الليلة دي لازم تتحل عشان نشوف اللي ورانا، احنا كده حنفضل متعطلين
لو الكلام ده صحيح ودعوة يوم 8 يوليو للدستور اولا يبقى انا شخصيا مش حانزل، جرا ايه فيه ايه؟ هو كل ما النتيجة مش حتعجبكم حتعيدوا الماتش؟ وده حيحصل بقى في الانتخابات البرلمانية والرئاسية؟ حتفضلوا تعملوا زي عم ايوب وتقولوا: لأ.. تؤ.. انا حايس احد هناااااك انا مش مرتاح في السرير ده
لو تم تجاهل نتيجة الاستفتاء واتعمل الدستور اولا عكس الرغبة الشعبية تبقى سابقة خطيرة ويبقى عمرنا حيبقى عندنا ديمقراطية ابدا، وكل ما تطلع النتيجة كخة حتغيروها، ايه الحمرأة دي؟
لو ده عنوان يوم 8 يوليو انا مش نازلة... هو مش دور كوتشينة خسرتوه وبتفركشوا الورق
وبلاش سفسطة بقى وكلام في الفاضي
بتوع الدستور اولا دول بيعطلونا عن القضايا الحقيقية اللي احنا محتاجينها زي اكمال محاكمة مبارك، وفتح قضايا زي القديسين والطيارة اللي كان فيها الظباط، وبناء داخلية جديدة، والغاء الامن الوطني، والحد الادنى والاقصى للاجور
وبدل ما يحققوا مطالب الشعب عايزين يعادوا الشعب
انتوا متسلطين علينا ولا ايه؟ لا انا كده ابتديت اشك بقى، ده مش خلاف في الرأي ولا وجهات نظر، ده اصرار على تفريق الصف، وعلى اهدار طاقتنا في حاجات ما تهمش الناس، واصرار على الابتعاد عن اهداف الثورة.. كده تبقوا متسلطين علينا
والله اعلم بقى مين اللي مسلطكم، المجلس ولا امريكا ولا الفلول.. المهم ان ريحتكم بقت نتنة وفاحت
انا مسئولة عن نفسي بس..
انا مش نازلة
61 comments:
احترمك بشده على موقفك ..انا كنت من المصريين على "لا" و فى يوم الانتخابات نزل ماما و اخواتى و بابا و صوتوا ب"نعم" لقناعاتهم الشخصيه و لكن كونى قلت لا لا يعطنى الحق فى انى اطلع باقى العيله اغبياء ولا يعيطنى الحق فى التسلط عليهم
و هنا اوجهه صوتى لليبرالين فى مصر ..اتحدوا بقى الانتخابات قربت و انتوا لسه واقفين عند الاستفتاء و القطر هيفوت
كلمتين في التمام. ينصر دينك على الكلمتين دول
الأستفتاء باطل لبطلان الأجاراءات .. و لمخالفته لرأى فقهاء الدستور الذين طلبوا مجلس رئاسى اولا ثم دستور ثانيا .. و التعديلات كان مفروض ان تعرض للنقاش المجتمعى و ابداء الرأى و التعديل و هو ما لم يحدث .. و تم ربط الأستفتاء بالدين رغم عدم وجود علاقة .. و اخيرا الأستفتاء سقط بالأعلان الدستورى .. بس
قولى بقى انك شوفتيلك شوفة ثانية ..
و مع السلامة يا ست نوارة
زعلت منك لما قريت المشاركة اللي تحت وعرفت إنك بتدخني. حقيقي فرقت معايا كتير تقولي متخلف تقولي رجعي بس ده اللي حصل. يارب أسمع إنك بطلتي قريب
http://gedarea.blogspot.com/
الفقراء أولااااااااا
تدوينة محمد أبو الغيط
http://gedareahttp://gedarea.blogspot.com/2011/06/normal-0-false-false-false.html.blogspot.com/
جدارية ,,,,,,,,,,محمد أبو الغيط
الفقراء أولا يا أولاد الــــ....اقروها وخليهم يقروها يمكن يفهموا
خخخخخخخخخخخخخخخخخخخخخخخ
امريكا مش هتسيب البلد بسهولة .. الحقي يا بنتي جمعي الشباب والحقي البلد انتم بتغلطوا ... المعجزة هتضيع من ايديكم ...بهدوء يا نوارة عنينا هتكشفي اللعب والشباب اللي اتضحك عليهم من السفارة الامريكية وتركيا ومن غسيل المخ اللي بيحصل دول لسة شباب كلهم حماس وقوة بدون حكمة ... ومن اسهل ما يمكن إغراؤهم بالحلال الطيب الوطني وبرضه لصالح مصر كلنا وراكي انتي نور عنين المغتربين بنشوف بيكي مصر أصبري شوية وما تزهقيش
العزيزة الغالية
عايز منك حملة للعمل الخيري والتكافلي والتبرع ليس للمساعدة بل لاتاحة فرص عمل وعايزين حملة للضرائب التصاعدية وتجميع للزكاة والصدقات وعايزين افكار للتخلص من الباعة الجائلين موش بقتلهم يعني لالالا البائعين الغلابة موش بائعين الوكالة باطنان البضائع الغلابة الغلابة الي الواحد ممكن يديهم فلوس وما يخدش البضاعة كيف نوفر لهم اماكن وازاي وباي طريقة يحصلوا غليها وفين المكان وكيف نتاكد من عدم تركهم المكان ورجوعهم ثانيوكمان عايزين نشوف حلول لكبح زيادة الاسعار دي حتاكل اي حد ادني للمرتبات او حتي اعلي اما البلوة الاساسية الامية بمعناها الصريح او حتي السياسية دي لها كلام اخر يلا يا نوارة مصر اشتغلي واحنا معاكي
انا قولت كده من ساعة ما كنت بنتخب اصلا
كنت شايف قدامي الكل بيقول نعم وانا بقول لاء
قولت يبئا النتيجه نعم ومبروك وخلاص وفرحنا باليوم
مش عايزين نكمل في شغل التلت ورقات ده ونجيب ده مكان ده وده بعد ده
خلاص اللي حصل حصل
وعلي رائيك يا نواره انا مش نازل
عشان عندي امتحانات :d
طبعا مش هننزل فب الهطل والاستفزاز ومعاداة الناس .. انا قلت لا للتعديلات .. واكتشفت ان الاستفتاء ده اكبر خازوق ومقلب اضحك علينا بيه صحيح بس الكلام ده مش وقته خالص .. دلوقتي زي ما قلتي ربنا يكرمك ويهديكي نشوف مصالحنا والي ورانا والبلاوي المتلتله الي عندنا.. ونفسي اعرف مين الي بدأ المهزله دي.. وبصي مش عاااايز اعرف .. عايز انتبه لاعدائي الحقيقيين فين
ياااارب فتح عيونا علي مش شايفينه.. انا حاسس اني شخصيا اعمي عن حاجات كتير
أنا معرفش الخبر دة صحيح ولا لأ بس بلاش بس حكاية عكس الرغية الشعبية والكلام دة، هى كانت فين الرغبة الشعبية دى لما عملوا التعديلات بدون تمثيل من التيارات الوطنية وجابوا صبحى صالح اللى مالوش علاقة بالقانون الدستورى فى صفقة ريحتها فايحة وقذرة مع الاخوان. مابنى على باطل فهو باطل، والاستفتاء دة كان باطل وبقولها بالفم المليان لأنه اجراء غلط من البداية واتفرض علينا وشابه تزوير كمان والتزوير كان لمصلحة نعم.
