Thursday 29 July 2010

ضرب عساكر لأأأأأا حاخرب بيتكوا

النهاردة في ندوة مسعد ابو فجر عرفت ان في محاكمة خالد سعيد فيه عيال ضربوا عساكر امن مركزي
حاخرب بيتكوا
حاخرب بيتكوا
حاخرب بيتكوا
قطع الايد اللي تتمد على عسكري.. عسكري؟ هو ناقصكوا؟ مش كفاية الامين بيضربه والظابط بيضربه وكل من هب ودب بيضربه؟ 
ماحدش يمد ايده على عسكري ابدا، لو معاك مية واكل تديهوله.. او هات له وظيفة احسن من اللي هو شغال فيها يلاقي ياكل ويشرب ويصرف على امه
دي قلة ادب دي
اضربوا المخبرين ماشي
لكن ما تضربوش العساكر ابداااااااااااااااااااا... حرام عليكم

Wednesday 28 July 2010

عاجل: النائب العام يصدر قرارا بالتحقيق مع الضباط المعتدين على أحمد دومة

راحت عليا نومة وقمت الساعة اتناشر ونص على ما اتمهمزت وشرب القهوة واخدت دوش ولبست كلمت خالد عبد الحميد قال لي ما تجيش حنفضها
وقال لي ان النائب العام اصدر قرار بالتحقيق مع الضباط اللي اتهمهم احمد دومة بالاعتداء عليه
اما دلوقت ففيه اجتماع للمحامين لبحث امكانية وقف تنفيذ الحكم
قولوا يا رب

Tuesday 27 July 2010

انا باحب زياد الرحباني قوي :)

في ظل الهطل المعمول على قضية فيروز وولاد منصور الرحباني
زياد الرحباني قال ان الحق حق، وولاد منصور لهم حق وياخدوه، وما معناه انا صحيح مش حاتخانق مع امي بس اقل حاجة على الاقل ما اتدخلش والقضاء ياخد مجراه
طب ليا حق احبه ولا لأ بقى؟ والنبي باحبه قوي
انما ايه اللي الناس عاملاه على موضوع فيروز ده؟ بجد يعني؟ مافيش اي موضوعية ولا عدالة خالص كده؟ منع فيروز منع فيروز.. حد منعها؟ ما تدفع للناس فلوسها.. وياترى كام في المية من المتضامنين رجالة من اللي ما بيتأثروش بالعاطفة وعندهم قدرة على الحكم وكام في المية ستات من اللي ما يصلحوش للقضاء عشان غير مؤهلات وعواطفهم بتأثر عليهم؟ 
طب انا ست اهو وشايفة ان ولاد منصور رحباني لهم حق ولازم ياخدوه، وزياد الرحباني راجل وشايف نفس الحكاية 
بس مش عارفة تامر حسني يتصنف ايه؟ عموما فيه واحد على التويتر كتب مقولة خالدة: 
لو كان تامر حسني رجلا لقتلته

قولوا يارب

يوم السبت 31 مستنيين الحكم في القضية اللي عبد الفتاح مراد رافعها على احمد سيف الاسلام وجمال عيد وعمرو غربية
قولوا يارب.. وقولوا حسبي الله ونعم الوكيل
تفاصيل القضية هنا

Sunday 25 July 2010

قولوا لابوها ان كان جعان يتعشىىىىى

لولولولولولولولوييييييييييييييييييي
منصورييييين وشمعتنا قااااايدة، قطع لسان اللي يجيب سيرة هيثم بكلمة.. الداية كشفت على هيثم وطلع عذراء الربيع
وعبد الرحمن على التويتر عمل له تاج:
haithamisvirgin
قال وميدو يقول ده مخروم ميت خرم... الناس نازلة خوض في اعراض الجدارات كده من غير بينة كل الحكاية ان الغزاوية كان عينهم من الجدار، قام الجدار قلبهم قاموا مشيوا في كل حتة يقولوا عليه انه ماشي معاهم ومش راضي يتجوزهم
وعموما المية تكدب الغطاس، لو هيثم مش سليم يبقى لازم الغزاوية يصلحوا غلطتهم
وطبعا مش حيقدروا لانهم ما يقدروش على مهره، وبكرة نجوزه سيد سيدهم بعد الداية اكدت لنا ان صاغ سليم

Saturday 24 July 2010

واجبي القومي يحتم عليا تحذير كل الشيباب

لسه قافلة التليفون مع واحد صاحبي واستأذنته ان احكي الحكاية مدام من غير اسماء وحتى لو قلت اسمه الاولاني ماحدش حيعرفه لانه من وسط تاني غير وسط التدوين، المهم، طبعا انا مسحت بيه البلاط، ثم نصحته، ثم عمل بنصيحتي، ثم جابت نتيجة والحمد لله وربنا ستر
الحكاية وما فيها ان الافندي مصاحب بنت زي الفل، حلو كده؟ راح زيه زي اي شاب مصري طفس الساحل الشمالي مع صحابه ومعاهم فتيات شريفات عفيفات
اولا سافر الساحل من غير ما يقولها عشان عامل عملة
ثانيا واخد بنات
ثالثا وهي الغلطة الاكبر قعدت تتصل بيه طول اليومين والافندي عشان عامل عملة ايه اللي حصل؟ ما بيردش.. الحمار ما بيردش
رابعا بعد ما راحت السكرة وجات الفكرة اكتشف انه عمل عملة سودا انه ما ردش عليها، قام الجبان خايف يتصل بيها لتنفجر في وشه
طيب يا فتح الله ما اتصلتش بيها ليه حتى تنقذ ما يمكن انقاذه؟
قال لي سايبها تهدا
انا مش فاهمة هم كل الرجالة اغبيا كده ليه؟
نداء انساني الى كل اصحاب القلوب الرحيمة: ما تسيبوش الستات تهدا ابدااااااااااااااااااااااااا
اوسخ حاجة ممكن تعملها في حياتك انك تسيبها تهدا
لانها مش بتهدا، كل ساعة بتعدي عليها وانت عامل عملة ومش بتكلمها بتكبر الموضوع وخيالها بيشتغل: واه طبعا، تلاقيه قاعد مبسوط دلوقت مع صحابه، يا سلام؟ للدرجة دي ولا على باله؟ هو ما صدق وللا ايه؟ طبعا تلاقيه مع الاشكال اللي بيلمها من الشوارع
(مش محتاجين نشرح ان اي بنت انت تعرفها حتى لو اختك في الفترة دي هي واحدة من الشارع طبعا)
طب ليه كده الغباوة دي؟ ليه؟
طاب طاب... من غير تقطيم.. وبما اني عارفة ان المرض ده مستشري بين الرجالة المصريين بالتحديد، كام نصيحة كده حطها حلقة في ودنك الله يخليك واسمع كلامي وعلى ضمانتي وشيل لي اني طلعت اسرار العائلة النسوية برة والستات حيشرحوني على اللي حاقوله ده بس برضه انتوا مالكوش اخوات صبيان؟
1- تحت اي ظرف مافيش حاجة اسمها ما تردش عليها، حتى لو عارف انها بتتصل بيك عشان تشتمك
وماله؟ اسمع الصرختين والشتيمتين وانت ساكت، وبعدين قول لها طب ممكن نتقابل عشان نتفاهم؟ وخلاص كده الموضوع خلص انتهينا
التبعات اللي حتحصل لك على اثر الرد على تليفونها وانت عامل عملة اخف بكتيييييييييييييييير من المصايب اللي حتحصل لك لما ما تردش عليها
بجد حتكهرهك بعد شوية.. انا باتكلم بامانة
2- تحت اي ظرف ومهما تكون عملتك سودا، ما تجيش تكحلها تعميها، ما تنيمهاش زعلانة ابدا، مافيش حاجة اسمها سايبها تهدا، ما بتهداااااااااااااااااااااااااااااااش ما بتهداااااااااااااااااااااااااااااااااااااااااااااااااااااااش بتتجنن اكتر ومش بقى كل يوم بيعدي بتتجنن اكتر، ده في الاول كل تلات ساعات، بعدها كل ساعة، بعدها بشوية كل نص ساعة وهكذا دواليب لحد ما تبقى في حالة هيستيريا وخلاص انسى بقى
مافيش جريمة شنعاء نكراء ممكن ترتكب في حق اي واحدة قد الاهمال والتجاهل، شوف، ولا الخيانة حتى، ايوة ايوة، انت خايف ترد او سايبها تهدا، هي ما بتبصلهاش كده، هي شايفاها اهمال وتجاهل وولا على بالك وبتتصرمح مع الاشكال اللي بتعرفها 
وكل ما الوقت بيمر كل ما بتحس انك بتقولها انت صرصارة ولا تسوي... حتئذيك
تعمل ايه؟ الحاجة الوحيدة اللي تخليها تهدا انك في اليوم اللي عملت فيه العملة السودا تفضل تتصل بيها تتصل بيها تتصل بيها وتزن تزن تزن، وكل ما زنيت اكتر كل ما هي كده بتهدا اكتر، ويا سلام بقى لو تبدع، بتاع عشرين ميسد كول على سبعتاشر رسالة (حل الكيس شوية بلاش دناوة) على تسع ميلات، على تتصل بيها من تليفونات ما تعرفهاش، استموات بقى
طبعا في الاخر حترد عليك.. خلاص كده المشكلة اتحلت، مش مهم ردت قالت ايه؟ حتى لو ردت وقالت لك انا مش قلت لك ما تتصلش بيا تاني؟ خلاص مش حينفع الموضوع، انا مش عايزة اشوفك..إلخ إلخ إلخ، مش مهم بتقول ايه؟ المهم انها ردت
حترد عليها الرد المعتاد: طب ممكن اشوفك ونتفاهم؟
وياسلام يا سلام لو في نفس اليوم اللي اتقفشت فيه تروح لها تحت البيت.. خلاص كده وفرت على نفسك كتير
3- مافيش حاجة اسمها: دي غلبانة والقطة تاكل عشاها، او دي عيلة ما تعرفش حاجة، احم... انا مضطرة اقول ان الستات مفطورين على الاذية، مش القاعدة انها ماشية تئذي عمال على بطال، بس لو ضايقتها قوي وحسستها انها صرصارة انت كده بتستحث جين الاذية فيها وبتضطرها تفهمك انها مش صرصارة وان انت اللي صرصار، والله لو عيلة عندها خمستاشر سنة، وتجاهلتها واهملتها حترقد لك وتمشيك بعد كده تكلم نفسك وحتعرف ازاي تئذيك، مافيش موديل للاذية طبعا كل شيخ وله طريقته، بس الحقيقة العلمية ان كل الستات مؤذية قوي لما تحب تئذي
طب ليه الغباوة دي؟ ما تخليك حلو
طب ده انا باشوف رجالة صيع والله العظيم، يبقى لازق البت على قفاها وملبسها السلطانية وهو اللي سايبها كمان وغادر بيها وهي عاملة زي القطة السيامي معاه... ما تسألوهم العيال دي بتعمل ايه؟ عارف بيعمل ايه؟ مش بيهملها حتى وهو بيسيبها مش بيحسسها انها مهملة ولا مش مهمة ولا مش على باله ولا متجاهلها، ويقعد يستموت كده، ومهما تعمل فيه يفضل ساكت، وتقول له انزل دلوقت - وهم سايبين بعض - ينزل، وتتصل تشتمه يقعد يسمع ولو اتصلت خمسين مرة يرد وهي مش بتضيف يعني بتشتم برضه.. خلاص شوية وفعلا حتخلص اللي عندها وتهدا وتبقى ميت فل وسبعتاشر وكده اتقيت شرها بدل ما تحطك في دماغها وفجأة تبقى مش عارف الضربات جاية لك منين، وكله حيبقى من تحت لتحت ومش حتعرف تمسك عليها حاجة وتمشي تكلم نفسك يا ولداه
الا هل بلغت؟ اللهم فاشهد... انا برضه عندي ولايا رجالة وما يهونش عليا
ربنا يستر على البهدلة اللي حاشوفها من البنات على الاسرار اللي طلعتها دي

