الناس كبار قوي،
المناضلين قوي،
بتوع نضال آخر زمن في العوامات
الجدعان قوي،
اللي بيقاطعوا قوي،
اللي اخرهم يقعدوا في الجناين ياخدوا العزا قوي
اللي سخنوا عيالنا على الاعتصام وخلعوا قوي،
باعوهم بكام؟
انا مش تشاؤمية ولا باتهم حد،
بس ولا واحد من الروس الكبيرة حضرت الاعتصام
ولا حتى اعتصام النقابة،
امال سخنتوا العيال وحملتوهم المسئولية،
وحسستوهم بالذنب لو ما نزلوش ليه؟
وانتوا رحتوا فين؟
فص ملح وداب؟
واللي يشيعوا عليه انه اتقبض عليه ويطلع في بيته،
واللي قطع خنس،
واللي دعا الامة ودخل نام،
واللي وقف ع "الأمة" في امان،
والعيال تايهين،
ولا حتى عارفين نلاقيهم،
ولا عارفين ودوهم فين،
ولا عارفين الليلة دي ح تعدي عليهم ازاي،
ولا ح تعدي علينا احنا ازاي،
بكام؟
عيالنا اللي زي الفل والورد اللي اتسحلوا ودمهم ساح وهدوم البنات فيهم اتقطعت عليهم،
بكام؟
بكام الورد يا معلم؟
وساكت ليه ما تتكلم؟
وليه أبيض؟
وليه أحمر؟
وليه ع "القفا" بيعلم؟
بكام الورد يا معلم؟
41 comments:
:s fuck'em all y3nee ..bgad 7aram..
y3nee george da wel nas kan bas bysa7'no el nas?? :X
بصى برده منظلمش كل الناس، لأن الأمن كان مقفل من كل حته، يعنى ممكن يكونوا لقطوهم و مدخلهمش!!
بس برده أكيد فيه ناس أصلا ميهمهمش من القضيه إلا الكلام.
و بعدين يا نواره، كل اللى راح و اتضرب و اتهان ، مرحش علشان فلان و علان، كل اللى راح ، راح علشان بلده، و علشان عايز يشوفها أحسن. فاللى هرب و زوغ و كده، لا يعنى الناس فى حاجه. المهم القضيه نفسها.
لو أي حد من قيادات كفاية كان موجود
ما كانش حصل للعيال اللي حصل
على الاقل كنا عرفنا هم فين
الشرقاوي عمال يلف في القطامية من الساعة تلاتة الصبح لحد دلوقت
عشان جات اخبار غير مؤكدة انهم في القطامية
بيدور عليهم بس
عشان تبقوا عارفين
جورج اسحاق ما اتقبضش عليه من اساسه
واليومين اللي كان مختفي فيهم كان مختفي من غير سبب واضح لحد دلوقت
لو كانت جات له تحذيرات مشددة من الامن خوفته
كان واجب عليه يحذر الجميع
او يلغي الاعتصام
مش يسيب العيال
ما نفدش منهم غير اللي جري زي الحملاوي وابن ناصر وحنتكلم ويساري مصري
او اللي راح متأخر زي الحاج جرجس والشرقاوي
معناتو ايه الكلام ده؟
وقيادات المعارصة كانت بتدعو لاعتصام ليه وهم مش جايين؟
مش المفروض على الاقل واحد فيهم كان يجي؟
متهيالي دلوقت اتأكدت ان قرار التصويت صحيح
اكيد قيادات المعارصة مش ناصح امين
ان شاء الله خير...
