Wednesday 22 June 2011

شالوا الدستور اولا الحمد لله.. حطوا ايه بقى؟

كويس انهم شالوا الدستور اولا ويا ريت ينشروا الكلام ده في كل الصحف عشان نبقى واضحين مع بعضينا بالذات في المصري اليوم والشروق والاهرام اللي نشروا انها عشان الدستور اولا، وكمان يبلغوا قناة التحرير، ابراهيم عيسى كمان يبلغوه ان يوم 8 يوليو مش عشان الدستور اولا والكل يبطل يتكلم في ان يوم 8 يوليو عشان الدستور اولا.. بتاتا قطعيا تماما، ويتوضح ده في كل حتة
قشطة
ايه بقى؟ ايه المطالب يعني؟ 
فكروا في مطالب والحقوا عشان نشتغل فيها لاني انا شخصيا روحي في مناخيري وخلقي ضيق اليومين دول ومزاجي مش عال العال يعني، فما بقاش فيا خلق للمناهدة والمحايلة كتير، وزهقت من كتر ما بابعتر دلع يمين وشمال لحد ما الناس تتمرع عليا، فمن هنا ورايح بقى مافيش دلع
خلصوني.. ايه ام المطالب في الليلة دي، بعد الشكر على الغاء مطلب الدستور اولا

34 comments:

drkishk said...

شالو دى الدستور وحطين تنحى المجلس العسكرى
جم يكحلوها عموها
اhttps://www.facebook.com/photo.php?fbid=157052147696148&set=a.154651767936186.37272.154649744603055&type=1

sallam_123 said...

يا عم انته بتتلكك دى صفحه عليها 4000الاف واللى هينزل منه بتاع 400 ومش الصفحه الاصليه وكل ده بوجودنا فى الميدان هنحتويه بطلو تلكيك وكله ينزل

Mohammad Yousry said...

هو بصرف النظر ان طول مالعيال دول هم اللي بيدعوا محدش حيعبرهم لانهم مجروحين عند الكل من ساعه الدستور اولا و كله شاكك فيهم
و غير انهم بيدعوا لاسقاط المجلس و كتير مش عاوزين كده

انا كنت عملت صفحه محدش عبرها كتبت فيها مطالب شايف انها مهمه
ياريت تبصي عليها
http://www.facebook.com/pages/%D8%A7%D8%AD%D8%AA%D8%B1%D8%B3-%D9%85%D9%86-%D9%81%D8%B6%D9%84%D9%83-%D8%A7%D9%84%D8%AB%D9%88%D8%B1%D8%A9-%D8%AA%D8%B1%D8%AC%D8%B9-%D8%A7%D9%84%D9%8A-%D8%A7%D9%84%D8%AE%D9%84%D9%81/230968270250925?sk=info

متفائل said...

يوم 8 يوليو حيحصل يوم 28 مايو وسيقاطعه الإخوان أيضاً .. لكنك طبعاً حتطلعي في قناة التحرير زي المرة اللي فاتت تضحكين - في إستعباط - ضحك عصبي تدارين به الخيبة والفشل وتلوحين لإبراهيم عيسى في براءة (مصطنعة كاذبة) زي عيله هبلة طالعة رحلة القناطر .. ياللا إخربوها وإقعدوا على تلها

freedom4ever25 said...

انتي عبيطه يابت؟؟ لا بحد واالله انتي عبيطه؟ وللا كابس عليكي النوم؟؟ يعني ايه "حطوا ايه بقى" وايه هوه اللي "قشطة
ايه بقى؟ ايه المطالب يعني؟
فكروا في مطالب والحقوا عشان نشتغل فيها " أمال انتي عرفتي ان في دستور اولاا منين؟ مش من المطالب اللي محطوته في البيان برضه؟
وللا انتي ماقرأتيش البيان اصلاا؟ ماعتقدش ابداّ انك بتتكلمي من غير ماتقرأي وألا هتقعي اوي من نظرنا . روحي اقرأي باقي البيان هتلاقي ان المطالب دي هيا اللي بنحلم بيه بالظبط

kbahey said...

