Sunday 11 March 2007

من طارق المملوك: القصاص للأسرى





جاءتني رسالة عبر البريد الإلكتروني من الصديق طارق المملوك صاحب مدونة
شخبطة ملوكي :



الاخوة الاعزاء
شهداءنا ينتظرونكم الا تخذلوهم وان تحثوا الادارة المصرية للسعى فى القصاص من السفاح اينما كان و مهما مر من زمن
فنحن لا ننسى حق اخواننا و ابائنا
ارجو ان تشاركونا فى تلك القضية بارسال الرسالة المرفقة ادناه الى وزارة الخارجية لحثها على القصاص و تفعيل القضية لاعلى مستوى عالمى
البريد الالكترونى لوزارة الخارجية : minexter@idsc1. gov.eg
رئاسة مجلس الوزراء : primemin@idsc. gov.eg
وزارة الدفاع و الانتاج الحربي : mod@idsc.gov. eg
السيد / أحمد على أحمد أبو الغيط
وزير الخارجية المصرى
نرى و نسمع الكثير منذ سنوات و عقود عن اسرى مصر البواسل الذين لقوا وجه ربهم شهداء على ايدى العدو الغادر الصهيونى
لم ينالوا شهادتهم فى ميدان المعركة ، ولم يقاتلوا ، ولم يكونوا وقتها حاملين سلاحهم يدافعون عن انفسهم حتى الموت ، غدرت بهم يد الصهاينة الاوغاد و هم عزل بلا حق دفاع عن انفسهم ولا سلاح يحميهم ، كانوا اسرى حرب تحملوا مرارة الهزيمة و تحملوا غدر العدو المتوحش ، فلا يجدر بنا الا ان ننصفهم مرة و لا نغدر بهم الثالثة
نحن من شعب مصر الاصيل وليس منا الا من له شهيد فى بيته او اسرته او عائلته او فى حيه الذى يقطنه ، و من هنا نخاطب فيكم مصريتكم ان تثأروا لدماء الشهداء والا نخذلهم و نخذل دموع الاباء و الامهات و الابناء الذين ينتظرون القصاص فى الدنيا من المجرم السفاح ، قبل ان يقتص لنا الله تعالى منهم فى الاخرة
نتمنى جميعا ان نسمعك فى كل المحافل تحمل ملف القضية فانت كما عودتنا سابقا وقت ان كنت مندوبا لمصر فى الامم المتحده تسعى بكل الطرق لنيل حق مصر المشروع فى قضايانا العظيمة
لكم منا خالص الدعاء بالتوفيق فى خدمة الوطن
شعب مصر الذى ينتظر القصاص__._,_.___

8 comments:

Anonymous said...

لاأشك للحظة إن النظام المصري عنده الجرئه علي الحرب أو حتي طرد السفير الاسرائيلي حتي لو هدموا المسجد الأقصي شيخ الأزهر هايطلع يقول للبيت رب يحميه و حسني هايطالب بتعويض عن الاضرار اللي لحقت بالسياحة المصرية و هايسيب عليهم نظيف و الحكومة الذكية هما فالحين غير في التسول

اللي ممكن يحصل في موضوع الاسري إن حكومة مصر تتعلم الخساسه من اسرائيل و تطالب بتعويضات عن كل اسير بلايين الدولارات كما تفعل اسرائيل مع المانيا و سويسرا حتي يومنا هذا كل يوم يطلعوا قصة إن شحات من ذويهم كان بليونيير و عنده مجوهرات مع إنهم معروف إنهم كانوا حثالة أوربا و لا يملكون مليم و كانت اوربا ترغب في الخلاص منهم و لذلك ابتلونا بيهم و يدعي اليهود إن هتلر قتل البليونيرات اليهود و أخد فلوسهم و عايزيين تعويض غير إن كل اللي ماتوا كانوا نوابغ زي اينشتين و مستقبل اليهود اتدمر بموتهم و دي خسارة رهيبة لليهود و لازم يعوضوهم

فأعتقد إن مطالب الحكومة المصرية لن تتعدي طلب تعويضات ماديه و إنها لن تفوت فرصة زي دي و ممكن بالضغط و المحاكم تمشي معاهم بالذات لو تم تسويه الموضوع تحت الترابيزه و بعيد عن المحاكم بس ابقوا قابلوني لو البلد شافت حاجة من التعويضات دي... بهية

Anonymous said...

