وصلتني هذه الرسالة
من الأستاذ أحمد حلمي
وكان قد كتبها فور عودته من
المؤتمر العالمي لمقاومة الإمبريالية والصهيونية
الذي تجري فاعلياته الآن في نقابة الصحفيين
الحقيقة الأستاذ أحمد راجع غضبان قوي
وله ألف حق
: وإليكم الرسالة اللي بتشرح أسباب غضبه
نداء ودعوة للمشاركة
تدعو المجموعة المصرية في الحملة الدولية ضد الاحتلال الأمريكي والصهيوني جميع القوى والمناضلين ضد الاستعمار والصهيونية في مصر والعالم العربي، وجميع الحركات الاجتماعية والمناهضين للحرب والعولمة في كافة أرجاء العالم للمشاركة في:
مؤتمر القاهرة الخامس
تحت شعار:
من أجل تحالف عالمي بين القوى المقاومة للإمبريالية والصهيونية
تدعو المجموعة المصرية في الحملة الدولية ضد الاحتلال الأمريكي والصهيوني جميع القوى والمناضلين ضد الاستعمار والصهيونية في مصر والعالم العربي، وجميع الحركات الاجتماعية والمناهضين للحرب والعولمة في كافة أرجاء العالم للمشاركة في:
مؤتمر القاهرة الخامس
تحت شعار:
من أجل تحالف عالمي بين القوى المقاومة للإمبريالية والصهيونية
======
هذا الإعلان انتشر على مواقع الانترنت منذ يومين ووصلتنى رسالة من المناضلين العظام منظمى المؤتمر تدعو للحضور .
عندما توجهت مساء الخميس لحضور المؤتمر فوجئت على باب القاعة بلجنة النظام تمنع المتواجدين من الحضور حيث تفضل أحدهم بالقول أن الدخول بدعوة شخصية . ثم وبكل برود لم ينسى هذا الشخص دعوتى لحضور ورش العمل باكر الجمعة .. عندما يكون المولد قد أنفض وانتهى المناضلين من النخبة والصفوة من خطبهم المنبرية فى المؤتمر الافتتاحى فيبحثون عن جمهور لمؤتمرهم .
بغض النظر عن ما يحمله هذا الموقف من قلة ذوق وسخافة .. وبغض النظر عن السؤال الجوهرى .. إذا كان الحضور بدعوة شخصية لماذا هذه الإعلانات والتى تبدأ بعبارة نضالية " ندعو جميع القوى والمناضلين " والله يا سيدى على النضال ..
طيب يا سادة مين هم اصحاب الدعوة الشخصية .. السادة المناضلين نخبة النخبة ؟؟ طيب لما المؤتمر للنخبة عامل إعلان ليه .. وبترسل رسائل على الإيميل ليه ؟ وبتعمل نداء ودعوة على مواقع الانترنت ليه
؟
وطالما أن قلة الذوق والسخافة بدأت من عندكم .. فلنا عليكم بعض الملاحظات .. لكل الجهات والتيارات الموقعة على الدعوة بما فيهم تيارى السياسى :
أولا : بينما نهضتم فجأة لمؤتمركم النخبوى دفاعا عن فلسطين والعراق ضد العدو الامبريالى .. لم نسمع لكم حسا فى التعديلات الدستورية ولم نرى مناضل منكم اللهم إلا بعض البيانات المكتبية التى يتم تحريرها فى غرفة مكيفة على رائحة فنجان من القهوة التركى .
ثانيا : السادة المناضلين والنخبة وصفوة الصفوة لم نرى لهم وجها فى اعتصام ميدان التحرير ولا مظاهرات يوم الاستفتاء .. بل على الأصح بعضهم هرب يوم الاستفتاء واختفى وظهر بعده .
ثالثا : بعض هذه الجهات النضالية زعمت زورا بأنها هى صاحبة الدعوة لاعتصام ميدان التحرير .. وسرقت عمل الشباب ونسبته لنفسها .. وسارعت بالظهور على الفضائيات لتسرد احداث يوم لم تكن مشاركة فيه .. بل والطريف أن بعض هؤلاء المناضلين كانوا اثناء القبض على الشباب يصدرون بيانات خاطئة عن اماكن الاعتقال وعدد المعتقلين للايحاء بأنهم هم منظمى اليوم والداعين اليه بينما هم أول من هرب من هذا اليوم .
رابعا : يا ايها المناضلين كما وصفتم أنفسكم فى بيانكم .. تركتوا الشباب يواجهون جحافل الأمن فى ميدان التحرير وهربتم .. ثم سرقتوا عملهم ونسبتوه الى أنفسكم .. ثم تنظمون مؤتمر تحضروه كنخبة وصفوة ومنعتم الشباب صاحب الفضل عليكم من الدخول .. فيكون المشهد قمة فى التناقض .. الزعماء الهاربين فى القاعة المكيفة .. والشباب الذى دفع الثمن ممنوع من الدخول .
خامسا : واخيرا .. نختتم بتوجيه التحية للشباب والمدونين الذى حملوا أعباء يوم الاستفتاء على كاهلهم
وتعرضوا لضربات الأمن والاعتقال والنفى فى الصحراء والاعتصام طوال الليل والاحتجاج بمفردهم على التعديلات الدستورية .. كما نوجه التحية للمناضلين الزعماء النخبة والصفوة فى القاعة المكيفة لمؤتمرهم . ونتركهم لخطبهم المنبرية التى لا تقدم ولا تأخر ولا يهم أحد سماعها لأنها مكررة ومخالفة لحقيقة سلوكهم الذى برهنوا عليه عندما هربوا وتركوا الشباب فى المواجهة .. ثم سرقوا عملهم ونسبوه لأنفسهم
.
وحى على النضال .. فى القاعات المكيفة
.
