Friday 31 October 2008

الرئيس مبارك: ليفني جامدة


تحديث:
جابر اختار لنا كام بانر من كام فنان ...وده احسن رد على حوار السيد الرئيس مع الصحفية الجامدة للجرنال الجامد في الكيان الجامد
فنان يا جابر

وفيما يلي نص حديث الرئيس حسني مبارك مع صحيفة يديعوت أحرونوت‏.‏
السيد الرئيس‏,‏ أريد أن أبدأ بموضوع الجندي الإسرائيلي لانه يشغل الرأي العام الإسرائيلي‏.‏
‏*‏ الرئيس‏:‏ مثل هذه الامور تحتاج إلي وقت‏,‏ نحن نبذل جهودا للإفراج عنه‏,‏ ولم نتوقف عن الحديث في هذا الموضوع‏,‏ وعليكم التحلي بالصبر وطول البال لانكم مقبلون علي تغيير حكومة‏,‏ وهذا قد يعطل الامر‏.‏

حكومة أولمرت ستبقي لغاية الانتخابات‏,‏ يعني ثلاثة أو أربعة أشهر‏.‏
*‏ الرئيس‏:‏ المشكلة أنه لا أحد يريد أن يتخذ قرارا في قضية المسجونين‏,‏ المسألة مرتبطة بالاسري الفلسطينيين‏,‏ وهذه هي المشكلة الموجودة في المباحثات‏,‏ نحن حريصون ونبذل كل جهدنا لكي نفك أسري الفلسطينيين ونفك أسر شاليط‏.‏

لقد قلتم سيادة الرئيس ان المسئولية في الاخفاق‏'‏ الفشل‏-‏ الجمود‏'‏ ليست علي‏.‏
‏*‏ الرئيس‏:‏ هذا كان سؤالا لأحد الصحفيين من طرفكم‏,‏ سأل هل فشلنا؟‏,‏لا يوجد شيء اسمه فشل مادمنا نعمل ونبذل جهدنا‏,‏ الفشل يعني أن يقفل الباب ولا نتحدث في هذا الموضوع ونقول‏(‏ انه انتهي‏).‏

بس فيه محادثات تجري الآن مثلا في هذه المشكلة؟
‏*‏ الرئيس‏:‏ بصفة مستمرة‏,‏ في أي لقاءات مع الفلسطينيين ومع الإسرائيليين‏,‏ الاجهزة عندنا تتناول هذا الموضوع‏.‏

لكن سيادتك قلت ان المسئولية تقع علي الطرف الآخر‏,‏ فمن هو الطرف الآخر‏,‏ إسرائيل أم الفلسطينيين؟
‏*‏ الرئيس‏:‏ الواقع أن المسئولية تقع علي الطرفين‏,‏ فحين نحاول الحل مع الفلسطينيين‏,‏ يقولون نريد أن تفرجوا عن عدد كبير‏,‏ ثم إسرائيل تقول لا لن نفرج عن فلان وفلان وفلان‏,‏ وهكذا‏,‏ ونحن نحاول أن نوفق بين الجانبين من يستطيع المساعدة فليتفضل‏.‏

وما هي أفضل نصيحة للجانب الإسرائيلي من أجل حل هذه المشكلة؟
‏*‏ الرئيس‏:‏ أفضل نصيحة للجانب الإسرائيلي‏,‏ لاتشتتوا جهودكم‏,‏ تعدد الأطراف التي تقوم بالوساطة في هذا الأمر ليس في صالح القضية‏,‏ اذا شعر بعض الأطراف الوسيطة أن هناك عددا من الدول الوسيطة يتولي الوساطة قد يقرر أنه لا داعي للجهود ودعنا نركز علي أمور أخري‏,‏ لكن طالما أن هناك دولة واحدة مسئولة‏,‏ اذا كانت فرنسا مسئولة وتستطيع حل المشكلة‏,‏ فلتتقدم‏,‏ ليس لدينا أي اعتراض‏,‏ من يستطيع أن يحل المشكلة فليتفضل‏,‏ فهي ليست حكرا علينا‏,‏ نحن نساعد‏,‏ ونساعد بأمانة وعارفين بنعمل إيه‏,‏ وأي طرف يمكن أن يدخل في الوساطة في هذه القضية لابد أن يكون له علاقة مع الفلسطينيين‏,‏ لأنها مرتبطة بالإفراج عن فلسطينيين والافراج عن شاليط‏.‏

هل الرئيس ساركوزي أرسل‏.‏
‏*‏ قاطعها الرئيس‏:‏ أنا لا أتحدث عن الرئيس ساركوزي‏,‏ هناك كثيرون غير ساركوزي‏,‏ كلهم علي استعداد أن يبذلوا جهودا للحل‏,‏ اللي يقدر يحل يحل‏.‏

يحل ولا يجي لنفس الطريق المسدود؟
‏*‏ الرئيس‏:‏ لا‏,‏ اذا كان لن يصل إلي طريق مسدود ويستطيع حل المشكلة أنا شخصيا سأصفق له‏.‏

هل تحملون سيادة الرئيس في هذه المناسبة‏,‏ بمناسبة الحديث‏,‏ بشري سارة لوالدي جلعاد شاليط؟‏,‏ أخبار في موضوع حالة شاليط الصحية؟
‏*‏ الرئيس‏:‏ شاليط بخير‏-‏ علي حد المعلومات المتوافرة لدي‏-‏ وأظن أنه كان هناك خطاب وصله من والده وقام بالرد‏,‏ رد عليه بمعاونة من الرئيس ساركوزي‏,‏ ولا أعتقد أنهم يعاملونه معاملة سيئة‏.‏
لاخطر علي حياة شاليط

حسب تقديرات سيادتكم‏,‏ متي يكون الإفراج؟ هل هي مسألة أسابيع‏,‏ شهور سنوات؟‏,‏
‏*‏ الرئيس‏:‏ هذا أمر يتوقف علي الطرفين‏.‏ وهناك حوار ومفاوضات‏,‏ الجانب الفلسطيني يطلب زيادة عدد الأسري الذين سيتم إطلاق سراحهم‏,‏ وإسرائيل تعترض علي اسماء بعضهم‏,‏ وهكذا‏,‏ نحن نتمني أن يحل هذا الأمر اليوم قبل غد‏.‏

وماذا تقولون لوالدي شاليط؟
‏*‏ الرئيس‏:‏ أقول لا أعتقد أن الفلسطينيين يمكن أن يضروا بالولد إطلاقا‏ (هو انت راخر بقيت تقول ولد؟),‏ وتحت أي ظروف‏.‏ لأنه شخص‏,‏ بني آدم عادي‏.‏

لكن شاليط محجوز من سنتين بدون زيارات بدون كل شيء‏,‏ هل ما في خوف علي حياته؟
‏*‏ الرئيس‏:‏ لا‏.‏

أكيد‏.‏
‏*‏ الرئيس‏:‏ أكيد‏,‏ لماذا يقتلونه؟ هيفكرو‏,‏ ويعرفون أنهم إذا قتلوه فستكون العواقب سيئة‏,‏الفلسطينيون ليسوا جهلاء‏,‏ والفلسطينيون بيفكروا تفكير كويس‏,‏ ويفكروا أنهم يستطيعون المقايضه به علي ألف سجين‏.‏ أما موت شاليط فيعني أن إسرائيل لن تفرج عن فلسطيني واحد‏,‏أنتم في إسرائيل أحيانا بتحسبوا حسابات غلط‏(ممكن اعرف هو بيتطوع يقول معلومات زي دي ليه؟ يعني هم قالوا لنا معلومات عن اسرانا؟).‏

هناك ناس تقولك من وراء الكواليس في إسرائيل إن العملية لن تتم أبدا بسبب التعنت الإسرائيلي وبسبب إن شاليط أصبح ورقة مساومة بأيدي الفلسطينيين‏.‏
‏*‏ الرئيس‏:‏ ورقة مساومة عشان الفلسطينيين مسجونين‏,‏ يعني يفرجوا عن الفلسطينيين المسجونين‏,‏ حيفرجوا عنه‏,‏ المفاوضات كلها تتم في هذا الإتتجاه‏.‏

حضرتك متفائل يعني؟
‏*‏ الرئيس‏:‏ أنا بطبعي متفائل‏,‏ ولكن بعد أن أقوم بتقدير الموقف‏.‏
مرة أخري هل فهمها صعب

في موضوع مبادرة السلام العربية‏,‏ رجل الشارع الإسرائيلي لا يعرف ما هي مبادرة السلام العربية‏.‏
‏*‏ الرئيس‏:‏ مرة أخري تسأليني عن مبادرة السلام العربية‏,‏ هل فهمها عملية صعبة جدا ياسمدار؟؟

لا‏,‏ هل ممكن أن تشرحها سيادتكم بكلمات بسيطة؟
‏*‏ الرئيس‏:‏ بكلمات بسيطة‏,‏ جامعة الدول العربية في مؤتمر القمة العربية في بيروت وكررتها في الرياض قالت‏:‏ إذا تم حل القضية الفلسطينية فإن الدول العربية لن يكون أمامها مانع من التطبيع مع إسرائيل‏-‏ بدل ما فيه بعضهم كده يقوم بتطبيع غير ظاهري‏-‏ سيكون تطبيعا عاديا وتبادل سفراء وتعاونا وزيارات وهكذا‏,‏

عندي ملاحظة سيادة الرئيس‏,‏ المبادرة بتقول إن الانسحاب لخطوط‏67,‏ مش بس الموضوع الفلسطيني‏.‏
‏*‏ الرئيس‏:‏ التفاوض عادة ما يتم بما يرتضيه الطرفان‏,‏ وهو السبيل لحل الموضوع‏,‏ السلام مع إسرائيل مرتبط بحل القضية الفلسطينية بالطريقة اللي ترضي الطرفين‏,‏واذا ما تم ذلك‏,‏ أي طرف عربي سيقول اذا كان الفلسطينيون والإسرائيليون ارتضوا هذا الحل فما الذي يمكن أن أضيفه؟ بمجرد أن يتحقق السلام بين الفلسطينيين وإسرائيل سيصبح من حق الدول العربية أن تعيد النظر‏.‏

فيه موضوعين يعرقلان ذلك‏,‏
‏*‏ الرئيس‏:‏ انتم تعقدوا الامور‏,‏ وتقولون لابد وأن نتفاوض مع الدول العربية‏,‏ تكلموا كلاما منطقيا يقبله العقل‏,‏ لن يجلسوا معكم‏,‏ يعني انتم تريدون ياإسرائيل أن تجيئوا بالدول العربية كلها وأنتم تفاوضونهم‏,‏ فلنكن منطقيين مع التاريخ يا جماعة‏.‏ لاتطلبوا شيء حاجة يبدوأ كأنكم تجلسون العرب وكأنهم تلاميذا‏,‏ ستكون مهينة‏,‏ لذلك أنا قلت الاتفاقية واضحة‏,‏ واذا حدث السلام مع الفلسطينيين سيحل الامر مع العرب تلقائيا‏.‏ بس في موضوعين‏,‏ موضوع حق العودة الفلسطيني‏,‏ السؤال‏,‏ يعني الحل هو كالمتفق عليه بين الطرفين‏.‏

ماهو عدد اللاجئين الفلسطينيين؟ والي أين يرجعون؟
‏*‏ الرئيس‏:‏ موضوع اللاجئين الفلسطينيين والقدس كان محل مفاوضات بين عرفات وباراك‏,‏ ونحن كنا حاضرين في طابا‏,‏ وقبل أن يترك كلينتون بثلاثة أسابيع وصلوا لمعادلة لحل المشكلة واتفق عليها الطرفان‏,‏ لكن الطرفين كانوا طامعين في المزيد وقالوا لننتظر الادارة الجديدة‏,‏ وجاءت الادارة الجديدة وقالت لا مش عايزين حاجة مما أتفق عليه بمعرفة كلينتون‏,‏ لدرجة أنا قلت لكوندوليزا هنا في مصر خلال احدي الزيارات‏,‏ ياكوندوليزا ده كان فيه حل موجود من أيام طابا‏,‏ مخدتوش ليه من الاول‏,‏ من بدري أوي من سنتين ثلاثة منذ أن توليت‏,‏؟ (هههههههههه) قالت لا‏,‏ الإسرائيليون كانوا رافضين‏,‏ قلت لها اتفقوا‏,‏ الفلسطينيون ونحن كنا شهودا علي ذلك‏,‏ وأبوعمار وباراك والوفدان اتفقوا في طابا‏,‏ ونحن لدينا شهود‏.‏ وارتضوا الاثنين الطرفين‏.‏ لو كانوا أخذوا بهذه المعادلة وقتها لحلت القضية‏.‏

مدينة مفتوحة
وماهو الحل الأمثل في مشكلة القدس‏,‏ الحل الأمثل في تصور سيادتكم؟
‏*‏ الرئيس‏:‏ هناك اقتراحات كتيرة منذ أيام الرئيس السادات مثل أن تكون القدس مدينة مفتوحة وتكون هناك عدة أحياء‏,‏ حي أرميني وحي إسرائيلي وهكذا‏,‏ وكان هناك اتفاق انهم يتركوا لكم حي ويأخذوا الأحياء الأخري‏,‏ وبعد أن توقعوا وتتفقوا علي هذا الحل والعملية تمشي فالحياة ستصبح طبيعية بينكم‏.‏

بس سيادتكم شايف القدس مدينة مفتوحة‏,‏ يعني مع رئيس بلدية إسرائيلي في الجانب الغربي ورئيس بلدية فلسطيني في الجانب الشرقي؟ ومدينة مفتوحة ولا؟
‏*‏ الرئيس‏:‏ أعتقد أنها قد تنتهي بأي حال كمدينة مفتوحة‏,‏ ولأن فيها الأقداس هناك تشدد من الطرفين‏,‏ ولكن بعد أن يصلوا لاتفاق ستصبح الأمور سهلة جدا‏,‏ سيتفقوا وسيطوروا أسلوب ادارة القدس وهكذا‏.‏

لقد مرت‏30‏ عاما علي توقيع اتفاقية السلام بين مصر وإسرائيل؟ ما هي طبيعة العلاقات بيننا اليوم؟ هل الإسرائيليون يفكرون انها هي ليست إلا علاقات رسمية علي المستوي الرسمي؟
‏*‏ الرئيس‏:‏ ياسلام‏,‏ من الذي يفكر عندكم هكذا؟؟

في ناس كتير‏,‏ من الرسميين‏.‏
الرئيس‏:‏ من الرسميين؟‏,‏ لا‏,‏ هناك رجال أعمال شغالين مع بعض باستمرار‏,‏ وفي إسرائيل بيحضروا لمصر باستمرار‏,‏ وبعض المصريين أيضا يذهبون‏,‏ عليكم ألا تعقدوا الأمور‏,‏ وتظلوا تقولون انها مجرد علاقات رسمية‏,‏ العلاقات تتطور حسب طبيعية الشعوب‏,‏ وتحتاج إلي وقت لكي يندمجوا‏,‏ أيام رابين كان رجال الأعمال كنت أقابلهم كثيرا جدا‏,‏ ورجال أعمال من جانبنا كانوا يذهبون لإسرائيل كثيرا‏ (ايوة...ستوب هنا لو سمحت...مين بقى؟ عشان نبقى على نور كده).‏
عندي مصدر يبرهن ببرودة العلاقات‏,‏ السفير الإسرائيلي في مصر انتهت مدة خدمته من شهور ولا أحد في إسرائيل يريد أن يحل محله‏.‏
‏*‏ الرئيس‏:‏ الراجل مبسوط هنا‏,‏ دعوه هنا‏,‏ احنا السفير اللي عندنا هنا راجل كويس وراضيين به (هههههههههههههههه لا مش ممكن)‏.‏

