بالرغم من اني باكره عادة بعض الناس
اللي كل شوية يتصلوا بالشيوخ: عم الشيخ أنا اتكرعت المغربية كده...حلال وللا حرام؟
انا استظرفت على اخويا وخبيت منه المفاتيح..حلال وللا حرام؟
الا اني في الحقيقة عايزة اسأل
ماتش الاهلي وبرشلونة...حلال وللا حرام؟
حلال اني اجيب عيل عنده اربع سنين وادخله ماتش ملاكمة مع تايسون وللا حرام؟
مش بس كده...ده انا دافعة له ملايين عشان يجي يرن العيل علقة معتبرة
حلال ده وللا حرام
الفلوس اللي اترمت في الارض والناس بتاكل زبالة..حلال وللا حرام؟
التشريفة اللي اتعملت للريس وعطلت الناس عن اشغالها والدكاترة عن مرضاها والاسعاف عن نقل المحتاجين
حلال وللا حرام؟
الهيصة والزمبليطة في الصالون اللي اتعملت للتفاهة دي والناس مرمية في السجن
حلال وللا حرام؟
والفلوس دي كلها منين؟
من الضرايب اللي بندفعها؟
بعنا التعليم والصحة واشترينا علقة من برشلونة؟
بشقى الغلابة؟
وفي الاخر النتيجة متوقعة
هزيمة نكراء
لا والنبي مش نكراء قوي
الناس الظاهر عشان واخدة فلوس ما رضيوش يشدوا علينا قوي
يعني انا عايزة اسأل سؤال
لازمته ايه ماتش زي ده
ما كان كفاية تكريم اللاعبين القدامى والفلوس اللي اتصرفت ع الماتش هم اولى بيها
خصوصا الرعيل الاول اللي كانوا لابسين برانيط والفقر واكلهم
اصل ده الجيل اللي كان بيصرف ع الكورة مش بيكدس منها ملايين
اللي كانوا بيدفعوا تمن الشورت والفانلة من مالهم الخاص
جرا ايه يا سعادة فخامة جلالة الرئيس؟
حابس الناس ورايح تتفرج ع الماتش؟
ربنا يهنيك
انا عمري ما شفت حد بيدفع فلوس عشان ينضرب
فضيلة مشايخ الفضائيات مش سامعين لهم حس يعني
وللا هم تخصص في حكم القبلة اثناء الصيام واللمس بين الخطاب والانزال والاطلاع وجواز المسيار؟
ما تقولوا لنا حلال ده وللا حرام؟
حرام عليكو كفرتوا الناس
وعم تاكل اللقمة بتمي واكلك قدامك يا عمي
واذا باكفر بتقول لي كافر
انا مش كافر
هيدا انت الكافر
54 comments:
حرام عليهم
جايبينهم علشان ينكدوا على الناس
وكمان على رأيك يانوارتي بيلاعبونا بقرف وتناكه
وخاصة رونالدينيو النتن
كانوا ادوا كل واحد فينا 10 جنيه أحسن لا واكرم لهم
:(
وكســــــــــة
:( :( :(
شكلك كدا يانوارتي كنتي مجهزة البوست مسبقا عشان متوقعه النتيجه... عارفه النهاردة واحنا راجعين من برة مع سواق تاكسي كان اهلاوي صميم علي حسب قوله ..قال يعني ايه يدفعوا المبلغ دا كله لنادي عشان يجي يلاعبهم في الاخر .. مش كان احسن يبنوا بيه مثلا مدينة اسكان للشباب ويسموها مئوية الاهلي مثلا... وللا ادوا لكل مواطن عشرة جنيه علي رأي انكومبليت
لأ وبعد كل دا ... اتغلبوا اربعه ..رغم اني اهلويه ..بس يستاهلوا
وتحياتي لسواق التاكسي
فاول أوت دى يا أستاذه
يعنى المشكله بقت فى صانع الفرحه الوحيده للمصريين الغلابه
و بعدين الفلوس دى دفعها الشيخ صلوحتى كمولتى مش الأهلى
و كمان دى تيجى إيه فى الفلوس المتلتله اللى بتتبعتر شمال و يمين و فوق و تحت وورا وقدام
و على فكره
مش عيب نتغلب من برشلونه
أمال لو ربنا بلاكى بتشجيع فريق بيتغلب خمسه فى عين العدو من فريق إسمه حرس الحدود
هاتعملى إيه
تنكشى شعرك و تقولى كتاكيت
incomplete
وهي الناس متنكده عشان الكورة بس؟
none
ده ايه سواق التاكسي اللي عنده دم ده؟
هاتيه ده نحطه في متحف
ابو الدروايش
بالذمة مش مكسوفين
