يعني صحفيين الدستور والبديل ح يفضلوا يقعوا كده؟

د

تحديث:
لاااااااااا مش ح ينفع كده، دول بقوا اربعة
هل من مجيب؟ تالت يوم في الاضراب عن الطعام والشباب عمال يقع واحد ورا التاني، لحد دلوقت تلاتة راحوا المستشفى...مافيش حد يسأل فيهم؟
تابعوا على موقع مركز هشام مبارك

نقل عمر سعيد الصحفي بالبديل الى المستشفى

الصحفي بالبديل عمر سعيد اتنقل للمستشفى اظن تعب من الاضراب عن الطعام
الاخبار دي جات لي من عزة مغازي ومالك من الجايكو
للتذكير فيه مجموعة من صحفيين البديل والدستور مضربين عن الطعام في نقابة الصحفيين احتجاجا على شطب اساميهم من النقابة

كريم البحيري عامل اضراب عن الطعام

لسة عارفة الخبر دلوقت من تعليق مواطن مصري، معلش يا شباب كانت قصة طويلة شوية ما كنتش بافتح النت بقالي تلات ايام
ح اعرف بقية الاخبار واقول لكوا ان شاء الله او حتى اشوف ايه الممكن يتعمل عشان كريم
مواطن مصري بيقول لي دخل المستشفى...هو فيه نفس؟

كريم وكمال وطارق

كل الناس خرجت عدا كريم البحيري وكمال الفيومي وطارق امين
ليه؟
عايزين منهم ايه؟
عملوا ايه اصلا؟ كريم ده مدون هي خلاص بقت تهمة بصحيح؟ مش مكسوفين من نفسهم
المصدر ياللالي

اخبار

فيه شوية شباب خرجوا من معتقلي المحلة ومعتقلي ستة ابريل
التفاصيل هنا
وهنا
----
المدمرة كول خلعت من صحابها بعد العلقة اللي اخدوها وعملت بمبدأ جيمي الشهير ابقوا اسألوه عليه :) هو بيدعي انه مبدأ اسكندراني
المهم انها خلعت
----
المسيخ الدجال ده دعا الحاخامات لحوار
وبعدين قال الكلام ده على حزب الله
---
الترابي اعتقل
---
السودان ولبنان احداثهم خلصت ومش لاقية احداث اهرب بيها من البلاوي اللي عندنا في مصر
ونرجع تاني للسؤال اللولبي: ح نعمل ايه؟
انا ما باعرفش افكر تحت ضغط، اللي وراه امتحانات يمتحن، واللي وراه شغل يشتغل، لما الدماغ بتتكركب ماحدش بيعرف يفكر والناس كلها متلبساها حالة "جدر البطاطا اللي كان السبب يا ضنايا" معلش
ما ضاقت الا لما فرجت احنا بس عايزين نهدا

حنفي اخلا سبيل علاء فخري

وطبعا ام حميدة عملت له تجديد اعتقال
انما اعملي حسابك المرة الجاية لا ممكن تنزل الارض ابدا
هو امتى حنفي ح يضرب ام حميدة بالقلم وتزغرد بقى وتريحنا؟ هو الفيلم ده مش عايز يخلص ليه؟
------
ملحوظة: ماحدش يشتم المصريين ويقولوا شعب يستاهل والكلام الفارغ ده، حرام عليكوا
الناس غلبانة ونفسها مكسورة وما صدقت اي حاجة ولو بسيطة، هو احنا عشان شعب مش طماع نتشتم؟ ثم احنا مش لازم نرمي فشلنا على المصريين، الناس اصلا كانت متشائمة من العلاوة واحنا ما عرفناش نعمل دعاية صح للاضراب واحنا اختارنا يوم غلط ما تستهبلوش وتشتموا المصريين، هو سيادتك مش معانا وللا ايه؟
- انا؟ انا مؤمن والمؤمن مصاب
قلنا ستميت مرة قبل كده مافيش شعب بيغلط، لما يعمل اضراب والامن يشتبك معاه ويدافع عن نفسه تقولوا عليهم شعب همجي، ولما ما يعملش اضراب ويرضى بالتلاتين في المية تقولوا عليهم شعب خانع، حرام عليكوا هو مافيش رحمة لا منكوا ولا من الحكومة؟
الشعب المصري احسن شعب واطيب شعب وماحدش يشتم المصريين تاني واللي ح يشتم المصريين ح اطلع تلاتين اللي جابوه بالعربي والانجليزي وانا شيفونية وديكتاتورية ومافيش حرية رأي في شتيمة المصريين
اللي يشتم المصريين يبقى ابن وسخة
بس هه
وح اخلي اللي ما يشتري يتفرج عليه
واللي ما بيحبش المصريين ما يسيب البلد ويمشي ويهاجر وللا حتى يعمل مدونة يسميها
i love america
i love israel
ياللا بالسلامة بقى من هنا ماحدش يعصبني كفاية الهم اللي انا فيه لما شفت الناس بتتخانق على البنزين
مش كل واحد يفشل في التعامل مع الناس يرمي بلاه عليهم ويبقى هم اللي غلطانين...ايه القرف ده؟ احنا مين احسن مننا في الدنيا؟
مافيش احسن من المصريين في الدنيا ابدا، اي شعب لو عاش في الظروف دي كان زمانه اتحول كله لمستشفى المجانين كتر خيرنا
ماحدش يقول لي لبنان، لبنان ظروفها مختلفة، واكيد اكيد مش الفرافير اللي في اوروبا والدول المتقدمة
وايوة بقى انا باقول كلام شوفوني وحنجوري ومقرف وابن ستين كلب: الشعب المصري شعب عظيم
غصب عن عين التخين