إنتم شكاكون
بالرغم من المحادثات غير المباشرة بين سوريا وإسرائيل‏,‏ فإن إسرائيل تشكك في نيات الرئيس السوري بشار الاسد وعلاقاته الوطيدة مع ايران وحزب الله ونياتهم؟
‏*‏ الرئيس‏:‏ أنتم نتيجة الظروف التي مررتم بها شكاكون‏,‏ والله هو عاوز يتفاوض معك فلنتفاوض‏,‏ متي نقول لا‏,‏ لم يكن لديه نية حين يتوقف فجأة عن التفاوض‏,‏ اعتقد سوريا مثل أي دولة تريد أن تعيش في سلام‏,‏ وتريد سلاما مع إسرائيل‏.‏

وفي تصوركم إسرائيل بدها تيجي لاتفاقيات سلام مع سوريا ولا هي لعبة؟
‏*‏ الرئيس‏:‏ لعبة من إسرائيل؟ ولا لعبة من الجانب السوري؟

لا‏,‏ من الجانب الإسرائيلي؟
‏*‏ الرئيس‏:‏ لا أفتكر‏,‏ الجانب الإسرائيلي عايز يعمل اتفاقية سلام مع سوريا‏,‏ وإيام رابين كانوا وصلوا لاتفاق‏,‏ كل الاوراق كانت خلصت‏,‏ أنا متذكر جيدا‏,‏ كل الاوراق كانت خلصت‏,‏ لولا أن رابين جاء وقال لي‏-‏ علي حد قول رابين‏-‏ جالي يوم صباحا هنا‏,‏ كلمني بالتليفون سبعة صباحا وقال لي عايز أجيلك‏,‏ جلسنا وسألني وبعيدين أعمل ايه بقي مع سوريا‏,‏ أنا اديتهم كل حاجة‏,‏ كل الارض وكل الحدود‏

‏ محجزتش ملليمتر من الارض‏,‏ وبعدين أمال ايه الموضوع؟ قال عايزين حاجة أفضل عشان يقدروا يقنعوا الرأي العام في سوريا لماذا لم يوقعوا اتفاقية مثل اتفاقية مصر بعد‏20‏ سنة منذ أن وقعت مصر الاتفاقية‏,‏ فيريدون حاجة مميزة عشان يقولوا للرأي العام احنا اتأخرنا عشرين سنة وخدنا حاجة أحسن من مصر‏,‏ قال أديهم ايه؟ قال دول مش عايزين سفارة عندنا ولا سفارة عندهم‏,‏ وهذه هي الحاجة الوحيدة التي يصمم عليها الكنيست الإسرائيلي‏,‏ وأنا لدي أغلبية بصوت واحد فقط‏61‏ ضد‏59‏ السفارات هي التي ستقنع البرلمان الإسرائيلي بأن يوافق علي الاتفاقية‏,‏ ظلوا مترددين حتي قتل رابين‏,‏ والذي قتل رابين لم يكن يريد رابين أن يسلم الجولان‏,‏ أظن كلكم عارفين ذلك‏,‏ لما قتل رابين كل رئيس وزراء يجيء بعده يخاف أن يأخذ قرارا‏,‏ بعدها نيتانياهو قال لا أعرف وديعة رابين‏,‏ أنا قابلت نيتانياهو هنا‏,‏ وقلت له رابين قال لي أنا شخصيا‏.‏ قال‏'‏ أنا ماليش دعوة‏,‏ مقدرش أسيب جبل الشيخ (قال له انا ماليش دعوة؟)‏.‏

لست جهة تحقيق
عماد مغنية كان مستهدفا من عدة أجهزة مخابرات في العالم‏,‏ هل؟
‏*‏ الرئيس‏:‏ بس مش الأجهزة المصرية‏.‏

هل تعتقدون سيادة الرئيس ملابسات القتل ومن الجهة المسئولة؟
‏*‏ الرئيس‏:‏ أولا‏,‏ أنا لست جهة تحقيق‏,‏ ثانيا‏,‏ نحن سمعنا أن مغنية قتل في منطقة صعب الدخول فيها‏,‏ لا أستطيع أن أتكهن من الذي قتله‏,‏ إسرائيليون أم سوريون أم غير الجنسيات دي‏,‏ لأني لست جهة تحقيق ولم يكن حتي يهمني أن أسأل عن ملابسات الحادث‏.‏

من المعروف سيادة الرئيس أنه كانت علاقات حميمة بينكم وبين رئيس الوزراء أولمرت‏.‏ماذا تقولون لأولمرت وهو يودع منصبه؟‏‏ (!!!!!!!!حميمة ازاي يعني؟)
‏*‏ الرئيس‏:‏ أشكره علي الفترة اللي قضاها كرئيس وزراء‏ (العفو يافندم ده مذبحة قانا2 اقل واجب...نفسك في مذبحة تانية قبل ما يمشي؟),‏ وحقيقة كان هناك تعاون كبير بيننا وبينه‏ (آه ما احنا واخدين بالنا..خصوصا في 2006 ايام حرب البتاع ده),‏
وكان دائما عند كلمته وإذا قال كلمة ينفذها‏,‏ وهذا ماأتوقعه دائما من القادة الإسرائيليين‏,‏ عندما يعطونني وعدا يلتزمون به‏,‏ هذا ما قلته من قبل لشامير‏,‏ ( :-0....:-0.....:-0!!!!!ها؟ اه ماهم الاسرائيليين صعايدة طول عمرهم ومعروفين بانهم قد كلمتهم، حتى بامارة ما اتفقنا على وقف اطلاق النار يوم 13 اكتوبر والتزمنا بيه احنا وهم التزموا بيه يوم 28 اكتوبر بعد ما فحتوا ابونا ضرب لولا الفدائيين كتر خيرهم كان زمانا في البلالا...اكيد فاكر ماهو صاحب اول طلعة جوية فتحت باب الشعرية)أذكر أيام طابا وحكم المحكمة وكلهم قالوا إذا حكمت المحكمة سنلتزم بحكمها وبالفعل حكمت المحكمة ولكن بعد‏15‏ يوما وجدت أنه لا أحد يريد أن يسلم طابا‏,‏ فقلت الله يا مستر شامير‏:‏ أنا أعرف إن اليهود لهم كلمة‏,‏ وإذا قالوا نعم في حاجة بينفذوها‏ (يا اخوانا حد يشيلني من هنا),‏ رد علي وقال‏,‏ علي طول في ساعتها‏,‏ أنا ملتزم بهذا وأعطي تعليمات بالتنفيذ‏.‏ فالحقيقة أولمرت كان التعاون بيننا وبينه كبيرا والتقينا ببعض كثيرا جدا‏,‏ وتعاون معنا في مجالات كثيرة جدا‏,‏ ولذلك أنا أحييه وأشكره علي المدة اللي قضاها كرئيس حكومة وعلي التعاون الذي تم بيننا وبينه (ومعلش بقى الله يجازي حزب الله اللي افشل التعاون ده...على رأي طارق حبيب: خيرها...غيرها..ده ظابط جيش؟ ده حارب؟ حد يشيلني من هنا يا نااااااااس)‏.‏

هل تنتظرون من أولمرت أخذ قرارات حاسمة في آخر ولايته‏.‏
‏*‏ الرئيس‏:‏ كيف؟
الموجود لتسير العمل فقط
إنه يأخد قرارات حاسمة في الأيام المقبلة في المسار السوري والمسار الفلسطيني لتمهيد الطريق‏‏
الرئيس‏:‏ طبيعة إسرائيل رئيس الوزراء المستقيل والموجود فقط لتسيير العمل‏,‏ بطبيعته لا يتخذ قرارا حاسما‏,‏ وإلا يتعرض لانتقاد شديد‏,‏ فلا أستطيع القول أنه يمكن أن يأخذ قرارات حاسمة‏,‏ لازم يتفق مع الرئيس المنتظر‏,‏ وخصوصا إذا لم تتمكنوا من تشكيل حكومة وحتدعوا لانتخابات‏,‏ فلا أحدا يعرف من سيفوز بالانتخابات‏.‏

وما دام إسرائيل ماشية في طريق الانتخابات‏,‏ حيصير بصورة طبيعية جمود علي عملية السلام؟
‏*‏ الرئيس‏:‏ طبعا‏.‏

فسيادتكم مش شايف حاجة‏.‏
‏*‏ الرئيس‏:‏ والله مش كويس‏.‏ فعملية السلام ستظل جامدة لأربع شهور‏.‏ بعد أن كنا في زخم والمسألة ماشية دلوقتي‏,‏ وبناخد وندي‏.‏ الآن لن يكون أحد حريص علي الإستمرار‏,‏ وقد مررنا بهذه الظروف من قبل عند تغيير الحكومة بإسرائيل‏,‏

إذا فشلت ليفني في تشكيل الحكومة‏,‏ فتشاهدون منافسة قوية بين ليفني وبين نتيانياهو‏,‏ أيهما يكون أكثر مفيدا لعملية السلام؟
‏*‏ الرئيس‏:‏ الشعب الإسرائيلي يختار من يختاره‏,‏ هذا قرار الشعب الإسرائيلي‏,‏ أنا لا أستطيع أن أتدخل فيه‏,‏ ولا أفضل أحدا عن الآخر إطلاقا‏,‏ ليفني عملنا معها عن قرب‏,‏ وهي سيدة حازمة‏,‏ وأعتقد أنها إذا أعطت كلمة بتنفذها‏,‏ حقيقي‏-‏ الستات بيبقوا جامدين ياسمدار‏-.‏ (احم...شالله تسلم يا ريس كأنك قلت لنا يا دكتور...لا وخصوصا ليفني: جامدة جامدة يعني..ناعمة وقوية وكلها حنية) وكما ترين أنها بتشكل حكومة‏,‏ كانوا عاوزين يبتزوها لكن لم تقبل الإبتزاز‏,‏ وقالت لن أشكل حكومة وسأدعو لانتخابات‏.‏ ليفني سيدة قوية وأنا أحب التعامل مع الأقوياء‏.‏
لا أميل للحزب إطلاقا

وإذا فاز نيتانياهو‏,‏ فكيف تسير الأمور بينكم؟‏.‏
‏*‏ الرئيس‏:‏ يجيء نتنياهو‏,‏ يجيء أي حد غيره‏,,‏ محدش حياخد منا حاجة‏.‏

هل تعرف سيادة الرئيس ماذا يفكر الإسرائيليون فيكم؟ لما الإسرائيلي يسمع اسم الرئيس حسني مبارك‏,‏ ماذا يخطر في باله؟
الرئيس‏:‏ في بال الإسرائيلي‏,‏ يخطر في باله السلام والسلام والسلام‏,‏ أنا رجل يحب السلام‏,‏ أنا رجل حارب من أجل السلام ولا أميل للحرب إطلاقا‏,‏ إنما الحرب كانت مفروضة علينا لنحرر أرضنا‏,‏ أما والارض قد حررت لابد وأن نحل أي قضية بسلام‏,‏ وعندكم طابا مثالا‏,‏ طابا لما كانت موجودة كانت ممكن تنشأ حرب‏,‏ قالوا تحتاج منك إلي طول بال‏,‏ وتكلمت وأصريت علي التفاوض عليها والتحكيم‏,‏ولذلك أنا في هذه المناسبة أحيي شيمون بيريز‏,‏ كان رئيس وزراء في ذلك الوقت‏,‏ واتفقنا علي سؤال التحكيم تفاديا لأي تعقيدات للمشكلة والوصول إلي حد خطير‏,‏ الحقيقة أنا لا أنسي لشيمون بيريز هذا‏.‏

في موضوع سيناء‏,‏ هناك انذار بالغ الخطورة للإسرائيليين‏.‏
‏*‏ الرئيس‏:‏ ليس لهذه الدرجة‏,‏ انتم بتتخضوا لو فيه نملة ماشية بتخافوا منها‏,‏ هيعملوا لكم ايه؟‏!!‏ لا‏,‏ فيه انذارات عندنا من خطف وقتل إسرائيليين‏.‏
‏*‏ الرئيس‏:‏ اتقتل إسرائيلي قبل كده؟‏.‏ (لا والله يا ريس...اتقتل مصريين قبل كده....بس مش مهم فداهم يعني وفدا ستاتهم الجامدة)

اتقتلوا طبعا في طابا‏.‏
‏*‏ الرئيس‏:‏ العملية بتاعة طابا كانت عملا ارهابيا‏.‏
الشواطئ آمنة

ولكن هل سيادتكم تنصحون الإسرائيليين بأن يتريثوا الآن قبل السفر إلي سيناء بسبب الانذارات؟
‏*‏ الرئيس‏:‏ هم يريدون أن يذهبوا إلي أي جزء من سيناء؟ عايزين يجلسوا مع القبائل‏,‏ يقوموا بشغل مخابرات‏,‏ أم سياحة؟
لا‏,‏ علي الشواطيء‏.‏

*‏ الرئيس‏:‏ علي الشواطيء‏..‏ الشواطيء آمنة‏,‏ ولو ذهبوا إلي الشواطيء لن يحدث لهم أي ضرر‏,‏ لكن يشتغلوا شغل مخابرات حتبقي مصيبة‏,‏ لما بييجوا جنوب سيناء أنا بشوفهم في جنوب سيناء مش انتو بتقولوا لهم متروحوش‏,‏ بييجوا جنوب سيناء وجايين في طيارات شارتر جاية من بره‏,‏ وجايين في الخطوط اللي جاية من بره‏,‏ سواء أردنية أو ألمانية وهذا أمر عادي‏.‏

وفي سيناء مش حيكون أكتر من اللي بيجرالكوا في العراق‏,‏ عندكو إسرائيليين في العراق كتير‏,‏ الخطورة في العراق أكتر ولا في سيناء؟؟‏.‏
(ههههههههههههه يا عثل يا عثل انت يا عثل هم مش عايزين يقولوا انهم في العراق يا عثل...احسن ههههههههههههههه...والعراقيين بياخدوهم مننا ليه خطافين الاسرائيليين اللي عينيهم فارغة دول)
شو بيسووا الإسرائيليون في العراق؟
‏*‏ الرئيس‏:‏ أنت بتسأليني؟ الإسرائيلي اللي عنده باسبور أمريكاني يقدر يدخل أغلب البلاد‏,‏ بتسأليني السؤال ده‏,‏ صعب اني أجيب عليه‏!!!.‏ (انا عارفة يا اخويا؟ محن نسوان، قال شو بيسووا في العراق قال...ما انتوا زي القرع تمدوا لبرة...قصرنا معاكوا في ايه عشان تبصوا للعراق؟ شواطئ عراة وعاملين لكوا، بتدخلوا بالباسبور بس وبتتشالوا ع الراس بينما بنموت السودانيين في الميادين وعلى الحدود، كل ما تتخضوا نقبض لكوا على كل عيالنا...نساعدكوا في حرب البتاع ده وساعدناكوا، نجوع لكوا الفلسطينيين وجوعناهم....نعمل معاكوا ايه اكتر من كده؟ نملا عيونكوا الزايغة دي بايه؟ بس عموما ح تلفوا تلفوا وترجعوا لنا)

