Tuesday 20 March 2007

الف مبروك


الف مبروك يا شباب












مجلس الشعب وافق على التعديلات الدستورية






























بالإجماااااااااااااااااااااااااااع





































































25 comments:

Anonymous said...

الف الف مبروك ، لا لا انا كنت خيفة قوى لحسن ميوفقوش ، بس واضح من الصور انهم تعبوا قوى ، المجهود باين عليهم ، بس الحقيقة الاجماع بالشكل اللى فى الصور ده متخيلتوش ، ما شاء الله

Anonymous said...

الله يكون معكم وسط هاد الكلاب والله تصدمت لما اطلعت على التعديلات المقترحة... معقولة مصر اللي انجبت طه حسين ونجيب محفوظ والاخرين يتم تحويلها لدولة بوليسية يسيرها كلاب الشرطة حسب أهوائهم

أما بخصوص الصور فهي عادة منتشرة في كل البلاد العربية من المحيط الى الخليج من كثرة العمل الذي يسدونه للأمة والسهر على راحة المواطنين فمساكين لا يجدون وقتا للنوم فيغمضون عينيهم لبعض اللحظات في الجلسة علينا أن نعذرهم

صورة من النواب المحترمين في المغرب :

http://www.lejournal-hebdo.com/IMG/gif/decryptage-7.gif

Anonymous said...

انا كنت حاطط ايدي على قلبي وخايف الوطني يخسر والمعارضة تكسب او يتعادلوا ويصفوا في الشعب ويفوزوا بثروات العجوز القعيدة اللي اسمها مصر

مش هيحصل رد فعل أكتر من كده وقت التوريث .. عادي يعني ايه شوية ناس تحبط وكام مية واحد يخرجوا ادام النقابة يعلوا صوتهم وبعدها القافلة تسير واللي عنده لحاف يغطيها ويصوت

Anonymous said...

ألف مبروك..
عقبال البكاري!!

Anonymous said...

عزيزتي الغالية جبهة التهييس الشعبي

أعتذر ألف مرة لك بسبب تغيبي الطويل عنك و أعترف بتقصيري
عودة محمودة لك صديقتي
بالنسبة لموضوع الذي كتبته في مذكرات إمرأة مثلية
لست بذكري سيدتي
و لكني فقط حاولت أن أفكر بطريقة الذكرية الغبية التي يفكر بها غيري لأقيم الحجة عليهم بكلامهم
أنا أنظر للمرأة بأنها نصف المجتمع و أنها تصنع النصف الآخر
و أحترم كل إمراة و أقدرها
سواء تكون ما تكون
فتاة، أم ، عاملة ، أو أي شيء
أحترمها دوما
و أحترمك آنستي
تحياتي

Anonymous said...

أحلى حاجة ان مصطفى بكرى جاله شبه ذبحة وتم نقله إلى المستشفى وفى العناية المركزة والرئيس حسنى مبارك بنفسه اتصل سأل على الرجل
يقتلوا القتيل ويمشوا فى جنازته
حسبنا الله ونعم الوكيل

Anonymous said...

نوارة
فعلا الف مبروك على الحزب الوطنى
احلى حاجة قرتها ان بتوع الاخوان كانوا بيقولوا لبتوع الوطنى حرام عليكوا خافوا من يوم القيامة اللى هتقفوا فيه ادام ربنا

عارفة الخونة بتوع الحزب الوطنى قالوا ايه
قالوا ان التعديلات ديه ملهاش علاقة بالحلال ولا بالحرام
امال ليها علاقة بأيه هوا مش حرام برده انه اوافق على حاجة تزل الشعب بتاعى وان ادى الفرصة لاى ظابط يدخل بيتى ويقبض عليا فى اى وقت كل ده مش حرام

مش عارف الحزب الوطنى عايز ايه هوا فعلا خايف من الريس ومش خايف من ربنا

انا كتبت بوست جديد عن تمن الحرية اللى دفعوها اجدانا علشان خاطرنا ادخلى وشوفيه

Anonymous said...

