Thursday 30 June 2011

فيديوهات/ التحرير


انا جيت استحمى واريح شوية ونازلة اهو ودول اتنين فيديو صورتهم يوم 28 بالليل
دي شهادة احد المصابين اللي كانوا معتصمين في ماسبيرو



ودي مطالب اهالي الشهداء اللي وزعوها علينا امبارح:


1- مطلوب ضم جناية حسني مبارك وجميع جنايات قتل المتظاهرين واصابة الثوار بالقاهرة الكبرى لجناية حبيب العادلي الى القضية رقم 1227 لسنة 2011
2- مطلوب تفرغ هيئة المحكمة المختصة بقضايا قتل واصابة الثوار بعد ضمهم ولحين الفصيل فيهم
3- حبس جميع الضباط وامناء الشرطة المتهمين بقتل اواصابة الثوار احتياطيا لوقف تأثيرهم على الشهود
4- مطلوب توسيع دائرة الاتهام بقتل واتصابة الثوار لتشمل:
- احمد نظيف رئيس مجلس الوزراء السابق
- انس الفقي وزير الاعلام السابق
- طارق كامل وزير الاتصالات السابق
- حاتم الجمبلي وزير الصحة السابق
5- مطلوب نقل وقائع جلسات المحاكم مباشرا على التلفزيون المصري لما له من اهمية
- تحقيق لمبدأ الشفافية
- المردود الايجابي على الاقتصاد المصري
- انهاء حالة الاحتقان الشعبي في هذا الشأن
6- صرف معاش استثنائي فوري لجميع مصابي الثورة مع علاجهم على نفقة الدولة بالداخل والخارج
-----------
امبارح مالك عدلي بيقول لي العيال اللي كانت بتشتبك مع الداخلية عن الوزارة عمالين يهزروا مع بعض وبيجروا ناحية الرصاص وهم بيهرجوا ويقولوا: يالا بقى نستشهد احنا عملنا ذنوب كتير في حياتنا... ويقول لي اقول للعيل فيهم ياد ارجع شوية يقول لي: لا انا رايح اخد طلقة، انا جاي اموت.. ويروح ضاحك ويقول له: اصل عملت ذنوب في حياتي
وزي ما احنا عارفين دي طبيعة اي بلطجي في الدنيا
وانا كبلطجية ماسونية حافضل قاعدة مع ائتلاف شباب بلطجية ثورة 25 يناير زملائي
ده فيديو برضه صورته يوم 28 لائتلاف بلطجية الثورة

يالا.. اشوفكم هناك بقى
اه نسيت.. المدون والناشط لؤي نجاتي اترحل على السجن الحربي بوصفه احد البلطجية اللي هجموا على ماسبيرو!!!!!!!!!!!!!
انبي تعوض عليا عوض الصابرين يارب



بيقول حنموتكوا يا ولاد "المتنـ.." هههههههههه حيموتونا؟ على اساس ما عملوهاش قبل كده؟ وعلى اساس احنا اصلا بنخاف من الموت؟ هم مش جربونا ولقونا مستبعيين على عمرنا؟ ما يجربوا حاجة تانية؟ يجيبوا لنا بون بون زي ما شفيق قال


31 comments:

مهندس مصري بيحب مصر said...

علشان لما نقول يسقط المشير و المجلس العسكري كله تبقوا تصدقونا
قعدتي تليفيهم و تداديهم و هبطتي الناس إنتي و بلال فضل في عز ما كانوا هايجين على المجلس العسكري و حيأكلوه بسنانهم
على الله تكوني عرفتي الحقيقة دلوقت
المجلس الأوطى طلع رسالته الأخيرة على الفيس بوك بيطالب الثوار الشرفاء بإجهاض اللي بيحصل في التحرير

عصام قرف طلع شرابة خرج و أصلاً كان عضو في لجنة السياسات في الحزب الوطني و كان وزير في حكومة نظيف

أكتر من نص الوزراء زبالة و النص التاني ملوش لازمة

يسقط المشين طنطاوي و يسقط المجلس السمكري

قعدوا يخدروا الناس و يدخلونا في متاهات علشان يجهضوا الثورة
ديكتاتور ديكتاتور و الطنطاوي عليه الدور
الثورة تريد إسقاط المشير
المجلس السمكري هو آخر درع للنظام و لو سقط يبقى حيسقط النظام
و الشعب يريد إسقاط النظام

freedom4ever25 said...

