منعم اتقبض عليه النهاردة الفجر، ونيابة شبرا الخيمة حققت معاه ووجهت له تهم وحبست 15 يوم على ذمة التحقيق
وجهت النيابة لعبد المنعم إتهامات من بينها الإنتماء إلى جماعة أسست على خلاف القانون . وصنع وحيازة صور من شأنها تكدير الأمن العام ( ويقصد بها صور لطلبة معهد التعاون ) . وعقد اجتماعات تنظيمية سرية تستهدف تكدير الأمن العام .
وقررت النيابة فى نهاية التحقيق حبس المدون عبد المنعم محمود خمسة عشر يوما على ذمة التحقيق .
وقررت النيابة فى نهاية التحقيق حبس المدون عبد المنعم محمود خمسة عشر يوما على ذمة التحقيق .
يعني أحرق صور عيد ميلاد أختك الصغيرة
يمكن تكون بتكدر الأمن العام
انا مش عارفة يعني ايه تكدير الأمن العام؟
وماله الأمن العام حساس حبتين كده؟
بيتكدر من أيتها حاجة ليه؟
طيب احنا ح نفضل عايشين في التهم الهلامية دي كتير؟
عموما بدل ما نقعد نخمن مين اللي الدور جاي عليه
لازم نعمل بنصيحة فتحي سرور
اللي قال: على كل مواطن أن يحتفظ برقم هاتف محاميه الخاص معه
في كل مكان حضرتك
في البيت
في الشارع
في الحمام
احتياطي
حسبنا الله ونعم الوكيل
لا يا سيدي
مش خايفين
ها؟
إياك تكون اتصدمت
35 comments:
we will all know more about el takder dah when we get a7kam e7na kaman 3alashan kadarnah
heya banet khalas
elsha3b dah hayedfa3 taman sekouto 3aal el ta3delat
ربنا ياخدهم
بئى عبد المنعم اتسجن بتهمه تكدير الأمن العام!!!! أه تمام تمام
الأمن العام بيفكرنى بالوليه الصايعه صاحبة البيت اللى بتتبلى على الواد اللى مأجر منها الشقه علشان مش عارفه تطوله.
النهارده تتهمك بالتكدير ، بكره يمسكوك لأنك لمست أماكن حساسه..فى الأمن العام طبعا..و دى جنحه يا حلاوه
ايه يا نواره حكايه الجوست المجنون ده اللي طايح في كل المدونات و مش لاقي اللي يلمه
يا ريت تديه كلمتين في جنابه عشان يبطل ينط و يحشر نفسه في اللي ملوش فيه
تحياتي
إنتى يابت يانوارة..مالكيش دعوة بإسمى خاااالص ....وبعد دة كلة مستغربة إن لقبى يادى الكسووووووف مش قادر أقول ...."المخصى.. مع إن واللة العظيم أنا جامد وزى الفل وعندى ولاد كمان
لاكن بهذة الصفة لايمكن يتهمونى بإنى أكدر الأمن العام...... طب إزززززاااااىىىى
وبعدين عايز أسأل شوية أسألة مخصية
1-هوالمدعو ممدوح إسماعيل قاتل ال1300 مواطن فى عبارة الموت لم يكدر الأمن العام ؟
2-هو السيد الوزير السابق"يوسف والى اللى إتسبب فى سرطنة قطاع كبير من الشعب المصرى لم يكدر الأمن العم؟
3-هو السيد الوزير أحمد أبو الغيط إللى خرج بتصريحات ضد الشعور العام غى قضية قتل الأسرى المصريين لايكدرالأمن العام؟
4-هو النهب المنظم للبلد وإنتشار الفساد والإفسادوالفقر المضجع مش بيقد الأمن العام؟
هو تزوير الإنتخابات والإستفتائات ومن الناخبين من الوصول للجان الإنتخابية بمنتهى الصفاقة والسفالة لايكر الأمن العام؟
5- العيش والعيشة واللى عايشينها لايكر الأمن العام؟
6-منع الطلبة الجامعيين من ممارسة حقوقهم الدستورية وتزوير الإنتخابات الطلابيةبمنتهى الوقاحة دة مش بيكر الأمن العام؟
7-...............
8-...............
9-...............
والحبل عالجرار...........!!!!
