Tuesday, 14 June 2011

من الذي قتل رفيق الحريري؟

هو مبدئيا مصر دي اسمها المحروسة، والاوليا زاينين ترابها، وربنا ساترها معاها، واحب اقول للناس اللي بتضعف حديث "مصر كنانة الله في ارضه من ارادها بسوء قصمه الله" وبيحاولوا يضعفوا كل حديث في فضل مصر - وهم عارفين نفسهم كويس - العبرة مش بمحاولاتكم في تضعيف الحديث، العبرة بالواقع، الواقع بيقوي الحديث اهو
ايه لازمتها المقدمة الشوفينية دي؟ 
بالصلاة ع النبي، انتوا عارفين طبعا ان نجاتي بينفخ البلالين عشان عيد الميلاد، وموضوع محاكمة مبارك ده مش نازل لنجاتي من زور، والحقيقة من الناحية الانسانية انا مقدرة موقف نجاتي، بس انا لو مكانك يا نجاتي اطب ساكتة بما ان قلبي مش مطاوعني، واسيب غيري يتصرف، لكنك يا نجاتي مصمم تحنن قلبنا عليه
عمل ايه نجاتي، راح جاب لنا شمشرجي من القصر الرئاسي وخلاه يطرش الكلام اللطيف ده في روز اليوسف
سيبكم بقى من الفطار وكوباية العصير وفريدة ونادي الظباط، والريس اللي بياكل نفس الاكل اللي بياكله الشعب بالظبط الا وهو: الحيسمون والبامية ام صوص ابيض وكوب البرتقال الدموي وعصير الجريب فروت... وزي ما احنا عارفين محلات الحيسمون مالية البلد، وهو ما كانش بيجيب الاكل من برة
وقالك بيصلي ويصوم ويعبد الحي القيوم واتفاجئ لما لقى الناس بتموت تحت العربيات وبتموت وهي واقفة قام اخد خطوة جريئة وراح واقف قدام الشاشة البلازما من قريب
كوووووووووووووووول ده رغي
بص على ده

ايه ايه ايه ايه؟ مين؟ فين؟ ليه؟ واط؟ وير؟ باط هوين؟ 
رفيق الحريري كان بيمول بن لادن، وقال لمبارك، ومبارك كان بيتغدى معاه يوميا قبل ما يموت بشهور؟
طباخ الريس ده يتجاب من قفاه ويشهد قدام المحكمة الدولية بالكلام ده
دي شكلها احلوت قويييييييييييييييييييييييي
------
للامانة والتاريخ:
مينا زكري بقاله فترة بيقول لي ان معسكر الاعتدال هو اللي بيمول القاعدة عشان يخلطها بحركات المقاومة ويتحطوا كلهم في سلة واحدة وانا ساعتها ما صدقتوش وقلت عليه مجنون
واللي خلاني قلت عليه مجنون اكتر ان قال لي: يا نوارة مبارك هو الداعم الاول لما يسمى بالارهاب، وهو على رأس معسكر الاعتدال اللي بيمول القاعدة
وبصراحة كنت باسمعه واقول: يا حبيبي يا مينا... مبارك لسع لك مخك يا قلبي.. وكنت باسكت، صاحبي، حاعمل فيه ايه يعني؟ حارميه؟ 
بس كده يبقى في الامور امور

43 comments:

semsem said...

والنبى بحبك يا بت يا نوارة والله انا كنت مش فاهمك فى الاول كده بس بعد ما قعدت وركزت وفكرت وراجعت نفسى لقيت افكارك مناسبة جدا لتوجهاتى وكمان متوافقه معاها وعرفت ان الواحد بيبقى اعمى لما بيتضايق ولما بيهدى ويفكر بيبقى كويس عموما تسلمى على فكره انا بحبك تانى وربنا يخليكى ليا ولمصر

Mr.A said...

Hi Nawarah

Sorry but what is Haismon?

مينا زكري said...

عشان تعرفي بس يا نوارة... بجيب لك المعلومات كلها م الكنترول وانتي مش بتصدقي

:D

semsem said...

