Saturday 4 June 2011

لقد تقرطسنا

وتم ايداع القرطاس في منطقة لا تشرق عليها الشمس
واتضح اننا عاملين ثورة على امين شرطة هربان اخد اعدام، وبعدين مؤبد، ثم حياخد حكم ضرب جثته بالقباقيب، ثم حرقها نظرا لثبوت تورطه في اغراق العبارة، وسرطنة الغذاء، وتفسية عجلة الانتاج، وهناك معلومات مؤكدة بإنه هو الرئيس المخلوع واللي قاعد في شرم ده عثمان احمد عثمان
وكل يوم والتاني الشرطة قاتلة لها عيل غلبان وراجعة تستقوى على الغلابة.. واي كلب جاي على الغلابة لازم يعرف ان ربنا حيوريه يوم يبقى هو مكان الغلبان ده
احب اوضح كام حاجة
اللي بيحصل ده بتعليمات عليا
جبت منين الكلام ده؟ 
اختفاء الشرطة كان بأوامر عليا، وخطيب صاحبتي ظابط امن مركزي وقالها: انا مش فاهم هم بيشتمونا عشان ما بننزلش ليه؟ ما عدم نزولنا ده جاي باوامر، هو احنا نقدر ناخد اوامر اننا ننزل وما ننزلش؟ ده كنا اتعلقنا
بيان وزارة الداخلية الحقير بيقول انهم واخدين اوامر يعملوا كده في المواطنين وان وزارة الداخلية متواطئة ومطلعة بيان زي البيان بتاع خالد سعيد اللي قال عليه: متهرب من التجنيد، وحشاش، ودمه تقيل، وكان واعد بت بالجواز وبعد ما اخد منها اعز ما تملك خلي بيها، ولهذا ولكل هاتيك المجالي بلع لفافة بانجو ومات لوحده
بس طبعا خالد سعيد ابن ناس وامور واهله ناس شيك، فالناس ما صدقتش عليه الكلام ده
واحب اقول ان قبل ما خالد سعيد يموت بالطريقة دي، غلابة كتير، بياعين وسواقين وارزقية، ماتوا بنفس الطريقة، بس الحقرا اللي بيعملوا حملات تجاهلوهم عشان دول غلابة، ولما اتكلمنا عن عماد الكبير قعدوا يقولوا عليه بلطجي، وماحدش عمل لعماد الكبير مظاهرة، لانه سواق وغلبان، لحد بقى ما الشرطة داست للطبقة المتوسطة على طرف وقتلت لهم عيل من عيالهم فما استحملوش بقى
يا سلاااااااااااااااام
طب كلها كام اسبوع وعيل "ابن ناس" ومستحمي حيتقتل برضه... ايه الوضاعة دي
لو ماحدش حيقف لحق الغلبان غيري حاقف وانشالله اموت لوحدي
انا مش عايزة الداخلية دي
الداخلية دي مش نافعة ومش عايزينها.. واللي يحميها يبقى بيعادينا.. من الآخر كده
دلوقت في عشر ايام تلاتة تم الاعتداء عليهم من قبل الشرطة
الشاب بتاع العمرانية، مضروب بالنار وقاعد في مستشفى ام المصريين متكلبش في السرير ولابس قضية
الشاب بتاع بولاق مات
الشاب بتاع الازبكية مات
احنا مش عايزين الداخلية دي.. أأمن ايام حياتنا لما الداخلية اختفت، وعندنا 9 مليون عاطل مستعدين يخدموا بلدهم بعينيهم ويحموها وبنص الفلوس اللي بتتصرف على الداخلية وكمان بربعها
الجمعة الجاية 10 يونيو ضد ارهاب الداخلية... البلد مش بلدكم يا داخلية، يا احنا يا انتوا فيها
المطالب:
1- تجميد نشاط الداخلية بشكل كامل. 
2- اطلاق الحملة القومية لحماية مصر وقبول المتطوعين شريطة ان ما يبقاش ولا واحد فيهم اشتغل في الداخلية قبل كده. كل العواطلية حيتطوعوا وبأجور زهيدة مقارنة بمرتبات الشرط، بدل ما تلت الميزانية بتتصرف على الداخلية.
3- احالة ملفات وزارة الداخلية بالكامل الى هيئة قضائية يكون مهمتها التحقيق في كل ملفات الداخلية ملف ملف. وممكن مؤقتا يتم ادماج الداخلية في وزارة العدل
4- انتداب ائتلاف من المنظمات الحقوقية المصرية المستقلة للتحقيق في ملفات وزارة الداخلية بالكامل
5- تحديد اقامة كل قيادات الشرطة
6- اقالة وزير الداخلية اللواء العيسوي، وتعيين وزير داخلية مدني من وزارة العدل
--------------------
من النهاردة مافيش شرطة... احنا الشرطة.. احنا الشرطة
اتفضلوا حقيقة ما حدث في احداث الازبكية
بالنسبة للجدع بتاع بولاق.. العادلي برضه كان بيحول القضايا للتحقيق، ويطلع المقتول هو الغلطان
وده اللي حصل للشاب بتاع العمرانية



وده بيان الداخلية القذر اللي مكتوب بنفس الاسلوب اللي اتكتب فيه البيان اللي علق على استشهاد خالد سعيد
لو البلد دي مافيهاش رجالة عشان بعد كل التضحيات دي يتعمل فينا كده في ظرف عشر ايام، احب ابشركم ان فيها ستات
بس انا عارفة ان البلد دي فيها رجالة
اهم.. شفتهم الرجالة دول؟

انا كنت واقفة مطمئنة وحاسة بامان وانا واحدة باخاف من الكلاب والصراصير والضلمة فما بالك برصاص وقنابل، بس كنت مطمنة عشان حواليا رجالة
واعيد تاني
اللي يحمي الناس دي يبقى بيعادينا، واحنا مش عايزين نعادي حد، احنا ناس كويسة، ومش جايين لك انت يا حاج ياللي عارف نفسك، ومش حاقولك تعمل بنصيحة اضرب صاحبك لو هم كتير - واحنا كتير فعلا - ولو انها نصيحة غالية، بس باقولك خلي بينا وبين صاحبك واحنا حنتصرف معاه
احنا مش جايين لك انت... انزل على القهوة اشرب لك حجرين على ما نخلص
شير لو سمحت

45 comments:

Unknown said...

جاري العلم وينفذ والنعمه انتي قولتي اللي نفسي اقوله من زمان

hardway said...

هو كل أخبارك..أما من خطيب صاحبتي..
أو جوز عمتي..أو شومان الضابط الظريف
بتاع الميدان
هو أنت مش حاسة بالقرطاس لغاية دلوقتي
معقول...مع انك عارفة ومتأكدة القرطاس فين..وأنت حرة عايزة تشيليه..اوكي..عايزة تسبيه في مكانه..اوكي..برضه..دي منطقتك وأنت حرة فيها
عبد الحميد .أتكلم..ولا أختفي...عبد الحميد بتاع النائب..........

hardway said...

نـرنـر.....خليكي بعيد عن الحاج....
أسمعي الكلام...خليكي بعيد عن ..الحاج
خليكي في مشكلتك مع القرطاس......
في قراطيس أكبر..لو الحجم هو المشكلة
أخبار عبد الحميد..أتكلم أو أتصل بك أو أتصل بمالك عدلي....رجاء الأفادة........