ما بين سيد البدوي والبرادعي

البرادعي ينزل بالبيان
سيد البدوي ينزل بكل رموز البلد بما فيهم ابويا
البرادعي ينزل بالاخوان
سيد البدوي يدعو الناصريين للانضمام ويقول انه حيلغي معاهدة السلام مع اسرائيل
عارفين عيلتين الصعايدة اللي بينهم تار وبنوا كل عيلة جامع قصاد بعض وبقوا داخلين منافسة عشان يلموا المصلين:
- الثواب في كل الجوامع بعشرة عندنا بعشرين
- صلي الضهر وخد العصر هدية
- ادخل الجامع بشبشب واخرج بجزمة
لحد ما في الاخر عيلة منهم وقفت تصقف بالشباشب: 
من غير وضووووء من غير وضووووووء... كل حاجة عندنا من غير وضوء
وكسة عليهم هم الاتنين... ووكسة على اللي قاعدين يتفرجوا عليهم.. ووكسة على اللي عندهم حاجة يعملوها ومش بيعملوها.. ووكسة على اللي بيعمل شغل على الارض ومش عارف يسوق نفسه للناس
ووكسة على البلد كلها جتكوا نيلة
ووكسة على الرفيقة الدادا ام عطيات الشغالة والحب في زمن الكوليرا جاتكوا نيييييييلة... ما تهزوا المؤخرة شوية واتحركوا  وبطلوا تتخانقوا مع بعض ومقسومين ستين حتة وانتوا كلكوا على بعضكوا خمستاشر واحد وقاعدين بتشتغلوا بآليات  متربة وعفى عليها الزمن من ايام البوليس السياسي يا اخي طب غيروا تسريحة شعركوا وقمصانكوا الكاروهات طيب الواحد كل ما يبص لكوا يحس انكوا خارجين من دولاب الفضية بتاع جدتي.. وقولوا كلام يتفهم.. انتوا بتقولوا ايه اساسا؟ 
ووكسة على الاقباط خنقوني، كل ما واحدة تدب خناقة مع جوزها يعملوا مظاهرة على اساس ان كل مطالبهم تنحصر في الوفاق الاسري، مدام كل مرا متستتة في بيتها مالهمش دعوة بالبلد انشالله تولع باللي فيها
ووكسة على الاخوان اللي عاملين زي اللي متقدم لها تلات عرسان ومقررة تقرا فاتحتها على ده، وتغمز لده من الشباك، وتدي ميسد كول للتالت كل يومين واخرتها التلاتة حيطفشوا منها وحتعنس وحيعشوا كمان تمانين سنة تانيين يوزعوا وجبات
وكملت بسيتي ستارز بتاع البرادعي ونايل سيتي بتاع الوفد دول كمان وكل واحد فيهم معلق اللمض ومشغل تامر حسني
لالالالالالا خنقة خنقة خنقة فعلا

Friday 23 July 2010

سيد قطب يكتب قبل ثورة يوليو بثمانية أشهر ونصف: أيها البشوات لا تتمسحوا بالإسلام


أمي لقت في ورقها اللي كانت بتشيله وهي عندها 14 سنة جرنال "مصر الفتاة: لسان الاشتراكية" السعر 15 مليما، عدد الاحد 9 ديسمبر 1951 مقال لسيد قطب، عنوانه أيها البشوات لا تتمسحوا بالإسلام
امي اصلها كانت بسم الله ما شاء الله نبيهة ومتسأفة وعاملة كراسة وهي 14 سنة كاتبها فيها: دوسيه يجمع الحالة السياسية وتطوراتها في عهد النحاس باشا. حصوة في عين اللي ما يصلي ع النبي.. ده انا في السن ده كنت باجمع شرايط حميد الشاعري
مهدى إلى كل من يترحموا على ما قبل الثورة:
أيها البشوات: لا تتمسحوا بالإسلام
بقلم: سيد قطب
وقف سعادة عبد السلام الشاذلي في مجلس الشيوخ يخوف من صراع الطبقات، ويحذر ممن يطلبون العدالة الاجتماعية للكادحين. ولم يشأ "الباشا" أن يحتمي بالقوانين الحاضرة الموضوعة لحماية تلك الأوضاع الاجتماعية التي تحول ملايين الكادحين إلى حطام آدمي جائع مريض جاهل، كي يستطيع عشرات من السادة أن يستمتعوا ويفجروا ويسكروا ويعيشوا عيشة المهراجات!
لم يشأ سعادته أن يحتمي بهذه القوانين.. وفيها الكفاية فوق الكفاية.. إنما أراد أن يتمسح بالإسلام، وأن يلبس الأوضاع الحاضرة مسوح الإسلام! فأي إسلام هذا الذي يحمي للباشا أوضاعه الاجتماعية التي تحول الملايين من الكادحين حطاما آدميا وفتاتا؟
أي إسلام هذا الذي يسمح بالترف والفجور والميسر والفاحشة والربا والاستغلال والفساد؟
أي إسلام هذا الذي يبيح استنزاف دماء الفلاحين والعمال لتقطيرها رحيقا في كؤوس السكارى، وتجميدها يواقيت في نحور الغواني؟
إن الإسلام ليصرخ في وجه الإقطاع الفاجر ووجه الرأسمالية الظالمة وإن الإسلام ليلعن تلك الأوضاع التي تفرق الناس: أقلية مستغلة تملك كل شيء، وغالبية محرومة لا تملك شيئا.
إن الإسلام يقر التفاوت بين الناس. لكن أي تفاوت؟ إنه التفاوت القائم على الامتياز في الجهد والامتياز في العمل والامتياز في المشقة. أما الأوضاع التي يدافع عنها سعادة الباشا، فهي الأوضاع التي تحرم الكادحين وتعطي القاعدين .. ولو حكم الإسلام في الأمر لوزع الأرزاق على هذا الأساس الذي لا يعترف الإسلام بأي قاعدة سواه! (اوبااااااا سيد قطب بيتكلم عن ديكتاتورية البروليتاريا)
وما لكم أنتم وما للإسلام يا سيدي؟ ما الذي تعرفونه من الإسلام وما الذي تنفذونه؟ وأي شيء في هذا المجتمع الذي نعيش فيه يمت إلى الإسلام بصلة من قريب أو بعيد؟
ألا تتذكرون الإسلام يا سيدي إلا حين تفترون عليه بالباطل؟ ألا تعرفون الإسلام إلا حين تتمسحون به لتلتمسوا عنده النجاة؟
إن الإسلام حركة تحريرية كبرى، لا تطيق ظالما ولا هضما، ولقد اكتسح في طريقه يوم جاء أوضاعا كأوضاعكم، وتقاليد كتقاليدكم، ومجتمعات كمجتمعاتكم، وأقام في مكانها مجتمعا عادلا فاضلا، لا يتعامل بالربا، ولا يسمح بالاحتكار. ولا يظلم الكادحين ولا يمالئ المستغلين. ولا يقاوم شيئا كما يقاوم الترف. ولا يحطم شيئا كما يحطم الاستبداد. ولا يقدس أحدا كما يقدس العامل، ولا يحترم شيئا كما يحترم العمل.
إن الإسلام يا سيدي هو الذي يقول: "وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا." والإسلام يا سيدي هو الذي يقول: إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي. والإسلام يا سيدي هو الذي يبيح للدولة أن تأخذ من الأغنياء فضول أموالهم فتردها على الفقراء.
وهو الذي يمنح العامل نصف الغلة. وهو الذي يعطي الدولة الحق في أن تأخذ من أموال الأغنياء كل ما متحتاج إليه - بلا قيد أو شرط - لنفقات الدفاع ورواتب الجند في فترات الجهاد - وها نحن أولا، في خضم الجهاد! هذا هو الاإسلام - فأين أنتم من الإسلام؟
والإسلام يا سيدي هو الذي يقول: "لا تجد قوما يؤمنون بالله واليوم الآخر يوادون من حاد الله ورسوله، ولو كانوا آباءهم أو أبناءهم أو إخوانهم أو عشيرتهم." وهو الذي يقول: "إنما ينهاكم الله عن الذين قاتلوكم في الدين وأخرجوكم من دياركم، وظاهروا على إخراجكم أن تولوهم ومن يتولهم منكم فأولئك هم الظالمون"
وها نحن أولا: نواجه أعداءنا وأعداء الإسلام وأعداء كل دين من الأديان. فمن الذي يواد هؤلاء الأعداء؟ من الذي يلعب معهم البولو والبريدج؟ من الذي يجلس إليهم في النوادي والمجتمعات؟ من الذي يعقد معهم المعاهدات والصفقات؟ من الذي يمدهم بالمؤمن والخدمات؟
(ايه ده برضه؟ وبيدوهم غاز؟)
إنه ليس الشعب يا سيدي. إنهم ليسوا الكادحين الفقراء. إنما هم أنتم، أنتم الباشوات العظام! أنتم الذين تتهمون الفدائيين بأنهم قطاع الطريق، وتتهمون المدافعين عن الكادحين بأنهم يثيرون الفتنة!
نحن لا نريد الفتنة يا سيدي. إنما نريد تقوية الجبهة الداخلية نريد أن يشعر الذين يموتون في ميادين الجهاد أن لهم في هذا الوطن شيئا، أن هذا الوطن يعترف بوجودهم. أن لهم أو لأهاليهم شيئا من الضمانات.
نحن نريد أن نطفئ الأحقاد التي يثيرها الترف في نفوس المحرومين. وأن نمسح الضغائن التي يثيرها الغبن في نفوس المغبونين.
نحن نريد أن ينصرف الجميع إلى كفاح العدو الواحد الذي تسبغون عليه حمايتكم، وتدفعون عنه الفدائيين الذين يضحون بدمائهم بينما أنتم تضنون بالأموال، وتتشدقون بالأقوال!
نحن نريد أن نطهركم من الآثام، ونطهركم من الأدران. نطهركم على طريقة الإسلام الذي يقول: خذ من أموالهم صدقة تطهرهم وتزكيهم بها. أما أنتم فتريدون الكفاح فرصة للسكوت عن آثامكم وتريدون الإسلام ستارا لأوضاعكم.
يا سعادة الشاذلي باشا .. يا باشوات مصر جميعا .. مكانكم! لا تتمسحوا بالإسلام. فالإسلام يمسي ويصبح وهو يصرخ في وجوهكم، ووجوه الأوضاع.
سيد قطب.
-------------
انتهى المقال
تعليقي على المقال:
قلبي قلبي قلبي...
أولا:
أشكر أمي وابوس ايديها ورجليها، لانها هي اللي قعدت تنضف الصناديق وانا ما ساعدتهاش، قالت لي المقال على المكتب روحي اقريه وانا قعدت اغلس عليها، رحت اخدت المقال بتسألني رديت عليها برخامة... مش متربية أنا مش متربية خالص يعني واصلا ولا كنت احلم ان يبقى لي ام زي دي اساسا عشان اتآلط عليها كده.. بس هو كده، ربنا خلق الامهات عشان يكفر سيئاتهم اول باول، وربنا ما يحرمنيش منها ابدا ويديمها عليا نعمة
ثانيا:
يلاحظ أن الشهيد سيد قطب بيتكلم عن الأوضاع سنة 51 كأنها دلوقت، في كل حاجة، الظلم الاجتماعي، السرقة، العمالة للاحتلال، التمسح بالاسلام، الفساد، كله كله كله، بالسنتي والمللي والتنتوفة
والمقال قبل الثورة بتمن شهور.. ومن العيب وقلة الادب انكار ان مفكرين زي سيد قطب هم اللي عبدوا الطريق بأفكارهم لقيام الثورة، ثم قامت الثورة ونفذت كتير من اللي مكتوب في المقال ثم عدنا من حيث بدأنا عدنا من حيث بدأنا
ثالثا:
أسلوب كتابة سيد قطب في الصحف يختلف عن أسلوبه في الكتب، يعني اسلوبه كاجوال اكتر وفيه لجوء للعامية في بعض الاحيان
رابعا:
برج الميزان زيي وشرشوح بقى والظاهر سمع كلام الباشا اصابته لوثة من اللي بتصيبني بقى مش عارف يشتمه يقول له ايه.. كان ناقص يقول له روح لم امك من الكلوبات
خامسا:
ده في عهد النحاس باشا... فترة حكم حزب الوفد اللي طالع لنا في المقدر جديد.. والنبي لك بلاوي يا حزب الوفد
سادسا:
يذكر أن الاخوان المسلمين بيستخدموا كلمة "الشهيد سيد قطب" ولو الشهيد سيد قطب عايش وشاف برنامجهم الانتخابي وافكارهم الاقتصادية كان مات بالسكتة القلبية، فين افكار الاخوان دلوقت من الافكار دي؟ ما هو يا يسيبوا سيد قطب في حاله، يا اما يسمعوا كلامه
سابعا:
يذكر أن الرئيس عبد الناصر اللي المفروض انه مؤمن بكل حرف مكتوب في المقال ده هو اللي اعدم سيد قطب، ازاي ما اعرفش... يعني تخيل مثلا البرادعي بعد ما يبقى رئيس يعدم ابراهيم عيسى
ثامنا:
يذكر أن الفدائيين كان اسمهم قطاع طرق زي ما اسمهم ارهابيين دلوقت
تاسعا:
يذكر ان سيد قطب لا يذكر بخير في ام البلد دي اللي ما بيطمرش فيها خير ابدا وبتحب سعد زغلول والنحاس والخديوي اللي قتل 120 الف في حفر قناة السويس وبتكره سيد قطب وبتقول عليه تكفيري مع انه ما كلش حاجة ولا شرب عليها مية، ولا بقى وزير ولا غفير واتجازى بالاعدام ثم بالسب واللعن والشتم ومسح فيه كل مصايب الكون
عاشرا:
يذكر ان مافيش امل على فكرة... وان اسم الشاذلي ده واضح انه اسم نحس، واذا كان واحد زي ده اخد جزاء سنمار من البلد دي يبقى غطيني يا صفية
حادي عشر:
دي صورة المقال عشان انا عارفة ان الناس مش حتصدق ان سيد قطب هو اللي كاتب الكلام ده، امي اللي واخدة السكان وباعتاهولي بالميل
اجره عند الله... مش عند البشر