لما شعب بتتباع البلاطة اللي هو واقف عليها وبيدخل القسم عشان يعمل البطاقة يخرج من غير شرفه
وتبقى فرحته الوحيدة هي الكورة
مش حاجة تانية
وكمان مبسوط ان الفلوس بتتصرف عليها
ومش متضايق انه اتهزم من برشلونة
ماهم اسيادنا بقى ما جراش حاجة
قفانا اهو يا باشا
طيب هو مين كان متوقع ان الاهلي ممكن حتى يتعادل مع برشلونة؟
ولا حد
غير السادة نزلاء مستشفى المجانين
يبقى كان لزومه ايه اساسا
لما النتيجة معروفة مسبقا
صلحوتك كمولتك وللا مش صلحوتك
صلحوتك اللي بيدفعه باليمين بيمص اضعافه مننا بالشمال
يعني اظن عيب قوي لما سواق التاكسي بتاع
none
يبقى عنده وعي اكتر مننا
يا حاجه بالراحه شويه عليا
هو هايبقى فى البيت و على النت
على كل يا ستى
أولا
لأ مش مكسوفين علشان ما عملناش حاجه تكسف
دى متعه بريئه
ثانيا
برشلونه مش أسيادنا
بس ببساطه بيلعبوا كوره أحسن مننا
ثالثا
صلوحه هايخد الفلوس فى كل الأحوال
و سلميلى على الرياده و إعلامها
رابعا
إنت نفسك حاولتى تطلعينا من مود النكد بصور الأطفال الجميله قوى من كام يوم
إعتبرى الكوره ليها تأثير مشابه على بعض الضاربين أمثالى
خامسا و ده الأهم
كلمه زياده عن الأهلى و أرزعك شكوى لعم أحمد
و المقطم مش بعيد
مساء الورد يا أستاذه
احلي حاجه بقي المعلق الرياضي ..اللي كان في الاول الحماس ماليه ,,وتحيا مصر والحياة حلوة .. وفي الاخر يقول ..طبعا النتيجه مش مهمه ..النتيجه لا هاتودي ولا هاتجيب ..بس المهم الادااااااااااااااء المشرف .. طب لما هو كدا ..كان لزمته ايه من الاول...يعني ناخد علي قفانا مع سبق الاصرار والترصد .. بالذمه مش عيب ..والنبي المفروض كانو يمسكو سواق التاكسي دا مجلس ادارة النادي ..
شوفى يانوارة
بالرغم من إنى أهلاوى صميم
لكن أنا شايف إن الأهلى إتصرف زى إللى عامل فرح جميل وراح عازم واحد بلطجى علشان يبوظلة الفرح ويضرب لة كرسى فى الكلوب
ويضلم الفرح وينكد على أصحابة
هو دة إللى حصل بالظبط
وعلى فكرة أنا مش عارف إللى عملة مجلس إدارة النادى الأهلى صح أو غلط
لكن إللى أنا عارفة كويس أوى
إن (الأهلى )أصبح مصدر الفرحة الوحيدة فى هذة البلد
ورمزللإنتماءإللى إنقرض
لأن مجلس الإدارة الموجود بيمثلك فعلا وإنتى إللى مختاراة بإرادتك الحرة
وفى إنتخابات نزيهة
الإنتخابات الوحيدة التى لاتزور فى هذة البلد هى إنتخابات النادى الأهلى
إنة أصبح وطن لكثير من جماهيرة وبدون
أى مبالغة لأنهم فقدوا الوطن
عمرك شوفتى واحد أهلاوى...إتجسس على الأهلى لحساب أى نادى أخر
طبعا إنتى فاهمة قصدى
ها ها ها هى هى هى هأو هأو
ابو الدراويش
هههههههههههههههههههههههههههههه
يا سيدي انا نزلت صور ما كلفتهاش غير اللي اشتغل بيها الكمبيوتر
ما يعلبوا كورة
بس لزومها ايه الملايين والناس مش لاقية تاكل
ماهم بياخدوا تذاكر بقد كده
فلوس التذاكر بتروح فين دول بايعين نصها في السوق السودا
الا صحيح
هو الريس دفع تذكرة كام
شفته وهو داخل بحفيده
يعني بيقول لنا العائلة سلسال وراكوا وراكوا يا ولاد الكلب
حتى في الماتش
none
يا ستي بس انت عرفيني على سواق التاكسي ده
ده لازم يتحط في محمية لبعدين يلقط
بالذمة ده سوال..يعنى هما المشايخ فاضيين للاسئلة دى يا نواره...امال يفقعنوا ازاى لو مش يتصدروا فى الهبلة...وبعدين ما سيدهم وتاج راسهم كان هناك وكمان بتشريفه...يبقى حلال حلال حلال... قولا واحدا بلا خلاف
هى يعنى جت عليهم ...ده الشيوخ والكورةوصفر كاس العالم و..و..وانا وانت وغطينى وصوتى يانواره