محمد نور الدين said...

ست الكل مساء الخير

نوارة على مهلك
أنا أعرف هذه المرة رايحة تزعلي مني بجد ،لكن قبل ذلك اسمعي هذا الكلام، قبل ثلاثة أسابيع تقريبا كانت واقعة عندنا لا تشبه ،إنما تطابق ما وقع عندكم. وبحضور صديق تصادف معها لما طلب شرطي الوثائق من سائق مكرو باص عطل حركة المرور و الصديق كان من ضمن الذين ثم تعطيلهم فنزل السائق ومساعده ومعهم الركاب ووقعت خناقة كبيرة حيث تضامن الركاب مع السائق وتعطلت حركة المرور أكثر ولم يكن أمام الشرطة إلا الانسحاب أمام تصفير وهتافات الركاب. لأن الناس كانت تعرف أن هناك تعليمات صارمة لأعوان الأمن بعدم التعرض للمواطنين تحت أي ذريعة . لأن الجماعة عندنا عارفين أنه لم يبق لهم إلا حصن القذافي الأخير. لو تشرفينا هذه الأيام وتشاهدين سائقي الميكرو باص و الباعة الجائلين كيف يستفزون الشرطة ويعطلون حركة المرور وحركة الرصيف . و البلطجة بمختلف أنواعها وأشكالها ستطالبين بمن هو أوسخ من العادلي . وبالمناسبة حدثتني صديقة عائدة من تونس وهي من سكان الحدود الذين يترددون كثيرا على تونس برا حدثتني عن الانفلات الأمني وتردي الأوضاع الأمنية الذي سيؤثر حتما على السياحة . وأنا متخوف جدا من صيف هذه السنة ، لأن هناك أكثر من ثلاثة ملايين جزائري يزورون تونس ومعظمهم شباب ويزورونها برا بسياراتهم . الله يستر .
نوارة يجب أن نجد الصيغة التي تحافظ على كرامة المواطن وتحافظ على هبة الدولة حتى الجماهير تخطيء يا النوارة
أما حكاية " طرحتي أهي ...جاهزة ألبسها لرجالة مصر إذا الشرطة رجعت تشتغل بالطريقة دي" فهذا الكلام ذكرني بإخوانا الصعايدة و روح الثأر ،وليس بالجامعية خريجة قسيم الأدب الانجليزي المطلعة على الثقافة و الحضارة الأنجلوساكسونية .

محمد نور الدين said...

ست الكل مساء الخير

نوارة على مهلك
أنا أعرف هذه المرة رايحة تزعلي مني بجد ،لكن قبل ذلك اسمعي هذا الكلام، قبل ثلاثة أسابيع تقريبا كانت واقعة عندنا لا تشبه ،إنما تطابق ما وقع عندكم. وبحضور صديق تصادف معها لما طلب شرطي الوثائق من سائق مكرو باص عطل حركة المرور و الصديق كان من ضمن الذين ثم تعطيلهم فنزل السائق ومساعده ومعهم الركاب ووقعت خناقة كبيرة حيث تضامن الركاب مع السائق وتعطلت حركة المرور أكثر ولم يكن أمام الشرطة إلا الانسحاب أمام تصفير وهتافات الركاب. لأن الناس كانت تعرف أن هناك تعليمات صارمة لأعوان الأمن بعدم التعرض للمواطنين تحت أي ذريعة . لأن الجماعة عندنا عارفين أنه لم يبق لهم إلا حصن القذافي الأخير. لو تشرفينا هذه الأيام وتشاهدين سائقي الميكرو باص و الباعة الجائلين كيف يستفزون الشرطة ويعطلون حركة المرور وحركة الرصيف . و البلطجة بمختلف أنواعها وأشكالها ستطالبين بمن هو أوسخ من العادلي . وبالمناسبة حدثتني صديقة عائدة من تونس وهي من سكان الحدود الذين يترددون كثيرا على تونس برا حدثتني عن الانفلات الأمني وتردي الأوضاع الأمنية الذي سيؤثر حتما على السياحة . وأنا متخوف جدا من صيف هذه السنة ، لأن هناك أكثر من ثلاثة ملايين جزائري يزورون تونس ومعظمهم شباب ويزورونها برا بسياراتهم . الله يستر .
نوارة يجب أن نجد الصيغة التي تحافظ على كرامة المواطن وتحافظ على هبة الدولة حتى الجماهير تخطيء يا النوارة
أما حكاية " طرحتي أهي ...جاهزة ألبسها لرجالة مصر إذا الشرطة رجعت تشتغل بالطريقة دي" فهذا الكلام ذكرني بإخوانا الصعايدة و روح الثأر ،وليس بالجامعية خريجة قسيم الأدب الانجليزي المطلعة على الثقافة و الحضارة الأنجلوساكسونية .

hardway said...

نـرنـر.....خليكي بعيد عن الحاج....
أسمعي الكلام...خليكي بعيد عن ..الحاج
خليكي في مشكلتك مع القرطاس......
في قراطيس أكبر..لو الحجم هو المشكلة
أخبار عبد الحميد..أتكلم أو أتصل بك أو أتصل بمالك عدلي....رجاء الأفادة........

S3dbdr said...

اللينك بتاع الايفينت مش شغال

S3dbdr said...

اللينك بتاع الايفينت مش شغال

محمد نبيل said...

تجميد نشاط الداخلية دة مطلب غير واقعى فى رأيي، وحيخلى ناس سواء بحسن أو سوء نية تقول "شوفوا دول عايزين فوضى، دول عايزين يودوا البلد فى داهية".

الصح هو المطالبة بتصحيح أداء وزارة الداخلية، يعنى مثلا وزير الداخلية يكون مدنى وادماج حقوق الانسان فى مناهج كلية الشرطة، واشراف حقوقى وقضائى على أداء الوزارة.

prof-osama said...

اية شغل المجاذيب دة يا نوارة .. بقيتى رمز من رموز الهلوسة والخبل... ملعون ابو ام سواقى الميكروباص الحشرات الرمم دول .. ابقى جربى كدة اركبى معاهم فى ساعة بليل والا الصبح حتى هيرجعوكى حامل ومهتوك عرضك ومتمسخرة .. افهمى يا مختلة فية جزء وسخ وقذر ونتن من الشعب المصرى يستاهل هولوكوست زى بتاع النازى فى المانيا .. ثم الشرطة لازم تدبح الر مم الاوساخ دول وميجراش حاجةيتهرسوا زى الصراصير والضباع لانهم عالة على المجتمع وسبب خراب البلد ولا حل الا اعدامهم او سحلهم بشكل متواصل لانهم اوساخ وكلاب لازم يتقطعوا ويترموا فى السكك . واخير الشعب موافق على عنف الشرطة جنائيا مع الختازير دول وياريت نخلى الجمعة اللى جاية جمعة حرق البلطجية واللى يتشدد ليهم كمان

prof-osama said...

الجمعة القادمة هى جمعة حرق البلطجية الرمم .. ياريت زى ما رجالة الازبكية قطعوا الرمة سواق الميكروباص .. ياريت الشعب كلة يفوق ويبتدى يتعامل مع البلطجية وخاصة سائقى الميكروباص منهم زى ما الحكومة تعاملت مع الخنازير فى هوجة انفلونزا الخنازير .. خلينا نسميها جمعة التطهير من سرطان البلطجية ..

prof-osama said...