نوارة يا اختى والنبى انا عايزك كده تكترى وتملى البلد والتلفزيونات وتملى الشوارع والموديل بتاع الناس اللى بتتكلم عن الثورة زيك يتوغل وينتشر ويستمر ابوس ايديكى والنبى عايزين نجمع الناس اللى زيك وزى بلال كده عشان المجانين انتشروا وعمالين يبخوا فى دماغ الناس خرا الدستور اولا انا بتفشخ لما بشوفهم بيكلموا الناس فى الشارع عن كده والناس بتسفخهم على قفاهم والله وبيبهدلوهم بقول الله يخرب بيوتكم هتخلونا عاملين ثورة ونبقى منبوذين من الشعب انا بتفلق بس بحاول والله مع الناس واى حمار من دول بشوفه بجرى على طول انضف وراه واصلح الصورة لاى واحد من اسيادى المواطنين حبايبى اللى من غيرهم احنا ولا نسوى والله عموما يا بت يا نوارة ربنا يارب يخليكى ليا ولمصر
مجنون نوارة

Wessam said...

و الله الوش ده و لا له لازمة و نسيو حاجة انه كمان كان بيمشي في الشوارع زيه زينا و مش بعيد يكون اتخانق مع سواق ميكروباص و الواد ضربه

semsem said...

نوارة نوارتى هنعمل فى موضوع الداسوس ده يعنى هى بقت ثورة جواسيس طب يجيبولنا العجل اللى قاعد يتعلف على قفانا فى شرم ومقضيها حيسمون وبرتقال دموى عشان احنا كده نبقى جبنا الجاسوس الاعظم ياولاد الوسخه بقى عايزين توهموا الناس انها ثورة جواسيس وانا اقول مين اللى طالق عكاشه واباسويلم اتاريهم هما ورجعولنا الشرطة بغباوة ومخبينهم فيهم اه طب حلو اوى احنا نشكر اسرائيل وامريكا على الخدمة التاريخية دى انهم شالولنا العجل مبارك واحنا بقى نكمل على باقى العجول
يخليكى ليا ولمصر
مجنون نوارة

بساطه said...

والله يانواره انا خايف يكون مخنا احنا الي لسع .. بس هنعمل ايه هنرمينا :)

أبو هاجر said...

ست الكل صباح الخير

أولا الحمد لله على سلامتك

يبدو أنك لا تتحملي مناخ الإسكندرية وهو مناخ البحر الأبيض المتوسط ، لهذا اعملي حسابك من الآن أي واحد يتقدم لازم يثبت بالدليل المادي أنه من سكان الصحراء.


ولما الشيء بالشيء يذكر فلقد ذكرني مقال روز اليوسف بواقعة ، يومها كنت تلميذا في الإعدادي، قرأتها في مجلة صباح الخير .لقد كانت تصلنا جميع الصحف المصرية ومنها تشكل وعي القومي . قلت قرأت مقابلة مع طبيب عبد الناصر ومن ضمن الحديث الذي لايزال عالقا بذهني لما تحدث الطبيب عن زوار عبد الناصر من المسئولين وكيف كانوا يتعاملون معه باحترام شديد .ثم استطرد الطبيب قائلا أن الوحيد الذي كان يجلس معه وهو يضع رجل على رجل ويدخن السيجار الكوبي ، كان محمد حسنين هيكل . تذكرت ذلك وأنا أقراء " قال الرئيس «البلد بتتسرق منذ فرعون وهتفضل تتسرق»!!
عبد الناصر لم يسرق عبد الناصر عاش شريفا ومات نظيفا .
مرة أخرى الحمد لله على سلامة النوارة

Nicholas Urfe said...

مافيش عالنت حاجة اسمها سمك الحيسمون الا في المقالة بتاعت روز اليوسف !
:)))
دوروا على جوجل

sum_1_ said...

why u keep blocking my comments?? or its not u?? :S

متفائل said...

الكلام ده فالصو ..لسبب بسيط هو أن أمريكا وإسرائيل مش محتاجين أن تستمر عمليات القاعدة دون إنقطاع حتى تخلطان بينها وبين عمليات المقاومة فهما تملكان من الصفاقة وإنعدام الشرف ما يجعلانهما تخلطان حتى لو إنقطعت عمليات القاعدة تماماً .. أعجب حاجة فيكي إنك جاهزة علطول لتصديق أي شيء يتقالك ثم تبدئين في الولولة والصراخ بمنتهى الحماس وكأنك حققت كشفاً علمياً غير مسبوق

ام العيال said...

طه ماشى وبعدين نركز ولانسيب نجاتى يكمل نفخ البلالين
المفروض نجاتى يوعى كده ويعرف انه خسران من غيرنا واننا عيال وهنفسى كل البلالين واننا ولاد ستين فى سبعين وهننزل تانى وهنفضل لازقين

ام العيال said...