عاااااااجل: رامي يحيى خرج يا ميييييينززززز

خرج من قسم الموسكي ورايح البيت دلوقت حمد الله ع السلامة يا رااااااااااامييييييييييييييي
التفاصيل هنا

عبده البرماوي: الاضراب ما الخطأ

لا يمكن وصف ما جري من احتجاج اليوم بأنه فاشل لأنه الرسالة قد وصلت للجهة المستهدفة وحقق الحشد بعض مراميه كذلك لم يكن لاضراب ابريل وحده ان يثمر تراجعا من قبل الحكومة بل الفضل لهذا التهديد بالتصعيد وهو الشئ الذي انعكس في تغيير لهجة الحكومة ووعود الرئيس واستراتيجية التعامل الامني الحكومية
هذا ما رصده الكثير من المتابعبن ومنهم كاتب عظيم بحجم فهمي هويدي قبل يومين وأكد معه أن صوت الغاضبين كان عاليا وأن الحكومة قد وعت الدرس وبقوة وصار من العسير ألا يأخذو نبض الشارع في الحسبان عند اتخاذ سياسات تمس حياة الناس لكن بالطبع هذا ليس نهاية المراد فثمة قائمة طويلة من المطالب والامال المشروعه لهذا الشعب لم تحصل بعد.
وكذلك لا يمكن أن نقول أن هذا الاضراب كان عملا ناجحا، قفد لمسنا جميعا كيف ان حجم الاستجابة الميدانية له كانت اقل من المتوقع بكثير ولأننا قد ذهبت توقعاتنا لأن تفوق المشاركة فيه حجم المشاركة التي جرت في ابريل، ولأننا في معرض نقد الذات رغبة في التجويد وتصعيد الضغوط من أجل مزيد من المكاسب الشعبية سأحاول أن أعدد بعض المآخذ التي كنت ولازلت اراها قد اعتورت هذا العمل النبيل (سجلت بعضها في مساء السادس من إبريل علي الفيس بوك وفي هذه المدونة) لعلنا نستفيد من دروسها وعبراتها وهذا فرض عي علي كل منا عليه ان يساهم به ويشترك بفاعلية في مناقشته
أولا ثمة خلط عظيم وقع غامت فيه الحدود بين ما نقوم به من شكل احتجاج إليكتروني والاضراب،وللتوضيح نقول إن ما تم في المحلة هو ما يمكننا اعتباره اضرابا. وهو كما تابعنا خروج علني لحشد تقوده جماعه فئويه تهدد بتعطيل العمل ومصالح المؤسسات ويحمل مطالب محددة ولو تذكرتم معي البدايات فقد كان هناك احتجاج صغير وصراع داخل النقابة ثم تمكنت قوي العمال من قلب مجلس النقابة في شركة المحلة وتبع هذا النجاح أن شركات أخري مارست التهديد بالاضراب. ثم تمكنت قوي العمال من الاطاحة برئيس مجلس الادارة المتعنت الذي لاحق العمال وفصل عددا من قياداتهم. وتصاعد الاحتجاج وحاولت الحكومة التهدئة فتم صرف بدل التغذية وزيادته ثم صرفت زيادات في المرتبات وحوافز متأخره ثم في النهاية مع التفاعل العام وتكرار الاحتجاجات في ظل تصاعد الاسعار وحدوث تضخم كبير جاءت تحركات الدولة لامتصاص الغضب بهذه الزيادة لكافة العاملين لمواجهة التضخم ورغم أن المكاسب ليست بالمستوي المطلوب لكن الحق هكذا يؤخذ ولم يصل النضال من أجل حقوق العمال بعد لمنتهاه،
في ظل هذا السياق جاءت الدعوة لمناصرة اضراب ابريل العمالي لكن تم ااختطاف التعبير وقيل اضراب عام ولم افهم هذا التعبير وشعرت بخطورته الاصل هو المحلة والحركة العمالية ونحن نضغط للناصرها اما ان نضع كل شذ في ذات السلة فهذه مراهقة سياسية واستعراض اجوف. الدعوة نفسها تم التعامل معها بشكل فيه شئ من العبث لكنه كان عبثا غير مقصود ونتاج لنزق سياسي لجيل حرم طعم السياسة وربي علي ان العمل العام يساوي الكفر وقد نبهنا لهذا ولا زلت اذكر حوار بيني وبين نواره كان نتاجه ان لا بأس من التجريب لكن هناك احتياج لعقل يوجه وخبرات تعطي بوصلة للعمل الجماعي مع مقاومة المظهرية والرغبة في النجومية السريعة والتأكيد علي قاعدة العمل الجماعي لا الفردي
