Tuesday 17 August 2010

انا معاك يا اسد الاسود.. اديله ما تريحوش

فاكرين انتوا الموضوع اللي كتبه اسد في المصري اليوم عن ستيفن ريتشارد الاسرائيلي اللي جه في الكونجرس الاسلامي هنا في مصر وقابل طوب الارض اخوان على بهائيين على قرآنيين.. (انتوا يا عيال هبل؟ اي حد يقول لكوا تعالوا اوريكوا القطر تروحوا معاه؟) وعمر اتصل بداليا زيادة وقال لها: قال؟ قال يا داليا قال؟ فقالت له: اومااااال، ده حتى ستيفن "انسانا رائعا ويعرف معنى أن يكون إنسانا" وكان انسانا ولا كل الانسانانات وكان بشرا ولا كل المبشورين
قام قال لها: ده اسرائيلي
قام قالت له: وماله؟ احنا مش بنفرق ما بين الناس على اساس "ديانتهم وموقعهم الجغرافي"! المهم يبقى انسان.. انسان.. انسان، انسان قوي، انسان خالص، انسان آخر حاجة
قوم انا طبعا سخنت، انتوا عارفين انا بالعلع في حاجات دي
قوم داليا زيادة كتبت رد تقول فيه برضه موضوع انسان وبشر ده وقالت: لن اسمح لاحد بالمزايدة على وطنيتي بس انا ماليش في السياسة، وبعدين ستيف اوستين الانسان بحق ده مش اسرائيلي.. ده امريكي، ثم ازاي يعني واحد ينتهك خسوسية ستيف اوستين وينشر بياناته على الفيس بوء (اللي بيقول فيها انه اسرائيلي وانه عضو في حركة اسرائيلية ومتصور بعلم اسرائيل اسم الله على مقامه) وقالت كلام واعر وشيريز كتير قوي
!!!!!!!!!!!!
اي والله عليكوا ولا اعدم ستيفن وداليا في ساعة واحدة
قام عمر ما سكتش، قال بتطلعني كداب؟ وراح جاب كل شيجن من مصارينه في هاذوها البوست المعنون: داليا زيادة والصهيوني الطيب وحاطط صورة ستيف اوستين وهو متصور بالعلم الاسرائيلي
هههههههههههههههههه يا عيني... بس اكيد يستاهلوا، ماهو ربنا مش حيوقع الكونجرس الاسلامي في ايد عمر الهادي الا يكونوا يستاهلوا، امال حيعاقبهم العقوبة الجامدة دي ليه؟ ربنا ما يكتب على مؤمن عداوة عمر الهادي
وانا معاك يا معلم.. بس والنبي اتشوقت اني اشوف انسانية ستيفن اللي بيعرف معنى انه يكون انسانا.. حد يعرف معنى انه يكون انسانا؟ اصلي ما باعرفش لغات، مش عارفة ليه لما داليا زيادة اتكلمت عنه وقريت كلامها في نهار الصيام جعت.. حسيت انها بتتكلم عن برطمان نوتيلا

11 comments:

سامي said...

حاولت جهدي، علي طول مشواري الطويل في مهنة الكتابة، السعي لبلوغ مرتبة أن "تبقي كتابتي" شاهداً علي أن يدي الفانية لم تُضع وقتها في "الهجص" والإفتان و الدخول في المراء الكاذب مع محاورات ومحاور الأئمة الداعين إلي النار


جزء من مقال بديع ومؤثر للاستاذة
الكبيرة صافى ناز كاظم
يا بنت الايه .. بحب امك قوي وباغبطك عليها نفسى اسلم عليها وابوس ايدها الفانية دي
كل سنة وهى طيبة


http://dostor.org/culture/news/10/august/16/25653

أبو أمك said...

ويا ترى نوتيلا دي غير سكاليناتيلا ؟

the magnificent ninja said...

مستحيل يكون قابل حد من الاخوان , فموقف الاخوان واضح مما يسمى بدولة اسرائيل

wahat_alshohada said...

جزاك الله كل خير أسد من ضهر أسد صحيح. دة هيكون درس لكل من تسول له نفسة الكذب و استغفال الناس وتمرير التطبيع من تحت الباب.
Nothing and no one will make us accept zionists in Egypt. We hate zionists and we DO NOT recognize the illegal entity called Israel: Is that loud and clear enough Dalia Ziada?!

مش فاهمه said...

انا كمان باحب مامتك جدا و قولى لها كل سنه و انتى طيبه و عقبال 100 سنه لأن عيد ميلادها كان من 3 ايام صح ولا لأ
المهم و النبى يا نوار موضوع كاميليا شحاته اتقال فى الدستور النهارده و شكل الست بتتسحل فى الكنيسه فين بقى بتوع حقوق المرأة و حقوق الأنسان ولا دول ما لهومش غير فى الشواذ و الأسرائليين هى دى مش بنى أدم من حقها تختار دينها بجد ازاى مانسيبهاش تواجه مصير وفاء قسطنطين و نقعد نتفرج

Mohamed said...

PLZ YA NAWARA YA3NY B2ITY OSHAOKHTMELIGY 3LA TWITTER W KOLT MASHY ANA B7B KLAMHA KIDA KIDA BAS BELAH 3LIKY BLASH HASAN W MORKOS W KOHIN , WLAHY T3BT

مواطن مصري said...

جريدة الشروق تطبع مع كاتب صهيوني

عاموس هرئيل


طائرات (إف ـــــــ 35) لا توفر ردًا فوريًا على الخطر الإيرانى



http://www.shorouknews.com/Columns/Column.aspx?id=284508

مواطن مصري said...

جريدة الشروق تطبع مع كاتب صهيوني

عاموس هرئيل


طائرات (إف ـــــــ 35) لا توفر ردًا فوريًا على الخطر الإيرانى



http://www.shorouknews.com/Columns/Column.aspx?id=284508

مواطن مصري said...

الحقي الحقي الشروق بطبع مع واحد ثاني صهيوني كاتب في الشروق

http://www.shorouknews.com/Columns/Column.aspx?id=242356

اسمة عاموس عوز

القوة الإسرائيلية، زَبَد فوق البحر

http://www.shorouknews.com/Columns/Column.aspx?id=242356


طائرات (إف ـــــــ 35) لا توفر ردًا فوريًا على الخطر الإيرانى

عاموس هرائيل في الشررررررررررررروق
http://www.shorouknews.com/Columns/Column.aspx?id=284508


هو دة مش تطبيع؟
و الثاني عاموس هرائيل

مواطن مصري said...

المقالتين المنشورين في الشروق عن قوة الجيش الصهيوني مش حاجة غرريببببة هو فهمي هويدي معترضش لية

utopia said...

مش فاهمه
مش هاقول غير حسبى الله ونعم الوكيل فى شيخ الازهر الراجل ده كنت فاكره هايعمل حاجة
نفسى اسمع حد من المسيحيين يقول انه مضطهد تانى علشان افك صيامى عليه
اول مرة على حسب علمى تبقى فيه اغلبية مضطهدة فى بلدها
جاتنا القرف فى خلقنا كلنا
لما نسيب حق ست عايزة حريتها