ياعدوةالرياضة والتفتح على العالم الخارجى
خليكى سبور امال
المخـ... يا خويا بعد الشر عليك
ما تفولش على نفسك لمراتك تيجي تمسك في خناقي وتقول لي انتي اللي بشرتي عليه
المهم
هي دي المصيبة بعينها
ان الاهلي يبقى وطن المصريين
بص بقى يا استاذ...يعني المهم
بص
بما اني مؤمنة بنظرية المؤامرة ايمانا لا يتزحزح
فانا مؤمنة ان الدولة متعمدة تخلي النادي الاهلي هو الحاجة الوحيدة النزيهة في البلد دي
والحاجة الوحيدة المشرفة
والحاجة الوحيدة المنتصرة
عشان الناس تفرغ كل طاقاتها في اتجاهه
ويريحوهم بقى
ويسبوا الحكومة تعيث في الارض فسادا
تقدر تقول لي اشمعنى الاهلي من دون كل المؤسسات في البلد هو اللي مش فاسد؟
الدولة افسدت كل حاجة
بشكل منظم ومتقن
حتى الازهر
اشمعنى ده اللي سايباه نزيه ومحترم؟
لو كانت عايزة تفسده كانت افسدته
وكان دخل فيه المحسوبية والرشاوى والسرقة وكل حاجة الدولة عايزاها
بس هي مش عايزة كده
هي عايزة الناس تفضل متشعلقة بحلم مزيف وتافه
وتسيب القضايا الحقيقية
واخد لي بالك؟
مجهول
اه وده يا ترى بالاجماع على مذهب الائمة الاربعة
وللا ابن حنبل قال بينقض
على رأي
incomplete
وكسة
طيب سؤال........لو هدفع لهم مليون وهسوق الماتش بره لاوروبا واجيب من وراه 5 مليون..........دا افتراض انا معرفش هما عملوا ايه اساسا ولا اتفرجت ع الماتش
ثانيا عادي الهزيمة ولازم نتقبل ويبقي عندنا ثقافة الهزيمة..طبعا ف الكورة
بردو معلش بعترض اننا نتكلم علي الشيوخ بهذا الاسلوب لان مش كله كده فبلاش نعمم
عايزة الجد بقي......برشلونة دول من اسبانيا .....واسبانيا يعني الاندلس....والاندلس يعني تاريخ لازم مننسهوش
وتحياتي الف تحية لسيادتك
اولا انا اهلاوي صميم
ولكن الذي كان معتقد ان الاهلي يعمل حاجه اما برشلونه فده عاش في الوهم
وبعدين احنا اللي بنعمل للناس دي حساب وبنجمهم وبنعملهم قيمه
دول زي حد بس احنا والاعلام والصحف
بننفخ فيهم ونعملهم قيمه اكبر من قيميهم
احلي حاجه في الماتش
الحفيد وهو علي رجل جدو
ربنا يخلي جدو ويحميه يارب
قولي امين يا نواره
شوفى ياست البنات
قلت قبل سابج وبقولها تااااااانى ((
المخصى)دى عملية معنوية فقط
واللة العظييييييم
دنا عندى ثلاث أولاد والحمد للة
وبعدين لو فبة لحظة صراحة مع النفس
المخصيييييين فى البلد دى كتتتتتتيييييررر ما تعديش وبداية العلاج هى إنهم يعترفوا بدة
وبعدين مش عايز حد يكلمنى فى الموضوع دة تانى أحسن واللة العظيم .............ولا بلاش
مع احترامي يا نواره بس انا شايف انك محتاجه لحظة هدؤ و ترتيب اوراق ,
انتي بس خبر تجديد حبس منعم مأثر عليكي ,
ولكن لم هننظر بمنظور عادل لحكاية الماتش ( مع الاعتراف انني باطيخه في الكوره )
اولاٍ الماتش ليه رعاه رسمين و شركات بتدفع عشان مباراه زي دي تقام
الماتش بيتزاع على 19 قاناة على مستوى العالم
ودا كان إحدي الاسباب اللي تخلي رئيس البلد يحضر عشان يظهر الاهتمام
الحكايه مش حكاية ماتش دي حسابات بزنس كتير
بس لا بتاخد فلوس الغلابه و لا ليها علاقه بالناس اللي بتاكل زباله
انتي دخلتي كلوا في بعضوا
طب هاقولك ان النادي الاهلي تبرع بجزء من دخل تزاكر الماتش عشان صندوق الغذاء عشان يأكلوا اللي بياكلوا زباله يدوهم اكل
المباراة دي اسبوت لايت بيضرب علينا عشان نبان للعالم و لو لمدة ال 90 دقيقه