طيب هاه وبعدين مش نركز ونقعد نفهم راسنا من رجلينا احسن بلالين نجاتى كترت ولازمن حد يفهمه اننا فاهمين ومش بنتلزق على قفانا واننا عيال رخمة ومفيش اى مشكلة ننزل تانى ونفضل لازقين لحد مايزهق مننا المهم اللى قلنا عليه عيش حرية عدالة اجتماعية

ام العيال said...

ملحوظة ياعيال الحيمسون والله اعلم عندالبحبحانى هو السيمون فيميه ولاايه

Fahd said...

كان نفسي تردي علي المقال كلمة كلمة، ده موز قوي ومليان افيهات تهلك من الضحك
بس فيه حاجات وقفت عندها

يعني ايه العبارة دي
لأن الرئيس يعشق الأغانى القديمة ولا يهتم بالحديث منها.

وكمان الجزء ده
بعد قدوم الأستاذ علاء نجل الرئيس فى عربته المصفحة من بيته إلى البيت الرئاسى ترك سيارته المصفحة، وأمر بعودتها إلى حيث كانت وطلب سيارته الخاصة، وبالفعل توجه بها نحو الشارع ليسأل الناس عن مطالبهم، ولكى يطلب منهم ألا يسبوا والده، وكان فى حالة يرثى لها وبعد أن اجتاز عدة بوابات منعه الأمن من الخروج خوفًا على حياته.

بيفكرني براوية السقا مات وابنه سيد زعلان لما كانوا بيقولوا له ابوك السقا مات

ياريت تردي علي المقال كله الله يستر عرضك ويخليهوملك

محمد فوزي said...

بس أقولك

((وكانت له ملاحظات حول بعض البرامج أو مقدميها وأذكر أنه ذات مرة انتقد أداء جابر القرموطى مقدم برنامج مانشيت وقال إنه لا يصلح مذيعا))

أهي دي أكتر حتة في مقال الحيسمون عجبتني :))))))

e said...

ﺍﻟﻤﻮﺿﻮﻉ ﺧﻠﻴﻂ ﺑﻴﻦ ﺣﻜﺎﻳﺎﺕ ﺍﻣﻧﺎ ﺍﻟﻐﻮﻟﺔ ﻭﺍﻻﻓﻼﻡ ﺍﻟﻬﻨﺪﻱ ﺑﺲ ﺍﻭﻝ ﻣﺮﺓ ﺍﻋﺮﻑ ﺍﻥ ﺣﺴﺤﺲ ﻛﺎﻥ ﺑﻴﺴﺐ ﺍﻟﺪﻳﻦ ﻋﻴﺐ ﻳﺎ ﺣﺴﺤﺲ ﻫﻬﻬﻬﻬﻬﻪ ﻭﺍﻥ ﺍﻻﺧﺖ ﻫﺎﻳﺪﻱ ﻗﻠﺒﺖ ﺧﻠﻴﺠﻲ ﻟﺴﺒﺐ ﻳﻋﻠﻤﻪ ﺍﻟﻠﻪ ﺳﺒﺤﺎﻧﺔ ﻭﺗﻌﺎﻟﻲ ﺑﻴﺤﺎﻭﻟﻮﺍ ﻳﻜﺴﺒﻮﺍ ﺗﻌﺎﻃﻒ ﺍﻟﻨﺎﺱ ﺑﻘﺼﺺ ﻭﻫﻤﻴﺔ

e said...

ﺍﻟﺤﻴﺴﻤﻮﻥ ﺩﻱ ﺣﺎﺟﺔ ﺯﻱ ﺑﻴﻀﺔ ﺍﻟﻔﻴﻞ ﻭﻟﺒﻦ ﺍﻟﻌﺼﻔﻮﺭ ﻳﻌﻨﻲ ﺍﺷﻲ ﺧﻴﺎﻟﻲ ﻳﺎ ﻧﺎﺱ

sum_1_ said...