يعني أخطر؟
‏*‏ الرئيس‏:‏ لا يمكن أن تكون سيناء أخطر من العراق‏,‏ لا لا لا‏,‏ بييجوا سيناء علي الشواطيء‏,‏ لا أعتقد أن أحدا يمكن أن يتعرض لهم‏,‏ حادثة طابا كانت عملا استثنائيا‏,‏ مش كل يوم هناك حادثة في طابا‏,‏ الأمن شغال كويس جدا هناك (شغااااال يونيفيرسال)‏.‏

كل أسبوع‏,‏ مكتب رئاسة الوزراء في إسرائيل بينشر انذارا للإسرائيليين من سيناء‏.‏
‏*‏ الرئيس‏:‏ بيخولوا مسئوليتهم‏,‏ اخلاء مسئولية علشان لو أحد تعرض لأي شيء يقولوا احنا قولنا‏,‏ النظام ده معمول بيه في العالم كله‏,‏ لكيلايتهم أحدا الحكومة أو يدينهم‏.‏

السادات كان سابقا لعصره
لنعود إلي أيام نوفمبر‏1977,‏ خطاب السادات في مجلس الشعب‏.‏

*‏ الرئيس‏:‏ هل أعجبكوا خطاب السادات في الكنيست؟‏.‏
أستمعت للخطاب مثل كل زملائي الصحفيين‏,‏ مكنتش فاهمة اللغز‏.‏
الرئيس‏:‏ مش فاهمة ايه؟ اللغز‏,‏ عندما قال انه أنا مستعد أروح لأقصي مكان في العالم وحتي القدس من أجل مبادرة السلام‏.‏ لا‏,‏ هو مقلهاش في القدس‏,‏ قالها في البرلمان المصري‏.‏ آه‏.‏ قال اذا كان من أجل السلام أنا مستعد أروح لاقصي بلد في العالم‏.‏ اذا كان ذلك سيؤدي إلي السلام‏,‏ وأنا كنت من المشجعين لذهابه‏,‏ أنا كنت في المغرب والجزائر في مهمة لحل مشكلة بينهم‏,‏ ورجعت يوم في الاسبوع كان يوم الاثنين (يا سلااااااام!)‏

فقالي والله ياحسني أنا بفكر في كذا وكذا كذا‏,‏قلت له والله مش حيجري حاجة‏,‏ اذا كان ده سيؤدي إلي السلام ونحل المشكلة‏,‏ ظل يتكلم (هههه اه ماهو كان دايما بيظل يتكلم يمكن حتى وهو نايم) وقال أنا لو جاتني دعوة سأذهب (اه طبعا امال هو جابك ليه يعني؟ ح اموت واعرف اللي طلعت السادات والاضيشه واللي مسميين نفسهم ساداتيين بيكرهوك ليه؟ اذا كنا احنا في امتداد عصر السادات، ده حتى على كل الخرا ده انت احسن على الاقل عارفين نقول لك البقين دول)‏,‏ وجاءه بعدها السفير الامريكي بخصوص الدعوة ثم جاءته دعوة من بيجن وقال لا ده يوم السبت مبيشتغلوش‏,‏ قعدنا نتكلم في الموضوع ده يوم الثلاثاء‏,‏ وأنا نصحته أن يذهب لسوريا‏,‏ وبالفعل ذهب لسوريا لست ساعات وحدث ماحدث وعاد‏.‏ ثم قال لي يوم السبت مبتشتغلوش‏,‏ قلت له‏:‏ هم عندهم أجازة السبت وأنت عندك العيد الاحد‏,‏ اقترحت عليه أن يسافر يوم السبت بعد آخر ضوء‏,‏ أي بعد غروب الشمس وقلت له تطلع من هنا عند آخر ضوء بربع ساعة تكون هناك تصبح الصبح تصلي العيد في القدس‏,‏ قال‏:‏ والله فكرة ياحسني كويس‏,‏ (يا اخواتي...جوز كناريا) وطلع فعلا الساعة السابعة مساء علي ماأتذكر من مطار أبوصوير‏,‏ وانا كنت هناك‏,‏ الطيارة اتحركت وأنا أخذت الهيلكوبتر راجع القاهرة‏,‏ وقبل ما انزل القاهرة كان هو وصل تل أبيب‏-‏ بعد ثلث ساعة كان في تل أبيب (ههههههه يا منوفي....دبسته وخلعت انت؟)‏.‏

وبعد أن عاد كان هناك‏2‏ مليون واحد في إستقباله‏,‏ أنا كنت معاه‏,‏ الناس عاوزه سلام‏,‏ الشوارع من أول مطار القاهرة لحد بيتهم ماتقدريش تشوفي الحيطة من عدد الناس اللي موجودة في الشوارع في الاستقبال‏,‏ أستقبلوه لأنه رجل جرئ وعاوز سلام‏,‏ والسادات كان سابقا لعصره في كل حاجة‏ (لا اسم الله عليك انت وهو وسابقين سنكوا كمان...الا بيقولوا انكوا انتوا الاتنين مشيتوا في سن عشر شهور اسم الله عليكوا).‏

لا أحد يكره السلام
أنا فاكرة أنه في البرنامج اللي قبله‏,‏ قال أن الرئيس السادات يرجع من القدس إلي الإسكندرية‏.‏

*‏ قاطعها الرئيس‏,‏ يرجع منين؟
يرجع من القدس إلي الإسكندرية‏.‏
الرئيس‏:‏ لا الطيارة متقدرش تنزل الإسكندرية‏.‏

هذا مكتوب في الكتب‏,‏ وسيادتكم نصحتم الرئيس السادات بأن يغير المسار‏.‏
قاطعها الرئيس قائلا‏:‏ مطار الإسكندرية ماتنزلش الطيارة البوينج‏,‏ الطيارة مليانة ركاب ماتقدرش تنزل هناك لان المطار كان وقتها صغير‏,‏ أما هو كان طالع من الإسماعيلية ونازل القاهرة‏,‏ كان لازم يعود إلي القاهرة ليشرح للقيادات المسئولة ماذا تم في إسرائيل‏.‏

وسيادتكم بصفتكم طيارا في القوات الجوية قبل الإحالة إلي الحياة المدنية‏,‏ هل كنتم مقتنعين من أول لحظة بمسيرة السلام‏,‏ وبمبادرة السلام مع إسرائيل؟ (يعني حتى الولية استغربت)
قال الرئيس‏:‏ لا أحد يكره السلام‏,‏ السلام هو الحياة وتربية أولادنا ونعيش في أمان ونتحرك في أمان ونعيش في الدنيا‏,‏ أما الحرب فهي الدمار والقتل والرعب والإرهاب‏,‏ فرق كبير جدا بين الاثنين مين مش عايز سلام؟

من أجل السلام
سيادة الرئيس متي سمعتم وعلمتم أول مرة عن مبادرة السلام؟
‏*‏ الرئيس‏:‏ كما سبق أن قلت‏,‏ أنا كنت في المغرب والجزائر‏,‏ وحين عدت قال لي أنا مستعد أروح إسرائيل في بيتهم‏,‏ كان قبلها في جولة‏,‏ في رومانيا والسعودية‏,‏ والشام ولم يقولوا له روح القدس‏,‏إنما مامعناه إن ممكن إسرائيل في أي حاجة ممكن يستمعوا لأنهم عاوزيين سلام هم أيضا‏,‏ فجاء لي وأنا كنت في المغرب والجزائر‏,‏ ما كنش فيه كلام معاه ومع أي دولة من الدول إنه ينوي الذهاب لإسرائيل‏,‏ قال لي ارجع فورا‏,‏ رجعت ورحت له علي القناطر‏,‏ قال لي أنا والله بفكر أعمل مبادرة قوية لأننا مش حنفضل نحارب طول عمرنا‏,‏ قلت له طيب ميجراش حاجة‏

ده ممكن تجيب نتيجة‏,‏ أنا بطبعي أصلي كطيار هادي‏,‏ نجرب هيجري ايه‏,‏ ظل الرجل يفكر ليوم الثلاثاء والكلام ده كان يوم الاثنين‏,‏ كان عنده أظن وفد أمريكي‏,‏ وقال لهم أنا لو جالي دعوة من مناحم بيجن أنا مستعد أروح في إسرائيل وفي عقر دارهم وأكلمهم عن السلام‏,‏ ايتس قال له علي طول إنت سيادتك ناوي تروح؟ قال له والله لو جاتلي دعوة أنا هاأروح‏,‏ وإحنا هانخسر ايه‏,‏ هو أنا رايح أحارب‏ (لا العفو هو فيه تليفونيست بيحارب؟ ها وايه كمان يا سيادة الطيار الهادي قول قول..ده احنا نينتنا فن),‏انا رايح عاوز سلام وبعدين جت له الدعوة أخر النهار‏,‏ قلت له أنا بأقترح عليك تروح سوريا علشان سوريا ممكن بعد لو لم تقل لهم سيقولوا‏(‏ لو كنتم قلتوا لنا كنا ساندناك ومشينا معاك‏).‏كان رد الفعل السوري هو أن الرئيس المصري إتجنن (امممم وصلت لهم المعلومة متأخر قوي)‏.‏
‏*‏ رد الرئيس قائلا‏'‏ لنكن مجانين‏,‏ ولكن من أجل السلام‏' (لا ومن غير السلام هو دي حاجة بايده يعني؟ ده مرض والعياذ بالله يعني ربنا يشفي كل مريض).‏

عندما كان الرئيس السادات في القدس خلال الزيارة لإسرائيل‏,‏ هل كنتم تخافون علي حياته؟
‏*‏ ضحك الرئيس وقال‏:‏انتم كنتم خائفين منه حسب ماقرأت في الكتب‏,‏ والبعض ظن أن الطائرة ستصل وجيمس بوند سينزل منها ويضرب العالم كله (والله كتر خيرهم دايما يحسنوا الظن بينا كانوا خايفين منه عشان كده استقبلوه بالملايين في المطار)‏,‏ أقول لكم انكم شكاكين دائما نفتعل المؤامرات أبدا‏,‏ حين قرأتها ظللت أضحك قلت ان الجماعة الإسرائيليين جالهم حاجة في دماغهم‏.‏ كيف يظنوا أن السادات سيخرج من الطائرة ووراءه الصاعقة ورشاشات تقتل الناس‏.‏ وحين يموت هؤلاء الناس سيعني ذلك أن إسرائيل خلصت‏,‏ وأننا حققنا السلام؟؟‏!!!‏ ظللت أضحك طبعا‏,‏ السادات نزل بكل احترام‏.‏

وبعد‏30‏ سنة من السلام بعد ماتقابلوا الإسرائيليين وتشوفوا الإسرائيليين وتحكوا مع الإسرائيليين‏,‏ من هم الإسرائيليين؟

*‏ الرئيس‏:‏ من قابلتهم كلهم الحقيقة قادرين دائما علي أن نتفاهم‏,‏ حين نتناقش في أي موضوع يمكن أن نصل لحل‏,‏ وحين نصل إلي كلمة فهم دائما يحترمونها‏.‏
(طب ربنا ما يحرمك منه...الاسرائيلي يعني)
شكرا سيادة الرئيس‏.‏
(العفو يا ستي ابقي تعالي دايما...مش الاخت جامدة برضه؟)

عندي مبقوقة في السريع كده


تحديث:
ينفع كده يعني؟ نسيب كل حاجة ونفضل نقول للبنية ياللي ابوكي وياللي جدك..
البنت بتقول ان جدها لابوها اللي هو فلسطيني مات في مصر قبل سنة 1948 وابوها فلسطيني ومامتها مصريةوباسبورها مصري...ده من زمان يعني وهم هنا
ايه القذارة دي؟ بجد ايه القذارة دي؟ يعني عشان واحدة اخدت حقها يتعمل عليها الباللو ده كله؟
حاجة مقيئة فعلا
-----------
ن
هى رشدي من عرب تمانية واربعين وعشان كده قرقرت المحامية بتاعتها انها تستأنف لصالح اللي اتحرش بيها حيث انها تحمل الجنسية الاوسرائيلية وعليه فان شدها من صدرها ده عمل وطني عظيم ويجب علينا اننا كلنا كمواطنين شرفاء ضد التطبيع اننا نشدها من صدرها ونجرجرها منه واحنا بنهتف: البيت لنا القدس لنا. لانه صدر اسرائيلي غاصب وكل الصدور الاسرائيلية صدور عسكرية ليس بينهم صدر مدني
الاول: المحامية ما تعرفش جنسية موكلتها من الاول؟ ما شافتش بطاقتها ولا باسبورها حتى؟ امال دافعت عنها ازاي؟ ولما نهى مخبية حقيقتها المخزية النكراء ايه اللي عرف المحامية دلوقت؟
الثاني: عرب تمانية واربعين دول جربة؟ مش كتر خيرهم انهم ما سابوش بلدهم؟
الثالث: لو هي حفيدة بيجن ده يبرر انه يتم التحرش بيها؟ والله دخول الاسرائيليين مصر اللي سامحة بيه الدولة مش احنا اما جريمة التحرش فهي تضر بالمتحرش بقدر ما تضر بالمتحرش به
الرابع: اعلانات السياحة اللي قارفينا بيها ومطلعين لنا في الاخر شوية خواجات يزعقوا لنا حد عارف هم جنسيتهم ايه؟ حد عارف دينهم ايه؟ حد عارف عقيدتهم السياسة مع الصهيونية وللا ضدها؟
الخامس: والامريكان بيدفعوا ضرايب بتروح لاسرائيل وبيسلحوا اسرائيل واللي بيتبرع لاسرائيل بيعفى من الضرايب...طب هلبت ليه في مراكز لحروق المرأة بتاخد فلوس من امريكا؟
السادس: احنا لينا عين نتكلم عن الفلسطينيين؟ انا لو مكانهم اعمل مظاهرة تفافة على الحدود لحد ما منسوب النيل يرتفع من تفافتهم علينا
الخلاصة: انا ما اديش عقلي لغيري

Wednesday 29 October 2008

لو احنا دبان رشونا وخلصونا

هذا المقال الرائع نقلا عن موقع العربية نت:
النساء في الحرم، ضيفات غير مرغوب فيهن

مرام عبد الرحمن مكاوي

يكفي أن تذكر اسمها لمسلم في مكان ما من هذا العالم حتى يرفع يديه إلى السماء ويقول: " أوعدنا يا رب"! فزيارة مكة لغير أهلها حلم وغاية ومقصد، فكيف تكون مكانتها إذن لدى أهلها وجيرانها، حيث يختلط في حبها حب الدين والأهل والأوطان.

لم أكن أعرف حين كنت طفلة أزور الحرم في مكة وأصلي في الصحن الشريف مقابلة للكعبة أنه سيأتي يوم تصبح صلاتي لأي فرض هناك "كامرأة" حلماً أو بقايا حلم.. لم يكن يدور في بال الطفلة التي كنتها، أنني حين أكبر سأشعر في هذا المكان الحبيب بأنني شخص غير مرغوب فيه، يتم "هشه" من هذه البقعة أو تلك، لا لذنب إلا أن الله قدر عليّ وكنت أنثى، والنساء مكانهن في الخلف، في الفائض من المكان، مما تنازل عنه الرجال بطيب خاطر.

