من سنتين او اكتر كنت باروح العشوائيات
وانقطعت
لسبب ما كنت بانبسط لما اروح
خصوصا لما اقعد مع ام وائل
واحدة من سكان العشوائيات
لما تصلي وهي ساجدة تقول: سبحان ربك الاحلى
وغلبت معاها اقول لها قولي: سبحان ربي الاعلى
تقول لي طيب
ها يا ام وائل ح تقولي ايه؟
تقول لي: خلاص يا ابلة ح اقول سبحان ربك الاحلى
وتقول التحيات كده: تحيات لله
صلواوات لله
طيبات لله
سلام يا ايها النبي
سلاااااااااااااااام ورحمة الله وبركاااااااااته
اللهم صلي على حضرة النبي
ولانها من سكان العشوائيات
ولانها ما عندهاش مية زي اي ساكن هناك
بتتيمم
بتتيممي ازاي يا ام وائل؟
تروح خابطة كفوفها الاتنين على رجليها مرتين
وبعدين تصقف مرتين
كده اتيممت
ومافيش
مهما تحاول تصلح
انتهينا خلاص
لما جيت ارجع العشوائيات تاني
بعد الانقطاع
رحت مرة ولقيت نفسي مش قادرة
مش قادرة الف في الجبل واشوف الابتسامة الراضية
واسمع من واحدة عندها الكبد والسكر
وجوزها مشلول
وبنتها عندها ضمور
وابنها رجله مقطوعة
وما عندهاش مية ولا كهربا ولا صرف صحي
وبعد ده كله تقول: احنا احسن من غيرنا كتييييييييييييييير
يوووووووووووووه
ده الدنيا يا ما فيها بلاوي يا دكتورة
بتقول لغادة يا دكتورة
مع ان غادة مهندسة
بس هم هناك مصممين انها دكتورة
ريهام وغادة لسة بيروحوا
بس الحقيقة حكاويهم مش مشجعة اني اروح تاني
بيقولوا لواحدة من اللي ساكنين في العشوائيات: ايه مشاكلك
اجابت بمنتهى الثقة: مافيش الحمد لله
فقالوا لها: يعني جوزك ارزقي وما عندوش شغل
- آه
- طيب ما بيطلعلكيش مية وبتشتريها؟
- آه
- طيب ما عندكيش صرف مش كده؟
- آه
- طبعا ولا كهربا؟
- آه
- أممممممممممممممممم أمال ايه مشاكلك؟
- ولا حاجة الحمد لله
واحد تاني
بيشتغل شيال ارزقي
رد وقال لهم : لا فيه مشاكل
هه يا مسهل يا رب
- خير
- الناس هنا عنيهم وحشة قوي
نزلت انا واخواتي الاتنين قدامهم
مافيش واحد فينا رجع سليم
يعني ده مش بس شايف ان ما عندوش مشاكل
ده حاسس انه محط الانظار
لما حققه من مركز اجتماعي مرموق
كشيال ارزقي رأسمالي
وقد أثار ذلك مشاعر الحقد الطبقي الاشتراكي
في نفوس الجيران الشيوعيين الملاحدة
العواطلية
لانهم مش عايزين يكافحوا ويبنوا نفسهم
زي ما هو كافح لحد ما بقى عنده البزنس بتاعه
وتلاقيه شايف انه وسيم
و"انت تيجي فين في شياكة اللمبي وحلاوة اللمبي" وكل ده
بيثير الغيرة في نفوس الجيران
متهيألي انه كان عايز ريهام وغادة يجيبوا له بخور
عارفين الطفل الفقير اليتيم المعاق
اللي فيه ناس اقويا واغنيا واشرار
