ح نعمل ايه في الاستفساء يا جماعة؟
شوروا عليا
لا خاب من استشار
ابن ناصر بيقول نشارك
وطنط شاهندة بتقول ح يزوروا تصويتنا
والحاجة الوحيدة اللي نقدر نقولها اننا ما شاركناش يعني رافضين
ها
نعمل ايه؟
شارك في التظاهرة التدوينية (أكواد أغنية يا قبضتي...ضعها على مدونتك
) :
وقع هنا للقصاص أسرانا: إلى الأمم المتحدة
وقع للقصاص لأسرانا: إلى نقابة المحامين
وقع ضد التعديلات الدستورية
72 comments:
انتى كده وقعتى فى الحيرة اللى انا كنت بفكر فيها من يمين
انا مش عارف بس لازم اللى موجود يروح و يقول لا عشان يعرفوا انهم مزورين و ميحسوش ان النتيجة موافقه وضميرهم مستريح لو الناس الشريفة مارحوش
تانى حاجة ممكن نبعت ايميلات لمجلس الشعب و رئاسة الوزراء و الجمهورية كمان نقول اننا بنرفض
ممكن نتصل بكفاية و الحركات الوطنية و ننسق معاهم ممكن نعمل ايه
المهم ماينفعش نسكت بجد
انت عندك بطاقة انتخاب أصلاً
من الاخر زى ما النسوان عملوا فى استراليا قدام الجامع الرجاله تلبس ميوهات و الستات ميوهات بكينى و تنزلى قدام مراكز الاستفتاء او قدام مجلس الشعب ونعمل مظاهره والنبى ابوس ايديكم الناس الى عايشه الوهم وعماله تقول هنعمل ايه و ما نعملش ايه و هبعلت ايميلات و نبعت تليفونات لكفايه يعنى خليكم واقعين من الاخر افضل شىء ممكن يتعمل هو يا اما مظاهره يا اما تروحى الاستفتاء و ترفضوه مع ان برده مالهوش لازمه زى ماقلت قبل كده الضرب فى الميت حرام زى عند مدونه دماغ مالك بيقول ده اسبوع حاسم فى حياه مصر يا اما الشعب يطلع و يتكلم يا اما هيخرص لابد طيب يعنى احب اقوله هيخرص لابد استاذ ماك كعادته الشعب ما اتحركش طول عمره متوقع هيتحرك فى اسبوع و اصلا الشعب مش عارف ايه هو الدستور اصلا ارحموا دماغكم من الاخر و اقعدوا قزقزوا لب فى بيوتكم او هاجروا لان اغلبيه الشعب فى الطراوه يا قلبى وسمعنى احلى اغنيع بودعك اخر وداع.يحيى
انا عن نفسى مش هشارك
هعتزلهم وما يعبدون
نواره،
لازم نروح و نقول لأ، المقاطعة مش معناها الرفض، المقاطعه معناها كسل ، ملل ، عدم اهتمام ،أو جهل ونستاهل لو هم كتبوها موافقون. على الأقل أدام نفسنا نبقى عملنا اللى علينا.
ولو الحكومه زورت إنشاء الله ربنا حيسخطهم خنافس
ولاد الايه لم يعطونا فرصة لنفكر ونقرر ونرى ماذا نفعل
أرى أن نتفق على رأي واحد وإن لم يكن كله صواب
المهم أن نتفق
ورأيي أننا المفروض نشارك كلنا مبدين رأينا ولكن لأن الوقت لن يتسع لإقناع أكبر عدد فأرى أن نحرجهم وندعو لمقاطعة شاملة للاستفتاء واعلان شبه عصيان مدني يومها
وهذا أفضل الحلول كما أرى في هذا الوقت الضيق
وخاصة ان الناس العاديين غير مهتمين أساسا بما يجري
مع تحياتي
بصراحة، أنا مش مقتنعة بموضوع المقاطعة
رغم المعرفة بالتزوير مسبقا
نروح و نقول لأ طبعا.
يا جماعه ألف باء تزوير هو إن اللى ميروحش، الحكومه حتقوم بالواجب و تصوت مكانه.
إحنا بقى بالعكس، كلنا نروح، و نقول لأ.
أهم حاجه بقى إن لازم نشوف طريقه إن إحنا نراقب الإستفتاء ده، و نفضح كل اللى بيعملوه على الدنيا كلها.
