Thursday, 16 June 2011

تويت ندوة

يوم 21 يونيو الساعة 6:30 على مسرح روابط ندوة تويت او تويت ندوة
الناس اللي على التويتر حتتجمع وتتكلم
الفكرة اصلا فكرة علاء، اننا نتجمع من آن لآخر ويبقى بينا تواصل على الارض زي التواصل اللي بينا على التويتر
الندوة اللي فاتت حرارتي كانت 39 وما عرفتش اروح
الندوة دي ان شاء الله حاروح بقى لازم
حيبقى فيه ناس بتتكلم اساسي وبعدين الكل حيتكلم
انا مبسوطة من الخطوة دي، لإن امبارح كنت قاعدة مع عزمي بشارة وقال لي القوى السياسية التقليدية بتتعامل معاكم على انكم خلاص شكرا عملتوا الثورة وانبسطوا؟ امشوا بقى، خشوا ناموا دلوقت عشان اللي حنقوله دلوقت كلام كبار ما يصحش تسمعوه، وراحوا راجعين بالزمن لما قبل الثورة وابتدوا يخشوا في سجالات ما كانتش مطروحة وانتوا بتعملوا الثورة، بس هي سجالاتهم القديمة اللي لا عملت ثورة ولا انتوا عملتوا الثورة عشانها، وقال لي استغنوا عنهم دلوقت زي ما استغنيتوا عنهم قبل كده، هم لازمتهم ايه في حياتكم؟ هم عملوا حاجة اصلا؟ وبعدين ايه الاعمار الكبيرة دي اللي تصدرت الشاشة فجأتن؟ 
وطبعا دي شكوانا كلنا
فاحنا احسن حاجة نشبك مع بعضينا، زي ما عرفنا نشبك الكترونيا حنعرف نشبك وشا لوشيا
نشوفكم هناك بقى، وان شاء الله اللي برة مصر حنتوت لهم على التويتر

40 comments:

Mahmoud said...

أؤيد كلام المعلم عزمي.. الثورة لازم تمسك الحكم بإيديها وتبطل مطالب ويبقى عندها برنامج تنفيذي لمعالجة الواقع

jasser said...

نوارة هو انا ممكن اسالك سؤال بس تجاوبينى بصراحه هو انتى ليه مش متزوجه لدلوقتى . اصل انتى تقريبا لو اتجوزتى هتهدى شويه وهتسيبينا فى حالنا انتى وابوكى انا مواطن من الشعب المصرى ولا كان ليه فى يوم اى انتماء لاى جهه بس مش بحبكم ونفسى تغورو فى داهيه بقى وبردو ردى على سؤالى انتى ليه متجوزتيش لدلوقتى

أبو هاجر said...

ست الكل مساء الخير





ماذا تملكون يا النوارة حتى تستغنوا عنهم

إنكم تشبهون الزوجة التي ترفع صوتها عاليا وهي ناسية أن زواجها عرفي.
هل تعلمين لماذا يا النوارة؟ لأنكم ثوار بدون سلطة ثورية .وهذه هي مفارقة الثورة في مصر و تونس .وهنا مكمن الخوف
وهذا ما أشار إليه هيكل ،بعمق البصر ونفاذ البصيرة ، لما قال أن إسرائيل كانت خائفة من الثورة لما كانت في الميادين، لكنها مرتاحة الآن بعدما دخلت الثورة إلى الغرف المغلقة.
ولهذا لما قالوا لكم خشوا تناموا وما يصحش تشوفوا ولا تسمعوا لأن الأخبار المتواترة تقول أنهم ناويين على زواج مسيار . وهو جزء من الصفقة . و الإخوان و الأخوات ما عندمش مانع من مثنى و ثلاث ورباع المهم ما يطلعوش من المولد بلا حمص .

أبو هاجر said...

ست الكل مساء الخير





ماذا تملكون يا النوارة حتى تستغنوا عنهم

إنكم تشبهون الزوجة التي ترفع صوتها عاليا وهي ناسية أن زواجها عرفي.
هل تعلمين لماذا يا النوارة؟ لأنكم ثوار بدون سلطة ثورية .وهذه هي مفارقة الثورة في مصر و تونس .وهنا مكمن الخوف
وهذا ما أشار إليه هيكل ،بعمق البصر ونفاذ البصيرة ، لما قال أن إسرائيل كانت خائفة من الثورة لما كانت في الميادين، لكنها مرتاحة الآن بعدما دخلت الثورة إلى الغرف المغلقة.
ولهذا لما قالوا لكم خشوا تناموا وما يصحش تشوفوا ولا تسمعوا لأن الأخبار المتواترة تقول أنهم ناويين على زواج مسيار . وهو جزء من الصفقة . و الإخوان و الأخوات ما عندمش مانع من مثنى و ثلاث ورباع المهم ما يطلعوش من المولد بلا حمص .