مش عارفين من غير التعديلات كان ممكن يحصل لمصر ايه ..
نحمدك يـــــــا رب

انا اول ما قريت الخبر فى الاهرام وهو مكتوب بالفونت العريض
قعدت ادور على قشر اللب والسودانى

تقريبا اللب والبندق والكاجو كانوا مستوردين من بره
علشان كده جاوبوا نتيجة
ووافقوا وبالاجماع

بس الغريب فى الموضوع كل نائب من دول مش لابس طرحة ليه وغير اسمه وخلاه سوسن او حنان ؟؟؟؟؟؟؟؟

مع الاعتذار لاى واحدة اسمها سوسن او حنان

فعلا حاجة تقررررررررررررررف

Anonymous said...

ومين يقدر يقول لا من كلاب الحراسة التى تحتمى بسلطان الطاغية ومن يربى الطواغيت
طيب اكيد كمان اللى هايروح اللجان يدلى براية هايكونوا هما و الحاشية واكيد برضه هاتتمرر
طيب الحل ايه تفتكروا الحل فى الشارع زى ما واحد صاحبي قالى؟
طيب ماللى بينزل الشارع اهه يبتحجز و يتبهدل كمان طيب نسكت مش هانتغير
طيب نروح الاستفتاء و نقول لا هايزوروها و تطلع موافقة بالاجماع برضه
طيب انا حاسس انى تهت و مش عارف الاقى حل
تفتكروا طيب نستنى الحل يجيلنا من عند الرحيم يتوب علين ولا نصلح نفسنا و نعمل ايه
انا تهت فى الكلام بس اكيد حاسين انا عاوز اقول ايه
غطينى و صوتى ياما

Anonymous said...

زغردى ياللى ما انتش غرمانة
يا اوختشى كتر الف خيرهم ... بيناموا فى المجلس المقعر
ايه الحلاوة دى ..
يا مظبطنا ونافخنا يا حبيبى يا ابو علاء

Anonymous said...

يل نواره، هو لسه العريضه شغاله؟ أنا بعتلهم إسمى من ساعة ما إنتى بعتيلى الإيميل ، و لغاية دلوقتى هما لسه حطين الملحوظه القديمه؟

Anonymous said...

يا حلاوتك بقى مجلس الشعب من يمينى وانت الاخ جاى اوف سن شمالى و فى مدونتك قال ايه زعلان من التعليق بتاعك!!!!!!!!!!!!!!!!!!!!!!!! انا عاوز اسمع اغنيه
je suis malade
للمرحومه داليدا علشان خلاص كده انا قربت انتحر.يحيى

Anonymous said...

عزيزتي نواره...لأني مش مصري...فحتى لا يظهر تعليقي كأنه شماته...أنا نقلت لك من موقع العربية كم تعليق من مصريين على موضوع التعديلات

تعليق رقم1:اي دمعة حزن لا

عايشين سنين احلام .... تايهين في احلي كلام ... لا عرفنا لحظة ندم .... ولا خوف من الايام ... بلا ماده 179 ... بلا 88 الان المشتبة فيهم يعتقلوا وتفتش منازلهم ويعتقل اهاليهم .. ويطرقع لهم علي قفاهم ... واي كائن من كان هيفتح فمه بربع كلمة ها يتنفخ ... امن البلد وامن المواطن امانة في اعناقنا ... لا يمكن ان نسمح .. بأي تهريج ... او اي مساس با المواطن محدود الدخل .. والافق ... وانا احذر اي عضوا ها يغيب اثناء التعديل .. زنبه علي جنبة ... والاعضاء اللي ها تحضر تنام بدري وتشرب اللبن علشان محدش ينام في المجلس .. ونتفضح امام العالم ...اثناء الموافقة التصفيق لازم يكون حاد جدا.. ويا ويل اللي ما يصفق الاقترح ان نصلح الحنطور ... افضل من تعديل الدستور ... علي الاقل الحنطور .. يعيش عائلة من عشرين فرد بس علشان اللي يجوع يروح ياكل مع الحصان الغلبان ......


تعليق رقم2:لاجدوي

في مباراه الزمالك والهلال السوداني احتشد 50 الف مصري لتشجيع الزمالك وفي تجمع ضد التعديلات الدكتاتوريه للدستور تجمع 400 مصري للتنديد بها ...... هؤلاء هم المصريون .... لايستحقون افضل من النظام الحاكم الحالي . .. وعلي المتضرر الهجره للخارج.

تعليق رقم3:لولم اكن مصريا
لولم اكن مصريا لوددت ان اكون موريتانيا لا داعى ان تظلموا النواب فهم عبد المامور

تعليق رقم4:واحد من الناس
متى استعبدتم الناس و قد خلقهم ربهم احرار


تعليق رقم5:....دي مسرحية الزعيم و الا انا غلطان؟؟؟!!!