أحمد حلمى
المحامى
=============
انتهت رسالة الأستاذ أحمد
اللي مش متعود يوصل للمرحلة دي من الغضب
والحمد لله أني ما كنتش موجودة عشان كنت ح اعمل فضيحة
للاخوة بتوع نضال اخر زمن في العوامات
40 comments:
besara7a ana gatly melion da3wa..we lama ro7t we get ad7'ol el sala mana3ony...fa 2oltelhom ana sa7afy we da7'el aswar ...fa baso le ba3d el etnen elly kano wa2fen 3ala el baba we 2aloly tesawar we tetla3 ..fa 2olt mashy...we ba3ato ma3aya wa7ed 3alashan yera2bny...montaha el habal....fa herebt meno gowa el sala ( ma ana ba2et 7'aber fe el harab men el mora2ba men ba3d yom el ta7rer elly fat) we a3adt asawar... bas el so2al el mohem ..el nas elly bet7areb amreca men salet nekabet el sa7afyeen de,,,kano fen yom el ta7rer we e7na tale3 3ena darb we mora2ba we bahdala we 7abs..we ezay ye2olo en homa elly da3o le yom el ta7rer da..we e7na aslan 10 kona a3den 3ala el ahwa we 3amalnaha...tab ragel feko yegebly wara2a wala e-mail ento katabtoh 3alashan el yom da
يا ولاد البطيخة... إيه النيلة دي يا نوارة؟؟؟ أنا لو أعرف إن الموضوع فيه قذارة كدة وبواخة كدة ما كنتش نشرت الإعلان بتاعهم... وانا أصلا ما باهضمش الجعجعة بتاعة البؤرة والإمبريالية م الأمبرة والبدنجان الازرق اللي قايلينو... أنا كنت بس عامل الإعلان بالأساس عشان الندوة بتاعة بكرة بتاعة التعذيب بس الليلة كدة شكلها ليلة فاشلة ومن تاني الأستاذ أحمد حلمي بيأكد نفس الطرح بتاعك إنتي وزنزانة في نظرية بيع الورد "يا معلم" والقيادات اللي هي مش قيادات ولا نيلة... نهاره أزرق يا عزيزتي
جرجس قبل بس ما تقول ليلة فاشلة و الكلام الاهبل دة علشان ما تخنقش الواحد بس على المسا
مش قاعد فى بيتكوا على سريرك و بتنتقد الحرب ضد الاامبريالية الدولية
طبعا مع ضئالة اى حد امام القضية دى و اللى بيصعب على الكثير فهمها
كلمة فى معرض القول موجود فى مركز الدراسات الاشتراكية كتب كتير ممكن تفهمك اللى انت مش قادر تفهمه دة
و مرة تانية ماتحكمش على حاجة بالفشل و لا تبين انك عملت منة او عطية انك حطيت اعلان فى مدونتك لان ببساطة محدش ضربك على ايدك و لا اللى حضروا المؤتمر متصفحين مدونتك الكريمة
و مين بقة ولاد البطيخة دول يا استاذ؟؟
و قذارة ايه ؟؟ لما تستخدم مصطلحات يا ريت نقدر انت بتستخدمها بتصف مين و ازاى و معناها ايه و فى مكانها و لا لا
اخيرا بقة علشان الناس تفهم لاننا بنتعامل بمنطق التزاحم و التدافع على طول
الاقبال كان كبير جدا جدا لدرجة ان المسرح مليان على اخره حتى مقاعد الدور التانى من المسرح مليانة على اخرها
و علشان كدة كان لازم تقليص العدد اللى داخل اكتر من كدة
و سورى يعنى انا عندى صحفى اجنبى يدخل احسن من عشرين مدون و ناشط كان كل اللى هايعمله انه يدخل يسقف
ثانيا الناس ما اتاخرتش و جابت بروجكتور و شاشة عرض برة يعنى اللى كان عايز يدخل يتابع كان هايقدر يتابع من برة زى ما الصحفيين الاجانب اللى مالهمش مكان تابعوا من برة
ثالثا اظن كان فى تسجيل من الساعة خمسة للساعة ستةو الناس كانت فى بيتوها نايمة
رابعا
ينعل دين ام المزايدات
كل كلامى اللى فات على الاشتراكيين اى تيار تانى عمل اى حاجة انا ماليش دعوة
كل الىل بعتوا الدعوات على الانترنت كانوا اشتراكيين
و اتحدى اى حد لو يقول ان واحد منهم كان قاعد على كرسة جوه
كلهم كانوا شغالين برة وواقفين برة زيهم زى الناس
كل اعتراضى ان الناس بتتكلم على اللى بعت الدعوات
اللى بعت الدعوات حملاوى و جيهان و وائل خليل و دول كانوا برة و شغالين برة زيهم زى الناس
يا ريت الناس تكون فهمت انا باتكلم على ايه
آسف جدا، ولكن أختلف بشدة على توصيف الليلة بهذا الشكل، القاعة كانت ممتلئة بالحضور فعلا من الباكر، وكان لا يمكن تحتمل الأعداد الضخمة المتواجدة بالنقابة.. وكان من الممكن الدخول مبكرا للقاعة، عند التسجيل على المنصات المتواجدة خارج القاعة.. وقام المنظمون بوضع شاشة عرض كبيرة خارج القاعة لبث ما يحدث مباشرة للجمهور المتواجد خارجها، وأنا اتطوعت أكثر من مرة للترجمة الفورية لمن تزاحموا على الشاشة لشرح ما يقوله المتحدثون باللغة الانجليزية.. ومش حأخوض دلوقتي في موضوع مظاهرة التعديلات، فأنا كنت من الموجودين في المظاهرة وتعرضت للسحل كالآخرين، وما قعدتش أدعي أي بطولة ومش عاوز باب المزايدات.. أرجوا يا زملاء بلاش نشتت انتباهنا ومجهودنا في المعارك الجانبية، وان كان فيه أخطاء حد شايفها في المؤتمر ييجي ويقولها لمنظمي المؤتمر بطريقة بناءة، وبلاش تكسير المجاديف بالشكل ده.. وشكرا
انا مبئتش فاهم حاجه
حكومه و بنت ميتين كلب حراميه و مجوعادا و سرقانا و لطخانا على قفانا
قولنا خلاص دول ولاد كلب ننزل في الشوارع نهتف ضضهم و نلعن سلسفيل ابوهم يمكن البلد تنضف
و ننضرب و نتحجز و ناس تتخطف و كلهم شباب متعلم و زي الورد
بعد كدا يجوا ناس معرفهمش اللي انتوا بتقولوا عاليهم دول و المفروض انهم مناضلين يطلعوا حرامية مجهودنا بعد البهدله و الضرب
طب حكومه نجسه انما كمان صفوة المناضلين ( زي ما انتوا ساميتوهم وانا مش عارف يعني ايه الكلمه دي )
يطلعوا هما كمان بيجعجعوا و كلمنجيه ...