ست الكل صباح الخير
خياركم في الجاهلية خياركم في الإسلام. نوارة تفتي يا رجالة
"أكيد بنتكلم عن الماليات اللي قبل 11 فبراير، احنا مالناش دعوة هم عملوا ايه ايام المخلوع حيث ان وقفتهم معانا تجب ما قبلها. لما بقى نبقى ننتخب برلمان، يبقى هم يتقاعدوا زي الابطال القوميين، ومافيش محاسبة ليهم، ونبقى نشوف احنا حنعمل ايه ساعتها، بس الشخصيات دي اللي وقفت جنبنا يوم 11 "فبراير وكانت على علاقة بالنظام السابق لها خروج آمن وما حدش يمسها مدام مش حيلعبوا بديلهم معانا.
لما أصبح يا النوارة سماسرة السلاح وقابضي العملات وناهبي الأراضي أبطال قوميين ، ومادام اصبح يجبّ ما قبله، لماذا بالمرة مايجبش حسين سالم وأحمد غز و الجرانة و المغربي و العادلي وكبيرهم الذي علمهم السحر. أم هؤلاء أصبحوا ما يخوفوش أم هي وصايا ذاك القادم من بعيد
ورغم ذلك لك أجمل التحيات .
ليه لهجة التخوين اللي في آخر المقال يا استاذه نوارة
من يرون أن الدستور أولا يقتنعون بالآتي
1- الدستور عقد أجتماعي بين الدولة والمواطنين (أنا وانت وانتي يعني) العقد ده اللي هو الدستور بيكتب بتوافق شعبي مش بأغلبية ده لو عايزين إستقرار .
2- لابد من وضع قواعد اللعبة قبل أن تبدأ
يعني مينفعش مثلا نلعب ماتش كورة بدون ما يكون في قواعد أصلا للعبة
(((( نريد أن نقنع الشعب ليختار هو ))))
بلاش لهجة التخوين اللي أتت في آخر المقال ياعزيزتي أنا عن نفسي بحترم وبقدر آرائك بدليل ان مدونتك عندي ضمن عدد قليل في المفضلة وشكراً
الله ينور عليكى
لازم يلغوا موضوع الدستور نهائيا من أى دعوة تظاهر قادمة، لأنهم يعلنون عن عدة مطالب وعندما يأتى الناس ، وتزيد الاعداد، يقولون كل هؤلاء أتوا من اجل الدستور أولا، اكبر عملية نصب من النخبة
زادت ووسعت منهم الحمرأة
إستفزني شادي حرب لما بيقول إحنا ما إتاخدش بكلامنا في مؤتمر الوفاق وعلشان كده نازلين الميدان بما معناه هنوري المجلس العسكري شغله ونعرفه مقامه
وأبو دومة بيقول (بعد ما لبس وش أحمد نظيف )الإستفتاء ده ما يتاخدش بنتايجه علشان الناس لسه في كي جي ديموقراطية
اللهم صلي على النبي . . خدوا توكيلات بدم الشهداء وحقوق الملكية الفكريه للديموقراطية والثورة
والله الواحد كان فرحان بيهم ولكن طلعوا عيال وبتحمرأ . . ويا تعملوا اللي عايزينه يا هنعمل شغب وقلق وهنبوظ الدور
قال شباب قال . . أطفال وكمان أحباب الله
الإستفتاء إتعمل ونتايجه بانت ومفهومة . . واللي مش فاهم يبفى مش عايز يفهم علشان مش عاجبه . . عدوا بقى وشوفوا اللي بعد كده
ياحاجه نوارة انا كنت بقول عليكي حبيبتي ،
بلاش لهجة التخوين دي لأ حد يقول كلام مش على هواكي ،
قولي كلام حلو ومعتدل عشان الكل يحبك ، بلاش تخلي اي حد يكرهك ويكره كلامك
عاوز اقولك برافو عليكي يا جديدة بس سوابقك مخلياني اتريث لاني عارف مدي تهورك ورجوعك في كلامك زي ما اعرف مدي اخلاصك وبصراحةاكثر زي ما قلتلك امس الاختبار والمحك الحقيقي لثبات المبدا الديمقراطي هو الا تربطيه باي حادث او واقعة او تاخر محاكمات اواواواو دي حاجة والثبات علي المبدا وهو احترام ارادة الشعب شي اخروانا لو بكرهك كنت اتمني انك تنزلي لانها حتتمسك عليكي فيما بعد . هو اينعم انا مش مطمئن لكي وعارف ان رايك ده مش نهائي لكن لو غيرت رايك فياريت لا تنادي بالنزول وانزلي انتي فقط
عاوز اقولك برافو عليكي يا جديدة بس سوابقك مخلياني اتريث لاني عارف مدي تهورك ورجوعك في كلامك زي ما اعرف مدي اخلاصك وبصراحةاكثر زي ما قلتلك امس الاختبار والمحك الحقيقي لثبات المبدا الديمقراطي هو الا تربطيه باي حادث او واقعة او تاخر محاكمات اواواواو دي حاجة والثبات علي المبدا وهو احترام ارادة الشعب شي اخروانا لو بكرهك كنت اتمني انك تنزلي لانها حتتمسك عليكي فيما بعد . هو اينعم انا مش مطمئن لكي وعارف ان رايك ده مش نهائي لكن لو غيرت رايك فياريت لا تنادي بالنزول وانزلي انتي فقط
يا سلااااام هو ده الكلام - 8 يوليو معمول للدستور اولا صراحه - و كمان حيحشروا فيه مجلس رئاسي مدني زي كل مره - يبقي صح ما تنزليش و لو عايزه المطالب التانيه تنزل في يوم تاني - علشان الامور تبقي واضحه و يبان مين عايز الدستور اولا و مين عايز مؤسسات الدوله اولا
ممكن تسالي بتوع الدستور اولا مين حيحط الدستور؟ حيختاروا اللجنه التاسيسيه ازاي ؟ علي اساس ايه؟ مين حيحدد الاختيار؟ مين يضمن ان لو الدستور اولا ده طلع في ماده مش عاجباهم هم مش حيقولوا لا عيدوا من الاول؟
لما بتنزل موضة حريمي او رجالي في مصر بتبدأ تنزل من ماركات غالية ومحترمة ، ومش بيقدر يشتريها الا اقلية ما ، شوية تلاقيها نزلت بخامات ارخص شوية بس لسه غالية ومش بيلبسها اي حد لكن بدأت تشتهر وتبان ، شويتين كمان تلاقيها صنع الصين بتتباع عالرصيف في العتبة والناس كلها ماشية لابسين منها زي ما يكون لبس موحد !