بيستعبدوه ويتريقوا عليه ويخلوه يعمل حركات عشان يضحكوا عليه
وهو مش فاهم وبيعمل اللي هم عايزينه
وبيضحك هو كمان عشان فاكرهم بيضحكوا له مش بيضحكوا عليه
صورة قاسية مش كده؟
اهي مصر عاملة زي الطفل ده
وانا ما بقتش قادرة استحمل المنظر ده
لاني مش عارفة اقنعه انهم بيتريقوا عليه
ومش عارفة اخليه حتى لو ح يعمل عجين الفلاحة ونوم العازب
يبقى على الاقل ما يضحكش
ولانهم هم اللي بيضحكوا
وانا اللي مكشرة
فهو مش فاهم اني زعلانة عشانه
بيسمع كلامهم عشان بيضحكوا
ومش بيسمع كلامي عشان مكشرة
ومش قادرة اضحك
45 comments:
انتى فعلا اختارتى العناوان المناسب
اصل الحكاية متضحكش
مساكين بنضحك مالبلوة
الصورة بقت غامقة اوى
ومصر بقت صورتعها مشروخة
ايه القرف ده
وليه احنا مستحملين الزفت اللي احنا فيه
مهو مش معقول نعيش كل يوم في الهم ده
والناس فعلا بقت طموحتها سذجة قوي
وامنيتهم قليلة قوي قوي
واحلامهم عبيطة قوي قوي قوي
واحنا عملين نراهن علي ناس
نص كم قوي قوي قوي قوي
shiiit
I have any word to say, but I can't
klma basma3 l klam da ba7es en e7na mh 3ayzheen fe masr wala weselna le sokanha l aslyeen 3la r2y jimmi
i really hate it
zolm w fa2r w gahl w marad w lessa!
da7na 3ndena amrad enqaradet ml 3alam
masr 3omraha makanet kda fe aswa2 3sorha e7na laze na3ml 7aga
ih hya msh 3rfa bs lazem na3ml :S
سبع سنابل خضر من أعوامي
تدوي يابسة في كف الأمل الدامي
ارقبها في ليل القهر
تضحك صفرتها من صدري
وتموت فتحيـى آلامي
يا صاحب سجني نبأني
ما رأيا مأساتي هذي
فأنا في أوطان الخير
ممنوع منذ الميلاد من الأحلام
و أنا اسقي ردي خمرا بيدي اليمنى
واليسرى تتلـقى أمرا بالإعدام
وارى شعري موثـقا في أيدي الحكام
وارى قبري ممنوعا في كل بلاد
وارى ملك الموت يجرجر روحي
ابد الدهر ما بين نظام و نظام
وارى حول البيت الأسود بيتا أبيض
يجري بثياب الإحرام
يرمي الجمرات على صدري
ويقبل خشم الأصنام
ويحد السيف على نحري يوم النحر
وأرى سبع جواري كالأعلام
غص بهن ضمير البحر
تحمل عرش عزيز النصر
بطل العنف الثوري
وعروش الأنصاب الأخرى و الآزلام
واراها تحت الأقدام
تشجب ذل الاستسلام
وتنادي بجهاد عذري
من يد تأتي من سابع ظهر
يمضي بالفتح إلى النصر
ويخط سطور الإقدام
ويعيد الفتح الإسلامي
بصهيل الروليت الجامح
من فوق الرايات الخضر
أو تطويق عذارى الشرك بيوم الثأر
فوق الخصر وتحت الخصر
منذ حلول الليل و حتى الفجر
وأنا ارقد في غيابة بئري
اشرب فقري
رهن البرد ورهن الظلام
