Wednesday, 22 June 2011

اقتراح محسن بركات: جمعة 8 يوليو يكون شعارها "المصريون اولا" ها؟

ما تنسوش يا مصريين.. ما تنسوش


الزميل على التويتر اقترح ان عنوان جمعة 8 يوليو تبقى: المصريون اولا
وتبقى المطالب لها علاقة بحياتهم المباشرة
يعني مثلا الحد الاقصى للاجور في مؤسسات الدولة عشان يتم التحكم في الاسعار واعادة بناء داخلية جديدة والغاء الامن الوطني، ده رجع يتصل بالناس تاني من برايفيت نمبر زي زمان

وانا مش فاهمة الغاء الامن الوطني مستحيل ليه؟ انا عارفة ان المصريين قلبهم ... بس انا باقول لهم لو كان الـ... بينفع كان نفع نفسه
ثم هم حيتوزعوا على بقية الاجهزة، جوازات بقى مرور اي داهية
مش عايزينه احنا، اهم غيروا اسمه ومافيش لا اشراف قضائي ولا حقوقي عليه، وبعدين ليه الفلوس دي كلها، ما يروحوا اجهزة تانية ويحلوا ده
مافيش حاجة عدلة حتتعمل في البلد دي طول ما الداخلية شغالة بنفس الطريقة القديمة، الداخلية دي لازم يتعمل لها اعادة هيكلة، الداخلية والامن الوطني بالتحديد هم المسئولين عن الخطاب المضاد للثورة، وهم المسئولين عن البلطجية، وهم المسئولين عن تعطيل بقية الوزارات انها تعمل اي حاجة مفيدة تمس الناس في حياتهم وتحسسهم ان فيه ثورة في البلد
وبعدين راجعين بنفسية منتقم مع ان هم الفئة الوحيدة في البلد دي اللي استفادت من الثورة، هم اللي مرتباتهم زادت مية في المية، وعبء الشغل قل من عليهم، واخدوا حوافز ومكافأة زيادة، ومافيش اي ضرر وقع عليهم خالص بالعكس، كله جاي عليهم بفوايد.. بس قالك: نفسيتهم تعبانة، شيل الشرطة من الارض، ادي الشرطة لابوه، يا عيني الشرطة بتعيط
وكذا حد منا انا واصحابي قابلنا ظباط شرطة صغيرين، نقيب او رائد، وقالوا لنا في الشارع: قياداتنا بتقول لنا احنا عايزين البلد تخرب.. وبيقولوا لنا سيبوا البلطجية واقرفوا الناس العادية
ده كلام شباب من جهاز الشرطة نفسه، مش ممكن كل دول متواطئين على الكذب، والعيال فيه منهم عنده استعداد يدلي بشهادته في الاعلام، وفيه شباب في الشرطة كتير مستعدين يتعاونوا ضد قياداتهم وبيقولوا احنا عايزين نشتغل كويس ومش عايزين الناس تكرهنا ولا عايزين نرجع للوضع السابق.. عيال صغيرة ولسه ما لحقوش يستلذوا طعم الفساد وعايزين يعيشوا في اطار كويس ويشتغلوا على نضافة
يبقى لازم ناخد موقف
قلتوا ايه في اقتراح محسن بركات؟

33 comments:

emi_80 said...

طبعا فكره عاجبني قوي المصريين اولا مافيش اطهر من كده سيرو على بركه الله ياشباب عاوزين حشد على قد ماتقدرو المحافظات حبايبي مستنياكو الالتراس مافيش كلام الميدان مستنيكو اللجان عاوزاها زي يوم27 كانت منوره واعداد اهم حاجه اعداد اللجان تكون قويه وطبعا انا معاكو ان شاء الله

Ansary said...

إقتراح لوكس طبعاً!
ومتهيألي مش هيبقى في إجماع أقوى على شعار من الشعار ده..
والله الموفق

Ansary said...

إقتراح لوكس طبعاً!
ومتهيألي مش هيبقى في إجماع أقوى على شعار من الشعار ده..
والله الموفق

Ansary said...

إقتراح لوكس طبعاً!
ومتهيألي مش هيبقى في إجماع أقوى على شعار من الشعار ده..
والله الموفق

sum_1_ said...

نسيتي تقولى ان كليتهم هي الكلية الوحيدة اللي ادت بتوع ستة رابعة ديسكاونت سمستر

mahmoud said...