ربنا معاكي يا دكتوره يا بنت مصر يا اصيله انتي وكل الدكاتره الشباب البلطجيه الماسونيين اللي معانا وان شاء الله الثورة هتكمل واللي بيخاف يروح. بس لازم اقول حاجه من خلال قرائتي للمشهد كله . لأن في ناس كتيير ألتبس عليها الأمر بسبب قناة الخنزيرة اللي واضح مسارها اللي اتخذته بعد الثورة في محاولة بائسه لمنع اكتمال الثورة لأسباب كثيرة مش مجالها دلوقتي .. المهم قرائتي هي
أغلب الناس اللي مش عايزة تدفع ثمن استكمال الثورة بيضحكوا على نفسهم عشان ماينزلوش التحرير تاني . وبيقعدوا يبرروا لنفسهم (أه أصل المجالس المحليه يبقى دوول بلطجيه..أه اصل عايزين يأجلوا الانتخابات اللي احنا هنفوز بيها..أه اصل دوول بتوع شباب الثورة واللبراللين والعلمانين والملحدين دوول بتوع الدستور اولاّ) والكلام اللي بيشتغلوا نفسهم يه ده . وكأنهم شايفين ان البلد اتصلحت وكل حاجه بقت زي الفل وخلاص بقى نركز في السياسه!!!بالذمة مش عيب؟؟ اللي عايز يشتغل نفسه هوه حر . بس ماينفعش نسمحله يشتغل الناس معاه ويضللهم.. اللي عايز يعرف ايه اللي حصل في التحرير واللي حصل عند مرح البالون سهل جداّ ..بس لازم يعرف الأول ويسأل نفسه ايه اللي حصل عند ماسبيرو وقبلها ايه اللي حصل في محاكمة العادلي وقبلها وقبلها وقبلها..الموضوع وما فيه يا ساده ان اهالي الشهداء جابو أخرهم وقربوا يكفروا وماحدش سائل فيهم. اهالي الشهداء معتصمين عند ماسبيرو بقالهم ايام عشان يبقوا قريبين من التلفزيون على الله حد يسألهم انتوا واقفين ليه أو يوصل صوتهم وشكاويهم. وللا تفتكروا يعني رايحين عند ماسبيرو عشان نفسهم يشوفوا المبنى؟!!!لكن للأسف لا حياة لمن تنادي ولا اي حد عبرهم ووصل صوتهم للناس؟؟واللي عايز يعرف ايه اللي وداهم عند مسرح البالون لازم يعرف ايه اللي وداهم عند ماسبيرو.. اللي وداهم عند ماسبيرو 1- التباطؤ الفاجر في محاكمة قتلة اولادهم 2- التواطؤ في احالة قضية العادلي(الكلب حبيب كما يحبون ان يسموه) الى قاضي فاسد مشهور بلقب (قاضي النظام) وله سوابق سوداء مع المعارضين من كل التيارات.3- الضغط علىهم من اجل التخلي عن القضايا المرفوعه على كلاب الداخليه المتهمين بقضايا قتل الثوار اللذين لا يزالون يمارسون اعمالهم بصفة طبيعيه وفي مناصب عليا ويؤثرون على المحاكمات وعلى اهالي الشهداء بالترغيب والترهيب أي بالمال وتلفيق القضايا 4- القشه اللتي قسمت ظهر البعير تأجيل محاكمة العادلي قاتل ابنائهم..ولذلك ذهبوا الى ماسبيرو ..المرحله الثانيه ( المسيرة الى مسرح البالون )

freedom4ever25 said...

