Friday, 13 August 2010

والله وباضت لك في القفص يا اوووسااااااااااااا

والنبي الاخوان دول قلبهم ابيض ونيتهم صافية وولاد حلال، والا ما كانش ربنا يكافئهم على صبرهم ويستجيب دعاهم ويخلي وحيد حامض يكتب مسلسل ضدهم ويحبب الناس فيهم
مشيم مشيم.. اللي هي الحركة اللي بالبق دي.. ايوة يا عم ايوة يا عم.. والله فرحت لكوا، الف الف مبروك والله.. ده انا قاعدة دلوقت قدام مشهد ابو واحد قدام مرشد الجماعة.. الحوار كده:
المرشد: ابنك مش عضو في الجماعة يا استاذ عبد الحميد، ابنك محب للجماعة
الاب (واكرر.. الاب): محب ومش عضو يقوم يشترك في عرض عسكري ويلعب كراتيه؟ امال لو كان عضو كان دخل حرب؟
(هههههههههههه الراجل بيبلغ عن ابنه)
وبعدين الاب قال: طب انا عايز اسأل حضرتك، الابن اللي يخرج عن طوع ابوه يبقى ايه في الشرع؟
المرشد: ابنك عنده كام سنة؟
الاب: واحد وعشرين سنة
المرشد: يبقى مسئول عن نفسه وعن افكاره، وانت مسئول عن نفسك وعن افكارك
الاب: ده رأي حضرتك
المرشد: ده رأي الشرع، وقانون البلد اللي انت فيها
الاب: ماهي بلدنا كلنا وماحدش فيها يرضى ان ابن يخرج عن طوع ابوه ويخيب امله فيه
المرشد: انت خاب املك في ابنك؟
الاب: الاب اللي ابنه في السجن لازم يخيب امله في ابنه
المرشد: ابنك في السجن مش عشان ارتكب جريمة ولا جناية، ده مسجون في قضية رأي، وله الشرف
الاب: ده انت ناقص تقول لي انه لو مات حيموت شهيد
المرشد: ماهو كده فعلا.. احنا ناس عاديين وبسطاء، صحيح محظورين، بس اللي يستاهل الحظر هو اللي بينشر الفساد
----------
انا لو من امن الدولة اقبض على وحيد حامض بتهمة الترويج لجماعة محظورة.. الدروس المستفادة من الحوار ده ان الاخوان اجدع ناس والاب ده ابن كلب بيشتغل في امن الدولة وراجل متخلف ورجعي وقمعي.. قال طوع ابوه قال، والمفروض اني اتعاطف؟
يارب يارب يارب وحيد حامض يكتب مسلسل يشتم اليسار، اهو غلابة ومحتاجين ربنا ينفخ في صورتهم.. قادر على كل شيء

15 comments:

mido said...

مهى الكارثة ان اولياء الامور بيفكروا كده فعلا !!!!

Khaled Khalil said...

آمين

مواطن مصري said...

اللهم اهلك الاخوان و العلمانيين و السلفين و أعضاء الحزب الوطني اللهم امين

اللهم أحشرهم جميعاً مع أعضاء الحزب الوطني

مواطن مصري said...

اللهم اهلك الاخوان و العلمانيين و السلفين و أعضاء الحزب الوطني اللهم امين

اللهم أحشرهم جميعاً مع أعضاء الحزب الوطني

مش فاهمه said...

المأساة فى اللى بيتعلموا تاريخ من المسلسلات انا باتفرج انا و ولادى و قاعده باصحح لهم مفاهيم و حاسه انى قاعده فى درس تاريخ هم يتفرجوا وانا اعلق و ارقع ورا وحيد حامد و ربنا يستر على اللى جاى بقه و اعرف أسد

سواح في ملك الله [خالد المصري] said...
This comment has been removed by the author.
مواطن مصري said...

صحيفة قومية: شيكابالا وقع للأهلي منذ ثلاثة أشهر، والانتقال في يناير!


http://zamalekfans.com/ar/zamalek/press/17174.html

عجبك كدة يعني نعمل اية لو الخبر دة صح مش كفاية ان احنا أقلية في البلد دي

يقوم الأهلي ياخد شيكا شيكا

حسبي الله و نعم الوكيل و ربنا هوالمنتقم

مواطن مصري said...

صحيفة قومية: شيكابالا وقع للأهلي منذ ثلاثة أشهر، والانتقال في يناير!


http://zamalekfans.com/ar/zamalek/press/17174.html

عجبك كدة يعني نعمل اية لو الخبر دة صح مش كفاية ان احنا أقلية في البلد دي

يقوم الأهلي ياخد شيكا شيكا

حسبي الله و نعم الوكيل و ربنا هوالمنتقم

دعاء فتحى said...

