Tuesday 7 June 2011

لأ.....كده مش حلو


ايييييه..... مش عارفة بقى اعمل ايه؟ بس انا مش مبسوطة
اولا: يبدو ان استراتيجية اطبطب وادلع اللي انا مصممة التزم بيها دي مش نافعة، بس لسه مش حينفع اتبع استراتيجية يا ناسي هواك وواخد معاك ليالي وسنين عمرنا، عشان الشعب بيزعل، انا لازم انافق الشعب لان الشعب غلبان ومش لاقي حد ينافقه، الناس كلها بتنافق السلطة، بتنافق راس المال، بتنافق امريكا، والاعلام ما بيتكلمش غير على تلات حاجات: الجيش خط احمر، هيبة الشرطة، عجلة الانتاج
طب بالنسبة للشعب؟ الناس اللي آنياكم دي مالهاش حاجة؟ تاخدوا مرتباتكم من فلوسه، وتعملوا من وراه ملايين، وتطلعوا تشتموه وتقولوا له انت حمار ومش بتعرف تنتخب، والجيش خط احمر، ولازم تساعد الشرطة، واقعد في البيت عشان عجلة الانتاج
وكما قال حسام الحملاوي: اظن يعني الشعب هو اللي خط احمر. 
بالنوسبة لهيبة الشرطة، ايه بقى هيبة الشرطة دي؟ يعني قولوا لي في اي بلد تانية الشرطة لها هيبة فين؟ بمعنى ترجموا لي التعبير ده بالانجليزي او الفرنصاوي عشان اتابع معاكم يعني... انهي بلد في الدنيا فيها حاجة اسمها هيبة الشرطة غيرنا؟ ونساعدهم ليه؟ انتوا ناسيين اننا عاملين الثورة يوم عيد الشرطة؟ ناسيين ان الثورة اساسا على الشرطة؟ وبعدين قعدنا نقول الجيش اخواتنا وولادنا ونبوس فيهم، وانا ابوس فيهم كرامة للشعب اللي بيحبهم، لكن ايه بقى الشرطة اخواتنا وولادنا اللي ظهرت فجأتن دي؟ انتوا حتجيبوا لنا كل واحد بيونيفورم وتقولوا لنا اخواتنا وولادنا؟ ومضيفات الطيران اخواتنا وولادنا، ودليفري ماك دونالدز اخواتنا وولادنا، ومدرسة ام المؤمنين الثانوية بنات اخواتنا وولادنا.. فيه ايه فيه ايه؟ مشيناها عائلي مع الجيش لحسابات معينة في دماغ الناس، وانا شخصيا ماشية ورا الناس ومش باحب اسبق عليهم ولا حتى امشي جنبهم، انا دلدولتهم، لكن احنا حنمشيها عوائلي كده عمال على بطال؟
انا خلاص.. مش قادرة على استراتيجية اطبطب وادلع دي
مش قادرة
ومش حاقدر ازعل الناس واقول لسه فاكر قلبي يديلك امان
فاحضطر اتبع استراتيجية: مافيش حاجة تيجي كده اهدا حبيبي كده وارجع زي زمان، يابني اسمعني حتدلعني تاخد عيني كمان
حد الله ما بيني وبينك غير حب الوطن يا حكومة
وزي ما كلنا عارفين: اعلم يا هذا الجيل ان الوطن بشره
اللي يدلع الشعب احبه اللي يزعل الشعب اكرهه... وانا شايفة ان فيه اتجاه كده عشان الشعب يتقرطس، ثم ابتدوا يزعلوه
اربعة يموتوا في اسبوعين على ايد الشرطة، وخطاب الداخلية لتبرير الحوادث دي شبه الخطاب اللي تم الترويج له ايام استشهاد خالد سعيد: ضربني بوشه على ايدي يا سعادة البيه
وهجم عليا... قلت له ما بلاش يا ام بدوي.. وهو ابدا، قعد يشتم ويتف.. لفعته على كتفي وحاولت اكرعه يمكن تكون غازات، راح تافف في وشي، ركبته المرجيحة راح مرجع، قعدته قدام سبيس تون راح حاطط صباعه في كوبس التلفزيون... رحت قاتله بقى اعمل ايه طيب؟ 
طب دول سهل يعني، بيتاكلوا علقة ويطلعوا يجروا، مش اول مرة، اكلوا علقة في القرصاية وطلعوا يجروا، اكلوا علقة في المحلة وطلعوا يجروا، اكلوا علقة في الثورة وطلعوا يجروا، عاتشي.. ناكلهم علقة لو بقوا مدمنين علق
المشكل مش فيهم.. المشكلة في اللي واقف شبكة ما بينا وما بينهم وبيخبيهم ورا ضهره وهو عارف اننا مالناش رغبة اننا نخبط فيه
طب ليه كده يا حاج طاه
اسمع يا حاج... احنا ناس طيبين وكويسين وحلوين وسلميين بجد، وشعب امير فعلا، ونكنس ونمسح ونطبخ ونغير للعيال ونشتغل ونصرف على البيت، فول اوبشن يعني، ونطنش كمان على حاجات كتير.. بس ايه؟
هو حناني عليك قساك حتى عليا؟ ولا رضايا كمان خلاك تلعب بيا؟ ولا تسامح روحي معاك غرك فيا؟ 
أنا يا حبيبي صحيح باتسامح الا.. الا في تلات حاجات مالهمش رابع: الشرطة، ومبارك، واسرائيل... واما يفيض بي ما باعرف اصالح واعرف اجي كتير على قلبي
وغدرك بيا، اثر فيا، واتغيرت شوية شوية، اتغيرت وموش بايديا
واخد بالك؟ 
يا عم لم تعابينك ورجب  حوش صاحبك عني
وايه حكاية مخطط تقسيم مصر بيعتمد على "الوقيعة بين الجيش والشعب.. الوقيعة بين الشرطة والشعب"؟ ها؟ وايه كمان؟ والوقيعة ما بين مبارك والشعب، والوقيعة ما بين اسرائيل والشعب، والوقيعة ما بين ابليس والشعب... ايه ايه ايه؟ ايه ام الهلع اللي انتوا معتمدين عليه من ساعة ما شرفتونا وآنستونا ده؟ مرة هلع البلطجية، ومرة هلع السلفية، ودلوقت هلع تقسيم مصر
ومصر حتتقسم لما يحصل وقيعة بين الشرطة والشعب؟ ده على اساس اننا كنا سمن على عسل قبل كده؟ 
ما يلزموناش يا حاج.. إن جيت للحق، احنا في تمنتاشر يوم ما كانش حد لازمنا خالص، كنا بنعمل كل حاجة لوحدنا، وكانت سهلة، ومريحة وبسيطة، وبصراحة بقى اي حد بيركب على قمة الهرم بيشكل عبء علينا، وبنشيل همه، ونفضل لافحينه على كتفنا، وما بينوبناش غير نصرف له مرتبات ويقرفنا في عيشتنا ونقعد نحط له خطط ازاي نتعامل معاه من غير ما يتسبب لنا في خسائر
بس خلاص، اذا كنا حندي اعانة بطالة.. شغال، احنا اهل كرم، لكن مش حندي اعانة بطالة لناس تقعد تضربنا وتموتنا.. كده انت بتدينا على قفانا يا حاج
الداخلية دي يتم دمجها في وزارة العدل، والعيسوي يقال، وماليش فيه، مش عارف يسيطر، مش عايز يسيطر، ما ليش فيه، يقال، وكل واحد في الداخلية يتفضل يقعد في بيتهم وياخد مرتبه الاساسي معزز مكرم بعد ما يسلم السلاح ويونيفورم، وعندنا 9 مليون عاطل مستعدين يحموا البلد بأجر رمزي، ما فيه فلوس كتير، ما الداخلية بتاخد تلت ميزانية الدولة، تلتها ليه وهي وزارة غير منتجة، يعني اللي بتاخدها فاقد، غفل عن ذكر الله ومال حرام بقى ما خرجتش منه زكاة ولا صدقة، فلوس وبتترمي في الزبالة
ويتم انتداب لجنة قضائية، ولجنة حقوقية لدراسة ملفات الداخلية، اللي محتاج يخش السجن يخش، واللي حيخش مصحة نفسية او عقلية يخش، واللي محتاج اعادة تأهيل، يتحط له برنامج تدريبي يتعلم فيه ازاي يسأل الناس عن الرخص من غير ما يموتوا في ايده
بالنوسبة للامن الوطني.. يتلغي.. يتلغي خالص
بلا مافيا بلا نيلة، مافيا ايه؟ يا ريت يبقوا مافيا.. عشان نعصرهم ينزلوا اطفال احداث، حيعملوا ايه يعني اكتر من اللي بيعملوه دلوقت؟ هم مافيا بقوة القانون، خليهم مافيا خارجين عن القانون، هو احنا ايه عشان يبقى بيراقبنا المخابرات، والمخابرات العسكرية، والامن القومي، وكمان الامن الوطني... ايه ايه ايه؟ احنا في سجن هنا؟ 
يا اما اللي باقوله ده هو اللي يحصل، يا اما يبقى مبارك بيحكم يا حاج... الشعب كان يريد اسقاط النظام
ضحكتوا علينا ووديتوا الراجل الاهطل في شرم الشيخ بياكل ويشرب بفلوسنا، والنظام هو هو، بنفس البنطلون بنفس الفالنة
لا يا عم.. ثورة اونطا.. هاتوا شهداءنا
كده احنا اتاكلنا على قفانا
وبطلوا الخطاب الاعلامي الحقير ده، ما وراكوش حاجة غير تقولوا لنا: كفاية كفاية كفاية.. كفاية ايه؟ هو اللي عملناه في الخلق حيطلع علينا ولا ايه؟ احنا اللي كنا بنقول كفاية.. ماحدش يقول لنا احنا كفاية
وما حدش يحط كلام على بق الناس ويقول الناس زهقت.. اللي زهق يروح، فيه ناس كتير غلابة وما حيلتهمش حاجة يخسروها، وما زهقوش
ثانيا:
بالنوسبة للقوى الوطنية... لكم حق تغنوا تقولوا: انا اللي استاهل كل اللي يجرا لي، الغالي بعته رخيص ولا احسبوش غالي
ايه حوار اسلامية وعلمانية دي؟ 
دي خيانة عظمى
خيانة عظمى... اللي يتكلم الكلام ده ويسيب البلد بتضيع من ايدنا وثورة بتتقتل يبقى خاين
اسلامية ايه وعلمانية ايه هو النظام سقط اصلا؟ 
جورج اسحاق كان قال مرة: القوى الوطنية ماشية ورا الشعب. وكذلك قال خالد يوسف
انا اسفة.. انتوا حنثتوا بوعدكم، وابتديتوا تدوروا على مكاسبكم، وابتديتوا تقولوا كلام فارغ، دستور اولا ايه وتأجيل انتخابات ايه واسلامية ايه وعلمانية ايه ده انتوا حتتشمطوا كلكم واحد واحد بنظام
فوقوا
فوقوا
انتوا بتهلوسوا
اللي عامل صفقة يرجع فيها.. اوعى تقرب اوعى تفوت اوعى تيجي احسن حتموت... مش اربعة وخمسين قفا على سهوة هو، بلاش كده
اللي عمال يتكلم في كلام فارغ يغير الموضوع... طظ في الدستور خالص.. حنلغيه احنا الدستور ده، مش عايزين دستور من اساسه، ما كنا 18 يوم عايشين من غير دستور ومن غير قانون ومن غير دولة وكنا ميت فل وسبعتاشر
القوى  الوطنية لازم تتصالح فورا، لازم نرجع ايد واحدة فورا، مافيش ام صفقات حتنجح، والمصالحة بينكم غير مشروطة والا تبقوا خونة كلكم
ولو ربنا سترها معانا - واحنا دلوقت ما لناش امل غير ان ربنا يسترها معانا من عنده - انا اول واحدة حاعمل حملة عليكم كلكم عشان تتحاكموا بتهمة الخيانة العظمى مع مبارك
كان لازم واحنا بنسقط مبارك نسقط القوى الوطنية كلها اللي ترعرعت في زمنه لان كلهم شبهه وحسبي الله ونعم الوكيل فيهم واحد واحد من اقصى اليمين الى اقصى اليسار كلكم عبء علينا زي ما بقية التنظيمات الهرمية عبء علينا ده انتوا بلوة واترزينا بيها
نحن نؤتى من قبلكم
انتوا الطعنة في ضهر الثورة، مش اي حد تاني، لإن مافيش اي توقعات من اي حد تاني غيركم، وبصراحة انتوا مالكوش لازمة في حياتنا.. ناس كتير مالهمش اي لازمة في حياتنا
كل الناس اللي كنا عايشين من غيرهم طول التمنتاشر يوم ما لهمش لازمة في حياتنا، جبناكم وحطينا شوية منكم فوق روسنا، وشوية منكم في الصدارة، عشان ورانا شغل احنا مش صيع.. واخرتها ايه؟ لو كان الـ... بينفع كان نفع نفسه
ولو كنتوا بتنفعوا كلكوا كنتوا نفعتونا قبلها، دلوقت كل واحد فيكم عمال يقول انا اللي عملت الثورة، لولا مجهوداتي ما كانتش الثورة قامت... طااااب يا سيدي انت وهو وهو وهو، سوا لابس بدلة مدني ولا بدلة ميري
ادي الثورة قامت
هاه؟ 
هاه؟ 
هاه؟ 
نعم؟ ايوة؟ انتوا بتسمعونا سكاتكم؟ 
من الاخر كده عشان ننجز
بالنسبة للجيش: اضرب صاحبك لو هم كتير
بالنسبة للقوى الوطنية: الصلح خير قوم نتصالح
بالنسبة للجمعة الجاية، حتتلغي... ليه؟ عشان القوى الوطنية كلها مش عايزة تتبنى الجمعة الجاية اللي ضد الداخلية، اه وربنا، وفيه منهم كمان ناس بتقول: مش عايزين ندافع عن البلطجية.. اه وربنا
انا مش فاهمة الداخلية محتقراني ليه؟ ما يموتوني يعني.. حادثة كده زي الحادثة بتاعة الجدع اللي من ستة ابريل والبنت بتاعة قناة خمسة وعشرين، اللي راخرة كلها مصادفات
افففففففففففففف استغفر الله العظيم
انا مستنية اهو.. مستنية، حتى تميم وعدني اني لما اموت حيكتب عني قصيدة.. يالا توكلوا على الله