وأخيرا ما تاخدوش على كلامى ياكبارالبلدوبصوا للإسم اللى فوقوإنتوا تعرفوا أنى أنا مابأذيش خاااااالص
يا فقيد ال؟؟؟؟؟؟
أولا الحاجات اللى انت بتتكلم عليها دى مش بتكدر الأمن، دى حاجات بتكدر الشعب، ماتئعدش تلخبط الدنيا و تدخل الحاجات فى بعضها.
اللى بيكدر الشعب ما يهمش الأمن
واللى بيبسط الأمن بيكدر الشعب
واللى بيكدر السلطه بيكدر الأمن
إفهموها بئى
حلوة اوى تكدير الامن العام دى جديدة فكرتنى بملك الهكسوس زمان لما بعت لفرعون مصر بيقوله افراس النهر فى البحيرة المقدسة فى طيبة بتزعجنى اهو احنا رجعنا لنفس الحالة بكرة هايتمنع الكلام خالص بحكم الدستور وبالقوانين الجديدة ما تيجوا نتعلم لغة الاشارات بتاعة الجماعة الخرس احسن صوتنا يزعج ساكنى قصر العروبة اصل ودانهم حساسة اوى بيسمعوا دبة النملة فى اسوان
أزهى عصور الديمقراطيه
و عجبى
جبهة التهييس
كل شيء متوقع
والله الواحد قرفاااان
حاجة تموع النفس
مش منك ..
من عمايلهم طبعا
يعنى كاتبة موضوع عن المعتقلات والحكومة وان الظباط مبيخافوش من ربنا وحاطة اللينك بتاعى حرام عليكى هتودينى فى داهية
بصى يا ستى حكاية تكدير الامن العام ديه
الريس يقفل الشوارع قبل ما يخرج بساعتين تلاتة والناس كلها تتعطل مصالحها ده مفيهوش مشكلة
اما تطلع مظاهرة تهتف بحياة الريس والحكومة وتقفل الشوارع ده كله عادى مفيش تكدير للامن العام
لكن اما الناس تطلع تقول كلمة حق اما يكون بتوع الاخوان مش على هوا النظام اما الناس تقف على سلم النقابة يعنى لا قفلوا شوارع ولا عطلوا مصالح الناس اما عبد المنعم تكون معاه صور لحاجات حقيقية وضرب وتعذيب بشهادة الشهود واما هويدا طه تروح تسجل حلقات عن التعذيب يبقى ده تكدير للامن العام على رايك الامن العام حساس اوى لاى حاجة ضد الحكومة لكن اما الحكومة تعمل بلاوى الامن العام بينسى حكاية تكدير الامن العام
طب تكدير النظام العام دمها خفيف شويه
ده في حاجات فل اوي زي
تهديد السلام الاجتماعي
تشويه سمعة الوطن
قلب صانية بطاطس الحكم
ولسه
رجاء للمرة الالف
يا ريت يا نوارة تحذفي الاخ شبح ولا تردي عليه وكمان الاخوة المعلقين لا يردوا
هو عايز كده
محدش يريحه
تهمة جديدة نوفيييي
اسمعوا ديه
إظهار نظام الحكم بمظهر الضعف
استر يا رب
طبعا مش خايفين من ربنا ,,, !
