وقفة احتجاجية لمشاركة اسرائيلية في مهرجان الافلام القصيرة

 تحديث:

مواطن جاب البروفايل بتاع المخرجة الاسرائيلية على الفيس بوك

خشوا بقى اعملوا لها ريبورت

racist/ profile/ basic info
تحديث:
المركز القومي للسينما اللي تبع وزارة الثقافة مشارك في المهرجان ده ونازل اسمه على الافيش.. فلوسنا يعني
المركز القومي للسينما اللي انا بادفع فيه فلوس ينسحب من المهرجان ده، ولو انسحب من المهرجان طبعا المهرجان حيتلغي

وصلني الميل ده من المخرج والناقد السينمائي احمد عاطف بيحكي القصة كاملة وياريت نشارك كلنا، انا رايحة ان شاء الله
القصة كاملة باللينكات:

القصة الكاملة لمحاولة المركز الثقافى الفرنسى بالقاهرة عرض فيلم ( شبه طبيعى )للمخرجة الاسرائيلية كيرين بن رفاييل بمهرجان الصورة الحرة السادس الذى ينظمه المركزفى الفترة من 8 الى 15 ابريل

واكتشاف المخرج والناقد أحمد عاطف ( الذى تم اختياره عضوا بلجنة التحكيم ) أن هذا الفيلم لمخرجة اسرائيلية عملت من قبل مونتيرة بالجيش الاسرائيلى وأن الفيلم ناطق بالعبرية وأحداثه كلها تدور فى تل أبيب

وعليه قام أحمد عاطف الثلاثاء 25 مارس بالاعتذار عن عضوية لجنة التحكيم وقام بارسال خطاب اعتذار للمركز الفرنسى وأصدر بيان تم ارساله للصحف المصرية عن سبب الاعتذار بسبب رفض أحمد عاطف أى نوع من التطبيع الثقافى مع أسرائيل وذلك مع جموع الفنانين والصحفيين المصريين ونقاباتهم المعنية الرافضة لاى نوع من التعامل مع فنانين اسرائليين او عرض اعمال لاسرائيليين بمصر (نص اعتذارى

http://al-araby.com/docs/11201/arts/article2142184302.html

مرفق رابط انترنت به حوار مع المخرجة كيرين بن رفاييل بمهرجان اوكسفورد السينمائى تقول فيه أنها اسرائيلية وعملت بالجيش الاسرائيلى مع صورة لها

http://oxfordfilmfest.blogspot.com/2010/01/take-5-with-kimat-normali.html

فقامت السفارة الفرنسية فى مساء نفس اليوم الثلاثاء بسحب فيلم المخرجة الاسرائيلية من البرنامج ووضع المخرجة كاملة ابو ذكرى مكان احمد عاطف.وأرسلت البرنامج المعدل للصحفيين بدون أن تذكر أى شيئ عن الفيلم أو تعتذر عن وضع الفيلم من البداية.

وبدأت الصحف المصرية فى نشر القصة وعمل حوارات مع مسئولى المهرجان فاعترفت لطيفة فهمى مسئولة المهرجان فى اكثر من حوار منهم حوار مع جريدة المصرى اليوم بتاريخ 27 مارس

ان السفارة حذفت الفيلم بالفعل ,انها لم تكن تعرف أن مخرجة الفيلم اسرائيلية وشكرت أحمد عاطف على تنبيهه لها.

http://www.youm7.com/News.asp?NewsID=205615&SecID=48&IssueID=0

رغم أن محمد الروبى فى مقاله بجريدة العربى بتاريخ 28 مارس قال انه قال للطيفة فهمى ان الفيلم مخرجته اسرائيلية فقالت له انها تعرف

http://al-araby.com/docs/11201/arts/article2142184301.html

وحررت الخدمة العربية لوكالة الانباء الفرنسية تحقيقا ارسلته للصحف بقلم رياض أبو عواد بتاريخ 26 مارس وضعت فيه نص اعتذار أحمد عاطف وقول لطيفة فهمى ان الفيلم لن يشارك فى المهرجان نهائيا

http://www.google.com/hostednews/afp/article/ALeqM5iMfrXY0DQNb1-wVuo2m94cs2e-Ww

ثم قامت الخدمة الفرنسية لوكالة الانباء الفرنسية بتاريخ 29 مارس بكتابة تقرير اخر أرسلته للصحف العالمية تجاهلت فيه نص اعتذار عاطف وقالت ان السفارة رفضت عودته لجنة التحكيم ( رغم ان انسحابه كان نهائى منذ البداية) وأوحت فى التقرير بأن أحمد عاطف عنصرى لأن سبب اعتذاره الوحيد أن المخرجة جنسيتها اسرائلية وكأن هذا شيئ هين.

LE CAIRE, 29 mars 2010 (AFP) - Le Centre culturel français du Caire a décidé de déprogrammer un court-métrage d'un festival de cinéma qu'il organise, après des protestations d'un membre égyptien du jury contre le fait que la réalisatrice possède la nationalité israélienne.

Le court-métrage, intitulé "Presque normal", de la réalisatrice Keren Ben Rafael, a été réalisé dans le cadre de ses études à l'Ecole nationale supérieure des métiers de l'image et du son (Fémis), un établissement français.

Il raconte l'histoire d'un garçonnet de douze ans en quête d'anniversaire.

Le court-métrage a fait l'objet de virulentes attaques de la part du réalisateur égyptien Ahmed Atef, au motif de la nationalité de sa réalisatrice, ont rapporté des journaux égyptiens.

M. Atef a démissionné de sa place de membre du jury de ce festival, "Rencontres de l'Image", prévu en avril au Centre français de culture et de coopération du Caire (CFCC), pour protester contre cette programmation.

