هو كباريه بجد وللا ايه؟

يعني خلاص بقينا عاملين زي الرقاصة اللي لا بتفكر في صحتها ولا في عيالها ولا في سمعتها كل اللي يهمها النقطة؟ خلاص يعني؟ وكل شوية واحد يطلع يقول انا قاعد فيها لاخر نفس على راي احمد حلمي المحامي: ايه حكاية اخر نفس دي؟ هو احنا في بلد وللا في غرزة

دلوقت فيه مشاريع للسيطرة على احتباس البول، اللي هو الاحتباس الحراري، الدول المتقدمة عايزة تعمله في الدولة النايمة، يا ترى ليه؟
قالوا شوية كلام كده يصعب على امثالي من الغوغاء والدهماء فهمه بس ما دخلش دماغي
قوووووم السادة خبراء البيئة المصريين بدل ما يدرسوا الموضوع ويقولوا لنا ويفهمونا ليه الدول المتكدمة المتعلمة المتنورة المتسأفة مش عايزة تعمل المشاريع دي عندها ومصمصمة تعملها عندنا تقول طبعا اكرام الضيف واجب واهلا بيك من صوت ملهوف انت في بيتك واحنا ضيوف
ضيوف؟
اه ضيوف على الدنيا كلها، البشوات بيفكروا ازاي يعملوا فلوس من الموضوع ده، وبمنتهى المنتهى راجل المفروض انه عالم ومحترم يقول: نستغل هوس الناس بموضوع الاحتباس الحراري ونبيع ونكسب
مش مهم بقى ان المشاريع دي ح تودينا احنا في داهية وتلوث بيئتنا زيادة ما هي متلوثة، مش مهم السرطان اللي اكل الناس، مش مهم عيني..عيني..آه يا عيني..طول الصيف باقول آه ياعيني من الحساسية ومافيش قطرة نافعة معاها والدكتور بالاطة قال لي: ابقى قضي الصيف في مكان تاني برة مصر
حمرا
عيني يعني...حمرا
مش مصدقيني انتوا...دايما كده شاكين في كلامي وبتسيئوا الظن بيا
طب خدوا الخبر اهو
ياللا يا حمو ظبط الميكرفون: هله هله هله .... الله هههههههههه، اتنين اربعة ستة....ايوة ايوة ايوة ايوة
والان مع الراقصة اللولبية
والفنانة الذكية
ام فول وطعمية
مصر المرية
وياللاااااااااااااااااااااااااا
وباحيي الحرارية والمشاريع البيئية بامسي ع الصناعات عشان كلها قفوات
وياللااااااااااااااااااااااااااااااااااااااااااااا