ورغم توقعي بان لا يؤتي احتجاج القاهرة ثماره المتوقعة بسبب فقدان البوصلة هذا والانفصال الذي وقع بين احداث المحلة ومطالب القاهريين. الا ان نتائج ما جري في ابريل فاقت التوقعات رغم احجام القوي السياسية المنظمة الاساسية عن المشاركة والتفاعل الايجابي مع هذا التحرك كان ما تم حشده من شباب وشابات وتلك العلنية والجرأه هي ما جعل للسادس من ابريل صدي بعيد وعميق وجاءت علي أثره حملة امنية غبية اعتقل فيها العشرات من الابرياء اغلبهم لم يكن له علاقة حقيقية بهذه الدعوة وحدث انكشاف حقيقي لحكومة وبدت خياراتها محدودة وفاقدة للفاعلية وانفضح جهاز الأمن علي وجه الخصوص إذ بدا كديناصور تكنولوجي رغم ميزانية تحديثه الضخمة وادارته المستحدثة وجيش الضباط المتخصصين الاليكترونيين وظهر ميدانيا كفتوة ذو عضل بلا عقل وتجلي طغيانه علي اجهزة القضاء وانعكس بصورة فجة ومربكة للجميع وهذا مكسب أيضا لزنه أقنع الشباب بامكانية تحدي هيذا الديناصور والشئ نفسه ينطبق علي جهاز الاعلام الحكومي الديناصوري الذي كان موضع لسخرية الشباب
وكان نتاج الغباء الأمني الحكومي هذا أن شبابا جديدا بدأو في الانضواء ضمن فصائل المحتجين ولديهم طاقة جديدة ورغبة تغيير اكيدة وعيوب كذلك عديدة وجاء الاعداد لاضراب الرابع من مايو وقد افتقد الحدث لاستراتيجية واضحة وان كانت العفوية قد امدته بزخم جديد وحيرت المتعاملين معه حتي اضطرو للجوء للوسائل الاكثر قذارة كحملات التشويه والضرب تحت الحزام والاعاقة والرقابة الاليكترونية وصولا لتعطيل البنية التحتية الاتصالية لوقف تداول الدعوة للاضراب وتزايد المؤيدين اليوم
والملاحظة التي رصدتها العديد من التعليقات علي الفيسبوك ان تعجل وشخصنه في دعوة الرابع من مايو قد طغت علي الاعداد لما بعد ابريل وان لم تخني الذاكرة فقد ظهرت هذه الدعوة لاول مرة في صباح يوم السادس من ابريل ذاته بما يدل علي ان الامر جري دون دراسة اي نتائج للاضراب الاول وهو امر كان شديد الغرابه ولو كان هناك من يوجه لأشاروا علي اخواننا المهرولين بضرورة تجنب عيد ميلاد الرئيس لما ينطوي عليه من استهداف شخصي لا يتفق وقيم المصريين ولاختاروا بدلا منه عيد العمال لما له من إشارة رمزية قوية تتقاطع وجهاد العمال ويتواصل مع جهد أهل المحلة لكن هذا ما حدث
الاعتماد البالغ فيه علي الظهور الاعلامي واعتبار احراج النظام مكاسب في ذاتها وهي وان كانت وسائل ضغط معتبرة الا انها ليست مكاسب يقينية ولا يصح ان تكون كذلك وكان عدم التنسيق الاعلامي وغياب العمل الجماعي الفاعل باب موارب لقفز البعض للحديث باسم الجماعة وتتويج البعض زورا باعبتارهم متحدثين رسميين ونجوم بل وزعماء وهم ابعد ما يكونون عن حقيقة هذه الاوصاف، ولم يتنبه المناصرين للتحرك الاحتجاجي لتكتيكات الاعلام الدعائي المضادة وحملات التشويه التي استخدم فيها بعض المناصرين بغير ارادتهم او نتيجة غفلة منهم
وعلي الرغم من محاولة التجويد وضبط الايقاع وتحديد المطالب إلا آنها ما زالت غائمة ولا شئ فيها غير عناوين وليس ثمة جهد يوضح البدائل المطلوب الوصول إليها وربما يقول أحدهم أن كفاية والاحزاب والاخوان والتجمعات العمالية قد كفتنا مؤونة التوضيح وجري ماء كثير في نهر المطالبة وسفح حبر اكثر. لكن ظني هو ان الكثيرين مما احتشدو خلف المطالب لم يكونوا علي علم أكيد بما يناصرونه ويطالبون بحدوثه وهذا عيب كبير فعنصر الوعي وضبط وترشيد حماسة المناصرين ضرورة لتأكيد الجماعية وخلق روحها وتوثيق عراها