ثاني عشر:
يذكر أن تعليق امي: كتبنا وما كتبنا ويا خسارة ما كتبنا كتبنا ميت مكتوب لهلق ما جاوبنا
رابع عشر:
انا مدينة للمنايفة بالاعتذار، حيث ان الندالة وقلة الاصل ونكران الجميل طبع مصري، مش منوفي، بس احنا اللي رمينا بلانا عليهم

كل سنة وانتوا طيبين

بمناسبة ثورة يوليو، المهم اني عندي شغل النهاردة وبكرة ويوم الاحد عندي اجازة، انا كده حيتحسب لي شغل في الاجازة وللا ايه؟ 
احب اسجل للتاريخ ان نتائج هزيمة 67 ثم انقلاب 15 مايو ثم اتفاقية السلام ثم مبارك وابداعاته المتفردة ان الناس دلوقت بتشكر في ايام الملك، مع انه والله العظيم كان فاسد وظالم وطين وقطران... بس الظاهر اتدهولت زيادة
لو الثورة اللي احنا بنحلم بيها حتقوم عشان بعد تمانية وخمسين سنة احفادنا يطلعوا يشكروا في ايام مبارك يبقى بلاها ثورة ابوس ايديكوا
مش طالبة خالص
شفتوا حلقة ابراهيم عيسى بتاعة رد انجي؟ رااااااااااااااااااااااائعة بكل المقاييس
يارب مصر كلها تكون شافتها عشان يرحمونا بقى من الهذيان بتاعهم

Wednesday 21 July 2010

يا سمين فيصل - إنسانة، في المصري اليوم :)

البتش ياسمين فيصل صاحبة مدونة انسانة وصاحبة الاكاونت ده على التويتر اللي ليل نهار تكلمنا عن غسيل المواعين لما عصبت البتش فاطنة اتنشرت لها مقال في المصري اليوم
هييييييييييييييييييييييييييييييييييييييييييييييييييييييييييييييييييه
بس نسيت اسألها حيفضلوا ينشروا لها على طول وللا ايه؟ المهم يعني
حلو قوي  

Friday 16 July 2010

وقفة احتجاجية في ذكرى أربعين خالد سعيد

مظاهرة شعبية لحركة "كفاية"

في ذكرى الأربعين للشهيد خالد سعيد



كفاية تعذيب ... كفاية طواريء

تدعوكم الحركة المصرية من أجل التغيير "كفاية" للمشاركة في التظاهرة الشعبية التي ستنظمها في ذكرى الأربعين للشهيد خالد الأحد 18 -7-2010 أمام دار القضاء العالي في الساعة الخامسة مساءا

شاركنا في المطالبة بالقصاص من قتلة خالد سعيد

شاركنا في المطالبة باسقاط قانون الطورايء

الاحد 18-7-2010

أمام دار القضاء العالي

الساعة 5 م

Thursday 15 July 2010

انا اتمرمطت

كرامتي كرامتي كرامتي كرامتي كرامتي كرامتيييي يا لهوتيييييييييييييييييييييييييي
انا انمرمنط
انمرمنط وانبهدلت وكرامتي انبعترت وبرستيجي انبعزق وانمسح بيا البلاط
اه يانا، اه يا كرامتي اللي واجعاني ياني.. يا عيني عليا، يا حرام، انا صعبانة عليا قوي، يا غلبانة يا انا
اصلي مش حاعرف اخد حقي.. ما حاولتش اخد حقي ومش حاعرف اخد حقي
ليه؟ عشان ام النضال على ام المبادئ وحاتفها تنزل في عبي واراذل الناس حتشمت
اه يانا يانا يانا
بس... ماحدش يسألني فيه ايه؟ انا بافضفض بس مش حاحكي حاجة
مافيش غير جمال عيد حبيب قلبي اللي جبر خاطري وعالجني ورفع من روحي المعدنية وفهمني اني ست الناس بعد المرمنطة اللي انمرمطها لولاه كنت ولعت في نفسي
دي تاني مرة في حياتي اعمل خير واحس اني عايزة اشفطه او الحسه، انا اصلا اعمل خير في ناس ويدوني على قفايا ده على طول، بيحصل اساسا معايا يوم اه ويوم لا، بس عمري ما ندمت، المرتين اللي ندمت فيهم مرة من ست سنين والمرة دي، والمرتين كانوا ناس مختلفة بس نفس الفصيلة، وكل مرة ما اعرفش اخد حقي عشان برضه كل مرة حاتفها تنزل في عبي، ما اعرفش اشمعنى الفصيلة دي من الناس اللي بتندم الواحد على الخير اللي عمله... بس بس، ما حدش يقول لي ما تندميش على خير عملتيه، عارفة انا الكلام ده، بس فيه ناس عندها القدرة انها تخليك تندم
هيييييييييييييييييييييه
الحمد لله، لولا كلمت جمال عيد كنت مت، ويمكن كنت انحرفت، انا قبل ما اكلمه كنت حاسة اني حاعيش حياة الفتاة المستهترة عشان انسى اللي جرا لي، لولا كلمته نشلني ما حكتش تفاصيل بس فهمته اني انمرمنط، وهو مننا وعلينا وقعد ينفخ فيا عشان يمسح المرمطة
وقال لي نصيحة... حاحاول اعمل بيها ولو اني ما باعرفش
اه يانا يا كرامتي... والدم يخرررررررر

انا محرجة شوية

محرجة اني باكتب عن خالي يعني، بس ده خبر وما وصلش مصر فمضطرة انا اللي اقوله
الدكتور اسماعيل كاظم تم تكريمه ومنحه الزمالة من الجمعية الامريكية لعلاج الاورام بالاشعاع، وهي اهم سوسيتي لعلاج الاورام بالاشعاع في العالم والدكتور اسماعيل كاظم هو المصري والعربي والمسلم الوحيد اللي اخد الدرجة دي السنة دي من بين 11 عالم
وده البيان الصحفي بتاع الجمعية
Press Release: ASTRO announces 2010 Fellows class
ASTRO announces 2010 Fellows class
Fairfax, Va., July 7, 2010 - The American Society for Radiation Oncology (ASTRO) has named its 2010 class of Fellows. These 11 distinguished members will receive their Fellow designation at a ceremony during the 52nd Annual Meeting being held October 31 – November 4, 2010, at the San Diego Convention Center in San Diego.