يعنى م الآخر، عايزين نجرسهم.
لازم حد يقول لا المقاطعه معناها الاستسلام
ولو كنت انا الصوت الوحيد هاروح دخ حقي في البلد زي ما هوا حق ولاد...
الي متمرش فيهم
روحي و متقطعيش يمكن يبقا في صوت واحد يقول لاااااااااا
مغلش ، عذرا للمقاطعه!
متحطوش أمل فى اى حزب او حركه معارضه و اولهم الإخوان. دوله إتفقوا مع الحكومه علسان ميستقيلوش من مجلس الشعب. الكلام ده موجود على موقع "المصريون" اللى هو إخوانى أصلا يعنى الكلام من عندهم.
http://www.almesryoon.com/ShowDetails.asp?NewID=31947&Page=1
فعلا، دى بقت دوله فاسده من ساسها لراسها
مقطعة الاستفتاء المقترب على التعديلات الدستوريا على اقتناع تام .
عندما اشارك واقول لا سيقومو بتزوير ايرادتى بـ انفسهم فيزورون أصواتنا
وفى المشاركة هى بمثابة تعزيز لصورة النظام أمام الإعلام الدولى وكاميرات الفضائيات...وبهذا فالمشاركة هى فرصة لتجميل وجه النظام
اكتفى بـ ارضاء نفسى بالمقاطعة بمثابة رفض سلبى للتعديلات الدستورية
أما إنكم شعب ناكرين للجميل صحيح
عندكم نظام جمهوري حكيم و معتدل بشوف الأمور بتبصر ديمقراطي...طالبتم تغيير نظام إنتخاب الرئيس...والنظام تغير...طالبتم بأنكم تدلوا باصواتكم....فأعطاكم فرصة التصويت...شككتم في نزاهة نواب الشعب فأعطاكم فرصة الإستفتاء لكي تصوتوا بانفسكم دونما وسيط...طيب خدوا بقى القنبلة دى..إشتكيتم من قانون الطوارئ مع انه كان في صالحكم.. فأعطاكم فرصة لكي تعدلوه او تسقطوه..و تصوتوا لقانون ضد الإرهاب..هما انتو مش ضد الإرهاب ?ولا بتموتوا في السلبية و اتهام الحكومه بالتزوير.. بعد كل الإنجازات العظيمة,بنسأل..ح نعمل ايه في الاستفساء يا جماعة؟ عيب عليكم يا مصريين عيب..إنتم لازمكم نظام ديكتاتوري..بس للأسف الظروف الدولية مبتسمحش ..و النظام حليم عليكم زيادة و عنده ضمير
*)
انا فرحان للحركة الديمقراطية في المدونه ولدى قررت أن أكون رجل السلطه هنا.. يعني معارضة المعارضة...علشان يسخن الحوار يا نوارة الإنتصــــار
المقاطعه = سلبيه
يزوروا ماشي بس نبقي عملنا اللي علينا مش نعد في البيت احط رجل علي رجل واتفرج علي التلفزيون وأقول انا وطني أنا مقاطع
لازم نروح ونقول لأ وأنا مش عارف اتواصل مع بتوع كفايه خالص
.. عندي عريضه شعبيه لرفض التعديلات الدستوريه
بصوا بقى جميعا
بصراحة انا لما شفت النواب قاعدين في الجنينة ومقاطعين الجلسة اللي اتوافق فيها على الدستور والله والله قلت لسونيا اللي هي ريهام
شكلهم كده عاملين مع الحكومة صفقة عشان تفرج عن المعتقلين
بس معلش ده قصر نظر يا ازعر
ح يفرجوا عنهم دلوقت ويعتقلوهم بقانون الارهاب بعد كده انا مش فاهمة ايه المخ ده
ده كان تخمين
لقيت بليفر باعت اللنك وانا بادعوكم كلكم انكم تقروه
والله اعلم الحقيقة فين
انا فعلا مش عارفة وباجمع بجد اراء
شوية اقول المقاطعة ح تبقى سلبية
وشوية افكر في كلام ح نتكلم اللي بيقول بس مش ح ينوبنا غير ان شكل النظام يبقى حلو ويبقى شكلنا بقى مقبلين على الاستفساء
والنتيجة في الاخر ح تطلع لصالح التعديلات
مش عارفة اعمل ايه؟