شوفى يا نوارة انا استاذ جامعة من اللى خرجوا من يوم 25 لحدج يوم 11 وكل اللى معايا فى القسم من اساتذة الطب شايفين ان تسلم ايد الشرطة انها تسحل اى رمة يعتدى عليها او على الشعب المحترم منة طبعا لاننا عارفين ان فى جزء قذر استئصالة من الشعب هينقذ جسد االوطن كلة من سرطان حقير اسمة البلطجة .. وتسلم ايد اى ظابط يفجر دماغ اى عيل وسخ من الرمم اللى دايرة تروع فى البشر وكمان الرمم اللى بيدافعوا عنهم .. وعايزين جمعة حرق البلطجية الخنازير فى الجير الحى الاسبوع دة

prof-osama said...

الشعب والشرطة والجيش فى جمعة سحل وحرق البلطجية ... كل واحد يجيب معاة بنزين وكبريت وننزل نولع فى ام عربيات الميكروباص الوسخة اوكار الشياطين ...وياريت كمان نوجة تحذير واضح ان اى بلطجى ايدة هتطول على مواطن شريف او موظف عام مصيرة الضرب حتى الموت او الصلب فى ميدان التحرير ليكون عبرة لمن لا يعتبر

magda said...

أنا لله وانا اليه راجعون لو عايزين البلد تنظف عايزين كل يوم مليونية لحد عشر سنين قدام المافيا في كل حتة واللي خد علي المشي العوج مش ممكن يمشي صح والطبع غلاب ولا حول ولا قوة الا بالله

بهيج الشرير said...

والنبي ياأبلتي أنا عندي سؤال! هل صحيح أنهم قبل مايحاكموا اللبو المخلوع ملك الفياجرا وقاهر الهكسوس ناويين يعملوا له كشف عذرية خصوصا بعد اللي عملوه فيه المصريين مؤخرا

ملاحظة: مؤخرا يعني في المؤخرة

prof-osama said...

هام للغاية تحليل منقول عن om


الدروس المستفادة مما سبق هو الآتي:
الجزء الأول
1- مأمور القسم بيقوم بدوره كمأمور الساعة تسعة الصبح، و هو دة (شغله مش بحاول يحسن دخله ولا حاجة).
2- مأمور القسم اثناء شغله لما حد بيعمل مخالفة وبيقول له: انا اسف.. بيعديها من باب العفو عند المقدرة و تحسين صورة الشرطة عند الناس.
3- مأمور القسم بيطلب الرخص من السواق ولما السواق بيقول له مش حاديلك الرخص الناس اللي رايحة اشغالها بتتدخل عشان عندهم وعى و إيجابيين.
4- الإيجابيين دول عرفوا ان اللي واقف ده مأمور، عن طريق إنه قال أنا المأمور (لا صرخ زى المجنون ولا هما قالوله حضرتك بتشتغل إيه قبل ما نتخانق بس، راجعى الفيديو تانى.. عينى عينك كدة شغالة تدليس و تحريف.. رهيييبة)
ج- المارة عندهم الحاسة السادسة و وعى عالى..
5- اكتر من 200 أو 300 مواطن عايزين يساعدوا الشرطة فى تأدية واجبها فبدأوا يطالبوا السواق إنه يطلع الرخصة للمأمور عشان دة حقه.. (واللا دى كمان مش من حق المأمور!!)
6- السواق لما شاف 200 او 300 مواطن اتلموا عليه جات له لوثة (أكيد طبعا لو هو بلطجى و واخدها بالدراع لازم تجيله لوثة) وقعد يشتمهم كلهم لإنه عنده رغبة دفينة في البلطجة (مش فى الانتحار زى ما قلتى و إلا يبقى مجنون طبعا يا ولداه!)
7- مأمور القسم جاله في ودنه وقاله انزل بكرامتك بدل ما الناس اللي واقفة يبهدلوك فراح شاتمه تاني وشتم الناس لإنه (قليل الأدب و بلطجى (مش لإنه عايز يتبهدل يا أكبر داعية للفتنة فى مصر لا إراديا بتصرفاتك الهوجاء دى)..
8- اكتر من 200 او 300 مواطن نزلوا سواق الميكروباص بالقوة من االميكروباص بينما كان المأمور بيقوللهم سيبوه سيبوه إحنا هنتخذ معاه الإجراءات القانونية.(سابهم يتدخلوا معاه عشان إحنا قاعدين ليل و نهار نوصى الناس تتعاون مع الشرطة و المأمور فاهم الحالة إللى البلد فيها فاعتبر إن مشاركة الناس طبيعية، زائد إنه ما كانش معاه أى قوة شرطة، يعنى عدد الناس أكتر بكتير) (ومحدش ضرب حد لحد دلوقتى).. (مش زى مانتى بتقولى شاف الناس بتنزله بالقوة وما اتدخلش، ولا حتى اتفرم وسطهم وهم بينزلوه بالقوة، و راجعى الفيديو تانى.. و كإنه المفروض عشان يثبت إنه مش من الفلول لازم يتعجن عشان يحرر البلطجى إللى بيبلطج عليه!! بطلوا تقعدوا على راسكو بقى عشان ما تشوفوش الدنيا بالشقلوب)
9- السواق البلطجى اللي فيه حوالي 200 او 300 مواطن محاوطينه -و المأمور لسة فى الصورة ما راحش فى حتة بعيد- راح بضهر ايده وعلى وش المأمور (أظن مش محتاج يبقى سوبرمان أو أدهم صبرى عشان يعمل كدة، كفاية يبقى بلطجى أو سواق ميكروباص صايع حتى و بس..)
10- جمع رهيب - غير ال200 او 300 مواطن اللي واقفين - جريوا ناحيتهم لانهم شافوه في وسط الزحمة دي وهو بياكله على وشه بضهر ايده... مع انه بقاله تلات سنين وكل الناس عارفاه في الدايرة! (لا غبار على هذا الكلام، ماعرفش بس إنتى حطة علامة تعجب ليه؟)
11- لما الظابط انضرب رجع لورا عشان مذهول (مش عشان يسيب الناس تضربه زى ما بتقولى يا مفترية) وبعدين لما لقى الناس بدأت تضرب قالهم كفاية ما تضربوش..
12- البني ادم لما يبقى مصاب بيروح القسم الاول يتعمل له محضر (مش بيتفتش يا مفترية) وبعدين لو لقوا حالته تستدعى المستشفى بيودوه المستشفى القريبة (مش شرط القبطى زى مانتى بتقولى، بس واضح فعلا إن مستوى فهمكم للأحداث قاصر جدا)..(و راجعى الفيديو تانى)
13- المستشفى القبطي قالت انه عنده بعض السحجات والكدمات وكمان عملوا له اسعافات
14- مسئول العلاقات العامة في منظمة حقوق الانسان بيمر بالصدفة على مكان الخناقة (مش عالقسم) و شاف إللى حصل كله زى باقى المواطنين.
15- فيه حاجة اسمها "منظمة حقوق الانسان".. بس إنتوا عايزينها على كيفكم..
16- ما عجبوش الوضع و أيد إن الجماهير ضربته وأدلى بشهادته ان الجماهير عملت معاه الصح.
*******يتبع*****

prof-osama said...