"ASTRO Fellows are some of the most revered and accomplished members of the radiation oncology community and receiving this distinction is a great honor," Anthony Zietman, M.D., ASTRO president and a radiation oncologist at Massachusetts General Hospital in Boston, said. "Congratulations to this year's class."


Members of ASTRO are eligible to become a Fellow if they have been part of the Society for at least 20 years, have served in a leadership role for the organization and have made a significant contribution to the field of radiation oncology. The primary pathways to becoming a Fellow are excellence in research, patient care, education and leadership/service. The Society values contributions to all four areas; however, each nominee needed to have a truly outstanding contribution to at least one of the pathways to be named a Fellow.


The nominations were reviewed by the nine-member Fellows Selection Committee who made recommendations to the ASTRO Board of Directors.


This year's Fellows class includes:


* Mitchell S. Anscher, M.D., Virginia Commonwealth University, Richmond, Va.
* Robert L. Foote, M.D., Mayo Clinic, Rochester, Minn.
* Michael T. Gillin, Ph.D., M.D. Anderson Cancer Center, Houston
* Kathryn M. Greven, M.D., Wake Forest University Cancer Center, Winston-Salem, N.C.
* Ismail Kazem, M.D., James A. Haley Veterans Hospital, Tampa, Fla.
* Lawrence B. Marks, M.D., University of North Carolina, Chapel Hill, N.C.
* Lori J. Pierce, M.D., University of Michigan, Ann Arbor, Mich.
* Marcus E. Randall, M.D., University of Kentucky Medical Center, Lexington, Ky.
* Howard M. Sandler, M.D., Samuel Oschin Comprehensive Cancer Institute, Los Angeles
* James B. Smathers, Ph.D., UCLA Medical Center, Los Angeles
* Terry J. Wall, M.D., J.D., St. Luke's Cancer Institute, Kansas City, Mo.


For more information on ASTRO's 52nd Annual Meeting, visit www.astro.org. To learn more about radiation therapy treatments, visit www.rtanswers.org.
ASTRO is the largest radiation oncology society in the world, with more than 10,000 members who specialize in treating patients with radiation therapies. As the leading organization in radiation oncology, biology and physics, the Society is dedicated to improving patient care through education, clinical practice, advancement of science and advocacy. For more information on radiation therapy, visit www.rtanswers.org. To learn more about ASTRO, visit www.astro.org.

Tuesday 13 July 2010

أحكام البابا - إبراهيم عيسى

المقال حلو قوي... وبرضه دخل في الحيطة كده وبصوا على التعليقات بقى ههههههههههههه
انا عايزة دكتور نفسي يحلل تعليقات الناس على المقالات، ده حيطلع بدرر
المهم المقال اهو: 

لماذا يبدو البابا شنودة كأنه وحده من يملك في مصر حق رفض تنفيذ حكم القضاء ويقدر علي حرية وصف حكم قضائي آخر بأنه منصف وعادل كأنما يباركه ويعمده ويعتمده؟!


بالقطع لابد من تسجيل احتراماتي للبابا شنودة وللكنيسة ولمشاعر الولاء والتقديس التي يمنحها له شعبه القبطي، بل لعلي أضيف إعجابا قديما بدهاء وذكاء الرجل السياسي، لكن الأمر هنا يستدعي التساؤل فعلا (إلي جانب بعض علامات التعجب والدهشة!) فالبابا كان يملك حين صدر حكم من المحكمة الإدارية العليا يجبر الكنيسة علي السماح بزواج المطلقين الأقباط ولم يعجبه ألا يعلق علي الحكم وألا يتحداه من موقعه الكهنوتي اللاهوتي، لكنه فعل!، فقد وضع الديني فوق المدني والشريعة المسيحية فوق المواطنة، وهو نفس ما يردده ويطالب به كل يوم صباحا التيار الإسلامي في مصر سواء إخوانا مسلمين أو غير إخوان، ومع ذلك فعل البابا وعلق وتحدي ولم يشأ أن يبلغ بصمته رسالة ولا أعتمد علي الإيماء والإيحاء ولا تحوطت الكنيسة كعادتها كي لا تبدو في مواجهة مع القانون المدني الذي زاد ولعهم بنفاق جمال مبارك وتوريثه حين ثرثر بهذا اللغو عن المواطنة وكأنه انتصار للأقباط في مواجهة الإخوان، فعندما يأتي الأقباط أنفسهم ويضربون المواطنة بالنار حدث هذا التواطؤ الصامت من جميع وكافة الأخوة اللي عاملين فيها تنويريين في الحزب الوطني أو في الفريق القبطي أو علمانيي اليسار، كله سكت علي هذا الازدواج وارتضي هذه الرقابة الدينية علي القانون المدني وضرب قيم المواطنة بمنتهي السلاسة والبساطة!


كان المشهد من مشاهد النفاق اليومية في مصر التي ما عاد يمر يوم دون أن نعيشها ونشوفها!


ثم بدا واضحا خلال الأيام الماضية أن المحكمة الدستورية العليا التي تم إدخالها في القضية بحيل قانونية سوف تصدر حكماً تحبه الكنيسة وقد كان،! وصدر الحكم وبدلاً من أن تقرر الكنيسة هذه المرة تمرير سعادتها بالحكم في صمت جليل يليق بمن حصل علي مراده كما صمم، إذا بالبابا نفسه يخرج مصرحاً وفصيحاً بأن حكم الدستورية منصف وعادل فسمح الرجل لنفسه ولكنيسته أن يعلق محتفيا علي الحكم مما يشيع حق الكنيسة في رفض حكم وقبول آخر ووصف حكم بأنه غير منصف ومن ثم لن تنفذه بينما تصف حكما آخر بأنه منصف فتنفذه وتعتمده!


ومن باب أن إبداء الرأي في حكم الدستورية صار عبر بوابة البطريركية مفتوحا فالواضح إذن - من وجهة نظري - أنه حكم يسحب من الدستور دستوريته!


فكأن الدستور يقول لنا إن الأحكام مدنية مصدرها القانون بينما حكم المحكمة الدستورية يقول لنا إنها دينية ولابد من موافقة البابا!!
-----------
بصيتوا على التعليقات؟ كل اللي عادة بيكرهوا المسيحيين مبسوطين من البابا قوي
ودي مش اول مرة، قبل كده البابا مش فاكرة عمل ايه؟ اه.. قال على البروتستانت ماحدش يتجوز منهم او حاجة كده او يصلي في كنيستهم باين
كل بتوع: عباد الصليب الانجاس الكفرة
برضه انبسطوا قوي ودافعوا عن كلام البابا، لانها خناقة، هم اي خناقة يخشوا يسدوا
-------------
تعليقي بقى:
هو من حيث المبدأ المفروض الدولة ما تحطش الكنيسة في مأزق زي ده، بمعنى، انها تعمل جواز مدني اللي عايز يتجوز جواز مدني باحكام وقوانين مدنية يتجوز، واللي عايز يتجوز في الكنيسة يتجوز، واللي على الجواز المدني تطبق عليه قوانين المدني، واللي على الكنسي تطبق عليه قوانين الكنسي، لكن المحكمة المدنية ما تغيرش تشريعات مؤسسة دينية، بس كمان ما تفضلش الكنيسة تدور ورا الناس لما يموتوا وما ترضاش تدفنهم ولا تصلي عليهم عشان عملوا حاجة في حياتهم مش عاجبة الكنيسة، هو حد بيقدم السي في لما بيموت عشان يصلوا عليه؟
ده من حيث المبدأ
لكن من حيث التخصيص للحالة دي
بجد ايه ده؟ هي بقت كده؟ يعني صح القانون المدني ما يفرضش على المؤسسة الدينية حاجة خارجها، قوم المؤسسة الدينية تفرض على المدني قوانينها؟ بجد؟ والحكاية سايبة كده يعني؟ لا انا مش عاجبني الحكم ده يقوموا يغيروه؟ 
طب ما الكنيسة بقى تتوسط لنا في قضية خالد سعيد، والقضية اللي رافعها عبد الفتاح مراد على سيف وجمال عيد وغربية، ولينا واحد جارنا خريج معهد الكترونيات عايزة اشغله جراح مخ واعصاب في مستشفى دار الفؤاد 

هو ايه اللي قبب جمال مبارك تاني؟

هو مش كان مريحنا من طلعته البهية؟ وللا عشان لقانا ايرنا من البرادعي فاكر نفسه جات له الفرصة
اووووه نوووووووووو يا مون بيه... حضرتك مالكش فرصة اساسا، نأير من البرادعي، نتصالح معاه، نفسخ الخطوبة، نرجع الشبكة، نوسط ناس من تحت لتحت، دي حاجة ما تخصكش خاااااااااااااااااااااااااااااااااالص
واحدة وخطيبها انت مالك؟ 
ما تلبسليش بقى البدلة المقلمة وتحط لنا وردة في عروة الشاكيتة وفاكر نفسك حتستغل الفرصة
قعدة الخزانة ولا جوازة الندامة يا حبيبي، احنا عشنا تلات اسابيع من غير رئيس ونقدر نعيش عمرنا كله من غير رئيس لو حكمت
هو احنا صغيرين؟
لو سمحت مافيش داعي تضغط علينا وتحرج نفسك اكتر من كده، قلنا لك كل شيء قسمة ونصيب

