Sunday, 1 August 2010

ايه العته ده؟/ اليوم السابع

اولا انا ما قدرتش اروح محاكمة احمد سيف وجمال عيد وعمرو غربية عشان كان عندي تسمم امبارح
ثانيا الشبكة العربية طالبة ناس تشتغل وجمال عيد عمال يبتزني ويقول لي انشري اللنك امال مين اللي حيشغل الشبكة وانا مسجون؟ واء واء واء اضغط هنا
----------
ثالثا
ايه العته اللي اليوم السابع عملته ده؟ ايه السفالة وقلة الادب دي؟ اولا مين انيس الدغيدي ده اللي يدافع عن سيدنا محمد اصلا
وبعيدن ينفع الواحد عشان يعمل اعلى مبيعات يحط عناوين بالشكل ده؟ ده انا اللي قلبي جامد يعني وبتاعة حرية تعبير لما سمعت العناوين قعدت اعيط لا ومين اللي كان بيقراها.. ابو اسحاق الحويني اللي انا مش باطيق ريحة اسمه، ومع ذلك عيطت، هم اتجننوا؟ ما بيحسوش؟ ما بيفهموش؟ مافيش كومن سنس؟ انا ما احبش الغباء، انا احب البني ادم يبقى مخه نضيف
قام جم الهاكرز هيكوا على الموقع
عادي شغال على فكرة انا ما عنديش مانع
بس المسيحيين اتشتموا ليه في الليلة دي؟ هههههههههههههههههههههههههههههه هي الناس كلها اتجننت وللا ايه؟ لا مش ممكن اكيد فيه حاجة في الاكل او انا اللي ضربت بقى مش ممكن كل الناس غلط وانا اللي صح
اليوم السابع يدافع عن الرسول ويقول الليالي الحمراء لمحمد
والهاكرز يقتصوا للرسول من اليوم السابع ويقولوا: وفين وفاء قسطنطين؟ ههههههههههههههههههههههههههههههههههههههههههههههههههههههههههههههههههههه
وبعدين، سابوا الكلام اللي قاله اليوم السابع، وراحوا مسكوا في المسيحيين وبعد ما قالوا لهم فين وفاء قسطنطين ابتدوا على صفحة اليوم السابع اللي هم هيكوا عليها: هل تجسد الله؟
طب ده ايه دخله بشتمية سيدنا محمد ده؟ اصلا اللي نزل العناوين دي مش مسيحي، واليوم السابع مش جرنال مسيحي، ورئيس تحريرها مش مسيحي، وكاتب الرواية مش مسيحي، وماحدش فيهم له علاقة بالكنيسة ولا بوفاء قسطنطين، مافيش خليفة اسمه السادات، سيدنا عمر اتقتل في الجامع ما اتقلبش بيه ميكروباص على الطريق الدائري، وانت نازل ابقى انزل على السلم ما تتزحلقش على الترابزين ... هم الهاكرز دول ضاربين ايه؟

25 comments:

Ahmed Faissl said...

ضاربين سلفية ناشفة مطحونة بعيد عنك

dreimi said...

اصلك مش متابعة اليوم السابع يا نوارة
المعلقين فيها نوعين
نوعية الكفرة عباد الصليب
ونوعية المسلمين المحتلين حنطردكم :D

- أحمد صبحي - مصرى فى فرنسا said...

أعتقد الهاك علي الموقع بيخدم قضيتهم مش بيضرهم،اليوم السابع أستاذ ومتخصص إظهار إن مصر فيها تطرف ـ لمصلحة مين،دي قضية أخري

من الإستفادة اللي ممكن يجنوها لنفسهم،ولحملاتهم المعهودة،أنا لومكانهم وبعقليتهم،أهاك الموقع بنفسي،وأحط الكلام ده!:)

Khaled Khalil said...

احم, بلاش أقول ضاربين إيه
بيبقوا فين الهاكرز دول في الصراع الداير دلوقتي بين إسرائيليين و أتراك

في رأيي اليوم السابع مغلطش بحرف واحد, غير بالإعتذارات الفجة بتاعت النهاردة, ما يخلوا فضيلة الشيخ و قناة البدر يديرولهم جرنالهم بما يرضيهم أحسن بدل الذل ده


المهم, انتي بتعملي إيه بكود فيجن آ في آر ؟

utopia said...

