Saturday 31 March 2007

ندوة التعذيب

صورة الضابط سموءل ابو سحلة من مدونة عرباوي

على هامش مؤتمر القاهرة لمقاومة العولمة والإمبريالية


















باين














ومتهيالي فيه الصهيونية كمان













المهم المؤتمر اللي في نقابة الصحفيين ده




















تاني يوم كان فيه ندوة عن التعذيب


















أدارت اللجنة عايدة سيف الدولة



















واتكلم في الندوة دي

















منعم أو عبد المنعم محمود















اللي اتكلم عن التعذيب اللي اتعرض له















في يناير 2003 مع مجموعة من زملائه

















منعم بيقول إنهم كان متوصي عليهم

























:عشان كده




















الحمد لله ما اتعذبناش






















كان ضرب بس


















وقلعونا الجزمة والشراب


















ووقفونا على البلاط 14 ساعة

















واللي كان بيقع كان بيضرب جامد قوي






















وقعدنا 13 يوم مغميين عنينا في زنزانة

















عبارة عن دكة اسمنت

















جنبها الحمام البلدي


















وكانوا كل شوية يخشوا عليا ويضربوني



















ومنعم مناخيره اتكسرت وحصل له تهتك في اغشيته


















اصل الحمد لله كان متوصي عليه


















بعدين الشرقاوي اتكلم














انا شخصيا مش ح اقدر اتكلم خالص في اللي قاله الشرقاوي















لاني باتعب














بس الشرقاوي عرف اسم الظابط اللي عمل فيه كده




















:اسمه












سموئل ابو سحلة



















يعني














اهو انا دلوقت عرفت هو بيعذب الناس ليه
















ما هو انا لو اسمي شخنيفة ام زبعبع اكيد كنت ح اعذب الناس
















بعد الشرقاوي















اتكلمت المواطنة حنان


















مواطنة عادية غلبانة














صاحب البيت كان عايز يخلي الشقة
















ويطلعها هي وولادها وجوزها














البوليس جه وعمل عمايل















برضه مش ح اقدر اقولها كلها













عشان انا باتعب فعلا















بس مثلا ع الماشي كده
















نقدر نقول ان الظابط ربط جوزها واخدها هي وبناتها
















وقلهم هدومهم جوة
















غير بقى الضرب والتعذيب وخلافة

















مواطن تاني اسمه محمود














كل حكايته انه كان سايق عربية















معاه مراته وولاده















الظابط قال له رخصك














قال له اتفضل













الظابط قال له انزل














قال له انزل ليه يا باشا لا مش ح انزل
















ودي كانت نهاية فرقة عكاشة المسرحية














وبعد شوية تعذيب وضرب وطرد وتقليع














محمود اتعمل له قضية بانجو














ومراته محبوسة في قضية حبوب مخدرة













"برشام " أو "بورشام"
