Le CFCC et les services de l'ambassade de France ont confirmé le retrait du film, tout en soulignant qu'il avait aussi été décidé de ne pas réintégrer M. Atef dans le jury, dans l'objectif de clore une polémique jugée à même de menacer le bon déroulement du festival organisé en partenariat avec le Centre national du cinéma égyptien.

Malgré la paix conclue en 1979 entre Israël et l'Egypte, les milieux culturels égyptiens restent majoritairement hostiles à toute "normalisation" dans le secteur culturel et s'opposent à la présentation de toute oeuvre israélienne en Egypte et à tout contact avec des artistes israéliens.

cr/iba/mpd

وتلقفت الصحف والمجلات الفرنسية التقريرومنها من نشره (بمغالطاته )بدون تعليق وغيرها صحف حيث يقبع اللوبى الصهيونى بداخلها بدأت فى شن حرب على أحمد عاطف ومنها جريدة ليبراسيون التى اتهمته مباشرة بمعاداة السامية

http://www.liberation.fr/culture/0101627396-antisemitisme-filmique-au-caire

وحتى صحف من جنسيات أخرى أعادت نشر القصة منها دير شتاندر الألمانية http://derstandard.at/1269448416675/Kairo-

Film-einer-Israelin-aus-Festival-Programm-gestrichen

ووكالة أنباء أنسا الايطالية http://www.ansa.it/ansalatina/notizie/rubriche/cultura/20100328210735053361.html

وجى 1 البرازيلية http://g1.globo.com/Noticias/PopArte/0,,MUL1548441-7084,00-FILME+DIRIGIDO+POR+DIRETORA+ISRAELENSE+E+RETIRADO+DE+FESTIVAL+FRANCES+NO+CA.html

فاتصل احمد عاطف بمدير الخدمة الفرنسية لوكالة الأنباء الفرنسية بالقاهرة (كريستوف دو روكفوى) يوم 29 مارس ونبهه لخطأه وطلب منه تصحيح الخطأ بتوضيح موقفه.فقام أحمد عاطف باصدار بيان جديد باللغة الفرنسية مساء 29 مارس بدأه بتأكيد انسحابه من المهرجان وبأنه يرفض كل أنواع التطبيع مع اسرائيليين باعتبارهم مواطنين اسرائليين انتخبوا حكومة تمارس القتل والعنصرية.وأكد عاطف فى نفس البيان أنه يحترم الديانة اليهودية وانه يجهز منذ 7 سنوات لفيلم عن التسامح الدينى فى الأندلس بين المسلمين والمسيحيين واليهود.

وبالفعل نشرت وكالة الانباء الفرنسية بيان عاطف بالفرنسية يوم 30 مارس وبثته لجرائد العالم

http://www.google.com/hostednews/afp/article/ALeqM5hGdpcgeOOv-S4OHi5PhOX5Q6fKSA ونشرت البيان مجلة الفيلم الفرنسى

http://www.lefilmfrancais.com/index.php?option=com_content&view=article&id=84646

ومجلة اكران توتال أكبر مجلتان متخصصتان بالسينما بفرنسا.(مرفق بالايميل ما نشرته اكران اول مرة ثم ما نشروه من توضيح أحمد عاطف)

لكن ذلك استفز اللوبى الصهيونى بفرنسا وخاصة الصحفى الصهيونى ناثانييل هيرزبيرج الذى قام بالضغط على وزارة الخارجية الفرنسية لاعادة الفيلم مع قيامه بتشويه صورة مصر والمصريون

http://www.lemonde.fr/opinions/article/2010/03/31/le-quai-d-orsay-piege-par-le-dialogue-des-cultures-par-nathaniel-herzberg_1326778_3232.html

وبالفعل استجابت الخارجية الفرنسية فى الرابعة مساءا بتوقيت فرنسايوم 31 مارس واعلن برنار فاليرو المتحدث باسم وزارة الخارجية الفرنسية ( أعلن فى مؤتمر صحفى )أن فيلم شبه طبيعى للمخرجة الاسرائيلية كارين بن رفاييل ستتم اعادته لبرنامج المهرجان واعترف بأن السفارة الفرنسية قد سحبته من قبل من البرنامج بعد انسحاب احمد عاطف.

Paris dément le retrait d'un festival au Caire du film d'une Israélienne

31/03/2010 16h08 - FRANCE-EGYPTE-CINÉMA-ISRAËL-DIPLOMATIE - Monde (FRS)
- AFP

PARIS, 31 mars 2010 (AFP) - Le film "Presque normal" de la réalisatrice
israélienne Keren Ben Rafael est toujours au programme d'un festival
organisé en avril par le Centre culturel français du Caire, a déclaré
mercredi le Quai d'Orsay, démentant son retrait pourtant avancé par
l'ambassade de France en Egypte.

"+Les rencontres de l'image+ du Centre français de culture et de
coopération du Caire se déroulent du 8 au 15 avril" et "le film en
question figure bien au programme de cette manifestation culturelle", a
affirmé le porte-parole du ministère des Affaires étrangères, Bernard
Valero, interrogé par la presse sur sa déprogrammation.

Le Centre français de culture et les services de l'ambassade de France
avaient confirmé dimanche le retrait du film, après des protestations
d'un membre égyptien du jury contre le fait que la réalisatrice possède
la nationalité israélienne.

Le Centre et les services de l'ambassade avaient aussi annoncé la
décision de ne pas réintégrer dans le jury cet Egyptien, le réalisateur
Ahmed Atef, qui avait démissionné, afin de clore une polémique jugée à
même de menacer le bon déroulement du festival organisé avec le Centre
national du cinéma égyptien.