104 comments:

بساطه said...

بعيد الشر عنك يانواره .. انا فعلا خايف عليكي ربنا يحميكي ويحفظك انت وكل الي زيك

انتي عارفه انا بحب اقرالك ليه؟؟ لاني متأكد انك مش كدابه وبتقولي الحق زي مانتي شايفاه

وانا كنت عارف ان الجمعه بتاعة الداخليه صعبه معلش .. ربك كريم وهتتعدل انشاء الله يااااااارب هون علينا وقوينا

ساعي الخير said...

نوارة ما تضحكيش علي نفسك

و علي الناس ما فيش بلد من غير شرطة

و ال 17 يوم اللي بتتكلمي عليهم


دول فيهم ناس كتير سابت أشغالها

علشان حراسة بيوتها

من الآخر التطوع في الدفاع المدني

يعني رقابة شعبية للشرطة و تدعيم

للخير ضد الشر و البلطجة

غير كده تبقي عايزة تهيصي و خلاص

علشان تخربي ع الناس اللي بتقولي انك بتحبيهم


نوارة أوعي تعملي زي الدبة اللي قتلت صاحبها

Amani said...

يسلم بسانك يا نوارة...يسلم لساااانك

elzahraamegahed said...

نواره مين اللى قال جملة "اضرب صاحبك لو هما كتير"
أصلى قريتها برضه كذا مره ف تعليقاتك على تويتر ومش عارفه ايه حكايتها

khsnas said...

هههههههههه...انتى هتموتى كدا يا نوارة حرااااام عليكى نفسك..بس عندك انا صراحة ساعات بيجى عليا اوقات ببقى هموت من الاخبار الى بسمعها وبحس ان ممكن يجرالى حاجة فعلا اقدر اقول الثورة المضادة حققت كتييييييير من الى هى عايزاها...ومعظم القوى الوطنية ان لم يكن كلها فعلا خنجر فى ظهر الثورة وهام الى هيدوا البلد فى داهية....حال البلد كل يوم فى النازل وحال المواطن بيسؤ يوم عن يوم ...والايام الى جاية مش عارفين شكلها ايه

متفائل said...

وانا شخصيا ماشية ورا الناس ومش باحب اسبق عليهم ولا حتى امشي جنبهم، انا دلدولتهم

دلدولتهم أيه بقى ؟ واضح إنك ستهم وتاج راسهم وإنك زعيمة ملهمة لا يعتبر رأيك رأياً ضمن عديد من الأراء بل هو (وحياً) يأتيك من السماء .. طب الشعب كله رافض جمعة ضد الشرطة دي .. لو كنتي دلدولتهم صحيح زي ما بتدعي كنتي إحترمتي رأي الشعب وتأكدتي إنك كنت غلطانة ومهيسه أخر حاجة حين دعوت لمثل هذه الجمعة بدلاً من بوستك الأخير هذا وما هو إلا وصلة ردح وفرش ملاية للكل كليلة وكأن ماحدش في أم البلد دي مالي عين السنيورة

The Dagger said...

Agree with all of you said about the so-called national movement, but disagree with you about your death. We need you alive! Long live Egypt!

نسيم الفجر said...

ايه يا نوارة انا قلقت عليكي قوي الايام الاخيرة وفين بلال فضل هو راخر ؟؟ كلامك الخير برضه قلقني ربنا يحفظك يا ستي . وبعدين طيب في الداخلية دي هنسكتلهم !! لازم نعمل حاجة والا هترجع اسوأ من الاول مليون مرة

FAW said...

إيه الرغي ده !!

Eman said...

ازيك يا نوارة وحشتينا ...معاكى حق لو الشرطة فضلت زى ما هى يبقى الثورة لسة قدامها كتييير و ده كلام مش مقبول إينىىىى مووور ...

بالنسبة للتلات حاجات اللى احنا مش بنسامح فيها يا ريت نشيل مبارك و نحط الفساد او نخلى مبارك و نزود الفساد ... مشكلتنا مع كل فاسد مش مبارك بس ...و بس...ربنا يحفظك

mahmoud said...

كلام صح جدا وبعدين الدكتور عصام شرف بيقول الشعب طالب في ميدان التحرير بسقوط النظام وبعدين سقف طموحاته ارتفع وان شاء الله نكون عند حسن الظن يادكتور عصام هو النظام سقط لسه وبعدين طموحات ايه ماطبيعي اذا سقط نظام يتبني غيره وطبيعي كمان يتبني كويس ويكون محترم انا مش فاهم هو كتير علينا بلد محترمة ولا ده اصلا حقنا مش احنا اللي بنعزق فيها ولا شعب تاني انا ماعرفش خطة الاخوان وغيرهم للتعامل مع الدولة في المستقبل ومع جهاز فاسد زي الشرطة ووزارة فاسدة زي الداخلية بس اللي عارفه كويس ان دول مالهومش امان يا اخوان لازم حيطعنوكم في ضهركم دي اخلاقهم الا بقي لو انتوا تعرفوا حاجات ممكن تتعمل فينا لو اصرينا علي مطالبنا والحاجات دي خليتكم تجيبوا ورا حتي لو كده النصر من عند الله وتحويلها لحرب مش في صالحهم اييه بقي علي راي نوارة عموما الثورة بكل معانيها مستمرة وربنا معانا

Coming from Shaqlashstan said...

جميلة يا نوارة

ياسر محمد said...

مع إحترامي للأُستاذة نوارة نجم، فمُصطلح هيبة الشرطة موجود في كُل مكان في العالم، ويُطلق عليه بالإنجليزية
Prestige of the police

وقد قرأت في كتاب يتحدث عن حالة الشُرطة في ألمانيا بعد الحرب العالمية الثانية حيث أنشئت الولايات المُتحدة الأمريكية ما يُطلق عليه إسم
(United States Constabulary)
وفيها كان هناك دوريات مُشتركة من الجيش الأمريكي (فردين يجلسان في المقعدين الأماميين) وأحد ضُباط الشرطة الألمانية (في المقعد الخلفي)

ووجدت فيه هذه المقاطع بالنص:-

As they roamed their beat in their yellow and blue striped jeep, each pair of Constabulary troopers was usually accompanied by a German policeman who rode in the back seat. The German policeman knew some English and the troopers were trained at the Constabulary school to understand a number of German phrases useful in police work. If the patrol investigated a disturbance in a German home, the troopers stood by while the German officer made the arrest. If they apprehended suspected displaced persons outside their camp, the troopers again stood by while the German policeman handles the situation. If the offender was an American or Allied soldier or civilian, the troopers made the arrest. This procedure built up the prestige of the new German police in the eyes of their own people.

وأيضاً

The Constabulary assisted military government in the reorganization and development of the German police force. The Constabulary realized that its task would be greatly simplified with an increase in the strength and efficiency of the German police, a rise in the self confidence of German police officers, and a gain in their prestige in the eyes of the civilian population. The ties between the two law-enforcement agencies steadily became stronger. The Constabulary left the less important matters in the hands of the German police and concentrated more and more on the apprehension of major criminals and black marketeers. Eventually, the United States Constabulary played mainly the role of adviser and supporter, ready to assist the German police on call.

المُصطلح موجود ومن غير المُمكن بأن يكون هُناك مُصطلح ونلغيه بُحجة فساد الشُرطة عندنا، ولكن الأفضل هو تقويم الشرطة وأدائها.

urnatatio said...

ما قلنا من تلات شهور اننا خدنا البلد من مبارك وعيلته سلمناها ل 19 صبي من صبيانه قولتولنا اطلعوا من البلد و قولنا كمان ان مبارك ما كانش هينفع يفسد من غير ما تبقي فيادات الجيش كلها فاسدة ما عجبكيش الكلام و عملتيلي بلوك علي تويتر و قولنا ان الثورة ماتت مع اول بيان عسكري ما حدش صدقنا ولسه فاكر منظر ال19 صبي ومعلمهم في غرفة القيادة المركزية و هما بيضحكوا علي هبل الشعب و بيحضروا خطة التعامل اللي الشعب نفسه نفذها لهم بكل اخلاص عشان يقتلوا الثورة يللا علي حسب المعدل المصري للثورات قدامنا من 23 سنة ل 28 سنة علي الثورة اللي جاية ويا رب ما نعيشش لوقتها عشان ما نخربهاش زي الثورة دي

wagdy said...

الاخبار كلهامحبطة من مجلس عسكرى لحكومة لاتلاف الثورة والقوى السياسية المنقسمين بصراحة حاجة تقرف

aezyona said...

لسه فيك ناس بتفهم يا مصر
وبتحبك بجد
بجد كل أنسان شريف هو من لايخاف إلا الله
ولا يبحث عن مكاسب وأحلام يقظة
كل من على الساحة يريد عودة الحال على ما كا عليه

wagdy said...

خسارة دم الشهداء وعاهات المصابين

الحد الادنى said...

ايه ده يا بنت عمى الظاهر انتى بتجرى وراها --الشهادة--
بس مش إشكال انتى تستاهليها وانا مكتير من الغلابة مصدقينك

Unknown said...

بعد الشر عليكي يانوارة. ولا شعر الدنيا كله يمكن أن يكون بدلاً عن قلب وعقل مخلص زيك. تعلمين كنت منذ قليل أحاول أن أستنطق التاريخ وكنت أقرأ تاريخ الثورة الروسية بما أنها أكبر الثورات في القرن الماضي، أنا اندهشت جداً من التكرار في كثير من النواحي، الثورة قامت في البداية ثورة شعبية ولم يكن هناك من يفودهل لا البلاشفة ولا غيرهم، ثم أسقطوا النظام القيصري تقريباً وتنازل القيصر عن الحكم ثم انتقل الحكم لحكومة مؤقتة وبعد 8 شهور قام البلاشفة بحركتهم وثورتهم علي الحكومة المؤقتة وبقايا القياصرة وأتباعهم ثم يأتي المحزن في ذلك وهو أن الحرب الأهلية التي تلت هذه الثورة أكلت ملايين من الشعب بين قتيل ومصاب - ملايين بجد وليس مجازاً- لذلك أنا أتفق معك في ضرورة توحيد الصفوف ولابد أن يعلم كل الفصائل التي تفتقت عنه ثورة مصر المبهرة أن في حال تمزق وحدتهم فالكل خاسر، حتي الذين يمالئون المجلس العسكري من القوي التي تسميي نفسها وطنية والذين اطمأنوا للصفقات والتربيطات فإنهم يخسرون أيضاً لو أفرزت الخلافات شقاً صغيراً ينفذ منه نهازوا الفرص للسطو علي هذا البلد وهذا الشعب. الكل يخسر إذا تفرقت الهمم وراء الأهواء والمكاسب. الأستاذ سلامة أحمد سلامة يتعجب من تعدد الفصائل التي تسمي نفسها إئتلافات شباب الثورة، والعدد الذي ذكره مهول كل دي إئتلافات، ليه مش إئتلاف واحد يجمع كل دول وليه كل واحد عاوز يبقي نجم وصاحب إئتلاف، أنا موافقك الرأي كل دول ح يتاكلوا، همه ما خدوش قصة الراجل وولاده وحزمة الحطب في أولي ابتدائي دول، الله يسامحه التعليم الأجنبي. تحياتي يانوارة

Jareer said...
This comment has been removed by the author.
hayat ank said...