عندما سمعوا بأن هناك أحتفال وتكريم لأهالي الشهداء في مسرح البالون ذهبوا لكي يطالبوا بالمحاكمة اولاّ وليس التكريم ويتضح ذلك من خلال هتافاتهم ..(مش عايزين فلوووووس بينا وبينهم دم)واللي عايز يتأكد يشوف مسيرتهم من امام ماسبيرو حتى الوصول الى البالون على اليوتيوب وهناك ارادو ان يدخلوا الى المسرح لأقناع اهالي الشهداء المزعوم وجودهم بالداخل بعدم قبول حضور الأحتفالات قبل القصاص لدم ابنائهم لأن ذلك يعتبر تفريط في دم شهدائهم وسيستخدم اعلاميااّ ..والله أعلم . ولكن امن المسرح منعهم من الدخول فاضطروا الى تسلق البوابه المغلقه وبالطبع اكثر المشاركين من الرجال الكبار والنساء لم يتمكنوا من تسلق الباب ولكن من دخل الى داخل المسرح وجد ما يستفزه اكثر وهي لوحه مكتوب عليها اسم المخلوع اللذي قتل ابنائهم . وذلك يدل بما لا يدع مجال للشك انهم ليسوا بلطجيه ولا من الفلول لأن البلطجيه والفلول أيد واحده وأبوهم كما يقولون هو المخلوع مبارك المدون اسمه على لوحة مسرح البالون...وهنا حسب بعض الروايات وكما هو موضح على اليوتيوب خرج عليهم من جاء من كلاب الشرطه وبمساندة البلطجيه واعتدوا عليهم واحتجزوا عدد كبير منهم بالأضافة الى ام شهيد (سحلوها عندما كانت تطلب منهم ترك بعض الشباب اهالي الشهداء) حسب رواية طبيب في لجنة تقصي الحقائق ثم اخت شهيد واخوه ثم بعد ذلك اطلقوا سراح الام والاخت وتحفظوا على الاخ حسب بعض الروايات !!! عند ذلك ذهب اهالي الشهداء لوزارة الداخليه للتظاهر والاحتجاج على المعامله اللتي تلقوها من الشرطه فقابلتهم الشرطه ايضاّ عندوزارة الداخليه بالقنابل المسيله للدموع واشياء اخرى وعندما دفعوهم الى ميدان التحرير كان قد تجمع معهم النشطاء والثوار وهنا تبدأ المهزلة المصورة على نطاق واسع .(من استعانة الشرطه بالبلطجيه وحملهم لصناديق القنابل الملوتوف وسب المتظاهرين بألفاظ نابيه من ازاعة الامن المركزي والتوعد لهم بتربيتهم . ورقص أحد الضباط بالسيوف ولا يسألني احد من اين جاء بالسيوف (لأن الشرطه والبلطجيه أيد واحده) واشارته للمتظاهرين بأشارات خداشه للحياء .هذا بالاضافه الى اطلاق القنابل المسيله للدموع جديدة انتاج مايو 2011 لعدم التسبب في مشاكل صحيه للمتظاهرين . بالأضافة الى قنابل من انتاج 1987 !!!رما للتخلص من المخزون القديم؟؟؟ ويتم قذفها بطريقه افقيه اي تصيب اشخاص مباشرة واضافة نوع جديد حسب رواية احد الناشطات المعروفة (بأم مصريه) من القنابل التي تتسبب في تشنج وشلل مؤقت (غاز اعصاب) بالاضافه للرصاص المطاطي والخرطوش . وبعد كل ذلك وعندما يقول وزير الداخليه لنشطاء من شاب الثورة انه أصدر أمر بوقف التعامل مع المتظاهرين لا ينفذ هذا الأمر او هذه التعليمات على الارض من تشكيلين امن مركزي في ميدان التحرير (على حد قول نشطاء شباب الثورة) !!!فياترى من يحكم وزارة الداخليه ومن له الكلمه العليا فيها ؟؟...بعد كل هذا هل يشك انسان يحترم عقله وضميره ان ثورتنا في خطر؟ وأن الشرطه ومؤسسات الدوله بوضعها الحالي تؤتمن على المرحله الانتقاليه؟؟ (أشك) ولذلك مرحباّ بيوم جمعة الحساب والاعتصام المفتوح 8 يوليو في كل محافظات مصر اللتي تم تجاهل مطالبها من اكثر من شهرين الى الأن وياحبذا لو اقتربت الى الجمعه 1 يوليو والشباب معتصم في التحرير من الان (ملحوظه)...كل ما ورد في هذه التدوينه مجمع من خلال مشاهدة رواية جميع الاطراف على الانترنت والفضائيات وليس من مشاهدات على ارض الواقع ... ده اللي عندي وياريت يا دكتوره لو في عندك اعتراض او اضافه توضحيه لينا ونكون لكي من الشاكرين

princess verona said...