اهم المطالب في نظري

اولا: التطهير الشامل و الكامل.
بداية بالداخلية و قيادات العادلي، و التحقيق بجدية و بسرعة و بحزم في مقتل مواطنين على يد الشرطة، و عمل عبرة من المخطئين منهم في اي شئ لكي يرتدع الاخرين

ثم النيابة. فاكرة اللي حبس فريد حشيش ظلم لما السباعي قال حيتحبس و حيتبهدل؟ فاكرة اللي خلى اخو سواق التوكتوك بتاع العمرانية يبصم على اقوال و هو طالع من عملية و يحوله من مجني عليه لمتهم؟ دول عايزين يتعمل بيهم عبرة

ثم القضاء. كل الكلام اللي عبد السلام جمعة و عبد العزيز عمر و غيرهم لازم يحسم فورا

ثم المحليات، حتى لو تتساب فاضية او يتعمل انتخابات في ستين يوم زي ما بيقولوا

ثم المحافظين بتوع قمل الدولة يتشالوا

ثم رؤساء الجامعات، و ان كان دة ممكن يستنى لسبتمبر

ثانيا: وقف محاكمة المدنيين اما القضاء العسكري. دي مش عايزة كلام، و ماحدش يقول بلطجية. العدل عدل

ثالثا: محاكمات الضباط المتهمين تمشي عدل. مافيش كوردون يحميهم من نظرات اهالي الشهداء، مافيش انهم يستمروا في عملهم، مافيش انهم ياخدوا تأجيل

رابعا: منع كل اعضاء الحزب الوطني من العمل السياسي عشر سنين، و بالذات ترشيح انفسهم في اي انتخابات كانت

خامسا: جدول زمني و خارطة طريق واضحة من المجلس العسكري لما سيحدث بدءا بانتخابات سبتمبر البرلمانية. بعد كدة ايه و امتى؟ في مجلس شورى؟ طب امتى؟ في تشكيل لجنة دستور؟ تخلص شغلها امتى؟ استفتاء على الدستور امتى؟ هل قبل الرئيس و الا بعد؟ انتخاب الرئيس امتى؟ و هل مؤقت لحين الموافقة على الدستور الجديد ام هو لفترة كاملة. مافيش اي وضوح من المجلس و عايزين ردود محددة و كاملة

سادسا: لا يصدر قانون دون نقاش في الفترة الانتقالية، مش زي الفرمانات اللي طلعت كلها دي

ممكن سيبك من الاجور و الكلام دة خالص في الوقت دة
لان دة مش حيحصل الا لما البلد تنظف الاول و يمسكها ناس ثورية
و ما يصحش نقعد نلزم البلد باشياء طويلة المدى في الفترة دي تودينا في ديون لسنين قدام و احنا مش عارفين موارد البلد قد ايه
و اصلا اي مبلغ حنقوله حيتغير مع الاقتصاد العالمي و سعر الجنيه و عوامل كثير

و دمتم

sinarest said...

أولاً لازم نخلي الأسم مرتبط بالثورة الأولي لأنها لم تنتهي
ونحن خارجين من أجل شهدائها ومصابيها أولاً
ولمحاكمة الفاسدين المخلوعين من قبل الثورة الوحيدة ثانياً
وبعد هذا ليكن شعاراً الفقراء أولاً
الموازنة زي ما هيه ودا كلام الأقتصاديين
وأقرار الموازنة بيقول اللي حصل دا أحداث يناير مش ثورة يناير المجيدة
فتفرق في رؤيتهم للأمور
فليرحل وزير عقيم لا يعرف قدر ثورتنا المجيدة

Anonymous said...

يا نوارة انا شايف انه لو مافيش اعتصام في الميدان يبقى النزلة دي هتكون من الاخر فكسانة وزي قلتها ومفيش لامها لازمة.
لازم التخطيط يكون للاعتصام, مش مجرد طق حنك وخلاص

انا كنت كتبت ايه اولا وليه. يا ريت تبصي عليها.
تعالى اقل لك إيه اولا........
http://felsamim.wordpress.com/2011/06/21/%D8%AA%D8%B9%D8%A7%D9%84%D9%89-%D8%A7%D9%82%D9%88%D9%84%D9%83-%D8%A7%D9%8A%D9%87-%D8%A7%D9%88%D9%84%D8%A7%D9%8B/

ali4all said...