والله نفسى اقول زيك كده انا موجوده اهه يالا موتونى بقى الناس خلاص اخلاقها بقت زفت وزباله ومابيجروش غير على مصالحهم بس ومشعارفين ان مصلحه البلد هى مصلحه لكل واحد فينا والله الى بيسكت على الشرطه يبقى يستاهل الى يتعمل فيه نفس الى انت بتلاقيه كل الشرفاء بيلاقوه فى كافه المجالات والموضوع بس مش موضوع شرطه هى ثقافه بقالهاسنين من يوم 5 يونيو ومن يوم معاهده السلام الزباله ومن يوم ما الحق بقى باطل والباطل اتقلبحق انا بعمل البدع فى نقابه المرشدين السياحيين ونفس حاله الياس الى انت فيها انا فيها بس احنا بنحارب على كرامه ولقمه عيش يوميه بس ما فيش فايده كل الناس او اغلبهم معندهمش ضمير مصالح وتوازنات وغياااااااااااااب تام للضمائلر والنخوه رجاله مصر يا نواره هم اشباه رجال ولا رجال وستاتها بقالهم سنين كتير مش بيتفرجوا غير على بنات عريانه وبتنفخ شفايفها او مطحونه من الجميه ومطارده من الجميه بما فيهم اسرتها الصغيره او الكبيره ومفاهيم زى الزفت شغاله حتى ممن يدعون الشرف والصدق والناس سلبيه جداااااااااا والباطل قلب حق والحق مقلوب باطل ونسامح وهاتخربوا البلد وانتوا شويه عيال وكفايه الى حققتوه ونربى العيال وحال البلد والاسطوانه الزبااااااله دى

samysalah7 said...

يا نوارة أنا معاكي في كل اللي قولتيه ناس كتير باعت القضية وبدأت تدور على مصالحها. بس اللي خلاهم يعملوا كده إنهم لاقوا إن في قوة ما حطة خطوط حمرا على إيه اللي ثورة ممكن تنجزه وإيه اللي مش ممكن أبداً ولو ضربتوا راسكم في الحيط. فبدل ما يضربوا راسهم في الحيط بدأوا يدوروا على شوية حمص يطلعوا بيهم من المولد قبل ما ينفض وهو بالفعل بدأ ينفض والبلدية نزلة بتقلها عمالة تضرب في بتوع الحمص والحلاوة

محمد نبيل said...

ماذا يفعل بنا وزير المالية ؟


أكاذيب الإفلاس والانهيار ومخططات الترويع الاقتصادي

http://www.ahram.org.eg/The-Writers/News/79160.aspx

http://www.ahram.org.eg/The%20Writers/News/80455.aspx

http://www.ahram.org.eg/553/2011/06/04/10/81701.aspx

Alok Ray said...

انا برده كنت متفائل بس حاسس ان كل حاجه بتضيع . الاعلام من خلفنا والجيش من امامنا والقوى الوطنيه من يسارنا والعيال بتاعت الثوره التانيه من يمينينا والخازوق من تحتنا وعليه العوض ومنه العوض

elhareaf said...

والله يانواره انتى لخصتى كل الكلام اللى فى قلبى انا خلاص ابتدأيت ايئس من اننا ممكن نعيش حياة ديموقراطيه...يارب اموت لاما يارب اعيش فى اى مكان تانى الواحد قرف وكره نفسه

Anonymous said...

بعد الشر عليكى ان شالله الدخليه كلها تموت وانتى تبقى بخير
ا
نا شايفة ان حل وزارة الدخلية دا كتييير اوووووووى
احنا نضغط عشان يعملوا

1 - مجلس رقابى مستقل من الخقوقين
2 وزير الدخلية يبقى من بارة الوزارة
القيادات فى وزارة الدخلية كلها تتشال

Anonymous said...

بعد الشر عليكى ان شالله الدخليه كلها تموت وانتى تبقى بخير
ا
نا شايفة ان حل وزارة الدخلية دا كتييير اوووووووى
احنا نضغط عشان يعملوا

1 - مجلس رقابى مستقل من الخقوقين
2 وزير الدخلية يبقى من بارة الوزارة
القيادات فى وزارة الدخلية كلها تتشال

emi_80 said...

هما عاوزين يلغو الجمعه مع نفسهم لكن احنا ليه نلغيها هوه احنا هنمشي وراهم هما لما هيلاقو في ناس كتير هينزلو بس بجد لو هننزل لالالالازم تتأمن كويس كفايه بلطجيه الجمعه اللي فاتت

mony said...

ربنا يسلمك ويسلم كل مصري يعني مصر ايه غير ناسها وناسها الجدعان الشرفاء أرجوكي ما تياسيش و طولي بالك كمان لغاية ما نشوف البلد دي أحلي بلد وبهية والله هيحصل بس ما نياسش تفاءلوا خيرا تجدوه

حسن محمد على said...

الامور تسير بسرعة السلحفاة,والسلحفاة كمان بتدلل ومش ماشية فى خط غيرمستقم,وتطبيق القانون فية زينب ,والمجلس بيلعب معانا لعبة مين يزهق الاول,والتأجيلات واطلاق السراح يتوالى وعصام شرف ربنا معاة ,والمتهمين فى جرائم القتل الجماعى "محجوبين"ويحاكمون"كدة وكدة"والقضاة يهددون بالتحقيق مقابل أبداء رأيهم فى التلفزيون والشرطة مقموصة من الثورة لأنها كشفت عوارها وعجزها عن العمل بشرف ,

dondosha said...

very nice job

dondosha said...

very nice job

dondosha said...

very nice job

ملكش دعوة said...

دلوقتي فوقتي مبروووك
منتي كنتي تايهه مع التايهين ولعبتي لعبه الطائفيه شويه والسلفين والنصاري شويتين وصحيتي من كوابيسك تقولي خير اللهم اجعله خير ياجماعه لازم نتحد اصلي شايفه كلاب جربانه بتنهش في المصريين
متنكريش انك خدتك الجلاله معاهم واعدتي تهرتلي في كلام اهبل ونسيتي احنا كنا عايزين ايه المشكله ان مع كل اللي حصل رصيدك قل وهتاخدي وقت كتير علي ما ترجعي مصداقيتك تاني
اش عرفني انا انك ملكيش غرض زي غيرك اضمنها منين ؟؟؟؟؟؟؟؟؟؟؟؟ لسه فاكر قلبي يديلك امان ولا فاكر بوست هيعيد اللي كان .... كان زمان

hgalal said...

كانت أحداث الثورة سريعة متلاحقة وكان حماس شباب مصر يشبه ثورة نيلها الخالد فى عصور الفيضان.. وكان الشعب المصرى قد اندفع من سجون زمن طويل ليشهد ميلادا جديدا لعصر من العدل والحرية..

كان الفرق شاسعا بين ثورة حركت شعبا وأعادت له الحياة وواقع قبيح متخلف لا يريد أن يتحرك ولهذا فإن هناك وجوها كثيرة مازالت تتصدر المشهد ويجب أن ترحل..

Early bird said...

مش حاقول غير عندك حق ومش عارفه الشرطه بعد الخيانه اللى عملوها ليها عين وتطلع تانى ازاى انسحابها طول فتره الثوره واختفائها من كل مكان وكانه عقاب علشان معرفوش يجهضوا الثوار وكمان طلعوا المساجيين من السجون ولولا الشعب الواعى اللى فورا عمل لجان شعبيه ازهلتنا احنا نفسنا كان المخطط بتاع مبارك او الامن نجح وكمان مش بيتحاسبوا وبنطبطب عليهم وبيقتلوا الناس مينفعش كده وفين المحاكمات واضح ان كلام مبارك للمحطات الامريكيه بيتحقق واننا بقى تفرغنا لحرب بعضنا البعض او بقى ان بعض القوى السياسيه دى من الفلول والغرقه اللى مغرقنا فيها برامج التوك شو بتوع رجال الاعمال اللى اصلا من هليبه عصر مبارك وعامليين وطنيين دلوقتى كل البلا ده لازم نخلص منه

ملناش غير نقول يارب

حياة الظل said...

صحتك يا شبة

garahamira said...

ياريت تتلمى شوية هو انتى مابتتهديش ولا مش لاقية حد ي.............ولا انتى اساسا صهيونيه وعايزة الدنيا سايبة علشان تاخدى راحتك فى الن............

musk rose said...

اكيد كده مش حلو الوضع من الاول مقلوب ناس جريت وهربت من الخدمة مش عن قلة حيلة كمان لكن بهدف معاقبة الشعب فبدل ما يتسرحوا او ياخدوا جزا ويتحاكموا بتهمة الخيانة لا بيتعمل لهم علاوات ومكافات ودلوقت بندور ازاي ترجع لهم الهيبه اللي من وجهة نظرهم لا يمكن ترجع غير بقرابين دم جديده وكان القديم ما كفاش
بس لو فضلوا متبعين سياسة التناحة والبلطجة الموضوع هيجي على دماغهم وهيجي اليوم -وده قريب- اللي يقولوا فيه الشرطة في عرض الشعب

محمد نور الدين said...

ست الكل مساء الخير

كرامة المواطن تمر عبر هيبة الدولة

لماذا المغالطات يا النوارة ، لا أحد غيرك تحدث عن هيبة الشرطة ،الناس تحدثت عن هيبة الدولة . هذا أولا ، أما المغالطة الثانية يا النوارة ، الناس لم تثر على الشرطة إنما ثارت على ممارسات الشرطة . وشتانا ببين هذا وذاك . بالمناسبة لقد طلبت ترجمة لمعنى هيبة الدولة . وطلبات النوارة أوامر تنفذ فورا . تترجم ب:
Raisons d'Etat
نعود إلى صلب الموضوع المشكلة لا تكمن في الشرطة لأن الشرطة بالتعريف هي إحدى أجهزة الدولة ،بمعنى هي جزء من كل ،و الكل هو الدولة التي تتكون من مجموع أجهزة، يطلق عليها أجهزة الدولة . والكل يا النوارة أكبر من مجوع أجزائه . هذا يعني أن الدولة هي المسئولة عن هذا الجهاز وفي الوضع الراهن المجلس العسكري هو المسئول عن جهاز الشرطة .وتاليا الخلل يكمن في المجلس العسكري الوصي على جميع أجهزة الدولة .
أما بخصوص الحكاية البايخة و المضحكة حكاية تقسيم مصر فهذه خبرناها عندنا في التسعينيات لما كانوا يحدثوننا كل أسبوع عن سيناريو جديد عن التقسيم أشكال وأنواع ، عرب وأمازيغ ، شمال وجنوب شرق وغرب . يبدو أن المصريين اكبر بكثير من أن يصدقوا هذه الخرافات .
أما الملاحظة الأخيرة لقد لاحظت ومنذ فترة أنك تحفظين جميع الأغاني قديمها وحديثها، من أم كلثوم إلى نانسي عجرم .يبدو أن مصر خسرت مطربة ناجحة وربحت سياسية فاشلة.
ورغم ذلك أجمل التحيات

ملحوظة
لقد قرأت هجوما قويا و عنيفا وبعبارات قاسية وحادة. يبدو أن الأستاذة صافيناز غاضبة من الجميع مخرجا ومؤلفا وممثلا

صمت الحملان said...

كلام سليم وتمام التمام وبصراحة احنا فعلا زهقنا بس من القرطسة وضرب القفا وزي مافي ناس طلعت وقالت اصل الشعب المصري دا مش متربي فهو كلام سليم برضة وينطبق علي الحكام ماهما من الشعب مش جايين من المريخ وحكامنا عايزين تربية ومحاكمة مبارك خطوة في تربية الحكام وربنا يعينا علي تربيتهم من جديد واصلاحهم

hardway said...