وتمر السيارة تشري
من بقيا جلدي و عظامي
نيران بنادقها المزروعة في صدري
بالمجان و تطلب خفض السعر
و ألو الآمر لا أحد يدري في أمري
منشغلون إلى الآبطان بتطبيق الإسلام
كف تمسك كأس القهوة
والأخرى تمتد لظهر غلام
يطمع في جنات تجري
حين يطيع ولي الآمر
قصيده رائعه للعظيم احمد مطر
تحياتي
السلام عليكم
أيوه دى الحقيقة بس الحل أيه؟ هو ده السؤال المهم. وكيف هو الحل الناجع
هاحكيلكم قصة روحت واحة سيوة من 5 سنين ووالدى أشترى ارض هناك علشان نزرعها من شركة كانت واخدة 10000 فدان , والدى وأخواتى رفضوا يروحوا سيوة تانى انا اللى كنت باروح أشوف الأرض وأراعيها والأرض اتاخدت من الناس اللى هناك وتم بيعها لمشتر آخر وبرده مش يئست وصممت أنى هاعمل حاجة والحمد لله لسه راجع من 3 أيام وأخدت أرض تانية وإن شاء الله هتتزرع برده
مفاد هذه القصة لازم يكون فيه امل وطموح وهمة عالية وإصرار وعلى فكرة كل الناس اللى كانت واخده أراضى تنازلت عن الأرض للشركة ماعدا انا
كل مشاكلنا عارفينها بس مش هنقعد نلوم نفسينا والآخرين , لازم كل واحد يتحرك على مستواه لازم الحركة
هاحكيلكم قصة تانية أنا خريج علوم تخصص حشرات درست المجال ده علشان باحبه بس لكنى كنت عارف أنى مش هشتغل بيه من السنة التانية فى الكلية قررت العمل فى مجال تكنولوجيا المعلومات وفعلا درسته بجانب الدراسة فى الكلية ولكن دخول السوق فى هذا المجال كان صعب وبالتالى قعدت فى البيت سنتين لم أعمل فيهم فى أى مجال لأنى كنت مصمم على العمل فى هذا المجال ذاكرت وبفضل الله أشتغلت فى اكبر شركة إتصالات فى مصر وإن شاء الله مسافر الأسبوع القادم كمستشار فى الشرق الأوسط وإفريقيا لعملاء شركة من اكبر شركات الخدمات فى العالم
كل ده بفضل الله ثم الطموح والإصرار والعزيمة والإرادة وعلى فكرة انا أصغر واحد فى مصر فى هذا التخصص عمرى 26سنة
الخلاصة الإرادة الإصرار والعزيمة واللى هيقول الفرق بين هذه الكلمات يبقى ليه حلاوة:)
آخر حاجة أنا منطقة شعبية بسيطة إمبابة, وكل اللى بتحكوا عنه شوفتوا وزورتوا , تحرير هؤلاء الناس وخلاصهم على أيدينا نحن
العمل العمل والطموح والإصرار والعزيمة والإرادة
نوارة..في منطقة اسمها برك الخيام..ورا المهندسين على طول الناس هناك عايشين في القرن التلاتاشر...العيال الي هناك في تالته اعدادي وما بيعرفوش يكتبوا اساميهم...و الست من دول تساليها ايه الي ينقض وضؤك الي تقولك لما اتكرع..والي تقولك لما اطلع البلكونة والي تقولك لما اشيل ابني على كتفي..وهلم جرا..