Le court-métrage de Keren Ben Rafael a été réalisé dans le cadre de ses
études à l'Ecole nationale supérieure des métiers de l'image et du son
(Fémis), un établissement français. Il raconte l'histoire d'un garçonnet
de douze ans en quête d'anniversaire.

Malgré la paix conclue en 1979 entre Israël et l'Egypte, les milieux
culturels égyptiens restent majoritairement hostiles à toute
"normalisation" dans le secteur culturel et s'opposent à la présentation
de toute oeuvre israélienne en Egypte et à tout contact avec des
artistes israéliens.

prh/hr/mmr

الان ونحن على اعتاب 1 ابريل الموقف هوأن الفرنسيين ( سفارة ووكالة أنباء ووزارة خارجية فرنسية) يتصرفون فى الأمر كما لوكانت مصرجزء من أبعدية يمتلكونها. يختارون فيلم لمخرجة اسرائيلية ثم يدعون انهم لم يكونوا يعرفوا ثم يسحبوا الفيلم بعد اعتذار عضو لجنة التحكيم المصرى ثم يدعون انهم رفضوا اعادته للجنة التحكيم ثم يقومون بتشويه سمعته نتيجة انسحابه ثم يسحبو الفيلم من البرنامج ثم لا يعتذروا عن الخطأ ثم يعيدوا عرض الفيلم مرة أخرى بدون أى توضيح.

ويهمنى فى هذا الصدد توضيح أخير وهو أن الصديق الناقد الكبير سمير فريد اتصل بى تليفونيا بعد أن قرأ مقال كتب عن الموضوع بأحد الجرائد المصرية وفهم هو منه أن كاتب المقال يقول أن الاستاذ سمير – باعتباره كتب مقدمة كتالوج مهرجان الصورة الحرة- ورطنى فى قبول لجنة التحكيم رغم معرفته بوجود فيلم مخرجته اسرائيلية والحق أن الأستاذ سمير لم يرشحنى للتحكيم ولم يتحدث معى بتاتا من قبل عن عضويتى. بل وقال لى الاستاذ سمير تليفونيا أنه مع موقفى بالانسحاب ومع موقف المركز الفرنسى بسحب الفيلم وان لامنى الاستاذ سمير فريد لاننى ذكرت فى خطاب اعتذارى الاول للمركز الفرنسى انى ضد عرض أفلام لاسرائيلين على أرض مصرية ورأى الأستاذ سمير أن أرض المركز الثقافى الفرنسى هى أرض فرنسية.

أما اخر الأخبار التى قرأتها منذ دقائق على موقع اليوم السابع وكتبتها الناقدة علا الشافعى فهى أن عدد من المخرجين التى تشارك أفلامهم بالمهرجان منهم عمرو بيومى وسمير عوف ونيفين شلبى قاموا بسحب أفلامهم بعدما عرفوا عودة فيلم المخرجة الاسرائيلية للمهرجان

http://www.youm7.com/News.asp?NewsID=208309&SecID=48&IssueID=0

وأتمنى أن يحذوا بقية المخرجين حذو هؤلاء الزملاء الأعزاء.

وأخبرتنى الصديقة سهير فهمى مديرة تحرير جريدة الأهرام ابدو الفرنسية أن عدد من كبار مثقفى مصر قرروا صياغة بيان احتجاجى عن الموقف وتنظيم وقفة احتجاجية أمام المركز الثقافى الفرنسى وليتنا جميعا نكون هناك

أحمد عاطف مخرج وناقد سينمائى

بتاريخ فجر 1 ابريل
2010
------
الميل بتاع احمد عاطف خلص... يا سلام يا سلام يا سلااااااام، فين الهلولة بقى اللي اتعملت عشان يقاطعوا الجزائر؟
ومين است لتشيفة دي؟
انا لسه مش عارفة معاد الوقفة الاحتجاجية بس ح اروحها، فرنسا ما تعملش مهرجان هنا في مصر تجيب فيه اسرائيلية تحت اي بند، والمصريين كلهم لازم يقفلوا لهم المهرجان ده

بعد وعد غالي بتطليع دين اللي خلفونا: نائب الوطني يسب الدين لنائب الاخوان

تحديث وتصحيح:
النائب بدر الدين القاضي ما قالهمش ينعل دين ابوكوا، عشان الظلم حرام برضه ربنا يحاسبني، قال لهم: "يا ولاد دين الكلب ح نطلع دين ابوكوا يا إخوان يا كفرة احنا ح نبني الجدار واللي ح يتكلم ح نطلع دين امه وح نعمل الجدار وح نكهربه"
هيهيهيهيييييييييي مصر ح تبقى سنية كهربا لا والابعد كمان اطرش، نائب جماعة هاني شاكر قال: انتوا عندكوا نتانياهو واسرائيليين. فسمعها: انتوا اسرائيليين. فراح رادد: انا اشرف منك يا ابن الكلب ولو ما سكتش ح اديك بالجزمة
ومادو بيقترح ان شعار مؤتمر الحزب الوطني القادم: من اجل دين امك انت
بالنوسبة لجماعة هاني شاكر المزنوقة فهي قبلت اعتذار احمد عز، وقالوا الطيب احسن: حبايب قلبي، ربنا يخليكوا ليا، ربنا ما يحرمنيش منكوا، اني احبك في الله
اللي لسة ما اتنقطش في البلد دي ح يتنقط منهم
احمد عز ده ح يمشي يعتذر عن سب دين مين وللا مين؟
وانا بدوري باقترح المرة الجاية في كلمته، احمد عز يحيي مفجر ثورة سب الدين لدين ابو ميتين ام الشعب ابن الـ....، وللا نقط ليه، ابن الوسخة، وده تطور طبيعي لتصريحات ابو الغيط اللي قال مصر بترعى القضية الفلسطينية من قبل ما تولدكوا امهاتكوا
امهاتهم ولدتهم منين؟ هذا ما سيوضحه السادة الوزراء ونواب الحزب الوطني في الحلقة القادمة
وسمعونا سلام يا ... امك يا ... امك يا ... امك ده الـ... ابوك والـ.... امك بتاعة سيد مكاوي الله يرحمه