Monday 12 July 2010

ابو حذيفة بن عتبة

هو ماحدش بيجيب سيرته ليه غير في رضاع الكبير؟ 
ابو حذيفة بن عتبة ده اخو هند بنت عتبة
قال عمرو خالد يقول ستنا هند بنت عتبة وماحدش بيجيب سيرة الراجل ده خالص، ده اسلم من بدري جدا من قبل ما يدخلوا دار الارقم، وهاجر الحبشة، ورجع، وهاجر المدينة، وحارب في بدر وشال سلاح على ابوه واخوه وعمه، وطلع يطلب مبارزة ابوه وفضلوا قاعدين يقولوا له يا سيدي ارجع ما ينفعش اللي بتعمله ده لحد ما عتبة نفسه تراجع وما رضيش يبارزه، وشاف ابوه واخوه وعمه وهم مجرورين على قليب بدر وفضل ساكت لحد ما صعب على الرسول وصعب على سيدنا عمر نفسه، هي دي حاجات اي حد عادي يقدر يتحملها؟ واخته اكلت كبد حمزة والرسول توعدها وهو سامع وساكت يعني كل الحاجات دي فوق طاقة البشر وفضل يستحمل ويطلب الشهادة لحد ما استشهد في حرب اليمامة
والناس عمالين يقولوا سيدنا معاوية (المودا الجديدة اللي طالعة دي، احنا لحد التمانينات ما كناش نسمع كلمة سيدنا معاوية دي ابدا، ده حتى لما كانوا يعملوا مسلسلات وللا سهرات تليفزيونية كان اللي بيقوم بدور معاوية عبد الغني قمر، ده عمرو خالد بيقول سيدنا ابو سفيان كمان) وماحدش بيجيب سيرة واحد عاش حياة نكد ورا نكد ومصيبة ورا مصيبة وصابر وراضي عشان مؤمن لحد ما ربنا افرج عنه ورزقه الشهادة، لما باحط نفسي مكانه بافكر اني ممكن اتجنن
انا باتغاظ قوي من الحاجات دي، يعني اللي يتعب زي اللي ما يتعبش؟ اللي يسيب شغله واسرته ويرفع سلاح على اهله والناس كلها تبقى بتحتفل بالنصر وهو ميت له كل ناسه ومش قادر حتى يعيط عليهم زيه زي اللي اسلم بطلوع الروح وقعدوا ينطقوه كلمة: محمد رسول الله بالعافية؟ وياريته زيهم، ده من التسعينات ومطلعين لنا مودة سيدنا معاوية وسيدنا ابو سفيان دي اللي ظهرت فجأتن في مصر، عمرنا في مصر ما كنا بنقول كده، اخرنا كنا بنقول: العن يزيد ولا تزيد، دلوقت الفلوس الوهابي اتنطرت ويبقى اللي ما عملش اي تضحيات سيدنا ويبقى كل ذكر ابو حذيفة الصابر المهاجر المقاتل الثائر على اقرب الناس له من اجل ايمانه، انه ذكر في حديث رضاع الكبير؟ ماهو اللي ما عندوش ولاء لنماذج التضحية اللي راحت ما فيهوش خير للي عايشين، وده اللي بيخلي ناس من اللي عايشين يضربوها صرمة ويمسكوا صاجات ويقلبوا رزقهم، عشان شايفينا بنتجاهل اللي ضحوا ونعظم اللي استفادوا ولو على الفتنة بين الناس
كام مرة بيذكر فيها ابو حذيفة بن عتبة وتضحياته وصبره في خطبة الجمعة مثلا؟  

Sunday 11 July 2010

من وزارة الدفاع للاهرام.. تامر حسني والتدرج الوظيفي

للاسف ماحدش معايا يصورني هههههههههههه او الحمد لله، لان لو حد صورني فيتيون وانا في الحالة دي ممكن اعدائي يمسكوها عليا زلة ويقولوا: صدقتوا بقى انها مجنونة؟ 
من ساعة ما قريت الكاتب الكبير، والمؤرخ الاريب، والشاعر الاديب، العلامة الفهامة تامر حسني وهو يشرح لنا الظروف اللي كتب فيها اخر معلقاته: كام واحد فينا، والتي يسبقها تحذير لكل من يسمع هذه الاغنية انه ما يسمعهاش قدام مراته، لان الاغنية بتقلع في النص
طبعا كلنا عارفين ان الاستاذ تامر حسني ساب المناصب عشان يتفرغ للادب والشعر لان عنده رسالة
فمثلا تهرب من الجيش، مع ان الجيش كان حيموت عليه، والدليل انه هو الوحيد اللي عرف يطمن الجماهير الغفيرة على الجمهور المصري في السودان وقال بالحرف: وزارة الدفاع اتصلت بيا دلوقت وبلغتني اطمن كل الناس على جمهورنا في السودان
يذكر ان وزارة الدفاع كانت اتصلت بيه بعد ما كان تهرب من الجيش 
وغالبا تهرب من الضرايب لانه مش بتاع فلوس وعشان كده كتبوه في الاهرام
انا مش حاعلق على مكال تامر حسني
وهناك من تزوجا بشكل متسرع لمجرد احساسهم بأنهم سيكونون في منتهي السعادة وخصوصا في العلاقة الحميمة‏,‏ ويتفاجأ كلا منهما بعد فترة قصيرة أن الزواج لا يتعلق بهذه المسألة فقط ولكنه مسئولية كبيرة لكلا الطرفين واحترام متبادل بينهما‏..‏ وهات وخد‏.‏


انا ما فهمتش هات وخد دي عايدة على الاحترام وللا على العلاقة الحميمة؟ انتوا عارفين الكلام الراقي ده يصعب على امثالي فهمه
اقروا واتعلموا.. شالله اشوفكوا كده ملو هدومكوا ومتهربين من الجيش

Friday 9 July 2010

انا ابتديت اغير على المدونة :(

امبارح ناس كتير في الندوة بتاعة مركز الدراسات الاشتراكية قالوا لي انهم جم عشان مقال الدستور.. يعني ما شافوش المدونة؟ 
ما شافوش المدونة ليه؟ 
لا شوفوها بقى

Wednesday 7 July 2010

ما تنسوش معادنا بكرة في مركز الدراسات الاشتراكية الساعة سبعة

بكرة ان شاء الله، الخميس 8 يوليو، حتتكلم الدكتورة رضوى عاشور والدكتور اشرف بيومي والدكتورة سهير مرسي عن لجنة الدفاع عن الثقافة القومية
وانا رايحة ان شاء الله الساعة سبعة
تعالوا بقى على الاقل نشوف بعض :))
العنوان 7 شارع مراد الجيزة

Monday 5 July 2010

القرآن طلع من المنشورات الممنوعة

هههههههههه بصراحة لهم حق، ماهو القرآن نازل فيهم شتيمة ولعن وتوعد بالنار والعذاب 
يبقى يعني كتر خيرهم انهم سايبين اكتر كتاب بيشتمهم يتداول في الاسواق
بس مش لدرجة يحفظوه للناس بقى من غير اذن وزارة الداخلية، قدر حفظوهم "إن الله لا يهدي كيد الخائنين" مثلا، أو اي حاجة عن الظالمين وللا المترفين وللا المنافقين... يبقى ايه العمل بقى؟ صحيح فيه اتساع في هامش الديمقراطية بس مش للدرجة دي، وللصبر حدود
لا وشوف بيان الشبكة العربية بيقول ايه: 6 متهمين "ظهروا"!!! ظهروا؟ 
هم كانوا متاويينهم في السرداب مع حسن الهلالي؟ واخدينهم من 24 ابريل، وتجلوا بالصلاة ع النبي في يوليو بص شوف الستة بيعملوا ايه؟ النطرون منور ليه؟ عشان الستة اتفشخوا فيه
ستة عملوا تحفيظ قرآن.. قرآن.. قرآآآآآآآآآآآآآآن
ده عندنا هو من زمان... اتمنع امتى؟

Sunday 4 July 2010

اشوفكوا الخميس الجاي ان شاء الله الساعة سبعة

بقى زمان، في التمانينات كده، كان فيه حاجة اسمها لجنة الدفاع عن الثقافة القومية، عملت ابحاث ومجهودات كبيرة قوي للتصدي لامركة مصر ثم صهينتها بعد كده
اللجنة دي اعضاءها كانوا ناس كتير محترمين وعملوا ابحاث مفيدة جدا ونزلوها في مجلة اسمها المواجهة
كان من ضمن الناس، اشرف بيومي، ورضوى عاشور، وامينة رشيد، ومنى انيس
بس للاسف اعداد المواجهة توقفت
طيب: ليه توقفت؟ 
ليه تم التعتيم على الابحاث اللي عملوها واللي كلها حذرت من اللي احنا وصلنا له بالفعل دلوقت؟ 
ايه فوايد التجربة دي؟
ايه عيوبها؟
هل يمكن تكرارها؟
ايه الاخطاء اللي يجب تفاديها؟
ازاي ممكن نعمل حاجة موازية او مشابهة وللا مش محتاجين اساسا نعمل حاجة كده؟
كل الاسئلة دي واكتر منها واسئلتكوا كلها حيرد عليها
د. رضوى عاشور، ود. اشرف بيومي، ود. سهير مرسي
يوم الخميس الساعة سبعة في مركز الدراسات الاشتراكية 7 شارع مراد الجيزة، قدام محل جاد
انا شخصيا عندي اسئلة كتير وعايزة اقولها، من ضمنها ايه جدوى كل اللي بنعمله ده كله
فايدة الندوة دي ان دي ناس تجمع ما بين الرؤيا الاكاديمية والعمل الميداني ولهم خبرة وتجربة وعندهم امانة وكمان بيؤكدوا ان فيه اخطاء ارتكبت وناويين يشرحوها مش جايين يتنططوا علينا يعني
ياريت كلنا نحضر
حتى تعالوا عشان نتقابل هناك ان شاء الله
:)

عظم الله أجركم في سماحة السيد محمد حسين فضل الله

إنا لله وإنا إليه راجعون، خسارة كبيرة وما يغلاش على اللي خلقه، بس الراجل ده مواقفه كلها مشرفة، ومن القلة العقلاء اللي فضل عاقل لاخر لحظة في حياته ومخه ما لسعش لما كبر
رحمة الله عليه وربنا يعوضنا عنه
مش عارفة ازاي؟
بس ربنا قادر على كل شيء

Saturday 3 July 2010

مقال قديم، بس ما يجراش حاجة اما ننشره تاني

التطبيع في بيت اليسار .. حالة "فريدة"؛

أحمد بلال



كنت في غاية السعادة وأنا أحمل أوراق تحقيقي الصحفي الجديد و قد اكتمل أخيراً بعد أن عكفت عليه شهرين كاملين، قلت في نفسي أن سعادتي ستنتقل قطعاً لرئيسة التحرير، فرغم إمكانياتنا المتواضعة استطعت إثبات تورط عدد كبير من الفضائيات و شركات الإنتاج في التطبيع مع إسرائيل، و نجحت في تدعيم تحقيقي برزمة من المستندات و العقود و التوكيلات التي تثبت علاقة التطبيع هذه، على كل حال، سلمت التحقيق و جلست أمامها منتظراً تعليقها، و إذ بها تمسك ورقة -كانت بيضاء- و تدون بقلمها "الأحمر" عدد من الملاحظات، تلاشت سعادتي و حل محلها صدمة كبيرة، خاصة بعد أن قالت الكثير عن رؤيتها للتطبيع والعلاقة بين مصر و إسرائيل، وهو ما لا يمكنني قوله، حيث يمكنها إنكاره بكل سهولة، ما يمكنني قوله الآن، وهو ما لا يمكنها أن تنكره، أن الملاحظة الأولى التي كتبتها لي في الورقة –التي أحتفظ بها حتى الآن بخط يدها- أن "مصر موقعة على اتفاقيات سلام مع إسرائيل"!.