((المادة 179 اعتقال المشتبه فيهم وتفتيش منازلهم ومراقبة مراسلاتهم والتنصت على اتصالاتهم الهاتفية من دون الحصول على اذن قضائي))...يا جماعة انا شايف اننا نصلي صلاة الجنازة على شعوبنا احسن و نترحم على ايام الحبيب صلى الله عليه و سلم...مش عارف ابكي و الا اكتب و لا اصرخ ..عيب يا حكومة مصر و الله عيب....يعني على الاقل شوفو مستقبل الاجيال ...مستقبلنا نحن معليش نحن متنازلين عنه...لكن ارجوكم خل اطفال الامة يعيشون على امل...و بالامل اختم قولي و استغفر الله العضيم لي و لكم و لا حول و لا قوة الا باالله.....

يكفي هذا القدر...تحياتي لك و ألف مبروك

Anonymous said...

أنا أقريت شويه عن الجلسه بتاعت مجلس الشعب فى جريده المصرى اليوم ، الفقره اللى انا أقريتها بتقول:

"وكاد المجلس يدخل تعديلات جوهرية علي صياغة المادة «٧٦» بعد اقتراح لنائب التجمع محمد عبدالعزيز شعبان، طرحه الدكتور فتحي سرور للتصويت، وفوجئ سرور بنواب الأغلبية يرفعون أيديهم بالموافقة، واضطر سرور إلي تنبيههم إلي أن اقتراح شعبان يقضي بإعادة صياغة المادة بأكملها، وأعاد طرح الاقتراح للتصويت مرة أخري، ورفض نواب الحزب الوطني،

وعلق سرور: «أيوه كده صحصحوا معانا». "

واللى عايز يقراه اللينك أهوه
http://www.almasry-alyoum.com/article.aspx?ArticleID=51894&r=t


أنا بقى مش عارف، هما فاكرين الناس هطله و هبله للدرجة دى؟ طيب لو هما فلكرين كده، إحنا بقى هطل و هبل للدرجه دى؟

Anonymous said...

عن أي دستور يتحدثون
في استفتاء لسه يوم 26 علي ما أعتقد

Anonymous said...

بالأجماع ونواب الجماعه المحظوره وقوف فوق الكراسى

الف الف مبروك والله فرحتلكم اوى ، انما هو يعنى ايه دستور ، هى دى غير بتاعه الأسياد

Anonymous said...

حسبانا الله ونعم الوكيل في الحكومة الظالمة التي تدعي الديمقراطية وهي ابعد ماتكون عنها
انشاء الله سيأتي اليوم الذي ينتفض فيه هذا الشعب من تحت ركام الضغوط والقهر الذي يتزايد كل يوم بسبب فساد الحكومة والذي انعكس علي جميع مؤسسات الدولة وعلي رأسها مجلس الشعب الذي من المفترض ان يعبر عن رائ الشعب لكنة لايعبر الا عن رائ من فرضهم علي الشعب

Anonymous said...

البقاء لله
توفي دستور 71 بجماله وحلاوته اكلينيكيا , واصبحت ايامه معدودة على أصابع اليد لاعلان وفاته نهائياً يوم 26 مارس , يااااااااااه .
خلاص اللعبة انتهت لصالح الوطنى والان ليس هناك أمل فى الرفض لأنه درب من دروب المستحيل , ولو اتحقق ده هتكون احسن لحظة فى تاريخ مصر لما الشعب نفسه يقول لأ للتعديلات , لكن ده مش هيحصل .

مصر يا بلدى انتى فى حماية الله .

وليرحمنا ربنا من بطش الدستور الجديد.

Anonymous said...

خلاص الله يرحمنا كلن الظلم بقي بمظله شرعيه
مقولتيليش يا نواره حدقولي لحط الاغنيه ازا ي البلوج عندي
تحياتي

Anonymous said...

paky

آه ياختشي بيرتاحوا بعد مجهود كبير بذلوه في رفع الايدي...موافقة بالاجماع

Anonymous said...