أنا كنت حاسس اني بتفرج على فيلم طباخ الريس و أنا بقرأ مقالة روز اليوسف

soha said...

ya Nawara el kalam fe shee2 men el e9na3 kebeer mesh 3ashan Mubarak bymawel el 9a3da el american homma elli by3oko el 3ak da bas Mubarak kan chess piece malhash shabah fel 3alam .. akeed fakra 7arb afganistan welli howa 3amalo feeha wel so3odia 7abaibo.. Mubarak akbar mustafeed men 9esset el erhab di fel 3alam we 3alam kollo 3agabeto we nezlo de7k 3ala sho3obhom we kammelo el leela di .. Mubarak makansh 3abeet bel3aks Mubarak kan fe3lan "Ka7eem" kol yoom byban enno kan by3mel orchestration lel mante2a kollaha we makansh 3abeet zay ma mebaieen 7odoodi baladi we kalamo el fadi da .. Mubarak da akbar e7'tera9a 7asalet.. we elli ye3eesh yama yeshoof.

مصر said...

دة يثبت يا نوارة ان الجرايد اليومين دول تقرف عشان كدة ياريت كلنا ندخل على اللينك دة
withoutaenwan.blogspot.com

paperpile said...

سؤال بس يا نوارة! إنت ماكنتيش مصدقة ليه بس وقصة القاعدة والإرهاب ده أسطورة من صنع العصابة ده كلها و11 سبتمبر هي اللي فضحتهم!

freedom4ever25 said...

أهيء أهيء أهيء وااااااااااء ..ده انا عييطت عياط . يانهار ابيض للدرجه دي احنا كنا أسيين عليك يا حيسمون قصدي يا حسحس قصدي يا حسني. بس معلش احنا اللي نستاهل مهو من أول يوم طلع واحد يشكرالرئيس مبارك على ماقدمه لمصر (حرباا وسلماا) واحنا اللي سكتنا ساعتها وعرصنا عليه والنتيجه الطبيعية اننا فتحنا الباب لواحد تاني يقول (الرئيس تنحى ولم ينحيه احد وانه يجب احترامه وتقدير دوره وخصوصاا الدور العسكري) اه مهو طبعاا لم ينحيه احد منتو كلكم كنتم كلابه بس الحقيقه ان ده تصريح أشبه(بالتعريص) لانه أتخلع مش تنحى ولا أتخلى ياروح امك .وعشان سكتنا تاني طلع واحد تاني يقوللك المفروض ان الجيش وظيفته لما ينزل في اي بلد فيها مظاهرات وثورة انه يفض المظاهرات دي ويحمي (الشرعيه) لكننا ماعملناش ده واخترنا الوقوف بجانب الثورة -احييييييه ياشرعيه-روح أسأل اخواتك في اليمن وليبيا وقبلهم ايران لما حبواا يحموا الشرعيه بتاعتك الجيش حصل فيه ايه والشعب عمل فيهم ايه.ولسه حاجات كتير حصلت وحاجات كتير هتحصل والتقيل جاي ورا ان شاء الله ومش هتقف على الكلام والاعلام بس..لا انتظروا الأسوء. لأننا شعب يستاهل اللي يحصلوو.للأسف يا حضرات احنا اللي غلطنا اننا شدينا الفتيل ووقفنا القنبله في لحظه غير مناسبه .كان لازم نستنى شويه كمان لغاية ما الناس تاكل خرره مش طووب .لأ لغاية ما الناس ماتلاقيش حتى الطوب عشان تاكله. لاغاية ماكانت ثورة الجياع اللي كانوا بيحذروا منها ما تحصل فعلاا . عشان الناس يضطروا يكملوا ثورتهم مش يقفوا في نص الثورة ويستندلو زي ماتعودو.
أما موضوع رفيق الحريري ومبارك وبن لادن . فبصراحه ان مكسوف لكي سلف يانوارة لو كنتي مقتنعه بالكلام ده. يعني بصورة أوضح (تفتكري لو بن لادن ماكانش اتقتل في الفترة دي واتعمله الزفه دي والتلميع ده وبقى بطل قومي كان هيتكتب الكلام ده برضه عشان يتقال ان مبارك كان بيحب بن لادن وبيكره امريكا !!!)لا وقعت منك دي يانوارة
أما بقى العنوان اللي مالوش لزمه اللي انتي كاتباه (من الذي قتل الحريري)فأظن ان دي مسألة قتلت بحثاا من أول صورالأواكس الأسرائيلي مروررا بالعربية اللي دخلت لبنان متفككة جايه من دبي وداخله لبنان من غير ورق واللي جايبها 8 سلفيين جايين من كندا وانتي عارفه ان السلفيين ساعتها كانت علاقتهم ايه برفيق الحريري عشان علاقته أتحسنت مع نصر الله. وصولاا للمحكمة الدوليه وشهود الزور وشويه سوريا وشويه حزب الله. يعني بصراحه الموضوح (فااااكس اخر حاجه)وخسارة الوقت اللي ضيعتيه فيه

hardway said...