انا لسه راجع من برا
سابوا ناس كتير مش فاضل إلا 11 واحد
بس نزلت عند الخياله في المعادي و نزلت عند سجن طره عرفت من عسكري حراسه هناك ان كان في عربيه فيها عيال ثورجيه زي ما قال كانوا بيغنوا و يهتفوا
بس اتحركوا من هناك على الساعه 4
عند التجمع الخامس ملقيتش اي عربيت انا رحت اتأكد بس
الناس اللي راحت قسم الضاهر طلعوا و اسامي اللي لسه محتجزين و لممممم يتم عرضهم على اي نيابه بعد ( من مصدر موثوق ) انهم لم يعرضوا بعد
و الاسامي المؤكده للمحتجزين الآن :
1- أدهم الصفتي مخرج
2- عمر الهادي مدون
3- محمد جمال مدون
4- أحمد دروبي مستشار بيئي
5- كريم الشاعر مدون
6- عمر مصطفي مدون
7- محمد عبد القادر موظف اتصالات
8-محسن هاشم ناشط سياسي
9- محمد راشد
10- أحمد سمير طالب
11- خالد مصطفي
( المصدر شخص موثوق به و تأكدت عندمى رئيت نفس الاسامي http://ebd.helalsoftware.net/event.php?action=EVENT.SHOW[134]
و الامن المركزي محاصر نقابة الصحفين مشفتش غير يفط بس تقريباً الاعتصام مستمر هناك
انا هدخل انام عشان صاحي من امبارح
و انشاء الله خير انا مش متشائم ربنا بس يهون عليهم الاوقات دي لكن انشاء الله هيطلعوا بالسلامه
الأستاذة / نوارة
أنا اتهمك مع من تشيرين اليهم بأنهم سخنوا الناس للنزول ومنزلوش
المهم ان فيه ناس بتجري وراء المخطوفين وكل الشكر لمركز الحرية ومديره
heeeeeeeeey they are singin...dats rather good that they still have high spirits...i just hope bgad m7dash y3malhom 7aga..
tab ele 11 dool feen dalw2t???
nwara elnas matl7'bata fel asamee
7a'led el balshee we kfaya 7aram katbeen asm 3omar 3'lt
ya gama3a 3omar el mahde da yab2a bta3 mdwanat asad we 3omar mostafa da caesar bta3 mdwanat x-ist
el balshee katb asm 3omar fel listetan btoo3 el nas ...!!!!
فعلا هيا كانت مصيده ده والله مكنش في مكان الواحد ينتظهر فيه, المنطقه كلها متقفله كل شارع في عربيات امن مركزي والعساكر والمخبرين انا كنت بعدي من وسطهم ومرعوب والمصيبه ايه ان يساري مصري كان معاه علم مصر يعني لو كنااتقفشنا مافيش اصلي كنت رايح اشجع مصر ههههههه
وفعلا كفايه كده علي كفايه ,,وبعدين وقالك ايه كل قوي المعارضه ,,كانت
مصيده لا غير
شوفتي بقي انا قولتلك ماتروحيش .إحمدي ربنا
تحياتي
نواره
إسمحيلى أرد على مخفى الإسم، إزاى يعنى الاستاذه نواره حرضت الناس إذا كانت أساسا الأستاذه نواره قالت إنها خايفه و مرعوبه من الإنتهاكات و مش ناويه تنزل.
هو يعنى أى كلام وخلاص، إحنا نائصينك انت كمان.
نواره، عارفه ليه محدش من الكبار كان فى الإعتصام بتاع إمبارح؟؟؟؟؟؟ لأنهن كلهم كانوا فى حفله نيران أناطول اللى كانت على سفح الهرم. صدقينى أنا شفتهم كلهم.
حاولوا بعد كده لما تعتصموا تنسقوا مع وزارة السياحه و دار الأوبرا
الحمد لله ان الاستفتاء مجاش مع حفلك شاكيرا.
