Saturday, 21 August 2010

ابن العميل بابل بيتريق على النشطاء

 تحديث:
انا لقيت ان المجموعة اللي عاملة فيديو المناضلين ده عاملين فيديو لرجل اعمال حرامي، قلت لازم انزله عشان حرام اظلمهم



هههههههههههههههههههههه ايه العيال دي؟ بيستعطوا ايه؟ بس عمرهم ما حيعرفوا يجيبوا احمد عز واشرف مروان
برضه اعملوها انتوا 
-------------
هو الفيديو معمول حلو ويضحك فعلا، عشان نبقى موضوعيين
الفيديو بتاع ميلودي، اللي هو ازاي تبقى مناضل
ده



حلو ودمه خفيف فعلا... بس لو كان اللي عامله اي حد غير ابن الجاسوس.. معلش بقى الانصاص قامت والقوالب نامت، ما بقاش الا ده كمان، تيجي من اي حد تاني غيره
وعلى اي حال، تقديرا منا للابداع، المفروض كمان النشطاء يعملوا فيديوهات: ازاي تبقى مليادرير وبطل قومي والريس يمشي في جنازتك بعد ما كنت كحيان ومش لاقي تاكل، تبقى سلسلة فيديوهات 
1- ازاي تعلق بنت الريس: اختار الهابلة اللي فيهم
2- ازاي تبقى البلد امانة في ايديك يا رأفت
3- ازاي تبلف اللي ييجي بعد حماك وتشوط كل اللي وقفوا جنبك
4- ازاي تبقى رجل لكل العصور
5- اتعلم من اخطاء غيرك وما تقفش في البالكونة
6- موت وانت ماسك ذلل على غيرك عشان ماحدش يفضحك لا وانت عايش ولا وانت ميت
ياريت والله واد عترة ابن عترة يعمل الفيديوهات دي وتبقى دمها خفيف ولطيفة بدل ماحد يطلع يتشنج ويعمل لنا الرفيقة الدادا ام عطيات الشغالة ويضحك علينا الناس اكتر ههههههههههههههههههههههههههههههههههههه
بس الواد اللي في الفيتيون ده شبه علاء سيف ههههههههههههههههههههههههههههههههههههههههه اموت واعرف مين صاحب الفكرة وكاتبها والمخرج بتاعها، عيال صايعة والله، انا مش معترضة على الفيديوهات، بس كانوا يبيعوها لاي حد تاني غير ميلودي، معلش انا تافهة في الحاجات دي، بس مش ده اللي يذيع الحاجات دي
وانتوا راخرين.. ابقوا احلقوا كده واستحموا وما تشيلوش كتب في الرايحة والجاية يعني، وما تلبسوش زي بعض، وبعدين هههههههه ايه ده؟ ايه البت دي عرف يجيبها ازاي كده؟ دي شبه معظم البنات اللي على البورصة فعلا ههههههههههههه ولاد الحراااام.. بس برضه مش ابن العميل بابل اللي ينزل حاجة زي دي
وعموما، حد يفكر في اقتراحات الفيديوهات دي، واهي بالمرة يتعمل واحدة زيها لاحمد عز وواحدة زيها لجمال مبارك، وعندنا عيال كتير بتعرف تمثل وعيال كتير شاطرة في الفيديو وعيال كتير صايعة ودمها خفيف
ومتشكرين لابن العميل بابل اللي ادانا الفكرة.. عايزين يدخلوا فيديوهات، ندخل فيديوهات، وهم اللي حيطلعوا خسرانين فيها

21 comments:

حسام said...

الفيديو بيحاول يتفه اللى بيعملو الشباب دلوقت

امبارح كل ماتكلم عن حاجه واحد يقولى مهو الموضه اليومين دول الشاب المناضل

بس صراحه الواد ده شبه كل اللى اعرفهم من الاشتراكيين الثوريين:D

جبهة التهييس الشعبية said...

اشمعنى الاشتراكيين الثوريين؟
لا مش شبه الاشتراكيين الثوريين خالص، وما بيقعدوش على البورصة اساسا
ده شبه المدونين

حسام said...

الواد اللى فى الفيديو ده هو الخالق الناطق يوسف شعبان

http://sphotos.ak.fbcdn.net/hphotos-ak-snc3/hs659.snc3/32555_10150187779370019_882265018_12768886_919946_n.jpg
يوسف شاب مناضل وجدع اوى
من الاشتراكيين الثوريين

والله لولا انى عارف ان ده يوسف كان زمانى قولت اللقطه دى من الفيديو

mido said...

اقتباس من كلامك على تويتر :

انا بقى نمت وصحيت ولقيت نفسي متغاظة قوي ان ابن الجاسوس بيتريق على النشطاء.. حتى لو تضحك فعلا بس مش ابن الجاسوس اللي يعمل كده

---------

موافق على الكلام ده

و احب اضيف ان اللى عمل الفيديو مش محترم و شغال سبايب لانه عايز يتشهر على قفا الشباب دول

utopia said...