و نبي حد يفهمني عشان لو غلطان اعرف الصح و لو مش غلطان اقفل المدونه بتاعتي و افاسي دماغي من البلد اللي بقت رحاميه في حراميه و ابدأ مشواري في ورق الهجره لاي دوله حتى لو جزر القمر
الصديق جيمي هود
يبدو أن ثمة سوء فهم من طرفي ومن طرفك أيضا في ما قلته أنا وما قلته أنت تعليقا هنا على بوست نوارة الذي تضع فيه رسالة الأستاذ أحمد حلمي أمامنا وهذا هو الموضوع الذي علقت عليه هنا... فتعليقي كان على ما قرأته في الرسالة وليس على المؤتمر ذاته إذ لم أتمكن أساسا من حضور افتتاح فعالياته اليوم إذ كنت خارج القاهرة في مهمة عمل
رسالة أحمد حلمي المحامي نكأت من جديد جرح الشبهة الموجودة في صفقة بيعكم يوم اعتصام التحرير الذي لم ينزل إليه كثير ممن دعوا إليه وعلى رأسهم "المناضلين" الذين لم يسمهم أحمد حلمي في رسالته ولم أسمهم أنا ولكنه ربط بين المؤتمر الخامس وفعالياته وتقاعس نفس المناضلين (على حد زعم الأستاذ حلمي) عن النزول والمشاركة في يوم اعتصام التحرير وهذا الربط من جديد فتح - في داخلي - موضوع اعتصام التحرير وما إذا كان فيه شبهة بيع - كما يزعم الكثيرون وعلى رأسهم نوارة هنا - للشباب قد حدثت أم لا... ليس هدفي المزايدة على من حضر الاعتصام ومن لم يحضر ومن احتجز ومن لم يحتجز فأنا نفسي وصلت متأخرا بضعة دقائق كان قد تم فيها ضربكم واحتجازكم وانتهى كل شيء في الوقت الذي ذهب فيه آخرون - ربما هم المناضلون الذين يقصدهم حلمي وأقصدهم أنا بأولاد البطيخة - ذهبوا مباشرة إلى نقابة الصحفيين - حسب ما اتفقوا عليه مع الأمن وأنت شخصيا كتبت أن هذا كان طلب الأمن - ذهبوا إلى النقابة مباشرة تاركين إياكم تسحقون وتعتقلون من ميداني التحرير وطلعت حرب... هؤلاء هم أولاد البطيخة الذين أقصدهم يا صديقي ولم يكن حديثي هنا عن المؤتمر وإنما عن الربط الذي ربطه أحمد حلمي بين من أقاموا المؤتمر وأنهم هم أنفسهم الذين باعوكم يوم الاعتصام
بالنسبة لمؤتمر القاهرة الجارية فعالياته حاليا فإنني أستغرب ما قاله الأستاذ أحمد حلمي من منع دخول الناس بدون دعوة في الوقت الذي لم تنص دعوة المؤتمر على أن الحضور بدعوات شخصية أو غير ذلك... كنت أعتقد أن الدعوة عامة والمطلوب من الجميع هو المشاركة وعلى هذا الأساس نشرت الدعوة في مدونتي... وأنت تعلم أن كل علاقتي بالمؤتمر أتت فقط من الاتفاق الذي بيننا في ملتقى معا ضد التعذيب على الحضور الفعال والنشط في مؤتمر القاهرة الخامس
ما قاله أحمد حلمي أكده أيضا الصديق دماغ ماك الذي حكى كيف تسلل خلسة للتصوير بعد أن رفض القائمون على المؤتمر دخوله في تصرف غريب وغير مفهوم بالنسبة لي
بالنسبة لمقاومة الإمبريالية (والتي سخرت منها مستخدما مقولة عادل إمام الإمبريالية من الأمبرة) فأنا آسف بالفعل أنا مش من المهتمين بمقاومة الإمبريالية وغيرها من موضوعات أنا أتصور - وربما كان تصوري خاطئا بالطبع - أنها من موضوعات البؤرة التي لا بتجيب ولا بتودي ولا طائل من مناقشاتها وربما بالفعل كنت لا أعرف الكثير عن مدى أهمية موضوع مقاومة الإمبريالية لأني لست يساريا ولست مؤامراتيا ولا أرى أن أمريكا هي الشيطان الأعظم وإن كنت أيضا لا أحب أمريكا ولا أحب سياستها... وأما مقاومة الإمبريالية فبالنسبة لي هو مناقشة تنظيرية مهمة لكنها ليست على هذا القدر من الأهمية بالنسبة لي... الأهم بالنسبة لي مقاومة الاستبداد بكافة أشكاله ومقاومة التعذيب وهكذا ولا أدعي أن هذا هو الصواب أو عين الصواب بل هذا هو أسلوب ترتيبي لأولياتي لا أكثر
إنني لا ولم أزايد على أحد ولم أقصد أن أقلل من مجهودات أحد ممن اجتهدوا وتعبوا وراء الترتيب لهذا المؤتمر ولكنني كنت أرد على نقطة محددة أثارها الأستاذ حلمي في رسالته وهي نقطة بعيدة بشكل ما عن تفاصيل لقاء مؤتمر القاهرة وفعالياته وهي قضية بيع القيادات للشباب في مهزلة يوم الاعتصام
بس دا كل اللي عندي
وأعتذر عن أي سوء فهم من جهتي وإساءة تقدير بأي حال من الأحوال
أعتذر للعزيزة نوارة على الإطالة
احه يا جيمي
ايه الرد البضان ابن المتناكة ده
ما تعرفش توضح بذوق كده زي حسام
انت من ساعة ما ظهرت وانت طاقش في كل الناس
وانا عمال اعملك داميدج كنترول وادافع عنك
لكن واضح ان انت اللي بتخسر الناس عمدا يا اما بغباء
اتعلم تتكلم بسياسة شوية يا اخي ده احنا بنلعب سياسة مش مصارعة تيران
لا هوه انا كدة يا وائل
انت لما حد بيدوسلك على طرف
بتسبله الدين
و ما حدش بيكلمك و لا بيقولك اتكلم بسياسة ... و لا ايه يا عم وائل ؟
و اللى يخسرنى بسبب تعليق فى مدونة يبقى فى داهية الصراحة مدام دماغه هاتبقى صغيرة
انت حد بيشتم السادات بتعمل فيلم فما بالك واحد جاى يقولك من الاخر انتوا مالكوش لازمة
fe eh ya gam3aa?? relax kda.. fe eh??
kol wa7ed yahda kda..we yfham wghta nazr el tane man 3'er 3'lt..eh ya gd3an..malko??