و بعدين دي زي مبيقولو دي الحاجه الوحيده اللي بتفرح الناس مش هنسودلهم دي كمان
ههههه
ياواش ياواش يا نواره لسه في حجات مبهجه غير العيال اللي لابسين فساتين الفرح بتوعك دول ههههههههه
ها قد جائكم من يعكر عليكم صفوكم
نيهاهاهاهاهاهاها
اكتب اليكم و انا مضعضع الحواس مشرأب المشاعر اكاد ارتفع عن الارض من شدة الشماتة
الشماتة المرة دى مش فى اى حاجة مش فى اجوال و لا قرف
الشماتة فى حاجة هايفة ما حدش خد باله منها
رابطة المشجعين صرفت 90 الف جنيه علشان تعمل الداخلة
و للاسف اعضاء الرابطة رموا الاعلام برة الاستاد
هههههههههههههههههههه
اهو التسعين الف دول كانوا صرفوا على 10000 عير عنده سرطان
الشماتة الشماتة
الشماتة
اضفوا بقة و بطلوا شغل الحزب الوطنى دة
يمكن انا كاتب شويه تفاصيل عن العرص الكروى اللى حصل
هىهىهىهىهىهىهىهىهىهى
عن نصبة برشلونة .. و شعب حزب وطنى بطبعه
يا اخت نوارة
انتي فهمتي غلط
دول جايبين نجوم برشلونة علشان يدعوهم للاسلام وانما الاعمال بالنيات بس انتي اللي محبكاها حبتين
سؤال برئ هو بقه اقصي طموحتنا في الفرح ماتش كورة وكمان ودي؟؟
امبارح وانا بتنيل اشوف الوكسة بصيت لقيت عيل صغير رايح عند الباشا الكبير لدرجة ان العبيط اللي كان بيعلق علي الماتش اتلخبط وقعد يقول نجل السيد الرئيس - علي اساس انه لسه مكمل التلاتين اول امبارح -وبدون وعي بصيت لابني عمر - سنتين ونص - وقلتله ده بأه يا حبيبي حيكون الريس بتاعكم
حسيت ان الولد عايز يقولي لا يا عبيط الريس حيكون جدو اللي قاعد ده
ملحوظة
اللي يقرأ مقال ابراهيم عيسي عن أيمن نور النهارة تتسد نفسه مش عن الفرحة ده عن الحياة
بس نقول ايه
لى رأى فى الحدث منشور فى موضعى الأخير
مع كامل احترامي و بإستثناء جمي هود بإعتباره زملكاوي حاقد
و نواره لسيطرة نظرية المؤامره عليها
فكل اللي علق على الموضوع دا بإعتراض و شتيمه في الاهلي و النظام
فهم بيظييييطوااا
بيخلطوا اي حاجه بالسياسه عشان يظهروا محللين سياسين و بيفهموا اللي المصرين كلهم مشفاهمينوا
و يا جمي يا هوود بطل حقد و لو تعرفوا تعملوا زينا اعملوا :P
والله الاهلي كان يجيب فريق من الدوري ويلاعبوا ويعمل فلوس التذاكر للتبرعات هذه هي المئويه .. مش مئويه بدايتها اربعه
تحياتي
مناوشة علي الماشي
الاخ يساري
طبعا كالعادة
الاخ جيمي علشان زملكاوي ونوارة علشان نظرية المؤمرة وكل - لحظوا كل ديه كويس - اللي علقوا بييظيييطو
علشان يبانوا-شوف الدخول داخل عمق المدخول - انهم محللين مش عارف في انه معمل
اما الاخ الوحييييد اللي فاهم التيته وهو الوحيد المحلل الاوحد هو طبعا الاخ يساري
تحياتي لملاك الحقيقة المطلقة
وبما اننى زملكاوية وخلاص مش هاشجعهم والاهلاوية علشان يداور خيبتهم هيقولوا يكفنى شرفا اننا لعبنا مع فريق زى برشلونة اللى كانت نازلة تشم هوا فى الملعب وما لعبوش علشان خاطر عيون الاهلى واحترموا البيت اللى جم فيه
اصل دول عاملين زى المصرين حضارة سبعة الالف سنة والسيط ولا الغنى هههه
وبخصوص الفلوس ما الناس برضو جابوا من اسعار التذاكر المشلكة بقى فى رجال الاعمال اشمعنة بيرموا فلوسهم فى الحاجات دى والناس الغلابة ان شاء الله حتى ينتحروا هذا حالنا
بس هما ليهم رب كريم
وهو ارحم علينا وعليهم
كلامك مضبوووووووووووووووط بالعشرة