حفلة شاكيره هههههه ماهو ده اللي ناقص أنا علي فكره يا نواره انا جبت الفيديو بتاع الاعتصام تعالي شوفي البوليس وهو بيدخل الناس ف العربيات وبيضربهم
تحياتي
http://ibnasser.blogspot.com
سونيا انتي بتتكلمي جاد ؟؟؟؟؟؟؟؟؟؟
اصل لو جد انا هكسر حاجز الاحترام و ابتدي بزاءه و اقول كلام ابيح و بين تاربيتي اللي ناقصه
ابن ناصر وغزالي ويساري مصري
ارجو انكوا ما تكونوش يأستوا
ههههههههههه
وللا يأستوا؟
العيال دلوقت في الصحرا في القطامية
الشرقاوي ومعاه ناس تانية
عمالين يلفوا وراهم من امبارح
بيقول لي من امبارح ما اكلوش غير علبة كشري
والنهاردة ما اكلوش
دروبي عنده السكر
والدنيا في الصحرا دي برد
انا مش عارفة هم الظاهر ما عندهمش تعلميات يعملوا في العيال حاجة
مافيش محامي نزل
كلهم بيقولوا ح ننزل نعمل ايه العيال لا اتعرضت على نيابة ولا حتى راحت قسم
محبوسين في عربية في الشارع
لوبي
اه فيه لخبطة لانهم اصلا ما اتعرضوش على اي جهة رسمية
سونيا
معلش يا حبيبتي
اصل الاستاذ
anonymous
اللي هو مخلص
اللي هو مخفي اسمه
اللي لو ما اتلمش ح انزل اسمه الثلاثي على المدونة
لا الرباعي كمان
وصورته
وصوته
وتاريخ حياته الاسود
زعلان عشان قلت عليه بيشتغل مع الامن
طيب هو انا اتبليت عليك؟
وبعدين يا كابتن انا كنت عايزة اجيب النتيجة من الكنترول عشان كده سألتك
ده القصد يعني
مش قصدي اني اعمل لك مشاكل في الشغل
هم خصموا لك وللا ايه؟
انا مش فاهمة مش بيرفدوك ليه وانت مكشوف كده لكل الناس
انما ايه انا اتهمك انك محرضة دي يا كابتشن؟
هو انت عرفت تهمتي من الكنترول؟
عموما الحمد لله ح ابقى اجيب سونيا شاهد معايا
لا يا خوانا
سونيا بتهزر
بطلي استظراف بقى حرام عليكي
حفلة شاكيرا ايه اللي هم ح يبقوا فيها
تلاقيهم ما خرجوش من بيوتهم
ملحوظة
انا نازلة ادلي بصوتي دلوقت
ما معني كل ما يحدث من حولنا ... أحاول أن أتفهم و لكن يبدو أنه من المستحيل أدراك ما الهدف الحقيقي من كل هذا ... وجوه و وجوه تطل علي يوميا من شاشات التليفزيون تظهر عليهم رغدة العيش ... تؤلمني و تضحكني فكرة أن يخرج أحدهم علينا بتصريح من نوعية ... لا مساس بمحدودي الدخل ... أتخيل شكل سيارته الفارهه التي تنتظره ... و قصره الجديد اللقطة الذي اشتراه بثلاثة ملايين جنيه فقط ... أو الي أين سيذهب اليوم ليستريح في نهاية النهار بعد أن أنهك حنجرته و هل سيستطيع أن يحافظ علي هذا القناع علي وجهه في هذة الأماكن أم سيخلعه و يلبس واحدا أخر
أقنعة يلبسونها و يخلعونها ... كما الأحذية تماما ... قبور مبيضه من الخارج مكسوة برخام أبيض لامع تبدو لمن ينظر اليها في غاية الجمال و في الداخل ... و ما أهمية الداخل هل يراه أح
دى اخر اخبار عرفتها من دقايق بنسبة للناس المخطوفة من امبارح
===================================
????????????? says:
انت موجود يا تامر
???????????? says:
تااااااامر
Tamer says:
اة موجود انت خلصت مراقبة على للجنتك ؟؟ ولا انت فين
???????????? says:
لا لسه انا بكلمك من الموبايل واصبح قبل ما انزل دخلت عندك البلوج وشفت التصوير الانت صورته انت مجنون يبنى انت كنت عايز تروح فى داهية امبارح
Tamer says:
اهى جت كدا يا هانى وتصلت بيك امبارح التليفون بتاعك كان اوف كونتكت
Tamer says:
تعرف اخبار عن الناس التسحلت ولسه مخرجتش ؟
???????????? says:
العرفه انهم مش هيسبوهم غير بعد نتيجة الاستفتاء والعملية تهدا هسيبك دلوقتى علشان هعمل تليفون
Tamer says:
اوكى انا هاخد الانفتيشن دى كوبى
???????????? says:
ماشى سلام
http://video.google.com/videoplay?docid=-7762884481118951911
من اخر بقا وبعد الشفتة امبارح وبعد كمان ما عرفت الخطف والسحل والضرب الحصل امبارح .