الغريب أن اتفاقيات السلام التي تحتج بها "فريدة النقاش" رئيس تحرير جريدة "الأهالي" اليوم، هي نفسها الاتفاقيات التي كان حزب التجمع أول و أكثر من دفع ثمنها، من اعتقالات في صفوفه و إرهاب لأعضائه، و محاربتهم في لقمة عيشهم، و حزب التجمع لمن لا يعلم، هو الحزب الذي تنطق بلسانه جريدة الأهالي!.

على كل حال، لم يكن نشر التحقيق مشكلة بالنسبة لي، حيث أفرد له الزميل "خالد البلشي" رئيس تحرير البديل وقتها، أربع صفحات كاملة، حيث نُشر على مدار أربع حلقات، ليكون أول تحقيقاتي في جريدة البديل، فقط كان هذا الموقف مفسراً لكثير من مواقف و كتابات رئيسة تحرير الأهالي، و التي كان آخرها مقال "التلاعب بالجنسية"، الذي نشرته في جريدة "الأهالي" يوم 16 يونيو 2010، ثم أعادت نشره يوم 22 يونيو 2010 في جريدة المدى العراقية التي تعبر عن لسان حال "اليسار" العراقي المدعوم و الممول أمريكياً، و الذي استقبل دبابات الاحتلال الأمريكي بالورود و الرايات الحمراء.

بدأت "النقاش" مقالتها بالتأكيد على أن الصراع العربي – الإسرائيلي "ليس صراعاً بين ديانتين"، و إنما "صراعاً بين مشروعين أحدهما مشروع تحرر وطني ضد الاحتلال والعنصرية والآخر مشروع استعمار استيطاني اغتصب أرض شعب فلسطين"، و للتدليل على صحة كلامها ساقت "النقاش" مثالين الأول هو استشهاد المناضلة الأمريكية اليهودية راشيل كوري تحت إحدى الجرافات الإسرائيلية، و الثاني هو الهجوم الدائم الذي يشنه المفكر الأمريكي اليهودي "ناعوم تشومسكي" على إسرائيل و الصهيونية.

ما لم تقله "فريدة النقاش" عن "ناعوم تشومسكي" أنه هاجر إلى إسرائيل في بداية الخمسينات، و مكث عشرة أشهر كاملة في أحد الكيبوتزات، حتى اكتشف أن أفكاره اليسارية لا يمكن أن تتطابق مع الصهيونية، أو مع الوجود على أرض مسروقة من إنسان آخر، فهاجر إلى الولايات المتحدة، و من يومها بات واحداً من أكبر المناهضين للصهيونية في العالم، و هو الموقف الذي لم يفعله الموسيقار الإسرائيلي "دانيال بارينبويم" الذي هاجر إلى إسرائيل في نفس الفترة التي هاجر فيها "تشومسكي" إلا أنه لم يهاجر منها حتى الآن!.

ذكر "ناعوم تشومسكي" و "راشيل كوري" يوحي بأن هناك رغبة في التدليل على أن الصراع ليس ديني، أما أن يتم ذكر الموسيقار الإسرائيلي "دانيال بارينبويم"، فهذا يعني أن ثمة شيء آخر تحاول "فريدة النقاش" أن تؤكد عليه، و هو لُب مقالتها، هو "إمكانية التعايش" بين العرب و الإسرائيليين!!، فـ"تشومسكي" و "راشيل" يهود أمريكيون، أما "بارينبويم" فهو يهودي صهيوني يعيش على أرض محتلة.

حاولت "فريدة النقاش" تسويق "بارينبويم" فقالت أنه أسس مع المفكر الفلسطيني "إدوارد سعيد" فرقة موسيقية لعازفين إسرائيليين و فلسطينيين، و كأن القضية الفلسطينية باتت قضية "إدوارد سعيد" وحده، و أنه عندما يتعامل مع الإسرائيليين، فإنه بات متاحاً لكل العرب التعامل معهم، و بالقياس، فإن على الشعب المصري كله أن يذهب إلى القدس و تل أبيب على غرار ما فعل السادات، مثلاً، و أن يقتل الشعب اللبناني كل الفلسطينيين في المخيمات الموجودة في لبنان على غرار ما فعل حزب الكتائب اللبناني، في صابرا و شاتيلا، إلخ.

أضف إلى ذلك أن هناك من الأشياء التي يمارسها الفلسطينيون –ليس بالضرورة ما قام به إدوارد سعيد- لا يمكن اعتبارها تطبيعاً بسبب وضعهم الخاص، فعندما يشتري الفلسطيني في الأرض المحتلة دواء إسرائيلي مثلاً، فهذا لا يعني أنه مطبع، و إنما لأن ظروف بقائه في أرضه و تمسكه بها، تجبره على ذلك حيث لا يوجد بديل، و لكن هذا لا يعني أن يشتري المصري دواء إسرائيلي بدعوى أن الفلسطيني نفسه يشتريه، كما أن حمل عرب 48 جواز سفر إسرائيلي لا يعني أنهم خونة، و إنما وضعهم الخاص الذي تسبب فيه الاحتلال وتمسكهم بالبقاء في أرضهم فرض عليهم ذلك، إلا أنه لا يجوز أن يحمل مصري جواز سفر إسرائيلي بدعوى أن من الفلسطينيين من يحمله.

و استدلت "فريدة النقاش" في مقالتها على أن الإسرائيلي "دانيال بارينبويم" بات يحمل جواز سفر فلسطيني، و كأنه بهذا الجواز بات شقيقاً!، و قالت أن منظمة التحرير الفلسطينية هي التي منحته هذا الجواز، و هو الأمر غير الصحيح، فمنظمة التحرير التي تعترف بها الأمم المتحدة و كل العالم على أنها الممثل الشرعي و الوحيد لكل الشعب الفلسطيني لم تتخذ أبداً قراراً بهذا الشأن، من اتخذ القرار كانت السلطة الفلسطينية، و هي السلطة التي نشأت بموجب اتفاقية أوسلو، و هي سلطة حكم ذاتي، أي أنها سلطة سياسية، و ليست حركة مقاومة أو استمراراً للثورة الفلسطينية، بالإضافة إلى أن السلطة لا ترى من فلسطين التاريخية سوى فتات أوسلو.

ما لم تقله "فريدة النقاش" عن دانيال بارينبويم" أنه مثله مثل كل من يدعي أنه يسارياً أو ناشط سلام داخل الكيان الصهيوني، فالدفاع عن الشعب الفلسطيني ليس إلا دفاعاً عن وجود إسرائيل، أي دفاعاً عن المشروع الصهيوني ذاته، في مقابلة مع "بارينبويم" نشرتها جريدة المستقبل اللبنانية يوم الأحد 2 مارس، في العدد 2892، في الصفحة العاشرة، قال بالحرف "أخشى ما أخشاه هو أننا إذا لم نعط الفلسطينيين ما هو حقّهم في الأصل، فإنّ وجود إسرائيل، نفسه، كدولة يهودية، سوف يصبح على المحكّ. فعندئذ قد لا تغدو إسرائيل أكثر من حقبة وجيزة في تاريخ الشعب اليهودي"، (ثانية واحدة مش قادرة امسك نفسي، هو فيه يساري في الدنيا بيقول "الشعب اليهودي؟" ما شاء الله، وبيصلي الجمعة زي زياد العليمي على كده؟) و في نفس الحوار دافع عن صهيونيته وهاجم مصطلح "القذارة الصهيونية" الذي قاله أحمدي نجاد، و قال أنه مصطلح "لا عقلاني"، كما ينادي "دانيال بارينبويم" بأن يصبح ذكرى إعلان "دولة إسرائيل" على أرض فلسطين يوماً للسلام!!.

و في تطور غير متوقع للعبة خلط الأوراق التي تمارسها "فريدة النقاش" و التي ادعت فيها أن هناك المئات من الإسرائيليين (الغلابة) "يجازفون بحياتهم حين ينضمون إلي الفلسطينيين دفاعا عن أراضيهم وزراعاتهم ضد الجرافات الإسرائيلية"!، زعمت فريدة النقاش أنه "منذ زمن طويل حرص الرئيس الراحل «جمال عبد الناصر» علي التفريق بين الفاشية الإسرائيلية الحاكمة التي تغذيها مصالح استعمارية كبري من جهة والشعب الإسرائيلي من جهة أخري والقول بأن نتائج التصويت في الانتخابات الإسرائيلية تنتصر لليمين مردود عليه بأن موضوع الأغلبية والأقلية في السياسة ليس معيارا للحكم في قضايا العلاقات الإنسانية"!، على حد قولها.

الغريب أن فريدة النقاش لم تذكر ما قاله الرئيس عبد الناصر أصلاً، و لم تقل في أي مناسبة قال ذلك –هذا إن كان قد قال ذلك في الأساس-، يبدو أن الأمر إذن ليس سوى محض افتراء، كل ما هناك أنها نسبت رأيها الشخصي و وجهة نظرها التي تدعو للتعايش مع الإسرائيليين للرئيس عبد الناصر، في محاولة لإكسابه شرعية من اسم الرجل الذي قال أن الصراع مع العدو الصهيوني صراع وجود و ليس صراع حدود، و الذي رفع اللاءات الثلاث "لا صلح .. لا تفاوض .. لا اعتراف".

لم تكتفي "فريدة النقاش" بما سبق، فإذ بها تقول أننا "علينا أن نضع قول عبد الناصر –الذي لم تذكره أصلاً- في الاعتبار و نحن نفحص هذا الحكم الخطير الذي أصدرته محكمة القضاء الإداري بإحالة طلب إسقاط الجنسية عن المصريين المتزوجين من إسرائيليات إلى رئاسة الوزراء للبت في كل حالة على حده، مع العلم أنه لا يوجد نص قانوني يتيح إسقاط الجنسية عن هؤلاء المصريين"!!، و هنا بيت القصيد، ففي كل كلمة من مقالها كانت تحاول التدليل على "إمكانية التعايش" بين العرب و الإسرائيليين، وبالتالي فإن إسقاط الجنسية عن المصريين المتزوجين من إسرائيليات "يشكل تهديداً خطيراً للقيم و المفاهيم المدنية و لحقوق الإنسان و الحريات العامة"، كما تقول "فريدة النقاش"، كان من الأولى إذن أن تشجع المحكمة هذا الزواج، الذي يعد هو الآخر دليلاً على "إمكانية التعايش" التي تروج لها "النقاش".