يا نواره تعالي عندي انا كاتبالليحصل بالظبط انا رحت وماردوش يدخلوون انا كنت متنرفز قوي ,,,, انا فهمت هم عايزين حشد اعلامي بس وقال ايه الاولويه لاجانب يا ريت تقوليلي ايه رأيك في اللي حصل فيا ده
تحياتي
انايه الهنا اللي انا فيه ده
متجمعين عند النبي ان شاء الله
انا ح اخلي احمد كل يوم ينشر عندي رسالة عشان تيجوا تزوروني
واتنين برج عقرب مسكوا في شعر بعض
هههههههههههه
انا نازلة دلوقت
لما ارجع ح ارد برواقة
احنا زارنا النبي
صباح الفل
شعب بيحب التكييف
عا
عادى بقة
أودى
سلام عليكم
ياشباب بغض النظر عن مين اللى دعى ومين اللى ظم أنا باشكر كل اللى دعى لميدان التحرير وباشكر كمان اللى عاوز بنسب الدعوة لنفسه كل ده مش مهم ,المهم الهدف كان أيه وأتحقق الغرض ولا لأ؟
أنا كنت فى الميدان ووصلت وهيا عربية الترحيلات طالعة بالشباب روحت الصحفيين وبيتنا اللياة وفضلنا قاعدين لتانى يوم لغاية الساعة 7 لدرجة أنى الامن منع خروجى بسبب الصفارات وندى القصاص ربنا يكرمها خرجتنى ووصلتنى
فلو سمحت مش عاوزين ننكأ الجراح القديمة , فيه فعلا ناس بتحب التصوير والتليفزيونات وفيه ناس بتحب الفعل والحركة دلوقتى شايف اللى قاعدين بيشتموا فى بعض وبيزعقوا عاوزين شعار الميكرفون كما الآخرين
أهدوا شوية وعاوزين نشوف الخطوة القادمة من أجل مصر
لقاء مجمع كده فى أى مكان تختاروه على قهوة, على النت, فى فندق , فى مقر كفاية, فى مركز الدراسات الإشتراكية, فى أى حتة للنظر فى الخطوة القادمة فى ضوء المستجدات
طيب احنا عندنا دلوقتى الاستاذ احمد حلمى و ماك وابن ناصر بيقولوا المؤتمر ماردوش يدخلوهم و كان لناس او فئه معينه
وعندنا جيمى و حسام بيقولوا العكس وان السبب ان القاعه كانت زحمه ياريت حد يوضحلنا ايه الصوره بالضبط احسن لما نطلع قرفنا و غلبنا على بعض مش كده برضوا
وقعتى الرجاله فى بعضها يانواره
يحيى
نوارة
هو ليه مفيش رد علي رسالة احمد حلمي
او عليكي
او علي ماك
وان السادة المناضلين مسكوا ف خناق بعض؟
هم بيخافوا منك للدرجة دي؟
و الله انا مبسوطة جدااا
انك غير قابلة للطحن
نخبة؟
يعنى اية نخبة؟؟
وعلى أى اساس بقوا نخبة؟
محتمل
كل واحد فاكر نفسه هو اللى بيفهم
والباقى داخل يسقف
عملوا زى القادة البواسل اللى احتكروا الفهم والتفكير فى عقولهم وبس
واعتقدوا ان الشعب عبارة عن مسقفاتية
وقطيع يسمع ولا يعي
لو كان السادة كبار المناضلين فاكرين انهم كدة وان عامة الشعب رعاع
فلا حاجة لنا بنضالكم
فهو لكم وحدكم لمجرد التلميع
او لسيبق اسم كل منكم لقب
مناضل
وأعتقد ان محدش منهم ورانا ولا بركة من بركات نضالهم لحد دلوقتى
اللهم الا الاختباء يوم الاعتصام والاستفتاء خلف الدروع البشرية
اللى هم صغار صغار مناضلى الشعب
او بمعنى ادق
عامة الشعب اللى لا يحق لهم الدخول للقاعات
لسة بدرى على ما نتعلم ازاى نحترم فكر وعقل بعض يا نوارة
لسة بدرى على ما كل واحد فينا يحترم خطوة غيره مهما صغرت تلك الخطوة
تحياتى
نوارة..مش شايفالك تعليق على وصلة الردح الجبارة دي بين الشباب...ماشاء الله ماشاء الله حاجة تكسف...ازاي بالزمة عايزين تلعبوا سياسة وتمارسوها وانتو مش قادرين تتكلموا مع بعض بشوية ادب بلاش اقول بمنتهى الأدب لأنه واضح ان الشوية نفسهم كتير..يا جماعة ايا ما كان الخلاف من حق كل واحد يقول الي هو عايزة طالما مفيش غلط ... منين بتعيب على جيمي انه مش عارف يتكلم بأدب وانت بتشتموا بمنتهى التعدي على الأدب...الحقيقة انتو خليتو مستقبل البلد في عيني اسود من قرن الخروب ...مش ممكن نكون بنشيل الحكومة المهببة دي عشان نحط مكانها شوية ناس برضة مش عارفين يتكلموا منغير ما يسبوا الدين لبعض...عوضك على الله يا مصر...
إيه جماعه؟ كل الناس دخلت شمال فى بعض ليه؟ الموضوع مش محتاج كل العصبيه دى من كل الناس.
هو فيه نقطتين عايز أتكلم فيهم.
أول حاجه، انا شايف إن أعصاب الناس بايظه و العلاقات متوتره ما بين مهاجم و مدافع من ساعة إعتصام التحرير. الكلام ده واضح على كل المدونات اللى انا بزورها بصفه دايما تقريبا. كله بيخيط فى بعض و مفيش أى هدوء ولا تركبز. فأنا اعتقد إن الموضوع محتاج إن الناس تهدا الأول و بعدين لازم يكون فيه لقاء أو منتدى أو أى حاجه، الناس دى تتكلم مع بعض و تحاول تصحح الاخطاء اللى حصلت الفتره اللى فاتت و السلبيات و الإيجابيات. و إيه أوجهه الإنتقاد.
أنا شايف ده الحل الوحيد لو إنتو عايزين الفكره الحلوه اللى بتجمعكم كلكو بدل ما تفضلوا تقطعوا فى بعض و مجهودكم كله يضيع على كلام فاضى ، كلها عبارة عن صراعات جانبيه.
ثانيا، أنا شايف إن الكلام اللى قاله الحاج جرجس، هو هو نفس الكلام اللى قاله الأستاذ أحمد حلمى، و ماك، و إبن ناصر. و محدش دخل فيهم شمال. الكلام اللى قاله زياده عنهم شويه هو الكلمتين بتوع "ولاد البطيخه" و كلامه عن الإمبرياليه و الكلام ده، و اعتقد إن الكلمتين دوله اللى نرفزوا جيمى هود. بس مش واخدين بالكم إن الموضوع كان ممكن يترد عليه بهدوء من غير نرفزه و حرقة دم.
آه الكلام بتاع الحاج جرجس فيه كلام قاسى، بس مردود عليه زى ما هو واضح فى كلام حسام.
الموضوع كله إن الاجواء ملتهبه من ساعة الإعتصام. لو كنتو لسه عايزين تكملو المشوار مع بعض لازم يكون فيه دلوقتى وقفة مع نفسكم و إلا قولوا على "نضالكم" السلام.
معذرة على الإطاله يا نواره، بس الموضوع كان محتاج حد يحجز بين الناس.
:)
ya bashar fe eh?? ahdo kda..i think de asln tare2at wael fl klam...bas msh asdo 3'er y3nee akeed kol 7'eeeer..7'ayef bas 3la gemy..we gemy ahda shwayteen...we kol wa7ed kda yafhm waghta nazar el tane...
loool..
nawara masa2 el 7'er..