هام للغاية تحليل منقول عن om


الدروس المستفادة مما سبق هو الآتي:
الجزء الأول
1- مأمور القسم بيقوم بدوره كمأمور الساعة تسعة الصبح، و هو دة (شغله مش بحاول يحسن دخله ولا حاجة).
2- مأمور القسم اثناء شغله لما حد بيعمل مخالفة وبيقول له: انا اسف.. بيعديها من باب العفو عند المقدرة و تحسين صورة الشرطة عند الناس.
3- مأمور القسم بيطلب الرخص من السواق ولما السواق بيقول له مش حاديلك الرخص الناس اللي رايحة اشغالها بتتدخل عشان عندهم وعى و إيجابيين.
4- الإيجابيين دول عرفوا ان اللي واقف ده مأمور، عن طريق إنه قال أنا المأمور (لا صرخ زى المجنون ولا هما قالوله حضرتك بتشتغل إيه قبل ما نتخانق بس، راجعى الفيديو تانى.. عينى عينك كدة شغالة تدليس و تحريف.. رهيييبة)
ج- المارة عندهم الحاسة السادسة و وعى عالى..
5- اكتر من 200 أو 300 مواطن عايزين يساعدوا الشرطة فى تأدية واجبها فبدأوا يطالبوا السواق إنه يطلع الرخصة للمأمور عشان دة حقه.. (واللا دى كمان مش من حق المأمور!!)
6- السواق لما شاف 200 او 300 مواطن اتلموا عليه جات له لوثة (أكيد طبعا لو هو بلطجى و واخدها بالدراع لازم تجيله لوثة) وقعد يشتمهم كلهم لإنه عنده رغبة دفينة في البلطجة (مش فى الانتحار زى ما قلتى و إلا يبقى مجنون طبعا يا ولداه!)
7- مأمور القسم جاله في ودنه وقاله انزل بكرامتك بدل ما الناس اللي واقفة يبهدلوك فراح شاتمه تاني وشتم الناس لإنه (قليل الأدب و بلطجى (مش لإنه عايز يتبهدل يا أكبر داعية للفتنة فى مصر لا إراديا بتصرفاتك الهوجاء دى)..
8- اكتر من 200 او 300 مواطن نزلوا سواق الميكروباص بالقوة من االميكروباص بينما كان المأمور بيقوللهم سيبوه سيبوه إحنا هنتخذ معاه الإجراءات القانونية.(سابهم يتدخلوا معاه عشان إحنا قاعدين ليل و نهار نوصى الناس تتعاون مع الشرطة و المأمور فاهم الحالة إللى البلد فيها فاعتبر إن مشاركة الناس طبيعية، زائد إنه ما كانش معاه أى قوة شرطة، يعنى عدد الناس أكتر بكتير) (ومحدش ضرب حد لحد دلوقتى).. (مش زى مانتى بتقولى شاف الناس بتنزله بالقوة وما اتدخلش، ولا حتى اتفرم وسطهم وهم بينزلوه بالقوة، و راجعى الفيديو تانى.. و كإنه المفروض عشان يثبت إنه مش من الفلول لازم يتعجن عشان يحرر البلطجى إللى بيبلطج عليه!! بطلوا تقعدوا على راسكو بقى عشان ما تشوفوش الدنيا بالشقلوب)
9- السواق البلطجى اللي فيه حوالي 200 او 300 مواطن محاوطينه -و المأمور لسة فى الصورة ما راحش فى حتة بعيد- راح بضهر ايده وعلى وش المأمور (أظن مش محتاج يبقى سوبرمان أو أدهم صبرى عشان يعمل كدة، كفاية يبقى بلطجى أو سواق ميكروباص صايع حتى و بس..)
10- جمع رهيب - غير ال200 او 300 مواطن اللي واقفين - جريوا ناحيتهم لانهم شافوه في وسط الزحمة دي وهو بياكله على وشه بضهر ايده... مع انه بقاله تلات سنين وكل الناس عارفاه في الدايرة! (لا غبار على هذا الكلام، ماعرفش بس إنتى حطة علامة تعجب ليه؟)
11- لما الظابط انضرب رجع لورا عشان مذهول (مش عشان يسيب الناس تضربه زى ما بتقولى يا مفترية) وبعدين لما لقى الناس بدأت تضرب قالهم كفاية ما تضربوش..
12- البني ادم لما يبقى مصاب بيروح القسم الاول يتعمل له محضر (مش بيتفتش يا مفترية) وبعدين لو لقوا حالته تستدعى المستشفى بيودوه المستشفى القريبة (مش شرط القبطى زى مانتى بتقولى، بس واضح فعلا إن مستوى فهمكم للأحداث قاصر جدا)..(و راجعى الفيديو تانى)
13- المستشفى القبطي قالت انه عنده بعض السحجات والكدمات وكمان عملوا له اسعافات
14- مسئول العلاقات العامة في منظمة حقوق الانسان بيمر بالصدفة على مكان الخناقة (مش عالقسم) و شاف إللى حصل كله زى باقى المواطنين.
15- فيه حاجة اسمها "منظمة حقوق الانسان".. بس إنتوا عايزينها على كيفكم..
16- ما عجبوش الوضع و أيد إن الجماهير ضربته وأدلى بشهادته ان الجماهير عملت معاه الصح.
*******يتبع*****

prof-osama said...