من يزر المسجد الحرام هذه الأيام فسيسر كثيراً، فالطقس لطيف، والازدحام ليس كبيراً، والخدمات ممتازة، ولكن ومع هذه الأجواء الجميلة فلا بد من منغصات، تزداد عاما بعد عام، وخاصة للزائرات.

يبدأ الأمر من الكعبة المشرفة - حماها الله - فما إن تقترب أي امرأة منها حتى يصاب المشرفون هناك بنوع من الحساسية، فيبدأ التضييق، وينهال سيل النصائح متناسين أنه حين تنصح أحداً بشكل علني وبأسلوب فظ فإن النصيحة تتحول إلى إهانة. تصدر الأوامر من شباب أكاد أجزم أنهم دون الثلاثين: "يا حاجة استري وجهك"، ويتناسى شيخنا الصغير أن في الإسلام مذاهب عديدة تبيح كشف الوجه، وبعضها مدارس فقهية معتبرة لأهل السنة والجماعة، والخلاف في المسألة قديم بين كبار الصحابة والتابعين، وكشف الوجه من البديهيات للمعتمرات، ثم أليس الأولى أن يغض هو بصره؟

وعلى الرغم من أن الإخوة الرجال يحظون بشرف التعلق بأستار الكعبة وتقبيل الحجر الأسود وسط حسرة نسائية، فإنهم أيضاً يلتصقون ويحتضنون الكعبة الشريفة ولا ينهاهم أحد، ولكن ما إن تقترب بعض النسوة (على استحياء) ويحاولن فعل ذلك في رقعة صغيرة من واجهة واحدة مقابل ثلاثة ونصف للرجال، حتى تأتيهم الصرخة المرعبة: " يا حاجة.. بدعة.. لا يجوز.. ولا ينبغي.. ولم يرد فيه شيء..الحجر الأسود هو الذي تقبيله سنة (وكأن ذلك متاح لهن وهن يرفضن!)".

(ايوة وبيقرفونا عند باب الملتزم كل اللي متعلقين فيه رجالة)

طبعاً الحديث موجه للجميع مع أنني لا أظن أن الزائرة الأفريقية أو أختها الباكستانية أو رفيقتهما التركية يفهمن كلمة "لا ينبغي" أو "الأحوط" أو "لم يرد"، فليته أراح حباله الصوتية، ولم يعكر تلك المناجاة بين المرأة وربها وقد تبللت عيناها بالدموع. حتى عامل النظافة الآسيوي في الحرم يتكلم مع الزوار والمعتمرين حين يريدهم أن يفسحوا المكان ليقوم بالتنظيف بشكل أكثر لطفاً واحتراماً. وقد لوحظ أن النصائح المجانية هذه تكاد تختفي حين يكون ثمة رجل سعودي مرافق للمرأة!

وإذا تركنا هذه البقعة المباركة التي طاف فيها الأنبياء، وانتقلنا إلى الصحن الشريف ذاته خارج المطاف، فسنجد أنه غير مسموح للمرأة أن تصلي أي صلاة مكتوبة مع الإمام في هذا الموضع، حتى لو كان خالياً، ولا يوجد زحام مع الرجال ولا يحزنون! وكم هو مؤلم أن تشاهد عجوزاً وقد انحنى ظهرها وهي تغادر مكانها بصعوبة لتصعد الدرجات ثم لتمشي بخطى ضعيفة باحثة عن مكان تصلي لربها، وهي المعفاة أصلاً من الصلاة واقفة.

وحتى بعد أن تترك الصحن وتدخل إلى المسجد فإن عليها أن تبحث عن الأماكن المخصصة للنساء وهي قليلة ومسورة بالحواجز بحيث تكاد تحجب رؤية الكعبة، وهي لمحدوديتها ممتلئة عن آخرها، فتحس المرأة بالاختناق وتصلي الكثير من النساء اللاتي تضيق بهن هذه الأماكن خارجها دون سجاد، في حين أنك عندما تمر على أماكن الرجال تجدها شبه خالية، وتجدهم يتنعمون بالتمدد والاستلقاء في بحبوحة من المكان.

وإذا كان الانتقال من مكان إلى آخر أمراً يمكن احتماله للشابات، فإن الحال ليس كذلك مع النساء الأكبر سناً. كم كان محزناً لي أن أحس بتعب أمي ونحن نبحث عن مكان مناسب للصلاة المكتوبة فلا نجد، وقتها فكرت بأن الذين يضعون هذه التنظيمات لاشك أيتام! لا يوجد إنسان لديه أم يحبها وتحبه يقبل أن تصيبها كل هذه المشقة في مكان لا تذهب فيه للتسوق أو للترويح عن النفس أو لشرب شاي الضحى، وإنما لتناجي ربها وتسأله أن يوفقها في حياتها. أهينة لدى هؤلاء دعوات الأمهات؟
ما الذي حصل خلال السنوات الأخيرة لتشعر المرأة بأنها زائر غير مرغوب فيه في هذا المكان؟ صدقاً لم أستطع طوال المدة التي زرت فيها الحرم من التخلص من هذا الشعور المزعج والجارح أيضاً. ألم تكن النساء منذ فجر الإسلام وحتى زمن طفولتي في الثمانينات وأوائل التسعينات يزرن المسجد الحرام والمسجد النبوي شرفهما الله، من دون مشكلات ومن دون تمييز وتفرقة مقيتة ليس لها أصل ولا سند شرعي؟ بل إن ضررها أكثر من نفعها، ولكم أن تتخيلوا ماذا ستشعر مسلمة أوروبية أو أمريكية حديثة عهد بالإسلام حين تمر بهذه التجربة التي لم نتحملها نحن اللاتي نشأنا وتربينا ودرسنا في هذه البلاد.
(ينعل ابو التفكير في الخواجات، الجملة الاخيرة دي هي اللي غاظتني في كل المقال، يعني هو احنا مش بني ادمين؟ لازم يعني نجيب لهم سيرة الخواجات عشان يحسوا على دمهم واللي بيطنش على الراجل السعودي اكيد بيطنش على الست الخواجاية برضه)
هل تذكرون صديقتي (إيفا) التي كتبت عنها قبل ثلاثة أسابيع؟ ترى ماذا لو أسلمت واصطحبتها معي إلى مكة ثم سألتني: لماذا يعاملوننا هكذا؟
وقبل أن يتبرع أحد ويقول إن صلاة المرأة في بيتها أفضل وبالتالي فليس من حقها المطالبة بأكثر مما مُنحت، نرد عليه بأن هذا الأمر ليس من شأن أحد، أن تختار المرأة أين تصلي فهذا راجع لها (وهي تعرف هذا الحديث الشريف)، وإنما ينبغي أن تهيأ لها السبل للزيارة وللصلاة، وخاصة في مكة، لأن المرأة لا تستطيع أن تطوف أو تعتمر أو تحج في بيتها، ولأن أجر الصلاة في أحد المساجد الثلاثة لا يعادله شيء، والإسلام يحثنا على زيارتها، فعموم حديث (شد الرحال) يشمل المرأة كما الرجل.
(في اخر عمرة رحتها منعوا الستات من الصلاة خلف مقام ابراهيم: يعني تريدين الريال يشوفونك وانت تصلين؟ وكأنهم مثلا ح يشوفوني وانا باستحمى)
ومنذ مدة طويلة ونحن نسمع ونقرأ ونشاهد تذمر الكثير من المسلمات حول العالم، خاصة المتعلمات من الأوضاع الحالية، وهؤلاء يقمن بكتابة رسائل وتكوين مجموعات إلكترونية بهدف تغيير هذا الواقع، ومع ازدياد عدد هؤلاء خاصة من المسلمات في الغرب، الذين تعلمن الدين مجرداً من عادات الزمان والمكان فأدركن حقوقهن، فسترتفع الأصوات أكثر، فلماذا لا نأخذ زمام المبادرة بأنفسنا ونصلح الخلل؟

لقد كتبت كل من الدكتورة هتون الفاسي والأستاذة نورة الخريجي وغيرهن عن هذه القضية، وكتبت عنها شخصياً في هذه الصفحة أكثر من مرة خلال السنوات الخمس الماضية، وهأنا أجد نفسي مضطرة للكتابة عنها من جديد، لأننا لا نملك إلا القلم نشكو به بثنا إلى المسؤولين بعد أن رفعنا أكفنا بالدعاء لله تعالى، موقنات بأنه لن يضيع حق وراءه مطالب.

*نقلا عن جريدة "الوطن" السعودية

-----------

انتهى المقال، والحقيقة هي قالت اللي بيحصل بادب شديد، لما ابقى لازقة في الكعبة والاقي واحد بيضربني بالشمسية ويقول لي طواف يا حاجة وجنبي راجل سايبه، لدرجة اني اتعلقت بباب الملتزم فواحد سوداني افتكر ان الاصول ان الستات تبعد عن المكان فقال لي: حرام يا حاجة

وكل سنة بيبقى اسخم من اللي قبلها، سنة 2000 صليت في حجر اسماعيل، سنة 2004 قالوا لنا صلاة الستات في حجر اسماعيل حرام!

والناس اللي بتحرم على الناس العبادة دي مش خايفة من ربنا

ده غير المهازل والمسخرة اللي بتحصل لنا في مسجد الرسول، لو كلاب دخلوا مسجد الرسول ح يتعاملوا احسن من كده، وعاملين لنا اربع ساعات في طول اليوم ساعة الصبح وتلات ساعات بعد صلاة الضهر، واصلا حاطينا في مكان مش هو الروضة، الرسول قال ما بين قبري ومنبري روضة من رياض الجنة، وهم حاطينا في ضهر القبر عند منزل السيدة فاطمة وبعيد قوي عن المنبر وفارشين لنا سجادة خضرا ويقولوا لنا دي الروضة؟ حد ينصب على الناس في الصلاة؟ ولما اناقش المطوعين يقولوا: يعني هو ربنا في الحتة اللي قدام ومش في الحتة اللي ورا؟

لا ربنا في كل حتة، وفي بيتنا كمان، انا بقى دافعة فلوس ونازلة من بيتنا وراكبة طيارة عشان كل ما اروح حتة اتهش زي الدبانة؟

وعلى رأيهم، ربنا في كل حتة، وح يسمعنا من اي مكان

وحسبنا الله ونعم الوكيل فيهم

احنا زهقنا بقى بلغ السيل الزبى العيشة كده بقت تقرف قوي على فكرة منين ما نروح حتى العبادة يحرمونا منها وربنا ح يسمع منا ومش ح يسمع منهم عشان احنا مظلومين وهم ظلمة وكدابين كمان وبيحرموا ما احل الله وبيحرموا على الناس العبادة وبيعاقبونا على ان ربنا هو اللي خلقنا ستات

احنا ذنبنا ايه؟ لو معترضين على قضاء الله يبقوا يقفوا عند باب الملتزم زي ماهم واقفين كده ويقولوا له: انت ليه خلقت ستات

حاجة بقت تقرفففففففففففففففففففف

لا في مصر عايزينا ولا في غير مصر، ولا في اي حتة في الدنيا حتى في بيت ربنا؟

نروح فين بقى؟

ربنا ينتقم من كل ظالم، وينتقم من كل واحد اتسبب في اني اتفرس في العمرة وانا رايحة اريح اعصابي وينتقم من كل اللي يمنعنى عن بيت ربنا وروضة الرسول وينتقم من كل اللي يخليني ماشية في الشارع خايفة من تحرش او من عنف وينتقم من كل اللي يخلي الستات تعري نفسها غصب عنها عشان تعرف تعيش او تغطي نفسها غصب عنها عشان ما تنضربش، او يخلينا نعمل اي حاجة غصب عنا ويكسر نفسنا ويذلنا عشان خيبته هو التقيلة ومخه الفاضي

ما تيسيبونا في حالنا وشوفوا خيبتكوا ووكستكوا بقى حاطين الستات في مخكوا ليه؟ هو مافيش في الدنيا غيرنا؟

خاطر سريع بخصوص تبديل الزوجات

دلوقت حالا مصطفى باعت لي ع الجايكو بيقول لي ان الشرطة زقت على المتهم بتبادل الزوجات واحد مخبر وسجل له
!!!!!!!!!!!!!!!!!
ايه شغل كولومبو ده؟ من امتى يعني الشرطة بتاعتنا نوسة لوزة تختخ عاطف محب؟ ما اي قضية بيجيبوا اي واحد في سكتهم وينزلوا فيه ضرب لحد ما يعترف بكل الجرائم من اول قتل قابيل لهابيل، من امتى النباهة دي؟
خاطر سريع: المتهم عك مع مرات مين مهم او واصل؟
مش ح يعملوا له الفضايح دي وينزلوا صورته واسمه والخطط دي كلها الا اذا كان فيه سر، لسة امبارح عارفة من واحد صاحبي ان طريق المطار بيحصل فيه كللللللللللللللللل حاجة والشرطة بتشوف وتنطش ماهماش يعني حماة حمى الاخلاق ولا حاجة
يبقى الراجل ده عمل عملة مع مرات واحد ما ومتغاظ منه
----------
ما علينا
انا من امبارح بتجيلي كوابيس
نظيف بوزارته كلها لازم يستقيلوا
خلاص بلغ السيل الزبى...ما ينفعش...ما ينفعش ما توصلش لقتل العيال في المدارس
عايزين نشد حيلنا في الموضوع ده...نظيف بوزارته كللللللللللها لازم يغوروا

اللي بيتذل وهو صغير بيذل وهو كبير


ام زينب دايما تقول: العيل ع الحنية
التربية عمرها ما كانت ضرب
اللي بيتذل وهو طفل بيذل غيره وهو كبير وبيعيش عمره مذلول وقابل الذل
انا باسأل بالامهات بالذات، الامهات بالذات: تتعبي تسع شهور وتتعبي في الولادة وتهلكي ويطلع عينك وانت بتكبريه وتربيه وييجي واحد بعد الشقا ده كله يضربهولك ويذله ويكسر نفسه..كنتي جايباه ليه بقى؟
وللاباء: انت اكيد عايز ابنك يبقى احسن منك وللا عايز تطلع اللي طلع فيك؟
ولكل الناس: احنا حالنا مش ح ينصلح طول مافيه طفل بيتذل ويتربى على الاهانة
وبعدين بجد بقى الاباء والامهات لازم يبقوا ايجابيين ويروحوا المدرسة ويفهموا المرضى اللي بيدوا العيال واجب جنوني ان دي مش طريقة تعليم دي
كده ح يجيبوا للعيال هطل
انا فيه طفل اعرفه عنده ست سنين وفي مدرسة انترناشونال يعني فيه اكتر من كده؟ بيعلموه بطريقة الكتاب
الواد يتهجى الكلمة ويكتبها صح وبعدين يقول: طب انا مش فاهم انا كاتب الكلمة صح اهو...مث المهم اني اتعلمها؟ اكتبها عثرين مرة ليه؟ انا مث ح اعمل الواجب ده..الواجب ده مث مشوق مث مشوق!
يعني لما عيل عنده ست سنين يبقى بيفهم احسن من المدرسين ومن نظام التعليم ويسأل سؤال ماحدش يعرف يرد عليه: انا كتبت الكلمة صح، اكتبها عشرين مرة ليه؟ ماهو ده سؤال بيطرح نفسه، هو تعذيب؟
طريقة الواجب دي ممكن تخاطر بالعيل النبيه ده وتجيب له استبحس في دماغه
وفيه عيال كتير بيفشلوا في الدراسة بسبب انهم اذكى من طريقة التعليم المتخلفة بتاعتنا