;D
أزيك يانوارة
أنا واللة كل خوفىمن الجماعة المندسين ومدععين النضال إنهم (الطابور الخامس )
وهى دى مشكلتنا فى تنظيمات النضال الشعبى والنخبة الثقافية ...فالكثير منهم عميل مزدوج وهم أكثر خطورة على الشعب من هذا النظام الظالم...
ولك فى الكثير من النماذج العبرة والعظة"كرم جبر ..عبد اللة كمال ..حازم منير..مجدى الدقاق..وأخيرا ...صلاح عيسى" كلنا يعلم كيف بدأ هؤلاء وأين هم الآن
واللة مش عارف مين الصح ومين الغلط
...""""تحيا جمهورية مخص العربية
واحد من المخصيين فى هذا البلد
السلام عليكم يا معشر الشباب .. يبدو أن الأمر يحتاج بعض التوضيح :
اعتقد أن الأخ جيمى هود زعلان لأن فى حاجة جت ناحية تياره السياسى والله أعلم .. أنا معرفتى بجيمى قريب وماعرفش تياره السياسى ايه .. بس لازم يلاحظ أنى بدأت بانتقاد تيارى أنا السياسى قبل ما انتقل للاخرين ..
ومن خلال توجدى لفترة قليلة أحب أعلق على بعض ما قيل ..
أولا : التزاحم الشديد كان كله من الشباب برضو .. أنا وقفت برة وقلبت نظرى فى وجوه الموجدين لاحظت أن الشباب هم اللى برة .. ولو لم يكن كل هؤلاء الشباب حضروا ما كنت اظن أنكم ستقولون أن الحشد والتزاحم والكلام ده .
إلا إذا كنتم بتعتبروا وفد كوريا ذو السبعين شخص هو اللى عامل الحشد .. بالمناسبة هو ليه وفد كوريا 70 واحد ؟؟ مع ملاحظة أن مفيش فيهم حد متخصص فى حقوق الانسان مثلا ؟؟
ثانيا : لم أكن أنوى التعليق على احداث التحرير والاستفتاء رغم أن جالى المرارة من كتر تعليقات الزعماء عليها .. وضغطى بيرتفع كل ما اشوف زعيم على الجزيرة ولا الفضائيات بيشرح الموضوع وهو كان قاعد تحت كرسى السفرة فى بيتهم لما الشباب كان بيطحن فى الشارع .
لكن الحقيقة مشهد وجود الشباب خارج القاعة والسادة اصحاب الياقات البيضاء والكرافتات الشيك بالداخل يلقون خطب منبرية أثار اعصابى فخرجت عن شعورى واضطريت للحديث فى أمور لا ارغب فى الحديث عنها .
ثالثا : لا أحب أن يعاملنى أحد على أننى مواطن من الدرجة الثانية .. فلو كانوا سمحوا لى بالدخول لكنت اخذت جولة داخل القاعة وخرجت منها لأننى افضل لقاء الشباب والحديث معهم بالخارج عن الجلوس فى قاعة مكيفة وسماع خطب سمعتها 100 مرة طوال الخمسة عشر عاما السابقة .
رابعا : كل هذه الجهات مع احترامى لها هى مجموعة قليلة العدد من الزعماء وعندما ينظمون مظاهرة يلجأون للشباب للحضور ولو أن الشباب امتنع عن الحضور لاصبحوا جينرالات حرب بدون جنود .. هم دائما يستمدون زعامتهم من هؤلاء الشباب الذين عادة ما يدفعون هم الثمن من حريتهم . فكان من الذوق احترام هؤلاء الشباب ومعاملتهم معاملة تليق بمكانتهم .. واعتقد أن تواجد الشباب والمدونين فى القاعة افضل كثيرا من وجود اصحاب الياقات البيضاء .. فهم وقود الحركة وطاقتها .. ولا يجوز التعامل معهم بمنطقة العب يا بابا فى المراجيح برة لغاية ما الكبار يخلصوا المؤتمر بتاعهم .
خامسا : بخصوص عظمة المنظمين وبرنامجهم الرائع احيل فى ذلك الى دش الميه الساقعة التى قامت السيدة بثينة الناصرى العراقية بالقاءه عليهم ويمكنكم مراجعة كلمتها فى المؤتمر .
سادسا : عندما اذهب الى مكان فيمنعنى احد من الدخول اشعر باننى متطفل وكأننى حضرت لطلب جزء من الزكاة أو صدقة .. ولا احب هذه المعاملة .. ولو كانوا اعلنوا أن المؤتمر بدعوة شخصية ما كنت كلفت نفسى وتركت مكتبى وذهبت لهم .. ولكنهم تعاملوا معنا بمنطق دكة الاحتياطى .. فالدعوة عامة واذا حدث زحام أو حشد اصبحنا نحن الغير مرغوب فيهم .. ولو لم يكن هناك حشد لكنا داخل القاعة من المكرمين .. منطق سخيف واسلوب اسخف ..
اخيرا : بخصوص احداث الاستفتاء ارجوا مراجعة الصحف الأوربية التى وصفت المعارضة بالمنظرين .. وانتقدت بشدة عدم تناسب رد فعل المعارضة مع الحدث .. وهنا لا اخجل من انتقاد تيارى السياسى الذى غاب عن اليوم رغم انه فى طليعة المعركة وصاحب نصيب كبير فيها وكأننا نخصص معاركنا فى القاعات أو حتى البرلمان ولكننا لا ننزل للشارع حتى لا تقول عنا الحكومة أننا نسعى لاشعال النار ونعرض امن المواطنين والوطن للخطر .. مع احترامى لحديث فضيلة المرشد لكننا تلقينا مائة قفا فى الايام السابقة ولم نرد وهذا سوف يشجع الحكومة على مزيد من القفيات وبرضو مش حانرد ..
وعلى ذات النسق الاخوة الاشتراكيين الثوريين أغلب ظنى أنهم كانوا خارج البلاد يوم الاستفتاء أو ان هذا الحدث لا يعنيهم .. الله أعلم .
عموما تحالف الاخوان الثوريين والاشتراكيين المسلمين مش عاجبنى اسلوبه .. هادى .. هادى .. يفقع بصراحة .
لكم التحية ونستكمل الحوار بس بهدوء لو سمحتم وبدون سب دين ..
هذه رسالة خاصة الى الحاج جرجس :
دخلت على مدونتك وقرأت التدوينة الاخيرة التى تعلن فيها انك سوف تتنحى وتعود لصفوف الجماهير .. ماعرفتش ارد عليك هناك لأنك تقريبا مانع الرد قلت ارد هنا و أهى نوارة تستضيفنا ويجعل بيت المحسنين عمار .