ده برضو ماشي في الاغاني والكليبات وبرامج التلفزيون وحاجات كتير في حياتنا،،حتى في الدين وشرايط القرآن والخطب ، حتى في اسلوب الدعوة
دلوقتي بقى عندنا موضة المليونية ، وبعد ما كانت شئ مقدس وجميل وله هيبة والكلمة ليها جلال وجمال ورهبة ، بدا تدنيسها وتلويثها ، اي شلة شباب عاجبهم رايهم يقولك هنعمل مليونية !
يا ريت تشرحي للناس ان اامن حاجه لضمان الديمقراطيه هي الانتخابات اولا - لان في ناس فاهمه ان لو مش الدستور اولا يبقي خيانه للثوره و خيانه لدم الشهداء - في ناس كتير بتثق فيكي فارجوكي اشرحي لهم
عارفة بانوار لو ما كنتيش كتبتي النهاردة وفضلتي علي رايك ننزل يوم 8 كنت هقول عليكي من الفلول وهخوينك لان ما يبجاش النخبة حالفة انها تنزل اليوم ده عشان الدستور اولا وقالوها علني في الصحف وانتي طلعة تقولي ننزل في نفس اليوم عشان لا للدستور اولا ونعم لباقي الطلبات .يعني لا ونعم تجتمع في يوم واحد يعني عاركة واللي يغلب اللي ماسك المنصة ويعم الفوضي وتكون علي الطبطاب ليهم لتاجيل الانتخابات.ثانيا ان شايف ناجل النزول شوية او خالص لان كدة بالهبل دة احنا افقدنا الميدان مصدقيتة وعندك يوم 27مايو خير اثبات قوللي ايه اللي اتحقق من اليوم دة دحنا بوظنا الدنيا وقعدنا علي تلاها ومبارك قعد ومدلدل رجلة في وشنا ولو عايزين تكملوا علي نفس الوتيره اه دة الغبي بعينة الناس عارفة سبب النزول ليوم 8 واحنا عارفين زي يوم جمعة الغضب الثانية (سبب سري معلن في الخفي وسبب واضح معلن في الظاهر) وبردة ضحكنا وضحكوا علينا ورفعنا شعار اننا مش خونة والله كل شويه هنككرره دة لو الجيش خدنا تحري يبقي حقة ما هو الغبا ساعتها لية ناسة اللي يستهلو. وقفي المهزلة دي لحد ما النخبة تهبط وتعرف حدودها ونعرف اخرتهم السودا ايه وبعد ما الدنيا تنضف والله لا تلاقي الناس كلها معانا وهترجع كلمة الثوار ليها مرددة الايجابي .وشكرا علي رايك اليوم لان اناس بتسمعلك لانك بتشغلي الدماغ فخلي السلاح صاحي
اعتقد اننا من حقنا بقي نعرف مين دول http://www.facebook.com/THAWRA.MASRYAيا ريت اللي يعرف يقول
عموما تدوينتك دي مهمة يا نوارة لانها بتكشف عن ان الشعب بدأ يبقى عنده خبره في موضوع الوقفات الاحتجاجية ، ومستوعب لامكانيات الفوضى فيها ( دس المطالب مثلا ) وبقى قادر يسيطر عليها او يقترح حلول للسيطرة على الفوضى دي ( زي مثلا ان انت صرحت انك مش هتنزلي )
حقيقى يانوارة جزاك الله خيرا وانا معجب جدا لانك محولتيش تدافعى عن الغلط بعد ماعرفتى انه غلط وللاسف فى ناس كنير بتعمل دة ظننا منهم انه لو اعترف بالخطء ح يكون شكلة وحش؟!!غير كدة ان من اول يوم والله وانا شاكك فى الناس دية وشاكك فى نواياهم ومعلش يعنى اية شادى الغزالى يعمل حزب يسمية الوعى المصرى ويطلع كمان بكل قلة ادب يقول ان هدف الحزب توعية المصريين؟اللى ملوش خير فى اهلة وملوش خير فى حد واللى يقول لمراتة ياعورة الناس تلعب بيها الكورة ياريت يانوارة زى ماكشفتى الحقائق دية على المدونة انك تقوليها على قناة التحرير لازم الناس تعرف الحقيقة دة واجبك زى الاستاذة اللى اتصلت امبارح ب محمود سعد وفضحت مؤتمر باريس دة واجبك احنا فلى اخطر مرحلة يارب احفظ بلدنا مصر
انا شوفت فيديو من فيديوهات كتير علي الفيس بوك الظابط بيزق بنت وبيوقعها علي الارض وفيه شباب واقف ماعمالش حاجة لقناعته انه لو ضرب الظابط حييترفع لما يجي يوم الظابط ده يتمسك يتفرم واللي يحصل يحصل مصر حتتحرر من الداخلية كل مادايرة الرجولة والكرامة زادت كل ماوزارة العار تقلصت الحل فينا احنا ولو ماخوفناش غير من ربنا ربنا اكيد حينصرنا وحنعمل الوزارة اللي بنحلم بيها وزارة وطنية من بشر مش حيوانات رمم ميعرفوش كرامة ولاشرف
انا قناعتي الشخصية كل ما اخلاقنا اتحسنت واتقينا الله في عملنا وتعاملاتنا وتجارتنا وجيرانا وعبادتنا ربنا حينصرنا الداخلية دي عاملة زي الكفار اللي بيعذبوا الممسلمين واحنا بنحاول نعيد تاهيل نفسنا علي مستوي الدين والاخلاق عكس المسلمين ايام الرسول عليه الصلاة والسلام ماكانتش دي مشكلتهم كانت مشكلتهم العدد والعدة ولما جهزوا رغم بشاعة الفرق في العدد ربنا نصرهم احنا العكس عندنا العدد بس مقصرين مع ربنا وفي الدين من حيث العبادة والاخلاق والمعاملة ولما نغير ده ربنا حينصرنا لازم نطبق الدين في حياتنا ونتقي الله حق تقاته وساعتها ولا مليون داخلية مجرمة حتقدر علينا ان شاء الله
ينصر دينك
يا نوارة لو سمحتى بما انك واصلة وبتطلعى فى الدش تسالى محود سعد او ابراهيم عيسي هو السباعى احمد السباعى راح فين وتبقي تردى عليا
كلامك صح فيما يتعلق بوجوب إحترام رأي الأغلبية حتى ولو لم يوافقنا وإلا مش حيبقى عندنا ديموقراطية أبداً .. بس المشكلة إنهم عايزين لجنة منبثقة من أعضاء مجلس الشعب القادم هي التي تصيغ الدستور .. فهل ستكون هذه اللجنة معبرة عن كل أطياف وإتجاهات الشعب المصري وهو الشرط اللازم توافره فيمن يصيغون دستور أي دولة في الدنيا ؟ الجواب : أشك .. ويشك معي جميع الليبراليين والعلمانيين إذ - وطبقاً لقراءة الواقع السياسي - سيكون ثلاثة أرباع هذه اللجنة من الإخوان .. فبأي حق إذن يصيغون هم وحدهم دستور مصر ؟ لذلك يطالب الليبراليون والعلمانيون بالدستور أولاً وهو المطلب الذي تعتبريه حمرأه بينما الذنب ليس ذنبهم .. طب الحل أيه حتى لا تكون هناك (حمرأه) ؟ الحل هو تشكيل لجنة حكماء تضم كافة الإتجاهات والأطياف ومالهاش دعوة خالص بمجلس الشعب وتقوم بصياغة الدستور بعد الإنتخابات البرلمانية لا قبلها .. صافية لبن حليب يا قشطة ؟