الثورة الأدارية الكاملة أذا قرأت وعرفت مدي حجم ثورة 25 يناير و شهدائها الأبرار من الأعلام الخارجي تستطيع أن تعرف ما يريده شعب مصر ,,, ولهذا الحجم الضخم للمعاني والقيم والمبادئ التي قدمتها الثورة و شهدائها بدي كل شئ أمامها صغيرا جدا مثل مبارك وحكومته .. المعارضة الورقية .. الإعلاميين قبل الثورة .. الشرطة .. أمن الدولة... كلها بدت وكأنها حبة رمل في الصحراء أو نقطة مياه في المحيط . ولهذا فأن أذناب النظام سوف يلقون نفس المصير .. فحجمهم ومعارضتهم أمام الثورة يبدوا ضئيلا .. وتلك هي المشكلة فأن أي مسئول سوف يتولي المسئولية في هذه الأيام من مدير عام وحتى رئيس الجمهورية .. إن لم تكن إنجازاته تقارب حجم الثورة فمصيره الفناء.. حتى نحن الشعب والشباب إن لم نستمر وتكون إنجازاتنا بحجم الثورة سوف نفني أيضا .. فقد قمنا بثورة 25 يناير لإسقاط النظام .. و لم يكن أحد يتوقع أن الفساد الإداري يسري بالدوله بهذا الحجم و الكيفية مما جعلني أشعر أن كلنا فاسدون .. وأخذنا عهدنا علي أنفسنا بأننا لن نترك ثروتنا تضيع هباء أو نترك دم شهدائنا يضيع سدي .. بناءا هلي هذا جائتني هذه الفكرة لعمل ثورة إدارية تطيح بالنظام بالكامل من مدير عام الي رئيس مجلس الوزراء .. و بتعيين شباب الخريجين مكانهم .. و معاقبة الفاسدين. وأتمني ان ننجح بهذه الثورة وأن ينتمي إليها كل من له رغبة حقيقية للتغيير أعتمادا علي أنفسنا ولا نعتمد علي أحد لا حكومة و لا مجلس عسكري سوف نحكمها بأيدينا وايادي المخلصين من ابناء مصر وتتحدد اهدافنا في الآتي :0 1- أسقاط المجلس العسكري و تعيين مجلس عسكري جديد للمحافظه علي هيبة الدولة. (مهمة عقيد جيش لن نفصح عن أسمه الآن) 2- أختيار مجلس رئاسي مدني لأدارة الحياة السياسية للبلاد.(مهمة د. البرادعي) 3- تعيين حكومة تسيير الأعمال بأختيار المجلس الرئاسي المدني.(مهمة ؟؟ لم يتم أختياره) 4- تطهير النيابات العامة و إقالة النائب العام الحالي.(مهمة سليم العوا) 5- تطهير القضاء الأداري و العسكري..( مهمة هشام البسطويسي) 6- اقالة الأشخاص العاملين بالحكومة و القطاع العام و قطاع الأعمال و جميع الهيئات الحكومية بما فيهم الشرطة من مدير عام حتي الوزير لتطهير النظام ( ولدينا خطة الأحلال). 7- في خلال فترة التحقيق يخضع جميع المقالين للتحقيقات للوصول الي جذور الفساد بالدولة لتطهيرها . أذا تم كل ذلك فجميع طلبات الثورة سوف تتحقق تلقائيا .. وفي أثناء هذه المرحلة اذا كان بالأمكان تحقيق اي طلب سوف نقوم بتحقيقه مباشرة فنحن نأمر و لا نؤمر .. الله الوطن لكل المصريين.
By: AliAll Hamada

ali4all said...