بقولك ايه الواد شبه المدونين اه
بس لامؤاخظة المدونين اليساريين
:)
بس بغض النظر عن بابل واللى بيتزقوا من بلكونات لندن العيال زى العسل وكلامهم صح

مواطن مصري said...

الحمد الله انا بروح بقعد عند عبدو تلوث او في سيلانترو

"_"

مواطن مصري said...

اة نسيت اقولك الي عاملين الفيديو هو تيت راديو

spark said...

انا قولت بما أنك دايسة في مواضع النت دي من زمان أكيد هتبقي عارفاهم

دي فكرة شباب تيت راديو
كانوا قدموها من يجي سنتين كدة في الراديو بتاعهم
لكن في كذا حاجة دلوقتي معمولة أسكتشات
http://www.teetradio.com/

احمد سعيد said...
This comment has been removed by the author.
احمد سعيد said...

عزيزتى نوارة هانم
انا شفت الفيديو دة اول امبارح على ربع مشكل
بصراحه
اول مرة اضحك كدة من خمسه و
اربعين سنه

كان عندى كلمتين حارقينى عن الموضوع دة

بس بما انك اتكلمتى عنه
هكتفى بالكومنت دة

ناخد الموضوع جد شويه ومن غير ضحك

وهحطه فى نقاط محددة

المتابع للاعلام الرسمى ( ودلاديله ) يلاحظ بسهوله ان اللون دة مش اول مرة يتقدم

حد فاكر رامى الاعتصامى ؟
وانا مش معاهم؟
وغيرة وغيرة

مع الاسف
الوسط دة فيه عينات عاوزة الحرق
فيهم مدونين كلنا عارفينهم
وعاملين فعلا كدة وبيدعوا البطوله وغاويين فرقعه وبياكلوا عيش على حس الموضوع دة
وكلكم عارفينهم كويس بالاسم

وفيهم مع الاسف اللى فعلا دماغه ضاربه ومهواش قد ربع كلمه من الكلام اللى بيقوله
وساعه الجد متشفهوش
( راجع نظريه الاخ اللى كان بيقول انا اسخن الجماهير بس )


بس دول قله
بس مع الاسف قله ظاهرة وصوتها عالى
وبتبان فى الصورة اكتر من الاغلبيه الكويسه

الوسط دة فيه شباب كتير كويس وفيه خير ومخه شغال

مع انى مع الاسف بعيد عنه

احمد سعيد said...

ولكن
عين النظام التفتت ليهم واخدتهم على محمل الجد بعد احداث المحله والنظام حس انهم فعلا خطر عليه

وخطرهم فى انهم يقدروا يحركوا الجماهير فعلا
وخصوصا العمال

زى ماحصل فى المحله ( وان كان حصل بمحض الصدفه )

ولذلك النظام بيحاول يحط سور بين الوسط دة وبين الجماهير

لان الشباب ( المناضل ) من غير دعم جماهيرى هيكون مالوش اى لازمه ومجرد معارض بلا انياب واراجوز زى البهوات الشايبين اللى بنشوفهم على الفضائيات

فيعمل كيييف النظاااااااام

يوصل فكرة للناس ان الشباب دول شباب سيس ومدعى
وواخدها منظرة
وميفهمش حاجه
ولا يليق ان الناس المحترمه تسمع له او تمشى وراةاو حتى تقتنع بارائه

وبما ان دة لازم يتم بشكل غير مباشر
علشان الناس متخدش بالها ان النظام هو اللى ورا الحمله الدعائيه دى وبالتالى الشباب دول يكسبوا تعاطف اكتر

فكان الاسلوب ان الفكرة دى تتعرض عن طريق اعلام خاص بعيد عن الرسمى
ومن خلال وسائل مختلفه
سينما ومسرح وتلفزيون
برامج ونكت

وبشكل تدريجى وبطىء جدا

علشان يحقق الاثر المطلوب

وفعلا الموضوع دة نجح بشكل كبير
واللى ساهم فى نجاحه اكتر ان فيه فعلا
مع الاسف
شباب كدة
( راجعوا المدونات اياها )

ودة خلانى اقول فعلا بعد ما شفت الكليب ان اللى عمله انسان تييييييت

ولو انى مكنتش اعرف انه ابن العميل بابل خاااااالص

الحمد لله ان ظنى طلع فى محله

يلا
كل سنه وانتى طيبه
:)

جبهة التهييس الشعبية said...

ايوة انا عارفة ان راديو تيت هو اللي عاملها

بس هم باعوها للقنوات دي ومن ضمنهم ابن اشرف مروان اللي انا مش باحبه

هم يعملوها اه، يبيعوها للناس دي لا، ادعي على ابني واكره اللي يقول امين ما يشمتوش فينا العوازل

هههههههههههههههههههههههههههههههههههههه

بس عيال صايعة فعلا

هههههههههههههههه
انا عمالة اشوف حاجتهم، مسخرة كلها هههههههههه

mido said...