هام للغاية تحليل منقول عن om


الدروس المستفادة مما سبق هو الآتي:
الجزء الأول
1- مأمور القسم بيقوم بدوره كمأمور الساعة تسعة الصبح، و هو دة (شغله مش بحاول يحسن دخله ولا حاجة).
2- مأمور القسم اثناء شغله لما حد بيعمل مخالفة وبيقول له: انا اسف.. بيعديها من باب العفو عند المقدرة و تحسين صورة الشرطة عند الناس.
3- مأمور القسم بيطلب الرخص من السواق ولما السواق بيقول له مش حاديلك الرخص الناس اللي رايحة اشغالها بتتدخل عشان عندهم وعى و إيجابيين.
4- الإيجابيين دول عرفوا ان اللي واقف ده مأمور، عن طريق إنه قال أنا المأمور (لا صرخ زى المجنون ولا هما قالوله حضرتك بتشتغل إيه قبل ما نتخانق بس، راجعى الفيديو تانى.. عينى عينك كدة شغالة تدليس و تحريف.. رهيييبة)
ج- المارة عندهم الحاسة السادسة و وعى عالى..
5- اكتر من 200 أو 300 مواطن عايزين يساعدوا الشرطة فى تأدية واجبها فبدأوا يطالبوا السواق إنه يطلع الرخصة للمأمور عشان دة حقه.. (واللا دى كمان مش من حق المأمور!!)
6- السواق لما شاف 200 او 300 مواطن اتلموا عليه جات له لوثة (أكيد طبعا لو هو بلطجى و واخدها بالدراع لازم تجيله لوثة) وقعد يشتمهم كلهم لإنه عنده رغبة دفينة في البلطجة (مش فى الانتحار زى ما قلتى و إلا يبقى مجنون طبعا يا ولداه!)
7- مأمور القسم جاله في ودنه وقاله انزل بكرامتك بدل ما الناس اللي واقفة يبهدلوك فراح شاتمه تاني وشتم الناس لإنه (قليل الأدب و بلطجى (مش لإنه عايز يتبهدل يا أكبر داعية للفتنة فى مصر لا إراديا بتصرفاتك الهوجاء دى)..
8- اكتر من 200 او 300 مواطن نزلوا سواق الميكروباص بالقوة من االميكروباص بينما كان المأمور بيقوللهم سيبوه سيبوه إحنا هنتخذ معاه الإجراءات القانونية.(سابهم يتدخلوا معاه عشان إحنا قاعدين ليل و نهار نوصى الناس تتعاون مع الشرطة و المأمور فاهم الحالة إللى البلد فيها فاعتبر إن مشاركة الناس طبيعية، زائد إنه ما كانش معاه أى قوة شرطة، يعنى عدد الناس أكتر بكتير) (ومحدش ضرب حد لحد دلوقتى).. (مش زى مانتى بتقولى شاف الناس بتنزله بالقوة وما اتدخلش، ولا حتى اتفرم وسطهم وهم بينزلوه بالقوة، و راجعى الفيديو تانى.. و كإنه المفروض عشان يثبت إنه مش من الفلول لازم يتعجن عشان يحرر البلطجى إللى بيبلطج عليه!! بطلوا تقعدوا على راسكو بقى عشان ما تشوفوش الدنيا بالشقلوب)
9- السواق البلطجى اللي فيه حوالي 200 او 300 مواطن محاوطينه -و المأمور لسة فى الصورة ما راحش فى حتة بعيد- راح بضهر ايده وعلى وش المأمور (أظن مش محتاج يبقى سوبرمان أو أدهم صبرى عشان يعمل كدة، كفاية يبقى بلطجى أو سواق ميكروباص صايع حتى و بس..)
10- جمع رهيب - غير ال200 او 300 مواطن اللي واقفين - جريوا ناحيتهم لانهم شافوه في وسط الزحمة دي وهو بياكله على وشه بضهر ايده... مع انه بقاله تلات سنين وكل الناس عارفاه في الدايرة! (لا غبار على هذا الكلام، ماعرفش بس إنتى حطة علامة تعجب ليه؟)
11- لما الظابط انضرب رجع لورا عشان مذهول (مش عشان يسيب الناس تضربه زى ما بتقولى يا مفترية) وبعدين لما لقى الناس بدأت تضرب قالهم كفاية ما تضربوش..
12- البني ادم لما يبقى مصاب بيروح القسم الاول يتعمل له محضر (مش بيتفتش يا مفترية) وبعدين لو لقوا حالته تستدعى المستشفى بيودوه المستشفى القريبة (مش شرط القبطى زى مانتى بتقولى، بس واضح فعلا إن مستوى فهمكم للأحداث قاصر جدا)..(و راجعى الفيديو تانى)
13- المستشفى القبطي قالت انه عنده بعض السحجات والكدمات وكمان عملوا له اسعافات
14- مسئول العلاقات العامة في منظمة حقوق الانسان بيمر بالصدفة على مكان الخناقة (مش عالقسم) و شاف إللى حصل كله زى باقى المواطنين.
15- فيه حاجة اسمها "منظمة حقوق الانسان".. بس إنتوا عايزينها على كيفكم..
16- ما عجبوش الوضع و أيد إن الجماهير ضربته وأدلى بشهادته ان الجماهير عملت معاه الصح.
*******يتبع*****

prof-osama said...

هام جدا تابع
4 June 2011 15:17

om said...
الجزء الثانى (تكملة):
17 - البني آدم لما ما بيطلعش الرخص لمأمور القسم، بيروح القسم، وبعدين يروح المستشفى القبطي، وبعدين يرجع القسم يعملوا له محضر.. واخيرا، بيودوه النيابة العسكرية... قسم رخص (ما ليش مزاج الصراحة أسمع الفيديو تانى عشن أتأكد من المعلومة دى إللى إنتى كاتباها بس لو افترضنا إنها صح إنتى إيه إللى مزعلك؟ خصوصا إن البلد لسة فى فترة انتقالية مفيش فصل تام بين الجيش و الدولة لسة؟ و بعدين جايز يكون راح للنيابة العسكرية على اعتبار إنه بلطجى ، واللا دة كما مش تخصص الشرطة العسكرية؟؟!!)
18- المجني عليه بعد ما خلص القسم و المستشفى و هو فى طريقه للقسم تانى أو للنيابة العسكرية جاتله حالة إعياء مفاجئة (مش زى ما نتى بتقولى "بعد ما لف كعب داير".. هو دة كعب داير؟؟ واللا إنتى كمان عايزينهم يرجعوه بيتهم ياخد دش لحد ما يحضروله مشتشفى متنقل و قسم متنقل مراعاة للكدمات إللى عنده؟ جايز يكون دة المطلب الجاى ليكم فى المليونية!)..و طبعا إنتى مستغربة إنه حالة مفاجأة مالهاش سبب غير إنه راجل غلس.. ما تستنى تقرير النيابة قبل ما تهتشى و تسخنى الفتنة يا أعقل الناس إنتى يا بتوع تطبيق العدالة.. عجبى
19- ثم توفى "الى رحمة الله تعالى
20- المحضر اتحول للنيابة العامة.
21- التشريح المبدئي قال ان فيه سحجات لا تؤدي إلى الوفاة، ولسه منتظرين تقرير الطب الشرعي (عشن إحنا ناس عاقلة و هادية و موزونة)
22- اهل القتيل اقتنعوا الحمد لله ان ابنهم غلطان (مش اقتنعوا إنه يستاهل يموت زى ما بتقولى، و موكلين محامى و مستنيين نتيجة التقرير الشرعى عشان ناس عاقلة مش زيكم)... لكنهم للاسف لما راحوا التحرير فيه ناس سخنوهم وفهموهم (ناس من نفس نوعيتكم كدة عادى وجودهم فى كل زخنوق يعنى) ان ابنهم غلطان..
23- الحمد لله كل شئ تحت السيطرة... إلا إنتوا يا مراهقين يا مفتريين يا مشعلى الفتن لا إراديا عن جهل و شعننة و خلاص.

سؤال لم يستوقف أحدا من العاقلين منكم: إيه إللى ما خلاش السواق يطلع الرخصة من الأول أساسا لو هه شريف كدة؟

مطر الشتاء said...

ثورة أونطه عايزين عيالنا ثورة أونطه عايزين عيالنا.

مطر الشتاء said...

ثورة أونطه عايزين عيالنا ثورة أونطه عايزين عيالنا

jessyqeen said...

نوارة انتي اتجننتي ولا اية برتاحة شوية
انتي بتفكري ازاي
هما لو الشرطة دي شلناهم هيقعدوا يعيطوا في بيتهم مثلا
لا طبعا هيعملوا عصابات مسلحة وهيخلوا البلد خرابة وهينتقموا مننا كلنا
فوقي كدة وافهمي
دول زي الحيوان المفترس لازم نروضه

مطر الشتاء said...

ثورة أونطه عايزين عيالنا ثورة أونطه عايزين عيالنا

BestItalianPizza said...