مرة الريس طلعت في دماغة - ده بفرض ان عنده-ان يعمل مقارنة بينه وبين حكام تانية فسأل شيخ الازهر مين أحسن انا ولا السادات؟
فرد عليه الشيخ سريعا انت طبعا يا ريس لان السادات كان بيخاف من الجماعات الاسلامية انما انت لا
انبسط اوي الريس فسأله طب انا ولا عمر بن الخطاب؟؟
فتردد الشيخ قليلا ثم هتف فجأة طبعا انت يا ريس !!عمر بن الخطاب كان بيخاف من ربنا انما انت لا طبعاااااااا
وبعدين في
ghost
ابن ال...ده؟
يعني اديهم اللنك بتاع مدونتك عشان يشتموك؟
والله بس انت ما تستاهلش تشتهر على قفايا
وانت اصلا بضيان وما حدش دريان بيك وسايكو
ما تروح مصحة تفك فيها عقدك دي
بالمناسبة انا ح امسح التعلي ..قات
بتاعتك
وبدل ما انت عمالت تتلطع على مدونات الناس
شوف لك حاجة مهمة تعملها
بدل ما اخلي صحابي يرنوك علقة ع القهوة اللي انت بتروح تتمحك فيهم عليها
غوووووووووووور بقى
اعتقد ان الواحد مش هيستغرب لاى اى حاجة تحصل ، يعنى من الناس اللى قيضوا عليهم ناس مش عارفين حتى يقولوا كلمة مديرية ، يبقى ازاى يعنى بيخططوا و يكدروا ،
حسبى اله و نعم الوكيل
نواره
أنا رديت علي تعليقك عندي و ضحتلك رأيي
سعيد بوجودك في مدونتي
:)
تحياتي لكي
طبعا مش بيخافوا ربنا
لانهم لو بيخافوا ربنا كانوا اتقوا الله بدلا من انهم بيهدلولهم ويلفقوا فى التهم هنقول ايه
دولة الظلم ساعة ودولة الحق الى قيام الساعة
لاتحــزن يا عبـد المنعــم ........ فـلَكَ رب عـزيــزمنتقــــم
يحاولون هباءًا وأد الحلــمِ ....... لأنك وجـعـتـهـم بسـن القلمِ
كلنــا أنت نفــديــك بالـــدمِ ........ لنحــررك وتعيش في سلمِ
لن نسكــت عن هذا الظلـمْ ....... تَمَردنـا كـَوْنُنـا من الغنــمْ
هــم يـريــدونهــا حــــربْ ....... فليتحملوا عواقب الكــربْ
سنفـضحـهـم في كل دربْ ...... ونذيـقــهــم طعــم الرعــبْ
ولو إستطاعوا قصـف قلمي ....... سـأكــتـب بقطـرات دمــي
ولو ســـــلـبوا منــي الـــدمْ ....... سأذيقهم كوابيسي في النومْ
سننــاضــل بلا خـــــــوف ...... في حياتنــا وبعد المـــــوت
ولا بيخافوا من ربنا ولا من الشعب ولا من اي حد
هما بيخافوا من امريكا وبس
يعني رايح يقول أنا إخوان في هاذوها الوكت طاب ينفع كده يعنييييييييي
الأخ أوخوان مكدر الأمن العام؟؟؟؟؟؟؟؟؟؟؟؟؟؟هو ولا مؤاخذة يعني الأمن العام منين؟؟؟؟؟؟؟من أي منتشة يعني؟من الحطابة عند ستي أطاطة ولا من العزبة ولامؤاخذة و مش هاقول عزبة ايه
طيب نتخرس ونحتش المؤاخذة شبشب في بوقنا علشان احنا غلابة معندناش جزم و لامؤاخذة
و انتوا يا مدونين اخرسوا بقى أأأوففففف جاتشكم الغم
يعني بقى هايبقى فيه كمان تهمة التهرش قصدي التحرش بالأمن العام في الجونينة أو على الكوبري و لامؤاخذة يا أبلة
و كمان تهمة هتشك عرض الأمن العام
السؤال بقى هل يوجد فرق بين دعارتش الأمن العام و آداب الأمن العام يا أبلة؟كته يا أختشي
يعن برضك حتشى لو احنا موش منكابين ولا حاجة
الله ..طب والله حلوة دي
تكدير الامن العام
اظهار نظام الحكم بمظهر الضعف
وبكرة نلاقي
التسبب في اكتئاب واسهال للهيئه السياسيه العليا
وعجبي
يا جماعة بلاش سخافة وكلام ماسخ امال...يعني يرضيكوا يعني ان الناس الأغراب الي بره بتوع اللغات الأجنبية الي العميل منعم بيخاطبهم يعرفوا ان بلدنا مليانه بالعفن.. ده حتى عيب....ليها حق البت وتر جته الصايعة بتاعت الشبان تبلغ اخوها الكبير الأمن العام..فبسلامتة يتكدر...هو برضة حسيس و اي كلمة تمس شرف اختة توجعة..مهو احلى من الشرف مفيش...بالمناسبة يا نوارة...وحياة ابوكي تتوسطيلنا عند الأخ دودو الي حطيلنا دعوة بالبنط العريض عندك عن المشاركة الفعالة و بعديها خلع مننا خلعة سودة...ولا عارفين نجيبلة بروفيل ولا نوصله لبلوج...انت برضة شكلك واصلة وعارفة كبارات البلد الاصحاء والي كذا كذا...فونبي اشمليني بنظرة...يمكن يعملك خاطر...ولا مؤاخذه عالتطويل و يجعله عامر..