اتأكدت ان قيادات المعرضة قياااااااااادات
معررررررررررررسة زيها زى اى قيادة فى الوطنى
نواره
ايه ده كله بس...بجد حاجه تقرف...المهم طمنتينا عليكي و ربنا يسترها مع الشباب اللي هناك
تحياتي
نوارة...جاني اتصال من احد المعتصمين الشباب هناك تعبانين جدا صاحيين من امبارح وماكالوش حاجة من امبارح...الأمن مش سامح بالخروج..ومحاصر النقابة..بيخرج الموظفين ويمنعهم عشان هدومهم مبهدلة وباين عليهم انهم مش موظفين..."شوفولنا اي حل بس خرجونا من هنا بقى احنا تعبنا قوي"
إيه يا إخوانا أخبار التصويت؟
لجنة الدقى فاضيه، و مفيهاش حاجه.
إيه اخبار لجانكم؟
يا جماعه فى أى حد ممكن يدخل نقابة الصحفيين؟ على الأقل علشلن يودى أكل للناس اللى هناك دوله لغاية ما الإستفتاء يخلص.
اطلاق سراح المحتجزين والتخلص منهم بإلقائهم في قلب الصحراء
تحديث 4:23 عصرا
تم العثور على أحمد الدروبي والجميع الآن في طريقهم إلى نقابة الصحفيين
محدش خلاص فى اللجان اللجان فاضية و الامن محذر من اى مظاهرات
لانه واخد تعليمات بالضرب و بقسوة
تقريبا ضعنا يا رجاله
مبروك
بس بردة لسه هنشوف النتيجة
مع انى سعة انها خلاص ظهرت امبارح
:(
Beliver,
كل شركات البترول (مش الخدمات) عبوهم فى اتوبيسات و راحوا يصوتوا،
الساعه 8 صباحا سفت موظفين واخدينهم من 7 الصبح و موقفينهم توابير فى قسم مصر القديمه برضه.
أما بالنسبة للجان اللى فى المدارس و خبرتى بتنتهى الساعه 10 الصبح فهو كالآتى:
*- واحده ست فى تبع منيل شرق
*- واحده بنت تبع منيل غرب
*- واحد راجل كان تايه مش عارف يصوت فين (والله مابهزر)
وده يا سيدى عدد الورق اللى كان فى الصناديق (2)
والناس اللى شغاله زهئانه و قرفانه و مش فاهمه أى حاجة و كشوفات الحذف الوطنى مدهوله و ارقام اللجان غير اللى فى الكشوفات و حاجه زفت.
انا لسه جاي حالاا من الاعتصام وانضربت واتهانت ده كله علشان عاوزين حقنا انا بجد مخنوق اوي اوي وزعلان علي حال مصر
يسارى
لأ انا بهزر... أنا معرفش حد من قيادات المعارضه.... بس أصلى إمبارح شفت مصر كلها فى الهرم و كانوا بيسحلوا الناس فى التحرير وفى نفس الوقت بيكرموا رئيس الأوبرا و مدرب الرقص بتاع الفرقه التركى.