شوف يا مينا .. أنا مش حاكتب كلام كتير احاول اقنعك به بخطاء هذا القرار .. لكن احب اقولك أنى امارس العمل السياسى من 15 سنة وخلالها اتخذت قرار باعتزال العمل السياسى واعلنت حوالى 92 مرة .. ومع ذلك لم اتخلف مرة واحدة عن مظاهرة أو حضور نيابة أو اعتصام أو قبضة أو جرى ورا عربية الرش اللى فيها الناس المعتقلين .
ما تتعبش نفسك يا مينا .. ده ادمان يا حبيبى وكان المفروض انك تحترس من الشمة الأولى لكن طالما جت رجلك فانسى حكاية أنا اعتزلت دى لانها مش حاتحصل .. لن تستطيع أن تجلس فى بيتك وتسمع عن مظاهرة أو أن اخوانك المدونين فى الشارع أو حد اتقبض عليه وتفضل قاعد فى البيت حاتلاقى رجلك بتجرى لوحدها .. انسى يا مينا
وبعدين اليأس شىء مش كويس .. حاتتكعبل مائة مرة وتقع مائتين مرة وتقف تانى .. الراجل هو اللى ما ييأسش مهما حصل .. طالما مقتنع بقضيتك اتكلم ان شا الله تتكلم لوحدك والناس تحدف بالطوب فى الشارع وتقول المجنون أهو .. برضو اتكلم .. كفاية احترامك لنفسك .
يالا يا مينا .. روح يا حبيبى على مدونتك وشيل التدوينة الاخيرة دى ارميها فى الزبالة .. معندناش اعتزال يا حبيبى أنت فاكر نفسك بتلعب فى الأهلى .. ولا هو دخول الحمام زى خروجه .. ادخل برجلك اليمين وروح ارمى التدوينة دى ما تفرحش فينا الاعادى .. ولازم تعرف رغم أنك فاكر نفسك شخص عادى لكن حبيابنا فى لاظوغلى يسعدهم جدا أنهم يقرأوا الكلام ده .. اسعد لحظة عندهم لما يحسوا أن حد اصابه اليأس والاحباط وقال أنا مش حاشتغل تانى .. حاتلقيهم دلوقتى قاعدين قدام الكمبيوتر بيدعوا تطلع أد كلامك وتنفذه .. أنت بقى خليك ناصح وقول لهم انا عيل ورجعت فى كلامى ..
يالا يا مينا .. عايز ارجع بعد ساعة مالقيش تدوينتك دى موجودة
تصبح على خير
الف تحية
لشخصين نوارة بما انها قادرة تحط جزمة قديمة ف فم بعض بلطجية التدوين
والمتنطعين والذين يتهمون الاخرين بالضألة وهم ف الاساس أضأل من حشرة بجهلهم وقلة ادبهم وذوقهم
والشخص التاني الأستاذ احمد حلمي المحامي لرفضه هذه الاهانة وهذا السخف
رغم اعترافي ان فكرة المؤتمر هايلة لكن في فرق ما بين الافكار الهايلة والتنفيذ الوسخ..فعلا دي قذارة
استاذ احمد اكن لك كل التقدير و الاحترام
على مجهوداتك اللى ما حدش يقدر ينكرها
الىل عايز يحاسب حد يروح يمسك فى شعر الاخوان اظن اديتكوا المفتاح اهو
يا ريت بقة نخلص من الحوار دة علشان فعلا عندنا شغل نعمله احسن
----------------
بخصوص الانسة و لا المدام الىل قالت انتوا مش عارف ايه و بتلعبوا سياسة
يا ستى احنا ناس بيئة طحن اصلا و يايى خالص و بنشتم انا عن نفسى بافطر سب دين جنب الباتون ساليه
و احب اوضح احنا ما بنلعبش سياسة
احنا بنلعب فى السياسة سيادتك
نيهاهاهاهاها
والله يا شباب مافيه بينكوا اي خلاف
بمعنى
ان ماحدش فيكوا مختلف مع الاستاذ احمد
او معايا
في ان الاخوة المناضلين الاشاوس
اياهم
او بمعنى اصح
القيادات التقيلة
في كل التيارات السياسية
وباكرر
في كللللللللللللل التيارات السياسية
قيادات
بصراحة
قذرة
والله ده رأيي انا
وان الشباب هم اللي بيعملوا كل حاجة
وبيطلع عنيهم
طيب
جيمي وحملاوي فرحانين ان المؤتمر فرصه يعرضوا فيه ندواتهم ومعارضهم وشايفين ان ما جراش حاجة لو نسقط فارغة
لكروش كبار المناضلين
عشان نحقق هدف
وهم بيقولوا احنا لا بتوع منصات ولا اعلام ولا ديالو
كلام جميل
وانا شخصيا شايفة نقطتهم
من جهة اخر
احمد حلمي في اليوم المشهود
فضل يجري هو الفريق بتاعه واتسحبت رخصهم
وطلع عينه
هو وفريق العمل بتاعه من ناحية
والشرقاوي وصحابه من ناحية
ما ناموش ثانية
والقيادات الكبيرة قاعدة تحت الكرسي ومش سائلين في العيال
حتى اللي كان بينقل الاخبار هم المدونين اللي فلتوا بالعافية من الاعتقال
زي الحملاوي والبلشي ووائل وجرجس
واحمد حلمي ده طلع عينه في اليوم ده وانا شاهدة
زي ما طلع برضه عين الشرقاوي وانا شاهدة
واللي طلع عينهم اكتر ان القيادات مش سائلين فيهم
الشرقاوي شتمنا احنا وفش غله فينا
لكن احمد مسك اعصابه لاخر لحظة وهو اساسا مش متعود انه يتنرفز
طيب
تعالى بقى يا احمد
افتح الجزيرة وشوف اللي كانوا بيتهربوا منك ومن العيال طالعين عاملين فيها ابطال
واسكت يا احمد وما تفتحش بقك عشان انت مؤدب
ورح يا احمد النقابة
عشان تشوف العيال اللي كنت بتجري وراهم
واقفين برة بمنتهى التفاني بيشتغلو
وهم هم نفس اللي خلعوا منك ومن العيال
وهم هم نفس اللي ادعوا بطولة في الجزيرة
قاعدين ع المنصة واسمهم مناضلين
ده لو كان جبل كان انهد
الموقف كان ممكن يعدي لو ما كانش قبله بكام يوم
موقف الاعتصام
وفي النهاية
انا مش شايفة بينكوا اي خلاف اصلا
كل الحكاية انكوا كلكوا عندكوا احساس بخيبة الامل
ولكوا حق
وده اللي تسبب في التصادم
ياللا بوسوا بعض بقى
lol
انا ملاحظ حاجة غريبة جدا يا جماعة
فين الناس اللي بتشتم الاخوان؟؟؟؟؟؟؟؟؟؟؟؟؟؟
شكرا يا مستر جيمى والاحترام لا ينفى أن نختلف ونتفق فى الرأى . ونزولا على طلبك ننهى الحوار .. بس والنبى بلاش سب الدين مع الباتون ساليه علشان الباتون ساليه بيكرف .. ونرجوا استمرار البحث عن المتهم الهارب الحاج جرجس واعادته الى مدونته مرة اخرى .. مع تهديد بسيط إذا لم يظهر جرجس خلال ساعة حانعمل له فضيحة على كل المودنات وننزل اعلانات ذهب ولم يعد ونداء عود الى اسرتك يا جرجس والحاجات دى .