بعدين احمد حسن الطالب في كلية الهندسة













اتكلم وقال انه كان بيحفظ زمايله قرآن















فاتقبض عليه



















:وقال













وضربوني وشتموني شتمات وحشة ما اقدرش اقولها














طبعا العيال المدونين














عملوا زي اللمبي وقالوا: ايه الواد ده















ما حصلوش حاجة















وانا مقدرة طبعا لان هم شافوا اهوال













بس احنا وصلنا للدرجة دي

















لدرجة ان الاهانة بالسب والقذف والضرب













بقى حاجة عادية؟













وما تستحقش الشكوى؟















لا















احنا مش لازم نقبل اي اهانة














مهما كان سقف الشرطة عالي قوي في الاهانة














او بالاحرى مالهمش سقف اساسا














لكن احنا لنا سقف
















مين بقى اتكلم وكان ح يوقع لحم وشنا من العياط؟
















ابو عمر المصري














او ما ابتدى قال انه جاي بدون علم الامن
















لانه متحدد اقامته في اسكندرية














الراجل ده













يستاهل انه يتحط في ميدان عام















ونقعد نلف حواليه ونتمسح فيه عشان ناخد من بركاته














الحكاية للي ما يعرفهاش














تبدأ بمصر وتنتهي في مصر
















اتقبض عليه في الفترة اللي كان كل واحد بيصلي فيها بيخش السجن















اتعذب طبعا وطفش راح البانيا















اشتغل في البانيا في التجارة البوليس الالباني













قبض عليه وعذبه وقال له اشتغل معانا















رفض وطفش على ايطاليا













اتقبض عليه بالغلط واتعذب وبعدين جه مصر














:بيقول ابو حفص













لما جيت مصر شخصية كبيرة قابلتني














وقال لي اشتغل معانا فرفضت













في ساعتها













انا مش ح اقدر اقول مين












(هو اللي بيقول)










:ثم أكمل













فيه بعض الصحف قالت انه وزير الداخلية













بس انا مش ح اقول اسمه بقى













اشترطوا عليه انهم يخرجوه على اساس انه ما يفتحش بقه














ابو عمر بيقول انه كان قدامه اختيارين












يا اما يسكت وخلاص












يا اما يتكلم عشان يحذر بقية الناس اللي هو عرف جوة













انهم هم كمان ح يتعرضوا للخطف













وقرر ابو عمر انه يحذر الناس من الخطف












ويتكلم مع الاعلام














فاتقبض عليه هنا













وعذبوه













المعروف على فكرة انه حاول الانتحار في السجن المصري












بالصلاة ع النبي












واحد بالايمان ده كله ازاي وصل لمرحلة انه يفكر في الانتحار؟













مصر بلد المعجزات












وما زال ابو عمر مصمم يتكلم












ومش ح يسكت












عشان كده امريكا كانت بتطارده في البنانيا وايطاليا ومصر












وكل اللي حصل له ده بأوامر امريكية















منعم كان بيحاول يحكي بحياد على قد ما يقدر













بس كل الالم نط من عنيه











:وهو بيقول











أو ما وصلنا قالوا لنا احنا جوانتانمو مصر وعذبنا اعتى عتاة القاعدة














الشرقاوي كل ما يحكي












غصب عنه الاحاسيس بتستحضر










كأنها لسة بتحصل دلوقت











وبيتضغط على نفسه عشان يفضل مبتسم طول ما بيحكي













وبالعافية عايز يهزر عشان يخفف من وطئة الحكاية













وهو بيحكي وبيحاول يبلع المه كان ح يغمى عليا













ابو عمر المصري لسبب ما ضاربها صارمة













وشه مليان تحدي واستبياع












حنان بتحكي كأنها مكسوفة تتكلم












محمود بعد ما خلص كلامه













:قعد يقول












اعمل ايه طيب











قولوا لي اعمل ايه؟










حد يقول لي اعمل ايه؟











انا اخدت صور بالموبايل بس مش عارفة طبعا انزلها













ح اخلي مالك ينزلها لي













مالك ده بقى معروف ان لما البوليس بيضربه بيرد ويضربهم












لدرجة ان جيمي ضحك وقال له: بيقولوا ان الظباط رافعين عليك قضية













عشان بتعذبهم










16 comments:

Anonymous said...

بصراحه انا مش عارف اقول ايه عمنا احمد مطر عبر عن الحاله بتاعة التعذيب دي في قصيده جميله عنوانها زمن الحمير بيقول فيها
المعجزات كلها في بدني ،

حي أنا لكن جلدي كفني ،

أسير حيث أشتهي لكنني أسير ،

نصف دمي بلازما، ونصفه خفير ،

مع الشهيق دائما يدخلني، ويرسل التقرير في الزفير ،

وكل ذنبي أنني آمنت بالشعر، وما آمنت بالشعير ،

في زمن الحمير

والمشكله اننا بنتعامل مع كده ذي م عمي صلاح جاهين بيقول

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

والحكومه كمان بتنفذ كلام عم صلاح

يا ويـلك يا مصـر مصيرك الـيم

أنا اللي اسمي حتحور انا ح امسحك

يحـاول يهـديني رع ما اسمـعـوش

وادمـر واطـيـح في البلاد والعبـاد

أنـا الـطيبـه .. كنت زي الوحـوش

وعادي انهم بيدعوا انهم كويسين وقلبهم علينا والمشكله ان احنا اللي سايبينهم يعملوا كده