حازم الهواري said...

بالتوفيق يا نورة ربنا معاكم وابقى توتو لينا علشان احنا بره مصر بس خدى بالك من عزمي بشارة لانه بصراحة زعلنا قوى قوى لنصرته للنظام الوحشى فى سوريا ودافع عنه دفاع مستميت وسفه وحقر من شأن الثوار والثورة وكان فى صف النظام والامن بشكل يخلى الواحد شك فيه ووصل بيه الامر استخفافه بصور الشهداء وعدم طرحها على الرآى العام علشان قال ايه يا ستى ما يبقاش فيه طائفية ونسى ان نظام سوريا وجيشها وجهازها الامنى من أقذر ما خلق ربنا والطائفية معششة فيه لدرجة انهم قربوا يتكلموا فارسي فى الجيش هناك فبلاش سيرة الراجل ده علشان انتى ليكي محبة عندنا والراجل ده موقفه مع مصر فى لحد قبل كلامه عن ثورة سوريا كان مقبول لكن بعد كلامه عن سوريا اصبح لدينا الكثير من الشكوك تجاه نوياه ثم يا نوارة احنا مش محتاجين توصيات من حد البركة فيكم فاهمين كل حاجة وفاقسين كل الفقاقيس وعارفين العفريت بيخبي ابنه فين يعن مش محتاجين بشارة ينصحكم ويوجهكم

متفائل said...

ماذا تقصدين ويقصد الأخ عزمي بشارة بتعبير : القوى السياسية التقليدية ؟ هل يقصد حركة (كفاية) مثلاً ورجالها البواسل الشجعان أصحاب أول صيحات إحتجاج شعبية شجاعة تتخطى خطوط الديكتاتورية الحمراء ؟ هل يقصد حركة شباب سته أبريل ؟ هل يقصد النقابات العمالية الشجاعة التي بدأت الإضرابات الإحتجاجية غير المسبوقة في قوتها وإصرارها ؟ هل يقصد جبهة البرادعي الوطنية للتغيير التي تجاسرت ونطقت وقت أن خرس الجميع ؟ هل يقصد قضاة مصر الشرفاء الشجعان ووقفتهم الشهيرة ؟ هو فيه أيه ؟ هو سكتناله دخل بحماره ولا أيه ؟ لا أحد ينكر دور الشباب في إشعال فتيل ثورة يناير .. لكن أن تظنوا أنكم منبتون الصلة بما قبلكم وأن من قبلكم لم يصنعوا شيئاً يذكر فتلك هي الحماقة و(المعيله) بعينهما .. ثم أن هذه ليست (ثورة الشباب) هذا خطأ شائع آن آوان تصحيحه .. هذه ثورة المصريين جميعاً الذين لولا مساندة ملايينهم لما إنتهت الأمور إلى ما إنتهت اليه ولأستطاع الأمن تفريقكم بمنتهى السهولة .. أما بالنسبة (للأعمار الكبيرة) التي تصدرت المشهد إذ فجأتن على حد تعبيرك وإسلوبك فأحب أفكرك إنك شخصياً داخلة على الأربعين عمراً

ragNANda said...

فكرة حلوة وياريت نتايجها تكون ايجابية ومفيدة كمان

darklord said...

قشطة ،،،افتح يا تويتر
أنا معك
:D

ali said...

سؤال واحد للأحزاب القديمة: هل قبلتم العضوية فى المجلسين رغم علمكم بتزوير الإنتخابات ، كما هى حال كل المصريين ، أم تعتقدون أنها لم تكن مزورة؟ وبعد الإجابة نحدد موقفنا منهم إما نولع فيهم بالجاز أو نولع فيهم ببنزين 95 وعوضنا على الله

hardway said...