وليه العيال يعملوا واجب اصلا

تحديث:
الحلقة كاملة مصطفى رفعها هنا
ما قلنا قانون الطفل لازم يتطبق باسرع وقت ممكن قالوا لنا انتوا عايزين تبوظوا العيال على اهاليهم ومدرسيهم لازم عيل يموت؟

النيلة البرنامج اهو انا مش عارفة اتلم على نفسي

مصطفى رفعه مكالمة الاب مع منى الشاذلي في العاشرة مساء، وانا والله ما عارفة قول ايه؟ والله ما عارفة اقول ايه؟ منى الشاذلي بتقول انا لو مكانك - ابوه - كنت اتجننت. والله العظيم ده لو لا قدر الله ابني والله العظيم تلاتة وباحلف بالله العظيم كمان مرة ما كان يكفيني اني امسك المدرس اقطعه بايدي وضوافري هو والناظرة ووزير التعليم
الاب بيحمل الوزارة كلها المسئولية، وبيقول ان ابنه صحته زي الفل، يعني ايه طفل ينضرب الشلوت لحد ما يموت، ايه نوع الشلوت اللي يموت بني ادم؟ الناظرة ادت الفصل اجازة وغيرت الطلبة
ومنى الشاذلي راخرة بتسأله سؤال عصبني قوي: طيب اسلام كان شقي عنيف ممكن يغيظ المدرس؟
يعني احنا بندافع عن العيال بتوع الاحداث اللي هم اصلا متاخدين في سرقة وللا تشرد وفي بقهم بشلة وبنقول ما ينفعش يتعلقوا من رجليهم
ايه اللي ممكن اي طفل في الدنيا عنده 11 سنة يعمله عشان يغيظ بني ادم كبير وعاقل؟ مين المتخلف الحيوان البهيم الحلوف اللي يتغاظ من طفل اصلا، ده طفل..طفل
ثم ليه الطفل يعمل واجب اصلا؟ ليه طفل عنده حداشر سنة يصحى من بدري يقعد في المدرسة من تمانية لتلاتة في دراسة وقرف ومدرسين مخاليل او على الاقل قرفانين من حياتهم وبعدين يروح يقعد تلات اربع ساعات برضه يعمل الواجب؟ امال كان بيعمل ايه طول النهار في المدرسة؟ امال ح يلعب امتى؟ ح يتفرج على كارتون امتى؟ ح يمارس هواياته في رياضة وللا موسيقى وللا رسم امتى؟ ح يعيش سنه امتى؟ ده طفل مش مفروض يبقى قاعد طول النهار والليل يذاكر واللعب بيعلم العيال وبينمي ذكاءهم اكتر من الواجب والدراسة
اصلا اصلا الواجب ده انتهاك لحقوق الاطفال، العيل يكتب الدرس عشر مرات؟ ليه؟ عليه ذنب؟
بنقرفه وهو لسة طفل ودي احلى سنين حياته ليه؟ مستعجلين على ايه ما بكرة يتنيل يكبر والدنيا يعني لو رحمت غيره تبقى ترحمه وح يشوف ايام سودا ودي احلى سنين عمره مش ح يشوف بعدها سنين عدلة ابدا في حياته...كان غيره شاف
مع السلامة يا اسلام يا حبيبي...ربنا انقذك، والله العظيم ربنا انقذك ده اللي يخلف في الزمن ده يبقى مخلول رسمي نظمي فهمي
الله يصبر ابوك وامك واخواتك وينتقم من الظلمة، من اول وزير التعليم واللي فوق وزير التعليم مرورا بالناظرة ولحد المدرس
احنا ايه اللي جرا لنا؟ ايه الظلم ده؟ لا راحمين ست ولا ضعيف ولا فقير ولا حتى عيل؟
يارب اديني افراج بقى والنبي وحياة حبيبك النبي يارب تديني افراج حسن سير وسلوك انا تعبت

تهديد ناصر امين بالقتل

التفاصيل هنا
للي ما يعرفش ناصر امين هو محامي عماد الكبير اللي كسب القضية

Tuesday 28 October 2008

هفت عليا فجأتن

خد مراتي ولك تحياتي

بدلي جوزك وما تلويش بوزك
ولسة...بكرة الناس تفرش بناتها ع الرصيف وتقول: اتنين ونص...تعالى بص، خد تلاتة ولك واحدة مجانا
طب منكن اقول حاجة من غير ضرب، بتوع تبديل الزوجات والازواج دول ضحايا
هو راجل موظف كبير في الدولة وهي مدرسة
انا عارفة انهم لو كانوا فقرا كيك كانت الناس تعاطفت معاهم لكن كونهم من طبقة متوسطة ماحدش حاسس انهم ضحايا، ضحايا لايه؟ عايز يجيب فيلا في بيفرلي هيلز وعربية بمليون جنيه؟ يلعن ابو شكله
طيب ماهو بيني ادم، وموظف كبير، وبيتفرج على التلفزيون، وطبقة متوسطة بكل ما تحمله هذه الطبقة من خير زائل وشر قائم. والتلفزيون طول النهار والليل عمال يطمعه يطمعه يطمعه ويقول له في الاعلانات: من حقك يبقى بيتك اوسع...من حقك تصيف في بورتو السخنة من حقك يبقى سلاحك صاحي من حقك من حقك من حقك...آي آف يو...آي آف يو تووووو
وهو حاسس انه من حقه كونه موظف كبير قضى عمره في خدمة الحكومة
وبما انه في خدمة الحكومة فهو مش عارف لما ايه يقوم يحصل ايه امتى؟ يعني لما جعان يسرق رغيف عيش الناس تتلم عليه وتنزل فيه ضرب وتوديه القسم، لما موظف ياخد رشوة مليون دولار يترقى، لما ظابط شرطة يعذب مواطن ويموت منه يترقى، لما مواطن يتعذب وما يموتش يتحبس، لما تبقى مش عايز تسرق وسط موظفين حرامية تلبس قضية، لما تسرق تبقى باشا، لما تبقى افاق تبقى من كبار النخبة اللي بيطلعوا في التلافزيون كل تلات ثواني، لما تتعب على نفسك تبقى مهمش وهكذا كذا فزورة
التطور الطبيعي للحاجة الساقعة: لما يبقى عندي شرف ابقى قواد ولما ابقى قواد ابقى راجل محترم
ماهو الراجل مخه اتبرجل يا ناس
ولسة ولسة...وياما ح تجيب لنا استثمارات القرنية

يا خبر اسود ومنيل

انا صحيت الصبح ع الكلمتين دول اللي في مدونة عمرو وح نقلهم من مدونته ليكوا زي ما هم:

موضوع غريب جدا جدا .. موضوع أرض وادى الملوك !!
اٍحنا أكثر من ألف فرد أتلحسنا فى عقلنا ذات يوم و قررنا أن نقتحم الصحراء و نستصلحها و نخضرها .. و وقع اٍختيارنا على شركة وادى الملوك لسمعتها الطيبة و خبرتها فى تقسيم و بيع الأراضى .. و عاينا قطع الأراضى المعروضه للبيع فى الكيلو 52 طريق مصر الاٍسكندريه الصحراوى .. و زيادة فى الاٍطمئنان رحنا وزارة الزراعه و الهيئة العامة لأستصلاح الأراضى و كافة الجهات المسئولة و كلهم أكدوا لنا أن موقف الشركة سليم و أن فعلا مدحت بركات رئيس مجلس الاٍدارة شارى بعقود سليمة من الدولة و مسدد كامل الثمن و حصلنا على صور لعقد البيع المبرم بينه و بين الهيئة و فيه واضح و بشكل صريح أن الراجل مسدد كامل الثمن .. و مش كده و بس لأ ده كمان الدوله موصله الكهرباء الحكومية للمنطقة و كله تمام التمام ..
فأطمئنينا و أشترينا و سددنا برضو كامل الثمن للشركة و أستلمنا عقودنا و فينا من باع عفش بيته و من دخل جمعيات طويلة الأجل و طبعا من وضع تحويشة شقا العمر فى الأرض لشرائها و أستصلاحها و زراعتها ..
و بقدرة الله الجليل و اٍصرار الناس على النجاح تحولت المنطقة من صحراء جرداء يخاف العفريت الأزرق يمشى فيها لجنة مورقة أشجارها خضراء أرضها تسر الناظرين و ده طبعا على مدى سنوات طويله من العمل و الصبر و الاٍنفاق تحت أعين أجهزة الدوله اللى كانت بتبعت مندوبيها كل فتره و التانيه لتطمئن على أن الأرض تستغل فى الزراعة و ليس فى البناء حتى أرتفع سعر الفدان هناك ليصل اٍلى ضعفين و نص سعر شرائه من الشركة و عشرات أضعاف سعر شراء الشركة له من الدولة !!
فجأه بين يوم و ليله نزعت أجهزة الدولة هذه الأراضى من مالكيها و طربقت البيوت و الزرايب على اللى فيها .. و ألقت القبض على مدحت بركات و قدمته لمحاكمة عاجلة بحجة أنه أخل بشروط العقد مع الدولة .. و مطلوب الآن من الملاك اٍعادة شراء هذه الأرض بسعر اليوم !!!!!!!!
و لما جرينا على هيئة اٍستصلاح الأراضى قال لنا نفس المسئولين اللى رحنا لهم قبل ما نشترى الأرض أنه فعلا كل عقود الشركة سليمة و لكن تم فسخ التعاقد بينهم و بين مدحت بركات !! طيب يا أسيادنا و أحنا مالنا ؟؟ ما تاخدوا حقكم من مدحت بعيد عننا !!
و هكذا بقى .. دوخينى يا لمونه ما بين الهيئة و ما بين الشركة و ما بين برنامج العاشره مساءا و ما بين قسم الشيخ زايد و ما بين الأرض اللى تحولت لثكنة عسكرسة تجوبها السيارات المصفحة المحملة بمئات الجند المدججين بالسلاح !!
المصيبه كمان يا مسلمين و يا أقباط و يا يهود و يا كفره أن الزرع اللى فى الأراضى و اللى الناس صارفين عليه دم قلبهم بقاله أسبوع ما أترواش بعد منع القائمين على ريه و رعايته من الدخول للمنطقة !! طيب حنلاقى فين أبويا محمد أبو سويلم و لا عبد الهادى ؟؟ و لو لاقيناهم حنطلعهم من فيلم الأرض اٍزاى يا ولداه ؟؟
خلاصة الموضوع : أرضنا أتخدت مننا قدام عينينا لسبب اٍحنا مش فاهمينه .. و زرعنا بيموت قدام عينينا لسبب اٍحنا برضو مش فاهمينه !!
النتيجة : خراب بيوت الآلاف من المستصلحين اللى وضعوا كل ما يملكوا من حطام الدنيا فى هاتيك الأرض و تشريد مئات العاملين بها .. و موت الزراعات فى آلاف الأفدنة المستصلحه ..

المطلوب : ننتحر كلنا ..
-----
يعني الناس تعمل ايه؟ يزرعوا عند الوادي يطردوهم من الارض زي فلاحين سراندو ويقولوا لهم دي اراضي الاقطاعيين اللي اتأممت من خمسين سنة
يغوروا من وشهم ويروحوا الصحرا يقولوا لهم لا اصل الدولة اتخانقت مع الشركة
هم عايزين مننا ايه؟
فيه تحديث في مدونة عمرو ان اصحاب الاراضي قرروا التمسك بارضهم لاخر لحظة
واحنا معاهم


Monday 27 October 2008

احسن احسن احسن


ياللا خللي دلاديل امريكا اللي عجنونا لجل عيونها بيوتهم تتخرب

كان يوم اسود يوم ما طلعنا لنا الهباب ده من تحت الارض

على فكرة بقى الفيلم ده ساقط

فيلم سوزان تميم احلى، على الاقل كوميدي، ده كفاية الحوار العبقري: حاضر عن زوج المجني عليها..مين فيهم يعني؟
انما فيلم اوباما ومحاولات اغتياله من الناس الاشرار ونجاح السلاطات في احباطها قديم قوي كمان صيغ الحوار ستريو تايب زي انهم يحطوا في الخبر جملة زي دي:
Obama, who would be the first black U.S. president,

توء....سم قوي الفيلم ده، مين الفاشل اللي كاتب السيناريو؟
على فكرة احنا ابتدينا نتفوق عليهم في كتابة السيناريوهات السياسية...المفروض ناخد اوسكار، بس احنا عيبنا الممثلين، لسة عادل معتوه وابو سوزان بيمثلوا بطريقة يوسف واهبل
الا ايه حكاية المسلماني اتمنع دي؟ حد عنده فكرة؟
-------
تحديث:
لما كنا بنتكلم عن مقاطعة البضائع الامريكية كانوا بيتريقوا علينا وبيقولوا لنا اننا هبل..طيب اتفضلوا

اعتقال المدون عبد التواب محمود و3 طلاب من جامعة الفيوم

تم اعتقال المدون عبد التواب محمود وتلاتة من طلبة جامعة الفيوم النهاردة

خللي السلاح لا مؤاخذة صاحي

هي بقت كده؟
عمرو الراجل المؤدب كتب عن اعلان عن عقار شبه الفياجرا بس ارخص يعني
، هو ما رضيش يفصل قوي في شرح الاعلان، هو كل اللي قاله: يصح كده غنوة كانت بتتغنى في حرب الاستنزاف تبقى خلفية لاعلان عن عقار جنسي للرجال؟
قوم انا بهبلي سألته ده على انهي قناة يا عمرو
وياريتني ما سألت، انا ما نسيت ان عمرو مؤدب، وانه ح يتكسف يحكي كل اللي في الاعلان
اولا الاعلان بيبتدي بخرطوم لا مؤاخذة مية، وبينتقل الى لا مؤاخذة صباع لا مؤاخذة موز ثم ينتقل الى لامؤاخذة كوباية لا مؤاخذة طويلة بتاعة العصير دي، وعلى الخلفية موسيقى خللي السلاح صاحي
الحقيقة انا اسقط في يدي خصوصا اني كنت باتفرج على الاعلان مع ام زينب اللي انطلقت معلقة: وده طبعا بعد النكسة. فاخذتني الحمية الوطنية، وكنت لسة متأثرة بالشحنة اللي اخدتها من بوست عمرو، وذلك في اثناء الاعلان، يعني قبل ما اشوف الموز والكوباية: اه تصوري يا ام زينب دي غنوة كانت بتتذاع ايام حرب الاستنزاف شوفي بيستهزأوا بتاريخنا ازاي؟
فأجابت ام زينب بحكمتها المعهودة، والاعلان كان يستمر وينتشر: ماهو كله استنزاف....
في الواقع ام زينب ما تعرفش عن تاريخ مصر ولا تاريخ الاغنية ولا حتى تاريخ اخوها حسين حاجة، بس هي استشفت من سياق الاعلان ان اكيد الاغنية دي بعد النكسة
وفي الواقع انا وام زينب كنا في تمن هدومنا لما زينب سألتنا ببراءة: انا مش فاهمة الاعلان ده عن ايه؟ هو الاعلان ده عن الموز وللا عن عصير وللا عن تليفون وايه علاقته بالراجل اللي بيرش الجنينة وايه الاغنية دي؟ مش دي اغنية وطنية؟ ايه ده؟ ده دوا؟ هم الناس اللي في الاعلان دول عيانين؟ هو الدوا ده بتاع ايه؟
طيب انا ح اتجاوز الفقه الوطني والمختص بيه عمرو، واسأل سؤال جوهري له علاقة بالواقع والحياة اليومية للمواطن العادي اللي بيسعى وراء رغيف الخبز وهو سؤال ليس له ادنى صلة بالمثل والقيم
من العدو الغدار الى الاخوة الثوار افيدونا:
ارد على زينب اقول لها ايه؟