النائب بدر الدين القاضي قال الشعب الفلسطيني على راسنا لكن ولاد الوسخة... ههههههههههه على حماس، فنواب الاخوان طبعا يعني يا عيني زعلوا، وانتوا عارفين الاخوان هاني شاكر من زمان، قالوا له: عيب كده

قال لهم: ينعل دين ابوكوا

طبعا نواب الاخوان يا عيني ما عرفوش يردوا

(الاخوان متعودين يواكبوا التطورات السياسية، انا شايفة انهم يدربوا مجموعة متخصصة في سب الدين والميتين والاب والام)

ونائب اخواني قرر يرد بطريقة هاني شاكر برضه راح الراجل قايل له انا اشرف منك يا ابن الكلب ولو ما سكتش ح اديك بالجزمة

--------

احمد عز دافع عن بطرس غالي وقال: لا.. الظلم حرام، بطرس غالي ما قالش ح اطلع دين اللي خلفوهم، قال ح اطلع روح اللي خلفوهم

--------

ايها السادة نحن في انتظار الشخرة او التدريعة القادمة... على الله ما تاخدهمش الجلالة بس ويعملوا زي الناس على الشعب وللا يعملوا زي المشجع الجزائري اللي عور فردوس عبد الحميد في عقلها الباطن

-------

مازال مناصري غزة من الفرنجة الصليبيين احفاد ريتشارد ولويس معتصمين في ميدان التحرير وقدام السفارات وقريت على التويتر ان فيه ظابط ضرب فرنساوي على وشه وجرحه

حقة لو الامن عملها وسلط المشايخ اللي هو مجندهم وطالقهم على العشوائيات بقاله سنين ومسميهم سلفية وهم خريجين اعلام والسن ومافيهمش واحد خريج شريعة، وخلاهم يفتوا بان ده غزو صليبي ينجس ارض الكنانة الطاهرة وراحوا مسخنين بتوع العشوائيات وطلعوهم يتصدوا للحملة الصليبية

ليه باقول كده؟ عشان النهاردة الصبح الفكرة دي خطرت في بالي، وانا مافياش شيء لله ولا حاجة، بس زي قلب الام كده، ماهو اللي ربى خير م اللي اشترا، بما انهم مش قادرين يضربوهم ممكن يسلطوا عليهم بلطجية

ده تحذير يا جماعة لاي حد له صلة بالشباب دول، الله يخليكوا حد يفهمهم يحموا نفسهم

بالنسبة لنا احنا بقى، احنا عايزين نعمل حاجة للمصريين بس، انا بجد صعبانة علي نفسي قوي

ندى قصاص بعتت لي نكتة، بس انا لما شفت النكتة عيطت، حسيت انها شبهنا:

واحد دخل لقى راجل غريب مع مراته، راح يجيب السكينة عشان يقتله الراجل قال له: استنى.. احنا الكاميرا الخفية. قام جوزها ضحك وقال: مش ممكن يا جماعة، دي خامس مرة وما تذيعوهاش

------------

الليلة دي في خسوف جزئي للقمر، قال صحيح يا شباب انه على مصر بس؟ لا مش معقول، حتى القمر مش طايقنا؟ لا لا، حد بقى يقول لي انه على اي بلد تانية غيرنا

طب ما تنسوش صلاة الخسوف بقى عشان لو ربنا غضبان على البلد نخلع احنا منها ونستندل معاها

ماذا حدث للمصريين

يا اخي العالم المسأفين دولم بيكبروا الامور قوي، وماشيين يضربوا كف على كف، والدكتور جلال امين يكتب دراسة كبيرة عنوانها "ماذا حدث للمصريين" ويعمل لها منهج بحث وحكاية
مع ان كل اللي حصل للمصريين مش اكتر من كده


مافيش اكتر من انهم دخلونا درج المعالك من تلاتين سنة ايام اتفاقية السلام، صحينا بعدها بتلاتين سنة وهم بيصلوا علينا عشان يدفنونا لقينا القلعة جنب البحر والهرم في الغردقة ونهر النيل تحت السرير، اللي دفنونا بالحيا اتخضوا واحنا كمان اتخضينا
قمنا عملنا مدونات وقررنا نناضل كدهو



وفي الاخر اغمى علينا، واحنا دلوقت حاليا مغمى علينا، مش عارفة بقى حسن حسني ح يطلع لنا امتى عشان يفوقنا؟

