Sunday 4 July 2010

اشوفكوا الخميس الجاي ان شاء الله الساعة سبعة

بقى زمان، في التمانينات كده، كان فيه حاجة اسمها لجنة الدفاع عن الثقافة القومية، عملت ابحاث ومجهودات كبيرة قوي للتصدي لامركة مصر ثم صهينتها بعد كده
اللجنة دي اعضاءها كانوا ناس كتير محترمين وعملوا ابحاث مفيدة جدا ونزلوها في مجلة اسمها المواجهة
كان من ضمن الناس، اشرف بيومي، ورضوى عاشور، وامينة رشيد، ومنى انيس
بس للاسف اعداد المواجهة توقفت
طيب: ليه توقفت؟ 
ليه تم التعتيم على الابحاث اللي عملوها واللي كلها حذرت من اللي احنا وصلنا له بالفعل دلوقت؟ 
ايه فوايد التجربة دي؟
ايه عيوبها؟
هل يمكن تكرارها؟
ايه الاخطاء اللي يجب تفاديها؟
ازاي ممكن نعمل حاجة موازية او مشابهة وللا مش محتاجين اساسا نعمل حاجة كده؟
كل الاسئلة دي واكتر منها واسئلتكوا كلها حيرد عليها
د. رضوى عاشور، ود. اشرف بيومي، ود. سهير مرسي
يوم الخميس الساعة سبعة في مركز الدراسات الاشتراكية 7 شارع مراد الجيزة، قدام محل جاد
انا شخصيا عندي اسئلة كتير وعايزة اقولها، من ضمنها ايه جدوى كل اللي بنعمله ده كله
فايدة الندوة دي ان دي ناس تجمع ما بين الرؤيا الاكاديمية والعمل الميداني ولهم خبرة وتجربة وعندهم امانة وكمان بيؤكدوا ان فيه اخطاء ارتكبت وناويين يشرحوها مش جايين يتنططوا علينا يعني
ياريت كلنا نحضر
حتى تعالوا عشان نتقابل هناك ان شاء الله
:)

6 comments:

ahmedyosry21 said...

ان شاء الله انا جاي يا نوارة ..بس انتي كمان لازم تحضري "مظاهرات" يوم الجمعة الحاشدة

أنا - الريس said...

لو عرفتوا تصوروا حاجة للي مش من القاهرة وبعيد هنها .. ينوبكوا ثواب فينا .

المهدى said...

نوارة .. ياريت لو ماكونتيش قريتى عبد الله السناوى النهاردة فى العربى تقريه ... هام جدا

مواطن مصري said...

«المصرى اليوم» تعيش يوماً مع البدو المطلوبين أمنياً فى سيناء .. «الجنّيون»:استعدادات لساعة الصفر.. وكلام فى السياسة وسط الصحراء
http://www.almasry-alyoum.com/article2.aspx?ArticleID=261309#

تقرير هاااااام جدااااااااااااااا

أبو أمك said...

والندوة دي ناشفة ولا فيها سندويتشات كفتة زي ندوات الحزب الوطني ؟

Unknown said...

يا نوارة يا نوارة
اجي انا كمان ولا لا؟
بس المشكلة ان انا ماعرفش حد وعمري مارحت هناك وهاجي بس مخصوص عشان انتي قلتي تعالو وبالمرة اشوف رضوي عاشور وابعت معاها السلام لفرج
قوليلي باه اجي ولا لا ؟