Sunday 26 October 2008

اسباب اونسانية

في محاكمة هشام طلعت محامي رياض العزاوي قال: حاضر عن زوج المجني عليها
القاضي: مين يعني؟
----
هشام طلعت مصطفى: لاسباب انسانية حجزت لسوزان تميم جناح في الفور سيزونز
-----
محامي رياض العزاوي: لا يعيب المرأة ان تتزوج اكثر من رجل....(الناس كلها بصت له) اذا حصلت على الطلاق
---------
جبهة التهييس الشعبية: ده احنا ح نضحك ضوووووووووووووحك

هههههههههههه الظاهر ماحدش ح ينتخبك غيرنا

يا ابني انت هناك جزمة، ومافيش اجزم منك غيرنا عشان معلقين امل عليك
وكمان عايزين يعرضوا عليك قانون المرأة عشان تيجي تحل لنا الموشاكل، مش كفاية الجواب الغرامي اللي بعتهولك ايمن نور، خلي بالك بقى احسن وزير من عندنا يعرض عليك الجواز
بس خليك مكانك بقى لحد ما تسقط او تتقتل عشان نعيط عليك هنا عشان لو جيت هنا ح تبقى مش خواجة واحنا بنحب الخواجات حتى لو كانوا جزم
كركركركركركررررررررررررررر

Saturday 25 October 2008

تشريد طالب بكلية الإعلام و حرمانه من الإقامة في المدينة الجامعية بسبب مدونته!


تشريد طالب بكلية الإعلام و حرمانه من الإقامة في المدينة الجامعية
بسبب مدونته!




أدانت الشبكة العربية لمعلومات حقوق الإنسان اليوم استبعاد الطالب والمدون أحمد عبد القوي من قوائم السكن بالمدينة الجامعية رغم استيفاءه للشروط ، بسبب تعبيره عن أرائه على مدونته.

والمدون احمد عبد القوى صاحب مدونة " أكيد فى مصر http://akeedinegypt.blogspot.com" من مواليد الفيوم و طالب بالفرقة الثالثة كلية الإعلام جامعة القاهرة – قسم الصحافة ، وقد حصل على تقدير جيد جدا فى الفرقة الأولى والثانية ، وقضى العام الدراسي الماضى بالمدينة الجامعية ، حيث انه طالب مغترب و محل إقامته بمحافظة الفيوم التي تبعد 100 كيلومتراً عن القاهرة حيث تقع الكلية التي يدرس بها.

و مع بداية العام الدراسى الحالي ، تقدم احمد للالتحاق بالمدينة الجامعية ، حيث انه يستوفى كافة الشروط المطلوبة للالتحاق بها ، إلا انه لم يجد اسمه ضمن قائمة المقبولين للسكن بالمدينة الجامعية التابعة لجامعة القاهرة عقابا له على تدويناته الناقدة ، حيث كان من المفترض أن يكون عبد القوي مقيما في المدينة الجامعية منذ 14 أكتوبر الجاري، ولكنه ما زال مشرداً.

وقالت وحدة الدعم القانوني لحرية التعبير بالشبكة العربية لمعلومات حقوق الإنسان "يجب ألا يحول نشاط المدون والطالب أحمد عبدالقوي المدني والحقوقي على الانترنت بينه وبين الإقامة بالمدينة الجامعية، فلكل مواطن الحق في التعبير عن آراءه وأفكاره، وهو الشيء الذي كفله الدستور المصري والمواثيق الدولية".

والشبكة العربية لمعلومات حقوق الإنسان وهي تشجب بشدة هذا الإجراء غير القانوني للجامعة ، والتدخل السافر لأجهزة الأمن في شئون الجامعة ،، فهي تهيب بمسئولي الجامعة الحفاظ على استقلالية المؤسسات الأكاديمية وعدم التواطؤ مع أجهزة الأمن على حساب حقوق الطلاب المشروعة، وتطالب بعودة الطالب إلى سكنه بالمدينة الجامعة إعمالا للقانون و إحتراما لحقوق الطلاب وحقهم في التعبير عن أرائهم.
القاهرة في 25أكتوبر 2008

منى زكي كيك ومدحت العدل اجدع ناس

انا لو مكان المخرج والمؤلف اطين عيشة منى زكي دي؟ هي مالها تخرج عن النص وتستهبل وتفتي من دماغها؟
الاوبريت انا ما حضرتوش من الاول بس لقيت ماما بتنادي عليا وبتقول لي تعالي ده اوبريت غريب قوي الاول كنت متضايقة منهم وبعدين لقيتهم جايبين فرعون مصر وهو عمال يقول الشعب هو اللي له الفضل ولما واحدة تملقته زعق لها وقال لها الفضل للشعب فقلت تيجي تشوفي
المهم الاوبريت بيتكلم عن معارك مصر
طبعا وبما اننا بنحتفل ببونابارت فعدى على بونابارت بجملة سريعة انه حبيب الخونة!
المهم كل فقرة في الاوبريت فيها معنى معين عايز يوصله بذكاء شديد جدا، وكل فقرة بتحمل معنى ان الاولوية للشعب والحكم للشعب والجيش يبقى من الشعب
وراح داخل على ثورة 52 واتكلم عن العدالة الاجتماعية وعن الزراعة والصناعة وبرضه طول الاوبريت ما بيمجدش الزعيم بالعكس
ملحوظة سريعة: الجمهور من الجيش وكان بيصقف في مواضع ذات مغزى مما يطمئن الواحد وما حدش يغلط في الجيش انا باحبه
:(
ملحوسة تانية ماما سوزان كان متضايقة قوي قوي قويييييييييييييييي
وفيه حتت الناس كانت بتصقف فيها وهي كانت مش بتصقف وبتتلوي
المهم برضه لما اتكلم عن نصر 73 اتكلم عن ضغط الجبهة الداخلية وعن مظاهرات الطلبة وعن سنة الحسم وجاب السادات وهو بيقول الضباب هو السبب في تأجيل المعركة راح الجيش مصقف جامد قوي
:)
وحسني ضحك...بس الشهادة لله برررررضه سوزان اتلوت مش عارفة ليه؟
المهم والاوبريت ماشي زي الفل وحاجة ميت فل وسبعتاشر وانا كنت مبسوطة بصراحة لدرجة ان ماما قالت لي دي عاملة زي مسرحية هاملت لما اعادوا تمثيل واحد بيقتل اخوه قدام الملك
واذ بينا نفوجأ بالست منى هانم زكي بتخرج عن النص وهي بتكلم كريم عبد العزيز بتقول له: انت كافحت كتير (المفروض ان كريم ده رمز للمواطن المصري)
وراحت ملفوتة وقالت: ومصر عمار بيك ياريس وبجد الكلام ده مش مكتوب بس والله مصر عمار بيك يا ريس
انت مالك انت يا ست منى ايش دخلك في اللي ما تفهميش فيه؟ انت واحدة شغلتك يحفظوكي كلمتين وتقوليهم وبس
نكدت عليا
والله انا لو من مدحت العدل ما اشغلها معايا تاني ابدا واسود عيشتها على العملة السودا دي
المهم بقى بقية الحوار اللي كاتبهولها مدحت العدل بيقول فيه احنا انتصرنا بس لسة عايزين حاجات كتير
وبيختم الاوبريت بـ: عايزين حريات اكتر مش هامش حريات، عايزين التعليم يبقى حق لكل الناس مش للاغنيا بس، عايزين نزرع اللي بناكله عيب علينا نستورد قمحنا (ملحوظة الغنوة فيها عيب علينا) عايزين واحد مننا يحس بمشاكلنا! وانتوا كمان يا رجال الاعمال شوفوا طلعت حرب عمل ايه للناس وزي ما البلد دي ادتكوا لها حقوق عليكوا
!!!!!!!!!!!!
وش كده
وفجأة حسني اتقلب...كان قاعد بيضحك ومبسوط لحد الكلمتين دول ما اتقالوا، طبعا هو المغزى وصل لماما سوزان اسرع مما وصل لحسني لانكوا عارفين يعني كل واحد على قد فهمه، هو كان قاعد في الاول حيران مش عارف يزعل وللا يفرح، سوزان زعلانة زعلانة حيث انها اسرع منه شوية، بس الشوية اللي في الاخر دول كان صعب يتجاوز عنهم
طيب ليه يا زفتة الطين تبوظي الطبخة على شوية ملح...اهو الناس سابوا كل حاجة ومسكوا في القرف اللي طرشتيه من بقك ومن دماغك انت مالك تتكلمي من دماغك
والنبي انا نفسي مدحت العدل يرفع عليها قضية

يا جاهل الجبرتي قال: مصر غالية عليا

مين ده؟
انا عايزاكوا تطولوا بالكوا وتشوفوا شرشحة اللي مسميين نفسهم نخبة واللي بيقولوا علينا احنا بتوع المدونات قلالات الادب، طب احنا في المدونات بنشرشح لبعض، او بنشرشح لهم
اول مرة في حياتي اشوف حد بيشرشح لشعب كامل، ثم نخبة ايه وثقافة ايه الجاهل الجهول المجهال ابو جهل
اولا بعد رصة طويلة من الغزل العفيف والصريح في شخص وزير الثقافة والهتاف بحياته يعيش يعيش يعيش
حيث ان:
أحقية فاروق حسني في المنصب كممثل للقارة الأفريقية (وعليها الدور في الرئاسة هذه المرة) تتلخص في نجاحه في رعاية آثار اقدم حضارة، ومؤسسات ثقافية وفنية وادبية بالغة الضخامة والتعقيد هي الأكبر في افريقيا والشرق الأوسط. كما يتمتع بشجاعة أدبية وأخلاقية ومعنوية كديموقراطي يؤمن بحق الفرد، ذكرا أم أنثى، في اختيار المأكل والملبس والمشرب والعقيدة وحرية التعبير ورفض تدخل من لا يفقهون في الفن، إما تحت شعارات سياسية او دينية او أخلاقية، في الإبداعات الفنية والأدبية، وموقفه الاكثر شجاعة في الدفاع عن حرية المرأة في اختيار ملبسها ومكياجها وطريقة حياتها، ما عرضه لهجوم الإخوان والأخوات.
!!!!!!!!!!!!!!!!!!!!
اخوان ايه واخوات ايه؟ هو مهدي عاكف اتكلم في الموضوع ده يا شباب؟
طيب يا اخ دووووولا ربنا يوفقك وتحضر مسرحية قريب وتتحرق فيها عشان تعرف ازاي تبقى رعاية الاثار والمؤسسات الثقافية
وايه موضوع المكياج ده؟ هو الاخ عادل بيشتغل في إيفون وللا ايه؟ طب على فكرة يا اخ عادل الماسكرا بتاعتكوا بتخلص بسرعة وللا ايفون امريكاني، تلاقيه بيشتغل في اوريفلام الفرنساوي اصله بيقول كده:
انتقى البعض، خارج السياق، وقائع من عبد الرحمن الجبرتي (1753 ـ 1825) «عجائب الآثار في التراجم والاخبار»، بحوادث متفرقة تمارسها اي قوة عسكرية دخلت بلدا ضد خارجين على القانون بعقوبات، كانت سائدة في البلد نفسه ولم يخترعها الفرنسيون (تعتبر وحشية بأخلاقياتنا المعاصرة).

خارجين عن القانون ايه يا جاهل، اذا كان الاستعمار نفسه خروج عن القانون الانساني والاخلاقي قبل ما يخترعوا القانون الدولي
طب انا عايزة افهم ايه السياق اللي ممكن يبرر قتل محمد كريم اللي كان بيدافع عن بلده؟ ايه السياق اللي ممكن يبرر اقتحام الازهر والشخاخ فيه وحرق الكتب من بتوع الثقافة والحضارة؟ ايه السياق اللي يبرر انهم بعد ما يخوزقوا سليمان الحلبي يدوروا في شوارع مصر ويشنقوا ستات والاطفال قدام الناس؟ وده كان سائد عندنا امتى؟ امتى كانت الستات والاطفال بيتشنقوا؟ ثم يا اخي بلدنا واحنا احرار فيها. ايه السياق اللي ممكن يبرر احتلال بلد واهلها مش عايزينه ولا استدعوه ولا استنجدوا بيه وفضلوا يقاوموه لحد ما غار بعد تلات سنين؟

وهناك خطأ علمي في الاعتماد على مصدر واحد كالجبرتي لاستقاء المعلومات.

مبدئيا انت ما تتكلمش عن العلم خالص لو سمحت، ثانيا الجبرتي ده شاهد، بالمعنى الحديث: مدون
يعني مثلا بعد ما احنا كلنا نموت، سواء زي خالتي حموءة ماتت محروقة زي بتوع بني سويف او موتة من نقطة بعد قراءة كام مقال من الصنف الموجود اعلاه، وبعد تلتميت سنة الناس يا عم الامور لما تحب تعرف الحقيقة مش ح تقرا مقالاتك اللي بادية بديباجة مدح ولا مدح المتنبي في سيف الدولة عشان ياخد اجرة وذمه في كافور عشان ما رضيش يديله اجرة
الناس ح تفتح مدوناتنا، على اختلافاتها، وتقرا وتعرف مصر كان شكلها ايه؟ عارف ليه؟ عشان احنا، واللي مختلفة معاهم قبل اللي متفقة معاهم، مش بنقبض من حد، احنا بنقبض تهديدات ومرمطات وتحبيسات يا خنزؤرة...انتي جاية اشتغلي ايه؟
زي ما الناس بترجع لابن اياس مش بترجع للمؤرخين مدفوعي الاجر
فهمت وللا افهمك تاني؟

وهناك مدونات مشايخ الازهر عن لقاءاتهم ومباحثاتهم بقادة الحملة، ودفاتر التسجيل اليومي لكل وحدة عسكرية فرنسية، وكتاب وصف مصر الذي قيست فيه كل حارة وجبل وفرع للنيل بدقة شديدة، ومذكرات الضباط الفرنسيين، ورسائل الجنود لذويهم وأكثرها محفوظ في جامعات فرنسا ومركز توثيقها القومي. الى جانب مذكرات الضباط الفرنسيين الذين تزوجوا بمصريات، وبقوا في مصر حتى مغادرة الفرنسيين لها، وهناك مذكرات نابليون نفسه الذي أراد «فرْنَسة مصر، فعاد ممصَّرا» بعد انبهاره بحضارة مصر.