الثورة الأدارية الكاملة أذا قرأت وعرفت مدي حجم ثورة 25 يناير و شهدائها الأبرار من الأعلام الخارجي تستطيع أن تعرف ما يريده شعب مصر ,,, ولهذا الحجم الضخم للمعاني والقيم والمبادئ التي قدمتها الثورة و شهدائها بدي كل شئ أمامها صغيرا جدا مثل مبارك وحكومته .. المعارضة الورقية .. الإعلاميين قبل الثورة .. الشرطة .. أمن الدولة... كلها بدت وكأنها حبة رمل في الصحراء أو نقطة مياه في المحيط . ولهذا فأن أذناب النظام سوف يلقون نفس المصير .. فحجمهم ومعارضتهم أمام الثورة يبدوا ضئيلا .. وتلك هي المشكلة فأن أي مسئول سوف يتولي المسئولية في هذه الأيام من مدير عام وحتى رئيس الجمهورية .. إن لم تكن إنجازاته تقارب حجم الثورة فمصيره الفناء.. حتى نحن الشعب والشباب إن لم نستمر وتكون إنجازاتنا بحجم الثورة سوف نفني أيضا .. فقد قمنا بثورة 25 يناير لإسقاط النظام .. و لم يكن أحد يتوقع أن الفساد الإداري يسري بالدوله بهذا الحجم و الكيفية مما جعلني أشعر أن كلنا فاسدون .. وأخذنا عهدنا علي أنفسنا بأننا لن نترك ثروتنا تضيع هباء أو نترك دم شهدائنا يضيع سدي .. بناءا هلي هذا جائتني هذه الفكرة لعمل ثورة إدارية تطيح بالنظام بالكامل من مدير عام الي رئيس مجلس الوزراء .. و بتعيين شباب الخريجين مكانهم .. و معاقبة الفاسدين. وأتمني ان ننجح بهذه الثورة وأن ينتمي إليها كل من له رغبة حقيقية للتغيير أعتمادا علي أنفسنا ولا نعتمد علي أحد لا حكومة و لا مجلس عسكري سوف نحكمها بأيدينا وايادي المخلصين من ابناء مصر وتتحدد اهدافنا في الآتي :0 1- أسقاط المجلس العسكري و تعيين مجلس عسكري جديد للمحافظه علي هيبة الدولة. (مهمة عقيد جيش لن نفصح عن أسمه الآن) 2- أختيار مجلس رئاسي مدني لأدارة الحياة السياسية للبلاد.(مهمة د. البرادعي) 3- تعيين حكومة تسيير الأعمال بأختيار المجلس الرئاسي المدني.(مهمة ؟؟ لم يتم أختياره) 4- تطهير النيابات العامة و إقالة النائب العام الحالي.(مهمة سليم العوا) 5- تطهير القضاء الأداري و العسكري..( مهمة هشام البسطويسي) 6- اقالة الأشخاص العاملين بالحكومة و القطاع العام و قطاع الأعمال و جميع الهيئات الحكومية بما فيهم الشرطة من مدير عام حتي الوزير لتطهير النظام ( ولدينا خطة الأحلال). 7- في خلال فترة التحقيق يخضع جميع المقالين للتحقيقات للوصول الي جذور الفساد بالدولة لتطهيرها . أذا تم كل ذلك فجميع طلبات الثورة سوف تتحقق تلقائيا .. وفي أثناء هذه المرحلة اذا كان بالأمكان تحقيق اي طلب سوف نقوم بتحقيقه مباشرة فنحن نأمر و لا نؤمر .. الله الوطن لكل المصريين.
By: AliAll Hamada

ali4all said...

الثورة الأدارية الكاملة أذا قرأت وعرفت مدي حجم ثورة 25 يناير و شهدائها الأبرار من الأعلام الخارجي تستطيع أن تعرف ما يريده شعب مصر ,,, ولهذا الحجم الضخم للمعاني والقيم والمبادئ التي قدمتها الثورة و شهدائها بدي كل شئ أمامها صغيرا جدا مثل مبارك وحكومته .. المعارضة الورقية .. الإعلاميين قبل الثورة .. الشرطة .. أمن الدولة... كلها بدت وكأنها حبة رمل في الصحراء أو نقطة مياه في المحيط . ولهذا فأن أذناب النظام سوف يلقون نفس المصير .. فحجمهم ومعارضتهم أمام الثورة يبدوا ضئيلا .. وتلك هي المشكلة فأن أي مسئول سوف يتولي المسئولية في هذه الأيام من مدير عام وحتى رئيس الجمهورية .. إن لم تكن إنجازاته تقارب حجم الثورة فمصيره الفناء.. حتى نحن الشعب والشباب إن لم نستمر وتكون إنجازاتنا بحجم الثورة سوف نفني أيضا .. فقد قمنا بثورة 25 يناير لإسقاط النظام .. و لم يكن أحد يتوقع أن الفساد الإداري يسري بالدوله بهذا الحجم و الكيفية مما جعلني أشعر أن كلنا فاسدون .. وأخذنا عهدنا علي أنفسنا بأننا لن نترك ثروتنا تضيع هباء أو نترك دم شهدائنا يضيع سدي .. بناءا هلي هذا جائتني هذه الفكرة لعمل ثورة إدارية تطيح بالنظام بالكامل من مدير عام الي رئيس مجلس الوزراء .. و بتعيين شباب الخريجين مكانهم .. و معاقبة الفاسدين. وأتمني ان ننجح بهذه الثورة وأن ينتمي إليها كل من له رغبة حقيقية للتغيير أعتمادا علي أنفسنا ولا نعتمد علي أحد لا حكومة و لا مجلس عسكري سوف نحكمها بأيدينا وايادي المخلصين من ابناء مصر وتتحدد اهدافنا في الآتي :0 1- أسقاط المجلس العسكري و تعيين مجلس عسكري جديد للمحافظه علي هيبة الدولة. (مهمة عقيد جيش لن نفصح عن أسمه الآن) 2- أختيار مجلس رئاسي مدني لأدارة الحياة السياسية للبلاد.(مهمة د. البرادعي) 3- تعيين حكومة تسيير الأعمال بأختيار المجلس الرئاسي المدني.(مهمة ؟؟ لم يتم أختياره) 4- تطهير النيابات العامة و إقالة النائب العام الحالي.(مهمة سليم العوا) 5- تطهير القضاء الأداري و العسكري..( مهمة هشام البسطويسي) 6- اقالة الأشخاص العاملين بالحكومة و القطاع العام و قطاع الأعمال و جميع الهيئات الحكومية بما فيهم الشرطة من مدير عام حتي الوزير لتطهير النظام ( ولدينا خطة الأحلال). 7- في خلال فترة التحقيق يخضع جميع المقالين للتحقيقات للوصول الي جذور الفساد بالدولة لتطهيرها . أذا تم كل ذلك فجميع طلبات الثورة سوف تتحقق تلقائيا .. وفي أثناء هذه المرحلة اذا كان بالأمكان تحقيق اي طلب سوف نقوم بتحقيقه مباشرة فنحن نأمر و لا نؤمر .. الله الوطن لكل المصريين.
By: AliAll Hamada