الاسرائيليين بيخنقوا غزة.. واحنا معاهم

بما ان موضوع الجزائر ده صدمة عمري، وعمري ما ح انساه، وبصراحة اكتر عمري ما اسامح الشعب المصري الشقيق على اللي عمله في شعب الجزائر اللقيط عايزة اعرف علاء مبارك ح يعمل ايه في الحملة الاوروبية لمقاطعة مصر؟
(اه ما نسيت اقول لكوا ان علاء مبارك مسيطر على كل مراكز الغيظ في مخي)
واحب اكرر تاني ان اثناء حرب غزة السنة اللي فاتت علم مصر اتحرق في واشنطن، لندن، سيدني
الخبر اللي فوق مادو جابهولي وفيه اخبار تانية بقى زي ان مصر مثلا تقول مش ح اتكلم في الموضوع ده وبعدين ترجع تقول لا مش بنبنيه ولا حاجة، تصدقوا، والله لسة قريب يعني قايلة مش بنبنيه ده غير منع مسيرة غزة
طبعا هو الشعب الاوروبي الشقيق بيعمل كده عشان موضوع الحصار والجدار ده اللي حكومتنا كل ما نقول لها إإ تقول: تؤ تؤ تؤ تؤ...ماحدش يكلمني في الموضوع ده خااااااااااااااااااااااااااااااالص دلوقت.. سيبوني ارجوكوا سيبوني في اللي انا فيه
انا مش فاهمة يعني كل ما نكلمهم يقولوا ماحدش يتكلم في الموضوع ده خالص، ههههه كان عندي واحدة صاحبتي جوزها كان بيخونها، والله الحكاية دي صحيحة، فطبعا بعد ما قفشته كذا قفشة وبتاع، بقت تدور في الموبايل بتاعه تلاقي نمر الحريم اياهم، تقول له: ايه النمر دي ياراجل؟ يرد عليها، والله العظيم، بالظبط كده: لالالالالالا ارجوكي ارجوكي ارجوكي.. ويسيبها وينزل من البيت
بس انا مش غايظني في ده كله غير كلمة واحدة: مصر من حقها تحمي امنها القومي.. من الغزاوية، من الجعانين والعيانين
وانا ما اعرفش دولة بتحمي امنها القومي بانها تعمل جدار فصل عنصري
وبعدين الشهادة لله، الشعب المصري الشقيق، هو شراني ويحب الاذية زي عينيه وكل حاجة، بس الشهادة لله المرة دي والله متضايقين، متضايقين من موضوع الجدار ده، حتى سواقين التاكسي بتوع علاء مبارك، ومش شايفين اي حماية لمصر ولا حاجة، وفيه برلماني مصري رفع قضية على الفولاذ ونتائج استطلاعات الرأي بتقول ان اغلبية المصريين الجدد متضايقة من الجدار ده، ييجي واحد يقول لي: خير ان شاء الله، يعني ح نشوف الشماليل بتوع مظاهرات الجزائر نازلين يعترضوا على الجدار
ح ارد عليه واقول له: ارجوك خليك صريح، كفاية كده تجريح
هي اسرائيل دخلت كاس العالم وطلعتنا؟ ايه لزومها النزول في البرد ده؟
احسن، يارب الاوروبيين يولعوا في علم مصر كمان وكمان قدامنا كده وانا عارفة ان مافيش حد ح يفتح بقه زي لما ما فحتوش بقهم في يناير اللي فات لما حرقوه في لندن، يارب يعملوا علينا حملة مقاطعة ويقولوا علينا ما قال مالك في الخمر، ده كل المقالات اللي بتتكتب على مدونات وصحف في اورومبا والدول المتغدمة دلوقت ما بتقولش علينا غير خونة، وكلام روبرت فيسك بتاع: المصريين دول يصلوا ويسرقوا ويصلوا ويرتشوا ويصلوا يعذبوا. اتعمم والله على كل المقالات دي
احسن احسن احسن، اهو جالنا اللي يشتمنا ويدينا بالجزمة وما نعرفش نفتح فيه عملا باخلاق القرية اللي علمها لنا الرئيس الممحن بصل الحر والصنان انور السادات اللي اسرائيل ح تحتفل بعيد ميلاده وتعمل له ميدان باسمه في حي مناحم بينجن والمقروصة رقية ما فتحتش بقها، انا عايزة اسمع صوتها تاني عشان مالهاش عندي غير القبقاب بقى والسفارة المصري بتحضر الاحتفال وعلى الله جيهان تحضر الاحتفال هي كمان، ماهي صحابها الاسرائيليين اكتر من صحابها المصريين
على رأي الباشا اللي قال: بكرة الخواجة ييجي يأدبكوا
وروني بقى ح تحرقوا علم الاتحاد الاوروبي وتقولوا "... امك" يا اوروبا وعلاء مبارك يقول لسفراء الاتحاد الاوروبي لو عندك كرامة امشي ازاي؟

ملحوظة

انا مش عايزة الواد ده يحصل له حاجة

تحت اي مسمى مش عايزة يحصل له حاجة، انا عارفة ان السلاب وفتحي سرور ح يبيعوه عند اول مزنق، بس الواد ده لو اتقبض عليه وللا اتأذى بأي شكل من الاشكال ح اعمل حملة لاعتقال علاء مبارك اللي هييج الناس ودعاهم للتظاهر والشغب وعمل ازمة دبلوماسية مع دولة بينا وبينها معاهدات ومواثيق ونتيجة لتحريضه 35 من رجال الامن اصيبوا وكل ده عشان ماتش كورة وكام ازازة مية بلاستك اتحدفت عليه 
الواد ده بيدافع عن فلوسه وحقه، وبيوصل صرخة الناس، يعني من الاخر كده اي تهم من بتوع التحريض وزعزعة السلم والامن والكلام الهجص ده اللي ما حيلتهمش غيره اولى واحد بالاتهامات دي علاء مبارك نفسه
يا تسيبوا الواد وماحدش يمس منه شعرة،يا اما ويمين الله يا انا يا علاء مبارك في البلد دي، ح اتفرغ له واسخر له حياتي، يتقبض عليه هو كمان وينضرب في القسم زيه زي اي "قلة مندسة" بتحرض الناس على الشغب

بس هه

السلطات المصرية تهدم مستشفى خيريا للإخوان

احسن.. بلا خيري بلا عماد

هم الاخوان ح يفضلوا يأكلوا اللي مجوعاهم الحكومة ويلبسوا اللي معرياهم الحكومة ويعالجوا اللي بتمرضهم الحكومة؟