بصوا احنا ناخد برأي الاغلبية
بصراحة انا كل اللي بافكر فيه
هو ربنا
عشان ح يسألني على الموضوع ده زي ما ح يسألنا كلنا
ومش عارفة ايه التصرف الصح
هل فعلا المقاطعة سلبية وح نديهم فرصة انهم يصوتوا بدلنا؟
هل فعلا لو شاركنا ح نجمل وجههم وح نديهم فرصة اكتر يزوزروا اصواتنا؟
ما هم ح يزوروا ح يزوروا
والقانون ح يمر ح يمر
بس المهم احنا قدام ربنا شكلنا ح يبقى ايه؟
على فكرة انا ما عنديش بطاقة انتخابية
بس الاستفساء بالرقم القومي
مش عارفة لسة ما استقريتش
اللي عنده رأي تالت يقول يا جماعة
وانا ح اخد برأي الاغلبية
هههههههههه بجد
ح اشوف مين اصحاب الرأي الاكبر
متهيالي تصويت ديمكراتشي اهه
لحد دلوقت جعفر وح نتكلم بيقولوا نقاطع
طارق المملوك
وبليفر
وميمو
سونيا
وحائر في دينا الله
ولاستو ادري بلو
وابن ناصر
بيقولوا ما نقاطعش
يحيى قرفان
وسندباد مندهش
وانونيمس ممتنع عن التصويت
يعني لحد دلوقت التصويت لصالح التصويت
اما نشوف ح ترسي على ايه
والكلام اللي بيقوله حائر في دنيا الله صح
المهم نتفق
مش مهم تبقى الحاجة صح وللا غلط
المهم نتفق على حاجة واحدة مرة واحدة في عمرنا
يا عزيزتى لازم كلنا نروح و نقول لا ونعتصم امام اللجان ونكتب لافتات عليها لا لسلق الدستور
لانى انا قولتهم كده فى البيت على الرغم ان موقفى حاسس اهئ اهئ اهئ اهئ
البيت كله وطنى الا انا اهئ اهئ اهئ شكلى انا بس الشريط المخالف وعضو فاسد وقربوا يتخلصوا منه اهئ اهئ اهئ اهئ
الأخت نوارة
ارجو ان تتمالكي عقلك وتستخدميه أكثر من طرح الموضوع للتصويت على إرضاء ربنا أو الخوف من سؤاله لك أو غيرك عما فعليته في أمر التعديلات الدستورية
يكفي أن يفتح عقلك شوية مقال السيد فهمي هويدي الذي منع نشره في الاهرام ونشر في المصري اليوم
الموضوع ليس تعديلات والسلام ولكن هناك ما هو أهم واكثر تأثيراً على حياة الناس في اتباع سياسات اقتصادية وخارجية تعيق حصوص الناس على حقوقها المشروعة كما قلتي في البوست قبل السابق
المهم ان نعرف ما الذي يمكن أن يحدث بعد اقرار التعديلات والي أي مدى ارتبطت هذه التعديلات بالخطر منها وهو مخطط التوريث الذي بات قاب قوسين أو أدنى
وارجو منك التمهل في الرد فلن تجدي أحد يعارض معارضة حقيقية بمعنى دفع الناس للتظاهر الحقيقي في الشارع بل تتجه النيه لدى الجميع بالجلوس والمقاطعة وهي خير ما يفعله المصريين من عشرات السنين بدون دعوة من احد
أرجو ان تكوني في هذه اللحظة قادرة على تفسيري السابق بشأن صفقة الأخوان مع النظام رغم أنها كانت واضحة منذ دشنتي هذا البلوج وقدمت أول مداخلة لي فيه
اتمنى لك التوفيق في التوصل الى ماينفع الناس وقد يرضي ربك
والله يا نوارة يا بنت الملك أحمد فؤاد اللى هو صاحبى وعمى نجم سؤالك سؤال عويص وتقريبا والله وحده أعلم يعنى أنا مش عارفله إجابة ليه بقى الحيرة دى أقولك
لو إحنا رحنا الاستفتاء عشان نقول لأه طبعا هايقرصوا ودانا وهايقوللنا زى النكته الشهيرة متعملوش كده تانى وإحنا غيرنالكو التصويت الخطأ المرة دى وليلتكم سودة لو عملتوها تانى وغلطتو