خلاص شكرا عملتوا الثورة وانبسطوا؟ امشوا بقى، خشوا ناموا
..............................
عليكي نور..تمام كده..زي ماسمعت من عمك عزمي بشارة..أسمعي الكلام..ياغندورة...
ايوه خليكم في تويت ثدوة..والبوك ندوة..
والكافيه ندوة..خلي الرجالة تعرف تخكم
بلا فجأتن...بلا بالنوسبة...بلا كلام فارغ
مش عارفة تنامي يا غندورة..أسألي عمو عزمي...أزاي بينام في الكنيست..

hardway said...

خلاص شكرا عملتوا الثورة وانبسطوا؟ امشوا بقى، خشوا ناموا
..............................
عليكي نور..تمام كده..زي ماسمعت من عمك عزمي بشارة..أسمعي الكلام..ياغندورة...
ايوه خليكم في تويت ثدوة..والبوك ندوة..
والكافيه ندوة..خلي الرجالة تعرف تخكم
بلا فجأتن...بلا بالنوسبة...بلا كلام فارغ
مش عارفة تنامي يا غندورة..أسألي عمو عزمي...أزاي بينام في الكنيست..

محمد صبرى said...

يا استاذ حازم الكلام اللى انت بتحكيه عن البطل عزمى بشاره عار عن الصحة تماما

waheedhabeeb said...

مساء الخير يا نوارة
كل يوم أبحث عن كل ما يخص الثورة في اليوتيوب ، وكل يوم احترمك أكتر انتي وبقية الشباب اللي بدأوا الثورة وحافظوا عليها. وكمان بحتقر جدا كل الانتهازيين الموجودين على الساحة حاليا كل ما اتذكر مواقفهم المخزية في بداية الثورة. لكن عاوز أقولك حاجة. انتوا اللي فرطتوا في الثورة يا نوارة وقت ما تركتوا الميدان بدري قبل تحقيق كل الأهداف. فاكرة يا نوارة انتوا اللي عملتوا الثورة وانتوا بس اللي كانت تتهافت عليكم وسائل الاعلام وكلامكم انتم بس اللي كان مالي الدنيا. وفاكرة ازاي تصميمكم قعد أحمد شفيق في البيت وجاب شرف ووزارته وعجل بمحاكمة الفاسدين. لكن يا نوارة أرجع وأقولك روحتوا بدري ، يمكن تعبتوا ، يمكن قلقتوا من قلق الناس ، لكن الناس كانت قلقانة من بداية الثورة وياما قالوا لكم كفاية كده كويس ، لكن تصميمكم كان ممتاز وكان دايما عندكم حق. لكن لما روحتوا بدري وتركتوا الميدان ظهر المتطفلين على الثورة وصوتهم علي وللأسف بدوا يأثروا على الناس أو ممكن تقولي يحيروهم أكتر علشان يحققوا أهدافهم وأصبحتم انتم من وجهة نظرهم أعداء البلد تخيلي.
نوارة أنا بثق فيكم وعارف أنكم أصدق وأقوى وأطهر وأذكى منهم. اتمنى الجولة الجاية تكون ليكم. تحياتي.

أحمد نصير said...

http://7orreyati.blogspot.com/

أحمد نصير said...

http://7orreyati.blogspot.com/

rasha2210 said...

ربنا معاكم و ينصركم لخير مصر

سوبيا said...

http://www.facebook.com/notes/mohamed-abo-elgheit/%D8%A7%D9%84%D9%81%D9%82%D8%B1%D8%A7%D8%A1-%D8%A3%D9%88%D9%84%D8%A7%D9%8B-%D9%8A%D8%A7-%D9%88%D9%84%D8%A7%D8%AF-%D8%A7%D9%84%D9%83%D9%84%D8%A8/10150210019252335

نوارة ..لازم تشوفي دا..ولازم تعملي حاجة

freedom4ever25 said...