يا نوارة .. اعرف عدوك .. نحن نتعامل مع اجهزة مخابرات فى غاية من الذكاء .. و اجهزة توجيه معنوى و توجيه جماهير .. و عدوما يملك العديد من الأسلحة و الحيل التى لا اول لها و لا اخر ربما .. و علينا ان نتحرك على نفس القدر من الذكاء .. ضعى امامك صورتين .. واحدة للثورة و احلامنا .. وواحدة للوضع الحالى .. و اسألى نفسك .. هل هناك اى علاقة بين الصورتين .. الإجابة لأ .. طيب كيف وصلنا الى هذه الحالة .. ستجدين حشد من الأسباب التى لا اول لها و لا اخر من الأعذار المحتلفة .. و النتيجة صورة لا علاقة لها بالصورة الأصلية .. مبارك مهربشى .. لأنه عارف و متأكد انه لا يمس .. و عارف و متأكد انه سلم البلاد لأيد صديقة لم و لن تغدر به و لا تستطيع ان تغدر به .. عدم وجود امن فى الشارع مقصود و سبق ان نوهت به .. و الآن واحدة صديقتك اكدت الخبر .. يؤسفنى انك تعترضين على فكرة المجلس الرئاسى .. معلشى بكرة الأيام و الليالى تقنعك بيها .. و يؤسفنى انه تم شق الصف و ارهاب الثورة من المطالبة بعزل المجلس عن حكم البلاد و اسليمها للمدنيين .. عايز اقول ان تأجيل المواجهة .. لن يمنع حدوث المواجهة فى يوم ما .. لقد تم تسليم البلد و الثورة لقوة تقتنص البلد منذ 60 عاما .. و هم لم و لن يتنازلون عن هذا الملك ( ملك مصر ) على رأيك بسهولة .. هم فقط يعيدون اخراج الفيلم .. علشان الفيلم بقى قديم قوى .. و الناس زهقت منه .. فهم يعيدون اخراجه بثوب جديد لنفس المؤلف .. و نفس المحرج و نفس الممثلين .. و العسكر اعتبروا ان مصر غنيمة ملك خالص لهم من عام 1952 .. و لديهم السلاح للحفاظ على حكمهم .. و هم لا يستخدمون السلاح الآن .. و لكن يستخدمون الخداع و الحيلة .. لكن لو فشل الخداع و الحيلة .. ممكن جدا يلجأوا للسلاح .. زى ليبيا و سوريا و اليمن .. حيفضلوا يلاعبوكوا بالفتن الطائفية و الإخوان المسلمين .. و التسرب النووى .. و شق الصف .. و الإيقاع بينكم .. و الأمن المفقود.. و يستفزوكوا بالأمن .. و مخاكمات النظام .. و حيلعبوا على عواطفكم و مشاعركم للصبح ..و لسة ياما حيل .. السكة طوييييييييييلة فين احنا و الإنتخابات و الدستور و الإنتخابات الرئاسية .. و شوية شوية حنلاقى نفسنا على حجر عمو ثانى .. افتكرى الكلام ده يا نوارة .. و ابقى قوليلى انى مش فاهم حاجة فى الدنيا لو لم يحدث هذا حرفيا .. و سلميلى على عم احمد

بهيج الشرير said...

والنبي ياأبلتي أنا عندي إقتراح! إيه رأييك نطلع على بيت الظابط الخول ده وننيك كل واحد وواحدة في بيته هناك ونصورهم، وبعدين ندي السديهات للواد إبن المخبولة مرضعة مكسور، زعيم قبائل البورنو والسيديهات الطازجة، علشان يرفع قضية دعارة وتعريص على الظابط الخول ده هو وعيلته

BestItalianPizza said...

التوريث حصل يا نوارة .. المجلس ورثنا من حسنى مبارك .. قبل كده السادات الله يرحمة ورثنا من عبد الناصر .. و بعدين مبارك ورثنا من السادات .. و بعدين المجلس ورثنا من مبارك .. كلهم عسكريين زى مانتى شايفة .. حسنى لما يعوز يمشى .. ما يمشى .. ليه سلمها للجيش ؟؟ ليه ما سلمهاش لرئيس المحكمة الدستورية العليا حسب القانون .. أو لرئيس الوزراء .. مش هو سلمها لرئيس الوزراء لما كان بيعمل العملية .. لأن العسكر بيعتبروا انفسهم ملاك هذه البلد .. و حسنى معتبر ان استلم هذه البلد من العسكر .. و هو مجرد واجهة قانونية لملكية العسكر .. فلما يمشى يرجع الملك لأصحابه .. ليه العسكر بقولوا انهم حيسلموا البلد لرئيس منتخب .. طيب ما يسلموها من دلوقتى .. يا ستى على الأقل يشركوا المدنيين فى اتخاذ القرار .. و ده لا اقصد به الحمار الوطنى طبعا .. لأ .. طبعا .. هذه برباجندا .. طالما العسكر حساسين و مش مستحملين النقد .. طيب تصدوا للأمر ليه اساسا .. يعنى حيسلموا البلد للمدنيين بس مش عايزين نقد للطريقة التى سيتم بها هذا .. عجيب صحيح يعنى .. اننا نضع شبكة معقدة من التبريرات لنصل الى صورة فى غاية الشذوذ و هى الصورة التى نحن عليها الآن ..

DIY CNC said...

سلميلى على ابوكى يانوارة
بجد والله ان بسلم على ابوكى عم احمد ابو الرجالةالى عرف يخلف

DIY CNC said...

ومعلش دى كمان فوق البيعة
http://elbadil.net/%D8%A7%D9%84%D9%86%D9%8A%D8%A7%D8%A8%D8%A9-%D8%AA%D8%AA%D9%87%D9%85-%D8%B6%D8%A7%D8%A8%D8%B7-%D8%A7%D9%84%D8%A5%D8%B3%D9%83%D9%86%D8%AF%D8%B1%D9%8A%D8%A9-%D8%A7%D9%84%D8%B0%D9%8A-%D9%81%D9%82%D8%A3/

عمر حسن said...

لازم نوقف وقفة مع الي بيحصل ده
دم الشعب .....خط احمر
وعمرنا مهنسكت تاني ع الي بيحصل ده
والا احنا الي هنلبس الطرح

Unknown said...

هل تفكر معي أين الثعلب؟ ليس سؤالاً أستنكارياً لأنني أنا نفسي (والله العظيم) لا أعرفه.
تابعني عن رأس الذئب الطائر في العصفورية
http://www.alasfouriah.blogspot.com
نوارة حنا كن قلقانين عليكي.

Alok Ray said...

المشكله ان اللجان الشعبيه تجاوزت فعلا ايام الثوره اكتر من تجاوز الشرطه ياعنى هنبقى كالمستجير من الرمضاء بالنار وبعديين الدعم الشعبى فى الشارع لاى تحرك اليوميين دول صفر ياعنى الناس فعلا قالبه وبتقول دى فوضى مش ثوره ياعنى من الاخر لو اتضرب نار حى على المتظاهريين الناس هتقول احسن ويستهلوا بدل ماتنضملهم وبعديين شهاده الظابط الى انت بتقولى عليه دى مش حجه وخاصه ان انا شايف الشرطه العاديه فى كل حته وبتتحرك فعلا وعمر الشرطه ما سلزكها هيتغير فى يوم ولا سنه ولا حتى 10 سنيين . بدل الخطه الكبيره دى خلى الطلبات احسن محاكمه الى قتلوا التلاته دول

hishamelmwafi said...

علمت «الشروق» أن عددا من قيادات القوات المسلحة، التقوا ظهر الأربعاء الماضى بممثلى ما يسمى ائتلاف مجلس قيادة الثورة المصرية، فى مقر أكاديمية ناصر العسكرية، قبل انطلاق أولى جلسات الحوار بين المجلس العسكرى وشباب الثورة فى مسرح الجلاء مساء ذات اليوم.