هو ده الكلام الاجابة السحرية لمشكلتنا الكبيرة هي وزارة العار او الداخلية سابقا ياناس بقي فيه شعب يتسلخ لحد ماجسمه يسيح ويتحقق مع بناته بالملابس الداخلية والنظام يرجع تاني الناس اللي عملت فيه كده ويعيد تشغيل جهاز السادية والتعذيب المسمي بالامن الوطني رغم ثورة الشعب يا اما دول اغبيا يا اما فاهمنا اكتر من نفسنا وعارفين اننا حنقبل لو قالوا لنا شوية البلاموطي بطوع الاشراف القضائي والحقوقي لو حيكون فيه حرية سياسية مافيش داعي للامن الوطني اما امن الدولة من الداخل فالمخابرات العامة والامن القومي كفيل بيه وبالامن الخارجي كمان مع المخابرات العسكرية لازم نرفض عودة الامن الوطني تحت اي مسمي ياجماعة ده مرة كنات مع صحابي بنكلم رائد تقريبا في الجيش وبنتكلم في احوال البلد واحد قاله كلام فيه تجاوز قاله عادي تليفون واجيبهوملك جمبنا اهم هاه اتصل قاله الولد لا وعلي ايه وقاموا ضاحكين تقوم ياجيش ترجعهم تاني وتخضع للضغوط ده انت مشارك في جريمة قمع المصريين بقي لا للامن الوطني ولا لعصابة الداخلية الموجودة الان عايزين شرطة محترمة تليق ببلد الحضارة اللي بيحولوا شعبها لحيوانات ورغم كده فشلوا

د/احمد فهمي said...

مش هايحصل يا نوارة ......مش هايحصل .....هايكتبوا اي مطالب ومجرد ما الناس تنزل تبدأ الهتافات واللوح تطلع ويلموا الكتميرات عليهم وعلى الاعداد بأن المطلب الرئيسي هو الدستور اولا ودا هايعمل مشاكل وانشقاقات في الميدان ...لو هما جديين فعلا في الموضوع دا يبقا ياريت لو يتغير الجمعه وماتكونش المليونية دي في يوم 8 يوليواللي اتعملوا الحشد على انه الدستور اولا صدقيني انا باقول رايي دا من باب خوفي على مصداقيتك مع الناس اللي بتثق فيكي زيي لكن بصراحة انا عن نفسي مش هانزل يوم 8 يوليو لكن ممكن انزل من بكرة معاكي بس لو لاي مطلب جماعي مش الدستور اولا

nour1971 said...

هو فيه ثوره قامت اصلا هو ده احساس ناس كتيره هي فيه حاجه اغيرت اصلا ، لازم نقوم بثوره ثانيه و المره دي بجد لازم يحصل تغير اذا كنتم حا تتكلموا علي الحد الاقصي للاجور خدي عندك دي بنك ........و اكتشفنا ان اكثر من نصف اسهمه مملوكه للافندي حسين سالم رئيس مجلس ادارته مرتبه ٣٥٠ الف جنيه في الشهر و النبي ركزي في الشهر مش في السنه و ايه كمان خالصه الضرائب يعني مش بيدفع عليهم ضرايب لما نزلت الحوافز بتاعت الشهر اللي فات الافندي ده كانت حوافزه لوحده اي و اللهي لوحده ٢ مليون و شويه فكه كده مع ان البنك خسران و متنيل بنيله بس رئيس مجلس الاداره عمه يبقي مفيد شهاب و كان بيشتغل فيه قبله علي طول هشام رامز اللي هو من الناي اللي خربته و جابت داغه هشام رامز دلوقتي نائب محافظ البنك المركزي انا بكلمك علي حاجه واحده طبعا كالعاده الموظفين الثانين اللي في البنك ده اللي ملهومشي لا واسطه ولا يحزنون مراتباتهم مبتجبشي ال٨ الاف جنيه في الشهر و بيدفعوا عليهم ضرايب طبعااااا لازم كل رؤساء البنوك يتغيروا كلهم كانوا و لا زالوا بيخدموا النظام القديم و الفلول و مش حا احكيلك علي النهب اللي كان بيحصل ايام الثوه و الدولارات اللي اتهربت من البنوك و الدهب اللي اتهرب و البنوك اللي كانت بتفتح الساعه ١٢ بالليل علشان تهرب الحجات دي لازم المحليات تتغير المحافظين يتغيروا الوزراء اللي لسه موجودين من النظام القديم و لسه وزراء مش فاهمه ازاي الشرطه لازم تتطهر بمعني تتطهر يا اما البدل حا تاخد علي قفاها بجدو دبنا يستر

احلام جوليا said...