ما لم تقله "فريدة النقاش" عن قرار المحكمة أنه صدر ضد المصريين المتزوجين من "إسرائيليات يهوديات"، مفرقاً بينهم و بين المتزوجين من سيدات من عرب 48، و جاء في الحكم أن عرب الداخل ليسوا إلا "فلسطينيون يرزحون تحت الاحتلال الإسرائيلي"، و هو ما يعني أن القضاء المصري الذي يعتبر جزء من النظام يعترف بالاحتلال الإسرائيلي لفلسطين التاريخية، و يعترف بإسرائيل كياناً عدواً، في الوقت الذي تدعو فيه "فريدة النقاش" اليسارية التوجه إلى "التعايش" مع إسرائيل!!.

موقف "فريدة النقاش" من قضية التطبيع يطرح الكثير من علامات الاستفهام، ففي العدد رقم 11248 من جريدة الشرق الأوسط الصادر في 14 سبتمبر 2009، نشرت الصحيفة لقاء جمع بين مندوبها في تل أبيب "نظير مجلي" و "فريدة النفاش" سألها فيه عن موقفها من التطبيع فقالت "أكشف لك سرا؟ أنا أعتقد أن هناك ما يستدعي إعادة البحث. وطرحت اقتراحا كهذا في حزب التجمع، لدى الإعلان عن القدس عاصمة للثقافة العربية. وكان رأيي أن علينا أن نكسر أحد بنود مقاومة التطبيع، الذي يمنع زيارة القدس. فلا يُعقل أن نقاطع أشقاءنا الفلسطينيين وهم يحتفلون بالقدس عاصمة للثقافة العربية، حتى لو اضطُررنا إلى المرور على معبر يقف فيه الجنود الإسرائيليون"، وأضافت "النقاش": "نحن لسنا ضد السلام مع إسرائيل في حالة إحقاق الحقوق المشروعة للشعب الفلسطيني"، على اعتبار أن الشعب الفلسطيني لا حق له سوى في أقل من ربع مساحة أرضه!.

في إبريل من العام الماضي، قامت الدنيا و لم تقعد بسبب حفل في دار الأوبرا في القاهرة يحييه الموسيقار الصهيوني "دانيال بارينبويم" الذي ضربت به "فريدة النقاش" المثل في "إمكانية التعايش"، هاجم الجميع الحفل، إلا أن فريدة النقاش كانت ضمن الصفوف الأولى قبالة "دانيال" مباشرة، ثم خرجت بعدها لتدافع عن الموسيقار الإسرائيلي، ثم تبرر موقفها لإحدى الصحف بأن: "الواقع الحالي يؤكد أن الحكومة المصرية تمارس تطبيعا مع إسرائيل، وأن من ينكر ذلك فهو واهم ... الشواهد على ذلك كثيرة؛ خذ مثلا تصدير الغاز لإسرائيل، هل هذا صدقة أم تطبيع؟! زيارة بعض المسئولين المهمين لإسرائيل, وأيضا وجود سفارة لإسرائيل في القاهرة يرفرف علمها على نيل القاهرة، هل ذلك لا يعد تطبيعا"؟!، هنا قد يكون من المناسب تماماً أن يستخدم المرء الحكمة القائلة بأنه في بعض الأحيان يكون العذر أقبح من الذنب نفسه!!.

تحت عنوان "تل أبيب تنتظر التطبيع الشعبي"، نشرت "الأهرام العربي" يوم 2 مايو 2009، في عددها رقم 632 ردود أفعال بعض الشخصيات على تصريح وزير الأوقاف الذي دعا فيه المصريين لزيارة القدس حتى لو بتأشيرة إسرائيلية، و قالت الصحيفة أن من بين المؤيدين و بقوة لزيارة القدس بتأشيرة إسرائيلية الكاتبة "فريدة النقاش"، التي أثارت موافقتها على تصريح وزير الأوقاف ردود فعل إسرائيلية كبيرة، بل إن بعض الأوساط الثقافية الإسرائيلية اعتبرت موقف "النقاش" خطوة مماثلة للخطوة التي قام بها رسام الكاريكاتير "جورج البهجوري" حينما زار الكيان الصهيوني.

و في تصريح لصحيفة "المصري اليوم" في العدد رقم 1957، الصادر بتاريخ 22 أكتوبر 2009، تعليقاً على قضية ترجمة ديوان الشاعرة إيمان مرسال للعبرية، قالت "فريدة النقاش" التي وافقت على هذه الخطوة: "بصرف النظر عن الصراع الدائر بيننا وبينهم، فنحن نطرح مشروع سلام يحتاج إلى أرضية ثقافية وحضارية تلتقى عليها الشعوب"، بحسب قول "فريدة النقاش" التي تحتفظ بعلاقات قوية بالأحزاب الكردية الانفصالية التي تتلقى عناصرها العسكرية تدريبها في إسرائيل، و الحقيقة أن "النقاش" لا تخفي هذه العلاقة فتنشر زياراتها لكردستان العراق –و هي جزء عزيز علينا من أرض العراق إلا أنها تحولت بفعل العملاء الذين يحكمونها إلى "إسرائيل الثانية"- على صفحات الأهالي، و لقاءاتهم بعملاء إسرائيل في العراق، مثل جلال الطالباني، في العدد الصادر بتاريخ 22 مايو 2007، بالإضافة إلى "مسعود البرزاني"، ابن "مصطفى البرزاني" الذي منحت له إسرائيل رتبة اللواء الفخري في الجيش الإسرائيلي!.

من حق أي فرد أن يقتنع بما يشاء، و يعتنق ما شاء من أفكار، إلا أن وجود البعض في بعض المواقع السياسية، يجعل أي حرف يتفوه به معبراً عن توجه تيار بأكمله، أو حتى دولة بأكملها، و من هؤلاء السيدة "فريدة النقاش"، التي ترأس تحرير صحيفة "الأهالي" لسان حال حزب التجمع الوطني التقدمي الوحدوي، و في نفس الوقت عضو المكتب السياسي –الهيئة التي تضع سياسات الحزب وتوجهاته- لحزب التجمع، الذي أشرف بعضويته، والذي طالما شاركت في توزيع أوراقه التي تحمل شعار "حزب التجمع .. ضد التطبيع ضد الصهيونية"، لذا أعتقد أنه من حقي أن أسأل .. هل ما تقوله "فريدة النقاش" و تروج له في صحيفة الحزب يعبر عن الخط السياسي لحزب التجمع؟!!.
-------
انا بقى كل ما اقرا المقال ده اعيط
عشان طنط فريدة النقاش دي ياما اتحبست وياما اخدت مواقف... هو ايه اللي بيحصل للناس
اعوذ بمقلب القلوب، يارب الثبات يارب



يمكنك الإطلاع على مقالة الأستاذة فريدة النقاش على هذا الرابط

http://www.al- ahaly.com/ index.php? option=com_ content&view=article&id=1874:2010- 06-16-17- 28-31&catid=43:2010- 02-27-09- 37-38&Itemid=675

سينا يا ناس

يا ددعان فيه ايه يا ددعان
هي مش سينا دي اللي تقريبا نص مصر ماتت عشانها؟ مالكم يا شباب مصر؟ الناس طالع تلاتين اللي خلفوهم وهم مش وش اهانة معلش بدون حساسية يعني ولا زعل ماهماش زينا احنا يعني بدون ذكر اسماء
حتحصل كارثة، امن الدولة حط ايده في الكوبس، دي ناس عندها كرااااااااااااااااااااامة
وعندهم مطالب مشروعة، احمد رجب راح سينا وحضر المؤتمر بتاعهم وهم لهم سبع مطالب اقل ما يقال عنها انها انسانية يا جدعان عيب يا جدعان
1- الافراج عن المعتقلين، ومن ضمنهم مسعد ابو فجر
2- وان الجيش هو اللي يتعامل معاهم مش الشرطة عشان الشرطة بهايم وما يعرفوش يعاملوا الناس اللي بتحترم نفسها وعندها كرامة
3- وان الدولة تنمي القرى بتاعتهم
4- وان شباب سينا يبقى له فرص عمل زيه زي بقية البشر ويتعاملوا زي الناس
5- ويلغوا الاحكام الغيابية ضد الناس
6- ومحاكمة ظباط الشرطة اللي قتلوا سيناوية
7- والسماح لهم بتملك اراضي
اخصصصصصصصصصصصص
اخص اخص اخص اخص اتفو عليكم وعلى اشكالكم يا بعدا يا واطيين.. دي مطالب الناس تطلبها منكوا يا عالم يا رمم يا جرابيع؟ هم بيطلبوا ايه؟ بيطلبوا ايه؟ بيطلبوا انهم يتعاملوا كأنهم بني ادمين
صحيح الندل لما يحتكم يقدر ولا يعفيش
طب احنا ايه؟ حنقف نتفرج على الناس وللا ايه؟ مافيش ام وقفة احتجازية على سلم النقابة بخمسين واحد؟ الناس في سينا عمالين يقولوا لما واحد بيتقتل من التعذيب في اي محافظة تانية بتقلبوا الدنيا واحنا بنتقتل هنا ونسوانا بتتاخد سبايا ولا كأننا بني ادمين
بصراحة اتفو علينا احنا كمان