ليه يعني؟ متجوزينها عرفي والورقة مع الحكومة وخايفين لتفضحهم؟ 

ما يسيبوا الجعانين والعيانين والعريانين يا يموتوا يا ياخدوا حقهم بدراعهم ووالنبي كفاية بقى دور هاني شاكر اللي الاخوان متقمصينه ده: حبايب قلبي.. ربنا يخليكوا ليا... ربنا ما يحرمنيش منكوا

هرونا.. لا عارفين يلاحقوا على الجعانين، ولا يخلعوا بنفسهم، ولا سايبين الناس تجوع لحد ما تخلص لنا الحكاية لوحدها وفوق البيعة بينضربوا ويتشتموا... الرحمة بقى هو تعذيب النفس ده هواية عندهم؟

بقالهم تمانين سنة هاني شاكر.. ما يجربوا صلاح بسيوني شوية

النظرية التآمرية في قضية هالة مصطفى المستحية

تقدروا تعتبروا ان البوست ده هطرسة وتخريف، واللي مالوش مزاج يقرا تخريف ما يقراش البوست ده

فيما يخص قضية هالة مصطفى الصحفية اللي قابلت السفير الاسرائيلي والهلولة اللي معمولة عليها

انا واحدة بالعب شطرنج وسودوكو كتير لحد ما بقى تفكيري ملتوي، خدوا كلامي للآخر وارموه في الزبالة بعد كده: التمثيلية دي معمولة في اطار التنازلات اللي قدمها عوكل بعد مقابلته مع نتانياهو والمباحثات السرية اللي في امريكا

انا تقديري ان السيدة هالة كانت كبش فداء، وانا مش بادافع عنها، دي من مجموعة كوبنهاجن وتطبيعية وكل حاجة، بس كانت مستحية

او بقول اخر، ما جاتلهاش فرصة تقول الكلام اللي هي قالته امبارح في العاشرة مساء

وزارة الخارجية ورطت هالة مصطفى في مقابلة سفير الكيان الصهيوني في مؤسسة الاهرام، وهي كل النقطة انها في مؤسسة الاهرام (اللي هي وكل اللي فيها عايشين على قفايا ومن ضرايبي وبياكلوا وبيشربوا ويلبسوا ويقعدوا في التكييف من فلوسي والحقيقة ما بتقدمليش غير اسامة سرايا صفرا واخطاء مطبعية في المانشيتات اللي بالفونت الاحمر) وبعدين ادت تعليمات لعبد المنعم سعيد (اللي هو كمان من مجموعة كوبنهاجن يعني وما يتخيرش عنها) انه يعمل لها هيصة وبوليكة في النقابة

قوم هي تضطر تقول: الله؟ واشمعنى انا؟ هو انا لوحدي؟ ده فلان وفلان وفلان كمان، والسفير الاسرائيلي قال لي انا مستعد اديك قائمة بالصحفيين اللي لهم علاقة بالسفارة الاسرائيلي.

ويبقى فيه فرصة للاصوات المعارضة للائحة اللي ضد التطبيع انها تعلي صوتها، ويبتدوا يقولوا الكلام الطين اللي بيتقال من ساعة ما الموضوع ده ابتدى:

هي لائحة نقابة الصحفيين دي قرآن؟ يعني ايه رعب التطبيع اللي عاملينه للناس ده؟ اسرائيل دي مش احنا عاملين معاها سلام؟ ازاي الدولة عاملة معاها تطبيع كامل ولما صحفية تقابله تتعاقب؟ انا ما عملتش حاجة في السر........

اللايحة تتغير............ اممم هو ده بيت القصيد

ودي مش مؤامرة من جواسيس ولا عملاء، دي الدولة نفسها بتعمل هزة للنقابة وعايزة تطرح المادة اللي ضد التطبيع للمناقشة تمهيدا لان المادة دي تتلغي، او على الاقل تتجمد: "النقابة يجب الا تشكل قيدا اضافيا على الصحفي، كفانا قيودا"!!! قال يعني، واللي بيقول كده مين؟ صحفي في الاهرام والله نسيت اسمه من كتر ما نرفزني

القرد اللي من الاهرام قال: هو انتوا عملتوا استفتاء على المادة دي واخدتوا رأينا؟ اعملوا استفتاء وشوفوا كام صحفي موافق على اللايحة دي، اعملوا تصويت!!!!! هي اللايحة دي منزلة؟

وجمال فهمي يقول له سلاح مقاطعة

يقوم يرد ويقول: دي وجهات نظر

فاهمين بيحصل ايه؟ بيحصل المعتاد لما يحبوا يغيروا حاجة، يعملوا له زمبليطة عشان يهتز في دماغ الناس ويتحول الثابت الى امر قابل للنقاش، وانا ماعنديش مانع ان ده يتعمل في اي حاجة، الا في اسرائيل

والدليل على هطرستي دي، ان كل ابطال المسلسل من الاهرام

هي الفكرة كلها، ان المقاطعة ثابت من ثوابت النقابة، والحكومة عايزة تهزه عشان اتفاقات حصلت بين عوكل والنتن، وعوكل واوبابا، وكالعادة ما بيقولناش حاجة هو، هو بيعمل في صمت، والبلد بتتسرسب من بين ايدينا من غير ما نحس، زي كل حاجة فاتت هي مصر من تلاتين سنة زي دلوقت؟ مصر من عشر سنين زي دلوقت؟ وانا اللي شايفاه ان اي تطور بيحصل في صالح اللي عايزه عوكل، كل اللي عايزه هو اللي بيمشي في الاخر

عايز يجيب جمال

وقالوا له في اموركا اكسر الجليد اللي ما بين المصريين واسرائيل

ربنا يستر بقى، انا مش عايزة حاجة من النقابة غير انها تحجر وتنشف دماغها وتعمل ودن من طين وودن من عجين وتحط فردة جزمة في مخها