كنت ولا زلت ممن لا يؤمنون بنضال الكيبورد و،اتعبره بتعبير أحدهم أضعف الايمان (احدهم يا عبده؟ :)) بيتكلم عليا وبيقول احدهم ماشي يا عم) ولازلت أري في العمل الميداني ضرورة والاحتشاد العلني قوة وان الفيسبوك والبلوجات ليست أكثر من وسيلة اتصال حلت محل مطبعة المنشورات والاجتماعات التنظيمية وهي بالأكيد لا تحل ابدا محل العمل الميداني لكن الكثيرين استسهلوا الامر وفرحوا واعتبرو الاشتراك في المجموعات وارسال التعليقات غاية الممكن وأمر سهل ولم يقدروا حقيقة الحركة وعنف رد الفعل الحكومي و ان هناك نفوسا قد ازهقت وان اناسا قد غيبتهم الزنازين واستمر مناضلي الكيبوردات عالو الصوت في التعامل بشكل عبثي اعمي سبب حرجا بالغا بل وأقول ولد شعورا لدي الجادين بتفاهة ما يجري فانسحبوا واثروا الانفصال
لا آريد حقا أن أفند وألتقط تفاصيل التفاصيل، فكل المآخذ التي قد يقذف بها عقل المرء الان تدور في سياق التعجل وافتقاد البوصلة إلا ان الامر لا ينفي حقيقة حدوث تغير في ساحة السياسة في مصر مع هذين الاضرابين وان جيلا جديدا يتخلق ومن ثم لابد الان من زرع قيمة في هذا الجيل اسمتها نواره النقد الذاتي لمعرفة اين نقف وماذا انجزنا وفيم اخفقنا كي نستمر نحو حراك اكثر فاعلية وحركة اكثر قوة
اننا نريد لجيل الألفية الثالثة من الشباب المصري الواعي ان يخرج عن صمته ويقف ليقول ان نعتهم بالسلبية واتهامهم بالانانية والفردية والسخف هي اتهامات ظالمة ودلالة علي عدم فهم ما يجري في الدنيا وما يجري في بلادنا، اننا شباب مختلف نحترم الماضي ولا نقف عنده ونري اننا بيدنا نصنع المستقبل وان بداية هذا المستقبل عند كلمة لا الرافضة والقوية التي ترفض الظلم والعنت والافقار والاذلال وكسر روح هذه الامة وتجويع شعبها وتدمير ثقافته والانفصال عن حقيقته
-----
خلص بوست عبده البرماوي وليا تعليق
الحقيقة انا مختلفة في اننا مستكبرين كلمة "فشل" عشان نطلقها على الاضراب
انا شايفة ان مافيهاش حاجة لما نقول اننا فشلنا
الفشل بيتقاس باننا كنا عايزين نتائج معينة والنتائج دي اتحققت او جزء منها على الاقل وللا لا
احنا كنا عايزين مشاركة جماهيرية من الناس وانهم ما ياخدوش رشوة التلاتين في المية ويناموا عليها لاننا بنطالب باصلاح المنظومة من الاساس مش عايزين مسكنات
وما جراش حاجة لما نقول فشلنا، والله ده يبقى سبق لينا اننا اول ناس في مصر والعالم العربي تعترف بالفشل وتقول انها متحملة مسئوليته وعايزة تصلحه
عمرها ما حصلت، ده حتى الهزيمة سموها نكسة عشان مش عايزين يعترفوا بيها
مش عيب، مش عيب ابدا بالعكس ده العيب على اللي ربونا على اننا ما نقولش انا غلطت
الحمد لله احنا كلنا مصريين، مش مستنيين حد من برة ييجي يحررنا ولا حاطين ايدنا على خدنا بنحاول نعمل اي حاجة في ظل ان مافيش قيادات - ومش عايزين بيني وبينكوا بلا وكسة - وفي ظل ان مافيش معانا غير ربنا ومالناش اهداف تانية غير الاصلاح وبس
وكمان مش عايزة ان يبقى فيه استخفاف بالمدونات، المدونات علمتنا نسمع بعض ونقبل بعض باختلافاتنا ودي برضه حاجة اول مرة تحصل في مصر، وما بقاش حد بيقول كلمة "افكار هدامة" اللي كانت بتتقال زمان
كل دي ايجابيات وممكن نطلع من الفشل ده ايجابيات كتيرة قوي تنمينا اكتر
وتكالنا على الله
ملحوظة: انا عملت موديريشن عشان ح الظابط وح الامين بيدخلوا يسيبوا تعليقات بتضايق زوار المدونة
بس اي اختلافات انا ح انشرها وبارحب بيها