بس لو واحد من العلماء طلع وقال الكلمتين دول امبارح مثلا ...كنتي هتلاقي مليون لسان وكاتب ومدون بينتقد العلماء والدين والافتاءات المتطرفة المتعصبة المتشنجة اللي بتنغص على الناس حياتهم وبتقتل فرحتهم وترويحهم عن نفسهم
ومش بعيد تلاقي اللي بيطالب بفصل الدين عن الرياضة بشكل رسمي وبيتهم الدين بقتل الابداع في الرياضة
ومعلش كلمة في زوري ...يا ترى ساعتها حضرتك كنتي هتبقي من الفريق ده
الأول كنت فاكر انك هتعيبي على العماء ان الناس بتستفتيهم في كل حاجة ...وكنت هاقول مفيش داعي لانتقاد ان البعض بيحاول يتقي الله قدر الامكان...وصحيح برضه حضرتك هتردي ساعتها وتقولي ده تدين سطحي والناس بتسأل في الحاجات دي ولا تتقي الله فيما هو اهم
كامل احترامي..ياريت متعتبريش الكلام هنا تخبيط فيكي لاني بحترم مدونتك جدا
لسبب ما... أنا مع اليساري المصري مع إني بكره الكورة عمى
و ماذا عن الالاف المؤلفة التى يدفعها شعب يقع اغلبه تحت خط الفقر ليشاهد المباراة !!!
هل يعقل ان تصل التذكرة فى السوق السوداء ل 400 جنيه ؟؟؟؟؟
لو افترضنا ان متوسط التذكرة 100 جنيه فى 70000 متفرج
الرقم هو 7000000
7 ملايين على الارض
ماذا لو عمرت بها الصحراء ؟؟
ماذا لو انشئت بها مجمعات سكنية للشباب ؟؟؟
ممكن تسألي في قناة الناس
اللي دفع 2 مليون دولار لنادي برشلونة شركات راعية و استردت أضعافها من الشعب الأهبل يعني دي فلوسناااااااااااااا
آآآآآآآآآآآه ه ه ه ه ه ه ه ه ه ه ه
ينفع كده يعني
برضه احنا بندفع بندفع كل شئ حتى شرفنايللا بالسلامة يا قطر
ده احنا عثرنا على بيوتش ديعارة في عزبة خير الله قذرة جدا و الي فيها بائسين
يعني الفلوس دي مش كانت تتلم لمشاريع للفقراء و بدل ما الشركات ترعى ماتش كورة كانت ترعى الجعانين و العيانين
آه يا بلد
تعيش موريتانيا
لقد سألت الشيخ غدغودي و قال
بسم الله و الصلاة والسلام على رسول الله صلى الله عليه و سلم
إن الحمد لله نستغفره و نستهديه من يضلل الله فلا هادي له
يا غجر ده حرام حرام حرام
بتسألوا عن ايه يا فسقة
ده كفر بيِن
إخص على كداتنه ياأقرع يا أبو سنة
حرام عليكم
إس
حرام عليكم
إس
هو مش حرام...لانها تجارة وعادت على الكل بمكسب
الخاسر الوحيد هما جماهير الاهلي اللي دفع دم قلبه في ماتش مالوش اي لازمة
برشلونة كان لابس تشيرتات عليها شعار اليونيسيف انما الاهلي كان لابس تشيرتات عليها شعار فودافون وكوكاكولا وجهينة
لو كان الاهلي استغل الماتش في الدعاية لاي عمل خيري او انساني كان هيبقى شكله احسن من دلوقتي
لا احنا هيك خيتي نزاره نحب نمشي ع الشرع .. يعني احسن ما نفوت بالحرام لانه كل حياتنا حلال بحلال ف لازم نخد بالنا و طبعا سيدهم الشيخ بيحلها ..بس هو استفسار هو الناس عندكم كانت مبسوطه عشان المباره و هيك لاني انا صراحه صابني ضغط و انا بتفرج مع اني مش من رواد الكورة بس اهو تغيير يعني .. انا اصلا كنت حاسة انه البرشلويين كانو جاييو المباره استجمام مش بقلل من الاهلي لانه ماليش فهم بالكورة بس اموت و افهم شو الهدف من المباره غير انه شرف اللعب مع بعض و غير انه العالم عرف الاهلي ... الهدف من كل الخسائر ..في شب معنى بالشغل مهووس كورة بالاخص المصريه قالي لااااااا يا ندى هم مخسروش بالعكس انا الظاهر كنت بتابع ماتش غير و انا مش عارفه
معلش دايما برغي كتير بس الطمع بالناس الاصيله
أنا كنت هقول كل اللى أقالوا "يسارى مصرى"بس هقول حاجة زيادة بس. الموضوع ابسط من كل الكلام ده.