الهرم كله كان امبارح
VIP
من سايبر بوسط البلد ( من المخبأ بتاعي اللي بهرب إليه ) ههههههههههه
الامن المركزي محاصر النقابه و مانع التجمعات كالعاده
جمعنا احنا و بعض الاصدقاء و جبنا سانكوتشات و كوشاري و لكن المحاوله لتوصيله باءة بالفشل
هحاول التواجد عند النقابه مع الاعتراف بصعوبة الامر و لكني هدور على اي قهوه و اعد عليها و امسك الجرنان المخروم زي المخبرين في الاربعينات
ههههههههههههههه
هحاول اوافيكم بكل ماهو جديد اول ب اول
متحلموش ..انا متفائل بس مش حالم...
الوزرات والهيائات الحكومية جايها جوابت بان كل اصوات الناس تروح لنعم
حتى الشركات الخاصة بعضها جالها امر كدة
معلش نعيش وناخد غيرها
الدرس انتهى لمو الكراريس
مراسلنا فى موقع الحدث "يسارى مصرى ":
هو مش نقابة المحامين لزقه فى نقابة
الصحفيين؟ مفيش أي وسيله تدخلوا منها؟
El Gazaly:-
هو اللى أنا مش فاهمه، الأوامر جت إنهم يقولوا "تعم"، طيب هما لما بيروحوا هناك، ليه يعنى بيسمعوا الكلام؟ ما هو لو راحوا و قالوا "لا" محدش حيعرف.
ولا فيه وسيله يعنى بيعرفوا بيها اللى صوت، صوت بإيه؟
ههههههههههههه كفاااره خلاص ايه يا نواره أومال أيأس امتي أما امتسك الحمدلله دا شوفتي الفيديو عملوا عليهم كماشه ازاي وبعدين واحده من المتظاهرين بتقولك اللي كانوا معانا بيتظاهروا مره واحده اتدوروا علينا اتاريهم امن لابس مدني !!!!؟
لأ خلاص خلاص وشويه هتتطلع نتيجة الاستفتاء والمظاهرات شغاله ايه بتأيد حسني مبارك وبتقول نعم وفي كل المحافظات ان جيتو للحق خلاص هيا اساسا مش محتاجه تزوير انا شايف اولوفات بتزمر وبتطبل وبتهتف ,, وعلي القاهره اليوم دلوقتي جابوا واحده بيسألوها من مقر انتخابي انتي جايه ليه قالتلهم عشان الانتخابات عشان اتنخب الناس الكويسين وواحده تانه قالت مش عارفه هم قالولي امبارح اجي ,,, وشفت واحد بيتكل بصدق -والله شكله اهبل مش واخد فلوس-بيقول طالاما الريسحلف وعمل التعديلات دي يبقي عشان مصلحتنا اه اومال.... وملهش يا نواره طولت قوي
تحياتي
ana harga3 3nd el nekaba now fadel rob3 sa3a 3ala entha2 el estfta2
yareeet elly ye2dar yenzl yege ya ged3aaaan plzzzzz
w 2olo f el blogs
3ashan nb2a keter henak now fe abt 200 bane2adam kol mahanktr kol ma el drb 2al
rbna ystor any way
salam
الحال في الإعتصام في النقابة زفت...الشباب عنده حالة ارهاق غير عادي..في ناس بتنضملهم لكن مفيش حد عارف يخرج...بالنسبة للإنتخابات..انا لسة جاية من دايرتين في الهرم..الإتنين فاضيين خالص, الصندوق الي انا صوت فيه كان في تقريبا ورقتين..لكن واحد راجل محامي في المحكمة الدستورية العليا-شوفوا المفارقةراح يصوت لقى صحبة وبلدياتة من بتوع الحزب الواطي قاعد فقالة يا راجل انا عارف رأيك وكتبتهولك....سلام كبير قوي للدستور..