شكرا يا نوارة وعلشان خاطرك نقفل الحوار بس من غير بوس علشان انا متوضى باعتبار أنك ماحددتيش مين حايبوس مين وهل هناك فصل بين الجنسين ولا لاء ودى بيانات جوهرية لاتمام عملية البوس
تحياتى للجميع
على فكرة
انونيمس ده
هو الاستاذ
احمد حلمي
هههههههههههههه
والله يا احمد بالنسبة للبوس
ابو حنيفة قال ما بينقضش
هههههههههههههههه
العزيز أحمد حلمي المحامي
قرار إغلاقي المدونة لم يكن وليد هذا الخلاف في الرأ ي الذي تولد على أرضية هذه المدونة عند العزيزة نوارة ولكنه كان قرارا أرغب فيه منذ فترة ولم أكن أجد اللحظة المناسبة لإعلانه... ربما أبدأ أكتب بشكل جديد في مكان جديد وربما لا... ولكن رسالة "كفاية... حرام" استنفذت أغراضها بالفعل وأجدها لا تقدم شيئا إيجابيا على الإطلاق أكثر من مجرد نقد لما هو قائم ولا يتغير وهذا ما لا أرضاه للكلمة أن تتحول لمجرد "تنفيث" نفسي وحسب... إن لم تكن كلماتنا تأتي بتغيير أو بتأثير أو بأي حاجة إيجابية فيبقى قلتها أحسن... دا حتى فيه حديث بيقول "ليقل خيرا أو ليصمت" وانا كلامي ما بقاش خير وبقى مجرد نقد متتالي وندب على الأحوال متتالي دون طرح أي بديل أو أي حاجة إيجابية... قراري بالتوقف عن الانخراط في أي فعاليات سياسية أو أي ما له علاقة بالشأن العام بتاع - لا مؤاخذة - النخبة فدا منبعه أيضا هو توصلي إلى قناعة - أشكر الله أنني توصلت إليها سريعا - بأن كل هياكل العمل السياسي في مصر لا جدوى منها على الإطلاق ولا تختلف أي شيء - في نظري عن - لا مؤاخذة - "الوطني الديموقراطي" في الهشاشة والبراجماتية بل والانحطاط في زعمي... ربما رأى غيري غير ذلك... عظيم جدا ولكني أخذت قرارا بناء على ما رأيته وخبرته بنفسي في تلك الفترة القصيرة
إنني لست يائسا ولا محبطا بل سعيد بكل خبرة تعلمتها وبكل معرفة اكتسبتها خلال تجربتي مع التدوين أو في العمل العام
أشكرك وأشكر اهتمامي
ولمزيد من التواصل يمكنك مراسلتي إلكترونيا
تحياتي وتقديري
واعتذاري لصاحبة المدونة
مينا زكري
(الحاج جرجس سابقا)ـ
makontesh a3raf en el rad haykon 3anef keda?
el mawdo3 kan baseet...ana makontesh bantaked elly 7asal ad makont ba7ky elly 7asal...zay ma gemmy we 7ossam 2alo. el nas ma2asaretsh,,,we begad makanshy feh makan gowa we ana 3ereft da lama da7'alt,,,we kaman el nas 3amalt shasha bara..
el mawdo3 absat men keda ya gama3a..mesh mestahel en nas ba7ebaha gedan we aslan e7na shela wa7da tol el wa2t ma3a ba3d yeshtemo fe ba3d keda..el mawdo3 ahbal aslan.....
belnesba le yom el ta7rer,,,,
el yom da kan sa3b 3ala el kol..elly etmasako..we elly 3erfo yehrabo men elly kano bytardohom fe el share3....el yom da anna we 7'aled el balshy we 3aber el 3askary we we 7amalawy 3erfna nehrab men el nas elly el 7ekoma ba3tahom warana...7amalawy rawa7 beto we kan sha3'al ma3ana 3ala el telefone men henak ,,,we ana endamet le 3aber we 7'aled fe gareda...we la2t henak wa2el 3abas,,,we a3adna netabe3 a7'bar el nas kolaha we nenshorha ana we wa2el 3ala modawanatna we ba3d keda galna el 7ag gerges a3ad ma3ana showaya abl ma nenzel
we 3aber we 7'aled kano byb3ato el a7'bar le wekalat el anba2 we kaman kona kolena ana we 7'aled we 3aber we wa2el benkalem el nas netamen 3alehom....dola el goz2 elly hereb men el 7ekoma we el motarda fe el share3
tab3an ento 3arfen el ba2yen elly fe el share3 7asalohom eh
mafesh 7ad asar fena fe ay 7aga,,, e7na asbtna le nafsena abl ay 7ad en e7na regala we beneshta3'al...mesh a3den fe byotna we benkteb we 7'alas...