أصبحت تقولي اي كلام ..و السلام...
سمك لبن تمر هندي..اي كلام ..حشو وخلاص
أهو كلام نملي به المدونة....ونعيده تاني
في فضائية التحرير...وهي ماشية.....
والحمد لله ..من ألفين جنيه في الشهر .دلوقتي
نلم البواكي..هو أنت أقل من مني الشاذلي
ولا أقل من د/ هالة..و لا أقل من الكبير بتاع كل العصور ومديرك/محمود بك سعد
اه ..اه..اه ..يا حرامية

hardway said...

أصبحت تقولي اي كلام ..و السلام...
سمك لبن تمر هندي..اي كلام ..حشو وخلاص
أهو كلام نملي به المدونة....ونعيده تاني
في فضائية التحرير...وهي ماشية.....
والحمد لله ..من ألفين جنيه في الشهر .دلوقتي
نلم البواكي..هو أنت أقل من مني الشاذلي
ولا أقل من د/ هالة..و لا أقل من الكبير بتاع كل العصور ومديرك/محمود بك سعد
اه ..اه..اه ..يا حرامية

Amal said...

حمدا لله على سلامتك

NAGWA said...

انتوا ناس حقودة جدا بقى بيقلك مصر كانت بتتسرق من أيام الفراعنة يا لينا اخص عليكي يبقى هو ما يسرقهاش إخص عليكوا
لا وبيقلك إيه أكله من مترو شوفت التواضع ؟
وهايدي بتلبس عبايات امتى دا ان كانت من كام شهر مصورين معاهم في الجمعية الخيرية بتعتهم مهم خيرين وكدا وكانت لابسه بدله عادى
تصدقي اللي كاتب المقال دا عاوز يحنن قلبنا على كلب إسرائيل بس بعين أمه ومناخيرها
http://www.facebook.com/pages/%D9%86%D8%A7%D8%B4%D8%B7%D8%A9-%D9%85%D9%86-%D8%B9%D9%84%D9%89-%D8%A7%D9%84%D9%83%D9%86%D8%A8%D8%A9/155410777858328?ref=ts

mahmoud said...

مبارك وجمال وعز والعادلي شاركوا في تفجير طائرة علي متنها 33ضابط طيران و3علماء بشهادة رجل اعمال مصري حاولت اسرائيل تجنيده بمعرفة واحد من محاسيب عز ولمعرفة المهزلة كاملة شاهدوا حلقة امس من برنامج اخر كلام مع يسري فوده دول لازم يتعادموا زي الاكتع في فيلم كتيبة الاعدام لو تلاحظوا اللي استفدناه من الكويز والتعاون المشترك مع امريكا واسرائيل علي المستوي البشري نلاقي تاوي طماطم تسبب سرطان وتشوه خلقي وطبعا محدش مابياكلش طماطم يعني قاصدين صحتنا ثانيا تصفية اي كفائات في الجيش في حوادث عادية بعد تحديدهم عن طريق مناورات النجم الساطع وغيرها يعني حرب رسمي مبارك بيقول لواحد في قصر الرئاسة مصر بتتسرق من ايام فرعون ياداهية ليكون ضميرهم مرتاح بسبب الحقيقة دي وتكون خطة السلطة الجاية نسرق قليل وبالعقل يعني سرقة دايت علي راي بلال فضل بس مانخالفش التاريخ البنت اللي الضابط ضربها وحولها محكمة عسكرية طلع مروان المتحدث باسم وزارة العار بيقول بثقة القضية في ايد النيابة والقضاء يعني بالبلدي القانون بتاعنا وكله مترتب طب ما احنا عارفين عدم حيادية النيابة والقضاء وعرضنا وكرامتنا في خطر ودي كان ممكن تبقي اخت اي حد فينا والله اعلم المحكمة العسكرية عملت ايه معاها طيب يعني الداخلية مصرة تحاربنا والمجلس العسكري مصر يخلي مالناش دية ومش عابز يطهر النيابة والقضاء طب ماحنعد نكتم لحد ماحننفجر برضه يعني مش حنسلم نفسنا كده من غير تمن حتدفعوه طب وبعدين مين الكلب اللي مسلطكم علي مصر وائتلاف شباب الثورة بيتحارب عشان هو صوت الرجولة والشرف اللي صامد طب وبعدين يعني لافلوسنا في الداااااااااخل عايزين تسيبوهالنا ولا دولة قانون عايزين تبنوهالنا ولا قانون من الداخلية وجرايمها يحمينا منهم ولاكرامة وصون لشرفنا وكرامتنا ولاحساب للي قتلونا وعذبونا يكون عادل ولاقطع للاتفاقات اللي امريكا واسرائيل بيدمرونا بيها الله دي حرب شاملة بقي علي مصر حرب مسعورة بتدار من عقود ومصر لسه واقفة طب ايه رأيكم ان مصر وشعبها كمان حيردوا وان 25يناير ده بداية ويمكرون ويمكرون والله خير الماكرين صدق الله العظيم