الفرصة الاخيرة لنجاح الاضراب

اننا نتعلم من اخطاءنا

لو اتعلمنا من الاضراب ده اننا نقول: احنا غلطنا

ادي حاجة اتعلمناها مش موجودة في مصر اصلا، عمرنا ما سمعنا عن حكومة او معارضة مصرية بتقول على نفسها: انا غلطان ومتحمل نتيجة غلطي

دايما يبرروا لنفسهم حتى في الكورة بيتكلموا عن التمثيل المشرف

لو نجحنا اننا ما نبقاش زيهم يبقى دي حاجة

الحاجة التانية اننا نقول بصراحة غلطنا في كمجموع

ما حدش بيشاور على حد بالاتهام كلنا في الاضراب ده اللي اعترض واللي كان متحمس واللي دعا ليه كلنا في مركب واحدة وكلنا اكيد غلطانين

يبقى لازم نقول غلطنا في ايه

انا شخصيا شايفة عنصر التوقيت واختيار اليوم وانفصال الاضراب عما حدث في المحلة

ولان الدعوة للاضراب ارتبطت بعيد ميلاد الرئيس اللي هو لازم الناس كانت تهرج فيه، فارتبطت كمان الدعوة للاضراب بالتهريج

واحنا ما ينفعش ندخل الهزار في التهريج عشان ما يقلبش بضحك

كنا نحتفل بعيد ميلاده بالطريقة دي، والاضراب يبقى حاجة تانية

اكيد فيه حد غيري شايف حاجة تانية لازم يقولها

لو عرفنا نحط ايدنا على الاخطاء يبقى اتعلمنا كتير

وكده يبقى الاضراب نجح

ونجح قوي كمان واستفدنا منه اكتر من لو كانت الناس استجابت له

ومش عايزين تبريرات وتلزيقات والكلام عن شماتة شماتة ايه؟ هو احنا نسوان السبتية وخايفين ضرايرنا تشمت فينا عشان ابننا سقط وابنها نجح؟