باختصار هايضربوا النتيجة كالعادة الاثيرة وربنا ما يقطعلهم عادة وبعدين دى إرادة رئاسية فاهمة يعنى إيه ارادة رئاسية يعنى حاجة كده تقوليش استغفر الله العظيم يعنى قضاء وقدر
مش هافكرك بالست الكبارة الفقيهة الدستورية أمال عثمان اللى عارضت سيادته فى نقطة وده كان غاية الأمل يعنى ومحدش يقدر يروح لأبعد من كده فالاستفتاء هايعدى زى ما عدت الطبخة فى المجلسين الموقرين ربنا يجيبلهم قرارات إزالة قادر يا كريم
طبعا فى السيناريو ده اكرملنا نكبر ومنروحش ونسيبهم يطبخوها بقى بمعرفتهم وهما هايبعتولنا جوابات شكر ع البيت أو الغرامة الميت جنيه اللى القانون مقررها يعنى فى الحالتين منروحش
السيناريو التانى إن احنا نروح رغم كل شئ وهما لما هايلمحو الناس كتير وشكلهم كده متعاص اخوان على كفاية هايقلقوا وهايبدأو يضيقوا المسائل ويحاصروا اللجان زى ما عملوا المرة اللى فاتت ولاحظى ان الاستفتاء ده هو آخر انتخابات تحت اشراف قضائى كامل فهيهيسوا ويخبطوا فى الخلق والضرب هايشتغل والشطارة بقى ان الاعلام المستقل والفضائى يفضحهم فيبقى الامر مسوغ فى المستقبل لاسقاط الدستور المزور يعنى بالبلدى نخلق لهم قلق
سيناريو تالت احنا منروحش ونروح يعنى ايه يعنى نعمل ان احنا روحنا ومنروحش يعنى برضه ايه نهدد ونقول هانروح الافات فهما يقفلوا اللجان ويشدوا العدة نقوم نطلعلهم لسانا ونقولهم عليكو واحد وده حل تهييسى محترم من وجهة نظرى وبرضه نجرسهم
طب لو سألتينى انت هاتعمل ايه هاقولك هاروح
تسألينى طب ليه أقولك ده مزاج قديم عشان باقابل وشوش حرامية شبرا وسماسرة الانتخابات والبلطجية والنسوان المتأجرة من سوق الحد وبيبقى مهرجان شعبى ميتفوتش وانا بعيد عنك مدمن شعبويات وباحبا للمة اللى من النوع ده بغض النظر عن رأى واللى ليه فى الادمان هايفهم يعنى ايه تقعد تتفرج على النماذج البشرية العجيبة دى وتاخد وتدى معاها يالهوى دى دنيا تانية أهم م الدستور
وعلى فكره أنا فرحان انهم عملوا كده فى التعديلات عشان يبقى أى حاكم يجى بعد مبارك يعنى بعد خمسين سنة تانية يحس بأن التركة تقيلة مش القوانين بس هاتبقى سيئة السمعة ده الدستور نفسه بقى ولامؤاخذه شخصيا مشبوه ومن ثم فعلى القادم الجديد اللى هايركب الكرسى انه يغير طوالى م الجدر عشان تبقى شرعيته نضيفة
يشيل ليه هو هبل كومبينة الفكر الجديد
حتى لو جمال نفسه هو اللى جه هايعمل فيها اصلاحى وهايغير الدستور طبعا الى الاسوأ
م الاخر التعديلات دى هاتسرع فى انتهاء عمر دستور واحد وسبعين ومش هايبقى دايم ولا دايم غير وجهه
سعدت بالتعليق التهييسى عندك
وسلام
بالمناسبة حيازة بطاقة رقم قومي والتصويت بها ليس متاح للجميع يجب ان تكوني مسجلة في الجداول الانتخابية أو أن تكوني من مواليد 1984 وهذا للعلم
يجق التصويت بالبطاقة الشخصية لكل الموليد من بعد سنه 1982
اماني
البيت وطني وانت مش وطنية؟
اهئ؟
امال سعاتشك ايه؟
عميل؟
جاسوس يعني
هههههههه
على فكرة
فكرة اننا نروح الاستفساء ونعلق يافطة لا للتعديلات
ونصوت ضد التعديلات فكرة كويسة
كده بقوا ستة مقابل اتنين
لحد دلوقت لصالح التصويت
ملحوظة من غير قلة ادب على ربنا
مخلص