ووصف محمد عباس، العضو المؤسس بالائتلاف، اللقاء بأنه «كان مثمرا للغاية، حيث اطلع ممثلى ائتلاف مجلس قيادة الثورة على وثائق تؤكد تعرض البلاد لمؤامرة من أطراف داخلية وخارجية».

وأكد عباس فى تصريحات خاصة لـ«الشروق» أن هذه الوثائق تكشف عن عدة أهداف وهى: «الوقيعة بين الشعب والشرطة لإغراق البلاد فى الفوضى، والتأثير على الحالة الاقتصادية والاجتماعية، والوقيعة بين الأقباط والمسلمين لزعزعة استقرار البلاد، وإظهار مصر فى صورة سيئة توحى للعالم بوجود فتنة طائفية، وكذلك الوقيعة بين الشعب والجيش لمعاقبة القوات المسلحة على وقوفها إلى جانب الثورة وحمايتها، وأيضا التأثير على القوة العسكرية للدولة وإضعافها، والهدف النهائى من كل ما سبق هو تفتيت مصر إلى دويلات صغيرة (دولة نوبية فى الجنوب، وأخرى مسيحية فى الصعيد، وثالثة إسلامية فى شرق البلاد)، على أن يتم طرد الفلسطينيين من قطاع غزة إلى سيناء لتحدث حرب ثلاثية أطرافها مصر وفلسطين وإسرائيل،

ساعي الخير said...

اللهم صلي ع النبي

اللهم صلي ع النبي

حضرة جناب النوارة لا مؤاخذة يعني

لازلت في مدونة ساعي الخير لا أعرض

سوي تدوينة واحدة لأهميتها

و هي تتعلق بتطهير جهاز الشرطة

و الرقابة الشعبية

أسقاط النظام يجب أن يصاحبه بناء

نظام و إلا الأمور تبقي فوضي

زي ما قال أبو هاجر

بأختصار الموضوع عايز مطالبة واضحة

بالرقابة الشعبية الحرة

علي عمل الشرطة و المطالبة دي تيجي

بتقديمها للمجلس العسكري في طلب

مكتوب يقدمه أفراد أو جماعات أو

مظاهرات

لكن مظاهرات من غير مطلب واضح

و أسقاط نظام من غير بناء نظام

يعني فوضي

ممكن تكون خلاقة و ممكن تكون حراقة

ع الظلمة جميعاً

و لابد من حماية الشرطة و معاونتها

و مراقبتها في الوقت ذاته بالفكرة

المقترحة بأن يصدر المجلس الأعلي للقوات

المسلحة أو رئيس الوزراء بيانا ً

)
علي أن يضع لذلك القواعد المنظمة في

أسرع وقت ) يطلب فيه من شباب كل حي

و منطقة التطوع للخدمة العامة في أقسام الشرطة و الأطفاء كل في حيه و

منطقته _ لمدة من شهر إلي ثلاثة أشهر

_ و ذلك لأنشاء مجموعات دفاع مدني

تزاول العمل الشرطي من الضبط و

الأحضار و تنظيم المرور و تقديم

البيانات عن الحالة الأمنية تعمل تحت

أشراف رجال الشرطة و ذلك لخبرتهم

الأدارية و يكون لرجال الشرطة

الأشراف و التعريف بالمهام و كافة

الأجراءات الأدارية الأصيلة في عمل

الشرطة أو تقوم الشرطة بعملها في ظل

رقابة شعبية كقوة تعضدها و تراقبها

في الوقت ذاته و هي متطوعي الدفاع

المدني علي أن يكون لهم بطاقات رقمية

معتمدة و شارات واضحة كمدنيين و ليس

زياً خاصاً يميزهم عن رجال الشرطة و

ذلك في أطار تطبيع العلاقات مع الشرطة

و التعرف علي مجهوداتها و تقديم

الدعم لها في واجباتها و هو أيضاً يعبر

عن نوع من الرقابة الشعبية لعودة

الثقة و لرصد الأخطاء و تقديم مقترحات واقعية

لمشكلات العمل الشرطي الميداني

و المرتبطة بمشكلات القضاء

و بكده تبقي بتحمي المبادئ

الجديدة المطلوب تطبيقها و اللي يخش

قسم هيخاف ليه ما فيه ناس من الشعب

حواليه و برضه يكون فيه لجان من الجيش للرقابة

و لجنة قضائية للأصلاح السريع بين

الناس و الفصل في الحالات العاجلة لحين

تعديل القوانين الفاسدة اللتي هي

أساس النظام الفاسد

و أحب أكد أنه ما ينفعش نستحمي بميه وسخة

و أن محاكمة مبارك و أعوانه بقوانين

فاسدة عبارة عن مسرحية فاشلة و تضييع

حقوق الناس اللي ماتوا في سبيل نصرة الحق

مبارك مش هو النظام

النظام هو القوانين الفاسدة اللي

عايزين تحاكموه بيها

و هي مش هتجيب حق لحد


يارب نفهم و موفقين للخير

marwa said...

على فكرة معاكى حق جدااااااا فى موضوع الطبقه المتوسطه دة والدليل دلوقتى انهم شافوهم فى الثورة وافتكروا ان هما اللى عملوا الثورة وعلشان كدة الحكومه بتصالحهم وعملالهم مشروع اسكان على قد امكانياتهم واحنا نعض فى الأرض ونروح نترمى فى صفيحه زباله علشان نتجوز ونعيش ودة اذا حصل اصلا
عايزة اقولك ان الموضوع دة حارق ناس كتير والوضع كدة مش تمام خااااااااااالص وشكلها مش هترسى على خير ...ايه هما عاوزين لهم ثورة جياع بجد من اللى على حق ربنا
يلاااا سلام مؤقتا

احلام جوليا said...

في سؤال مهم عاوزة اسأله كمية العفو الي طالعين فيها اليومين دول وعمالين يطلعوا مساجين عفو لحسن السير والسلوك تفتكري وقتها دلوقت يعني لو اعتبرنا ان مساجين بالبلطجة او السرقة قعدوا لهم كم سنة وطلعوا حسن سير وسلوك ولقوا البلد مفيهاش شغل شريف ومفيش دولة وصحابهم ومعارفهم موجودين وشغالين شغل بلطجة الله ينور تفتكري حيعملوا ايه مع حساب انهم اصلا دي مهنتهم والايام دي فرصتهم وقعدوا في السجن كم سنة والسجن مدرسة يدخلها الحرامي الصغير يطلع منها حرامي كبير تفتكري يبقى ليه العفو في وقت مفيش دولة وفي انفلات امنى تفتكري العفو ده مقصود به زيادة الانفلات الامني طب ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ونفس الشئ زعيم حزب الجهاد اولاد الزمر صحيح قضوا العقوبة وكان لازم يطلعوا من زمان ومطلعوش بس تفتكري كان وقت طلوعهم بصرف النظر عن الجريمة ورايك الشخصي بالسادات كان وقت اتنين من اخطر الشخصيات تطرفا فكريا يخرجوا دلوقت طب كانوا استنوا سنة لما يبقى في دولة وبعدين طلعوهم يا سيدي مش يخرجوا كانهم ابطال ويزاولوا نشاط سياسي متطرف وواضح انهم غير نادمين على افكارهم السابقة ويبداوا بفكرهم المتطرف في وقت البلد بتعاني فيه من الفتنه مش دي تبقى سوء تخطيط ولا مؤامرة على مصر كلها

احلام جوليا said...