الله! يا سبحان الله؟ منين كنا متخلفين ومعاتيه وبهاليل وحتى الاقتراع ما كناش نعرف عنه حاجة وهو نابليون اللي علمهولنا وعلمنا ثقافة دخول الحمامات على رأي محافظ القاهرة وفهل يعتقدون ان الطفرة الهائلة التي شهدها القرن 19 حتى منتصف القرن 20 في التعليم والإنشاءات والاقتصاد وزراعة القطن وبناء قناة السويس والاوبرا، وإنشاء رابع اكبر صناعة سينما في العالم، سقطت كغيث من السماء على ارض مصر او عثر عليها أثناء حفر آبار المياه، ولم تتم بجهود محمد علي واولاده استنادا إلى قاعدة رسختها الحملة الفرنسية؟
ولولاهم كان زمانا لسة عايشين زي انسان الغاب طويل الناب، ومنين بونابارت انبهر بالحضارة المصرية العظيمة وعاد ممصرا بدل ما يفرنس مصر؟
ثم حمار مين اللي يستند على شهادة جنود محتلين؟ يعني ح يقولوا احنا سفاحين؟

وبعدين احنا اتفقنا ان كل عصر فيه ناس مدفوعي الاجر، مش ح تمسكوا لنا الشيخ السادات وتعايرونا بيه، ما احنا عندنا ناس زيك وزي مأمون افندي مش معنى كده ان كل الناس كده، دي ناس كانت واخدة على النعمة وكانوا رأسماليين العصر وكانوا بيحافظوا على مصالحهم وعلى فلوسهم وتولع البلد، زيهم زي اي رأسمالي في الدنيا
تفتكر يعني لو لا قدر الله جه احتلال في مصر دلوقت احمد عز ح يقاومه ويقف ضده؟ وللا انت جات لك اخبارية من مصادر موسوء بيها وانت واللي زيك بتحضروا الرأي العام لقبول الاحتلال؟
طب بقى انت واللي زيك ما بيعبروش عن الناس ولا بيوصلوا لهم ولا ح يوصلوا لهم وكده احسن عشان لو وصلتوا للناس ح تتشنبروا
اما بخصوص الكام مرة اللي اتجوزوا فرنساويين، ما كان عندنا كمان لولاك يا جوني ما كنت يا موني
واسمع يا سيد نخبوي معلومة تاريخية من واحدة من الشيعب الغلبان اللي لو حصل احتلال ح تتشنق زي الاف الستات اللي كانوا بيرموا مية سخنة على جنود الاحتلال الفرنسي ويطلعوا عليهم بالسواطير وكبشة الاكل
شرموطة...ايوة كلمة شرموطة، لامؤاخذة يعني بما انك من "المثقفين" فاكيد ما تحبش الكلام السوقي بتاعنا ده بس الامر يلزم
عارف الكلمة دي اصلها ايه؟ بتعرف فرنصاوي؟ اه شكلك بتعرف فرنصاوي
charmente
يعني بالفرنصاوي ساحرة، كان الجنود الفرنصاويين بيقولوها على النسوان اللي انت بتتكلم عليهم
طبعا المصريين على ما وصلت لودنهم وعرفوا ينطقوها بقت شرموطة
هو ده كان تعريف المصريين للستات اللي بتصادق الفرنسيس او تتزوج منهم
وعلى فكرة كل بلد في الدنيا بيبقى فيها:
charmente
ومعنى ان البلد اتملت شارمنت في عهد الفرنسيس فده دليل على ان الاحتلال الفرنسي بالنوسبة لمصر كان زي احتلال النازي بالنوسبة لفرنسا واحتلال قوات التحالف بالنوسبة لايطاليا، اللي برضه اتملوا شارمنت، وكان زي الاحتلال الامريكي بالنوسبة للعراق وكان زي اي احتلال بيجوع الناس ويدوس على كرامتهم وشرفهم ويمرمط بناتهم

تعرف حاجة عن الكرامة والشرف يا اخ عادل؟
اه ده كلام قبيح فعلا، معلش اصلي مدونة قليلة الادب، مش من النخبة المتسأفة المتعلمة المتنورة المتـ...اللي اتبلينا بيها
انا مرارتي ما تستحملش اتكلم اكتر من كده والنبي اقروها بنفسكوا عشان انا ح اقوم اتشل وارجع لكوا تاني
ده بيقارن ما بين هدم تمثال بوذا اللي في الاول وفي الاخر اللي عمله اهل البلد وما بين الاحتلال الفرنسي
شاءت ام ابت النخبة المتـ....ـعلمة طلبان افغان من اهل البلد واي انتهاكات يعملوها في حق الافغان يبقى وحدهم الافغان هم اللي يثوروا عليهم او يقبلوهم وكل شعب بيقرر امكانياته
ومافيش اي مبرر يسوغ الاحتلال
قبل ما حد يدخل يقول لي: وانت ايه اللي بيقريك القرف ده احب اوضح ان للاسف فيه بعض من المدونين ابتدوا مؤخرا ينساقوا ورا الناس اللي اسمهم النخبة المثقفة ويتكلموا زيهم قال يعني كده بقى حاجة كويسة، فيه فرق ما بين الاطلاع على كل حاجة وما بين الانسياق والتقعر عشان تلبس توب مش توبك، وانا من موئعي اللي قدام الكي بورد باحذر المدونين جمعااااااااااااء احنا نختلف نتخانق نسب لبعض ميت دين وميتين بس احنا ناس من الشيعب، وبنعبر عن نفسنا بوصفنا ناس من الشيعب ومن هنا مصداقيتنا ولو كانت النخبة المثقفة فيها خير ما كانش عادل درويش اشتغل في اوريفلام مع ان كريم الترطيب بتاعهم مش حلو

تحديث: العنوان غيرته لما افتكرت وصف الجبرتي لثورتي القاهرة الاولى والتانية وهتاف الناس: مصر غالية عليا
هو يوسف شاهين عملها ح تفضل مش عارفة ليه؟

ورقة اجابات نظرية ام حلموس

احم
طبعا بسم الله الرحمن الرحيم في الاول
وطبعا اول حاجة الحمد لله رب العالمين والماتش ما كانش سهل لكن الحمد لله رب العالمين بفضل ربنا في الاول وبفضل المدرب والجامهور والحمد لله رب العالمين وطبعا الجون اللي ابي جابته طبعا الحمد لله رب العالمين حسم المباراة لصالحنا واحنا بنشكر امن الاستاد وان شاء الله باذن المباراة الجاية تكون احسن


ورقة الاجابة على امتحان مادة نظرية ام حلموس والله الموفق
النظرية الاولى:

ييييييييييييييييييييي هو انت برضه بتعاني من نفس المشكل؟ بصي يا ستي انا بقى والله نيتي زي اللبن الحليب ولا باركز اللي سايق راجل وللا ست انا بس بعيد عنك خلقي ضيق وباسوق زي سواقين الميكروباظ
وحيث ان شغلي في المساء وحيث ان الطريق من بيتي لشغلي مش هاي واي باي حال من الاحوال اذ انه كوبري اكتوبر فاذن انا باخرج في نفس توقيت لا مؤاخذة التقفيش اذ ان كل شانب وفيتاء بيخرجوا والشانب وفقه الله وسدد خطاه بيبقى مش عارف يركز في الطريق وللا في رجل البت اللي راكبة جنبه، طيب يا سيد ربنا يهنيك برجل البت اللي راكبة جنبك وسع وسيبني انا اروح شغلي

اديله طلاكس صغنتوت كدهون مافيش اقول معلهيش خليها عليكي يا بتش يا نوصة الراجل الله يكون في عونة برضه ارعش له بالنور يبص في المرايا وهو بيميل سنة عشان يوسع لي واول يا اوختشي ما يبص لوشي يروح مزنق عليا
وابدا لا ممكن ابدا يعديني
في الاول كنت فاكراهم بيستحأروني عشان عربيتي ام قسط ربعميت جنيه مصري فقط لا غير
وبعدين ناس عربيتهم احقر من عربيتي وبيعملوا نفس الحكاية قلت لا بقى....يبقى انا اكيد عيني اليمين فيها حاجة غلط او العضمة العليا من الخد الايسر شكلها استفزازي
لحد ما صديق ربنا يستر طريقه قال لي ماهو بيبص في المراية يالاقي واحدة ست عايزة تخطيه ازاي والمزة جنبه؟ ده حتى يبقى شكله وحش قدامها
طبعا انا ما ارضايش يبقى شكله وحش قدام المزة وفلوس البنزين تروح عليه
طب طلاكس...شد شوية يا عم دوس بنزيل خلينا نروح اشغالنا
بالطبع لا
يعني معقولة ح يعطل نفسه عن المهمة الوطنية اللي هو بيأديها؟
انت طبعا عارفة ان لساني ازفر منه مافيش
بس الحقيقة مش عارفة ليه مش باشتم في الشارع....لاروبتن الموضوع محتاج شوية تدريبات
افضل كده محتارة اختار مين فيهم لحد ما ييجي سواق تاكس ربنا يستره ويقعدهوله في عينه وعافيته ويطلع راسه من الشباك: ما تتحرك يا عم الامور

مرة بقى قرقرت اني اتخذ موأف ايجابي رحت بقى مستقتلة وحشرت نفسي شماله ويا يوسع لي يا نلبس في بعض فلقى نفسه منضطر يوسع لي وبعدين موأفه جيدام المزة بجى شين جوي والعالاجة بناتهم بجت واعرة جوي واخدت منحنى خطر هدئ السرعة

اللي كان ماشي يهؤ بالعربية يا اخوتشي فجأتن داس بنزيل وراح جاري ورايا وقعد يزنق عليا كل اللي عرفت اعمله اني قلت له: انت عبيط؟
راح ضاحك ضحكة انتصار واندفع بقوة وسط تشجيع صاخب من المزة اللي جنبه ثم عاد للهأ بالعربية مرة اخرى ووقف الكوبري تاني

عايزة اقعد في الاوضة ادرب نفسي على اني اشتم في الشارع لان الشتيمة في المدونات مش بتجيب النتيجة المرجوة حيث ان في الشارع بيرجع ابوك عند اخوك

النظرية الثانية:
عشان هاذوها النوع من الرجالة اللي انت بتحكي عليه ما عندوش كرامة غير قدام الحيطة الواطية، خلي اي ظابط شرطة يدي له على قفاه ح يقول له بمنتهى الحب والحنان والحنين وعينيه بتقول: كمووووووواااااااااان
طيب ايه اللي خلا هذا الصينف من الذكور يفتكر ان الستات حيطة واطية؟
امممممممممم مش عارفة
يمكن عشان بيبقوا اطول مننا؟
على فكرة، برضه يا اوختشي فيه بنات تجيب للواحد شلل في العصب السابع
تقول لك: انا احب الراجل يبقى شخصيته اقوى من شخصيتي يشخط فيا يضربني ويخوفني
طب ما تختصر وتقول عايزة اتجوز الاشكيف

النظرية الثالثة:
هو انت مش عارفة يا اوختشي انه بيختبر اخلاقها؟

وبعد شوية يسيبها بعد ما تتلبسه روح يوسف واهبل ويتخن صوته ويقول: زي ما اتأخرت معايا برة ممكن تتأخر مع غيري انا كنت باشوف اذا كانت فعلا مش بتتأخر عشان اخلاقها وللا مجرد عشاني
!!!!!!!!!!!!!!!

وبهذه الموناسبة احب اسمعك الاغنية دي:
كنت زيماااااااان راكبة تاكسي ما شانب سائق تاكسي انما ايه؟ جيمس وبوند: مغرق شعره فازلين وشايل اورته كلها بالفتلة عند الحلاق ولابس انسيال فضي وحاطط بارفان ماركة فسا كلاب وقال لي الاتي: اسمحي لي يا انسة اشتشيرك في حاجة بوصفك اخت ليا
(ما تستغربيش المشوار كان طويل فعلا اخد ساعة الا ربع فطبيعي بعد العشرة دي نبقى اخوات)
قلت له اتفضل (انا باحب ارغي مع سواقين التاكسي) قال: دوقت انا كنت ماشي ما بنت مسيبة شعرها وبتحط موناكير وبتلبس قصير ع الركبة ومش بتصلي المهم قلت لها ما ينفعش القصير ولازمن تحطي التحجيبة قامت طولت الجيبة بس مش للاخر يعني..يعني مثلا فوق لا مؤاخذة بز الرجل ببتاع نص شبر كدهون وحطت التحجيبة، طبعا قلت لها ما ينفعش الموناكير مع التحجيبة قامت بطلت تحط موناكير قلت لها ما ينفعش تبقى حاطة التحجيبة وما تصليش قامت بقت تصلي..بس ايه؟ مش اول ما الادان يدن يعني..يعني بعد الادان بنص ساعة كدهون...طب انا اعمل ايه دوقت؟
طبعا حواجبيني لزقت في منبت شعري وانا باسأله: تعمل ايه في ايه يافندم؟

السائق: ماهو حضرتشك انا خايف هي مثلا تفكر ان طبعا البنات مش لاقيين جواز وانا طبعا كعادل وكعريس لقطة اي بنت تتمناني فطبعا تكون بتعمل الحاجات دهين عشان تتجوزني هي ح تلاقي زيي فين؟

قلت له: اه يعني انت خايف تقلع الحجاب وتبطل صلاة بعد ما تتجوزك؟

هو: لا ...ماهو حضرتشك ما تآخذنيش البنات بقت ناصحة دوقت...الكلام ده كان زمان..لكن
طبعا انا كعادل وكعريس لقطة دوقت البت تقول لك انا افضل حاطة التحجيبة واصلي عشان احافظ عليه...وانا مش عارف اعمل ايه دوقت
!!!!!!!!!!!!!!!!!!!
وهنا الجمتني المفاجأة واسقط في يدي ولم اجد ردا يناسب عادل العريس اللقطة غير اني اقول له: اي حتة ع اليمين لو سمحت

هذا والله اعلى واعلم وبه الهداية والتوفيق
شكرا لساعي البريد
وياريت تتوصوا بينا وانتوا بتصلحوا المومتحان ربنا ما يغلب لكوا ثانوي عامية