من مقالتك السابقة حسيت كانك بتقولي ان الاستفتاء الماضي سبب في فرقة وانشقاق الصف بين الثوار وفكرت ليه لا اصلا توقيته مكنش مضبوط بعد الثورة مباشرة وكمان موضوعه مكنش مهم بمعنى خمس مواد يستفتى عليهم و62 يفرضوا على الناس وبعدين يتم تغيير على الخمس مواد اي لعبة يلعبها الحكام الان والسؤال الاستفتاء الحالي على النت على رئاسة الجمهورية ايه المقصود به وخاصة انه استفتاء نتي يعرف الجميع انه لا قيمة له لان الاغلبية في مصر لا يستخدموا النت الاغلبية الفقيرة والجهلة يصوتوا في الانتخابات علشان عشرة جنية وكيلو لحم

احلام جوليا said...

قولي لوزارة السلحفاة النائمة تمشي يا نوراه هي والنائم العام كلاهما سيدمرون الثورة وزارة تعتمد على الاستدانة في رفع الاقتصاد ولا تعطينا سوى الكلام والاحباط واعلام مسخر لنشر الفوضى والخوف من قلة الامن وزراه افسدت علينا حتى حب الحياه وجعلت الناس بالشوارع يسبون الثورة والثوار هذه الوزارة لا تمثل الثورة

utopia said...

كلام جميل بس احقاقا للحق ده الجروب ب اللى بيدعى ل 8 يوليو من الاول ومالهمش دعوة على فكرة باللى نطوا من اسبوع وقالوا الدستور اولا وهما اللى لغوا الدستور اولا من مطالبهم فى البيان اللى نزلتيه فى التدوينة اللى فاتت
http://www.facebook.com/THAWRA.MASRYA?sk=wall
وده الايفينت والمطالب فيه
بس على فكرة ازاى نطالب بالحد الاقصى بس والقطاع الخاص لم يطبق فيه الحد الادنى اصلا وعلى فكرة لورجال الاعمال فضلوا زى ما هما حرامية يبقى الثورة فشلت حتى لو عملتوا ايه
وكمان المطالبة بظبط الاسعار ده كمان اجماع وطنى وفى ايديهم ينفذوه من الصبح

بتوع مطلب الدستور اولا زى حملة البرادعى واللى معاهم نازلين ببراشوت زى عادتهم على اليوم وهيطربقوها بعد الناس ما تتلم
هما دول اللى تكلميهم
والنبى حد يفههم ان الاخوان والسلفيين اللى خايفين منهم دول مش اغلبية والله ولا حاجةخلليهم يتعدلوا بقا ويتقفقوا على حاجة تنفع الناس
ناس كتير مش لاقية تاكل ...الناس دى نجحت الثورة ولازم يجنوا ثمارها ويحسوا بتغيير.مش التغيير بس يحسه الاخوان والناس اللى هاتموت من الفرحة عشان عملت حزب وبيتخانقوا علي الحكم من دلوقتى...وفى الاخر كله حايخد بالجزمة من النظام القديم اللى بيرتب نفسه عشان يرجع وسنده الاول على فكرة رجال الاعمال وامن الدولة
....

mahmoud said...

ان شاء الله ربنا حينصرنا رغم كل المؤامرات اللي حولينا من كل ناحية بيحاربونا في صحتنا وتعليمنا وجيشنا وكل حاجة ولسة فينا الروح وبنوجه ضربات زي الثورة ومهما كثفوا حربهم ربنا حينصرنا يالا نبتدي حملة تطهير الداخلية وحل الامن الوطني ونشوف حنوصل لفين ومش لازم ننسي ان ربنا نصرنا حتي لو نصر وقتي وجزئي ولازم نكمل بنفس الروح وربنا معانا

utopia said...

لو الناس العادية شافت مكسب بعد الثورة فعلا زى الحد الدنى الللى هو 1200 بتوع الحكم وحد اقصى وضبط اسعار
الناس هاتتشجع تانى وممكن تبقى فيه مليونيات كل جمعة وتتجمع بسهولة
انما مطالب سياسية بسبعد ما الناس قدمت ارواحها ده شىء ما حدش هايقبله على فكرة
وهاتدنوكوا تدنوا فى مالطة ولا عزاء للمرحومة الثورة
سلام

RaghdaZouel said...