فضيحة فى عابدين التزوير عينى عينك تقرير أحمد حلمى المحامى مركز حقوق الانسان
انا رحت صوتت
عملت استخارة قبل ما اروح
ورحت لجنة التلفزيون
ما كانش فيه اقبال
بس لاني رحت حوالي الساعة تلاتة الضهر
بيقولوا الصبح كان فيه ناس كتير
كان فيه ستارة
وحبر فسفوري
وبتوع امن التلفزيون هم اللي كانوا بيشرفوا ع اللجنة
واي حد بيدخل بيقولوا له : لو سمحت قول اللي انت عايزه
ههههههههههه
عرفت بعد كده حاجات كتير
فيه واحدة
اللي هي سونيا
عندها كلام كتير تقوله
المفروض انها كانت تبعت لي ميل
ولسة ما بعتتش حاجة بالاحداث
حصل اعتداء على رئيس لجنة في اخر فيصل
لان بتوع الحزب الوطني كانوا عايزين يحطوا 200 بطاقة مزورة
وهو راح يبلغ في اللجنة الرئيسية
ايوة
العيال كلهم خرجوا
رموهم في الصحرا
وهم دلوقت في النقابة
محبوسين
خلاص اكلوا
انا تعبانة وحاسة ان دماغي ساحت
الشرقاوي من امبارح بيلف في الصحرا على العيال
وعمال يجري ورا عربية الترحيلات
من الساعة تلاتة صباح اليوم
كلمته خمسة الصبح وقلت له ارتاح ساعة وارجع دور عليهم
اخدني على عقلي وقال لي طيب وما عملش كده
بس الحمد لله عرف يلاقي بعض الناس
والبعض الاخر راح النقابة
اخرتها ايه انا مش فاهمة...و بعدين فين القيادات...وفين الناس المهمين الي مسئولين عن التنظير والتنظيم..الي بيحطوا الخطط عشان الناس تمشي على منهجية سليمة...يظهر ان البلد بقت عايشة سياسة العشوائية حيث ان محدش بيحاول يفكر هو بيعمل ايه وبيعملوا ليه..لك الله يا مصر...واحنا لينا حسني..
نوارة...الإتصال بيني وبين المتعصمين انقطع...لو حد عنده اخبار عنهم يا ريت يوافينا بيها في اقرب فرصة..الصمت ده غريب قوي مع ان المفروض ان العجن اشتغل...يا ريت كل الي خاف ينزل زيي يدعي للناس الي في المعمعة ان ربنا يردهملنا انشاء الله سالمين غانمين آميييييييين
جدعه يا نوارة
و الله وجهت نظرك ده هي اللى انا مقتنعه بها عشان كده غيرت رأيي و مجيتش الاعتصام
هم الكبار طبخوها سوا و عايزين كبش فداء اللى هم روءس المعارضة من الشباب
فعلا كله بيلعب حسب مصلحته
تحياتي لكي
أخص
أزيكم ياشباب
فينك يايسار أستنتيك بالصفارة
الصفافير عملت شغل جامد جدا لدرجة أنى الأمن رفض يخرجنى بعد الإعتصام بحجة أنى السبب فى الصفافير بس الحمد لله ندى القصاص خرجتنى معاها ووصلتنى بجد باشكرها جدا
والإعتصام أنا شايفه كان ناجح جدا جدا وبجد انا راجع منه متفائل لأن فيه لسه شباب عندهم وعى وحس وعندهم نية للتضحية علشان البلد
هاكتب إن شاء الله على البوج بتاعى بعض النقاط عن الإعتصام
نقطة أخيرة أنا مع نوارة بأه فى موضوع نضال العوامات ده موافق تماما
اللى بات معانا كمال أبوعيطة ومحمد عبد القدوس وساهر والدكتور يحلى القزاز
دولت بس اللى باتوا معانا من الناس الكبيرة الباقى بأه روح بتهم
Post a Comment