واللة الواحد حزين جدا ومش فايدة يعمل حاجة بس كمان الناس دى معندهاش طموح تتغير ومش هايزة تتغير
واللة الواحد حزين جدا ومش فايدة يعمل حاجة بس كمان الناس دى معندهاش طموح تتغير ومش هايزة تتغير
مش فاهم حاجة
وحياتك ولا انا
بحري
ليه لما بافتح اللنك بتاعك مش بلاقي البلوج بتاعتك
رغدة
سكان مصر الاصليين اقصى طموحاتهم حنفية وبتنزل مية
الشارد
قصيدة رائعة
عبقرينو
ثانية واحدة بقى
انت مبدئيا شاب جدع جدا
وباين عليك عبقرينو صحيح
يا جماعة استصلاح الاراضي مهم جداااااااا
مش بس عشان الزراعة والانتاج
بس عشان ده الحل الوحيد لسكان العشوائيات واطفال الشوارع والاحداث
الناس دي مستعدة تشتغل في الزراعة لو ح تاخد مقابل مجزي
طبعا مقابل مجزي بالنسبة لهم يعني ملاليم بالنسبة لاي انسان عادي
المقابل المجزي انه يسكن في بيت له سقف مش بيخر عليه لما الدنيا تمطر ويبقى عنده صرف صحي ومية وكهربا وياكل في طبق مش في الزبالة ويبقى عنده حنفية مية ويعلم ولاده ويعالجهم
بس سيبك يا عبقرينو
انت عبقرينو صحيح
سكوت ح نصوت
هههههههههههههه
لا لما اتكرع دي جديدة
والا اللي بتطلع البلكونة دي
بس دول عندهم بلكونة؟ والله اغنيا ههههههههههههههههههههه
دعه يمر
والنبي انت قمر
الناس دي ما عندهاش طموح؟
ما فوقك واحدة بتقول لك بيتنقض وضوءهم لما يتكرعوا
وباقول لك بيتيمموا على طريقة الهتش ميمي جو البطة السودا الحلوة الطعمة الهتش ميمي جو
الناس دي كتر خير ربنا انه مش معرفهم حقوقهم
عشان يقدروا يقلبوا الطشت بالليل ويطبلوا
لكن يعني لو جبت لهم سكن وشغل ح يقولوا لا؟
يا جماعه مش الحل ان احنا نبص للناس دي و نقول يا دي القرف, لازم نفكر الناس دي ليه وصلت لكده و لازم نعرف ان جهلهم و قلة حيلتهم دول وصمةعار لكل واحد فينا متعلم و متنور و عنده صرف صحي كمان ...شوف الدنيا يا اخي..
مش الحل يا نواره ان انت ما تروحيش تاني،اما كنت في مصر
كانت كل مرة اروح فيها مشوار من دول اكتئب و افضل
اعيط لحد مايبانلي اصحاب لكن اكتشفت ان فعلا تعاطفك لوحده مش كفايه, الناس لازم تحس انهم بني آدميين و ان ليهم حقوق وان كانوا هم جهلاء و مش عارفينها يبقي احنا اللي نفهمهم لأن هو دول الغلابا اللي بسندوتش فول يروحوا يوافقوا علي تغيير الدستور و تغيير ابوه كمان
...ما فيش حاجه بتحصل بين يوم و ليله،لازم الصبر والمثابره و زي ما احنا حاسسين ان المقاطاعات و المظاهرات واجب علينا، لازم نعرف ان توعية الناس دول واجب و يمكن فرض كمان، ربنا هيسألنا عملنا ايه بعلمنا...هنقوله ايه
و الله الواحد حزين يا نواره و بيسأل نفسه علي طوا لغايه امتي ممكن تفضل حاجه اسمها العشوئيات في بلدنا..هما اللي ياكنيين و سط أكوان الزباله و معندهمش كهرباء و لا صرف صحي دول مش بني ادميين ...علي العموم خلي الحكومه مطنشه بس صدقيني حيجي اليوم اللي تنفجر فيه قنبله العشوئيات في وجوه الظلمه
تحياتي لكي
الحكومة المبجلة بتقاريرها اللي تنشك فيها قالت ان سكان العشوائيات عددهم سبعة مليون بس في القاهرة
ده غير بقية المحافظات
معلش
الحل مش في ان كل خمسة ينزلوا العشوائيات ويوعوا غيرهم
لازم يبقى فيه مشاريع تنموية
لازم اعادة بناء
لو مش ح تعملها الدولة
يبقى على الاقل تعملها المؤسسات
أول مره بمر علي مدونتك... اللي بسجل إعجابي بيها ..أما بخصوص البوست فالناس دي أكيد في عالم تاني... أو جايين من كوكب تاني... طبعا مش بتريق عليهم... لأن بإختصار إحنا وغيرنا ساهمنا في وجودهم...قد يكون ما سردتيه مضحك ولكنه الضحك الذي يملأ القلب في النهايه بالأسي... بس بصراحه ضجكت أوي علي حكاية الوضؤ الذي ينقض عندما تتكرع أو تشيل إبنها... ياتري
دول ذنبهم في رقبة ميييييييييييين؟؟؟
مين يحس ...زمين يسمع... ومين يفهم ؟؟
آسفه للإطاله...بس البوست يحمل كارثه إنسانيه ومأساه... سلامي ليكي
خايف من الحسد