أحمد نصير said...

نواره ياجميله, انا هبعتلك اللينك بتاع المدونة بتاعتي,ولو عجبتك ادرجيها عندك ف التعليفات


http://7orreyati.blogspot.com/

hesham said...

تصنيع البلد
عايزين اقامة مصانع وطنية في كل مكان من كثيفة العمالة الي التكنولوجية العالية
البعد عن القروض الخارجية وشد ام الحزام الي اقصي حد
الارتباط بدول هامة نامية تركيا وماليزيا اندونسيا لنقل تجربتهم التصنيعية وكيف نقلوا بلادهم من مجتمع
زراعي الي صناعي وعايزين محو امية الشعب تماما من كل مصر بالجهود الشسعبية وعمل تنافس بين الاحزاب والجمعيات
عايزين خط استراتيجي ثابت في السياسة الخارجية لايتغير بالاشخاص مثل المصريين اولا ثم فلسطين ثم العروبة الاسلام
الكنيسة المصريةعايزين مجلس امن مصري

yosef200077 said...

ربنا يشفيكى يا نوارة طبعا الدستور اولا اولا اولا اولا غصب عن معرسين الوطنى و الجماعة اللى نفسهم يقعدوا و يريحوا التيطة فى تكييف مجلس الشعب و اما التيطة تبرد يبقوا يفكروا نعملنا داستور على مزاجنا كده نضبط منه السبوبة

م.محمد الحسيني said...

مطالب الثورة

http://hesseny2000.blogspot.com/2011/06/blog-post_22.html

م.محمد الحسيني said...

ونمسكهم واحدة واحدة
1. :

1- علاج مصابي الثورة على نفقة الدولة والتكفل بأهالي الشهداء
اولا لازم نعرف مين هم مصابين وشهداء الثورة وعددهم واصابتهم طبعا في منهم ناس كتير معروفة وفي ناس اكتر مش معروفة
يبقي اولا نعمل حصر شامل لكل شهداء وماصبي الثورة وده هياخد وقت


2- عمل قانون لمحاكمة بواقي النظام على الفساد السياسي لان مجرد المحاكمة على الكسب غير المشروع مش هينفع لان بعد التنحي بشهر ونصف اتقبض عليهم وكانوا خلاص ظبطوا نفسهم


الافضل كانت الثورة بناسها واحنا فيها م البداية عدمتهم لان كل ثورة تصنع عدالتها الخاصة لكن المطلب ده حاليا محض هراء


3- عودة الشرطة فورا للعمل الجاد دون الاخلال بكرامة المواطن الشريف واشراف قضائي على جهاز الامن الوطني ومحاكمة المتورطين في قتل المتظاهرين ومحاكمة رجال الاعمال الفاسدين ومصادرة اموالهم