يانوارة ماكل واحد ينزل و يقول الىل عايزه و اللى فى الشارع حايسكتوه او يرفعوه على رؤوسهم لكن ماينفعش احنا ما بنصدق نتجمع و نقول رأينا ......رأيي ننزل و كل واحد يعرف موقفه ايه مش حانعمل زى الأخوان المرة اللى فاتت ده رأيي
لا يا ستى هما نازلين علشان يأجلوا الإنتخابات زى مايوم 27نزلوا علشان يأجلوا الإنتخابات برده وحلفتلك ميت يمين وحضرتك مصدقتنيش بس بقى أخر الكلام مفيش كلب حيقدر يفرض رأيه على الشعب أو بقى بصيغة الغرور عليا أنا شخصياً وأى كلب يقول أصل الإستفتاء معرفشى أيه والناس أصلهم أيه يبقى يتفضل يدورله على شعب تانى أحسن مننا مبينضحكشى عليه أخر ماأقدر أقوله فعلاً أنا مش حأقدر أعيش تانى فى زمن حد يفرض فيه رأيه عليا تانى لأ ورحمة أبويا يبقى تتطربق على دماغ الكل قبل ماحد ييجى يحتلنا تانى
بحبك مووووووووووووووووووووووووووووووووووووت.ايون كدة اتعدلى جاك خابط.كنت ماموص منك بس ميزتك انك بتفهمى بسرعة وبتغيرى اوتوماتك انا حطير من فرحتى بيكى ربنا يحميكى يا" نوارة الانتصار"
دستور مين والناس نايمين احنا عايزين حق الشهداء والغلابة عايزين الفساد يحل عنا بقى او على الالقل الحكومة والمجلس العسكرى يخد خطوة ويفعل الهيئات الرقابية ارحمونا بقى هو احنا حنشحت حقنا
يا نوارة أنا نازل 8 عشان أقول "إن أول مطلب للثوار إعدام البي الطيار" زى مكنت بقولها فى التحرير ... عاوز أشوف محاكمات بجد .. أنا هتشل من العدالة البطيئة ديه ... كلنا لازم ننزل يا نوارة .. و رأينا الكويس يعلى .. بس لازم كلنا نبقى واحد .. أنا ولا يفرق معايا دستور أولا برشلونة أولا ..اى خرا فوق دماغهم أنا اللى يهمنى و يهمنى بجد .. إن دم الشهدا ده ميروحش .. إن تبقى فيه عدالة إجتماعية بجددددددددد .. إنهم يتحاكموا بقى ..كفاية كدهههههههههههههههههههههههههههههههههههههههههههههههههههههههه
هموت و هطق و الناس هطق ...
مش جايبنلى أمين شرطة يحاكموا ...
اعملى الإعتصام 19 78 .أى يوم فى الشهر ... اعملوا أى حاجة ...بس نجاكم الناس ديهههه
هههههههههههههههههههههههههه بتوع الدستور اولا دول تيسبهم وتقعدى تتفرجى عليهم من بعيد وانتى بتضحكى على حركاتهم الطفوليه لما نشوف هيعرفوا ينزلوا بمليون ولا ومره يقولوا احنا جمعنا 3 مليون توقيع ومره مليون ومره 200 الف والله شكلهم ماجمعوش 100 الف على بعضهم اول مره اعرف ان الاستفتاء باطل علشان ماجاش على مزاجهم طب ازاى كان مزور وكان كل الناس بتابع العمليه الانتخابيه وبتتابع اللجان يوم الاستفتاء بردوا علشان مش على مزاجهم
this blog is irrelevant of post. its about blogging for sexual harrasment for women http://thecirclesquare.blogspot.com/2011/06/blog-post_19.html
تمااام التماااام وخليهم يلموا شويه المنتفعين وبتوع الابواق العاليه وزباله الاعلام ويا ريت لو شويه من بقايا الوطني عشان لما الكاميرات هتصورهم هنعرف فين الشعب وفين الاوصياء عليه
احنا شعبنا حر ولما خلعنا الفرعون كنتوا شويه حشرات تقتات من فضلاته الناس دي لازم تعرف حجمها وخلي برامج التوك شو اللي صدعوا امنا فيها تنفعهم
اسمحى لى يا نورا أتفق واختلف معاكى أنفق فى موضوع الدستور أولا اللى لو حصل يبقى الثورة فشلت للأبد وعليه العوض فى اللى راحوا علشان نعيش ونبقى أحرار موضوع الدستور أولا ده نصباية جديدة برعاية وسائل إعلام رجال الأعمال من نوعية نجيب سبارس والسئ البدوى وأحمد بعجر وحسن راكب اللى عارفين كويس إن أى انتخابات هيكون مصيرهم بعدها السجن مع اللى مسرحينهم وكل الصحفيين اللى سارحين وراهم والمذيعين الموضوع بالنسبة لهم سبوبة مش أكتر اللى مصدوم فيهم بجد ابراهيم عيسى ومجموعة الشروق بالذات ابراهيم اللى يرضى لنفسه يشتغل نبتشى عند البرادعى اللى بدوره خايف انها تبقى برلمانية فيقعد فى بيتهم بلا مكافأة نهاية الخدمة ومعاه البسطويسى اللى ماشى بطريقة خدونى معاكم والا هاخرق نفسى بروته ولا له فيها عموما كلهم تحت جزمة الشعب خصوصا بعد تصريح نائب مجلس الدولة ان محدش يملك مخالفة ارادة الشعب حتى المجلس العسكرى وان موضوع الدستور أولا لو اتعرض عليه هيستقيل يفضوها سيرة بقى ويتلموا ...وعايز اختلف معاكى فى موضوع عادل ورشا بالذات عادل ده مرقوع وعنده مراهقة متأخرة ومبتز عتيد فاكرة ازاى عض فى ابوكى علشان يبتز نجيب سبارس أما رشا فهى من برتيتة ممدوح حمزة اللى بيلعب دورمشبوه وعايز ياخدها بالصوت العالى والموضوع كله ابتزاز للجيش مش حرية رأى لأن ده تحقيق خبرى يا نورا مش مقال واللى فيه ابتزاز للجيش مش نقد ولا رأى وهما لهم سوابق كتير فى الكدب على الدنيا كلها فاكرة روزا اليوسف فى التسعينات كانت متسخرة لإيه ولو عايزة تنصرى حرية الرأى اكتبى ولو سطر واحد عن اللى عملته المصرى اليوم فى أحمد الصاوى اللى وصلوه للأزمة القلبية علشان يراضوا السيد البدوى...توتة:كنت مفكر ابراهيم عيسى عبد الله النديم الثورة المصرية طلع عبد الله كمال...وسلام الله علينا أجمعين
بطلي الاستهبال ده....أنت من شلة الدستور أولا....أنت مصدقة أننا مقتنعين أنك ممن قالوا نعم في الاستفتاء.....