وتستمر معاناة البلوغرز المصري والعربي ولا نعلم من التالي....
نوارة بعد غياب طويل ..قصير... عدت أتمنى زيارتي مرة مرة في بلوغي
شكرا
معلش هطول عليكم بس حبيت اقول كلمتين متمثلتين في اشعار عمي وعم الكل احمد فؤاد نجم
طاطي راسك طاطي طاطي .. انت ف وطن ديمقراطي .. انت بتنعم بالحرية .. بس بشرط تكون مطاطي
لما تكون شغال بذمة .. خايف على مصلحة الأمة .. شغلك يطلع من غير لازمة .. علشان مبيعلاش غير واطي طاطي راسك طاطي طاطي .. انت ف وطن ديمقراطي
لما حاميها يكون حراميها .. وبلاده ورا ضهره راميها .. طالع نازل واكل فيها .. مسنود بالبدلة الظباطي طاطي راسك طاطي طاطي .. انت ف وطن ديمقراطي
لما شقاك يصبح مش ليك .. فقرك سد السكة عليك تتلفّت تلقى حواليك .. إما حرامي و إما عقاطي طاطي راسك طاطي طاطي .. انت ف وطن ديمقراطي
لماتلاقي بلاد الدنيا .. فيها البني آدم حاجة تانية .. وانت في الطبقات الدنيا .. قرد مسلسل أو وطواطي طاطي راسك طاطي طاطي .. انت ف وطن ديمقراطي
لما الجهلة يبقوا أمامك .. أو فوقك ماسكين ف زمامك .. ويسوقك ع الهلكة إمامك .. تشرب م السم السقراطي طاطي راسك طاطي طاطي .. انت ف وطن ديمقراطي
لما الكلمة تكون بتدينك .. لما تخبي ف قلبك دينك .. لما الذل أشوفه ف عينك .. هات إحباطك على إحباطي طاطي راسك طاطي طاطي انت ف وطن ديمقراطي .. انت ف وطن ديمقراطي
ولهذا يجب ان نوطي او نطاطي والكلمتين بيادو نفس المعني وشكرا
أنـــــــــــــــــا
يا اخوانا انتوا مش واخدين بالكوا
اصله نشر صور
ودي اعراض ناس
فهمتوا؟
لا تشبعا يا أختش دودو
دشعارة الامن العام تشختشلف عن دشعارة الامن الكومي
ودشي مسائل مافيهاش فصال سيان كنتشي حاطشة التشحجيبة او منكبة او مسيبة شعرك
فهمتشي؟
ملحوظة
قصيدة طاطي
مش تأليف احمد فؤاد نجم
دي بتاعة هادي مراد
من سخريه القدر
اننا دوما نتحدث بفضوليه وسمو
ولكننا
بين قوسين كلنا
نرتكب افعال العوام والجهله
نعتز بحيوانيه الانسان رغم انكارنا لها
ننصب المشانق لداروين
رغم اننا اقوى دليل على صدق نظريته
عفوا ايتها الانسانيه
لم اعد املك من القرابين ما اقدمه لك
الا البحر
فهل تقبليه منا
قربانا عن ما اقترفناه فى حقك
لك الله يا وطن
السادة المتطوعون
راسلونا على العنوان التالي
ghada.gabr@gmail.com
و سوف نرد في خلال 24 ساعة
و نخبركم بكل النشاطات
امضاء
الأخ دودو
آآآآآآآآآآآآآآآه
شفتوا صندوق الخير المقترح 5 مليارات جنية لدعم الفقراء في كل المجالات و خاصة الصحية وقد كان ذلك في البرنامج العظيم البيت بيتك الذي يمتاز بالشفافية الكاملة و هذا الإكتشراح من الزيد وسير الصحة و المفتي صدمتي فيه كبيرة
سؤال بسيط: من إمتى السجن كان سلاح قتل الكلام؟
كلمتين مني إهداء لعبد المنعم و كل واحد شاف الويل علشان كتب كلمة حق
كما العبيد أسير
من أول ما أتولدت
و الأصل إني حر
زي العصفور أطير
و حولي ألف سد
و سنين عمري تمر
جوه السجن الكبير
بالحرية حلمت
و صحيت على نار و ذل
لقيت جنبي العساكر