أقتراح ممتاز ودا الى كان المفروض يتعمل من زمان أصلا أننا نركز على مطالب الشارع ونفكنا من النخبه الفكسانه

Faissl said...

عندي حساسية من المصريين أولا ومصر أولا والشعارات النازية دي، إحنا نسميها "الناس أولا"، الناس قبل الدستور والانتخابات والسياسة والبلا الازرق

Masria said...

Masria_yas
See you on July 8, 2011. Keep on moving forward. Ya I7na ya homa.

negmat lail said...

الاهم : تطهيرالداخلية ..والمحاكمات ودم الشهداء ...وعدم الاقتراض الخارجي نهائيا..اكرر عدم المصالحة مع الداخلية ..الداخلية كانت جيش ضد مصر ...الثورة كانت انتصار ضد الداخلية ...لا يعقل الآن ان نتصالح مع العدو و نعمل كامب ديفيد تانية.. لو فيه ناس كويسة او عندها استعداد تبقى كويسة في الداخلية واكيد فيه ناس كده يا ريت يساعدونا

negmat lail said...

دم الشهداء اولا

Ahmed Fathi said...

فرصة ذهبية
ارفع القبعة لكل من يحاول افشال الثورة منظمين وتخطيطهم رائع وواضح ان السلطه فى ايديهم ومفاتيح الدولة وعرفو يستغلو طيبة الشعب وفترة الامتحانات قدامنا فرصة بعد الامتحانات نعيد تصحيح الاوضاع ولكن
بمنتهى الصراحة الثورة محتاجه ثورة
بمعنى ماينفعشى تحصل ثورة فى بلد واللى يحكمها بعد الثورة نفس الناس اللى كانت بتحكم قبلها الكلام ده مابيحصلش غير فى مصر
نفس الوزراء ونفس المحافظين واذا كان على الرئيس فهو غير مكان اقامته فقط
يا نااااااس عشان خاطر ربنا لازم البلد تتطهر بجد احنا مش بنثور على مسئولين مصريين فقط أمريكا هى المحرك الرئيسى للموضوع فى مصر عشان كده لازم نثور من جديد على الوضع ونفصل الادارة الامريكية عن مصر والا مش هاتقوم لنا قومه تانى وربنا كبير

arabian_faithful said...

أنا والله العظيم ماأنا نازل يوم 8ده واللى ينزل ياأما من بتوع الدستور أولاً ياأما غبى ومفهمشى اللى حصل يوم 27 اللى فات ربنا ينجينا من الأغبيا واللى عاوزين يحتلونا

الخوجة said...

احنا بقى اللى بنسمع كلام نوارة وانتى عندك شك فينا احنا نازلين عشان اللى ماتغيرش نغيرة وبالهنا عليكم طلبة الجامعة والثانوية اللى نازلين
#JAN25 جمعة الاصرار - Friday of Insistence #JULY8
كلنا فداكى يامصر

m.elaimy said...

http://angryarab.net/2011/06/21/the-new-egyptian-foreign-minister-2/

The New Egyptian Foreign Minister
I received many take on him. In sum, I am told t hat he is not as good as Al-`Arabi but not as bad as Fahmi, but he may be just as bad. I am told that he is close to the Military Council because he had served in the Army. He apparently volunteered to serve for a few years in the Egyptian embassy in Israel. He was close to Prince Bandar while serving in Washington, DC and is reportedly tied to the corrupt business elite in Egypt. A very bad choice indeed.

kbahey said...

الشعار مش بطال بس هلامي و مطاط، مش محدد و لا يعكس اولويات المرحلة

المطالب في رأيي

اولا: التطهير الشامل و الكامل.
بداية بالداخلية و قيادات العادلي
ثم النيابة
ثم القضاء
ثم المحليات
ثم المحافظين
ثم رؤساء الجامعات

و عمل عبرة من المخطئين من كل الجهات اللي فوق في اي شئ لكي يرتدع الاخرين

ثانيا: وقف محاكمة المدنيين اما القضاء العسكري.

ثالثا: محاكمات الضباط المتهمين تمشي صح

رابعا: منع كل اعضاء الحزب الوطني من العمل السياسي عشر سنين

خامسا: جدول زمني و خارطة طريق واضحة من المجلس العسكري لما سيحدث بدءا بانتخابات سبتمبر البرلمانية.