ده ماتش كورة و إستعراضى كمان، يعنى ممكن كان ينتهى 20/10 عادى يعنى، بس مش عادى إن واحد فى المؤتمر الصحفى ، واحد يسأل مدرب برشلونة إذا كان هما إتغلبوا آخر ماتش فى الدورى هناك، علشان كانوا بيفكروا فى ماتش الأهلى، مش للدرجة دى يا جماعة!
الفلوس اللى إتدفعت دى أكنها إتدفعت فى إعلانات عن مصر بره، دلوقتى على الأقل كل مشجعين برشلونة سمعوا عن مصر لمدة كام يوم، و شافوا صور اللاعبين بتوعهم فى مصر
يعنى ده كان إعلان عن مصر مش أكتر و كل الفلوس اللى إتدفعت شركات بتعلن
و فى الآخر الدولة مدفعتش حاجة
بالعكس جتلها دعاية مجانية عن مصر على الأقل فى أسبانيا
ونبي فلوس ايه اللي بتتكلموا فيها
طب هقولوكوا حاجه ؟
الشعب المصري يدفع في سوق المخدرات كل سنه 27 ملياااااااااار جنيه
وتقولي فلوس داحنا شعب منافق بيبات جعان بس متكيف
( الرقم دا من إحصائيه قدمها عضو مجلس شعب من الاخوان المسلمين )
بصي يا نواره بالنسبه للمباره في حد ذاتها فأنا مؤيدها لان لازم الفرق المصريه تبتدي تحتك بالفرق العالميه لعله يثمر شيئا فشيئا عن تطوير مستوانا قبالتالي لم احزن للنتيجه
ثانيا..بالنسبه للاموال فالاهلي لم يخسر علي الاطلاق لان الرعاه تحملوا جزء كبير من التكلفه الاجماليه بخلاف ان الايرادات كانت قياسيه ده غير الاعلانات و خلافه
أما المرفوض تماما فهو تعطيل مصالح الناس عشان ماتش كووره و دي أزمه مرور مزمنه في مصر وقت أي ماتش هام+فضيحه بيع التذاكر في السوق السودا و حرمان الغلابه من مجرد التفكير في رؤيه نجوم البارسا
تحياتي لكي
انا زملكاوي
ورغم ذلك كنت اتمنى التعادل
علشان فرحة الأهلوية تدوم لمائة عام أخرى
الموضوع مش مكسب وخسارة طبعاً بس فيه أمل ان الكورة في مصر تتغير شوية
فبدل ما المهاجم يتلغبط قدام الجون ويرجع الكورة لورا
يبقى قادر انه يواجه الجون ويشوط حتى لوطلعت اوت
ابوتريكة عمل اللي عليه وكمان الواد الجديد ابو شعر اللي لعب ونج لفت
بس متعب واسامة حسنى وفلافيو كافية عليهم كده وبلاش وجع دماغ
ربنا يكون في عون حسن شحاته لو لعبوا قدام ايطاليا وربنا يستر
ربما جاء يوم نجلس فيه معاً -على منصة ستاد القاهرة- لا لكي نتفاخر ونتباهى، ولكن لكي نتذكر وندرس ونعلم أولادنا وأحفادنا جيلاً بعد جيل، قصة الكفاح ومشاقه، ومرارة هزيمة -الأهلي- وآلامها، وحلاوة -التوريث- وآماله
ابو جمال
عاااااااااااااااا
لأ وكمان حاجة
عااااااااااااااااا
:(
يعنى هيا نتيجة متوقعه
ونحس زياده من السخص إللى كانوا مقعدينه يتفرج على الماتش فى برطمان إزاز
مش أصول كانوا رشوا شوية زيت على وش البرطمان علشان ميعفنش
وخصوصاً إنه جاب الثمانين
ومخلل فى الرياسه بقاله كتييييييييييير
فيه مشاهد مهمة فى الماتش
لازم الواحد يرصدها
دخلتوا السياسة فى الكورة فباظو الاتنين، ماهو لازم السياسة تبوظ فرحتنا وتقلل متعتنا
عشان كده الناس بتوع الكورة الحقيقيين عادة معدوش ع السياسة واتجنبوها أو هما طافشنين من السياسةأصلاً هجروها تماما وبقو لاجئين كوره من اللى شافوه