يا نـرنـر....يا كدابة
هو أنت عايزة أستقرار أصلا..أنت عايزة ميغة في البلد..غايزة بلد مهلبية...
هي البلد لما يكون لها مجالس تشريعية + دستور+رئيس جمهورية..وكله بأنتخابات حرة
أنت هتفركي فين؟؟؟..والدعك والفرك بتاع التحرير هيبطل...هاتعملي أيه وقتها أنت وصحباتيك؟؟؟؟؟؟؟؟؟؟؟؟
بطلي الاستهبال ده....أنت من شلة الدستور أولا....أنت مصدقة أننا مقتنعين أنك ممن قالوا نعم في الاستفتاء.....
يا نـرنـر....يا كدابة
هو أنت عايزة أستقرار أصلا..أنت عايزة ميغة في البلد..غايزة بلد مهلبية...
هي البلد لما يكون لها مجالس تشريعية + دستور+رئيس جمهورية..وكله بأنتخابات حرة
أنت هتفركي فين؟؟؟..والدعك والفرك بتاع التحرير هيبطل...هاتعملي أيه وقتها أنت وصحباتيك؟؟؟؟؟؟؟؟؟؟؟؟
بطلي الاستهبال ده....أنت من شلة الدستور أولا....أنت مصدقة أننا مقتنعين أنك ممن قالوا نعم في الاستفتاء.....
يا نـرنـر....يا كدابة
هو أنت عايزة أستقرار أصلا..أنت عايزة ميغة في البلد..غايزة بلد مهلبية...
هي البلد لما يكون لها مجالس تشريعية + دستور+رئيس جمهورية..وكله بأنتخابات حرة
أنت هتفركي فين؟؟؟..والدعك والفرك بتاع التحرير هيبطل...هاتعملي أيه وقتها أنت وصحباتيك؟؟؟؟؟؟؟؟؟؟؟؟
انتى يا ستى بقولك ايه طب ما نخلى كل الى عنده حاجه ينزل بمعنى الى عايز الدستور اولا ماشلى والى عايز يحقق اهداف الثوره الى ضحكوا علينا بمانشيتات وقالوا انها اتحققت ماشى والى عايز يطهر الشرطه والقضاء والاعلام ماشى والى بيقول الفقراء اولا يا ولاد الكلب وانا واحده منهم برضه ماشى يعنى كل الناس الى طلعوا من يوم 25 لغايه ما غار فداهيه الى لا يورد على جنه والاهى يتمرمغ فى نار جهنم مشى كان كل واحد بيرفع يافطه بالى هو عايزه هو يعنى الناس كانت ساعتها بتعمل تصويت وتقول لامش هانتكلم الا فى ده ولا ده طبعا لا بس المهم ان الناس اصرت على موقفها ومارضيتش بانصاف الحلول وكل ما كان فى ناس كتيييييييييير يبقى احسن وفى اصرار على المطالب يعنى بالعربى كده اصرار على تحقيق المطالب مش مانشيتات والناس ماتمشيش من الميادين كلها فى مصر المحروسه كلها وعلى فكره الناس فاكره انهم حاكموا المخلوع علشان الناس هددت بننا هانروح شارم الشيخ والحقيقه ان المجلس اتحرج من الحديث بتاع المخلوع فى العربيه وكانت الكره فى ملعبهم ساعتها وخافوا على سمعتهم او كراسيهم
بسم الله الرحمن الرحيم
نوارة الأنتصار اللهم صلي ع النبي
اللهم صلي ع النبي أيوه
التدوينة اللي قبل اللي فاتت أنتي كتبت كلمتين حلوين قوي
عن أيه عن أننا لازم نتكلم في التفاصيل
و ده موضوع كنت قولت لك عليه من مدة و انتي أنشغلتي عنه
المهم أحنا لازم نتكلم في التفاصيل و تفاصيل التفاصيل كمان
بس ايه التفاصيل المهمة اللي تهم الناس
اللي تغير حياتهم
اللي بتأشر تأثير مباشر علي معيشتهم
التفاصيل اللي بتخللي الحياة جميلة
التفاصيل اللي ما لهاش دعوة بالدستور أولاً و لا الأنتخابات أولاً
التفاصيل اللي ما لهاش دعوة بالأنتخابات و صناديق النتخاب
و أحب أقولك أن مطلب الدستور أولاً مش عيب لأنه بيتفق مع طبيعة النظام الديمقراطي
حيث ان في النظام الديمقراطي
بيبقي كل واحد عايز الغالبية توافق علي رأيه
أو يحاول يفرض رأيه عليهم عن طريق
الدستور أولاً مثلاً خوفاً
من ان المجتمع ممكن يضلل أو يفرض عليه
حاجة هو مش عايزها لكن للأسف دي طبيعة النظام الديمقراطي
حاجة كده زي تهمة معاداة السامية في الغرب
تابو ما لوش دعوة بأنتخابات و لا غيره
و لا فيه تفكير حتي و غير قابل للنقاش أصلاً
عموماً أسمح لي أفكرك بما سبق نشرتيه في مدونتك من مقترحات
من أجل ثورة كاملة من أجل تغيير حقيقي يجب تحديد الأهداف بالتفصيل بالتفصيل و بالتفصيل الممل و تفصيل التفاصيل من أجل تغيير حقيقي يحب أقرار (المبدأ الذهبي للأجر) مبدأ تقييم الحد الأدني للأجور مقيماً بسعر الجنيه الذهب بمقدار واحد و ربع جنيه كأجر أساسي مع تغيير نظام الأجور الذي يعطي أجر أساسي رمزي و حوافز يتم السيطرة بها علي العمال لوقف اي احتجاجات علي ايه قرارات ادارية فاسدة و كذلك أرساء مبدأ لمنح كل عامل بطاقة توضح مهام وظيفته بدقة لتتحدد المسئوليات و تتم مقاومة الفساد في أنظمة العمل بمصر سعياً للتقدم و التطوير و الحفاظ علي الحريات علي أن يتم تطبيق ذلك تدريجياً في خلال من 3 إلي 5 سنوات مثلاً و هو ينطبق علي أجور الجيش و الشرطة أيضاً يجب يجب يجب أبلاغ العمال بهذة المبادئ التي سوف تقضي التي سوف تقضي علي أستغلال المفسدين للأحتجاجات الفئوية و تمنع أحداث كخميس و البقري في يوليو 52 تتسبب في فجوة بين الجيش و الناس يرجي الأهتمام بحقوق العمال الحد الأدني للأجور بتاع الناس الغلابة موفقين إلي الخير