حسن محمد على said...

هذا وقد علق المستشار رئس الكسب غير المشروع قائلا:-هى حصلت يقدم "الحيسمون"لمبارك؟؟؟؟حاستدعية هنا بكرة, او يمكن احولة للنيابة العسكرية عشان القوات البحرية محتجة على الحيسمون دة !!!طبق الاصل

حسن محمد على said...

قرر عصام الجوهرى استدعاء "الحيسمون"للتأكد من كونة دواء او طعام؟؟؟وان كان تناولة من الفم ام انة "اسبوزيت" والعياذ باللة

ماجد الجلاد said...

مساء الفل يا نواره
انا حاسس أن الحيسمون ده هو بذات نفسه الراجل اللى بيحضن الجاسوس اللى قبض عليه جهاز الراجل اللى واقف قدام الراجل اللى واقف ورا عمر سليمان

حنان حمدى said...

يا سلام يانواره ع الكلام الجامد والدماغ العاليه والله بحبك يابنت عم نجم ربنا يحفظك بتدورى وتنخربى فى حاجات ماتخطرش على بال حد الله يباركلك وابقى صدقى مينا عشان قالك بيجيب الحاجات من الكونترول

رئيس جمهورية نفسو said...

تعديل المستحيلات الي اربعة الخل الوفي و الغولة و العنقاء و الحيسمون بالبيض

p_toluidine said...

دي الحلقه بتاعة المفكر العربي عزمي بشاره الحلقه كامله مع يسري فوده في برنامج اخر كلام مع الرائع يسري فوده
http://www.youtube.com/watch?v=ACYusZII748&feature=channel_video_title

p_toluidine said...

دي الحلقه بتاعة المفكر العربي عزمي بشاره الحلقه كامله مع يسري فوده في برنامج اخر كلام مع الرائع يسري فوده
http://www.youtube.com/watch?v=ACYusZII748&feature=channel_video_title

Mahmoud said...

يا جماعة فيه دعوة للدخول في العمل السياسي عشان نقدر نحكم بنفسنا بدل ما نفضل نطالب نطالب لحد ما نموت واحنا بنطالب
http://www.facebook.com/event.php?eid=236067579741370
ممكن حد يتبناني؟
قصدي يعني يتبنى الدعوة ويشارك؟

amr_alansary said...

