يا انسة رانيا بدوي المزة جدعنة مش هز..... كتاف

جرا ايه يا ست المزة؟ كل يوم والتاني قافشة لنا راجل عجوز ومجرجراه في الكلام ومخلياه يقول كلمتين فاضيين يفتحوا عليه النار ويودوه هو واللي يتشدد له في داهية؟ هي دي اصول المززة برضه؟ هي دي المستتة؟ بتستقوي على رجالة كبار؟ طب الدكتور محمود امين العالم لقى اللي يحبوه ويخافوا على مصلحته وعلى مصلحة اليسار ويلموا الموضوع، انما الراجل الغلبان اللي انت مستلماه ده ومش لاقي غير ناس مخاليل تزيد في النار لهب، وعاملينه اعل هبل نحن غرابة عت عت وحتى اللي عايز يلم عامله اعل هبل وحاجة اخر هبل وانت ما عندكيش رحمة ولا شفقة في قلبك يا شيخة، لان بصراحة بقى وبشاهدة حق، انتوا عارفين انا لا ليا في دول ولا دول، بس اليساريين عاقلين وبيعرفوا يلموا على نفسهم ولو فيه مصيبة بيلحقوها بسرعة انما الاسلاميين اجدع ناس تبعتر وتنكش وتعمل دوشة ولو فيهم حد عاقل زي طارق البشري يقعدوا عليه لحد ما يفطسوا صوته ويكتموه عشان ما يفوتش عليهم فرصة الاستمتاع بالكوارث وفنانين في خلق مصايب من ولا حاجة فما بالك جايلة لهم مصيبة على الطبطاب ومن غير اي مجهود منهم ده يوم المنى
يا ستي ارحمي الراجل بقى وسيبيه في حاله وورينا نفسك ما حد خمسينات على الاقل مش ح اقول لك تلاتينات يعني، بس اللي بتعمليه ده مش جدعنة ولا مززة، المززة لها اصول برضه