القطيعة بين السياسة والكورة مطلوبة
بس لأن العملية باظت أخل أنا مضطرا بين الاتنين
الراجل اللى اسمه حسن حمدى طبعا متورط فى قضية فساد كبيرة وعاوز يستخبى وده يعنى إن الاهلى مش بعيد عن الفساد رغم محبتنا له
الراجل اللى اسمه ابراهيم المعلم متورط بس فى قروض بنوك وهو بيدور برضه على غطا والاهلى مفيش غطا أوسع من غطاه
البيزنس بتاع الاعلانات معدى فى حجر أخونا محمود الخطيب وشوبير من بتوع وكالات الاعلانات اللى بيجروا ورا المعلنين فى مهرجان زى ده
الشيخ صالح ربنا يطولنا فى رجله مشغل نص البرتيته دى
يبقى ربنا ينفخ فى صورة الاهلى ليه
وبعدين مين يقول إن الاهلى يبقى الحاجة النضيفة الوحيدة فى مصر إذا كان الحال كده
لو الاهلى هو الحاجة الوحيدة النضيفة يبقى بس عشان الجمهور الغلبان اللى اللى ماشافش الماتش فيه دفع تلاتين جنيه ووقف فى طابرو يويمن عشان يقعد درجه تالته ورا الجون وتمانين جنيه عشان يقعد تانيه ويشوف رونالدينهو واللى كان معاه دفع فى التذكره تلتميت جنيه عشان مينضربش فى الطابور واللى ملحقش الامن المركزى ضربه واللى راح لقى الابواب مقفوله م الساعة سته واللى مشى جنب الاستاد عشان ياخد البركه أمن الدوله مسكه عشان الريس كان هيعدى واللى ..
ولا كفايه الحكاية من غير سياسة متعبه ولما تركب عليها السياسة بتبقى أخرى وأخرى
الله يسامحه أبو وش فقرى
ركب على فرحة الناس وبرضه سرقها
ينعل ... أمه
ومش هانسى
طز فيك برضه ياجمال وفى الزمالك الكتيان
طبعا
وبالفم المليان
حرام
حرام
حرام
كفاية اللي عمله فيا
جتنا نيلة في حظنا الهباب
خسارة من كل ناحية
لا هو اكيد حرام و بعدين ايه المانشيت العريض اللى فى الاخبار بتاع يوم تاريخى و مش يوم تاريخى....بصراحة المومضوع كله مؤرف
أمى اللى ملهاش فى السياسة
وكل سياستها فى الدنيا انها تمشى جنب الحيط وتعيش فى حالها
نطقت اخيرا بعد الفاجعة اللى حصلت دى
قالتلى كدة والحماس واخدها
والنبى مش حرام الناس الجعانة اللى مش لاقية تاكل ولا العيال العواطلية المرميين عالقهاوى دول يتسابوا كدة
ويروحوا الكفرة يدفعوا الملايين دى كلها علشان يلعبوا كورة؟
وكمان يتغلبوا؟؟
أول مرة ابص لها وانا مذبهلة من كلامها
امى نطقت يا جدعاااااان
وبقت بتتكلم فى السياسة
ولاد الرفضى نطّقوّها
صحيح هالكلام
بس بيقول الريس تعب شويه
الله يكون فى عونكم
الفلوس تم دفعها من قبل شركة فودافون ومن ميزانية النادى الاهلى التى اقرها مجلس الادارة المنتخب من قبل اعضاء النادى
اقتصاديا المباراة حققلات ارباح هائلة للنادى االاهلى، حققت ارباح اكثر لقطاع التلفزيون والقنوات التى اذاعات الماتش، حققت ارباح اكثر للعمال السريحة في الشوارع الذين كان يبيعون الاعلام الحمراء و اعلام الاهلى
جزء كبير من الناس التقوا مع احبائهم واصدقائهم وجلسوا معا يشاهدون المبارة
والبركة في اللمة
هذا فقط للاشارة والتنوية
النهارده كان عندى محاضرة اقتصاد فى الكليه