سادسا: لا يصدر قانون دون نقاش في الفترة الانتقالية، مش زي الفرمانات اللي طلعت كلها دي


ممكن سيبك من الاجور و الكلام دة خالص في الوقت دة

لان دة مش حيحصل الا لما البلد تنظف الاول و يمسكها ناس ثورية

و ما يصحش نقعد نلزم البلد باشياء طويلة المدى في الفترة دي تودينا في ديون لسنين قدام و احنا مش عارفين موارد البلد قد ايه، و لا الميزانية و لا اي شئ من دول، و الحكومة انتقالية غير منتخبة و ماعليهاش رقابة برلمان

حتى حاجات زي عقود الوليد بن طلال و تثبيت المتعاقدين، كل دة غلط في المرحلة دي اللي ما فيهاش برلمان

و اصلا اي مبلغ حنقوله حيتغير مع الاقتصاد العالمي و سعر الجنيه و عوامل كثير



على فكرة شوفي تجربة جورجيا مع الشرطة، فصلوا 18 الف في يوم واحد

http://www.youtube.com/watch?v=1A6nAnIHvGg

عايزين نستفيد من خبرتهم

Samia said...

ألحبيبه نواره.اتمنى ليكى أن تستضيفى فى برنامجك على قناةالتحرير أحد هؤلاء المصريين من جنود الامن المركزى...نعم هم مصريين ولما كان دور الشعب المصرى أنه يثور على النظام العميل الصهيونى ..كان دور هؤلاء البسطاء <وليس القيادات )الذين هم مصريين أيضآ ان يضربوا بالنار أخوانهم المصريين..صدقينى أنا اتعاطف معهم بشده..واتمنى أن أعرف منهم كيف مرت بهم هذه اللحظات؟؟وبعد أن عرفوا كم العفن الذى كانوا يحمونه ما هى كلمتهم للشعب..أتمنى أن أراهم يبكون..يعتزرون.مصالحه الشعب للشعب

الفراغ said...

-
ثورة ايه يابنتى اللى قامت
هو لما يعملولنا حد ادنى للاجور ...يبقى هى دى الثورة
ولا لما يجى زؤيل يقول هاعمل تكنولوجيا بفلوسنا يبقى هى دى الثورة
ماخلاص انسى

nosseir said...

جمعة مالهاش لازمة الصراحة..انا شايف القوى السياسية تركز فى ام انتخابات مجلش الشعب الجاية بدل ما هى عمالة تضيع وقت وفجأة تلاقى شهر تسعة جة والانتخابات بدأت ...وتطلع من المولد بلا حمص..والتيار الاسلامى يشكل الدستور لوحدة ويبقى الكل حد خازوق محترم

واحد مش فاهم حاجة said...

قامت الثورة من اجل اعلاء قيم كثيرة اهمها العدل لانه اذا غاب العدل سادت
الفوضى وانتشر الفساد .وبعد الثورة كنت احلم ان تتنهي فوضى التعينات في الهيئات
القضائية كان* *حلمي ان تكون العبرة بالكفاءة لكن للاسف بعد ظهور تعينات مجلس
الدولة تبدد احلامي انا وكثيرن بعد كل هذة المشقة والمعانة للاسف تم اختيار من
لديهم -واسطة - من لديهم علاقات تم اختيار ابناء ضباط الشرطة تم اختيار ابناء
مستشارين تم تجاهل الاشخاص الحاصلين على تقديرات مرتفعة تم تجاهل الحاصلين على
درجة الماجستير .لا اعرف لماذا لا يفتح احد هذا الموضوع وكل الاحاديث تقول
القضاء النزيه العادل ايه عدالة تتحثون عنها بالله عليكم مايحدث هو مهزلة بكل
المقايس كيق تتطلب من المواطن بعد ذلك ان يثق بالقضاء بعد كل هذا الفساد لماذا
لا يتحدث احد عن هذا الموضوع كيف بالله عليكم ان يتسرب كشف التعينات بالمجلس
قبل ظهوره في الجريدة الرسمية كيف تكون العبرة بالعلاقات والمعارف وليس
بالكفاءة .وفيما يتعلق بدفعة مجلس الدولة 2008.2009 تم تجاهل كثير من الاشخاص
الحاصلين على تقديرات وكانت الغلبة لابناء ضباط الشرطة اما نحن فلنا الله وسوف
ارفق بهذا الايميل صورة من كشف التعينات والله لا اريد اي
مصلحة شخصية لا اريد تعيين او غيره كل ماريده هو ان يكون معيار التعيين الكفاءة
http://www.mediafire.com/?wst5hh2hzmowzv3

ملكش دعوة said...