صحيح ما الكحكه في ايد اليتيم عجبه و عجبي على البلد و المستويات الي باعت البلاطه و الحديده و ماشين بلابيص
الناس دي فعلا بتحسسني ان مصر بقت غلبانه قوي احنا فعلا غلابه
مش عارفه كل اما افتكر ان كلمه مصاري جايه من مصر و اننا كنا بنبعت معونه ماديه للبلاد العربيه من دهب و خير البلد دي ابقا عايزه اعرف الخير ده راح فين
راح فينننننننن
اولا الناس الدول عايشين على الرضا
ثانيا لازم فعلا نقدم حلول وسريعة جدا يعنى مش هنقضى حياتنا كلام كلام وعلى فكرة حنتكلم كان عامل اقتراح وعايز الناس معاه
يعنى احنا مالناش فى السياسة لاننا طلع ومن غير زعل مالناش لازمة يبقى نرجع للعمل الاجتماعى التطوعى البحت اللى مش هنستنى من وراها حاجة
وربنا يرحمهم ويكون معاهم وعلى فكرة اكيد هنتحاسب عليهم كلكم لاننا مش بنحاولوا نقدم اى شئ ليهم
ربــنا يرحمنا
I totally agree with you Amany, the government isn't going to do anything, on the contrary, they are very pleased with the way things are, as long as such people are unaware of what's around them, and they are very submissive to their circumstances and keep assuring themselves that they are better than others, then they will never ask the government to make any changes, they will accept anything that comes their way
And when I said an action is needed I didn't mean that you'd gather a couple of friends and just go to those people and try to teach them, but I meant something like what Amr Khaled project's were doing ( though I am not a fan of Amr Khaled for so many reasons, but that's another issue) ...he was able to gather young people around him to collect old clothes and clean’em and give'em back to the poor, they would cook meals foe poor people in Ramadan, and so many other projects, we are so much better than we think we are, and we are capable of doing wonders
The reason why we never make any progress is that we are very impulsive, when something goes wrong we cry our hearts out then next day we forget all about it, when we try to make a change we expect to see the results a minute after, and when that doesn’t happen for sure we just give up and lose interest and keep saying ( Mafeesh Fayda)
We need to learn how to analyze situations and have a procedure to follow and be able to be more organized, have a plan and actually follow it
Pardon me for writing in English, I don't have an Arabic keyboard and I sometimes use the internet Arabic one which is a pain in the....neck!
نوارة...تفتكرى العيب فيهم ولا فينا؟ ولو انتى وغيرك بطلتوا تستحملوهم..مين ممكن يعمل ده؟
طب و انتي مزعلة نفسك ليه ..
بصي انتي روحي علميهم بأي طريقة يقرو الفاتحة و يصلو كويس و خلاص متساليش ,, لانهم بالشكل ده بعد ما يموتو من الجوع هيخشو الجنة ,,و يبقى انتي عملتيلهم اكبر خدمة انسانية
شكرا
واطيعوا الله واطيعوا الرسول وأولى الأمر منكم
مش تسمعى كلام شيوخدك يا شابة اللى بيعلموكى كدة؟
واللى مش حافظين من القرآن ولا بيطرطشوا فى الاذاعة والتليفزيون الا بالآية دى وبس؟؟
أهى دى بقا ارادة أولى الأمر هنا
وانا باطيعهم
وأهوووو
حاطة على بوقى بلاستر مستورد
ولزقة امريكانى
همممممم
مافيش كلام يتقال فعلا بعد اللي انتي قولتيه ..اصل الحكايه ما تضحكش
وفعلا هم يضحك وهم يبكي
بس كلها هموم
هي دي مصر ياجبهة
ملحوظه بعيد عن الموضوع
عجبتي صورة الضابط ..فعلا بندفعلهم مرتباتهم عشان يعذبوا ولادنا
لا والمتربات بتتدفع تالت ومتلت ..ماالناس كلها بقت تدفع ضرايب بعد الاعلانات المكثفه..حق الدوله امااال ايه .. بس ياعالم بقي حقوقنا هانخدها امتي .