نظامنا أصبح كالعاهره العجوز الدميمه التى تتلقى أغلب أجرها عن الخطيئه صفعات و بصقات
الجمله دى من موضوعى الأخير حوالين فكره مشابهه .. زورينى و علقى ..
و اصحى بقى .. أنتى تانى ؟ خارجية مين اللى هاتستجيب لرسايلنا ؟ أذا كان معالى الوزير المبجل قالها بصوت عالى وواضح خرم طبلة ودنى أمام الساده نواب الشعب المنتخبين فى سيد قراره .. قال مش هانقطع علاقتنا بأسرائيل عشان فيلم
رسالة أيه اللى تبعتيها للخارجيه ؟
المطلوب محامى محترم .. يرفع قضيه أمام قضاء مصرى محترم .. و ياخد حكم محترم .. و يبله ويشرب ميته لحد ماييجى نظام محترم ياخد الحكم و يطالب بتنفيذه بالقضاء الدولى .. بس كده .. لكن جواب و عريضه
أنك لا تسمع الصم الدعاء
ولا أيه يا نواره ؟

Anonymous said...

صباح الورد يا نوارة
من المعروف أن هذه الأحداث والجرائم لا تسقط بفعل تقادم الزمن ..بل تسقط بفعل سقوط اّخر ذرة للكرامة عند الأنظمة التي تبيع دم أبنائها .. سواء كانوا أسرى أو قتلى أو شهداء أو مقهورين على قيد الحياة ..
ـ طبعا نحن نسأل عن هذه القضية منذ زمن بعيد .. ودائما ننتظر تحرك جدي بشأنها .. نعرف أنه لن يحصل .. لكن الذي أثار نقمتي وغضبي ..هو زيارة المجرم بن اليعازر الى مصر .. ولو انها التغت ـ لكنه بالتأكيد كان قد حصل على دعوة أو موافقة من الحكومة ليقوم بالزيارة وكان هناك مسؤولين سيستقبلوه بالتأكيد ..أنا مستغرب يا نوارة .. وهناك سؤال يلحّ علي كثيرا .. من نحن بالنسبة للحكومات ؟؟ماذا يعني المواطن العادي بالنسبة لهم ؟ أكان عاملا أم جنديا أم مهندسا أم طبيبا أم أديبا أم طالب أم عاطل عن العمل ..
ـ برأيي الشخصي .. إن المجرم بن أليعازر أشرف بمليون مرّة من المسؤول الذي كان سيستقبله في مطار القاهرة .. أو في مكتبه
ـ أضيف الى ماقاله زميلي صاحب التعليق السابق : لن تطالب حكومة مصر بالتعويضات فنحن لسنا كأي بلد في هذا العالم أقصد نحن العرب ـ بما اني لست مصري ـ دلـّني على حكومة عربية تعتبر أن مواطنيها عندهم كرامة أو أنهم بشر يتمتعون بصفة الانسانية التي أصبغها الخالق على عبيده ...لا أستبعد أبدا أن تقدّم الحكومة المصرية اعتذارا رسميا لبن أليعازر لأنه لم يستطع القيام بزياته وأن تعوّضه بإجازه على حسابها في أي مكان يختاره ..كي لاتتهم هذه الحكومة بمعاداة السامية ..
ـ لقد فعلت اسرائيل المستحيل وأعادت جاسوسها عزام عزام في مقابل إعادة تلاميذ لم يفعلوا شيئا .. ولا أستبعد أن تكون قصة التلاميذ مفبركة في سبيل إيجاد مخرج لعودة عزام عزام كبطل قومي اسرائيلي ..أما التلاميذ .. فأعتقد أنهم عادوا الى السجن ..
ـ أكررّ دائما ماقاله الراحل السوري الكبير محمد الماغوط: مامن جريمة كاملة في هذا العصر .. سوى أن يولد الإنسان عربيا ...

Anonymous said...