ونبوس فيهم، وانا ابوس فيهم
...........................
وأنا..أنا نصييبي فين من البوس ده
مفيش بوسة حتي علي المدونة...سريعة كده

moo said...

دى مكيدة ولما سعدية اختى تقول دى مكيدة تبقى مكيدة حاكم سعدية اختى دى بتاع مكايد

hardway said...

انا مش فاهمة الداخلية محتقراني ليه؟ ما يموتوني يعني.. حادثة كد
..................................
معقولة يا نـرنـر مش فاهمة ليه الداخلية محتقراكي
لأنك ولا حاجة.....لأنك لا شئ...لأنك فراااااااااغ
لا لون لاطعم لا رائحة..ومش ميه...... بالنوسبة...لوعد تميم أتلفحي به.....
بالنوسبة للهطل و الهرتلة بتاعتك..
الثورة ..و 18 يوم ..واحنا نعصرونزلهم أطفال أحداث..أحسن لكي تقفلي محل العصير ده..وتتلمي ..وخليكي في البوس أحسن

hardway said...

انا مش فاهمة الداخلية محتقراني ليه؟ ما يموتوني يعني.. حادثة كد
..................................
معقولة يا نـرنـر مش فاهمة ليه الداخلية محتقراكي
لأنك ولا حاجة.....لأنك لا شئ...لأنك فراااااااااغ
لا لون لاطعم لا رائحة..ومش ميه...... بالنوسبة...لوعد تميم أتلفحي به.....
بالنوسبة للهطل و الهرتلة بتاعتك..
الثورة ..و 18 يوم ..واحنا نعصرونزلهم أطفال أحداث..أحسن لكي تقفلي محل العصير ده..وتتلمي ..وخليكي في البوس أحسن

utopia said...

أمن الدولة يحتجز ناشطة سياسية بعد عودتها من وقفة الشهيد خالد سعيد أمس

http://www.facebook.com/photo.php?pid=527579&id=179772248735253

DIY CNC said...

ولونك فؤتى متاخر بس برضو حمدالله على السلامة

بصى على فى تونس تعرفى نسخة الكربون

M_A_Aziz said...

يسلم فومك

M_A_Aziz said...

يسلم فومك

Mohamed said...

مصر ربما تدخل في مرحلة الفوضى لأنه لاتوجد قوة واحده ((لها اليد العليا))في مجموعة القوى (الداخليه و الخارجيه بما فيها أمريكا و أسرائيل)التي يمكن أن يكون لها يد أو أعتبار له قيمته في توجيه الأمور و في تحديد أتجاه عمل السلطه الظاهره حاليا فمصر تعمل كما لو كانت (دوارة تحديد أتجاه الريح) التي تتقاذفها مجموعه متقلبه من الرياح فيظل الأتجاه يتلاعب من اليمين لإلى اليسار و من الشمال إلى الجنوب بدون أستقرار ..فليس عناك أستقرار بل تفاعل يسمح بكل الأحتمالت و المفاجآت و خاصه تفاعلات ما تحت الأرض و التي لا يشترط أن تكون (سريه) على طريقة المخابرات بل تفاعلات الجماهير الصامته التي ليس لها قائد و التي عادة ما يتم الأستهانه برد فعلها و المراهنه على (تتويهها و التلاعب بها) و هذا لن يتم لأن المسأله ليست مسألة خداع للرأي العام ..المسأله تحتاج إلى واقع ملموس لأقامة البلاد عليه و هذا لا يمكن أستبداله بالخداع و التنويم للجماهير علما بأن هذا سياسه أمنيه لأمن الدوله يؤمنون بها أشد الإيمان و أغبى الإيمان فقد قرأت عن تقارير كانت توصلت إليها أمن الدوله قبل الثوره تحذر من مشاكل و أضطرابات محتمله بسبب الفساد الأقتصادي و الأداري الذي وصل لحد غير مسبوق و متغلغل في مفاصل الدوله و تفاقم مشاكل الحياه اليوميه في مصر لحد هنا الكلام عادي أما الذي يذهب بالعقل و يحعل العاقل يضرب دماغه في الحيط فهو الحل المقترح من قبل أمن الدوله فهو كان كالتالي:
(يتم عمل مجموعة برامج توك شو تظهر أن مصر مستهدفه و معرضه لمؤامرات من إيران و أسرائيل ..الخ) فكان الحل في نظرهم لألأنقاذ لبيت ينهار بدلا من أن يدعم بأسس و أعمده جديده و تجفف ينابيع الفساد كان الحل ببساطه الجهال ((أضحكوا على الشعب بالكلام))

M_A_Aziz said...

يسلم فومك

sum_1_ said...

its always good to hear from u nawara
نجاح الجمعة الجاية أو أي جمعة في الرزنامة لا بالعدد و لا بنوع القوى الوطنية المشاركة المقياس الوحيد للنجاح هو مدى عدالة المطالب و أظن مفيش أعدل من وضع الداخلية في حجمها الطبيعي

Waheed said...

الله ينور يا نواره والله قلتى اللى فى قلوبنا كلنا الواحد حاسس ان الناس دى من حته تانيه غير بلدنا وبيشتغلونا بس احنا وراهم والزمن طويل

محمد على طيلون said...

المصيبة ان القوى الوطنية فعلا نامت وترعرت فى عهد مبارك مبارك سقط طلعو زى الخوازيق هما ونسوا الناس اللى قامت بالثورة اصلا
الناس اللى هما ملهمش فى السياسة ولا فى دستور ولا فى اى حاجة اصلا الناس اللى كانت طلعة فى اول يوم تهتف عيش حرية كرامة انسانية ومحدش جاب سيرة الدستور ولا الحياة السياسية
منهم لله
انا مش لاقى حاجة اقولها تانى
انا قرفت وشكلى حسيب البلد واهج
ياما ابقى من حزب الكنبة
واقعد فى التراوة مليش دعوة باى حاجة
اريح دماغى ماللى يمسك يمسك واللى يسيب يسيب
اللهى تسيب عليهم بطنهم
ربنا ينتقم منك يا مبارك
يا جدعان هو ايه مينفعش حرية
وكرامة
ياحرية يا كرامة
يا جدعان احنا الشعب 80 مليون نفر
استغلونا صح
اتقو الله فينا
ربنا ينتقم منهم
ويقولك مكتسبات واحنا حنحمى الثورة يا ولاد اللى مش نضيفة
انتو بتقرطسو الثورة
يا رب انا دماغى ساحت
وقرفت الله يحرق الساعة اللى الجيش نزل فيها يحمى الثورة والله يا ريته كان نزل يضرب فينا زى سوريا ولبيا وكنا نبقى زنجة زنجة واهو نبقى طلعنا بحاجة
انا عايز افهم حاجة ايه الفرق دلوقت ولو كنا رضينا ان مبارك يكمل لاخر الولاية بتاعته
والله انا ما شايف ان فى اى فرق البلد بمبارك زى من غيره
انا قرفت
الله يحرقك يا مبارك انت وكل كلب استفاد من فسادك
الله يلعنك فى الارض والسما
ربنا ينتقم منك

nour1971 said...

كلام جميل كلام معقول مقدرش اقول حاجه عنه و عاجبني جدا علشان انتي حبيبتي

Dr.issamo said...

يا نوارة

طبعا هيبة الشرطة مهمة ولازم ترجع
\

ويجب اعتبارالحاجات اللي بتحصل لو انها حصلت انها تندرج تحت باب استمرار تجاوزات بعض رجال الشرطة وليس هو استمرار لمنهج وزارة الداخلية القديم

والامرين يختلفوا تماما في طريقة التعامل معهم وحلهم


يا ريتك شفتي العاشرة مساءا وشفتي الناس اللي باصة لقدام وتبني

وبرضه لازم يستمر ضغطنا لتحقيق باقي مطالب الثورة بس مع البناء


القوى الوطنية اللي انتي بتتكلمي عليهم انتي منهم ووقعتي نفس وقعتهم مع اختلاف الحفرة

في ناس وقعت في حفرة الدستور والمادة التانية
وفي ناس وقعت في حفرة الطائفية

وفي ناس وقعت في حفرة الاخوان

وفي ناس وقعت في حفرة الغرور والعجب بالذات وافتكروا ان كل اللي بيقولوه لازم يكون صح

وفي ناس وقعت في حفرة البحث عن دور وعن صوت وعن حفرة

ربنا يهدينا
ويهديكي
ويهد المفتري

(في اقتراح سهل ممكنتطبيقه من بكرة للحد من تجاوزات الشرطة وهو تعيين مفتش دائم من وزارة العدل في القسمومعاه واحد من حقوق الانسان)؟

Amr Ebaid said...

لا يا نوارة.. كلنا عايزينك.. ده انت بركتنا.. و بعدين ربنا حيسهل و حنفرح كلنا بمصر العروسة و نزفها لعريسها إن شاء الله

صحيح.. و عندك مستشار الحكومة كمان أهه قال: "وهذا الجيش هو الجيش الذى حمى الثورة ورفض أن يطلق الرصاص على أبناء بلدى رغما عن صدور الأوامر له".. كده يبقى الحكومة و المشير و رئيس الأركان و العيسوي قالوها.. فاضل إيه بقى عشان حد يتهم المخلوع بالخيانة العظمى؟؟ ما داهية يكونوا مستنيين حد يبلغ.. ما تشوفي مالك عدلي كده إيه النظام؟؟
http://www.shorouknews.com/Columns/Column.aspx?id=472766

arabian_faithful said...

أتفضلى أقرى يا أستاذة

http://www.shorouknews.com/contentdata.aspx?id=473552

علشان لما كنت حأبوس رجلك علشان مننزلشى يوم 27تعرفى أنى كان عندى حق
وعلشان الأخوان اللى شتمتيهم وربنا يعلم باللى عملوه للبلد لما مردوش ينزلوا تعرفى أنهم كان عندهم حق

وأخيراً بقى لو الحكاية بالمظاهرات والله العظيم والله العظيم والله العظيم لتخربوا البلد وتقعدوا على تلها
وحضرتك بتقولى أنك مع الشعب طيب والنبى يا أستاذة أبقى أركبى أى مواصلة وأسألى الناس دلوقتى حاسين بأيه وأيه رأيهم فى الثورة دلوقتى وأيه رأيهم فى الأحزاب

وأخيراً حشبنا الله ونعم الوكيل فى كل كلب مفكر نفسه حيقدر يفرض رأيه علينا وبالنسبة لأى كلب مفكر أنه لما ينزل الشارع حيمشى رأيه علينا فأنا حأقوله كلمة واحدة
كان غيرك أشطر و ربنا يقدم بقى اللى فيه الخير بس أنتة كنتى سبب فى نزول ناس كتير ولو ترتب على النزول ده طوال فترة الحكم العسكرى فحسبى الله ونعم الوكيل فى كل واحد نزل يوم27 سواء بقصد أو كان غبى و عندى ومصدقناش
ياريت تقرى الخبر يا أستاذة ونسمع تعليق من حضرتك
ولا حضرتك خلاص لقيتى العدو بتاعك وتفرغتيله !!!!

عباس ابن فرناس said...

قوة وطنية !
والله حتى الكلمة خسارة فيهم
....
بنسبة للقصيد مينفعش
لانك انتى فى حد ذاتك قصيدة

thawret misr said...

ya Rab Nawwelna kolena el shehdah.. same3 ya 7ag 3ady ya3ny elli mamatash abl 11 february lessah nefsoh feeha matnazelounash tany el share3!!

ahmedfito said...

يا نوارة انا عارف انه مش وقته
بس يا ريت تشوفى الفكرة ديه
http://www.masrawy.com/News/Writers/General/2011/june/5/milion.aspx
فكرة لشاب مصرى للقضاء على البطالة

ahmedfito said...

يا نوارة ياريت تهتمى بالموضوع ده
http://www.masrawy.com/News/Writers/General/2011/june/5/milion.aspx
فكرة لشاب مصرى للقضاء على البطالة

Unknown said...

ا. نوارة نجم
بعد التحية ..
اسمحى لى باضافة مدونتكم هذة الى ـ مدونون بلا قيود ـ
وسوف انشر مواجز وروابط لكل تدويناتكم خلال نصف ساعة من نشركم لها
.
http://facebook.com/modawenon
http://twitter.com/modawenon
http://modawenon.tumblr.com
http://paper.li/modawenon/1307225574
http://entaked.blogspot.com
.
ولكم فائق الحرية و الاحترام ,,,

ehabaabbas said...