التخريف خلص

خدوني على قد عقلي، بس اهم حاجة اللائحة دي ما تتغيرش، ومافيش صحفي يفلت من عقاب المادة دي، وهو كده، شغل صعايدة يعني

وملحوظة: انا مش بانصح الناس تحط جزمة في دماغها وانا حاطة علبة بودرة، انا كمان حاطة في دماغي جزمة

يعني من الاخر كده ماحدش يناقشني في المقاطعة او الثبات على اللائحة، مش عايزة اسمع كلام فارغ

وزي ما قال نصر الله: اذا لم نستطع ان نقاتل فلسنا مجبرون على الاستسلام

هههههههههه اليهود زهقوا

ده اليهودي العشرمية اللي بيقول ان الصهيونية صناعة نازية، بس ده بقى مش اسرائيلي زي الست الاسرائيلية اللي قالت: انا اتزنقت هنا، اه والله قالت
I am stuck here
هههههههههههه هم الظاهر زهقوا من القعدة معانا.... واحد شاي؟
مقسومين دلوقت، ما بين ليبرمان اللي عايز يموتنا كلنا (اصلا هم بقوا زهقانين من الساسة بتوعهم ونازلين فيهم شتيمة وبيقولوا ولا فيه ديمقراطية ولا نيلة) وما بين ناس عمالة تقول: احنا مين اللي زقنا هنا؟ 
ولسة... انتوا لسة شفتوا حاجة؟ ده احنا بقى لما نطبع تطبيع كامل ونقرفكوا في عيشتكوا، بالذات مصر بقى بسياسات عوكل "المصريون قادمون" وح نجيلكوا بقى في شم النسيم بالفسيخ والملانة ونحبكوا نحبكوا نحبكوا.. ح تطلعوا من فلسطين بتسبوا الدين، طب تصدقوا بقى ان سواق التاكسي بتاع: التعلب بتاعنا هو اللي ح يقضي على اسرائيل.. طلع معاه حق، خليكوا بعيدي النظر هو عمال يزقنا عليهم عشان يحرر فلسطين ودي الطريقة الوحيدة، ده كان ربنا راحمهم مننا لما كنا رافضين التطبيع

عبده البرماوي يكتب عن الحذاء في صناعة التاريخ

بس بقى، انا ح اقفل الراوتر تاني، ماحدش يطلعني من الاجازة بتاعتي، ده اخر بوست انشره في الاجازة، بس المقال عجبني قلت تشوفوه:

من إغتيال شجرة الدر لوداع جورج بوش:
الأحذية أيضا تصنع التاريخ
عبده البرماوي

bermawy@gmail.com
هذه قبلة الوداع لك يا كلب، هكذا هتف الإعلامى العراقى منتظر الزيدى وهو يلقى فى وجه الرئيس جورج دبليو بوش بفردتي حذائه الواحدة تلو الأخرى. ولم يدع أراد بوش تلطيف الموقف بقوله وماذا يضير أن ألقى شخص بحذائه على، ليثبت مرة أخرى جهله بالتاريخ.
انتعال الحذاء أمر عرفه الإنسان قبل أربعين ألف سنه، هذا ما أظهرته الحفريات بحسب ما ورد فى مقال نشر مؤخرا بمجلة ناشيونال جيوجرافيك ذائعة الصيت، ورغم عدم وجود أدلة تاريخية، لكننى لا أشك أنه منذ هذا التاريخ قد أدرك الإنسان أن ثمة وظيفة آخرى للحذاء مثيرة للاهتمام وهى استخدامه فى ضرب الآخرين وإهانتهم، للما له من قيمة متدنيه والتصاقه بالأرض وانغماسه فى الأوساخ. ولعل هذا السلوك الاجتماعى الرمزى العابر للثقافات والحضارات هو ما جعل النعال تجد طريقها لصفحات التاريخ.
ومنتظر الزيدى هذا الإعلامى العربى الشجاع أراد بالأمس أن يؤكد على تلك الحقيقة التاريخية التى غابت عنا طويلا، وجهلها بالطبع بوش. ففردتى حذائه الطائرتين – ليستا اعتراضا وفقط على تلك الإملاءات الأمريكية المسماة معاهدة أمينية بين الولايات المتحدة والعراق المحتل – بل أكدتا مرة أخرى على هذا الدور الكبير الذى تلعبه النعال فى صناعة التاريخ المعاصر.
لعل البعض يتذكر هذه الحكاية الطريفة التى ترجع لنصف قرن مضى، والتى وقعت فى المحفل الدبلوماسى الأبرز فى العالم وهو الجمعية العامة للأمم المتحدة فى أكتوبر 1960. فالزعيم السوفيتى نيكيتا خورتشوف رئيس مجلس السوفيت الأعلى ورأس القوة العظمى الثانية فى العالم آنذاك كان حاضرا وقيل أنه سمع ما لم يعجبه من ممثل بولندا وكذلك رئيس الجميعة العامة، فاستل الرجل الريفى حذاؤه وضرب به المنصة بغضب مهددا الجميع دافعا إياهم بسلوكه الغريب هذا للانكماش فى صمتهم. وعلى الرغم من محاولة حفيدته نينا عام 2000 أن تؤكد على أن هذه الحكاية ملفقة وأن أجهزة الدعاية الأمريكية صنعتها لتشويه صورة جدها، فلا زال هذا الحدث حاضرا فى صفحات تاريخ الحرب الباردة باعتباره إعلانا رمزيا لنجاح تجربة اطلاق صواريخ نووية وبدء العصر النووى السوفيتى وتوازن الرعب النووى. وهذا الحادث ظل طويلا مادة لتندر المتخصصين فى العلاقات الدولية خصوصا من المعسكر الرأسمالى معتبرين هذه الفعلة تدشينا لما أسموه بعصر البذاءة الدولية.
قبل هذا الحدث بسبعة قرون يقال أن ملكة مصر الشهيرة شجرة الدر قد حاولت أن تضع أحد الأمراء المماليك على العرش لكي تحتمي بهِ وتمارس السلطة من خلاله بعد تهديد الخليفة العباسى لها ورفضه لتولى إمرأة عرش البلاد، لكن محاولاتها باءت بالفشل واشتد الضغط عليها وتمرد من حولها، فآثرت الهروب والتجأت إلى البرج الأحمر في القلعة عام 1257. لكن أحد الأمراء من أتباع زوجها المعز آيبك التركمانى الذى تآمرت شجرة الدر على حياته وقتلته تمكن من ألقاء القبض عليها، وسجنها وسلم مفاتيح سجنها لضرتها أم علي زوجة الملك الأولى، فأتت ومعها جواريها وحاصرن شجرة الدر وأخذن فى ضربها بالقباقيب حتى ماتت.
وعادة ما يذكر أن مذبحة القضاء التى وقعت فى ظل حكم عبد الناصر قد تم التمهيد لها بضرب الفقيه الدستورى العظيم عبد الرزاق السنهوري باشا داخل دار القضاء بالنعل. كان أصل الخلاف هو رغبة الفقيه الدستورى الكبير الذى وضع دساتير معظم الدول العربية في أن لا تتنكب الثورة لمبادئها وتمثل ذلك في سعيه لاستقلال السلطة القضائية. فقد وقع الخلاف بين السنهوري وناصر بسبب حل مجلس الدولة وإصدار قانون جديد ينظمه بعد تنحية الكثيرين من قضاته. السنهوري الذى شغل رئيس مجلس الدولة قام بإلغاء العديد من القرارات الحكومية الصادرة من عبد الناصر نفسه. وحسم الحذاء الثورى الأزمة وأخرج السنهوري من الساحة.