مش بقولك هي دي مصر ياجبهة
أقولك
أنا من زماااان كدة مضحكتش وعيط فى نفس الوقت
والمشكلة إنى بعيط من الحزن الشديد
يابنتى حرام عليكى
كنت نسيت وعمال أنسى
أقولك إيه بس
مش قايل
أولاعلى الجبل في عزبة خير الله أكثر من 40 شخص باعوا كليتهم ب10000 و موبايل و الله العظيم و أنا أعرف منهم ناس و السمسار اللي من المنطقة بيورد الزبائن أغلب من الغلب وأول معرفته بموضوع بيع الأعضاء كان رايح يبيع كليته بس للأسف مانت لا تصلح لأنها بتكون حصوات فقالوا له هات لنا ناس فجاب أخوه و ابتدا بقى يعملها شغلته
وللعلم الفشل الكلوي هناك منتشر و أول ما بدأنا العمل التطوعي كان لمشروع صحي لمساعدة مستشفى خيري هناك و مركز كلى تابع للجنة زكاة مسجد الزهراء أصل أنا باروح عزبة خير الله و اسطبل عنتر و الحجارة والخارطة منذ 1999 و عملنا قروض صغيرة و مشاريع صغيرة وكفالات لمن لا يستطيع العمل و من 4 سنوات عملنا مشغل خياطة و تريكو و أعمال يدوية فيه 15 بنت و سيدة بس ده مش كفاية فحاولنا نعمل مكتب توظيف هناك بس لأن الناس هناك معندهمش حرف ولا مهارات كلهم أرزقية ففكرنا في كل الطرق التنموية الممكنة و أهمها محو الأمية و التوعية و تعليم الحرف السهلة فبدأنا من 6 شهور في التحضير لمشاريع تعليمية و حرفية و أيضا عمل بحوث حالة تفصيلية لدراسة المجتمعات العشوائية بطريقتين كمية و كيفية و أخيرا ان شاء الله آخر الشهر سنخرج بالتقرير النهائي التفصيلي الذى لا يحتوي فقط على معلومات عن المناطق العشوائية و لكن أيضا تحليل للمشكلات و اقتراحات للحلول و أهلا بكل من يريد التطوع في أي نشاط هناك لمجموعة بنيان اسطبل عنتر فنحن بحاجة للمساعدة في مجالات عديدة و كل ده تحت مظلة أكثر من جمعية في المنطقة و خارجها و لجنة زكاة
الحكايه ما تضحكش تبكى تجرح تكسر القلب
لو لسه فيه حته صغيره للفرح المشكله اننا كلنا مساهمين فى صناعه مأساة الناس دول اللى هما حته مننا سكوتنا هوه اللى خرب بلدنا كل اللى عنده دمعه يوفرها الامور وصلت لحد ان الحل الوحيد لها هو الموت
عارفـه المشكلـه فى إيه ؟ فى رد فعل صدمة معرفة الحـقيقـه ... و الأخطـر والأخــطر لو معرفوش وفضلوا كده ,,, لأنهم أول لمــا يجـوعوا ( وفعلا احنا لسه مـدخلـناش فى الفقر المظلم ) هايـكلوا فى بعض مش فى الناس الكبيرة وهايــتحولوا لوحـوش علشان يلاقوا لقمة العيش برده اللى بيدوروا عليها دلوقتـى .... وياريت بلاش اليأس ولازم تروحى وتروحى وتوعيهم على الأقل لو مفهموش مش هاينهشوا فى لحمك لما يجوعوا .. وسلام
مؤلم اوى كلامك
مؤلم لكن حقيقى
تحياتى
يعني وبعدين فيكي ياست نواره
مش لاقيه في مصر حاجه حلوة خالص تكلمينا عليها.