ربنا يفك اسره يارب ماهو ده اللي الجيش فالح فيه يعتقل البرئيين وخلاص

princess verona said...

ربنا يفك اسره وهو الجيش مش فالح غير ف كده سجن البريئين بس !!!!!!

إيمان هلال said...

يا بلطجيه ايه يا لالالى عايزين شويا ايه يا لالالى

http://www.tumblr.com/dashboard
اللى يعرف يعمل صورة احسن يعملها ويحط اللنك بتاعها....
انا بلطجى يا حكومه حد عنده مانع ؟؟؟؟

jehad said...

نوارة ربنا معاكم ربنا معاكم ربنا معاكم وياريتني معاكم ياريت انا في السعودية واتمنيت اكون معاكم وقت الثورة وكتبت لك كتير والوقتي نفسي ابوص ايد كل ام شهيد ارجوكي ارجوكي بلغي سلامي ليهم وبوصي راسهم وايديهم وقوللي لهم كلنا معاكم

Unknown said...

حسبى الله ونعم الوكيل ف اللى يقول عليكم بلطجيه واعتصام حتى يسقط النظام

Unknown said...

طب اسمعي الفيديو دة كمان يا نوارة وابقي قولي رائيك
http://www.youtube.com/watch?v=MlbT9d7H_2k

مازن بدرالدين said...

لازم نضغط عليهم يلغوا وزارة الدخلية و تقسم الادارات و الاجهزة المختلفة حسب تخصصاتها .. يعني اجهزة المباحث كلها تتبع وزارة العدل .. المرور و مديريات الامن و قوات الامن تتبع المحافظات التابعة ليها اللي هيكون ليها محافظ احنا منتخبينه .. عشان نضمن انه ما يسلطش عساكره علينا .. الادارات المتخصصة تتبع الوزارات المختلفة زي السياحة و الكهرباء و التموين و المواصلات الخ. يا جماعة النظام دا مش اختراع .. دا متبع في دول كتيرة جدا منها امريكا اللي بتدعم الحرية و حقوق الانسان على ناسها بس و تيجي عندنا تدعم الفلول اللي لسه بيحكموا البلد. الطريقة دي في ادارة اجهزة الشرطة تضمن ان ما يكونش فيه وزارة داخلية اقرب ما تكون لقوات مسلحة بس متسلطة على الشعب .. بل اجهزة شرطية تقوم بشغلها صح لأن كل جهاز فيهم بيتبع الوزارة المتخصصة في عمله .. وتبقى الشرطة مسؤولية كل الوزراء و المحافظين بدل ما تكون مسؤولية وزير واحد ما يعرفش حاجة غير انه يحرس النظام و يعذب الشعب و يتغر بالسلطة اللي في ايده..

مازن بدرالدين said...

لازم نضغط عليهم يلغوا وزارة الدخلية و تقسم الادارات و الاجهزة المختلفة حسب تخصصاتها .. يعني اجهزة المباحث كلها تتبع وزارة العدل .. المرور و مديريات الامن و قوات الامن تتبع المحافظات التابعة ليها اللي هيكون ليها محافظ احنا منتخبينه .. عشان نضمن انه ما يسلطش عساكره علينا .. الادارات المتخصصة تتبع الوزارات المختلفة زي السياحة و الكهرباء و التموين و المواصلات الخ. يا جماعة النظام دا مش اختراع .. دا متبع في دول كتيرة جدا منها امريكا اللي بتدعم الحرية و حقوق الانسان على ناسها بس و تيجي عندنا تدعم الفلول اللي لسه بيحكموا البلد. الطريقة دي في ادارة اجهزة الشرطة تضمن ان ما يكونش فيه وزارة داخلية اقرب ما تكون لقوات مسلحة بس متسلطة على الشعب .. بل اجهزة شرطية تقوم بشغلها صح لأن كل جهاز فيهم بيتبع الوزارة المتخصصة في عمله .. وتبقى الشرطة مسؤولية كل الوزراء و المحافظين بدل ما تكون مسؤولية وزير واحد ما يعرفش حاجة غير انه يحرس النظام و يعذب الشعب و يتغر بالسلطة اللي في ايده..