احنا كل ورقنا مكشوف على النت وماعندناش اسرار ودي قوتنا الوحيدة

واحنا كلنا بنتعلم مع بعض ما جراش حاجة لما نقول غلطنا وده مش ندب ولا تقطيم

لازم نتعلم والا يبقى فشلنا فعلا

واللي ما بيتعلمش من كل حاجة في حياته يبقى فاشل على طول الخط حتى لو نجح ظاهريا

حان الآن موعد التهزيئ حسب التوقيت المحلي لمدينة التخلف العقلي

البوست ده اتكتب قبل الاضراب بست ايام ياريت نبص عليه تاني انا مش باتكلم هيروغليفي
مش نركز كده ونشوف احنا غلطنا في ايه؟ عيب ان الواحد يغلط؟ وللا عيب انه يغلط ويقول ما غلطتش؟
انا لسة رجعة من صلاة الضهر وصورت الشارع والجامع وبانزل الفيديوهات
الشارع زحمة وفوق بعضه، دخلت مسجد النور لقيته زحمة وناس لابسة اسود فرحت، طلعت صلاة جنازة ودول جايين مع الجنازة
بنت في الثانوية العامة صليت عليها بعد صلاة الضهر وقعدت اعيط، ما اعرفش عليها وللا علينا
جه خبر على التويتر ان فيه مظاهرات مفاجئة صغيرة متفرقة في كذا حتة
دي الاخبار وبينا كلام
قلنا تاريخ اربعة مايو تاريخ مش مناسب وفيه شخصنة وجليطة غير محببة للنفس المصرية والناس مش ح تستجيب له وللا ما قلناش؟
قلنا الناس ح تفتكره نكتة وهو فعلا كان بادي نكتة وللا ما قلناش؟
قلنا الحكومة صعدت مع المحلة ويجب التركيز على المحلة بدل اضراب التهريج وللا ما قلناش؟
قلنا اختيار التاريخ اختيار خاطئ وللا ما قلناش ولحد امبارح كنا بنقول كده وللا لا؟
قلنا كان الاولى اننا نتضامن مع المحلة بتوافدنا عليها من ساعة ما حصلت المذبحة عشان ما نسيبهاش فريسة للامن وللا ما قلناش؟
قلنا ان الغنوة بضان وبتدي انطباع اننا بنهرج وما كانش فيه مطالب محددة وللا ما قلناش؟
قلنا ان ده ح يدي الناس احساس باننا ما عندناش احساس بالمسئولية وللا ما قلناش؟
قلنا لازم نبقى على قد الحدث احنا مش بنعمل حفلة طهور وللا ما قلناش؟ واننا ما ينفعش نتعامل مع الموضوع على ان الاضراب نجح ونقول مبروك وفيه ناس مصابة وميتة ومحبوسة وان ده اسلوب عمرو خالد الفاشل اللي بيحسس الناس بالانجاز وهي ما عملتش حاجة وانا عندي الدكتور الانجليزي اللي بيقول للمريض انت عندك سرطان احسن من اللي يضحك عليه وللا ما قلناش؟
قلنا الحكاية مش لعبة ولا تهريج والمفروض ان رد فعلنا للي عملته الحكومة مع المحلة يبقى على قد الحدث وللا ما قلناش؟
قلنا ان الاضراب ح يفشل لان عنصر المفاجأة اللي اربك الحكومة راح واننا لازم نلاقي طريقة تانية سلمية برضه وتفاجئ الحكومة وللا ما قلناش؟
دخل لي ولاد وسخة اغبيا ما بيفهموش وعملوا فيها عنتر بن شداد وزايدوا عليا وللا لا؟
ومع كل الغباوة دي ما ينفعش الواحد يخالف المجموع حتى لو غلطان، ليه؟ عشان الكل يتحمل نتيجة التصرف الجماعي مع بعضنا ولان مافيش فينا حد ينفع يخلع من الباقي
بس ممكن نعمل نقد ذاتي بقى
الامن عمل نقد ذاتي واتصرف المرة دي بدماغ نضيفة وما عبرش قرعة الناس ببريزة
ولاننا اتخلينا عن المحلة فهو استفرد بيها
والله جدعان انا اشجع اللعبة الحلوة
ماحدش يقول لي التلاتين في المية والدعوة ما وصلتش للناس وحملات التشويه والكلام العرص ده
العلاوة الناس ما فرحتش بيها والدعوة وصلت للناس وحملات التشويه لما تبقى في الاهرام تبقى حملات دعاية الناس ما بتصدقش الاهرام
ده غير بقى انهم بيتعاملوا مع روز اليوسف على انها ابو لهب
قوووووم بدل ما نقعد ونعمل نقد ذاتي ونحترم نفسيتنا ونواجه الحقيقة ونقول اننا فشلنا نتغابى زيادة وزيادة
وينزل بعض الناس في مظاهرات فاشلة عشان يتحرشوا بالامن ويعملوا نفسهم ضحايا وشهداء بالعافية
وزي ما يكون قلبي حاسس والله امبارح قلت الاخوة مدمنو البطولات الجهجهونية يقدروا يقدموا في معهد فنون مسرحية ويرحمونا احنا
انما ازاي بقى؟ ازاي؟ لازم نعمل ابطال بالعافية وضحايا بالعافية وعلى رأي مالك مصطفى لازم نثبت اننا بنحب السجن والضرب
والله لسة باقول ايه الغباوة دي وبافتح على التويتر لقيت مالك بيقول نفس الكلام
ممكن نتعلم اننا نتعلم من اخطاءنا وللا احنا عايزين بطولات اعلامية عشان الجزيرة تيجي تصور الناس؟ لو الحكاية كده
والله والله والله معهد السينما والفنون المسرحية فيه دراسات حرة وممكن ياخدوا فرصتهم ويمثلوا زي ما هم عايزين ويبقوا ولا احمد السقا
مش ح اقول اني مش عايزة احبطكوا
لاني عايزة احبطكوا
فوقوا بقى
يخرب بيت ام اسلوب عمرو خالد اللي انتشر كالنار في الهشيم