كلمينا علي الاشياء المشرقة مثلا
1- نجاح البعيد في الانتخابات
2-نجاح ابن البعيد في الانتخابات الجايه
3-نجاح مرات البعيد اللى امها ممرضة انجليزية في الزواج من البعيد والعمل منه قرطاس ينفذ الاوامر اللي هو مش فاهمها
4-وبالصدفة كده بدون ترتيب خالص مرات اللي قبله كانت برضه امها ممرضه انجليزيه ونجحت في الزواج من واحد عملت منه ريس وبرضه بالصدفه
اوعي بقى الشيطان يضحك عليكي ويقولك ان في مؤامرة بعيدة المدي ولا حاجه احسن ياختي الشيطان شاطر
ونقول ايه بقي اتلم المتعوس على خايب الرجا. والنبى ياختى تقوليلي مين هو المتعوس
ويجعلها عامرة بالهبل
سامي
الاخت العزيزة نوارة
( الاخت علشان السن قريب من بعض )
باختصار انا معملتش بلوج لان في ناس كتيييييييييييييير موجوده وبتكتب حاجات جميلة وجامدة قوي - زيك كدة-وانا نفسي اما نلاقي حد بيعمل حاجة حلوة نشجعه مش لازم نقلد الا لو حنقول حاجة جديدة ومفيدة
بحري من اسكندرية
معلش انا لازم اعلق
الاخ ( اتفضل عندنا )فهمني غلط جدا
انا قصدي ايه القرف ده مش علي الناس ديه اللي احنا جزء من الاسباب اللي وصلتهم للحالة ديه
انا قصدي علينا وعلي البلد وعلي السبب وبرضه ما اظنش ان نوراة قصدها ان هي قرفانة منهم علشان كده مابترحش
والاخ تحتمس مين قال ان لو هما صلوا صح مشاكلهم حتنحل - هو اي كلام وخلاص - واضح جدا ان اصبح في اتجاه ضد اي مظهر للدين وخلاص حتي ولو علي سبيل نقل الصورة الموجودة
اسف للإطالة
بحري من اسكندرية
موضوع حلو يا نواره
تحياتي
فرق شاسع بين الرضا ب"المقسوم" و الرضا ب"المرسوم" و ده اللي يفقع المرارة لا مؤاخذة
فيه ناس كتير بتفتكر "المقسوم" إيقاع محتاج هز وسط, و خصوصا لما يكون"مقسوم واقع" بلغة المزيكاتية
doudou
يسعدنى المشاركة او الانضمام وعلي استعداد دائم للتعاون والتطوع فى اعمالك
لمساعدةالفئة المطحونة من هذا الوطن
ايضاً يوجد زملاء على الاستعداد التام للانضمام للاعملكم الخيرية
فى انتظار زيارتك بمدونتى المتواضعة
او مراسلتى على الاميل
tamer20011@hotmail.com
ده حاسس انه محط الانظار
لما حققه من مركز اجتماعي مرموق
كشيال ارزقي رأسمالي
فعلا ضحكتيني و في نفس الوقت اتالمت حسيت اد اية الناس دي اغنيا و انا فقيرة
لان عندهم رضا كبير مش عندي
استغفر الله
يا ريت اقدر اساعد الناس دي في يوم من الايام
تحية ليكي على اسلوبك اللذيذ المضحك المبكي
الي الاخ بحري والاخت نواره.. انا آسفه اذا كان كلامي بدا كما لو كنت اهاجمكم، انا ما قصدتش كده بالمره...كل اللي قصدته ان احنا مانفقدش الامل في تغيير الناس دي و مهم تخيلنا ان اللي بنعمله ده قليل او مش جايب نتيجه لازم نفضل نحاول ... انا باعتذر مره كمان عن سوء التفاهم