د/احمد فهمي said...

اول مطلب يا نوارة تغيير النائب العام لانه اول المتسببين في تأخير المحاكمات ولانه في ايده يحل المشاكل كلها لكنه من ايام مبارك واضعف من انه يعمل حاجة

esraa said...

خليني اقلك خبر انت نفسك متعرفيهوش الثوار علموا الداخلية درس و انتصرتوا عليهم للمرة التانية الداخلية انسحبت تاني من ادامكوا بعد مغلبتوهم فيه فيديو في الوفد العيال هروهم ضرب ضرب من الي ياخدلك حقك و حسبي الله و نعم الوكيل في كل حامي لكل ظالم

الخوجة said...

#Egypt #Tahrir #jun8 #Portotora كل الثوار والشعب يريد نقل وقائع المحاكمات بالتلفزيون

#Egypt #tahrir #jun28 -رجعنا الميدان

محمد نبيل said...

المجلس العسكرى لا ينوى على ديموقراطية ولن يدع الشعب ينتخب رئيسه بحرية. هذا مايجب أن نعرفه من الآن. سوء نية المجلس العسكرى فى هذا الشأن تمثله المادة 28 من الاعلان الدستورى وهى خطيئة، بل مصيبة، دستورية، تعطى عمليا للجنة الإنتخابات الرئاسية سلطة تحديد رئيس مصر القادم فى ظل حصانة مطلقة من أى طعن أو اعتراض. هذا المقال يوضح عوار هذه المادة.

http://www.almesryoon.com/news.aspx?id=65172

حسن محمد على said...

المجلس العسكرى يمثل علينا دور الغبى,وهو اخراج دراماتيكى جديد لسياسة حسنى مبارك المشهورة ب"سياسة تصدير الودن الطرشة

Khaled Moussa said...

كلنا بلطجية ومحلاها البلطجة حتى تسقط قهوة المعاشات وبواقى مقاسات النظام لنبنى مصر من جديد كما يجب أن تُبنى لا كما يريد هؤلاء الأموات أن يبنوها للحفاظ على مصالحهم وامتيازاتهم

د. هانى احمد said...

اغنيه رائعه فى وقتها....يا مصر هانت وبانت ..كلها كام يوم

http://www.facebook.com/video/video.php?v=204425922937355

hardway said...

نـرنـر..ايه الفيديوهات المضروبة دي
فين فيديوهات سلمي سعيدو أمينة و ليلي حسن سليمان الي كانوا معاكي....عايزين نتفرج علي البلطجية البنات....
عايزين نتفرج علي البنات الي نازلين ميدان التحرير الساعة واحدة ليلا وهم علي علم كامل بوجود انفلات امني وضرب ومظاهرات ودعك و فرك في ميدان الذكريات
اوعي يكونوا من عينة بلدوزر رشا عزب
وحياتك...عايزين نتفرج علي بلطجيات
الساعة واحدة فجرا

hardway said...

نـرنـر..ايه الفيديوهات المضروبة دي
فين فيديوهات سلمي سعيدو أمينة و ليلي حسن سليمان الي كانوا معاكي....عايزين نتفرج علي البلطجية البنات....
عايزين نتفرج علي البنات الي نازلين ميدان التحرير الساعة واحدة ليلا وهم علي علم كامل بوجود انفلات امني وضرب ومظاهرات ودعك و فرك في ميدان الذكريات
اوعي يكونوا من عينة بلدوزر رشا عزب
وحياتك...عايزين نتفرج علي بلطجيات
الساعة واحدة فجرا

Ahmed . M . Abdulrahman said...