هي الشرطة ما هي موجودة وشغالة لكن الناس اللي بتتعامل بشكل غريب معاها وبعدين الشرطة ظبطها في الشوراع مش هيتم غير باحترامنا ليهم واحساسنا بتطبيق القانون علي الجميع مش شوية علينا وشوية عليهم - والدنيا تهدأ ونبدأ نرجع ونحاول نرجع مصر لحالها ولم القانون هيطبق طبيعي الغلطان هيتحاسب مع بدء المشاركة من الجميع في جمعيات المجتمع المدني ليكون رادع واداة ضغط علي الساسة

*******

سرعة محاكمة مبارك واسرته وعدم التهاون في هذا الطلب والقضاء على كل رموز الفساد والمطالبة بالشفافية من المجلس العسكري حول كيفية ادارة البلاد والكف عن الغموض والتكتم


نفس النقطة اللي فاتت ولو اني مش عارف هو ليه لحد الان الدنيا ماشية معاه بالراحة --؟؟؟؟؟؟؟؟

-********

5- القبض على البلطجية واعادة الامن للمواطن المصري

بصراحة كلنا بقينا بلطجية بداية من اللي بيمشي مخالف علشان يلحق شغله ويزعق لعسكري المرور لو اكلم معاه مرورا باللي فارش ف وسط الميدان ولا البلدية بتأثر معاه انتهاءا بكل من يستعرض عضلاته علي المارة ومعاكسة البنات
البلطجة مش جديد ولا اختراع ظهر بعد الثورة
محتاجين سيادة القانون اللي هيرجع الشرطة اللي هيرجع الامان اللي هينهي ع البلطجية


***********

6- الشفافية الكاملة ، معايير واضحة لاتخاذ القرارات


اي ما كانت المعايير شفافة او غير شفافة لابد من اداوت ضغط سياسية واجتماعية كمؤسسات المجتمع المدني
الي جانب الاحزاب السياسية والتعليم والتوعية

يا جماعة اري ان اهم مشروع قومي ممكن اي حد يتبناه هو مشروع

اعادة تصنيع العقل المصري



ندربه علي المشاركة الفعالة في كل وقت مش بس وقت ما الحال يضيق وينفجر مرة واحدة
نعلمه عدم البحث عن شماعات يحط عليها خطأه

ونتعلم كلنا قبول النقد البناء
من جرح ولا استهزاء

يبقي المشاركة جزء اساسي من التعليم
نعرفه حقوقه ووجباته
وكل ده هياخد وقت المهم نبدأ

yosef200077 said...

نوارة انتى ليه مخبية انك خرية من الاخوان ما حركاتك القرعة من اول الثورة باينة بقولك عمر ما الثورة حتنجح و احنا بنبوس طيز واحد حرامى و انتى فاهمنى

Anonymous said...

أدعوكم لشماهدة هذين الفيديون عن مطالبنا يوم 8 يوليو ودي أسباب المطالب بالكامل

http://www.youtube.com/watch?v=J99J6fSM2vE

http://www.youtube.com/watch?v=LXqO9eGrfHs&

هيا دي مطالبنا وهيا دي أسبابها

lavender said...

البيان ده ليس فيه اي مطالب غير النزول - هو النزول اصبح مطلب في حد ذاته و لا ايه ؟؟؟؟

lavender said...

شالوا الدستور اولا و حطوا النزول اولا

dr ahmed said...

البيان مكتوب كويس جدا بس لاحظو شىء ان البيان يتحدث على ان الدستور اولا ليس مطلب اساسى اكرر ليس مطلب اساسى تانى علشان نركز سوى ليس مطلب اساسى ..بمعنى ان الدستور اولا مطلب مدرج يوم 8 يوليو ولكن ليس المطلب الاساسى ماشى يبقى عملنا اية ...دة معناة ان المطالبين بالدستور اولا يطلبون منا زخم الثورة تحت اى مسمى وبعدين الاعلام يشتغل بقا يجيبو كام واحد وسط الالوف بيطالبو بالدستور اولا ويعرضوة على انه مطلب اساى ونبقى اخدنا اكبر قفة فى التاريخ لاء يانوارة مش لاعبين قولى ل يسرى فودة وريم ماجد وعلاء الاسوانى العبو غيرها مفيش نزول يوم 8 يوليو

hayat ank said...