المفروض انها فرصتي بقى اظيييييييييط انا كمان مع اللي بيظيييطوا بخصوص كلام عزمي بشارة لأني عارفه على حقيقته ومش مخدوع فيه زي نوارة وكتير من الوطنيين الصادقين اللي زيها .هو في الاول والاخر عضو الكنيسيت الصهيوني وخدام عند امير قطر وقناة الجزيرة اللي انتي بنفسك قلتي عليها كذابة يوم جمعة (الملحدين) وكلنا عارفين يعني ايه قطر وعلاقتها مع الصهاينه . وماحدش يقوللي انها دعمت ثورتنا لأن لو الجزيرة ما اتكلمتش كان في مليون قناة تانيه بتتكلم والحمد لله اعداء حسني مبارك كانوا كتير. ادي واحده . اما موقف عزمي بشارة من ما يسمى زوراا وبهتاناا (الثورة السوريه) فالراجل بصراحه مش مقصر خالص . هو مافيش حد شاف الفضيحه بتاعته على قناة الجزيرة مباشر وهووه بيحرض المذيع على سوريا ويقوله بس الاردن لأ والحوار بتاع تبييض صفحة المؤسسه (يعني قناة الجزيرة) وللا انا لوحدي اللي شفتها !!! لكن مع كل ده بصراحه الراجل كلامه في قدر كبير من الصحه عندما يتكلم عن الثورة المصريه. بس انا عايز ألفت نظر الثوار لحاجه . زي ماهو مهم اننا نكمل ثورتنا ونفضح اللي بيتخاذل برضه مهم اننا نطرح المواضيع اللي بتجمعنا مع القوى الوطنيه كلها لأان في الأتحاد قوه وده مش وقت خلافات ولا تخوين . اما عن الاحزاب القديمه والناس الكبار والثورة ثورة شباب وللا ثورة عواجيز . مش شايفين ان الموضوع ده ذاد أوي عن حده وأن ده مضمون الاعلام الرسمي وبعض الاعلام الخاص المتأمر . اعتقد ان ده مش وقته خالص. ؟اتحدو . اتحدوا .اتحدوا . والا مش هتلاقوا ثورة اصلاا تتخانقوا عليها.

عبدالرحمن محمد زيان said...

http://www.youtube.com/watch?v=eOtAuvYmfAM&feature=aso


الأغنية دي بتلخص مطالب الثورة

lailol said...

نواره شفتي البيان بتاع المجلس الاعلي النهارده والقانون الجديد اللي طلعوه والعقوبات ايه رايك نقعد في بيوتنا محدش يعترض ولا يعتصم لا وكمان نكمم افواهنا عن الكلام لا وكما ممنوع حتي الكتابه فهذا يعتبر تحريض وله عقوبات قاسيه ايه رأيك نموت بقي من الكبته ولا ايه

Islamist Bloke said...

أرجو أن تقرأي التدوينة وتنشريها مع رأيك فيها - نفس كلامك
http://gedarea.blogspot.com/2011/06/normal-0-false-false-false.html

Islamist Bloke said...

اقرأي التدوينة دي من فضلك وقولي رأيك - والسلام

http://gedarea.blogspot.com/2011/06/normal-0-false-false-false.html

ده نفس كلامك - اختيار الشهداء لنشر صورهم وتكريمهم على أساس شكلهم ومنظرهم وطبقتهم، والحق أن هذه الثورة قامت في الأساس كثورة جياع(مع اختلافي مع المصطلح أصلا) ولكن تحولت بقدرة قادر وبتوجيه الدفة الإعلامية إلى ثورة حضارية محترمة - والحق أنه يجب لأي عاقل أن يلبي طلبات الغلابة أولا بدلاً من قهرهم وحتى لا تأتي ثورة الجياع الثانية

manda said...

طب والله بيتكلم صح بس فلا الله يرحم ثوره الشباب طب هما الشباب اذا مكانوش ياخدوا فرصتهم بعد ثوره ضحوا فيها بدمهم هياخدوا الفرصه دي امتي بس تقول الكلام ده لمين ده بيعتبروا الكلام ده كلام عيال

kbahey said...

المخلوق اللي اسمه جاسر فوق و بيسأل نوارة ماتجوزتش ليه، انا حارد عليك و بالادب

اولا، انت مالك هي اتجوزت و الا ما اتجوزتش؟ مش من حقك تسأل حاجة شخصية زي دي. و لا انك تسأل ليه. في ستين سبب، و مش شغلك. دي اصلا رخامة لما تسأل بنت السؤال دة. اللي يسيب مضمون كلامها و يسأل في كدة يبقى بين تمام تفكيره السطحي

ثانيا، اذا كان مش عاجبك كلامها و كلام ابوها، فانت حر، بس مش من حقك تيجي مدونتها و تقول لها سيبينا في حالنا. هو حد جبرك تقرا المدونةى بتاعتها؟ هي مقررة عليك في المدرسة؟ بتطلع على الصفحة الاولى في كل الجرائد؟

ثالثا، ربنا كاتب للثورة دي ان نوارة ماتكونش متجوزة، و لا وراها عيل تغير له و لا زوج تأكله عشان تفضى للثورة، و تعمل اللي بتعمله

رابعا، من فضلك و بالادب غور انت في داهية و مش بنحبك

Red Agenda said...