ها انا قد عدت بعد شهر كما قلت
ولاكن وجدت ما يثير الاعصاب لدرجه الجنون

الداخليه العجيبه ذات الاوصاف الرهيبه

نحن اول الخاطئين لاننا لم يكن علينا ان نترك الميدان الا بعد خطه تطهير شامله مُجدوله

نحن انسحبنا بدعوى ان شرف من الثوار

ووضعنا فى بطوننا " البطيخ الصيفى "

قلتها و ساقولها الاف المرات

على الشعب الا يضع ثقته الا فى نفسه

من خرج و استشهد من خرج واصيب مخرج ونام على الاسفلت من خرج و استحم بطرمباط مياه الداخليه
منخرج و استنشق الغاز الملعون

لم يكن يريد ان تأول الاحوال الى هذا

لا تغير و لاتعديل ولا تطهير

مجرد ديكور مختلف او صوره بزاويه مختلفه

وبرائه شرف انطلت على الناس

ولاكن القدر هو القدر

شرف مجرد ديكور

لان الوزراء السابقون هم الوزراء السابقون

الداخليه هى الداخليه بكل قياداتها

الاركان هى الاركان

حتى مباحث امن الدوله

اصبحت جهاز مباحث الامن الوطنى

على طريقه الحزب الوطنى الديموقراطى

يصبح الحزب الوطنى الجديد

مجرد تغير ف الشكل

و الحقيقه هى الحقيقه

ثورتنا ناقصه

لاننا لم نطهر ولاننا لم نرفع مبدأ

احقاق الحق

الكل لهث كما يلهث الكلب

على تركه السلطه فى الدوله

فهذا يرفع شعار و الاخر يسقط شعار

وهذا يكفر و يؤمّن

و هذا يسب وهذا يلعن

و بين كل هذا الشعب فى المنتصف

ينعصر كما تنعصر البرتقاله

ضغطاً على الكرامه والحريه و الاراده

و الوجود و الحقوق

وكان الشعب احد الكماليات او جزء من المزرعه

هم السوائم فى الحظيره

وهذه نقطه خطيره

فظن من يطلقون على انفسهم النخبه

اننا فى حكم ارستقراطى

ونسوا ان و جودهم سببه الشعب

و الشعب قادر على ان يعصف بخيامهم الهاويه

من شعارات كاذبه و امانى خياليه

انا ارى الشعب هو الشعب

كما يقال " شيله واحده " لا فرق عندى بين اى من اطرافه

لانهم عندى كلهم مصريون قبل اى شيء

و المصريون هم الدوله فلا مصر بلا شعب

وما تفعله الداخليه ما هو الا رساله مفادها

ان الشعب جزء من الديكور ديكور الديموقراطيه

وان الثوره تحولت من ثوره بمعناها الحقيقى الملموس الذى لا وجود الا له

الى الثوره التى يريدها المجلس العسكرى و النظام السابق الحالى

ثوره دواجن او ثوره ديكور

تُتناول على السنه النخبه العجيبه التى امتلئت كروشها

انها سياسه الضحك على الذقون

انا لن ايأس لانى اعرف ان النخبه الحقيقيه هو الشعب

الشعب هو النخبه و الشعب الحاكم و الحكم فى القضيه و انا احد اجزائه

انا فرد من افراد الشعب

ولن اترك حقى تذره رياح الاستهبال

ادعوا من كل قلبى ان يوفقكى الله يانواره

و كالعاده

سلام مؤقتاً يا نواره

blueroseash said...

حبيبتي اخيرا عرفتي انهم بيلعبو بينا وبيرقدو عشان الانتام على فكرة في كلام ان لجنة الوفاق القومي عايزاهم يقبضو على المحرشين وانتي من ضمن الاسامي شوفتي مساحات التفكير اليقة بدل مايصلحو
مفيش تغيييييييييييير احنا اضحك علينا من الآخر

e said...