ان عمل ميثاق لأهداف الثورة شئ رائع و صحيح و لكن هذا الميثاق لابد و أن يكون مشتملاً علي الحقوق العملية المادية الواضحة للأفراد كالحد الذهبي للأجور (ما يعادل جنيه و ربع ذهب يعاد النظر فيه كل ثلاث سنوات لتلافي آثار التضخم ) و فترة زمنية محددة للبت في القضايا و الخصومات و الحق في الأرض دون قيد أو شرط أو ثمن , و التعليم الحر بلا قيود , و العمل الحر في أطار تحمل المسئولية , و بلا أشتراطات معقدة و التفصيل مهم لأن اللي ميتكلمش في التفاصيل يتضحك عليه يتم خداعه يعني
دي مبادئ خاصة بالنـــــــــــــــــــــاس الفقراء و المساكين العمال و الفلاحين و الموظفين الناس فاكرة النــــــــــــــــاس يا نوارة لابد من مبدأ الحد الأدني للأجور الأجر الذهبي و تحديد مهمة كل عامل علشان الناس تنتظم في شغلها و منقعش في أزمة يشمتوا فيها حزب المفسدين و لابد من حماية الشرطة و معاونتها و مراقبتها في الوقت ذاته بالفكرة المقترحة بأن يصدر المجلس الأعلي للقوات المسلحة أو رئيس الوزراء بيانا ً ( علي أن يضع لذلك القواعد المنظمة في أسرع وقت ) يطلب فيه من شباب كل حي و منطقة التطوع للخدمة العامة في أقسام الشرطة و الأطفاء كل في حيه و منطقته _ لمدة من شهر إلي ثلاثة أشهر _ و ذلك لأنشاء مجموعات دفاع مدني تزاول العمل الشرطي من الضبط و الأحضار و تنظيم المرور و تقديم البيانات عن الحالة الأمنية تعمل تحت أشراف رجال الشرطة و ذلك لخبرتهم الأدارية و يكون لرجال الشرطة الأشراف و التعريف بالمهام و كافة الأجراءات الأدارية الأصيلة في عمل الشرطة أو تقوم الشرطة بعملها في ظل رقابة شعبية كقوة تعضدها و تراقبها في الوقت ذاته و هي متطوعي الدفاع المدني علي أن يكون لهم بطاقات رقمية معتمدة و شارات واضحة كمدنيين و ليس زياً خاصاً يميزهم عن رجال الشرطة و ذلك في أطار تطبيع العلاقات مع الشرطة و التعرف علي مجهوداتها و تقديم الدعم لها في واجباتها و هو أيضاً يعبر عن نوع من الرقابة الشعبية لعودة الثقة و بكده تبقي بتحمي المبادئ الجديدة المطلوب تطبيقها و اللي يخش قسم هيخاف ليه ما فيه ناس من الشعب حواليه موفقين للخير
يا نوارة أستهدي بالله يحلوا اللي يحلوه و يخلوا اللي يخلوه أعلان مبادئ لله يا عالم يااااااااهووووووو
حد أدني للأجور بالذهب ينهي الأحتجاجات الفئوية اللي هي حق الناس و اساس ثورة الغضب بصراحة مش فئوية و لا مئوية و حرية للتعليم و العمل في اطار المسئولية و الحق في الأرض و تعميرها و الأجراءات السياسية دي حوار تاني خلصوه زي ما تخلصوه المهم أعلان الحقوق ماجنا كارتا و موفقين للخير
ثورة من غير أهداف كلام فاضي مجرد تفريغ عاطفي و تعبير عن شعور بالضيق
من أحساس بالظلم و بعدين فشششششششششش و لا حاجة
الناس ترجع تهدا بعد ما يكون ضاع الي ضاع مات اللي مات و عاش اللي عاش
و ما تدوشوناش و أيه يعني لما يموت مليون أو كل الكون العمر أصلا مش مضمون
و ده من كلام عم نجم و قبله قال بيرم التونسي
يدخل الأفندي ع المكتب يدوق المكسب
و يلتقوه سيد من ينهب أربع تخماس
يدرز جيوبه و منديله
باللي يجيله
و أمه الأروبة تدعي له في أبو العباس
يعني أيه يعني الموضوع محتاج دعوة تصحح الأخطاء و المفاهيم محتاج ثورة ثقافية
إن صح التعبير تعلم الناس البعد عن الرشوة و كرهها و حب الخير و العدل و العمل
و أي دعوة لازم ليها أهداف واضحة مطلوب تحقيقها علي أيدي من يقتنع بهذة الأهداف
ممكن الثورة برضه يكون لها أهداف لكن للأسف الثورة مجرد فورة عاطفية و قرارات غير مدروسة زي ما حصل بعد ثورة يوليو 52 و زي ما بيحصل دلوقتي
زمان مصادرة أموال الباشاوات و أسرة محمد علي محليتش مشاكل الناس بالعكس زودتها و جري الناس علي الخليج للعمل و الهجرة في أوربا و النتيجة ثورة 25 يناير سنة 11 اللي بعد كم سنة هيقولوا ثورة 11 علشان اللي قام بيها 11 واحد الساعة 11 في شهر 11 زي ما قالوا عن ثورة 19 في فيلم الناظر سخروا منها يعني لأن بعد ثورة 19 أكتشفوا أن البلد لسه تحت الهيمنة الغربية و الناس لسه مظلومة يعني ثورة 19 و 52 كانت مجرد شعور بالضيق و الظلم و تعبير عن الغضب زي ما قالوا جمعة الغضب غضب الله ع الظالمين وحدهم آمين يا سادة يا أساتذة يا جهابذة يا حضرات
أن ثورة بلا أهداف وراء الفوضي أنجراف
أحبسوا اللي تحبسوه و حاكموا اللي تحاكموه لكن بعد ما تنضفوا القوانين اللي هم حطوها علشان تطلعهم براءة
حددوا الأهداف و ما تخلوهاش رد فعل علي أفعال الاخرين
أجعلوا الأهداف واضحة قائمة علي العمل و العدل و البناء مش هدم الاخرين
أهتموا بالبناء زي ما بتهتموا بالهدم و موفقين للخير
يا نوارة الأنتصار يا حضرات القارئين يا كل الناس يا بشر يا عالم يا جدعان يا بني آدمين
ممكن أعرف هو مين اللي هيحاسب مين