ارغي يا عم الامور
والله لما شفتهم قاعدين في الجنينة وشكلهم باين انهم عاملين صفقة افتكرتك وقلت ح يشمت فيا
دشنت ايه ونيلت ايه
ما تجمع جملة مفيدة
ح نروح يعني وللا مش ح نروح هات من الاخر
انا معجبة بفكرة اننا نعلق: لا للتعديلات ونروح نصوت واحنا رافعينه
بس مش كده الحكومة ح تزور اصواتنا؟
الدستور لو مر مش ح يسمح للمواطن بالحصول على حقوقه؟ ياااااااا وعرفتها لوحدك دي
يا سلام على ذكاءك الوقاد
انت قريب نبيل الوقاد؟
مش عارفة لولا انك قلت انا ما كنتش عرفت بجد يعني
طيب ها
ح تروح وللا ايه؟
حنتكلم
مين اللي قال لك كده؟
82
يعني ايه؟
يعني انا لازم اطلع بطاقة انتخابية؟
طيب انا ما عنديش بطاقة انتخابية اصلا
العمل ايه دلوقت
انت متاكد؟
طيب نسأل تاني
نصيــــحة
اللى مش معاه بطاقة انتخابية ولا معاه رقمه يرحوا لاقرب وحدة حزبية للحزب الوطنى بجد بقى مش هزار هتلاقى اسمك ورقم اللجنة ورقم القيد أسالوا مجرب ياعينى عليهم يجبولى الاسم ورقم القيد واللجنة ايه الحلاوة دى وانتخب غيرهم مش مشكلة اللى يجى منهم احسن منهم على الجداول نازل فيها حتى مواليد 86 وجايز يكون فيها مواليد 87 المهم تعرفوا اللجنة بتاعكم فين وبـــــلاش ســلبية لازم نقول لا حتى لو هش هياخدوا بيه المهم اننا نقول لمرة
فعلاً يا نوارة لزم تعملى بطاقة انتخابية وهتجزفى ساعتين علشان تخديها .
وتأكيد من غير ما تسئلى تانى
عند علاء ومنال
http://www.manalaa.net/node/87243
انا في الحقيقة لا أطمع كثيرا في ان يحدث أي تحرك نحبوي أي تغيير على موازين القوة فبدون الجماهير الحاشدة التي تخرج للشارع للتعبير السلمي عن رأيها لن يحدث أي تغيير حقيقي ولك فيما يحدث في لبنان أسوة حسنة
وموضوع حيازة بطاقة انتخابية حقيقي لمن هم قبل مواليد 1984
وانا عن نفسي هاروح مرتين مرة اتفرج في منطقة شعبية وأوصوت بلا كالعادة ومرة في قصر النيل للفرجة على الموظفين المحمولين للصناديق
خوفا من عدم اطاعة تعليمات رؤسائهم والبقية تأتي باعتلاء الوريث لكرسي الحكم
طيب سؤال
ومش عايزة تريقة ولا قلة ادب
بالنسبة لمواليد سنة 1800 زيي كده
اعمل ايه عشان اطلع بطاقة انتخابية
يعني اروح فين؟
اروح القسم مثلا؟
انا مش باحب اروح اقسام
يعني بتطلع ازاي البطاقة دي
وهل لو طلعت بطاقة ح اضطر اني اشارك في كل الانتخابات اللي جاية؟
طيب مش مهم المهم اني اطلع بطاقةدلوقت ازاي
وان شاء الله على ما تيجي انتخابات تانية اكون مت وارتاحت
ها اطلعها ازاي؟
شوفى بقى اللى هايروح ماسك يافطة وكده هايتعرض لمشاكل كتير ده لو زى حالاتى من شبرا عشان الجماعة الحلوين اللى قلتلك عليهم اللى مبيتجمعوش فى خير إلا ساعة الانتخابات بس ودول سعت البيه الامين بتاع القسم أو الباشا بتاع المباحث لو شافوكى شايلة اليافطة دى هايقولولهم هكس عليها وساعتها عينك متشوف الا النور دول عاوزين يرضو الباشا عشان يرضى عنهم ويسيبهم ياكولا عيش
اما عن التصويت بالبطاقة النتخابية فده كلام اهبل لإن القانون مفهوش بطاقة انتخابية دى بيان لرقم القيد ولتسهيل الامور ومع التعديلات فى قانون الانتخاب بقى الانتخاب بالرقم القومى وبيحطوا على ضافر جنابك حبر مبيطلعش الا بعد تلت دقايق عشان متصوتش مرتين