واللة يانوارة كلامك عداة العيب وتحليلك الشخصى على الاقل يتوافق مع وجة نظرى ربنا يستر لحسن انا خايف من انتكاسة الشعب يعنى تكون الثورةاكسبتة القدرة على تحمل الذل والمهانة اكثر من الاول ويرجع يقول اهى ايام وبنعيشها ونعمل ايى ياقلبى فى ناس وكلة فى ميزان حسابتنا فى الاخرة بالمناسبة انا الفار لعب فى عبى لما سمعت موضوع البنت بتاعة اذاعة25 وانتى زودتى تنتيطة بكلمتينك فى الاخر لو سمحت يانوارة وضحى شكة فى اية بالظبط لحسن عب اخوكى ايهاب اتهرى من كتر تنطيط الفار فية يوماتى

nosseir said...

ربنا يحفظك

حمكشه said...

انا برضه قلت كده اضرب صاحبك لو همه كتير احنا عايزين نحولها اسجن صاحبك وحاكم صاحبك واعدم صاحبك لغايه ما كل الاصحاب الفاسدين ينتهوا

Sheri said...

الطمع وسخ وكل الاحزاب طماعة وعايز تهبش وتهلب ونسيوا امين ام مصر.. ميتين ام الدستور الاول وللا الاخر مهيجين الشعب عشان موضوع الدستور ونسيوا الثورة
تصدقي انا فعلا مش هنضم لاي حزب ولا هرشح رئيس جمهورية.. كل واحد طلعلي يتباهي بنفسه انما في واحد اتكلم ع الشرطة و القضاء و الايدز اللي فيها

لازم لازم جمعة تطهييييير الداخلية والقضاء وكل الاحزاب البيضة دي تشترك فيها الثورة بتحتضر نبضها ضعف حرام عليكم كلنا اتمرمطنا و اكلنا خرة وف الاخر تفشل الثورة؟؟

ع فكرة انا مش مصدقة ان المرحومة نهلة ماتت موتة طبيعية و من قبلها 2 شباب ف 6 ابريل برده ابتدوا الاوساخ بالاغتيالات للناشطين وشوية شوية شخصيات عامة

فوقوا يا مصريييييييين

new said...

ارجو الاطلاع والمشاركة ضروري
لتكامل العمل يوم الجمعة

http://www.facebook.com/leganmasr

احتجاج ضد الداخلية + تأسيس مجالس الشيوخ واللجان الشعبية

والله أكبر والنصر للشعب

lamiss said...

يا نواره انا مع كلامك الخاص بان القوي الوطنيه بقي ملهاش لازمه وبقي شكلها سخييف جدا ويضحك واغلبهم بانوا علي حقيقتهم ...وانا كمان مش عايزاهم زيك تمام بس مطالب الجمعه اللي جايه دي مش معقوله خالص يا نواره والله العظيم انا لغايه الجمعه27-5 كنت موافقه انما حكايه تجميد عمل الداخليه دي محدش حيوافقكم عليها خالص بالذات اللي مكوييين بنار البلطجه...وانتي نفسك قبل كده قلتي قبل جمعه من الجمع بلاش حكايه المجلس الرئاسي دي عشان معليهاش اجماع ..ارجوكي يا نواره رجاء من اخت ليكي احنا ممكن نقول اشراف قضائي كامل علي الداخليه او اعاده هيكله حقيقيه او او ...بس المطالب اللي انتي كاتباها دي حتخلي الناس اللي بتقول الثوره خربت البلد يقولك شفت بيقولوا ايه؟؟بلاش نضحك حد علينا يا نواره ارجوكي انتي بتقولي الاجماع مطلوب بس لا يمكن يحصل اجماع علي اللي انتي بتقوليه ده احنا ممكن نمسك صور اللي ماتوا واتعذبوا اخيرا دول ونقرف ابوهم مظاهرات للمطالبه بحقهم او علي الاقل تحقيق مستقل في اللي حصل لكن كلمكالب اللي انتي كاتباها دي محدش حيوافق عليها صدقيني..والناس بتلكك خلقه وانتي فاهماني طبعا .ومفيش دوله من غير شرطه بس ازاي وحقنا ناخده ازاي هوه ده اللي نتكلم فيه.ارجوووووكي راجعي موقفك شويه .....وبعد الشر عليكي يا نوارتنا الغاليه ده احنا بنستني كلامك كل يوم فمتغيبيش عننا بقي كتير تاني كده

BestItalianPizza said...

الترتيب الصحيح : رئيس - دستور - برلمان .. و البرلمان اقلهم اهمية بدلبل اننا عشنا 60 سنة بدون برلمان او ببرلمانات مزورة .. و لكن لغرض فى نفس يعفوب قفزوا على حكاية الرئيس اولا .. و لغرض فى نفس يعقوب قلبوا الحدوتة فجعلوا اقلهم شأنا و هو البرلمان أولا فى الترتيب و التسلسل .. .. الإستفتاء شابته عيوب اجرائية عديدة .. أولها اختلاف الإعلان الدستورى عن المواد التى تم استفتاء الناس عليه .. و هذا يعد اهدارا لنتائج الإستفتاء .. و تعدى على ارادة الأمة فيما تم استفتاؤها عليه .. ثانيا .. الإستعجال الذى كان واضحا فى (سلق) الموضوع .. ثالثا .. عدم اتاحة الفرصة للنقاش حول التعديلات المزعومة .. فبمجرد صياغة التعديلات الدستورية خلف الغرف المغلقة .. تم الإعلان ووراه مباشرة تحدد ميعاد الإستفتاء بغض النظر عن مناقشته أو تعديله .. حتى ان الشعب و القوى السياسية الحت فى طلب تأجيل موعد الإستفتاء .. لكن كانت هناك خطط مبيته و عزيمة معقودة على سلق و تمرير امر ما .. .. و قد كان .. و الآن اصبح الطريق طويلا و معقدا .. تعديلات فى دستور 71 و استفتاء عليه - اعلان دستورى لا علاقة له بالإستفتاء - انتخابات برلمان على النظام القديم و 50% عمال و فلاحين - انتخابات مجلس شورى - عمل دستور - استفتاء على الدستور - انتخاب رئيس .. و ربما انتخابات برلمانية جديدة لو تعدل النظام فى الدستور الجديد ( مثلا تبنى الشغب نظام برلمانى بدلا من الرئاسى ) .. كام انتخابات و كام استفتاء ؟ كم شهر او كام سنة ؟؟؟ .. البرلمان القادم - حسب الأمر الواقع - سيكون اغلبة اعضاء الحزب الوطنى المنحل (الذى يحافظ على وجودة المجلس العسكرى) و اخوان مسلمون .. و انا اقول ان اغلبة سيكون حزب وطنى .. و سيحرص البرلمان الجديد على تفريخ دستور يعيد انتاج دستور 71 .. و تتم اعلى اساسة انتخابات تعيد استنساخ مبارك و نظام مبارك .. .. المهم .. الحدوتة دى عجبت الإخوان المسلمين قوى ..بأمارة نعم تعنى الجنة و لا تعنى النار و بأمارة (عزوة الصناديق) فاكرينها طبعا .. ياااااااااه من ايامها و الملعوب مرسوم و الصفقة تامة .. علشان عايزين البرلمان ليهم .. فيتحججوا و يا للسخرية بالتمسك بالديمقراطية المزعومة و الإستفتاء المشوه المسلوق الذى اراه اعورا دستوريا و شرعيا .. فنبهت الإخوان على اعضائها بضرورة مساندة الطريق المرسوم على غير الإرادة الشعبية .. و المناقض لثورة 25 يناير .. و بدون اطالة .. اهدار ثورة 25 يناير لعب بالنار .. الشعب اللى نزل و اسقط شرعية مبارك قادر على اسقاط اى شرعية اخرى حتى تلك التى تتولد فى المستقبل .. و اى عمل يهدف لتزوير ارادة شعب 25 يناير ستكون له فى تصورى اوخم العواقب .. قخذارى .. مبارك موجود .. و يحكم .. و لن يحاكم .. و اولادة و حاشيته المقربين لم و لن يحاكموا .. و هناك صفقة تمت فعلا .. المقربين من مبارك اما انهم لن يحاكموا او سيحاكمون بتهم صورية تافهة و احكام تافهة يخرجون بعدها لممارسة حياتهم مرة اخرى و قد يتولون مناصب سياسية .. و قد نرى جمال مبارك مرشحا للرئاسة .. و احيرا انذار للإخوان المسلمين .. لا تضعوا انفسكم فى حرب مع شعب مصر من اجل مطامع سياسية .. و لا تكونوا وقودا للفتن .. و لا تكونوا كوبرى لأحد .. و لا تكونوا محامى الشيطان .. و لا تشعلوا الفتنة بين المسلمين .. اللهم هل بلغت .. اللهم فاشهد

BestItalianPizza said...

كان المفروض و المنطقى ان اول شيئ نعملة بعد ثورة 25 يناير .. هو ان ننتخب رئيسا أو مجلسا رئاسيا .. نستكمل به عمل دستور جديد و انتخابات برلمانية جديدة .. و تخلص الحدوتة ..

لو اننا كنا بدأنا بانتخاب رئيس أو مجلس رئاسى .. كانت حتحصل حاجة غريبة قوى .. عارفين ايه هيه ؟؟ كنا و لأول مرة فى تاريخ مصر .. سيقوم الشعب .. و الشعب فقط بتنصيب رئيس الجمهورية .. عارفين ده معناه ايه ؟؟ معناه حاجة مهمة جدا .. كان الشعب سيرتاح و يهدأ و ينصرف للعمل و الإنتاج لأنه وضع من أحب و من اختار و من وثق به على الكرسى .. و كان معناه ان هذا الرئيس سيشعر انه حصل على الكرسة بقوة حب الشعب ليه .. و بالتالى فلا تكون هناك اى قوة فى الكون قادرة على الضغط على هذا الرئيس .. كان سيكون ولاؤة الوحيد للشعب فقط ممممم .. بس كان فيه حاجة كمان مهمة جدا جدا .. عارفين ايه هية .. ان العسكر كان مش حيبقالهم لازمة بقى خلاص .. و كان حيضطروا يرجعوا الى ثكناتهم يؤدون فقط مهمتهم المقدسة فى حماية البلاد من الخطر الخارجى .. كان العسكر حيبقوا تحت الحكم المدنى .. حيترأسهم شخص مدنى اللى هوه رئيس الجمهورية .. و كان كووووووووووووووووول ده حيحصل لأول مرة فى تاريخ مصر من 60 سنة من ايام ما العسكر استولوا على الحكم فى سنة 1952


كان معناه ان العسكر لن يكون لهم دور فى تشكيل دستور مصر الجديد .. و كان معناه ان العسكر لن يكون لهم دور فى تشكيل البرلمان الجديد و النظام السياسى الجديد .. يعنى العسكر كانوا حيتحول دورهم الى كونهم فقط جزء من النظام .. مش همة النظام كله

و علشان العسكر مش عايزين يسيبوا البلد .. نحن فى هذه المتاهة اليوم ..


