Wednesday, 11 August 2010

اتفرجوا على اهل كايرو

المؤلف بلال فضل
والمخرج محمد علي
والممثل خالد الصاوي
اكيد حيبقى حلو.. انا لسه باتفرج اهو ولحد دلوقت حلو قوي
هو دلوقت على نايل لايف جه الساعة عشرة
ياريت بقى حد يقول لي معاد تاني مناسب غير الساعة عشرة عشان اعرف اتفرج، هو ده اللي انا حاتابعه ان شاء الله
بالنسبة لمسلسل نادية الجنسي
مش حاتفرج، بس ياريت الحلقة اللي حتنضرب فيها وتخر دم وتقول لاعاااا والتيترات تنزل ياريت تشوفوهالي وتقولوا لي الاعادة بتاعة الحلقة دي بالذات امتى عشان اشوفها لو سمحتوا
اه نسيت اقول لكوا، انا شفت النهاردة برنامج ابراهيم عيسى في دريم عن سيدنا عمر
حلو جدااااااااااا وما كنتش عايزاه يخلص لدرجة انه لما خلص قلت: استنىىىىىىى
:)

11 comments:

lastcrazyboys said...

مسلسل الجمـــاعـــــــة

وحيد حــامد مبهر أكـتــر من الاخـــراج

اهل كايرو ..كان صدمة فعلاً في اخراجه ولو ان بصمـة بلال فضل لسة ما بانتش قوي ..بس شكلها هتظهر مع الأيام تصاعدي
وأداء خالد الصاوي يستحق إنه يتم تصنيفه من الممثلين الجوكر في مصر
ولو اني خدت شتيمــة بسبب رانيا يوسف.. من الناس اللي بيتفرجوا معايا عشان صيامهم اللي فســد

ومعــرفش يمكن اكون مبالغ شوية لما اقول حكمي من أول يوم
بس كتابة غــادة كانت ممتعــة اكتر أكتر من مسلسل هند صبري

القعقــاع بن عمرو اتنبأ بأنه سيكون مسلسل غير طبيعي بأداء خليفة عبدالله غيث في المسلسلات التاريخية " سلوم حداد" ولا ينافسه على ذلك إلا " عابد فهد" السوري ايضـاً الذي أدى دور
الحجاج من قبل

وأخيرا الكوميديا الاجتماعية السعودية طاش ما طاش "..تجسد نقدا اجتماعيا"محليــا" المفروض اننا كنا روادا فيه... لكن الظاهر ان الايــام فعلا دول
===
دي ملاحظات مشــاهد عادي.. متسرع

خالد المصري said...
This comment has been removed by the author.
خالد المصري said...
This comment has been removed by the author.
أع ـقل مـ ج ـنـونــة said...

متفرجتش علي اهل كايرو
متفرجتش الا علي كليوباترا :D
وبرنامج عمرو خالد وشوية برامج دينية كدا

لحقت التتر بتاع اهل كايرو الاخير بس
واول ماعرفت انه لبلال فضل اتمنيت اتابعه بجد
لان بلال فضل دا عبقري

كل سنة وانتي طيبة وبخير :)))

أبو أمك said...

واضح إن أهل كايرو ده مسلسل جديد
هو الشهد والدموع خلص ولا إيه ؟

مصر 30 said...

بدئيا انا متابع لبرنامج ابراهيم عيسى على دريم من خوالى 6 سنين أو أكتر و كنت بادعوا الناس دايما لمتابعته لما يقدمه من رؤية مختلفة و لأنه من 6 سنين لما كان بيستضيف ناس كانوات فعلا مميزين و مختلفين عن كل اللى إتعودوا على الفضائيات و اللى الفضائيات إتعودت عليهم .. لكن السنة دى فى شئ محيرنى .. إزاى واحد صحفى معارض كان حايتحبس فى قضية تتعلق بالرئيس يبقى مفتوح له الباب فى حوالى 3 قنوات مختلفة او أكثر و من خلال حوالى 4 برامج و يمكن اكتر ؟؟؟ بصراحة بغض النظر عن المستوى المتميز اللى بيقدمه بس فى حاجة مش مفهومة و مش عارف أعديها كده

ياسمين حميد said...

اممم... اتهيألي أهل كايرو الساعة واحدة الظهر بتوقيت القاهرة

سواح في ملك الله [خالد المصري] said...
This comment has been removed by the author.
مش فاهمه said...

عايزة اتجوز ممل أخر حاجه

Bell said...

اهل كايرو راائع
و عايزه اتجوز ممل و هند ممثلة فاشله

سواح في ملك الله-شاب مصري said...

مسلسل الفخراني جميل جدا