Friday 2 July 2010

اقروهم يمكن ينفعوكوا

اقروا المقالتين دول، وبعد بكرة انا كاتبة في الدستور عن الموضوع برضه

Thursday 1 July 2010

صح والله صح.. وغير الازواج كمان لولا الملامة

ميدو جاب لي الخبر ده، وانا شايفة ان عنوان الخبر غلط، مش النساء المصريات الاكثر ضربا لازواجهن
المفروض: المصريون الاكثر استحقاقا للضرب بين الرجال  في العالم
فعلا والله فعلا، اه ستات كتير بيفقدوا اعصابهم وكتر خيرها مش بترميه من الشباك
ورجالة كتير فعلا يستاهلوا الضرب، ازواج وغير ازواج والله في مصر هنا
انا دايما لما اتضايق من حد اقعد اتخيل اني ضربته وللا اتخانقت معاه عشان اهدا، عمري ما تخيلت اني بارمي حد من الشباك او باولع فيه الا اذا كان راجل مصري، عمري ما تخيلتها على ستات مع اني اتخانقت مع ستات كتير في خيالي، بس كل الخناق كان بالكلام واني افهمها غلطها، وعمري ما تخيلتها على رجالة مش مصريين
وكنت فاكرة نفسي فريدة وحيدة، ارتضح ان فيه ناس كتير كده والله، سألت، فيه ناس كتير بتتخيل الانتقام وناس بتنفذه وكلهم بيضربوا الرجالة يا في خيالهم يا في الحقيقة
التقرير بيقول العشوائيات اقل بسبب ان الستات اقل جرأة في العشوائيات انها تقول انها ضربت جوزها
بس كتير قوي في العشوائيات بيضربوا اجوازهم، بيبقى متلقح في البيت، وهي بتشتغل، وياخد فلوسها يشرب بيهم ويضربها، طب تضربه وللا ما تضربوش؟ كتر خيرها انها ما بتقلش عقلها وتقتله عشان ما يتحسبش عليها بني ادم وتتحبس بجريرته
بس جدعان الستات المصريات
keep up
السنة الجاية عايزة النسبة 90 في المية، وبعد كده اقتصروا وربوا ولادكوا، مش تروحي تفهميه انه فرخة بكشك، وان اي ست اجنبية حتشوفه حيغمى عليها
صح حيغمى عليها من ريحة شرابه
بطلوا الدلع اللي بتعملوه في الصبيان ده كله منكوا انتوا كمان وترجعوا تغنوا ظلموه
طلعيه راجل
ويغسل المواعين
ويلم الغسيل
ويتعود يعتمد على نفسه
ولما يغلط يعتذر ويقول انا اسف، ويقول انا اسف قدام الناس
ولما يغلط يواجه اللي غلط في حقهم ما يهربش 
ولما يبقى عامل عملة ما تروحيش تزعقي له وبعد شوية "ما يهونش عليا" وتروحي انت تهزأي نفسك وتصالحيه يقوم يستهتر بيك ولما ما يحترمش امه ما يعرفش يحترم حد في الدنيا بعد كده ولا نفسه حتى
ونزليه الشارع
ويشتري لك حاجات
ومافيش حد حياكله يا امورة بطلي الخضة دي
وماهواش فرخة بكشك ولا حاجة
وما يقعدش على البساط وياخد ست البنات
وفيه زيه كتير على فكرة مافيش حاجة اسمها: هو انت فيه زيك؟ فيه زيه واحسن منه
واي جميلة او خدمة تعمليها معاه ماهياش حق مكتسب ومش واجب عليك
ويتعود يشكر الناس لما حد يعمل معاه دقة جدعنة
وما يتمرعش على الناس اللي بتعامله كويس.. يتأدب معاهم
وما يبقاش شبشب للناس اللي بتديله بالجزمة.. يبقى عنده كرامة
ويحس يحس على دمه
يتعود يبقى حسيس ويحس بغيره وبتعب غيره
ويبقى بني ادم
بني ادم
ربوا عيالكوا يا نسوان بدل ما تيجي نسوان تانية يربوهم وهم شحطة بشنبات
هو مين في الدنيا بتبقى مبسوطة لما بتضرب جوزها؟ 
حاجة تقرف  

انا عايزة ابوس بتوع جريدة الجمهورية من بقهم

اوعى تتخيل اني عندي القدرة ولا الامكانية ولا الطاقة اني اعلق على المقال ده، لا كلام ولا فيتيون ولا كول تون ممكن يوفوا ويكفوا
كل يوم جريدة الجمهورية بتتفوق على نفسها
عايزة ابوسهم كلهم كلهم بوسة سيمنائية 
المظاهرات السوداء السينمائية!
كتب رئيس التحرير:
أحياناً تغطي الصحف بعض الأحداث وتهمل الربط بينها مع أن البحث عن علاقة بين الأخبار وبعضها يكون في احيان كثيرة أهم من الخبر نفسه وأكثر اثارة.. يوم 18 يونيو الماضي نظم تحالف جمعيات المصريين المقيمين بالولايات المتحدة مظاهرة بالملابس السوداء امام السفارة المصرية في واشنطن احتجاجا علي ما زعموا انه مصرع الشاب خالد سعيد علي يد الشرطة المصرية!
وقف المتظاهرون بظهورهم أمام السفارة المصرية في حركة يفهم منها رفضهم لما تمثله الدولة المصرية من سلطات.. سواء كانت هذه السلطات دبلوماسية كالسفارة أو أمنية كالشرطة أو قضائية كالنيابة والطب الشرعي..
المتظاهرون المصريون في الولايات المتحدة اعطوا ظهورهم للسفارة المصرية تعبيراً عن رفضهم لأي سلطة من سلطات الدولة وارتدوا الملابس السوداء حداداً منهم علي وطن رأوا أنه انتهي!!
في الوقت ذاته ومع اختلاف التوقيت وفي نفس اليوم 18 يونيو اصطف أيضاًَ عدد كبير من شباب المعارضة والقوي السياسية علي كورنيش الإسكندرية في منطقتي الشاطبي وسان استفانو ومحطة الرمل. أعطوا ظهورهم للمدينة وشخصت أبصارهم إلي البحر في إشارة أيضاً إلي رفض الوطن.. ارتدي المتظاهرون اللون الأسود الذي ارتداه المتظاهرون في الولايات المتحدة امام السفارة المصرية في واشنطن.. وفعلوا أيضاً نفس الشيء في بورسعيد وكرروا نفس "الوقفة" وظهورهم للمدينة ووجوههم للبحر.
ألم يلحظ أحد أن التوقيت في واشنطن وبورسعيد والإسكندرية وباقي محافظات مصر كان 18 يونيو!! (تصحيح بسيط، الجملة دي المفروض يبقى بعدها علامة استفهام مش علامة تعجب لأن ده سؤال انا مش حاعلق على المضمون لأن لساني يعجز عن ااا هههه للللل يارب انت عارف بقى يارب) من غير المعقول أن تكون المظاهرات في مصر وأمريكا مصادفة وبنفس الملابس السوداء وبنفس الوقفة ضد الدولة (على رأي وحيد سيف: بنفس البنطلون بنفس الفانلة؟).. انه تفكير مرتب ومخطط أن يحدث في عدة أماكن لتظهر مصر وكأن ابناءها في الداخل والخارج قرروا أن يتظاهروا ضدها في يوم واحد.
والحقيقة أن طريقة التظاهر بإدارة "الظهر" للمدينة أو للسفارة مأخوذة عن رمز كراهية المدينة الذي ورد في أكثر من فيلم سينمائي أمريكي ومحلي.. فالذي يتجه إلي البحر ويشخص بانظاره إليه هو الراغب في التغيير الذي يمكن أن يأتي من المجهول أو البحر.. وهو ما ظهر مؤخراً في فيلم رسائل البحر للمخرج داود عبدالسيد.
غير أن هذا المعني ظهر أول ما ظهر في الفيلم العالمي مدينة الملائكة أو City of angeles وقد سألت أحد أصدقائي المهتمين بالفن السابع فقال لي إن الفيلم يجسد فكرة رفض الحياة الأرضية ومن ثم فإن الخلاص يكون من خلال قصة حب بين فتاة بشرية "ميج رايان" وملاك "نيكولاس كيدج" الذي ظهر طوال الفيلم مرتدياً بدلة سوداء .. إنها فكرة جديدة لرفض المجتمعات وهي الاقتناع بأن التغيير سيجيء من خلال "قوة خفية".. هذه القوة الخفية "غير منظورة" وارتداؤها للسواد يرمز إلي أنها في حداد علي ما وصلت إليه أحوال الأرض.. ثم عندما يحدث المراد ويتم التغيير تنتقل البطلة إلي اللون الأسود مثل الملاك الذي أحبته أو ينتقل هو إلي اللون الآخر..
أرأيتم إلي أين وصلت القوي السياسية في سطحيتها.. مجرد نقل لأفكار الأفلام.. هؤلاء ليسوا سياسيين بقدر ما هم منجذبون إلي الفكر الأمريكي في "الإخراج" السياسي للأزمات والمشاكل.. الأمريكيون برعوا في السينما.. ومنها استعاروا ألقابا أطلقوها علي كل عملية يقومون بها.. قالوا عن تصفية عبدالناصر عسكرياً "عملية اصطياد الديك الرومي".. أطلقوا علي غزو العراق "ثعلب الصحراء".. وعلي محاصرة بن لادن في جبال أفغانستان "كمين للشبح"..(سوري سوري بس.. ايه الجملة؟)
ويبدو أن قوي المعارضة المصرية قررت أن تقتدي بالأسلوب الأمريكي في ارتداء اللون الأسود عند الاحتجاج.. أمس الأول حدثت مظاهرة لإرهاب جريدة "الجمهورية" وترويع العاملين فيها. في إرهاب فكري واضح لجريدة تؤمن بالسلطات في مصر ومنها سلطة القضاء والنيابة التي تعتمد قراراتها في كثير من الاحيان علي تقرير الطب الشرعي..
المظاهرة التي جاء بها معارضون إلي الرصيف المواجه "للجمهورية" استهدفت ترويع الصحفيين ليغيروا قناعاتهم ويشككوا في كل تقرير أو رواية رسمية باعتبار أن كل ما يصدر عن الدولة لا يعجب المعارضة.. المتظاهرون يريدون ممارسة "ديكتاتورية الأقلية" علينا.. يريدون فرض قانون الشارع علي المؤسسات!! الأعلي صوتاً يكون أكثر اقناعاً.. إنها دعوة لعدم الثقة في أي سلطة في مصر.. لا قضاء ولا أمن ولا أحزاب ولا حكومة.. الشارع يجب أن يحكم بكل غوغائيته وتطرفه ومصالحه وارتباط بعض القوي فيه بالخارج.. لكن هذا لن يحدث طالما أن هناك عقلاء ومستنيرين في هذا البلد فلابد أن يكون هناك "رأي" و"رأي آخر".. لن تخضع مصر لرأي لا يعترف بالشرعية ولا بالقانون ولا بالدولة.. لن يخاف الصحفيون والكتاب من إرهاب المعارضة التي تنادي بالحرية لنفسها فقط وترفض الاعتراف بأي قانون سوي ما يتفق مع مصالحها ومزاجها.
--------
طب احنا حنحضر ارواح القوة الخفية المرة الجاية في انهي حتة يا عيال؟ يعني احنا عملاء للسينما الامريكية وميج رايان ونيكولاس كيدج والقوة المستخفية؟ همممم
حبرشني يا حبرشني هات الحنة تنقرشني