وفي الاخر

أنا الذي مشيت ادوٌر باشتياق وحنين

على مصر .. والمشي خدني من سنين لسنين

لحد ماسنيـنهـا وسنـيني بقم واحد

وعاصرتها يوم بيوم لم فاتني يوم واحد

وحضرت شاهد عيان مولد وموت ملايين

مازعلت من كلمة قد البركة في الجايين

مين هم دول يا جدع .. ما توحد الواحد

البركة فينا وفي السامعين بالواحد

أنا قلتها بنرفزة .. من غيرة الواحد

على اسم مصر

تحياتي
الشارد

Anonymous said...

نوارة
مش قادر اقول الا حسبي الله و نعم الوكيل
وكلمات جميله للفاجومى
وأنطلق فى الجو فجاه
يا حبيبتي
صوت مفاجاه
صوت يخلي الدم يجمد
إصحي يا أحمد
إصحي يا أحمد
وأنتهي الحلم الجميل
وابتدا الهم التقيل
_ فين إمام
_ إنتوا مين
- إحنا ناس مكلفين
تيجي سالك مش ح تتعب
وأحنا طبعا معذورين
- إنتوا دود الارض
والافه المخيفه
إنتوا ذره رمل
فى عيون الخليفه
إنتوا كرباج المظالم
والماسي
إنتوا عله ف جسم بلدي
إنتوا جيفه
- سكتوه ابن الكلاب
سففوه من التراب
فتشوا كل الآماكن
طلعوا رفوف الدولاب
كمموني يا حبييبتي
كتفوني يا حبيبتي
قومونى .. قعدوني
كل شعره فى جسمي
بالعين فتشوها
المخده من جنانهم
شرحوها
وإنتهي التفتيش
ما فيش
صدقيني
ما تخافيش
هو فيه يا عزه عندي ممنوعات
غير باحب الناس
وباكره السكات؟
بص واحد م التنابله
جوا عيني
وإنتي عارفه
عنيه صافيه وطيبين
زي كل عيون بلدنا يا حبيبتي
شباكين
ع القلب دوغري موصلين
كان مناه يلمح علامه خوف بسيطه
طب حييجي الخوف منين ابن
العبيطه
هو مين فينا الجبان
ولا مين فينا اللى خان
اللى قلبه بالمحبه وبالاماني
وبالربيع لاخضر مزهر
والاغاني
ولا كلب الصيد
وأسياده الاباطره
أكالين لحم البشر
فوق الصواني؟
هو مين فينا الجبان
ولا مين فينا اللى خان
هو بص فى عينى بصه
إرتجف وف حلقه غصه
واتعوج ومال وقال
جملتين مش مفهومين
أصله شاف صورتين جمال
فى العيون الطيبين
مصر فى العين الشمال
وإنتي فى العين اليمين

Anonymous said...

:S
y3ne bathy2lee homa 3andhom shga3a kbeera 2weee 2nhom yatklmo 2odam 3dad kbeer kda.. :S
tab3an mo3zam 2w kol el nas de ma7'dtsh 7a2ha.. :S

Anonymous said...

ده كان امتى كل ده امبارح ولا النهارده؟
.يحيى

Anonymous said...

أنا مش هقدر أقول حاجة غير منهم لله و برضه هنفضل نقول لأ و لأ و لأ مهما حصل فينا...زي ماعمي نجم قال: طعن الخناجر و لا حكم الخسيس فيا...و هقولها بأعلى صوتي : يا أما مويلي ياأماه,طعن الخناجر و لا حكم الخسيس فيا...