أنا سمعت حلقة واحدة لحد دلوقتى أصل أنا ما قدرش أستحمل كل حلقة بس الغريب فى المسلسل إن كل الناس المسؤولين محترمين :عميد الجامعة محترم وبيقولهم ماتجوش يمة الطلبة أدام ماخربوش حاجة وحريص كل الحرص على تطبيق القانون مع إن أنا أخويا مفصول سنة والقضاء إداه حكم والعميد امتنع عن التنفيذ يللا يمكن العميد بتاعنا بس هو اللى وحش والواد بناع النيابة محترم وصاحب قيم ومبادئ والناس اللى بيحققوا مع الطلبة بيشربوهم شاى
يا خرابيييييييييييييييييييييييي

المنشد العام للإخوان المسلمين said...

يا نوارة، يقول الله عز وجل:
‏'ونبلوكم ونبلو أخباركم'...
اشتغلنا ماشتغلناش هنتشتم، دخلنا يمين هيقولوا: اتفرج يا عم أهم دخلوا يمين، دخلنا شمال هيقولوا: أهو دة اللي نافص، أهم دخلوا شمال، مشينا على طول هيقولوا: وكمان بيمشوا على طول! دة إيه التصرفات الغريبة دي، وقفنا مكاننا هيقولوا: أهم يا عم معملوش حاجة، فالحين بس ينصحونا!!!

الكثير من الإخوان - وأنا أحدهم - لايشغلوا بالهم بالمسلسل الآن في رمضان...

وإنما نشغل بالنا أين يصلي د. خالد أبو شادي، وأين يتهجد الشيخ رجب زكي، وأين نقيم إفطار الشعبة وكم مقرأة ستقام في كم مسجد في كل منطقة محيطة، وكم فرد سيوقع على بيان التغيير، وكم الصدقات التي سيوزعها قسم البر - والتي تعترضين عليها وتعتبرينا نخدر الناس ولا نتركهم يجوعوا من أجل أن يثوروا، وهي وجهة نظرك - ...والتجهيز للمعتكفات، والاتفاق مع المشايخ، وتجهيز المسابقات، وخطب الجمعة، وكلمات التراويح، وصولا إلى خطب العيد وهداياه...إلى غير ذلك من أعمال

وبعد رمضان إن شاء الله، سيرد القليل منا على بعض مما جاء في المسلسل، لكن سنترك للفاهمين المثقفين الذين عاشروا الكثير من الإخوان أمثالكم الرد عنا...

حتى يعيننا الله وننتج دراما تعبر عنا وعن تاريخنا الذي نتشرف به بحق (بغض النظر عن خطأ فردي من فرد هنا أو هناك) بإذن الله.

رامز عباس said...

http://www.dostor.org/authors/11/910/10/august/12/25271



المقــــــــــــــــــــــال القنبلة

للمبدعة نوراة نجم


تابعوها لنقف خلفها في اقوى حملات السنادى ضد المخربون

Eman Hashim said...

آمين يا نوارة
مسلسل عن اليسار, و يجيبوا فيه اليساريين منى زكى و دنيا سمير غانم و احمد عز
و الليبراليين ياسر جلال و الفنانة شمس

و مفيش مانع ابن فلوكس يبقى يسارى, عامل شغل مع البنات هو اليومين دول

Eman Hashim said...

آمين يا نوارة
مسلسل عن اليسار, و يجيبوا فيه اليساريين منى زكى و دنيا سمير غانم و احمد عز
و الليبراليين ياسر جلال و الفنانة شمس

و مفيش مانع ابن فلوكس يبقى يسارى, عامل شغل مع البنات هو اليومين دول

lastcrazyboys said...

انا عن نفسي شـايف ان المسلسل موضوعي جدا
ودي طبعا وجهة نظر لواحد لا دارس سيناريو ولا يفهم في الاخراج ولا يحزنون

انا بقول رأيي كمشاهد مائل للاتجاه المضاد للاخوان .بس مش معنى كده اني يساري

وكنت بتفرج مع ناس مالهمش في السياسة بتاتا

تارة يقولوا : الله ده مع الحكومة

وتارة اخــرى : لا ياعم ده بيعلي نجم الاخوان

فعرفت ان الراجل شاطر في السرد..وبس

مش فاهمه said...

طيب شوفتوا الشغاله المنقبه اللى مصر بتتسرق على ايديها مصر اللى طول عمرها فاهمه الأسلام صح بتتسرق على ايدين الشغاله المنقبه يعنى مش علشان الأزهر تخلى عن دوره ولا علشان شيخ الأهر بقى بالعتيين ولا علشان كل من له شوق يبقى داعيه يبقى داعيه ولا علشان بقينا جعانين وشحاتين لأ
حاجه قرف اخر حاجه