سمعت من الدكتور انه احنا كنظام اقتصادى فشلنا اننا مبنحاولش حتى تطبيق اقتصاد صح ولو نظريا
عندنا موارد لا تستغل صح
ده غير انه القائمين على الاقتصاد مبيعملوش حاجه
بمعنى انه الحكومه فايدها تظبط الاقتصاد بتغيير مستوى اسعار الصرف واللعب فمنطقه الصادرات والواردات
وكله فايد الحكومه
ده كاقتصاد طبقه العالم المتقدم واللى كان متاخر واتقدم
وقال انه المباره اللى اتعملت بين الاهلى وبرشلونه دى اتصرف عليها ملايين عشان ايه؟؟
والشركات الراعيه صرفت كل ده ليه؟؟
مع انه لو مثلا اتعملت المباره مع الزمالك مثلا كانت هتلاقى نفس الاهتمام والمصاريف كانت هتبقى اقل
وساعتها كانت المصاريف دى ممكن نستفيد بيها احنا فى التطوير وكده
ده فحالة انه التطوير يكون فى الحسبان
الكارثه بقى انه الاهلى اصلا فضحنا على ارضنا وسط جماهيره وفاحتفاليته بمئويته وعجيب امر اهل الكوره
على راى اللى بيقول حته جلده مدوخه وراها22لعيب:D
ولو ان مش دى الازمه
بس لازم نعيد ترتيب اوراقنا لانها اتبعترت فى الهوا
ودمتم
tab da kan feh masr..omal ba2a 7aflet shakira o 7aflet massari l tzakra fehom kanet be 2000-500 le a ba2a fogr?
l moseba fel ra7o mesh fel 3amlo
o lola 3rfen enena hngry zay l hobl o nes2af o neswat woooooooow heeeeh maknosh 3amloha
l osol kano ye3delo dema3' barshlona be captshino
بإختصار
هذا طبعا
حراااااااااااااام
تحياتي
——————————
صاحب مدونة البوابة
http://elbawaba.blogspot.com/
حرام .. طيب و اللي دفع تذكرة ب1200 جنيه علشان يشوف شاكيرا و ما وصلش
و اللي دفع 100 جنيه في تذكرة درجة تالته فالماتش ده
بلاش بلاش
العيال اللي مش لاقيه تاكل اللي مصر كلها بتطبل علي قفاهم و طول النهار بيشدوا في كولة دول ... مش محتاجين ياكلوا و يسكنوا
طيب و اللي بيروح يوم العيد يدفع تذكرة بالف و خمسميت جنيه علشان يتفرج علي هيفا و لا اي واحدة لمدة ساعة او اتنين علي الاكثر ... مجرد فرجة
مش حرام
لا حرام طبعا و تفاهه و اللي اتفرج عليها و شجعها مشارك فيها حتي لو كان قاعد في قهوة بلدي في حي شعبي بيتفرج عليها
كل ده مش مهم
المهم الاداااااء المشرف
وكسه فعلا
نوارة
طولتي الغيبة
وحشتيييييينا
عودي يانوارة
:(
الرابط ده من جريدة المصريون على الموضوع دهhttp://www.almesryoon.com/ShowDetails.asp?NewID=33513&Page=6
طب ايه رأيك انى اول مرة احترم الفريق ده؟
احس ان مش شارى الماتش
بجد انهزمنا
لاننا نبقى عبط لو تخيلنا غير ده
بس هزيمة احسن كتيييييييييييير من هزايم الزمالك
ملحوظة رفيعة: انا زمالكوية :-)
انتي فين يا جبهه
يارب تكوني بخير
مش عادة اني ادخل كدا الاقيكي مش نازله ببوست جديد
بجد وحشني كلامك اوي ووحشتيني اوي
يارب تكوني بخير
سيبك انت...والله انت دماغك زى العسل
بس بينى و بينك يعنى ماجاتش عالماتش...ماهو فيه حاجات تانية اهم بتتعمل من فلوسنا و لينا فلوس ما ب.....كفاية يا بنتى بدل ما نتحبس
Post a Comment