العسكر فى الحكم من ستين سنة .. اخر حاكم عسكرى كان مبارك .. مبارك افترى بشكل غير مسبوق .. الشعب ثار على مبارك .. مبارك حل الحكومة و عمل حكومة بقيادة عسكر .. و بعدين مبارك عين نائب من العسكر .. و لما استمرت الثورة .. مبارك تنازل عن الحكم للعسكر .. العسكر هم الحل .. و السؤال هنا .. هل هذا تصرف دستورى ؟؟؟؟ اعرف ان المفروض فى حالة ذهاب مبارك ان يتولى مكانه نائبه أو رئيس محلس الشعب أو رئيس المحكمة الدستورية العليا ؟؟ مبارك لم يفعل اى من هذا كله ؟؟ بل تنازل للمجلس العسكرى .. فهل هذا تصرف دستورى ؟؟ هيه البلد و النظام ملك لمبارك ؟؟ يتنازل عنها لمن يشاء ؟؟ طيب اذا كان مبارك تصرف تصرف غير دستورى .. فلماذا قبل العسكر هذا ؟؟ هل هذا تصرف دستورى ؟؟؟ هل لديهم صلاحيات لقبول تصرف غير دستورى ؟؟

العسكر لا يريدون ترك الحكم .. و العسكر حافظوا على جميع ملامح حكم مبارك و لم يغيروا شيئا الا فقط تحت ضغوط مظاهرات جماهيرية .. العسكر لا يريدون اسقاط النظام .. الشعب يريد اسقاط النظام .. و لكن العسكر لأ .. ليه .. لأن همه النظام .. و همة اللى وضعوا النظام القائم .. و الشعب وجد نفسة محتاج يعمل مليونية علشان كل ذرة قرار جديد


العسكر محافظين على الأمن فى الشارع غير مستتب .. و محافظين على الداخلية كما هى .. بدليل انه عند عودتها عادت لنفس الممارسات القديمة


العسكر ادخلونا فى متاهة دستور اولا ام برلمان اولا ... و هذا سيدخلنا فى متاهات و مدد طويلة جدا سيقضيها الشعب فى الشوارع و فى صراع .. و البلد فى قلاقل و عدم استقرار .. و هناك احتمال دائم لأندلاع ما لا تحمد عقباه


العسكر لن يحاكم مبارك .. و لن يحاكم .. و مبارك سيبقى و سيحكم حتى الممات .. و العسكر سيعيدون استنساخ كل نظام مبارك (مجملا قليلا) .. هذا كل مافى الأمر .. و الإخوان بقى اختاروا انهم يلعبوا دور الحزب الوطنى .. الحزب الوطنى يظهروا انفسهم و كأنهم الشعب يؤيد مبارك .. و الإخوان بيلعبوا الآن لعبة لأظهار انفسهمو كأن الشعب يؤيد العسكر و خططهم للتغيير فى مصر .. ماهو حتى حسنى كان بيقول ان فيه تغيير .. و ان التغيير هوه ان يرث ابنه الحكم

العسكر عايزين ( ينفردوا ) بصياغة النظام الجديد علشان يعملوه شبة النظام القديم


العسكر عايزين البرلمان الجديد و الرئيس الجديد يعرفوا ان اللى جابهم مش الشعب و لكن العسكر .. فيكون ولاؤهم للعسكر مش للشعب

العسكر عايزين ينفردوا بعمل النظام الجديد علشان يضعوا فيه ضمانات ان البلد تفضل للأبد ملكهم .. و الشعب مجرد رعايا


عايو اقول ان هذا تلاعب على ثورة 25 يناير .. و عايز اقول ان حتى لو تم خداع شعب 25 يناير لفترة من الزمن .. فأجلا ام عاجلا سيكتشف الخدعة .. و ساعتها يعلم الله ماذا سيحدث



علشان كده انا بطالب بانتخابات الرئاسة اولا او المجلس الرئاسى أولا

مهندس مصري بيحب مصر said...

اللي يغيظ بجد إنك تسأل أي حد من الناس العاديين اللي راكبين معاك الميكروباص أو التاكسي أو القطر او المترو هل عندك شك في إن المجلس العسكري تبع مبارك ؟ يقول لك لأ
طيب هل عندك شك إنه كان مشارك أو على الاقل مطرمخ على كل عمايل مبارك و عصابته السوداء ؟ يقول لك برضه لأ
طيب هل حاسس بتغيير حقيقي بعد الثورة ؟ برضه لأ
طيب مش بتثور ضد المجلس العسكري ليه ؟
يقول لك أصل لو وقع مين حيمسك البلد ؟ و حنعمل ايه ؟ و البلد منهارة و الإقتصاد واقع إلخ
لكن لما تحكي لهم على فضايح الجيش في موقعة الجمل و فض إعتصامات 9 ابريل و 9 مارس و 25 فبراير و كلية الإعلام و تعذيب النشطاء و كشف عذرية الناشطات و فض مظاهرة سفارة إسرائيل و إنتهاكات الشرطة الجديدة و الأمن الوطني تلاقيهم يقولوا إحنا ما كناش نعرف الكلام ده و المجلس العسكري لازم يتشال بس إزاي ؟ و مين حيمسك مكانه ؟
عجبت لك يا شعب مصر

hesham said...

ستي وابنتي وبنت بلدي وممكن قلبي
حشد الناس عمال علي بطال انت قلتي انة مضر والشعب المصري يمل بسرعة وهوجة المظاهرات والخداع والتخوين والعدد و الي شاهدناة في الحشد السابق خلي الناس حاسة بالخديعةويمكن تكون بتفكر مرتين وثلاثة قبل استجابة اخري وصراحة كل النخبة الظاهرة تصدمنا باراء بعيدة عن تخيلنا حتي تصدمنا تفزعنا تجعلنا نرتجف ونكتئب ونحزن وكل المحبطات التي في الدنيا حتي انني محتاج لمعالجة نفسية من قرائتي للاخبار فقررت الا اقرائها الا مرة واحدة في اليوم قولي للثوار يتحدوا ولا يشططوا في ارائهم ويبطلوا يصدمونا بكلامهم عن التقسيم والعالمانية واللبرالية والشذوذية وجمال البنا والشنودية والسواسيرية واهم حاجة النخبة واحنا اية غوفاء وواحد عايز يعمل الصوت في الاكتتاب بصوتين او ثلاثة وكافة انواع الشطط ارحمونا احنا غلابة وعلي قدنا وشوية مسلمين وميحيين بسطاء وليسو اغبياء برجاء الرحمة لزم التنوية وربنا يخليكي لينا

amr565 said...

هل رايتي عتاب الدكتور محمد عباس لكي وان كنت اشك ان تكوني تعرفيه لانه مش من نوعية سي ابراهيم او بلابل ولا في شهرتهم علي العموم ده نص كلامه بخصوصك مع الرابط http://www.tanseerel.com/main/articles.aspx?selected_article_no=23875
لا استثناء، في فضائيات الردة والعار، كان المذيعون والمذيعات يتصرفن بطريقة سافلة وضيعة أذهلتني، كانوا يحاولون إخفاء هزيمتهم في جمعة الردة، وبغض النظر عن كل الضيوف، وكانوا –وكن- "مسخسخين " من الضحك على الضيوف.

كان تصرفا حقيرا سافلا يصم كل من ارتكبه.

حتى نوارة الانتصار فعلته مع لواء من المجلس الأعلى للقوات المسلحة.

حتى أنت يا نوارة..

الآخرون سفهاء وسفلة وأرامل أمن دولة.. فكيف تفعلين فعلهم

amr565 said...

هل رايتي عتاب الدكتور محمد عباس لكي وان كنت اشك ان تكوني تعرفيه لانه مش من نوعية سي ابراهيم او بلابل ولا في شهرتهم علي العموم ده نص كلامه بخصوصك مع الرابط http://www.tanseerel.com/main/articles.aspx?selected_article_no=23875
لا استثناء، في فضائيات الردة والعار، كان المذيعون والمذيعات يتصرفن بطريقة سافلة وضيعة أذهلتني، كانوا يحاولون إخفاء هزيمتهم في جمعة الردة، وبغض النظر عن كل الضيوف، وكانوا –وكن- "مسخسخين " من الضحك على الضيوف.

كان تصرفا حقيرا سافلا يصم كل من ارتكبه.

حتى نوارة الانتصار فعلته مع لواء من المجلس الأعلى للقوات المسلحة.

حتى أنت يا نوارة..

الآخرون سفهاء وسفلة وأرامل أمن دولة.. فكيف تفعلين فعلهم

كلام على بلاطة said...

يا من تقتلون التلت ليرضخ لكم التلتين وبالذل تحكمونه؟؟!!!
اين الرحمة؟؟؟واين مخافة الله؟ ؟؟وهل ما زلتم تذكرونه؟؟؟
ولا السلطة اماتت ضمائركم وعدل ربنا صرتوا تحرمونه؟؟
وما يفعله بتاع الزنقه زنقه هل ترونه ؟؟؟وهل تحصونه؟؟؟
ولا المحروق فى صدره والحارق لبلده بدلا من ان يصونه
فانتظروا زرع ايديكم ..ووطننا العربى ربنا يكون فى عونه
عموما لا ملامة عليكم فالعيب عيبنا وكل منا صنع فرعونه!
وبدلا من ان يسجل هدفه فى مرمى عدويسجلها فى جونه

كلام على بلاطة said...

يا من تقتلون التلت ليرضخ لكم التلتين وبالذل تحكمونه؟؟!!!
اين الرحمة؟؟؟واين مخافة الله؟ ؟؟وهل ما زلتم تذكرونه؟؟؟
ولا السلطة اماتت ضمائركم وعدل ربنا صرتوا تحرمونه؟؟
وما يفعله بتاع الزنقه زنقه هل ترونه ؟؟؟وهل تحصونه؟؟؟
ولا المحروق فى صدره والحارق لبلده بدلا من ان يصونه
فانتظروا زرع ايديكم ..ووطننا العربى ربنا يكون فى عونه
عموما لا ملامة عليكم فالعيب عيبنا وكل منا صنع فرعونه!
وبدلا من ان يسجل هدفه فى مرمى عدويسجلها فى جونه

new said...

أبو هاجر

المقصود في كل هذه الحضارات والدول المحترمة شيء..والمقصود عندنا شيء آخر

لا يصح اقتطاع جزء من الواقع وعزله عن سياقه المفسر له

ليس لديهم: باشا
وليس لديهم: فرض سيطرة وإتاوات ومال حرام للباشا
وليس لديهم: واسطة الباشا
وليس لديهم: حريم لمزاج الباشا
وحشيش - تذكر واقعة خالد سعيد - لمخبرين الباشا
وليس لديهم: غرف تعليق وكهربة الباشا

ليس لديهم كل هذه "مقومات" هيبة الشرطة، حتى وان استعملوا نفس المصطلح

ثانيا:
المقصود لدى كل هذه الأمم التي ينطبق عليها أنها : دولة قانون
State of Law

أنها تقصد: هيبة القانون
وليست هيبة أفراد!!! وإلا، فهيبة الطبيب أولى فهو ينقذ أرواحا، ويامرك فتترك له جسدك وعرضك وحياتك وتأتمنه عليهم جميعا

وهيبة عامل النظافة الذي لو غاب أسبوعا لمتنا من التلوث أولى

وهيبة القاضي ستكون أولى من الجميع

"الهيبة" عندنا لها مفهوم "العمدة" أبو شنب، وبابا أبو نظرة مرعبة والمدرس أبو عصايا..مض هيبة القانون واحترامه التي توجد في الغرب

أرجو التدقيق في الحوار، وعدم تناول ما تكرحه نوارة بسطحية

هي تتحدث عن شيء وحضرتك تتحدث عن شيء وسياق مختلف تمام الاختلاف، ومن عالم آخر متباين تماما

sum_1_ said...

يا ثورة ما تمت خدها الغراب و طار

Passant said...

اولا بعد الشر عليكى بس برده ربنا ما يحرمنا كلنا من الشهادة بصراحة انا بقيت محتارة خالص يا ست البنات ماهو برده ما ينفعش نلغى الداخلية بس هو العيسوى ده لازم يتشال فورا ده عايش فى اللالا لاند و مش عارف يلم الليلة و الحال من سيئ لأسوأ ده فى اسبوعين شوفنا اربع حالات تعذيب و موت و امبارح القبض على الناشطة سلمى الصاوى و شغل امن الدولة الوسخ اياه انا بجد خايفة اواجه نفسى و اقول ان الثورة بتموت بس كل الاحداث اللى حوالينا بتقول كده و الناس ماعدتش عايزة تنزل تانى و ناموا فى العسل تانى . على فكرة نهلة مصطفى الله برحمها خبطتها عربية جنب نفق كليوباترا على الكورنيش عيل من بتوع مامى و بابى مش متهيالى ان الحادث مقصود لان ده لو حقيقى ديه تبقى مصيبة و يبقى اللى كنا بندافع عنهم و فاكرنهم فى صفنا هم اول ناس حيصفونا

amoka said...

طب والعمل يا ست الكل

lastcrazyboys said...

الصعايدةعندمايقفشفون لصـا

بما إني راجل معرفش شغل البنـدر بتاعكم

فده فيديوم لراجل مربووط في شجرة وبيعترف ان رئيس مباحث " كوم امبـو " هو اللي جااال له : اعمل اللي تعمله وانا هعرف اطلعك

freedom4ever25 said...