ya gama3a el 3amal el watany da 7aga men gowa el sha7's bye3melha le damero we le balado mesh lelshohra...we tab3an el yomen el fato dol kol elly byeshta3'al lelshohara zahar 3ala 7a2e2to..we kol elly byeshta'al begad el nas 3erfeto
mawdo3 el mo2tamar da mesh mawdo3 ye7'aly nas 2orayeba men ba3d teshtem we tet7'ane2 ma3a ba3d 3aleh
elmawdo3 ahbal men keda
we yaret el comment beta3y da yekon a7'er kalam fe el mawdo3 da,,we neshof eh elly aham warana ne3melo men el 7'ena2 3ala 7agat habla
salam
p.s
da atwal 7aga katabtaha fe 7ayaty
احلى حاجة قريتها النهاردة مع اختلافي معاها هو كلام الحاج جرجس ان الهدف من مدونتة كفاية حرام مابقاش موجود..فعلا يا مينا انا متفقة معاك انك لازم تقفل مدونة كفاية حرام..لأن الهدف بتاع كفاية اصبح غير واضح...وواضح ان السبيل اليه مش من خلال القيادات الحالية ولا بالأسلوب الحالي الي التجربة اثبتت فشلة...وقبل ما حد يجيب شومة يخبطني بيها ولا يسن عليا سيف لسانة زي الأخ وائل ولا جيمي هود احب اقول ان المنطق بيقول ان لما نلاقي طريق مش بيحقق نتيجة فالعقل والمنطق بيقول ان الحل هو تغييرة...انا مع مينا في اهمية التغيير...اقفل المدونة دي...وابدأ واحدة تانية...على اسس تانية...الحركة الي ما قدرتش تجند اكتر من 200 واحد هما الي كل مرة بينزلوا المظاهرات و يحضروا الإعتصامات تبقى حركة غير قادرة على إحداث التغيير المطلوب..مش معنى كده نقفلها..لكن المطلوب تغيير الإستراتيجية...انا مش قادرة افهم ليه الفشل السياسي الذريع ده...لو حد مستعد يسمع بالعقل و منغير شتايم..يبقى ممكن نطلب من نوارة الي عندها سعة صبر جبارة تستحمل الرغي الكتير ده انها تكتبلنا بلوج جامد عن هنعمل ايه المرحلة الجاية...على فكرة انا اول مرة انضم لحاجة برة الجامعة..فمجرد وجودي هنا هو نجاح ضمني ليكو ولكل المدونين,,,يا ريت ما توصلنيش اني اقول قعدتي في بيتنا منفير وجع قلب كانت احسن..خسارة تضيعوا مكسبكوا بالتريقة..اسفة للتطويل
توضيح بس بسيط للأخت سكوت هنصوت
مدونتي كفاية حرام لا علاقة لها بحركة كفاية وإن ده مجرد تشابه أسماء فقط لا غير وأنني شخصيا لم أشرف بالانضمام إلى حركة كفاية أو أي حركة أو حزب آخر... وإن كان هناك شبهة في انتمائي لإحدى شعب الإخوان المسلمين
:D
اه بالمناسبة..عندي سؤال مهم كان نفسي اعرف إجابتة...يا ترى حد عندة تصور لو المعجزة حصلت وصحينا الصبح لقنيا امر الله نفذ في صاحبنا الكبير...ايه السيناريو المتبع...ويا ترى الحزب الوطني هيعمل ايه عشان يلبس الشعب العمة...والأهم بما اني جديدة في كار السياسة..يا ترى القوى الساسية المعراضة عندها برنامج ولا هنفضل نلف في فلك احداث التحرير...؟؟؟
نوارة..رايك ايه...؟؟
انا ما قصدتش كفاية بمعناها التنظيمي لكن بمعناها التنظيري...انا كمان مش من اعضاء كفاية..لكن بالتأكيد مؤمنة انه كفاية بقى حرام قوي كده...اذا انا مؤمنة بكفاية حتى لو مش فيها..انا حاولت ادخل على مدونتك عشان اعرفك كويس او عالاقل اعرف اتجاهاتك عشان ما اعكش في الكلام ولا حاجة بس مالاقيتهاش..فاعذرني على جهلي بحقيقتك..ويشرفني انر اقرالك حتى لو عند الجيران هنا عند نوارة..
جيمي هود الشاب الابيح بيفطر سب ديانه و مزاكر كتاب أبو الشخير ايه الحلاوه دي ياجدعان
هههههههههههههه
فكوكوا بقى من الافش و الحوارات دي انا للحظه حسين ان مخبرين المدونات بيجو هنا عند نواره و يتفرجوا على البوست دي و يضحكوا و يقولوا واقعناهم في بعض
فكوكوا بقى و خلونا نركز في اي حاجه تانيه افيد
وياعم مينا انت كمان خلتني سبيت و لعنت بكل الشتايم البزيئه و الاحه و الشخير بجميع انواعه ( كما ذكر الكتاب بتاع جيمي ههههه)
هقولك حاجه واحده قالها جاهين زمان
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!
اهلا باشباب
متابع الموضوع من يوم الخميس وانا دلوقتى مش هزايد ولا هعلق على كلام اتكتب لان لحد دلوقتى مش ملاحظ اسباب لخلاف وقد يكون عدم وجود خلاف .
انا ليا طلب متواضع بناشد به الشباب التدوينى , الشباب البتفكر بشكل ايجابى فى الخطوات القادمة
ياريت نفكر فى الجى ياريت نتوحد على كلمة واحدة او قرار واحد او نشاط معين نقوم به ويكون اول اهداف النشاط دا توعية الشعب وياريت نبتعد عن التلميع والبحث عن الشهرة .
طلب خاص للعزيز مينا ( الحج جرجس ) ياريت تبدا نشاطك تانى فى البلوج بتاعك كفاية حرام , لو حبيت تغير اهدافك غيرها حبيت تغير استراجيتك غيرها لكن المكان الـ انت فيه والتعودت ديماً ادخله وهو كفاية حرام مش هى دى مشكلتة فى تغيرك
. انت بتتكلم فى تغير استراتجيتك واهدافك المرحلة القادمة ايه علاقة المكان الهو البلوج بتاعك. الـ انت نشأت فيه وبدات نشاطك فيه وبدات نعرف منه ان صاحب المدونة دا انسان بيحب بلدة فعلاً
اتمنى انك تفكر فى قرارك مرة تانى وانا ملاحظ فى الحقيقة انك انت استندت لقرارك فى وقت ضيق وغضب من موقف مش هتكلم فى لان مش مستاهل الكلام
ارجوك يا مينا
أتمنى حقا أن تفضل بزيارة مدونتي حيث قمت لأول بتجرتبي الأولى في كتابة القصة القصيرة
مجموعة قصيصة بعنوان كلماتهم رحلت عنهم
و القصة بعنوان تزوجت أبي رغما عني
أتمنى أن أرى تعليقاتك و نقدك للقصة
سأكون حقا ممتنا
تحياتي
http://gayofsun.blogspot.com/2007/03/blog-post_30.html
أنا بضم صوتى لصوت حنتكلم.
لازم نبتدى نفكر فى اللى جاى، و إيه اللى ممكن نعمله علشان نحرك الوعى عند الناس أكتر
و تعليقا على رد "سكوت حنصور"تفتكرى إن السيناريو ده مش محطوط أصلا فى أروقة الحكم و مستنى لحظة التنفيذ؟
بس اللى انا متأكد منه إن المعارضه ملهاش خطه معينه للحدث ده.
believer, ana kaman badom soty lesotak...enena lazem nebos le2odam...mesh ta7t reglina..ama 3an el senario ba2a...fa eh ra2yak law tetbana 3la modawantak masalan...different senarios letada3iat el 7okm...we ezay haytem..el na2la men mubarak el ab ela mubarak el ebn...ana mota7'ayela en awl karar ba3d el tanfe7'at el dostorya, howa karar be7al magles el sha3b 3ashan ye7'laso men kotlet el e7'wan ely wa2fa fe zorhom dieh...law el mo3arda m3ndehash senario, ta3alo e7na n7oto...3ashan neshof anhy 7'atwa teb2a a7san fe el mar7ala ely gay...waiting on your blog
Post a Comment