شعارات فارغه والهدف من حشد الناس والنزول معروف مهما اتخابثتوا لالالالالالا للنزول في جمعه 8 يوليو طول ما في ريحه معفنه في الموضوع انتوا لقيتوا الناس مش معاكوا قلتوا نلبس وش ونجيلهم من الناحيه التانيه
لا يرافو والله ........... الناس بتفهم الكفت

saleh11143 said...

رد على بيان رقم ( 11 ) لما يُسمى ب " ثورة الغضب المصرية الثانية " :
= تنجح الثورة بانتصار إرادة الشعب على أنظمة الظلم والإستبداد =
الإستفتاء هو تعبير عن إرادة الشعب، وأما الإعلان الدستوري اللاحق فهو تعبير عن إرادة المجلس العسكري الحاكم، فإذا كان الإعلان الدستوري لا يتناقض مع الإستفتاء فلا حجة في القول بأن الإعلان الدستوري يُلغي الإستفتاء ، وأما إن كان ناقضاً للإستفتاء فيُعمل بالإستفتاء ويسقط الإعلان الدستوري لأن إرادة الشعب فوق إرادة المجلس، ولأن الأصل في هذا المجلس أنه موجود بإرادة الشعب، ولأن الحاكم الذي سيخلف المجلس سيأتي بإرادة الشعب، ولأن نظام مبارك قد سقط لاستهتاره بإرادة هذا الشعب. وعلى ذلك فإن كل من يرى أو يُطالب بإسقاط نتائج الإستفتاء الشعبي لصالح الإعلان الدستوري اللاحق مع قوله بالتناقض بينهما فإنما يُطالب بديمومة بقاء هذا الشعب مُستعبداً من قبل حكامه، وهذه هي حقيقة ما يُسمى ب " الثورة المضادة " إذ هي مجموع القوى التي تتحرك بهدف كسر إرادة الشعب في استكمال التحرر والإنعتاق من الركوع لغير الله تعالى . والبيان رقم ( 11 ) مع إقراره بأن الإستفتاء يُعبر عن رأي الأغلبية وبأن الإعلان الدستوري قد أهدر رأي الأغلبية وأعمل رأي المجلس إلا أن أصحاب ما يُسمى ب " ثورة الغضب المصرية الثانية " يصرحون في نفس البيان بقناعتهم بإعمال رأي المجلس وإلغاء إرادة الشعب التي تم التعبير عنها من خلال الإستفتاء ، وكل الذي فعلوه في بيانهم المذكور هو أنهم لم يجعلوا هذا المطلب مطلباً أساسياً عند النزول للميدان يوم 8 يوليو !

nosseir73 said...

اقتراح كويس ب المهم الاجماع عليه والاهم اعلان وتوضيح وتاكيد على الغاء حكاية الدستور اولا

Zakzok said...

انا داخل اقر عليكى . كل الفيدوهات دى يوم 25 يناير . وعلى تليفونك المحمول . يابختك عندك كارت ميمورى تلاته جيجه .

عمر said...

طبعا عملو كده عشان مش لاقيين حد ينزل معاهم

يحيى حناوى said...

شكرا بجد يا نوار انتى وضحتيلى الصور عشان للاسف فى ناس كتير مفكره انى البلد اتغيرت والى كانو موجدين فى التحرير كانو بلطجية مبارك ,,, بجد انا فعلا وثق فى كلامك بس الى ظاهر كان بيقول عكس كلامك اكيد انتى فكره المتظاهرين فوق كوبرى قصر النيل والامن المركزى بيضربهم وهم بيقفو صف يصلو عشان يفضحو الشرطة الوسخ بتعتنا وشفنا ناس معاه كمامات جهزة وطوب بيضربو بيه العسكر ,,, المشكله فى وحد ريح مستعد للضرب ووحد بيقول سلمية ,,,, بس انا كنت عيز الوضحلك الى كان مخلينى متردد شويه ,,, بس ارجع وقولك انا ضد الحكومة ضد البلطجة والظلم ,,, ياريت تردى عليه ,,,,,,,,,,يحيى اسكندرانى اصيل