Friday 24 October 2008

يا ضنايا يا ابني...انت متهرش؟ نهى رشدي مفترية بصحيح

صباح الخير، معلش انتوا عارفين بعد لفة ع الريدر بيبقى شكلي كدهو
المهم بعد اللفة لقيت ان المدونين اليومين دول اغلبهم مالهمش سيرة الا نهى رشدي، معظم الناس فرحانة بيها، وفيه كام مدون قرر انه يصعب عليه شريف اللي اخد تلات سنين ويوجد له اعذار ومبررات، وح نعتبرها مصادفة انهم رجالة
بادئ ذي بدء احب اوضح اني عارفة كويس اعذار ومبررات شريف والاسباب اللي دفعته وبتدفع غيره لجريمة التحرش او اسمها القانوني هتك العرض يا مصريين يا بتوع الشرف واحلى من الشرف مافيش يا آه يا آه
واعذاره لا ليها دعوة بالكبت الجنسي، ولا بلبس الستات
ثانيا انا فعلا صعبان عليا شريف وغير شريف بسبب اعذاره ومبرراته وعشان كده فرحانة له انه اتسجن
وانا مش شايفة ان نهى انتقمت منه انا شايفة انها بتعمل لمصلحته وبتربيه عشان تعمل منه راجل حيث ان امه ما عرفتش تعمل الحكاية دي
اما بخصوص رأي بعض المدونين في ان المسألة اتقسمت كأنها صراع ما بين ستات ورجالة فالحقيقة الكلام ده مثير للغثيان فعلا
يا جدعان هو احنا ما بقاش عندنا نخوة وللا ايه؟ ده حتى شرف البنت زي عود الكبريت
افففففففففف لا مش قادرة اتكلم بطريقة ح اجوزك هنومة يا قناوي يابني اكتر من كده
طيب
طول عمر الرجالة في حوض البحر المتوسط بيعاكسوا الستات، في سوريا بيبرموا شناباتهم، واغلب الظن ان الهدف ورا كل الشنبات اللي في سوريا دي انها تتبرم للستات بس، ماهو انا شخصيا لما رحت ما لقيتلهاش اي استعمالات تانية برغم انتشارها كالنار في الهشيم، في ليبيا والمغرب بيلعبوا حواجبهم، اه والله العظيم لسة في الزمن ده حد بيلعب حواجبه، في فرنسا يعدي جنبك ويقول: ماجنيفيك، في ايطاليا يعمل لك فضيحة في وسط الشارع ويفتح زوره: سنيورة بللاااااااااااااااااااااااااااااااااااااا، في لبنان هم سايحين على روحهم على طول اول ما يشوف واحدة ست انشالله قد جدته يتحول ويفضل يسمبس ويصوصو ويتنهد ويتنحنح ويسبل ويبربش، حتى لو لسة خارج من كنيسة وللا جامع هو بيعتبر ده واجب وطني ويمكن معتقد انه بياخد ثواب، وفي مصر كانوا...كانوا..بيحبوا يبتكروا ويقولوا جمل طويل ما تلحقيش تسمعي بقيتها: هو القمر نزل م السما امتى...وانا اقول ياربي القمر راح فـ....(خلاص انتي مشيتي وهو لسة بيتكلم) ولو سايقة عربية ييجي جنبك: العجلة يا انسة العجلة..انت: مالها؟ بتنقط ثكر وعثل.. الا انت بتمليها في انهي منحل وللا...(الاشارة فتحت وانت مشيتي وبرضه هو لسة بيتكلم) احنا شعب رغاي بطبعنا.
لكن لما واحد يمسك ست من صدرها ويسحلها على الارض ده اسمه معاكسة؟ ده له اي علاقة بالجنس من قريب او من بعيد وللا ده واحد عايز يذل واحدة؟
لما ميت واحد يجروا ورا واحدة ويهبشوا فيها لحد ما يقلعوها هدومها ويقعدوا يضحكوا ويسيبوها ويجروا ورا واحدة تانية
ده شبه ايه؟ ده شبه اي حاجة لها علاقة بالكبت الجنسي؟ وللا ده عامل زي الماتشات الرومانية ما بين الاسد والعبد؟ او شبه عملية سحل هيباتيا عالمة الرياضيات، ماحدش يقول لي ان الناس اللي سلخت جلد هيباتيا وسحلتها في شوارع اسكندرية كانت بتتحرش بيها، ولا حد شرح جسمها بالاصداف عشان هي مزة وانما عشان هي عالمة رياضيات وفلك وهم كانوا شايفينها ساحرة شريرة
لما واحدة تبقى ماشية، وراجل ماشي وراها يقول لها: يا شـ*** كـ*** أمك ويروح تافف عليها
ده له اي علاقة من قريب او بعيد بالجنس؟ معلش اسمحوا لي لو اي راجل في الدنيا دي فاهم ان ده الجنس فورا يتوجه إلى معالج نفسي عشان يحطه في اقرب مصحة يمكن يعرف يلحقه قبل ما يتجوز ويتورط في جريمة
اذن دي جريمة عنف، بس مش عنف عادي، ده عنف مصحوب بالرغبة في كسر العين والاذلال، بالظبط زي جريمة اسلام نبيه في حق عماد الكبير، ماحدش توقع ابدا ان اسلام نبيه كان معجب بعماد ومش طايله مثلا! ولا انه شاذ جنسيا، كلنا كنا عارفين ان اسلام نبيه كان بيقهر عماد وعايز يذله ويكسر نفسه
ليه بقى؟ دي قصة تانية بخصوص اسلام انا ما اعرفوش ولا اعرف تاريخه النفسي ولا اللي مر بيه في طفولته
لكن اللي اعرفه كويس، ان شريف، والشباب اللي زي شريف منين ما يمشوا بيتوقفوا في لجنة وبيتقال لهم من احقر امين شرطة: بطاقتك يالا...شمر وريني دراعاتك...انت بتبجح يا لا؟ بتبجح يا...امك يا ابن الـ... يا .....؟ (كل الالفاظ اللي هو بيقولها بدوره في عملية التحرش)
وزي ما تيجي تيجي بقى، شلوت...قفا...بونية (كلها حاجات شبه اللي هو بيعمله في التحرش الجنسي)
وشريف واللي زي شريف بيبقوا واقفين زي القطط السيامي، لا القطط السيامي شقية، ولا زي اي قطة في الدنيا القطة بتخربش، حتى الفار اهو بيقرقض، مش عارفة بيبقوا عاملين زي ايه؟ بيبقوا عاملين زي ولا حاجة، زي خرقة مالهاش كرامة ولا احساس
هو بيبقى واقف زي الخرقة، بس هو مش خرقة، هو انسان وله كرامة واحساس، والذل اللي بيشربه ليل نهار بيتغرس جواه ومش بيقدر يتعايش معاه لان الانسان كريم ولازم يفضل كريم عشان يعرف يعيش
طاقة الذل اللي بيشيلها فوق قدرته على الاحتمال
قوم بدل ما يقف زي الراجل، زي الراجل، ويقول للي بيذله ما تعملش معايا كده، مش ح اقول بقى يروح يشتكي ويعمل زي ما عماد الكبير عمل، لان الناس ح تقول لي ده راجل مستواه التعليمي ما يأهلوش انه يروح يشتكي، على اساس ان عماد الكبير معاه دكتوراه في الاقتصاد الدولي من اوكسفورد يعني. بس خلينا نتحدت بالصاعيدي. هو ماشي بروح امه بمطواة وللا جنزير، بدل ما يطلعهم على الغلابة في الشارع ما يطلعها على اي حد ينتهك كرامته والارزاق على الله
يعني هم راحوا فين الصعايدة اللي كانوا بيطخوا اي كلب يمد ايده على شنباته؟ احنا كنا فاكرين ان بعد قضية عماد الكبير الناس ح تتشجع انها تطالب بحقها في الكرامة احسن من كده، بس رجع ابوك عند اخوك والناس اتعاملت مع قضية عماد على انها حالة استثنائية مش عارفة ليه؟
اممممممممممممم معذور، اصله خايف، اصله بيجري على كوم لحم، اصل الامين ح يلبسه قضية
قووووووم يمشي من قدام الامين بعد ما يتذل كل الذل اللي خلقه ربنا في الدنيا ويستضعف له اي كائن ماشي في الشارع ويفرغ فيه الذل اللي هو شافه، اضعف كائن ماشي في الشارع بعد الاطفال هم الستات
اذا ربنا وفقه وعرف يعمل حاجة في عيل (نسبة التحرش واغتصاب الاطفال زادت في الفترة الاخيرة بشدة خاصة في الصعيد! دي تقارير المركز القومي للامومة والطفولة) يبقى خير وبركة، بس ده مش متاح قوي، مش متاح انك تتحرش بعيل في الشارع وتجري والناس تضحك، لان دي حاجة، لحد دلوقت، ما بتضحكش، وما بتصنفكش على انك دكر هايج، وماحدش لحد دلوقت لقى لها تبريرات، ولا حد يعرف يرمي اللوم على العيل بوصفه هو اللي اثارك، ثم ان هتك عرض الاطفال ح يعمل لك سمعة انك بتاع عيال، ودي سمعة وحشة، لكن هتك عرض الستات ح يعمل سمعة انك هايج، لا مؤاخذة، ودي سمعة يتمناها اي راجل مصري، خصوصا لو ما كانش هايج ولا حاجة
نصيحة لوجه الله: والنبي اللي بيرغي ويحاول يأكد في حاجة كتير بيبقى باين لاي عيلة عندها خمس سنين انها مش فيه فبلاش تخلي شكلك وحش يعني
اذن التحرش بالنساء في الشارع جريمة عنف تنفيسية مرتبطة بالقهر ومالهاش علاقة بالجنس
طيب موضوع اللبس عشان نخلص منه ولاخر مرة:
لو بنت مش لابسة حجاب (حتى لو لابسة جلابية بلدي) يتقال لها مش شايفة اللي انت لابساه؟
لو محجبة يتقال لها: ده حجاب ده؟ بس لمجرد انها لابسة الوان لايقة على بعض
لو منقبة تبقى حاجة من الاتنين: يا اما راجل متخفي وعايز يسرق كل الناس اللي ماشية في الشارع يا اما على رأي مينا: يقولوا عليها دي مشيها بطال ومتخفية ورا النقاب
وعليه فكل انواع الملابس مستحلة في الشارع المصري
لانه تااااااااااااااااااني الموضوع مالوش علاقة بالجنس خالص، هو بيحاول يلاقي مبرر، وبما ان الست دايما مدانة، ده اساسي يعني في كل حاجة، في بيتها: ماهو انت مقصرة في البيت عشان بتشتغلي، لو مش بتشتغل ما انت عمالة تتخني وجالك تخلف من القعدة في البيت
مع جوزها: ماهو بص برة عشان انت مش واخدة بالك من نفسك..أو..انت قاعدة ليل نهار قدام المراية وعند الكوافير؟ فين اهتمامك ببيتك وولادك يا هانم؟
في الشارع: ما تشوفي انت لابسة ايه ( في كل الاحوال احنا عايزينكوا والنبي تلفوا على دواليبنا وتقولوا لنا بالظبط انتوا عايزينا نلبس ايه عشان نخلص)
في الشغل: ماهو انت عشان البيت والعيال مقصرة في شغلك...انتوا مالكوا ومال الشغل
ولو شاطرة: ما انتوا السبب في بطالة الشباب عشان بتشتغلوا وواخدين مكانهم
المهم احنا غلطانين وخلاص
صح، احنا غلطانين فعلا، احنا غلطانين عشان مش بنعرف نربي رجالة يتحملوا المسئولية ويواجهوا بدل ما يستوطوا لهم حيطة عشان يميلوا عليها
اللي عنده مشكلة بطالة، يا اما هو مش عايز يشتغل (وده احتمال ضعيف) يا اما الحكومة مش عايزة تشغله وتبقى مشكلته مع الحكومة، لو راجل يواجه الحكومة او يتلط ويسكت
اللي بيتذل ويقبل الذل من غير ما يدور على حقه من اللي ظلمه ويتجدعن كده زي الشباب الجدعان (القليلين) اللي بيواجهوا الحكومة، واللي بالمناسبة برضه مش عارفين يتجوزوا، واللي بالمناسبة ولا واحد فيهم بيتحرش باي حد، واللي بالمناسبة هم اللي بيعملوا حملات ضد التحرش
اللي مش زيهم يروح يندفن بدل ما يفرغ غلبه في اعراض الناس في الشارع
مين قال ان نهى رشدي انتصرت للستات؟
بالعكس...دي احرجتنا كلنا، عشان هي الوحيدة اللي قامت بواجبها
اه، ماهو بما اننا كلنا غلطانين دايما، وبما ان بعض المدونين مصممين يصوروه على انه صراع بين الرجالة والستات ولا كأن دي اعراض ناس، ولا كأن ان اللي في الشارع دي لها اب وللا اخ وللا مالهاش ده كله لها رب، فبص يا كابتن انت وهو، احنا ربنا خلقنا في الدنيا دي عشان نربيكوا، مين اللي رباك يا بابا؟ ماما مش كده؟ طيب
اللي الست الوالدة عرفت تربيه وتطلعه راجل محترم، كتر خيرها كفتنا مجهود اننا نربيهولها
اللي تغلط فينا فعلينا اننا نصلح غلطتها ونربي لها ابنها اللي ناقص تربية، ونعلمه ازاي يبقى راجل
وسيبنا بقى من جمعية المرأة المتوحشة وخلينا في التراث المصري: ابنك على ما تربيه وجوزك على ما تعوديه والظاهر اننا مضطرين كمان نربي ونعود اللي ماشيين في الشارع حيث ان الستات هم اللي مقصرين في التربية
مش الستات دايما غلطانين والرجالة معذورين؟
مش الست شغلتها تربي العيال؟
ماشي يا قناوي يابني....يبقى احنا ربنا خلقنا عشان اللي امه ما علمتوش الصح من الغلط احنا نعلمهوله بما انه متبرمج على انه ما يتعلموش غير من واحدة ست، اذا ما كانتش امه يبقى اي واحدة بقى.
كخ..كخ يا بابا...عيب يا ولد
اذا كان فيه ناس معتبرين ان نهى رشدي قاسية، وناس تانية معتبرة انها: لولا انها متعلمة ومن فئة اجتماعية معينة ما كانتش عرفت تحبسه

طيب تعالوا بقى نشوف اللي مش متعلمة ومش من فئة اجتماعية معينة بتعمل ايه؟ واحدة اعرفها كانت راكبة اتوبيس (هي بنت بلد وتعليمها على قدها وبتشتغل وشقيانة)، راح واحد وقف وراها، الناس كانت شايفة وماحدش اتكلم على اساس انها اكيد مبسوطة مثلا! قامت البنت سابته يخلص عشان ما تضايقهوش (قلب الام بقى)، وبما انها محجبة ولابسة عباية، راحت بحركة سريعة شادة دبوس الطرحة من راسها في نفس الوقت اللي التفت له فيه وراحت....احم...شغل خيالك...بس خيال يكون شبه جلادياتور او بريف هارت او لقاء مع مصاص دماء.
المهم يعني دي كانت اخر مرة بالنوسبة لهذوها الصخص، وبما انه كان محروم من الجواز غصب عنه يا قلب امه، فهي قررت انه يبقى محروم من الجواز بخاطره عشان ما يحزنش على روحه تاني (قلب الام بقى)
الغريب ان البنت بتقول لي انه طول ما كان واقف وراها ماحدش اتدخل واول ما اعملت الدبوس اعمالا الاتوبيس كله اتدخل عشان يخلصه من ايدها، بس هم مين، البت تقريبا وزنها اربعين كيلو بس الغل اداها قوة خمسين حصان
ها؟
عموما هو معروف ان الامهات من بنات البلد تربيتهم بتبقى شديدة شوية عن تربية الامهات من البنات اللي من "طبقة معينة"
وبما ان نسبة لا بأس بها من الذكور في مصر لسة بيحملوا التكوين النفسي الطفولي: والله مش انا ده هو يا ميث...ماهو اللي زقني الاول يا ميث عشان كده خزقت له عينه....مش قثدي...عااااااا
اذن فما حدش بيكبر على امه بقى....والام اللي بتربي مش اللي بتخلف
لو تخيلنا طابور طويل كل واحد بيضرب اللي قدامه بالقفا، لو واحد في نص الطابور بدل ما يضرب اللي قدامه التفت وضرب اللي ضربه اتجاه الضرب ح يتغير
وللا ايه؟