سؤال. هو ليه فى ناس مستفزة اوى بتعلق.ماتجيش لو مش عايز بس بتخسر صحابك ليه طهه؟؟ المهم فين مسرح الروابط

واحد عادى said...

ايه يا نانا - انتى عايشه قصه حب اليومين دول ولا ايه ؟؟؟؟؟؟؟ نشاطك التهييسى قل اوى

حازم الهواري said...

الاخ الكريم / استاذ محمد صبري انا لم ادعى على عزمي بشارة فى شىء وأليك تسجيل بكلامه كله
http://ramaqarabi.wordpress.com/2011/03/29/%D8%AD%D9%88%D8%A7%D8%B1-%D8%A7%D9%84%D8%AF%D9%83%D8%AA%D9%88%D8%B1-%D8%B9%D8%B2%D9%85%D9%8A-%D8%A8%D8%B4%D8%A7%D8%B1%D8%A9-%D8%AD%D9%88%D9%84-%D8%A7%D9%84%D8%AB%D9%88%D8%B1%D8%A9-%D8%A7%D9%84%D8%B3/

زائرر said...

قسم بالله يانواره انا ماشفت اقذر من احمد فؤاد نجم راجل قذر .. حتى انه يجاهر انه مابيصلي وعمره تعدى 90 سنه بالله عليكي دا راجل محترم؟ وكمان مبسوط انه حشاش وزير نساء .. قسما بالله انه اقذر شخصيه شفتها لا يقل قذاره عن مبارك ولكن لكل منهما اسلوب في قذاراته

heeba_alrahib said...

فرطتوا ليييييييييييييييييه من الاول
اللى يفرط في ثورته يفرط لمؤاخذة في........
ده اخر المحطة بح كده

heeba_alrahib said...

اه نسيت اقولك
بما ان ابوكي صاحب الاخ سوايرس خليه قوليله الناس بتقولك كلم سوايرس يخف شوية لان اسلوبه مستفز وبيجيب نتيجة عكس اللى هو عايزها يا ريت تفهمى انتى وابوكي وسوايرس

نور الدين said...

والله يا نواره كنت مشرفانه في اسكندريه والندوه كانت تمام ومفيده بالذات في بعض الموضوعات اللي كنتي بتكتبيها علي المدونه وكانت ليها اكتر من اتجاه كانوا بعضهم بيتفهم غلط لكن لما اتشرفنا بيكي في اسكندريه وقولتي وجهة نظرك اتفهمت بطريقه اوضح فعشان كده انا بطلب منك انك توضحي اكتر ايه قصدك في بعض كتاباتك عشان الامر ساعات بيختلط عليا واكيد علي غيري من الناس القاطنين خارج القاهره اللي ملهمش وسيله للتناقش معاكي مباشرتا....وعموما اتمني انك تزورينا في اسكندريه تاني ويا ريت تقنعي الاستاذ عزمي بشاره يعمل ندوه في مكتبة اسكندريه وتديري انتي الندوه معاه ......مهو بصراحه اسكندريه مش اقل من القاهره ولا ايه....ولا كل الشخصيات المهمه في الفاهره بس....ولا اسكندريه ملهاش تقدير عندك ولا ايه ....عموما في النهايه اتمني انك تشرفينا تاني في الاسكندريه ....والسلام ختام

حازم الهواري said...

