟؟
:]
انامش ضد حد بس انا بسال بجد نفسى اعرف
ليه دايما محتاجين ستار
وليه بيمنعوا الناس انهم يهتفوا بسقوط مبارك؟
هو مبارك قريب حد فيهم:]

dreimi said...

هو انا مش اخوانجي بس بحاول استنتج

عشان النظام بيحاربهم يا يوتوبيا جهاراً نهاراً
اعتقد كنت في جامعة وعارف بيتعمل فيهم ايه :)
واعتقد لو زودوا العيار
حيتعمل فيهم زي ما بيعمل الامريكان في افغانستان

شباب سته ابريل يمكن مش خايفين زي الاخوان
لان النظام عارف ان الابريليين تاثيرهم محدود علي عكس الاخوان الي بيجوا من ناحية الدين

يمكن كمان عشان الصورة السلبيىة ناحية الاسلاميين الي متكونة في اذهان بعض المصريين

وعلي كل حابقي اسالك حد من البني ادمين
لاحسن هم كتير اوي في اسكندرية :D

هرطقة said...

حبيت أضايقك شوية وأقولك انه ميزان هو كمان
وبالمناسبة
الهضبة كمان ميزان

sossa said...

يارب ارحمنا

mohamad said...

فعلا .. هوا ده حال مصر مش بس الأهرام

خرج منها ناس محترمين زي سلامة أحمد سلامة وفهمي هويدي . . وإتفتح مكان لتامر حسني يكتب

هوا ده فعلا حال مصر

الدرويش المرووش said...

الله يرحمك يا ستى

كانت دايما بتقول

سكتناله دخل بحماره

بيغنى طنشنا
قام لحن قلنا ماشى
بقى يكتب كلمات ... برضه إبننا
راح ممثل ... زى بعضه ماهو طارق علام مثل

لكن يكتب مقالة و فى اﻷهرام
دى بقى كتيرة و كبيرة و خطيرة و عايزة ستة بيرة