الطلبات اهيه
اولا حل المحليات والنقابات والمحافظين يبقوا بالانتخاب
ثانيا تطهير القضاء والشرطه والاعلام
ثالثا وضع حد اقصى للاجور ومن ثم تعديل الحد الادنى الزباله ده
ربعا وقف تصدير الغاز لاسرائيل ومن ثم الاستفاده من موارد الدوله لصالح الفقراء وتحقيق مشروعات للخدمات تامين صحى فرص عملاسكان محترم ورخيص للفقراء بنيه تحتيه محترمه
خامسا تاسيس لجان شعبيه بممثل للقضاء معروف بنزاهته لمحاكمات النظام السابق وتشكيل لجان شعبيه بممثل قضائى لتطهير كافه مؤسسات الدوله من الفساد

khaledsk said...

أنا موافق تماما مع ما كتبه د. أحمد "وهذا نصه)

البيان مكتوب كويس جدا بس لاحظو شىء
ان البيان يتحدث على ان الدستور اولا ليس مطلب اساسى اكرر ليس مطلب اساسى تانى علشان نركز سوى ليس مطلب اساسى ..بمعنى ان الدستور اولا مطلب مدرج يوم 8 يوليو ولكن ليس المطلب الاساسى ماشى يبقى عملنا اية ...دة معناة ان المطالبين بالدستور اولا يطلبون منا زخم الثورة تحت اى مسمى وبعدين الاعلام يشتغل بقا يجيبو كام واحد وسط الالوف بيطالبو بالدستور اولا ويعرضوة على انه مطلب اساى ونبقى اخدنا اكبر قفة فى التاريخ لاء يانوارة مش لاعبين قولى ل يسرى فودة وريم ماجد وعلاء الاسوانى العبو غيرها مفيش نزول يوم 8 يوليو
"

يجب ان تذكر المطالب بكل وضوح ولا يكون من بينها الدستور اولا ولا ثانيا ولا يجيبوا سيرته خالص
قبل الدعوة للنزول حتى لا ندخل فى تعداد المطالبين بالدستور اولا
د. خالد سيف

ahmedbasha said...

لدي طلبين ياريت نجمع عليهم
الاول >وثية الدكتور البرادعي لحقوق الانسان والمواطنة تكون موادها ملزمه عند وضع الدستور وتكون مواد فوق دستورية هذا ما يخص المستقبل

الثاني >تطهير أجهزة الدولة وضابط أمن الدولة السابقين يتم احالتهم للتقاعد
هذا طلب يخص الوضع الحالي

ملكش دعوة said...

مقلب تاني
مش كفايه مقالب برضه نيتكوا مش خالصه وهنرغي في الدستور اولا وهتنقسموا علي بعض وهيبقي يوم اسوأ من جمعه الوقيعه وصدقوا اللي قالوها
وبعدين انتي مش قلتي مش نازله بتضجكي علينا ولا علي نفسك
لا بس الشهاده لله ساويرس مقطع نفسه شغل هيموت يا ولداااه
يا رب يعملها ونخلص منه ومن الجمل في جمعه واحده

saleh11143 said...

رد على بيان رقم ( 11 ) لما يُسمى ب " ثورة الغضب المصرية الثانية " :
= تنجح الثورة بانتصار إرادة الشعب على أنظمة الظلم والإستبداد =
الإستفتاء هو تعبير عن إرادة الشعب، وأما الإعلان الدستوري اللاحق فهو تعبير عن إرادة المجلس العسكري الحاكم، فإذا كان الإعلان الدستوري لا يتناقض مع الإستفتاء فلا حجة في القول بأن الإعلان الدستوري يُلغي الإستفتاء ، وأما إن كان ناقضاً للإستفتاء فيُعمل بالإستفتاء ويسقط الإعلان الدستوري لأن إرادة الشعب فوق إرادة المجلس، ولأن الأصل في هذا المجلس أنه موجود بإرادة الشعب، ولأن الحاكم الذي سيخلف المجلس سيأتي بإرادة الشعب، ولأن نظام مبارك قد سقط لاستهتاره بإرادة هذا الشعب. وعلى ذلك فإن كل من يرى أو يُطالب بإسقاط نتائج الإستفتاء الشعبي لصالح الإعلان الدستوري اللاحق مع قوله بالتناقض بينهما فإنما يُطالب بديمومة بقاء هذا الشعب مُستعبداً من قبل حكامه، وهذه هي حقيقة ما يُسمى ب " الثورة المضادة " إذ هي مجموع القوى التي تتحرك بهدف كسر إرادة الشعب في استكمال التحرر والإنعتاق من الركوع لغير الله تعالى . والبيان رقم ( 11 ) مع إقراره بأن الإستفتاء يُعبر عن رأي الأغلبية وبأن الإعلان الدستوري قد أهدر رأي الأغلبية وأعمل رأي المجلس إلا أن أصحاب ما يُسمى ب " ثورة الغضب المصرية الثانية " يصرحون في نفس البيان بقناعتهم بإعمال رأي المجلس وإلغاء إرادة الشعب التي تم التعبير عنها من خلال الإستفتاء ، وكل الذي فعلوه في بيانهم المذكور هو أنهم لم يجعلوا هذا المطلب مطلباً أساسياً عند النزول للميدان يوم 8 يوليو !