Anonymous said...

ya3ny ana ma3rof 3any enny ba3raf ala7'as ay 7aga
akteb ana eh ba2a ba3d el kalam beta3ek da
be3tony yomeha we ro7tolo lewa7dokom...mashy
salam

Anonymous said...

ههههههههههه

دي بقت ندوة شعرية مش تعليقات








مش غريبة ان الواحد ما يلاقيش تعليق على التعذيب غير بالشعر


حكاية بقى ان الالم بيخرج الجزء الجميل في الانسان دي ممكن تبقى صح بقى وللا ايه؟


نشكر



الشارد



وطارق


ومريم

على الابيات الشعرية

بالرز

هههههههههه















لوبي

اه طبعا عندهم شجاعة الاستبياع

مش ح يحصل لهم اوحش من اللي حصل



















يحيى

ده كان يوم الجمعة 30 مارس


















ماك


ياعم مش انت اللي انططت علينا ومشيت وقعدت تقولنا انا رايح اتغدى في مدينة نصر؟

طيب يا سيدي خلي مدينة نصر تنفعك احنا رحنا العشوائيات


ههههههههههه

ملحوقة يا سيدي ان شاء الله نروح الجمعة الجاية

Anonymous said...

مش لاقى حاجه اقولها

Anonymous said...

طيب وبعد ما نشرتى صورة السحلية ده .. هتعملو ايه ؟؟ عم الحاج شرقاوى هياخد حقه ازاى؟

بكرة الحكم بتاع الكلب اسلاك نبيه اصله مينفعش يبقى اسمه اسلام

المهم يا ريت متقفوش عند نشرالصورة

Anonymous said...

لا حول ولا قوة الا بالله ... يعني الراجل اللي كان سايق العربيه ده عمل ايه؟؟ عالم ساديه ومجنونه وده التعذيب لكن المضايقات ماليه البلد ,,
تحياتي يا نواره

Anonymous said...

والله العظيم البلد دي عجيبة وغريبة

Anonymous said...

بصراحة الواحد اتعذب مش عارف اقول ايه بجد
الاكل بقى تعذيب والشرب بقى تعذيب
والحياة والدنيا كلها بقت تعذيب
والادهى والامر ان الكلام كمان بقينا بنتعذب عليه
ده ايه القرف والعذاب اللى احنا فيه ده
عذاب
عذاب
عذاب
ربنا يرحمنا برحمته
وانا لله وانا اليه راجعون

Anonymous said...

طب المفروض انك يا نواره بتعملي نقل للندوه ( بيتهيئلي يعني )
بس انا ملاحظ ان نص البوست عياطك او اننك كونتي هتعيطي
ههههههههههههههههههههه

بعد كدا ياجدعان متخدوش نواره معاكوا فحاجه زي دي عشان مبتجيش تحكي بتيجي تعيط
ههههههههههههههههه

Anonymous said...

لا حول ولا قوة الا بالله..انا مش لاقية حاجة اقولها لكل الي اتعذبوا غير {ولنبولنكم بشئ من الجوع والخوف ونقص من الأموال والأنفس والثمرات وبشر الصابرين الذين اذا اصابتهم مصيبة قالو انا لله وانا اليه راجعون.اولئك عليهم صلوات من ربهم ورحمة وأولئك هم المفلحون} بكرة كلنا نحسد الشرقاوي هو وكل الي اتعذبوا على اجرهم عند الله يوم القيامة...

Anonymous said...

حتى ابو غريب استوردوه من امريكا
ونعم الاختيار.. باين عليهم كانو بيتعذبو وبيضربو وهما صغار وفكو عقادهم عالغلابه.. بس شكلنا غلبنا اساتذه التعذيب المخصخصين..
ولاعزاء للافاعى

Anonymous said...

نول ه شكراليكيواسفاني مش كنت برد لاني في قطر حاليا
في قطر في منتدي الجزيرة الاعلامي
عبدالمنعم محمود