وأنا شخصيا ممن يربطون بين تاريخ الفساد الكبير فى الفلبين فى ظل حكم الديكتاتور ماركوس وحكاية أحذية زوجته إيميلدا التى تجاوزت الخمسمائة من أفخر الأنواع والتى كان بعضها مرصع بالماس فى حين كان شعب الفلبين من بين الشعوب الأفقر فى العالم. وفى الأثر نجد حكاية الملك النمرود مع سيدنا إبراهيم والتى انتهت بلعنة النمرود من خلال حشرة دخلت رأسه من أنفه وإستقرت برأسه وأطارت تلك الحشرة صوابه عدة سنين وكان علاجه الوحيد هو أن يُضرب بالنعال على رأسه. ولا زلت أذكر قبل بضع سنوات زيارة وزيرالخارجية المصرى أحمد ماهر للحرم القدسى واعتراض الفلسطينين عليها من خلال إهالة نعال المصلين على رأس الوزير الذى أخذته المفاجأة وسقط مغشيا عليه.
وبكل التأكيد سيدخل الخبر الوداع النعالى أقصد الرئاسى لبوش التاريخ باعتباره أكثر الأخبار التى تداولتها صحف العالم، وتشير البيانات الأولى من موقع جوجل الإخبارى إلى أن عشرات الألاف من الصحف والمواقع الإليكترونية قد بثت الخبر فور وقوع الحدث. الطريف أن معظمها قد أكدت على أن ما حدث هو نوع من الوداع. بالفعل كانت هاتين القذيفتين الجلديتين خير وداع لأسوأ رئيس أمريكى عرفه التاريخ ذلك المسمى جورج دبليو بوش، وسيذكر باعتباره استعماريا دمويا اتسم بالجهل والعنجهية.
ولا ننسنى أن حذاء منتظر قد منح العالم مادة سخية للتندر، منها ما قاله بوش نفسه ساخرا حيث أكد أن الحذاء الملقى عليه من مقاس عشرة، بينما أعلن المدرب الأمريكى لارى روثشيلد اعجابه الشديد بتقنية الرامى وسرعته وإجادته رغم أنه لم يصب بوش فى المرتين، فالرمية الأولى انحنى بوش لتفاديها لكن الرمية الثانية تحديدا كانت متقنة لحد بعيد مما استدعى تدخل مدافع آخر هو نور المالكى رئيس الوزراء العراقى لصد الرمية عن وجه بوش. وجاءتنى فور حدوث الرميتين رسالة على بريدى الإليكترونى من صديقة أمريكية نصها لا تتخلص من حذائك القديم فنحن بحاجة إليه، توقيع اللجنة المنظمة لاحتفال وداع الرئيس المنتهية ولايته جورج دبليو بوش، وقيل لى أن ثمة اشاعة تتردد بين الصحفيين الأفغان مفادها أن قائد حرس بوش قد طلب أثناء التوجه لأفغانستان عدم عقد مؤتمرات صحفية أخرى حفاظا على حياة الرئيس، وهو الأمر الذى عارضه مستشار الرئيس الإعلامى الذى أكد أن عدم عقد المؤتمر سيثير البلبلة، وتوصلا بعد جدال طويل شهده بوش نفسه لحل وسط وهو أن يطلب من كل الإعلاميين والصحفيين ممن سيحضرون المؤتمر تسليم أحذيتهم على الباب قبل الدخول. وأطرف ما تلقيته هو رسالة على المحمول من الممثل المبدع الصديق خالد الصاوى نصها: محلات زلط تهنئ الشعب العراقى بالعيد وتعلن عن تشكيلة رائعة من الأحذية لعام 2009