ﻣﺠﻠﺲ ﻣﺒﺎﺭﻙ ﺍﻟﺴﻤﻜﺮﻱ ﻻﺯﻡ ﻳﻐﻮﺭ ﻓﻲ ﺩﺍﻫﻴﺔ ﻣﺒﺎﺭﻙ ﻗﺎﻋﺪ ﻳﺴﺘﺠﻢ ﻓﻲ ﺷﺮﻡ ﺍﻟﺸﻴﺦ ﻭﻋﻴﺎﻟﻪ ﻗﺎﻋﺪﻳﻦ ﻓﻲ ﺟﻨﺎﺡ ﺧﻤﺲ ﻧﺠﻮﻡ ﻭﺍﻟﻔﻠﻮﺱ ﻣﺮﺟﻌﺘﺶ ﻭﻼ ﺣﺎﺟﺔ. ﻭﻭﻼﺩ ﺍﻟﻘﺤﺒﺔ ﻓﺎﻟﺤﻴﻦ. ﻳﻜﺸﻔﻮﺍ ﻋﻠﻲ ﻋﺬﺭﻳﺔ ﺍﻟﺒﻨﺎﺕ. ﺍﺣﺎ. ﺍﻟﺜﻮﺭﺓ ﻣﻨﺘﻬﺘﺶ ﺍﻟﺜﻮﺭﺓ ﻟﺴﺔ ﻣﺒﺘﺪﺩﺵ ﺍﺻﻼ

prof-osama said...

هى الصفحة دية بقت ملتقى لكل الاراء الشاذة المعوقة عقليا ..بجد يا نوارة انتى مش بيجيلك هلاوس سمعية وبصرية وانتى قاعدة لوحدك .... مش بتحسى بهاتف مثلا بيقلك انتى مصر وانتى الثورة وانتى العبيطة يا بوز الاخص .. طبعا البنات العوانس امثالك عندهم مشاكل نفسية رهيبة زى اللى انتى بتعانى منها .. بنت قرب ال40 سنة وملقتش راجل ينكحاها فى الحلال طبعا لازم تكون فاقدة لاتزانها النفسى .. والاغرب ان فية شعب وبشر ماشيين على كلامك .. ياااااااا المخابيل المهاطيل كتير فعلا

بطة بطوط said...

ربنا معاكم

prof-osama said...

يااااااااااة امتى الانفلات الامنى يرجع تانى و يبقى فى البلد كلها ,,,,الواحد زهق و اتخنق من الاستقرار اللى كان فى الايام اللى فاتت ,,,,كفاية بقة استقرار دة كان جايب البلد لوراء ,,,ثورة ثورة ثورة.....لازم المصريين يطهرو ارض مصر من المصريين لحد ما تنضف من المصريين....هو مش هنعمل حظر تجوال تانى ولاا اية

Anonymous said...

يا نوارة شوفى الخبر أحسن يكون صحيح http://www.koraall.com/banat/%D8%B9%D9%84%D8%A7%D8%A1-%D9%88%D8%AC%D9%85%D8%A7%D9%84-%D8%A8%D9%81%D9%86%D8%AF%D9%82-%D9%88%D8%A7%D9%84%D8%AF%D8%A7%D8%AE%D9%84%D9%8A%D8%A9-%D8%AA%D9%86%D9%81%D9%8A.html ونفس الكلام جريده الفجر نشرته ... إحنا عايزيين نتأكد الناس دى فى السجن ولا هربوهم ...

أشرف عمار said...

المشكلة مش فى كل الناس الفاسدة دى ، المجرمين دول ، المشكلة فعلا فى ضعف الثورة التنظيمى ..
كان يتعين يكون فية مجالس و لجان للعمال ف المصانع و الفلاحين ف الغيطان و الشباب فى المدارس و الجامعات ، و كل الناس فى كل الاحياء و المدن و القرى ..
ساعتها دول اللى كانوا هينفذوا حكم الثورة ، وقتى ، و حال ..
فى روسيا ، بعد الثورة ، القيصر بجلالة قدرة و وريث قرون من الاستبداد و امبراطورية بحجم قارة ، أوكل امرة الى سوفيت ( مجالس العمال و الفلاحين و الجنود ) ايكاتنبرج ( اخر محطة اعتقال لة ) و تم اعدامة ..
القيصر مش حتة جندى و لا ظابط و لا دكتور .. و مع ذلك الفلاحين و العمال ضربوة بالنار.