ده الشعب أغلبه متورط في الفساد و لسه الفساد موجود و نابه أزرق لأن الفساد فساد القوانين و اللوائح و النظم يا ناس النظام متغيرش و لا جراله حاجة النظام ما اتغيرش يا نوارة النظام ما اتغيرش يا جدعان النظام ما اتغيرش يا رجالة النظام ما اتغيرش يا خلق
رحيل الأشخاص حاجة و تغير النظام حاجة الملك فاروق مشي و النظام فضل قاعد لعهد حسني مبارك
و هي هي القضية الفساد و الرشوة و راجعوا بيان ثورة يوليو ليه بقي الفساد موجود علشان النظام فاسد الفكر فاسد مش الأشخاص
و الدليل فاروق و باشاواته و مبارك و مراته
و خلايق كتير موجودة و أكتر منهم ماتوا يا حضرات ما ينفعش نتوضي بمية وسخه
و الله العظيم ما ينفع
أقل حاجة للطهارة أن المجلس العسكري و المشير و النائب العام يقدموا في الجرايد كشف حساب و ذمة مالية و يتلوهم شرف و الحكومة و كل من عايز يقاوم الفساد من صحفيين و عمال و غيره و أنا و أنتي و الفرح و مصر كلها و اللي يعرف حاجة عنهم و عنا يقول و احنا و هم إذا حد ليه عندنا أو عندهم حاجة هم يدوهاله و أحنا قبلهم نأدي اللي علينا نخلص ذمتنا و يخلصوا ذمتهم و الرمم الحرامية التانيين اللي عايز يخلص ذمته و يعترف و يرجع الحقوق و يتوب أهلا به أخوووووونا المصري و مشتاقينله يا مرحب و اللي بيكابر أهي الرجالة تبقي واضحة نضافتها ما فيهاش شك و الجرايد و شهادة الناس ما بتكدبش و بقت الأمور واضحة فتعرف تنضفه الفاسد المكابر و ده أضعف الأيمان بالنسبة للأشخاص و تفضل القضية الأساسية للمبادئ الصالحة اللي تبني نظم صالحة تدي لكل واحد حقه لكن الثورة لوحدها ما تنفعش لا تهدي حاير و لا تبني ضماير لكن اللي يبني و يعلي هي الدعوة للخير وأن كل أنسان ما يعتديش علي حق الغير و العدل و المساواة و مبادئ واضحة تحدد الواجبات و الحقوق و تدعم حرية الأنسان هو ده المطلوب و هو ده عين الحرية للأنسان
عموماً قولت لك و هأقول تاني علشان الأمن لابد من أن الدفاع المدني يقبل متطوعين من كل حي و شارع و فترة التطوع تكون تلات شهور مثلا
و تتشكل منهم لجان شعبية في اطار التنظيم الرسمي للدولة اللي هو الدفاع المدني يساعد الشرطة و يراقبها أو يقوم بدورها كامل تحت اشراف الشرطة و هم يكونوا في الأقسام و يكون في الأقسام لجان قضائية لحل النزاعات سريعاً و افراد للرقابة من الجيش و بكده لو حد من الشرطة كان فلول للفساد اللجان الشعبية هتجيبه و تعترف عليه لأن افراد اللجان هيبقي متغير بطبيعته الحال كمتطوعين و اللجان القضائية موجودة و الجيش بيراقب و له تواجد و اللجان الشعبية برضه هتبقي بتحمي الشرطة من اي سؤ تفاهم و تبني جسور للتعاون و الحب و التفاصيل ع المدونة
و كمان قولت علي حرية التعليم و العمل و ان ما ينفعش تتفرض المناهج و المدرسين و سنوات الدراسة علي الطلاب و لا ينفع نفرض الطلاب علي المدرسين
وكمان بالنسبة لموضوع الأرض الزراعية و حكاية التعدي قانون منع البناء علي الأرض الزراعية غلط و السبب فيه يوسف والي لأنه ما ينفعش نمنع الناس من الأستفادة من أملاكها بالصورة اللي تحقق لهم منفعة ده شئ غير قابل للتطبيق و الواقع ما بيكذبش و اللي عايز يحافظ ع الأرض الزراعية ينميها بممر التنمية بتوشكي بغيره هو ده الأجراء الصحيح لكن نزود المشاكل و نخليها مشكلة زراعية و اسكان ما ينفعش و محدش هيسمع الكلام ده و هو ده تغيير النظام اللي قولت لك انه النظام ما اتغيرش و ارجعي للتعليقات السابقة و أيمانات المسلمين النظام ما اتغير و لازم نتكلم في التفاصيل و الا هيبقي يا ابوزيت كأنك لا روحت و لا جيت و مبارك كان عنده حق عرفه الجامع سعد زغلول قال لأ .. .. ده ما فيش فايدة ... .عايزين نقوله لأ أهي جاية الفايدة
خللي بالك بقي شوية علشان نتناقش في العمار في الخير مش في الأذية
و نحبس مين و ما نحبسش مين ما يتحبس و لا يغور في داهية قدر زلزال زي بتاع الصين و خد شوية فلوس و أرواح _مش هنشتغل يعني و هنقعد ندور علي فلوس جدو مبارك قصدي يعني سكة الحساب حاجة و سكة تغيير النظام حاجة تانية و علي فكرة قولت برضة ازاي هنحاسب ع الفساد بقوانين فاسدة هم اللي حطوها
العدل مبدا أساسي
العدل فوق الدستور و أي مادة و قانون
يخالفه يغور
و محاكم التفتيش و ظلم الرهبان الأرثوذكس ما ينفعش
و عصبية الشيوخ و فرض الرأي باسم الدين ما ينفعش
العدل الأساس و اللي يخالفه ينداس
نواااااااااااارة
الله ينور عليكي
يهدينا و يهديكي
و يجعل خير علي ايديكي
اهم حاجة الناس
الناس الغلابة اللي ما لهاش دعوة بالدستور و لا الدكتور
أهم حاجة العدل
ليا رد بس مش مباشر عن كلام نوارة
الكلام لينا كلنا..و هو ان بختلاف وجهة نظر انهو طرف الى صح.....خلى القوى السياسية ترغى مع بعض فيها لان دة مش ملعبنا....