أول حاجة ما يسمى زوراا وبهتاناا ( هيبة الشرطة) يعني الخوف من العقاب الذي تكون أهم جهة تطبقه هي الشرطة . أما عندنا فالنظام بوسائل اعلامه بيستخدمه بطريقى تانيه ( وهي أن يكون لضابط الشرطة مكانه خاصه في عيون الجميع الشريف والبلطجي المواطن الطبييعي والمواطن المذنب) وهو ده للأسف مايروج له في مجتمعنا . عشان من الأخر الشرطة عندنا مش مهمتها حفظ الأمن وانما حفظ النظام الحاكم أياا كان وده غلط.والكلام عن المجلس العسكري وأنهم صبيان مبارك فده كلنا عارفينه بس أحياناا الصبي لما بيتعلم ويشرب الصنعه بيبقى قادر يخللص الشغلانه لوحده . ودول دلوقتي قدامهم فرصه يبقوا معلميين وصنايعية درجة أولى وبشرفهم ويتصيتوا في المنطقه ويتكتب أسمهم بأحرف من نووور في التاريخ ويتجاهل الشعب أي خطء حصل منهم في يوم من الأيام .وده بسهوله انهم يقفوا في وش امريكا واسرائيل وييغيروا النظام بالفعل ويضمنوا نظام نابع من الشعب بجد. وأهي فرصه دلوقتي أمريكا مشغوله واسرائيل غرقانه لشوشيتها بس أززاااااي يعملوا كده ؟؟؟ لوحدهم يعني ؟. من غير ماحد يضغط عليهم؟ ويحسسهم ان في حد شايفهم وواقف لهم بعصايه لو غلطوا هيديهم على دماغهم . محنا كلنا عارفين ان النفس أمارة بالسوء.وده اللي المفروض نعمله ومانزهأش أبداا واحنا بنعمله لأان أي ثورة في العالم بتمر بأخطر مرحله وهي (تبريد الثورة)) يعني بيحاولوا يحطوها في الفريزر ويجمدوها . وده بيبقى أكبر عبء وأخطر فترة على الثوار . فهل هنتعب وللا هنكمل؟؟ وبعدين يا جماعه أحنا بنرغي في ايه مااحنا نعمل اللي علينا واللي عايز يبقى جدع ويقول كلمة الحق يتفضل واللي مش عايز في داهيه. وسيبك شويه بقى من جماعة الأخوان عشان من الاخر الناس دي بتاعة عرض مطالب على (من بيده الأمر) وساعة ما توصل السكينة على رقبتهم ممكن يبقوا ينزلوا في مظاهرة انما ثورة ويكملوها والكلام ده انسييه خالص عشان مانضيعش وقت ....وبعدين انا عايز افهم ايه وجهة نظر الناس اللي عماله تجيب لنا في حلول جزئية ومفتش عدل ايه وحقوق انسان ايه في اقسام الشرطة؟ طيب الظابط اللي يقتل واحد في الشارع وللا يلفق مخالفه لواحد في الشارع دوول كمان نبقى نمشي وراهم ناس من بتوع حقوق الأنسان؟؟!!! ده احنا كده نبقى عايزين ناس قد عدد جهاز الشرطه نفسه !!! يا جماعه احنا هنروح بعيد ليه ما تشوفي يا نوارة فكرة (الشرطة الشعبية الثوريه) (الشرطة الشعبية الثوريه) وأعملي لها جمعه وادعي القوى الوطنية والنشطاء السياسيين وشباب الثورة وخليها دي عنوان الجمعه . انما تقولي لي اسقاط ارهاب الداخليه . أهو كل ما بتقولي كده الناس بتفتكر انك عايزة تلغي وزارة الداخليه وتبقى البلد بدون جهاز امن داخلي يعني من الاخر البلطجية اللي مخوفين الناس بيهم يبرطعوا في البلد.ومعلش بقى ساعتها اللي مايرضاش يشارك في المطالب دي ويتبناها . ساعتها لازم تطلعي في كل مكان تفضحيه وتشهري بيه وبالأسم - والجدع يطلع ينفي - عشان الثورة تعرف مين معاها ومين نط من الشباك. بالله عليكي خدي البرنامج التفصيلي اللي كتبته ليكي في الرد على التدوينه اللي فاتت وأعرضيه على ما يسمى بالقوى الوطنيه ونشوف ساعتها مين معانا ومين علينا.

freedom4ever25 said...

أخر حاجه بقى أحب اقولها للكلاب اللي بيتكلموا على سواقين الميكروباص والتوكتوك وغيرهم من الشباب اللي مش لاقيين شغل فبيشتغلوا في السواقه .الناس دي أشرف منكم ومش بلطجيه . البلطجي بيشتغل بلطجي وبيكسب من أسيادكم بتوع الحزب الوطني كويس أوي . الحزب الوطني اللي كان ملبسكم الطرح كلكم واحد واحد (يا حزب الكنبه يا عالم ماتقولش لأه) وكان بيضربكوا على قفاكوا كل يوم ويطلع لكوا لسانه لمدة 30 أو 40 سنة ومطلعلوش واحد فيكم يقول (أنا راجل . انا جدع).... السواق اللي بيتعب وبيشقى بالعشرة اتناشر ساعة في اليوم وقاعد ع الدركسيون ضهره ملووح عشان يجيب لقمه لأهله أو لعياله أو لمراته ياكلوها أشرف بكتييييييييييييييييييييييييير من ناس كتير منكم . لأن اللي بيشتغل عمره ما يبقا بلطجي. البلطجي شغلته بلطجي. أنما ده راجل جدع ما بيرضاش بالظلم . مابيرضاش يبقى ديوث. ..... مش معنى كده انهم كلهم ملايكه وانهم مافيش حد منهم بيتعاطي مخدرات . لأ فيه طبعاا . بس ظباط الشرطه والمحاميين بيتعاطوا مخدرات أكتر منهم وده طبعاا بحكم انها بتروح لهم ببلاش وظباط الشرطة بالذات اكتر بلطجه وفرد سدر على الناس من السواقين . والدكتور اللي بيعاكس الممرضات اللي شغالين عنده أو بيبصبص للعيانين أوسخ بكتير من السواق اللي ماعندوش زووق أو بيحجز على حد او بيركن غلط . وقييس على كده بقى المهندس المرتش والمحامي الكذاب اللي بيداقع عن الظالم.والقاضي ابن الكلب اللي بيحكم بالظلم ... يعني من النهاية لما تقتلوا كل واحد عمل غلط أو جريمة في شغله أبقوا أقتلوا سواق الميكروباص اللي ماشي من غير رخصه .

mohyeldien said...

بصرااااااااااااااااحة يا نوراة انا أختلف معك فى كل شيئ تقريبا إلا موضوع الشرطة اتفق معك مائة فى المائة هم كائنا لا تستحق حتى النظر فى وجهها برحمة لأنهم ساديين و يتلذذون باهانة الشعب و الغريب يقولون هيبة الشرطة هو عتريس لما ضربه اهل القرية و حرقوا بيته علشان جوازه باطل من فؤادة هل ينفع ان عتريس يرجع تانى؟؟؟؟
الشرطة زواجها باطل من الشعب و لا بد من التفريق بينهم بالذوء او بالعافية

بهيج الشرير said...

والنبي ياأبلتي أنا عندي إقتراح! إيه رأييك نعمل قائمة بأسماء خولات ظباط الشرطة ومنايك أمن الدولة اللي لازم نينكهم في بيوتهم مع نسوانهم؛ وأنا بأبتدي القائمة بإسم شعراوي جمعة مأمور قسم أنا وهو وهي

qqq said...

و الله يا نوارة كنت قررت مقاطعتك نهائيا و عدم التعليق على مشاركاتك و تجاهل مدونتك على الاطلاق و ذلك لأني شعرت بأن اسلوب الصياح و الضجيج الذي تتبعينه يجعل الكلام معك ليس ذا جدوى و أشبه بحوار طرشان، أضف إلى ذللك أن مصداقيتك عندي اهتزت بشدة بعدما حدث في جمعة الغضب الثانية و بعد تسرعك في الهجوم على الداخلية، فقد لاحظت انك بعد ساعتين فقط من علمك بأحداث الأزبكية حكمتي و جزمتي بخطا الشرطة و براءة السائق على الرغم من أن هذا هو عمل القضاء و النيابة كما أنه يتنافى مع أبجديات الانصاف في الحكم بين المتخاصمين (إذا جاءك من فقئت عينه فلا تحكم له فلربما جاءك خصمه و قد فقئت عيناه)، كذلك دعوتك للقضاء على الشرطة بعد واقعة التعذيب التي تم اتخاذ الاجراء الصحيح فيها و تحويلها إلى النيابة، و دعوتك لتسيير مظاهرات التضامن مع ريم مذيعة أون تي في عند التحقيق معها و هو اجراء قانوني كان يجب احترامه، المهم أن كل ما سبق بالاضافة للتدني الملحوظ في اسلوبك مؤخرا و اصرارك على استخدام ألفاظ بذيئة و لغة سوقية، كل ذللك جعلني أعزف عن زيارة المدونة و أجزم بأن مرحلتك قد انتهت، أيضا لا حظت اعتمادك الكبير على صحيفة البديل اليسارية كمصدر و ثيق للمعلومات في الفترة الأخيرة على الرغم من عدم موضوعيتها و اسلوبها الاثاري الذي يجعل اليوم السابع على وضاعتها أكثر مصداقية منها، ثم حدث أن قرأت مقال المفكر الكبير الدكتور محمد عباس و هو رجل مناضل عميق التحليل و ثاقب الفكر و وجدته يعاتبك فشعرت عند ذلك بأنني يجب علي مناقشتك مرة أخرى لعل و عسى أن يكون كل ما سبق ناشئ عن طيش فكري و رعونة ثورية نتجت عن كثرة مخالطتك للرفقاء اليساريين و الليبراليين الأمريكان (وهم يختلفون كليا عن اليبراليين الوطنيين كبعض الوطنيين الشرفاء في حزب الوفد مثلا)، المهم يا نوارة أن رسالتي لكي والتي أءمل ألا تكون الأخيرة هي أن تكوني أكثر تمهلا في حكمك على الأشياء و الأحداث (و هو مطلب سبق أن ذكرته منذ تعليقي الأول هنا في المدونة) و أن تضبطي ردود أفعالك و لغتك حتى يتسم خطابك بالموضوعية و الحيادية، و أن تتجنبي اثارة الناس و اسلوب التهييج في هذه المرحلة الحرجة اللتي تتطلب ضبط حركة الشارع مع المحافظة على دينامكيته، و هو توازن حساس فعلا، يجب أن تعلمي أن الثورة الان دخلت في المرحلة الأصعب و هي مرحلة تطهير الصف الثاني بعد القضاء على رموز الفساد وصفه الأول، صعوبة هذه المرحلة ناشئة عن صعوبة تحقق الاجماع الوطني على فساد هؤلاء المنتسبيين للصف الثاني، يعني مثلا الكل كان مجمع على ضرورة محاكمة مبارك و أسرته و عز و جرانة و العادلي و شريف و سرور و عزمي، لكن من الصعب جدا حصول اجماع وطني على محاكمة كافة وكلاء الوزارات مثلا لما يعنيه من وقوع ظلم على كثير من الشرفاء، أضف إلى ذلك أن العمل الثوري الان قد تم تسييسه مع الأسف من بعض الانتهازيين فرأينا أن ميدان التحرير يوم 27 مايو يضج بالهتافات ضد فصيل سياسي و شريك ثوري بحجم الاخوان، حسنا ما الحل إذا؟؟ الحل كما أراه يكون في الفصل بين ما هو ثوري و ما هو سياسي، ما هو ثوري يعني الان العمل على حماية شرعية الاستفتاء الأخير كقاعدة و خريطة طريق للست شهور القادمة و عدم تشكيل أي مليونيات لا يكون هناك اجماع و طني عليها، و للمحافظة على دينامكية الشارع يمكن تشكيل و قفات احتجاجية أو مظاهرات ثابتة غير متحركة حتى يسهل تأمينها و حتى لا يتم تعطيل المرور بسببها، الدعوة للمليونيات الان يجب أن تكون تحت شعارات جامعة لا يستطيع أي فصيل أن يمتنع معها عن المشاركة (مثلا جمعة دعم الاقتصاد و فيها يتم عقد مزاد شعبي للتبرع للاقتصاد على طريقة التنافس في الافراح الشعبية عمن يدفع "نقوط" أكثر و تنظيم فعاليات شعبية و مبادرات لدعم الاقتصاد)، (جمعة تكريم الرموز و الوفاء للشهداء و المصابيين) و هكذا، أما عند الفشل في تحقيق الاجماع المناسب لحشد مليونية ناجحة فينبغي أن تتحول الدعوة من مليونية لتصبح دعوة لفعالية احتفالية يمكن عقدها في الاستاد مثلا و هكذا، الغرض هو المحافظة على ديناميكية الشارع و جهوزيته للحركة و الانتفاض عند حدوث أي ردة عن الثورة من شريكنا العظيم الذي نحبه و نحترمه و في نفس الوقت نراقبه بحكمة و ندعمه بذكاء و حرص. انتهى لضيق الوقت.