شمال .. يمين .. أمام
ثم للخلف در
يا ناس عشي الصغير
مش أرض معسكرات
و الحلم جوه قلبي
من قبل ميلاده مات
خايفين من أيه يا أقوي
من مليون حد زيي
بيكرهوا السكات؟
أملاكنا كلام هزيل
ع النت و ف الجرايد
و شوية لافتات
يا ريت بس تسيبونا
نفضفض و السلام
من أمتى السجن كان
سلاح قتل الكلام؟
طيب انا حأحرق صورى فى الجامعة
أحسن يفتكرونى بأكدر الأمن العام
وحأحرق صورى فى المصيف
أحسن يفتكرونى بأهيج الرأى العام مع انى بالزى الشرعى
وحأحرق صورى فى الأقصر
أحسن يقولوا انى بأضرب السياحة والرأى العام
وحأحرق فى بيتان يمكن بيكدر الأمن العام
وحأحرق الشجر اللى ادام بيتنا علشان ميكدرش أمن الدبان العام
بسيطة يعنى
نوارة
أنا مش عارف أعمل إية
أصل الأمن العام جالى و إتهمنى إن أنا السبب فى اللى هو فية أصلى عملتيلوا أشعة وخبيت عنة أنة متكدر و التكدير دة ضرب فى مخة وكان ممكن يلحقوة لو كنت قولتيلة الموضوع من الأول
أتصرفى إنت بقى لأنهم شكلى حيعتقلونى الأول
يا ست نوارة
معلش علشان فهمي تقيل شوية- مين فهمي ده - ايه حكاية عبده؟؟
ده ليه علاقة بيوم الاعتصام اللي كان قبل الاستفتاء؟؟والصورة اللي اتنشرت
لس....علي احدي المدونات ؟؟؟
لو إللي انا استنتجته صح قولي آه
علشان افهم حكاية عبده اللي في حته
سيدتي الجميلة
طبعا ان من قراء مدونتك و بحيكي و بشجعك جدا
و انا مش هعلق على البوست ده لانى معنديش كلام يتقال بعد كلامك
بس هعلق على الاغنية اللى انتى حطاها
بجد اختيارك رائع
هو مش عشان الاغنية حلوة
بس فعلا رد بليغ جدا
ديما بتعجبنى اراء و كلامك
حتى اغنياتك
و بالتوفيق دائما
نا جالسين وإذا بتليفون لنجم جعله يكفهر، قررت إدارة مسرح الجنينة بحديقة الازهر إلغاء حقل فرقة مش عارف إيه بعد أن تلقت مكالمه من سكرتير عام محافظة القاهرة وقيادة أمنية بالمديرية وبررت إلغاء الحفل بان أغانى نجم تكدر الصفو العام
اتجه نجم برأسه الينا وملؤ وجهه الانزعاج وسألنا ببراءة شديدة يا عيال حد فيكم عارف هو إيه الصفو العام، أجبنا بكل بلاهة وصدق لا والله يا عم أحمد ولو نعرفه منعزهوش عنك بتسأل ليه الحكاية إيه
قالنا انهم لغوا حفلة لفرقة بتغنى أغانى إمام اللى انا كتبهاله وبرروا ده إنى باكدر الصفو العام
قلت له طب بدل ماتحيرنا أحنا وتقعد تسألنا واحنا م الآخر مش هنفيدك لإننا زى مانت عارف وخابر احمره متفهمش فى الحاجات دى ماتبعتلهم تقولهم هو فين الصفو العام اللى انا كدرته ولو هو بنى آدم زينا روح وحب على راسه وانت ياما خبطت فى الخلق يمكن يكون واحد منهم وشايلك من فتره
نجم مصمص شفايفه وقال لأ أنا اعتذرله فى ميدان عام وقرر عمل أمسية فى ميدان طلعت حرب يقدم فيها علانية اعتذاره لفخامة الصفو العام
كتب مقالا بهذا المعنى بعد ذلك اعتقد انه نشر فى الدستور
وتوالت عليه التهانى من تهديد بهدم مجلس قيادة السطوح إلى تحرشات بأقارب المدام الغلابة الأمر بدأ ولم ينتهى بقصيدة يا عريس الدولة وهنا سكت شهريار عن الكلام المباح
Post a Comment