الانفلات الامني ووقوع الاقتصاد هم الي حيوقعوا الثورة من اساسها اسمعيني يا نواره من لا يملك قوته لا يملك حريته اذا كنت عاوزة تحققي مطالب الثورة حركوا عجلة الانتاج ووقفوا الامن على رجليه انا كنت معك في حادثة السائق بس سمعت في العاشرة مساء كلام مختلف عن ناس بتشهد ان الضابط مغلطش وان السائق تعدى عليه ولكن بفرض ان كلامك صح وهم كذابين خدي بالك سواقين المشاريع معظمهم كانوا من ايام المخلوع بيستقوا على الناس الى درجة لا تتصوريها ومن الممكن جدا يتعدوا على بعض او على سائق سيارة لامر تافه والان في الانفلات الامني ممكن قوي انهم يتعدوا على الضباط لان الدولة بلا هيبة بس في كل الاحوال محتاجين حكومة اقوى من كده مش حكومة طبطبة حكومة قوية

Amr Omar said...

نوارة أنا آسف اللي انتي كتباه ده مش منطقي ... موضوع جمعة ضـد الشرطة ده مش مطلوب في الوقت الحالي بأي شكل ... فكري بعقلك شوية

خليهم يدوروا على أي أسم تاني لكن ضـد الشرطة لا ... ممكن يكون تفعيل دورها الحقيقي هنكون كلنا معاكي و مع اي جد يقول كده ... لكن اللي بتقوليه ده مش عارف أوصفه بأيه !!!

Anonymous said...

خطة المجلس الجديدة هي عمل مئات الائتلافات التي تدعي تمثيلها للثورة علشان يخلي الناس تكره الثورة وائتلافات الثورة الحقيقية
الشروق نشرت خبر إن المجلس العسكري التقى بوفد من "مجلس قيادة الثورة"؟؟؟؟
أنا أول أعرف إن فيه حاجة اسمها مجلس قيادة الثورة عندنا
وبيكلموا عن مخطط لوزعي عن تقسيم مصر وإن الثورة هتقسم مصر لـ3 دول
المجلس بيستخدم نفس أسلوب مبارك في تخويف الناس

haroon said...

هو انت معملتيش ليه جمعة لاسقاط مملكة البلطجة ف مصر خصوصا انهم ارتكبوا جرايم بالهبل وقتلوا واغتصبوا وسرقوا ونهبوا واتحرشوا وعملوا وبيعملوا وهيعملوا كل اللي نفسهم فيه خصوصا بعد سيادتك ما بتنادي باسقاط الداخلية زيادة ما هي ساقطة اصلا ...ولا لازم الحاجة اللي ننادي باسقاطها تكون تبع الحكومة يعني ...؟؟؟ انا مش مع اعتداء الشرطة علي ابرياء لكن نفسي ومني عيني اشوف البلطجية ف مصر مصلوبين ف عز النار ف ميدان عام لغاية ما يموتوا وتاكلهم كلاب الشوارع

haroon said...

إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الْآَخِرَةِ عَذَابٌ عَظِيمٌ (33) سورة المائدة
يجب أن يكون هذا جزاء الفاسدين من النظام السابق ومعهم البلطجية الذين روعوا المصريين ومازالوا ..

Ahmad Sadek said...

السلطة العسكرية الحاكمة تحتاج الى نفس جهاز البوليس الفاسد لتتمكن من حكم البلاد، كما كان الحال. لابد من تحييد جهاز البوليس، كشرط أساسي للانتصار في الصراع المقبل في مصر. تحييد جهاز البوليس يعني ان يقوم الشعب بقمعه، وتتولي مهمة الامن لجان شعبية.
اوراق للمناقشة: انظر الروابط
http://bit.ly/lXRQV0
هل هو انقلاب عسكري مزدوج؟
http://bit.ly/kkAx1W
هيكل، صانعا للملوك
http://bit.ly/m0nfQB
طبيعة دور طنطاوي وعنان
ثورة الملائكة - ثورة مصر 2011: هل هو انقلاب عسكري مزدوج؟
‎2011egyptrevolution.blogspot.com

د. هانى احمد said...

الاستاذ الدكتور اسامه.. انا معاك ان اغلب سواقين الميكرباص بلطجيه..بس عايز اسأل سؤال هو فى اروبا وامريكا مفيش بلطجيه.. وهل الشعب بينزل يقطع رقبتهم والبوليس يقف يتفرج على الناس وهى بتطبق قانونها الخاص على البلطجى.. طيب ليه الشرطه مبتعملش زى الافلام الامريكى.. لو سمحت رخصتك وايده على سلاحه ومعاه مسانده.. اذا لم يخرجها بيطلب منه الخروج من السياره ثم يقيده واذا قاوم يستخدم العنف المناسب معه.. مش عارف ليه احنا مختلفين

m/rezq said...

يا حاجة نواره المطلب بتاع ((تجميد عمل الداخلية)) دة متطرف قوى ومش هتلاقى علية اجماع ...خصوصا ان الناس اليومين دول دايقين الويل من البلطجيه وقطاع الطرق

wagdy elmasry said...

كل تصرفات نوارة بتدل علي حاجة واحدة تحالف مع الأخوان حتي وان شتمت فيهم يظهر وعدوها بكرسي الوزارة

lamiss said...

يا نواره انا مع كلامك الخاص بان القوي الوطنيه بقي ملهاش لازمه وبقي شكلها سخييف جدا ويضحك واغلبهم بانوا علي حقيقتهم ...وانا كمان مش عايزاهم زيك تمام بس مطالب الجمعه اللي جايه دي مش معقوله خالص يا نواره والله العظيم انا لغايه الجمعه27-5 كنت موافقه انما حكايه تجميد عمل الداخليه دي محدش حيوافقكم عليها خالص بالذات اللي مكوييين بنار البلطجه...وانتي نفسك قبل كده قلتي قبل جمعه من الجمع بلاش حكايه المجلس الرئاسي دي عشان معليهاش اجماع ..ارجوكي يا نواره رجاء من اخت ليكي احنا ممكن نقول اشراف قضائي كامل علي الداخليه او اعاده هيكله حقيقيه او او ...بس المطالب اللي انتي كاتباها دي حتخلي الناس اللي بتقول الثوره خربت البلد يقولك شفت بيقولوا ايه؟؟بلاش نضحك حد علينا يا نواره ارجوكي انتي بتقولي الاجماع مطلوب بس لا يمكن يحصل اجماع علي اللي انتي بتقوليه ده احنا ممكن نمسك صور اللي ماتوا واتعذبوا اخيرا دول ونقرف ابوهم مظاهرات للمطالبه بحقهم او علي الاقل تحقيق مستقل في اللي حصل لكن كلمكالب اللي انتي كاتباها دي محدش حيوافق عليها صدقيني..والناس بتلكك خلقه وانتي فاهماني طبعا .ومفيش دوله من غير شرطه بس ازاي وحقنا ناخده ازاي هوه ده اللي نتكلم فيه.ارجوووووكي راجعي موقفك شويه