عفوا joe
تصحيح صغير .. زياره اليعازر تأجلت و لم تلغى .. و طبعا أليعازر أنضف ألف مره من كلب بيستقبله .. على الأقل اليعازر ارتكب جريمته و هو بيخدم شعبه .. انما الكلب اللى هايستقبله .. بيخدم أعداء شعبه

Anonymous said...

؛كومة إيه يابنتى اللى نبعتلها رسالة، هما مش لو كان عندهم دم، كانوا أتحركوا من سنين، الموضوع ده مش جديد يعنى، فطبعا انا رافض فكرا إن إحنا نبعت رسالة لوزير الخارجيه، اللى علق حضرته على الموضوع و قال، إنه مش حيقطع علاقة مصر مع إسرائيل علشان فيلم!!!! يعنى منتهى السطحيه فى التفكير، هى المشكله فى الفيلم و لا فى اللى جواه!!!!!

أنا مع "الفارس الاخير" إن الموضوع ده مش حيحصل فيه حاجه إلا بجركات شعبيه!! هو مش فيه حاجه إسمها محكمة جنائيه دوليه؟!! مش فيه حاجه إسمها منظمات مجتمع مدنى غير حكوميه؟!! إنسوا الحكومه فى الموضوع ده!! دى فعلا بقت عامله زى الوليه!!!

Anonymous said...

عزيزي الفارس الأخير
ـ نعم أنت على حق
ـ شكرا على التصحيح

Anonymous said...

السلام عليكم
اول حاجة أنا أطالب بالقصاص من الكلاب اللى قتلت رجالتنا على حين غرة لأن متأكد لو كان معاهم سلاح كانوا نفخوهم بدون أى مبالغة و أحسبهم عند الله من الشهداء بإذن الله

تانى حاجة هو احنا مبنخدش بالنا الا من القفا الثانى أو الثالث ليه؟ أنا فاكر ان الفيديو بتاع قتل رجالتنا و هما عزل من السلاح أذاعته قناة الجزيرة من فترة و كل اللى حصل ساعتها إن احنا اتهمناها انها قناة عميلة لاسرائيل بدليل انها جابت الفيديو اللى محدش صوره غير الجيش الاسرائيلى...و مفيش واحد فى مصر بما فيهم أنا خلال فترة الغيبوبة الفكرية سأل هو اللى حصل فى الفيلم ده صحيح؟ و لو صحيح طب نحلله نتأكد؟ طب نتحرك على مستوى رسمى؟ كل اللى حصل انهم سابوا الصحافة تقعد تهرتل و تتهم القناة بالعمالة و فى الآخر مفيش حاجة حصلت من ساعتها لغاية اللى حصل دلوقتى و أذاع التليفزيون الاسرائيلى الفيلم و أنتوا عارفين بقيت الحكاية...نفس الأسلوب حصل كذا مرة فى كذا موضوع...بالنسبة للرد الشعبى مع الأسف استنوا أسبوع واحد فقط و الناس هتنسى انها عايشة فى الدنيا أساسا...أنا مش متشائم و لا متساهل فى دم رجالتنا بس أنا نفسى الموضوع يأخد أكبر من حجمه الحالى بمراحل و أشوف فعلا حاجة بتحصل قدامى و زى ما الأخوة قالوا بالضبط مفيش بيت أو شارع فى مصر الا هتلاقى فيه شهيد.. يا ترى لو كاموا عايشين لحد النهاردة و شافوا كل اللى بيحصل كانوا حاربوا؟ جاوبوا على السؤال ده

Anonymous said...

اضافة على تصريحات ابو الغيط

على حد قولة ,, مش هنقدر نقطع علاقتنا بسرئيل بسبب فيلم احنا حربنا وانتصرنا فى سنة 73 وبكدا حقننا الانتقام من الاعداء

..........................

فى دعوى قضائيا مرفوعة من سنة 95 ومحامى هذه الدعوى كان حاضر فى قناة المحور فى برنامج 90 دقيقة وحاضر معه بعض الشهود وكانو بيحكة عن اشياء فظيعة تقعشر لها الابدان
ولكن الدعوى معلطة بسبب اصول التطبيع ما بين البلدين

ولم تمثل حتى الان هذه القضية فى محاكم دولية