اولا حمد الله على سلامتك
تانى حاجة الحكاية بهوقت اوى من الكنيسة
و شهادة حق اليوم السابع متعهدة اخبار وتصريحات الكنيسة دى حقيقة مش افترا
والمسيحيين من نوعية المسلمين المحتلين ومصر مسيحية متواجدين هناك على طول على رأى دريمى وطبعا الاخوة المتسولفين بيردوا عليهم
احسن على فكرة الهاكينج عليهم بغض النظر عن الاسئلة الهبلة اللى اتحطت يعنى مش قادرين يكتبوا اعتذار بروح امهم؟؟
وبعدين ايه نظام بلطجة الكنيسة دى
يعنى ايه واحدة تتحبس فى الدير؟؟
هو احنا نحارب الاغبيا المتسولفين
يطلعلنا الاخوة بتوع الكنيسة؟
ايها النظام هى بقت بلطجة ولا ايه
و مسيحيين مصر دول ايه بقوا داقين عصافير مش شايفين ان الكنيسة سايقاهم
ايش دخل الكنيسة بامور غير عقائدية؟
البلد دى جننتنى خلااااااااص

Khaled Khalil said...

آسف, ده مش انتي, ده عبد الرحمن جي
http://twitpic.com/2ang9d/

محمود المصرى said...

بسم الله الرحمن الرحيم

طبعا جريدة اليوم السابع واضح ان اسلوبها مستفز بصفة عامة , ودى مش اول مرة تهاجم الاسلام , حصلت اكتر من مرة , طبعا فاكرين ايام الف ليلة وليلة لما دخلوا بسفالة ووساخة على البخارى , وبالنسبة للهجوم على النصرانية فدا ليه اعتبارات , اولها ان البعض فاكر ان اليوم السابع يمتلكها نجيب ساويرس وثانيها ان هناك شائعات ان فى بعض النصارى او المتنصرين فى الجريدة .
كلمة للأستاذة نوارة :
صدقينى والله الشيخ الحوينى وغيره من الدعاة السلفيين اللى انتى بتهاجميهم عندهم غيرة على الدين وحب لله وللرسول كما نحسبهم فلو حضرتك تأخذى عليهم مأخذ ياريت يكون فى اطار الاحترام المتبادل والنقد الموضوعى بلاش التهكم والاستهزاء زى ما ربنا امرنا ( لا يسخر قوم من قوم عسى ان يكونوا خيرا منهم ) وحضرتك لا تضمنى انهم يكونوا خير منك ولا ايه؟

dreimi said...

خالد خليل@
انا بردو قلت نوارة مش بتاعة برمجة :P

Ghareb said...

محدش سمع اصوات الاخوة اللى عملين عقلانيين و دمهم خفيف و بيكرهوا التطرف و المشايخ المتطرفين الهيل اللى دقونهم طويلة يوم ما قصة القس برسوم المحرقى و الفيديوهات اللى نزلتله و الجريدة اتقفلت و الراجل اتحبس و مات فى السجن, محدش قال ساعتها حرية التعبير و التطرف و الجهل و العصور الوسطى و احنا الراجل ده مش بنطيقه و الراجل ده بنحبه, محدش سمع حاجة من ديه خالص, كل اللى اتسمع ان ده عيب و ده راجل دين و قس كبير و بيعمل فى الحريم كده عشان المغفرة و الجنة, لكن يتقال الاسرار الحمراء لمحمد مع النساء يبقى عادى و نهرج و نهيس و نقول كنت هاعيط و الحوينى ده راجل اهبل و متطرف و عبيط و المفروض يروح سنة 1000 ميلادية مع اللى شبهه, ان الارض يرثها عبادى , الصالحين , هيا ايام و ربنا الموفق

mohamed said...

انا معاكي في كل اللي قولتيه

وكمان اليوم السابع رغم كل دا هو أكبر مستفيد من موضوع الهاك

أولا هيتصيط على مستوى العالم كبطل للراي وشيهد الحرية اللي الارهابيين والمتعصبين هاجموه .. وانتي عارفة ما ورا التصيت وهيفتحله ابواب اد ايه

تاني حاحة هيرجع ضيف على اخبار كل القنوات وبرامج التوك شو بعد اما غاب عنها

تالت حاجة المحررين هيلاقوا قصة نضال هيحكوها في كل المحافل

غير بقى المكاسب الداخلية بحجة رفع إجاءات التأمين للموقع

وغير كدا النظام هيستفيد لانه ممكن يستغل الموضوع دا عشان يخترع قوانين جيدة لوضع حدود ورقابة أكتر على استخدام النت بحجة عدم الأضرار بالاخريين

Ahmed 3okra said...