نواره نجم عرضت موضوع روزاليوسف على طريقة"ولاتقربوا الصلاه"وتجاهلتي ان تكملي المعنى "وانتم سكارى"،واظن ان هذا التجاهل كان متعمدا للايحاء بان الحوار مع احد العاملين في البيت الرئاسي تم بمعرفة فلول النظام تلك الكلمه التي تجاوزت معناها واساء استخدامها البعض واظن ان ذلك ليس من الاخلاق سواء الصحفيه او الاعلاميه او حتى الانسانيه
لان الحوار في النهايه حوار انساني مع رجل كان يشاهد الرئيس المخلوع مبارك يوميا ويحتك به ولم يكن من المهنيه ان نحذف اجزاء من الحوار لانها في مصلحة مبارك عرضنا الحوار الانساني بكل مافيه ..
رصدت نواره بعض الاجزاء الصغيره من الحوار التي انتقدتها بشده وتركت الاجزاء الاهم من الحوار الذي يمكن بسهوله الرجوع اليه وقرائته..وهي :
1- مقدمة الحوار اشرت فيها الى ان الحكايات الموجوده به بريئه بصرف النظر عن صدقها .
2- العنوان الرئيسي للحوار مصر بتتسرق من ايام فرعون وهو عنوان يدين الرئيس.
3-في عنوان فرعي "كان يمارس الرياضه في المركز الرياضي للقوات الجويه ويتابع شئون الدوله بالتليفون"واعتقد ان في هذا اشاره الى عدم اهتمامه بشئون الدوله وهو ماقصدنا ايضاحه بعرض تفاصيل يوم الرئيس التي حصلنا عليه من المصدر.
4-عناوين الفقرات في الحوار جاء منها عصابة الاستاذ جمال،خزائن العائله،قضاه مرتشون .
5- رد الرئيس السابق على محدثه الذي شكا له من تجاوزات الشرطه واستعبادها للشعب بانفعاله وشكره في الشرطه وانها ماسكه البلد،بل وزاد مبارك في رده على المطالبه بتطهير الشرطه من المرتشون"اشيل مين ولامين"..اليس هذا مدينا لمبارك؟
6-مع اعتراضي الشديد على كونك نصبتي نفسك "ربا" تعلمين خائنة الاعين وماتخفي الصدور"!! وحاشا ان تكوني انتي او احد من بني البشر كذلك
كتبتي على مدونتك اننا ذكرنا ان الرئيس يصلي وهو كذب لاننا ذكرنا في بداية الفقره ذات العنوان"عباءه خليجيه للهانم" انه يصوم ولايصلي.
7-في ازمة العيش وضح من رد الرئيس المنشور داخل الحوار انه قليل الحيله لايعرف كيف يدير ازمة خبز في بلده.
(مالم تقراه نواره نجم في حوار روزاليوسف ...)
امضاء :الصحفي الذي اجرى الحوار مع احد العاملين بالبيت الرئاسي.

عائشة said...

يا نهار ملون رفيق الحريري كمان
على كلا انا خايفة الساحة اتملت بالفلول واصواتهم عليت قوي على الفيس والبيس
وبقة كل منتدى يحوي عشرين موضوع فلول وموضوعين تلاتة ثورة وكله عمال يدعي على اللي مد ايده على العسكري والظابط واللي خرب البلد واللي ووووو لغاية ايلان الجاسوس العجيب
وبصراحة الحكاية ده ممكن تخلي الناس تبطل تحلم بالميدان وتبردالنيران الثوريةفي صدورهم اللي محتاجينها عشر سنين مولعة عقبال ما نخلص على اخر كيس زبالة في مصر
ايه الاقتراحات علشان ارجع تاني الاقي مواضيع الثورة بس وكل حس تاني يخفث ويكتم

992f7578-977a-11e0-a710-000f20980440 said...

نوارة الكلام ده مصيبة وكارثة
وده جلعني افتكر كلام قريته سنة 2007 من واحد اسمة مصطفى بخيت بيكتب في بعض المنتديات العربية السياسية واكد اني مباك هو اللي بيدعم تنظيم القاعدة
وده رابط لاحد مواضيعه
http://www.copts.net/forum/showthread.php?t=22105
وقتها الجميع استهزء بيه ووصفوه بانه مجنون
لكن اغلب مواضيعه اللي كان بيكتبها كانت بتتحدث عن عمالة مبارك واكد انه عنده دلائل كيرة بتءكد اني مبارك قدم الدعم للقاعدة
وعلي فكرة الشخص دة عايش في استراليا وممكن تكتبوا اسمة في جوجل
مصطفى بخيت وتشوفوا كتاباته

Tears said...

بلاوى عمر سليمان اللى ماحدش بيحقق معاه فيها

https://www.facebook.com/note.php?created&&note_id=126787297403847

طنطـــا واى said...

كدة أنا فهمت معنى الخبر اللى تم نشرة فى بوابة الوفد الألكترونية عن تصريحات الكاتب الصحفى د. محمد الباز - عن مكالمات مبارك التليفونية فى شهر خلعة فباير (المكالمة الأكثر غرابة فكانت لفرنسا وعندما اتصل –الباز- بهذا الرقم فوجئ أنه منزل سعد رفيق الحريري.

سبايدرمان said...

الواحد معدش عارف يصدق يمن ولا مين
كله اشاعات او حقائق و كله تايه في بعضه

Fekretey said...

thanks
my blog
http://fekretey.blogspot.com/