صلاة الضهر

تلت ساعة على صلاة الضهر ما تنسوش
انا نازلة اصلي
امممممممممممم
اهزأ دلوقت وللا استنى شوية؟
استنى شوية صح؟
ماشي
ما جراش حاجة احنا مش الحكومة عشان نقول كل حاجة ماشية تمام

حركة شباب من اجل البرايز تتقدم بخالص التهاني في عيدك المجيد

اهداء من حركة شباب من اجل البرايز

يوم أن ولدت مصر، لان السادات وعبد الناصر كانوا حامل فيها
وفي عام واحد وتمانين...القرن طش
احزقي يا اختي
لولولولوولولولولوووووووووويييييييييييي
مبروك جالك هبل

الله هي بقت وش كده؟

الامن حول المحلة لثكنة عسكرية وبيهددهم وش كده انهم لو تظاهروا ح يستخدموا ضدهم الرصاص الحي
فيه اخبار عن ان اليوم عادي وازدحام عادي في الشوارع من مركز هشام مبارك ومن احد المعلقين
ومن شباك بيتنا
بخصوص ان الدعوة لم تصل لرجل الشارع العادي، فده مش صحيح الجزيرة والعاشرة مساء وتلفزيونات كتير اتكلمت عن الاضراب
وناس كتير عادية وصلها موضوع الاضراب حتى النجار اتصل بامي وقال لها انا مش ح اجي يوم الاحد عشان ح يبقى فيه لبش الاضراب
لا الدعوة وصلت للناس والناس اللي انا شايفاه لحد دلوقت انها ما استجابتش
على الاقل اللي في الشوارع اللي حواليا واللي حوالين المعلق اللي علق عندي
على كل الاحوال انا ملتزمة وقاعدة في البيت وح انزل اصلي وبعد اليوم ما يعدي على خير ان شاء الله نبقى نتكلم
المرة اللي فاتت كان فيه اضراب فعلا والسماك اللي بنجيب منه السمك مما اتقصت منه من غير ما تبين له اي ميول لها فقال لها: لا مافيش حد جه من عشرين عامل غير تلاتة
تحبوا اخلي لكوا امي تتصل بالسماك المرة دي؟
:)

انا باصة من الشباك

انا باصة من الشباك الشارع زحمة وفيه عربيات كتير زي العادة والجامعة فيها طلبة عادي
اليوم شكله عادي حتى مافيش حد لابس اسود في الجامعة ولا حاجة
حد بص من الشباك وشاف اي حاجة تانية؟

والاردن لبست معانا

احمد عبد الفتاح بيقول نقلا عن نورا يونس ان فيه حملة اعتقالات في الاردن
اسماء المعتقلين عندنا لحد دلوقت اتنين
اسلام عبد الفتاح 17 سنة من حلوان
علاء فخري الخيام دمنهور

توكلنا على الله

اوعى رجلك

البوست ده قريته عند مراقب مصري وبيقول ان فيه صخصية دخلت عنده وعلق بان القساميين ناويين يقتحموا الحدود النهاردة الصبح
اوعى رجلك انت وهو بقى
احلق حواجبي واعملها تاتو ان ما كان الامن هو اللي مدبرها عشان يقول على بتوع الاضراب انهم عملاء للخارج ويوضب قضية وسخة
خلوا بالكوا بقى وماحدش يبلع الطعم
لاحظوا ان الاخوان مشاركين في الاضراب وان المرة دي هم مصممين يلبسوها للاخوان بقى ويقولوا انهم اتفقوا مع القساميين
خلوا بالكوا
خلوا بالكوا
اوعى تقرب اوعى تفوت اوعى تيجي احسن ح تموت
وبنكرر تاني: احنا اضرابنا سلمي، كل اللي فيها ح نقعد في البيت ونصلي وبس
وبس
وبس
ومش عايزين لعب وسخ يا اخوانا البعدا عشان الحركات دي قديمة قوييييييييييييييييييييييييييييييي
كويس ان مينا ما فوتش التعليق ولا تجاهله وكتب البوست ده عشان ناخد بالنا
اللي عايز يعمل حاجة ما بيهددش بيها قبلها بيعملها على طول
بس مافيش حد غبي وبيكشف الاعيبه غير حد واحد بس كلنا عارفينه
مش انت عارفه برضه يا كابتن؟ مش انتي عارفاه يا مدام؟ يا انسة؟
اه...اهو كلنا عارفينه اهو
بس حلو ده...حلو والله، ده معناه انهم هم اللي مخضوضين، مخضوضين مننا عشان قاعدين في البيت؟
جتها نيلة اللي عايزة خلف