عدالة الثورة ان اللى ضرب ام الشهيد دا قبل ما ايدة ترتد لتحت يكون هوة متكوم ع الارض .. عدالة الثورة ان اللى بيهين الجماهير باشارات او سباب يتسلم للجماهير ، مش اتننا نترجى اسيادة ( اللى هوة بيخدمهم و بيخلص فى خدمتهم للدرجة دى ) انهم يقتصوا لنا منة..
احنا اللى هنقتص منة ، الواقعة دى حصلت ، تقوم الثورة تطلع ع الوزارة و تطالب بتسليم الناس دول و ما يسألوش عنهم بعد كدة ..
الدكتور دا اللى ف الجامعة اللى قال كدة و عمل كدة ، ما يدخلش مكتبة تانى ، و اذا حد فكر مجرد تفكير يرجعة او يدافع عنة ، التهديد يكون باحتلال الجامعة من الطلاب ، و العمال يأيدوهم فى هذا ..

و فية برضة نقطة هنا ما بتاخدش حظها من الاهتمام : ان الاعداء دول اضعف من الضعف ، و ان قوتهم الظاهرية المزيفة مستمدة من تخاذلنا احنا .. انا اكتر من مرة و فى اكتر من موقف شوفت شواهد زى كدة : ان الجبار المتغطرس دا اول ما تبرق لة عينك و يعرف انك هتوقف لة بجد بيحط ديلة بين رجلية و يبقى أرنب .. و ادينا شفنا الشرطة يوم 28يناير لما تهاوت قدام غضبة الشعب و تصميمة و طلعت تجرى ( كمان بعض الانباء عن صدام 29 يونيو ، ذكرت ان ظابط كان بيشتم ف الثوار و يقل ادبة ، و اول ما وصلوا لة قال لهم بمحلسة و جبن : هية دى سلمية الثورة يا شباب ) .

باختصار : يجب تشكيل لجان الثورة فى كل مكان ومن كل الفئات ( و بالاخص العمال ) ، و تطبيق العدالة الثورية بمعرفتها ...

زعلان بجد علي مصر said...

نوارة انا بامسي عليكي وعلي كل مواطن مصري شريف وبيقول انه هاينزل يوم 8 بس الي مجنني ان في ناس عاوزة كل حاجة علي الجاهز وياريت يبقو ساكتين بس لا د كمان مش فاهمين ولا عاوزين كرامة ولا عدالة مش عارف بجد الناس دي عايشة فين وهل هم مصريين بجد طيب لو مصريين معقوله طول الثلاثون عاما من الفساد والاستبداد واهانة الكرامة ماشافوهاش خالص
طيب بلاش دي معقولة مفيش جد عندهم في العائلة عندة مرض ماعلينا
سؤال وعاوز عليه رد بجد : هو المحاكمات العادلة الي بيطالبو بيها في كل الاعلام هما الي محبوسين دول كانو اعطونا الحق دة طول 30 سنة
طيب ممكن نقول احنا احسن منهم ونعطيهم رغم انا عن نفسي مش مقطنع طيب ايه الضمان انهم هايتحكمو بضمير والقاضي يراعي ربنا في دم الشهداء
ولا نلاقي محامي ماعندوش ضمير بيلعب بالقانون ويطلعهم براءة ونرجع نقول شوفتم كنا ظالمنهم ياحرام

زعلان بجد علي مصر said...

بجد مش قادر افهم الي بيحصل هي ثورة ولا مظاهرة طيب احنا مصريين ولا ماسونيين طيب احنا ثوار ولابلطجية طيب احنا عملنا الثورة دي علشان مجموعه معينة ولا علشان مصر طيب هو احنا شروطنا تعجيزية ولا فئوية انا لاقيت حل لكل المشاكل دي يلا كلنا ندور علي عقود عمل او هجرة او لجوء ونسيب البلد يمكن ساعتها ينبسطو

زعلان بجد علي مصر said...

مع كل الاحترام للمجلس الاعلي الي بيقرطسنا اذا انت مكسوف تحاسب راس الفساد انسحب وبلاش تبيعنا بالرخيص لاصحابك مهما كان انتم مصريين زينا ولسه بقيين عليكم وبلاش تتبع نفس اساليب النظام البائد لان مش هاينفع ينضحك علينا تاني خلونا ايد واحدة بجد وبلاش تتغاضي عن الفساد والمؤامرات الي انت عارفها وعارف مين وراها