_جؤسدة اليوم الخرة
اليوم الساقع
احنا متعودين منها على كدا
احبار زباله وقرف
وناس عاوزه تعلى على حساب ناس
مش مهم مين يزعل ومين يتفلق
المهم يا نواره عاوزك تكتبى عن البت ريهام بتاعه برنامج صبايا
الحجه عملالى حلقه عن رامى وشكرى بتوع ستار اكادمى
ومطلعاهم اوليا صالحين
عاوزه تعمل بروباجندا وبتقول احنا مش عارف ايه ومش بنسيح ولا بتاع
هو اى هبل فى الجبل ويبقى صبايا
مش فاهم ايه علاقه رامى وشكرى بصبايا
بس اى حشو وخلاص
علشان الصبايا ميزعلوش

utopia said...

وطنى نصيبى الوطن الاكبر

http://www.youtube.com/watch?v=yeB5ap_7o_s&feature=related

utopia said...

ما علقتيش صحيح على فتوى شيخ الامة الحبر الاعظم (محمود عباس
بأن القرضاوى ما بيفهمش !!!

دعاء فتحى said...

معاك حق هو التعبير الصحيح للحالة دى إيه العته ده
شتيمة فى الرسول والرد عليها مش دفاع عن الرسول لأ شتيمة فى المسيحية
أحب أطمنك إن فعلا كل الناس دى اتهبلت فى مخها

بهيج الشرير said...

هل صحيح ياأبلتي أن أبو التعالب ملك الفياجرا وقاهر الهكسوس والواد إبنه إبن عرس المعروف أيضا بإسم الثعبان الأقرع، ناويين بمناسبة رمضان والقصص الدرامية بتاعة الشفافية دي؛ أنهم يوزعوا على الناس الجلاليب الإزاز

Abu ShoSho said...

الأستاذة نوارة النصر بنت النجم الصافي

أني مش بالع حكاية الهاكر دين و حاسس انها ملعوب أص الجماعة السلفنجية دولم ملهمشي فى الهاك و اذا هما اللي عملينها ماممكنش يكونوا بالغباوة دين. اللي سواهه بده يدخل زيد في عبيد و بدل ما اليوم الساجع هي المجرمة تبجا ضحية و ما يضرش انها تتحامي في الكنيسة و لجباط. أني عارف ان سيادتك ما بيلدش عليكي موجع المصريون بس اجري الخبر دون.

تحياتي
أبو شوشو

مواطن مصري said...

ياااااااااااااااااا نوارةةةةة دبدبات اسرائلية بتضرب قاعدة لبنانية في جنوب لببنان أفتح التلفزيون

مواطن مصري said...

خبر عاااااااجل : إطلاق نار متبادل بين الجيش اللبناني والجيش الإسرائيلي في منطقة العديسة الجنوبية الحدودية . #Lebanon

مواطن مصري said...

بيقولو على التويتر فية قتيل وقع في لبنان نتيجة ل القصف الاسرائيلي

مواطن مصري said...

خاص "النشرة": الجيش اللبناني يرد على مصادر النيران الاسرائيلية بالمثل
التويتررررررر

مواطن مصري said...

عاجل : الجيش اللبنانى يرد على مصادر النيران الاسرائيلية بالمثل

مواطن مصري said...

عاجل : الجيش اللبنانى يرد على مصادر النيران الاسرائيلية بالمثل

مواطن مصري said...

عاجل : الجيش اللبنانى يرد على مصادر النيران الاسرائيلية بالمثل

مواطن مصري said...

Manar TV: Security sources: Israeli snipers are firing at the Adeisseh- Kfar Kila road. #Lebanon #Breaking

Salah said...

السلام عليكم يا نوارة
سؤال بسيط واكون ممتن لو تجاوبيني عليه
إيه حكاية / أبو إسحاق الحويني إللي انا مابطقش إسمه ؟!!!
انا بس حبيت استوضح الصورة منك
يمكن اكون انا مش واخد بالي إن الراجل ده مش كويس
ويمكن تكوني انتي اللي مش واخدة بالك
السلام عليكم ورحمة الله