الاخت العزيزة
اتفضل عندنا
انا استجبت لعزومتك واتفضلت عندك وكتبت تعليق كمان
مفيش مشكلة انا احنا نفهم بعض غلط وبعدين نصحح لبعض
اما حكاية ان احنا لازم نكون عندنا امل فكلي امل انك اما تبقي في سني وتشوفي اللي انا شوفته يكون عندك امل زيي
باي بأه علشان انا بأه شكلي وحش وبإعتذر لنوراة علي احتلالي للتعليقات
بحري من اسكندرية
wel ba7r beyd7ak leeh wana mashia adla3 amla al 2olal
el ba7r 3'a9'ban mabyd7aksh...asl el 7ekaya ma9'a7aksh....2alaha sayd darweesh men zaman we now ente bet2oleeha....bas el so2al hena : hatfdal el 7ekaya ma9'a7ksh le3'ayat emta bas??
:S feelin so fuckin down ya nawara.. rabna ystoor bgad , shakl el 2yam el gaya de soda 2wee..el 2yam el gaya 7tb2a 7''ara bgad....
يا قوم لا تتكلموا
ان الكلام محرم
ناموا ولا تستيقضوا
ما فاز الا النوم
فى مثل بيقول هم يبكى وهم يضحك
والهم ده مش ضحكنى على الشيال اللى شايف نفسه محط الانظار
لكن بكانى على الناس اللى معندهاش ولا حاجه
لدرجه ان واحد زى الشيال يبقى الغنى بتاعهم
بس رغم كل اللى هما فيه ده
عندهم رضا كبير مش موجود عند ناس عندها ملايين وعايشه فى قصور
تحياتى
والله يا ست جبهة هانم مصر طول عمرها كدة بس هو التطور الطبيعي للرضا والخنوع والتشبث بالحبال الدايبة انا فاكرة زمان ان الملك فؤاد و بعده فاروق لما كانوا بيتكرموا ع الشعب بمناسبة فرح ملكي ولا حاجة م الحبشتكنات دي كانوا بيفرقوا صنادل يعني الشعب كان ماشي ع الاقل حافي وعادي الحياة لونها شفتشي ولم يثوروا استنوا لما جه العسكر وقلبوها مراجيح
انا فاكرة ان اخر ثورة قام بيها هذا الشعب كان ف الاسكندرية ايام العهد الروماني اللي بالتحديد ابني عنده عمود ذات الصواري
اللي عاوز يعرف القصة يدور عليها لانها حلوة
هو بس التطور ف أشكال الرضوخ للأمر الواقع والتمثيل ع الذات ان كله تمام احنا احسن من غيرنا وحتي الان لم يستدل علي اسم وعنوان غيرنا دول اللي احنا احسن منهم
نواره في تهديد مباشر موجه إليكي من العبد لله
http://gemyhood.com/?p=124#comment-3368
اديني بنبه الناس بس
هههههههه
سوري يا جماعة
اسمه عمود السواري
اصلي اتحولت من كتر البص ف الشاشة
هي طبعا مش اخر ثورة ف التاريخ بس اخر ثورة قريت عنها
كان لازم اعمل توضيح
يا عم يساري مصر مش كنت تستني شوية
لازم تبقي بين التعليقين
زي بعضه
لقد سرنى جدا طريقه العرض لحاله الناس فى العشوئيات وكيف ان الانسان رفم الصعاب راضى وكانها حاله استسلام وخنوع وهى دى حاله البلد مش العشوائيات بس دى حاله البلد كل
من يريد التطوع
راسلنا على
ghada.gabr@gmail.com
Post a Comment