تالف

لا وربنا؟ بجد عندكوا نواب بتنام برضه في المجلس؟

هم بيدوهم منوم ع الباب وللا ايه؟






عبد الرحمن

مش عارفة ليه حاسة ان مش ح يبقى فيه توريث..باتكلم بجد ما يتهياليش انهم عندهم الجرأة دي...عموما يا سيدي احنا فييييييين والتوريث فيييييييين لسة قدامنا حوالي تلاتين سنة كده على ما نعرف اذا كان ح يورث وللا لا....ومش بعيد نموت كلنا ولسة ما نعرفش اذا ح يبقى فيه توريث وللا لا













ارحم دماغك

شالله يبارك فيك والله

نجاملك في الافراح











جاي اوف صن

اشكرك












الامل في الله

ههههههههههههههه شفت يا خويا قال جات له ازمة قلبية والريس سألك عليه
احنا اصلنا داقين عصافير








مصر هي أمي
لا طبعا مالوش علاقة بالحرام والحلال
هو له علاقة بالحرام بس

عارفه بتاع فاتن لامؤاخذة حمامة








بنوتة من وسط البلد

لو سمحتى مصر دلوقت من اكبر الدول اللي بتزرع اللب

ودول ناس بيروجوا للمنتج المصري

فهمتشي يا اختشي









شخبطة ملوكي
والله ما عارفة الحل ايه؟











هلوسة مصرية

احنا لازم بقى نبتدي نطالب برفع ام علاء عن الجماهير










believer

مش عارفة ايه الحكاية

ابعت لهم تاني

بس من نفس الميل اللي انت عملت منه البتيشن






يحيى

اه

مواه اوسي






سندباد


شفت الهنا اللي احنا فيه

ولسة















believer

ههههههههههههههههه

معلش اصلهم متعودين يصحوا من النوم يرفعوا ايديهم ويناموا تاني











كراكيب

وانت ح تروح الاستفساء ده؟










محمد جعفر

ايون اسم الله عليك

لسة بقى ح يعملوا تعديلات على اشتاتا اشتوت










حنتكلم

تفتكر ح يجي اليوم ده؟










عربي

يا دهوتشي

هو كان لسة عايش؟










ابن ناصر

شوف يا ابني

انت تروح على اللنك اللي انا حاطاه باقول شارك في التظاهرة التدوينية ح تفتحه تلاقي اكواد تاخدها كوبي

وبعدين تفتح

customize

ح تلاقي

add an element

تفتحها

ح تلاقي

html

تفتحها

وتروح لاطع الاكواد بيست عليها

وتدوس

save changes

وخلاص

اي خدعة سعادتك

Anonymous said...

هو مفروض اقولكم مبروك , و لا اجي الطم معكم ؟؟ و من امتن و هم يتفقو ع راي بالاجماع ؟؟ لو كان قرار لا سمح الله طبعا و استغفر الله هم يفكرروا بمقاطعة الصهاينة حيكون اجماع بالمقاطعه و لا زيادة الاتفاقيات؟؟؟
بس والنبي هم اتفقو و هم كده بياكلو رز مع الملائكة و نايمين؟
حسره عليكي يا بلد تحياتي خيتي معلش دوشتك معي

Anonymous said...

دستور يا سيادي...سامحوهم سامحوهم

Anonymous said...

والله العظيم هرد رد ابيح ....
ماهو الحكومه مشاء الله عيزانا نخسر دنيا و آخره
يطلعوا ميتنا في الدنيا نقول ربنا هيعوض في الاخره
انما لأ يعملوا عمايل و يصدقوا على قرارات الرد عليها يكون بالاباحه و السب و اللعن
فنخسر آخره كمان
*** بحد

Anonymous said...

والله في مثل انجليزي جميل قوي بيقول if you can't beat them join them يعني بدل ماحنا حارقين دمنا كده كل واحد فينا يروح يطلع كارنية حزب وطني, هتلاقوا الحياة بقى لونها بمبي, وبدل ما نعمل زي الناس الهبل ونشجع البطل الطيب في الفيلم ويتحرق دمك وهو بيتبهدل من الشرير على طول الخط ما نريح دماغنا ونشجع الشرير و قبل ما الفيلم ما يخلص نقوم نمشي من السيما او نطفي التلفزيون و نممشي مرتاحين ان الي شجعناه كسب, وبكدة لا يتقبض علينا ولا نروح في داهية ...لا و ايه....كمان امتيازات بالهبل...فكروا بس مش بالزمة فكرة حلوة؟؟