الشعب اللى انا و نوارة جزء منة لازم يبقى كلة فى الشارع للطلبات بتعتنا للثورة
يا ستى لو النزلة دى للدستور و معاها حجات تانية...خدى يفقطة كبيرة و قولى انا جية للحجات التانية و مش عايزة الدستور اولا...و صدقينى صورتك هنتتشر فى الفيس بوك عادى جدا و الكل هيعرف موقفك...و خلى كل الى كدة يعملو كدة
لكن 8 ىيوليو دة لازم يتم بالشعب كلة...و لو حد قال كل الى كانو فى التحرير كانو عايزين دستور الاول هنطلع نقول كان فى وسطنا عدد بيقول جى لباقى المطالب
و اعتقد دة الى خحصل فى اخر مليونية الى الجيش قال معليها
بس متقولش خحاشدة
كفاية قرف انتي مختزلة الثورة داخلية وعمر سليمان يا لاعقة ارحمي اهلنا كفاية لعق
ينادون بالديمقراطية ولا يقبلون بنتائجها، أليس هذا انفصاماً بالشخصية ؟!
الشعب هو وحده صاحب الحق في اختيار دستوره ، ونواب الشعب هم ممثلوه الذين يُعبّرون عن رأيه ، فالشعب ينتخب ممثليه ، ثم هؤلاء يضعون الدستور نيابة عن الشعب !
ما الصعب في فهم هذا ؟!
عليا النعمة البنت دي بتقول كلام زي الفل ومعلش بقى تقوللي الأستفتاء باطل - جواز عتريس من فؤاده باطل . المهم ان الشعب اختار كده في النهاية وموضوع الدين اللي دخل في الاستفتاء ده عادي مش جديدة . بس يبقوا يوررونا هيدخلووه في الأنتخابات ازااي. واحد منهم حب يعملها مع مرشح سلفي للرئاسة . اتمرمط وتمسح بيه اليوتيوب(الارض)وأغلب التعليقات كانت ضده تاني حاجه الدستور شئتم أم أبيتم هيتكتب بلأغلبية مش بالتوافق الشعبي لأانه ببساطه اللي هينجحوا في مجلس الشعب لو أخدوا اغلبيه هيعدلوا الدستور اللي انتوا هتحطوه بالتوافق وهيطرحوا للأستفتاء الشعبي وساعتها هيبقى منظركم زبالة اوي اوي
بس كله كوم واللي اسمه
hardawy
ده كوم تاني
مش عاجبه اي كلمة كتبتها نوارة حتى لو كانت بتعبر عن وجهة نظره بتهيألي حتى لو كتبت بسم الله الرحمن الرحيم
برضه هيشتمهاهههههههههههه بصراحه بني أدم غريب أو ربما فلول كبير والله اعلم
والله انت بنت محترمة، اخيرا حد منكم خد باله من المهزلة اللي بتحصل
ههههههههههه
ده شوية شوية هتقولي عليهم شياطين الإنس
:D
انااول مره ادخل علي مدونه شكلها غريب بس قشطه وجه نظر فعلا بس مااعتقدش انهم هاينزلوا عشان الدستور اولا لان اخر جمعه بتاعه الغضب اكدوا انهم مش نازلين عشان يخلوا الدستور الاول ولا عشان يمشوا المجلس العسكي ...عهل هايتغير الموقف بالسرعه دي المشكله ان الراي مش واحد ولاحتي واضح
انااول مره ادخل علي مدونه شكلها غريب بس قشطه وجه نظر فعلا بس مااعتقدش انهم هاينزلوا عشان الدستور اولا لان اخر جمعه بتاعه الغضب اكدوا انهم مش نازلين عشان يخلوا الدستور الاول ولا عشان يمشوا المجلس العسكي ...عهل هايتغير الموقف بالسرعه دي المشكله ان الراي مش واحد ولاحتي واضح
السلام عليكم
استاذه نواره معلش انتى مش مقتنعه ان غالبية الشعب نزلت عشان نعم لاجل الاستقرار وحتى لاتتغير الماده الثانيه من الدستور بتغييم من قوى سياسيه زى الاخوان وغيرها
ثانيا اذا قلنا ايوه حصل ده بس ده تمن الحريه وانا بحترم 77.2 غالبية الشعب فهل مقتنعه ان المجلس الاعلى احترم الشعب وطبق اللى قال عليه لالالالالالالالالالالا ده جاب اعلان دستورى من64 ماده وغير وشال من المواد اللى استفتانا عليها مش ده اللى حصل
ثم ان الشهداء اللى ماتوا دول كانوا بينادوا بايه مش دستور جديد
وبحكمى دارس للتاريخ فكل ثورات مصر قامت من اجل هدفين اساسيين معها اهداف اخرى وهما الحريه والدستور فبعد 25 يناير بعد التحرر لابد من تنفيذ المطلب الثانى الدستور وتم ماحدث كما سبق وذكرت
ارجو سماع وجهة نظرك ف كلامى
تحياتى
ربنا يوفقك يا نوارة في الموقف المشرف ده.. خلي بالك يوم 27 بعد ما شالوا مطلب الدستور أولا نزلت المصري اليوم يوم 28 مايو وقالت إن الخلق دي كانت بتتظاهر عشان الدستور أولا
من الآخر الشلة دي بالإعلام بتاعها حتى لو ادعت إنها تراجعت عن المطلب وإن المطالب الباقية توافقية فهترجع في كلامها وتشتغل تدليس بمجرد ما تلاقي إقبال على المشاركة وتقول آه ده عشان الهدف الأصلي
يعنى مسمعتش ردك استاذه نواره ع كلامى
Post a Comment