تذكروا

اليوم ابتدا بدري وعايزاكوا تفتكروا كام حاجة كده:
افضل الجهاد كلمة حق عند سلطان جائر

اعلموا ان الله يحول بين المرء وقلبه

ان اريد الا الاصلاح ما استطعت وما توفيقي الا بالله عليه توكلت واليه انيب

واتقوا فتنة لا تصيبن الذين ظلموا منكم خاصة

وما تفعلوا من خير يوف اليكم وانتم لا تظلمون

وافتكروا ان الاضراب ده اضعف الايمان يا اخوانا
انا الظاهر غلطت اني نشرت الخبر ده ما كانش قصدي اخض حد
اختصارا اللي عامل الاضراب ده لغير وجه الله يبقى خسران وان كسب اي حاجة، برضه خسران
واللي عامل الاضراب لوجه الله وللاصلاح يبقى كسبان في كل الاحوال وده اضعف الايمان زي ما قلت احنا مش رايحين نحارب ده احنا قاعدين في البيت
وده شق التمرة اللي بنتقي بيه النار وللا عايزين ربنا يعذبنا بجوع الناس اللي احنا شايفنهم بيتلوو من الغلب وساكتين؟
هههههههههههههههه ما تتخضوش كده
والله ح يبقى زي الفل ان شاء الله واحسن كمان من ستة ابريل

حملات الاعتقال ابتدت

الخبر ده من هشام مبارك اعتقلوا واحد وفيه حملات اعتقال عشوائية في المحلة الكبرى وبيقطعوا وصلات الرسيفر اللي فوق الاسطح
!!!!
اي حركة غريبة ما تسكتوش نزلوا على طول على المدونات
لو النت قطعت عند حد يبعت لحد رسالة
يتصل بالتليفون
اي عطل في تليفونك
او وصلات النت
او الرسيفر
نزل خبر عاجل
وربنا يستر
ونحضر الشنط احتياطي
:)
ربنا موجود
توكلنا على الله

اسماء المحامين المتطوعين وارقامهم

أي حالة قبض على مستوى الجمهورية يمكن الاتصال بغرفة العمليات المركزية 0225758908 -0121519598
الاتصال المباشر بمسئول الجبهة بالمحافظة 1- ( أسيوط - سوهاج - قنا - أسوان) الأستاذ/ جمال عبد المحسن0127786150 - 0972308306
2- ( مدينة المحلة الكبرى ) الأستاذ/ فرج عزيزة 0122864515
3- (البحيرة والإسكندرية) الأستاذ/ محمد عبد العزيز 0122460834
4- (الشرقية ومدن القناة) الأستاذ/ محمد اللق 0126182618
باقي الجمهورية الأستاذ/ عبد المحسن شاشة 0125443395
الأستاذ/ سيد فتحي السيد 0122308443
الأستاذ/ احمد فوزي 0123618014
الأستاذ/ عماد مبارك 0126532303
الأستاذ/ جمال عبد العزيز 0101936884
الأستاذ/ أحمد حسن 0112806542
الأستاذ/ محمد عبد العظيم 0126273775
الأستاذ/ احمد راغب 0120624003
الأستاذ/ أسامة خليل 0105484470
الأستاذ/ حسام حداد 010135690
الأستاذ/ أحمد عزت 0103978913
في حالة الرغبة للانضمام للجبهة القانونية ، يمكن الاتصال بمقر مركز هشام مبارك للقانون أو على التليفونات التالية: 0225758908- 0121519598
محمد اسماعيل 0108294435
أحمد رضا طلبة 0105702704
محمد صلاح نصاري 0161444874
سيد فتحي 0122308443
أحمد صابر احمد ابو عيش 0124951656
احمد الزيني 0123818827
عصام سعيد محمد 0121955760
مجموعة المساعدة القانونية لحقوق الانسان
مكتب: 25778688
فاكس: 25778722
اشرف الدعدع : 0125107410
احمد عزت محمد : 0103978913
محمد اللق : 0101934456
0126182618
علي سليمان : 0122473016
وليد خيري: 0107078482
طارق رمضان: 0187060341
سيدة عبد الفتاح: 0106812203
وفاء المصري: 0106708404