إنسان said...

wallahi ya nawara di 7aga teda7ak... ya3ny el-logic ye2oul enn ennas yekoun 3andaha mataleb fa te3mel melioneyya mesh te7eb te3mel melioneyya fa tedawar 3al-mataleb..

Leonardo said...

هوه إنتوا بتتلككوا عشان ماتنزلوش ؟؟
إنتوا شايفين البلد ماشيه فى سكه حلوه قوى يعنى ؟
مش إنتى اللى قعدتى تصرخى وتعيطى من بتوع الداخليه اللى نزلوا تانى وقعدتى تولولى ولو مانزلناش هيركبونا كلنا تانى وهنتسحل و .. و.. و..
دلوقتى بتتبغددى على النزول وبتتشرطى ومش نازله لو ماعملتوش كذا ؟
حرام عليكم بقى .. الثورة خلاص ضاعت واحنا دلوقتى بنحاول نعمل ثورة تانيه ضد نفس النظام .. اللى عايز يشارك أهلا وسهلا
والى مش عايز مايقعدش يتفلسف بقى ويتحجج عشان ماينزلش ..
يقول إنه مش نازل وخلاص من غير نبر ولا تنبيط

dina said...

انت جاهلة ولا ايه خلى حد بيفهم يقراهولك حتلاقى مكتوب ان الدستور اولا!!!!

dina said...

انت جاهلة ولا ايه خللى حد يقراهولك مكتوب: الدستووووووووور اولاااا---- مش نازلين مش نازلين مش نازلين!!!!

arabian_faithful said...

أنا والله العظيم حأتعبط هوا النزول من أجل النزول وخلاص !!!!!!!!!
يعنى بتتفقوا على النزول قبل ماتتفقوا على المطالب
A7AAAAAAAAAAAAAAAAA

modamedia said...

والله قلبى معاكى يانوارة الانتصار ونوارة الثورة ياللى بميت مليون راجل واناكنت فاكر نفسى مواطن عشان نزلت صليت يوم 10/2 فى جامع القائد ابراهيم ومشيت لقصر رأس التين على رجليه د انتى عملتى اكتر من مصطفى وسعد واحمدومحمد وعبد الله وصفية وجمال
انتى فى نظرى ذى جواد حسنى واحمد عبد العزير (اللى ما أخد من التاريخ الا شارع لبيع المهربات ) انتى سعد الشاذلى ومحمد عبد العاطى صائد الدبابات وأحمد شاكر اللى غرق المدمرة ايلات انتى ام المصريين رعم صغر سنك انتى البطل الحقيقى للثورة انت وكام واحد حكلمهم كل واحدلواحده لكن انى الأول ( على فكرة زغروتك على قناة الجزيرة بعد ما انخلع المخلوع هى START TONE للاب توب بتاعى عشان انا عايش الفرحة دى من يومها
......مع احترام وتقديرى لك
ثقى فى
محمد المصرى
الاسكندرية 24/6/2011 1729س

عمر said...

للعلم طلعوا بيان بيكذبوا ذلك اليوم 28/6/2011 فالرجاءعدم النزول في هذا اليوم ونختار يوم تاني واذا اصريتي يكون قبل المطالب في اليفط الانتخابات اولا حتي لايحسبونا ضمن دعاة الدستور اولا

mostafa hussain said...

ببساطة

1- مرسوم بقانون لمصادرة جميع ممتلكات المتسببين في ضياع الثروات القومية عز وابو العينين وغيرهم

2- محاكمات مذاعة على التليفيزيون لقتلة المتظاهرين

3- محاكمات سياسية لكل رموز النظام السابق

4- الاعلان الفوري عن هوية القناصة قتلة المتظاهرين