لا حول ولا قوة الا بالله العلى العظيم

الاخ ((زائرر)) ليه السب واللعن والشتيمة ؟؟؟ فى راجل اكبر من ابوك ياخى الكريم انت عاتب عليه انه مش بيصلى وده معناه انك رجل مسلم وبتحب دينك وغيور عليه صح؟؟؟ ومش من الاسلام انك تسب وتعلن وليس منا من لا يوقر كبيرنا ويرحم صغيرنا ومش فاهم ايه دخل احمد فؤاد نجم بالموضوع اللى بنتلكم فيه الا علشان نوارة بنته ؟؟؟ وعيب يا سيدى انك تتعدى على بنت بسب ابوها والاصعب من على صفحة نت يعنى لاحد هيعرف يرد عليك ولا حد هيعرف يواجهك يبقى يا اخى ربنا يهديك لا هى رجولة ولا من الاسلام انك تتكلم بالشكل ده ويا رب يا رب يارب نفهم اننا عملنا ثورة على كل شىء وحش ويارب يارب نفهم اننا لازم نحترم بعض علشان العالم يحترمنا ويا رب نفهم انه مش من الرجووووووولة ولا الشهامة اننا نشتم بعض فى عالم افتراضى واللى اعرفه انه عيب انى اشتم راجل فى سن جدى مهما كان طالما هو اذاه على نفسه مش عليا انا وموضوع صلاته وحياته ده بينه وبين ربنا هو اللى هياخد حقه منه وربنا ما عملش فى الارض ناس تحاسب بعضها وربنا يهديك ويهدينا جميعا

زائرر said...

ياهواري اقرا كلامي مافيه لعن وبلاش تتكلم كلام انت لا تفهمه

soliman mohamed said...

تويت ندوة أعلى درجة للمشاركة الهادئة المستنيرة ..ياريت هذا البرنامج يستمر ويتطور لأنه ببساطة برنامج يضم شباب مصر المستقبل الذي يحمل كل الخير لإمنا مصر ..شكرا من كل قلبي للقائمين على هذا البرنامج وياريت يضم كل توجهات الشباب السياسية من أجل مستقبل أفضل ومجتمع واعي ومتحضر وعظيم.

soliman mohamed said...

تويت ندوة أعلى درجة للمشاركة الهادئة المستنيرة ..ياريت هذا البرنامج يستمر ويتطور لأنه ببساطة برنامج يضم شباب مصر المستقبل الذي يحمل كل الخير لإمنا مصر ..شكرا من كل قلبي للقائمين على هذا البرنامج وياريت يضم كل توجهات الشباب السياسية من أجل مستقبل أفضل ومجتمع واعي ومتحضر وعظيم.

soliman mohamed said...

تويت ندوة أعلى درجة للمشاركة الهادئة المستنيرة ..ياريت هذا البرنامج يستمر ويتطور لأنه ببساطة برنامج يضم شباب مصر المستقبل الذي يحمل كل الخير لإمنا مصر ..شكرا من كل قلبي للقائمين على هذا البرنامج وياريت يضم كل توجهات الشباب السياسية من أجل مستقبل أفضل ومجتمع واعي ومتحضر وعظيم.

soliman mohamed said...

تويت ندوة أعلى درجة للمشاركة الهادئة المستنيرة ..ياريت هذا البرنامج يستمر ويتطور لأنه ببساطة برنامج يضم شباب مصر المستقبل الذي يحمل كل الخير لإمنا مصر ..شكرا من كل قلبي للقائمين على هذا البرنامج وياريت يضم كل توجهات الشباب السياسية من أجل مستقبل أفضل ومجتمع واعي ومتحضر وعظيم.

soliman mohamed said...

تويت ندوة أعلى درجة للمشاركة الهادئة المستنيرة ..ياريت هذا البرنامج يستمر ويتطور لأنه ببساطة برنامج يضم شباب مصر المستقبل الذي يحمل كل الخير لإمنا مصر ..شكرا من كل قلبي للقائمين على هذا البرنامج وياريت يضم كل توجهات الشباب السياسية من أجل مستقبل أفضل ومجتمع واعي ومتحضر وعظيم.

soliman mohamed said...

تويت ندوة أعلى درجة للمشاركة الهادئة المستنيرة ..ياريت هذا البرنامج يستمر ويتطور لأنه ببساطة برنامج يضم شباب مصر المستقبل الذي يحمل كل الخير لإمنا مصر ..شكرا من كل قلبي للقائمين على هذا البرنامج وياريت يضم كل توجهات الشباب السياسية من أجل مستقبل أفضل ومجتمع واعي ومتحضر وعظيم.

soliman mohamed said...

تويت ندوة أعلى درجة للمشاركة الهادئة المستنيرة ..ياريت هذا البرنامج يستمر ويتطور لأنه ببساطة برنامج يضم شباب مصر المستقبل الذي يحمل كل الخير لإمنا مصر ..شكرا من كل قلبي للقائمين على هذا البرنامج وياريت يضم كل توجهات الشباب السياسية من أجل مستقبل أفضل ومجتمع واعي ومتحضر وعظيم.