Ibrahim said...

الإخوان "نعم بعد لأ" "الإسلاميين يتحزب عليهم" والجرى للسلفية... شايف ثورتك بتتقسم قدام عينيك؟
شايف ناس لا علاقة لها بالثورة بل ولا علاقة لها بالسياسة علا صوتها؟
المجلس الأعلى اتفق مع الإخوان وهذا ليس كذبا بل ارقؤوا لهيثم ابو خليل القيادى الإخوانى السابق بالإسكندرية ترك الجماعة شهر مارس لاجتاعهم سريا بعمر سليمان اثناء الثورة...
أرجوكى يا نوارة تنشرى مقالات الراجل ده بيكتب كتير فى البديل.. ورجل موضوعى ولا يهين الجماعة ولكنه كشف الكثير من الدونية والنظر تحت اقدامهم.... انا فعلا نفسى اتحد مع الإخوان ولكن لماذا هم لا يريدون ذلك؟؟؟
لماذا سقفهم مجلس ووالللللللللللللهههههه العظيم يعلمون فى داخلهم اننا لن نترك وأن المجلس العسكرى سيدكهم اجلا او عاجلا نفس ما حدث لهم فى 52..... دائماالأطماع والأنا..... ارجوكم مصر.... أرجوكم انااحد شباب حملة دعم البرادعى والدنيا ضلمة قدامى.... بجد والله انا قاربت على الإنهيار والهجرة لأستراليا.... وأنا متأكد ان الاف الشباب مثلى.. ولا انصلاح لهذه البلد :(

Ibrahim said...

الإخوان "نعم بعد لأ" "الإسلاميين يتحزب عليهم" والجرى للسلفية... شايف ثورتك بتتقسم قدام عينيك؟
شايف ناس لا علاقة لها بالثورة بل ولا علاقة لها بالسياسة علا صوتها؟
المجلس الأعلى اتفق مع الإخوان وهذا ليس كذبا بل ارقؤوا لهيثم ابو خليل القيادى الإخوانى السابق بالإسكندرية ترك الجماعة شهر مارس لاجتاعهم سريا بعمر سليمان اثناء الثورة...
أرجوكى يا نوارة تنشرى مقالات الراجل ده بيكتب كتير فى البديل.. ورجل موضوعى ولا يهين الجماعة ولكنه كشف الكثير من الدونية والنظر تحت اقدامهم.... انا فعلا نفسى اتحد مع الإخوان ولكن لماذا هم لا يريدون ذلك؟؟؟
لماذا سقفهم مجلس ووالللللللللللللهههههه العظيم يعلمون فى داخلهم اننا لن نترك وأن المجلس العسكرى سيدكهم اجلا او عاجلا نفس ما حدث لهم فى 52..... دائماالأطماع والأنا..... ارجوكم مصر.... أرجوكم انااحد شباب حملة دعم البرادعى والدنيا ضلمة قدامى.... بجد والله انا قاربت على الإنهيار والهجرة لأستراليا.... وأنا متأكد ان الاف الشباب مثلى.. ولا انصلاح لهذه البلد :(

حسن محمد على said...

موسم "الربرتوار" الشرطة تعيد تمثيل رواية" خذنى بعارى" وهى من نوع الفارس والمجلس يعيد الفيلم الهندى "من اجل ابنائى"و هو من نوع الميلو دراما"

Amirat Hor Aldonya said...

لأ بعد الشر عليكي يا نوارة
و الله دا انا ال3 أيام اللي فاتوا قلقت علكي جدا علشان مكتبتيش حاجة
و كنت خايفة علكي خالص
و بعدين لو حصلك حاجة احنا نعمل ايه من بعدك يا نوارة
ربنا يحميكي و يوفقك يارب

Jareer said...
This comment has been removed by the author.
شاب فقرى said...

شاب فقرى قوة من المباحث ماشية فى الشارع فى أمان الله قام واحد من القوة قال للنقيب (( اللى هوا أصلا متهم بقتل المتظاهرين فى 25 يناير وجارى التحقيق معاه )) وقاله الحق ياباشا دا هربان من حكم ... قاموا حاولوا يقبضوا عليه وضربوه بالنار ... والناس خدت الراجل وأفراد القوة بالنقيب هربوا وكمان اتجه مجموعة من السلفيين واخدلى بالك إنته عالطريق وقطعوه ...وهما شايلين هدوم المجنى عليه ...لاء والمجنى عليه مصاب برصاصة خارقة خارقة خارقة ... عملت جرح قد كدا فى رجله ...إقرى المقال وقولى أحا للقوى الوطنية اللى لغت جمعة التصدى لاساليب الشرطة ...

http://www.almogaz.com/news/141036

BestItalianPizza said...

الشعب قام بالثورة .. الشعب يريد ادارة المرحلة الانتقالية .. لا يعارض هذا الا خائن أو عميل أو متواطئ أو فلول
الشعب قام بالثورة .. الشعب يريد ادارة المرحلة الانتقالية .. لا يعارض هذا الا خائن أو عميل أو متواطئ أو فلول
الشعب قام بالثورة .. الشعب يريد ادارة المرحلة الانتقالية .. لا يعارض هذا الا خائن أو عميل أو متواطئ أو فلول

Anonymous said...

مساء الخير

muhammed said...

la keda mosh 7elo eshanek enty

muhammed said...

لا كده مش حلو عشانك انتي، انتي هتكتبي يوم وتنامي عشره؟ انا ادمنت المدونه بتاعتك وكمان مش بثق غير هنا، فلازم تشتغلي شويه وكان الله في العون

متفائل said...

كان لازم واحنا بنسقط مبارك نسقط القوى الوطنية كلها اللي ترعرعت في زمنه لان كلهم شبهه وحسبي الله ونعم الوكيل فيهم واحد واحد من اقصى اليمين الى اقصى اليسار كلكم عبء علينا زي ما بقية التنظيمات الهرمية عبء علينا ده انتوا بلوة واترزينا بيها
نحن نؤتى من قبلكم
انتوا الطعنة في ضهر الثورة، مش اي حد تاني، لإن مافيش اي توقعات من اي حد تاني غيركم، وبصراحة انتوا مالكوش لازمة في حياتنا.. ناس كتير مالهمش اي لازمة في حياتنا

هذا جهل .. هذا جهل .. هذا جهل .. وما دام فتحتي الباب ده تعالي نتكلم بقى بصراحة .. الحقيقة والواقع بيقولوا أن بعضاً من هذه القوى السياسية التي ترعرعت في عهد مبارك صاحبة فضل لا ينكر على ثورة الخامس والعشرين كونها قدمت المثال وكان لها سبق البدء وفي ظروف أسوأ بكثير إذ لم يتوفر لها حشداً مماثلاً أو تأييداً شعبياً مماثلاً وكان النظام في عز قوته وعنفوانه ومع ذلك خرج هولاء الأبطال الشجعان (كانوا أشجع منكم ألف مرة على فكرة) ولم يكن عددهم يتجاوز العشرات ولم يكن لهم ما كان لكم من الطول والعرض والعضلات المفتولة بحكم أعمارهم التي كانت بين الخمسين والسبعين .. خرجوا يواجهون النظام وأليات قمعه الجبارة مرددين شعارات وهتافات تتجاوز الخط الأحمر ولم يتجرأ على التفوه بها أحد قبلهم مثل : لا للتمديد .. لا للتوريث .. أعني بالتحديد حركة (كفاية) التي فتحت باب التظاهر والتمرد لأول مرة في مصر منذ قيام ثورة يوليو .. حركة كفاية التي خرج من رحمها كل القوى السياسية الأخرى ومن ضمنها شباب الفيس بوك وشباب المدونين الذين أكسبتهم جرأة وشجاعة حركة كفاية جرأة الكتابة والتدوين والدعوة إلى التظاهرات والإعتصمات التي تصاعدت وتنوعت حتى أسفرت عن ثورة يناير .. فكيف تجرؤين اليوم على قول مثل هذه الأقاويل الجاهلة البلهاء ؟ كيف تجرؤين على وصف كل هذه القوى السياسية الشريفة (كفاية - شباب أبريل - الجبهة الوطنية للتغيير) بأنها كانت (شبه مبارك) وأنها (بلوة إترزت الثورة بيها) بينما لا توجد سوى بلوة واحدة إترزى الجميع بها .. ثرثارة حمقاءومراهقة سياسية .. تلعب سياسة بطريقة (خدوهم بالصوت) بتاعة الأزقة والحواري .. بلوة إسمهما : نوارة نجم

hardway said...

نـرنـر..ياأرق ثرثارة..وأجمل حمقاء
يا أيتها المراهقة سياسيا...
الندابة الرداحة ثوريا.....
هو كل الكلام المدون في هذه المدونة..طبق الاصل وهو..هو في قناة التحرير..مفيش تغير
مفيش تجديد..مفيش أفكار أتجاهات..اي حاجة جديدة....شفتي تأكدتي الآن أنكم فاضيين..
مـخـوخين من جوه..لا فكر..لا نظرة مستقبلية..لانظريةو لا ايدلوجية..ولا حلول
شوية صيع بيتعاركوا مع العسكري...
ومش عايزين عسكري علشان يدوروا و يعملوا كما يشاءون...........
لا..ياحلوة... الكلام ده عند أم التيـيـت

د. هانى احمد said...

موقعة الجمل... فيديو عن الحرس الجمهورى...

http://www.youtube.com/watch?v=OIxs2Dmxedw&feature=player_embedded

قيود من حرير said...

انا كنت بتابع المدونة ايام الثورة عشان كنت بحس انها بتنقل نبض الشارع بالشيعبي كده من غير لف ولا دوران وكنت فاكرة ان الانسة نوارة ليها افق واسع بس للأسف لغة الحوار بقت سوقية حبتين وبقيت حاسة ان الانسة نوارة قاعدة في البيت وفي حد بيجيبلها الاخبار جاهزة وبيقولها تكتب ايه وتسيب ايه بس دلوقت بقيت بتابع المدونة عشان التعليقات لأن بأحس من بعض التعليقات ان لسه في ناس فاهمه تحياتي لتيرز وساعي الخير وابو هاجر وهاردواي

nahla5z said...

اية يانوارتنا فينك هما قدروا يحبطوكي ولا اية خلي نفسك طويل لسة قدامنا كتير قومي وشدي حيلك انا برا مصر وبشوف مصر من خلالك انت وبلال وابراهيم عيسى ومش قادرة اصدق غيركم وقرفت بصراحة من القوى الوطنية اللي بتستهبل وقاعدين يشتغلوا بعض لما هيضيعوا الثورة مفيش حد يقدر يلم ويجمع ويبقى وطني بجد علشان خاطر مصر

Noha Saleh said...

انتى يابنتى مصدقة نفسك

وليد said...

الكلام ده مش موجه ليكى يانوارة لانى دلوقتى مقتنع انك اقل من ان يكون ليكى موقف او راى,الكلام موجه للجهه او الناس اللى ماسكة طرف الخيط وبتحركك:ثورتنا ناجحة واحنا مش هننزل الا فى حالات محددة
منها ان سيتاريو الفترة الانتقالية اللى احنا-السبعة وسبعين فى المية-وافقنا عليه
يحصل فيه اى تغيير او ان ملف المحاكمات يحصل اى تدخل فيه من اى جهه وبالنسبة للشرطة اللى دمرناها فى اربعة ايام فقدامهم
وقت طويل جدا لحد ما يستعيدوا الثقة فى نفسهم ويبتدوا يفكروا انهم ممكن يرجعوا يشتغلوا زى زمان ,فى الوقت ده هنكون احنا ان شاء الله بنينا الدولة اللى كلنا نقدر نعيش فيها بكرامة

الخلاصة:اى حد افكاره تختلف عننا مش هيعرف يتصدرنا