احمد سعيد

مش ابن العميل بابا اللى عمله

ده شباب راديو تيت

ربنا يسامحهم بقى

khalil said...

كفى أيها الهمجي الرهيب ..!! كفى أيهذا الإله القذر !
إله يبول على التضحيات ويبصق فوق قبور البشر
يضمخ لحيته بالدماء وترقصه أنّه المحتضر
ويسخر من ذكريات النضال ويهزأ بالأمل المزدهر
كفى أيها الهمجي الرهيب ..!
الطرح الجديد من الشباب اللى ذى الورد عمل قلق عند النظام ورصد مبالغ ضخمة لتشوهم وشغل عملاءة يفنوا ولا يهمنا بس انا اتغزت

جبهة التهييس الشعبية said...

ما يبيعوش الفيديوهات دي لرجال اعمال حرامية يشمتوهم فينا

مهما كان

mido said...

احمد سعيد

النظام مسلطش احمد عيد و لا تيت راديو عشان يسخروا من النشطاء

الفكرة ان البعض بيخاف من تحول الامر الى ظاهرة و فى الحقيقة هى مش كده

يعنى مثلا الفيديو ده واحد من ضمن فيدويوهات كتير اجتماعية و فنية و سياسية

مع اعتراضى عليه طبعا لكن مش امن اللى وراه

Bienveillants أوفياء مصر d'Égypte said...

+++++

A : Ce n’est pas la peine de regarder ce genre de folie abusive, peut-on regarder quelque chose d’utile, pour une foie ?

B : D’utile ? Comme quoi ?

A : Voici un exemple :

Le conte, l’Histoire et le plan des voleurs Sionistes, en huit vidéos, (en Anglais):

1
http://www.youtube.com/watch?v=eK7JJea3Sz8&has_verified=1
2
http://www.youtube.com/watch?v=pdPOUQDiO7I&NR=1
3
http://www.youtube.com/watch?v=ylFVsrmmdV0&NR=1
4
http://www.youtube.com/watch?v=bOMaJdVqStE&NR=1
5
http://www.youtube.com/watch?v=j09KMQvJuac&NR=1
6
http://www.youtube.com/watch?v=YuSDl3ZeB_c&NR=1
7
http://www.youtube.com/watch?v=ECEpZwcIw4k&NR=1
8
http://www.youtube.com/watch?v=7--1wBdXhPM&NR=1

+++++

احمد سعيد said...

ميدو

تيت راديو

ممكن تكون صدفه

بس صدفه تم استغلالها

انما الفيلم

لأ

الامن مبيسلطش ياميدو

وعلشان نكون ادق
مش هنقول الامن

هنقول النظام

النظام دة لا يعنى وزارة الداخليه

النظام دة شخصيات قياديه وسياسيين ومفكرين ورجال مجتمع
ورجال اعمال ومنتجين وممولين وفنانين
وكل حاجه تتخيلها

وقت اللزوم بتلاقى ان فيه موجه عامه بتشمل كل دول

( بتوحى )
باتجاة معين

تحس انهم كلهم مالوا فى ناحيه واحدة من غير ما تشوف قوة محركه ظاهرة تحركهم

وبكدة هم مش بيحرضوا

هم بيدوا الضوء الاخضر لفكرة معينه

وبمجرد ما النور دة ينور

ناس كتير قوى يتجرى علشان ترضيهم وتساير الموجه

وعلشان تصدقنى

الموضوع دة هيزيد ويزيد كمان مستقبلا

ولو هو فعلا مجرد نقد اجتماعى
مش شايف انه واخد اكبر من حجمه ؟؟؟
وملفتش نظرك ان النقد دة مظهرش الا بعد 6 ابريل ؟؟

abohusain said...
This comment has been removed by the author.
abohusain said...

يا نهار اسود
بقى ياست الكل تصدقى ان اشرف مروان جاسوس....هى البلد اشرافها فين....خليت منهم...مفيش قدوة خالص....حتى التاريخ بتاعنا بقى ملخبط كدة ليه...انا عامل مثقف صديقى مؤمن بالديمقراطية الامريكية قال لى يا ريتنا كنا محتلين من الانجليز لحد النهاردة...وسالنى سؤوال احب اوجهه لفخامتك ....يا ترى لو اسرائيل مش انجلترا عملت اعلان ..مطلوب جواسيس بمرتب شهرى 100دولار امريكى وكل بلوة لها 100دولار ...ومش مسئولين عن امنه لو اتكشف ...هيبقى فيه طوابير على السفارة ولا.....انتى بعد ما اتهمتى الرجل بالجاسوسية ...اجابتى انا اه هيلاقوا كتييييييييييير

Ahmed Faissl said...

البرنامج أصلا من إنتاج نايل كوميدي، ونايل كوميدي بالمناسبة تمارس ذلك الدور القذر -تاني أقدم مهنة في التاريخ- من ساعة ما اتفتحت: من أول "أي كلام فاضي معقول" مرورا بعلاء على الكرسي وانتهاء ب"ربع مشكل" اللي كان "لمبة" السنة اللي فاتت..