الواد اسمه ايه ده اللى قال تجيب بياناتك م الحزب الوطنى واد عقر وفاهم بس نصيحتى للى هايروح انه يعمل كده قبلها بيوم وهما تلاقيهم عاملين معسكر فى الشياخة ولو انت زى حالاتى مشبوه متروحش بنفسك ابعت حد باسمك الكامل قال يعنى بيدور لابن اخته وهايدوله البيانات بتاعة رقمك النتخابى والصفحة ورقم اللجنة والذى منه
وعلى فكره الاستفتاء ده هايشتغل على آخر جداول انتخابية فى انتخابات 2005 يعنى الحد الادنى لعمرا للى هيصوتوا هو عشرين سنه
صباحو قشده
نوارة
واحد داخل بيتنا خوفنا منه يكون حرامى وادناه الفلوس من نفسنا قبل مايطلب ومن غير مايخوفنا هايحس انه مرتاح الضمير و انه ماسرقش
لازم نقامه و نحسسه انه حرامى حتى لو خد الفلوس ف الاخر يبقى عملنا اللى علينا و ماريحناش ضميره وركبناه ذنب التزوير قدام ربنا
وكمان عشان زى ما قلت قبل كده يمكن تتكتب لنا كلمة حق عند سلطان جائر
اشكرك
موعد استخراج البطاقة الانتخابية من نوفبر إلى يناير فقط من كل عام وكل تعديل وانت طيبه
الإستفتاء بالرقم القومي
ولازم الكل يروح لازم لازم
يزوروا بقى ميزوروش بس لابد نبقى ايجابيين و نقول رأينا لازم نحاول لغاية لما نموت ده حقنا و واجب علينا كمان لازم نتمسك بآخر حبة في العقد المفروط
لازم نشارك مينفعش نسكت منقولش لأ حتى لو اتزورت مش ممكن هيزوروا حياتنا
السلبية هتقتل ما تبقى من آدميتنا
وجع دماغ
وحياتشك انا ما فهمت حاجة وتهت
وانا ايه اللي ح يوديني الحزب الوطني
اه طبعا انا شبهة
وما عنديش عيل صغير ابعته
العيلة كلها شبهة حضرتك
طيب يعني هو مقرات الحزب الوطني دي بيبقى شكلها ايه؟
انا شكلي كده ح اروح القسم
اروح القسم؟
طيب اخد رقم القيد
وبعدين
انا ح ادور ع الحزب الوطني ده واروح اقول لهم انا مواليد 1800 اعمل ايه؟
وهم ح يقولوا لي صح
طيب بلاش اليافطة
عشان انا مش باحب حد ياخد هدومي
خصوصا انهم بياخدوا الصيغة والموبايلات
ومش بيرجعوا اي حاجة
ولما قلعوا البنات ما رجعوش الهدوم تاني ولا الشنط بتاعتهم
متهيالي ح يبقى فيه لجان عندي في الشغل
طيب لجان الشغل دي بيبقى فيها ارقام قيد وكده؟
وان كمان
أنا مصر القديمه و معنديش بطاقه و معنديش وقت اتوه... أروح لمين؟؟؟؟؟
ساعدوا واحده متخلفه يساعدكم ربنا
وان كمان
أنا مصر القديمه و معنديش بطاقه و معنديش وقت اتوه... أروح لمين؟؟؟؟؟
ساعدوا واحده متخلفه يساعدكم ربنا
ســـــــــؤال؟؟
هما مش الاحـــزاب المعارضة مش عندهم قوائم انتخابات بتاع اخر قوائم انتخابات مجلس الشعب ولا ايه الحكاية
علشان لو الاحزاب مش عندهم القوائم بجد بقى هأقول
بووووووووووووووووو
دى برضو صويت
يعنى قاعدين يعملوا ايه ؟؟؟؟!!!!!!!!!!
ولا عزاء للمواطنين
ارقام القيد في الشغل بتتعمل بحساب واعتقد ان اللي زيك ولهم رأي ويمكن يعارضوا رأي رؤسائهم في العمل مبيتعملهمش بطاقات انتخابية تابعة للشغل
قصدي للحزن اللاوطني اللاديمقراطي
المهم رأيك تقوليه باعلى صوت في كل مكان وتفضلي تقولي انت فين ياجهاد مثل الرجل العجوز في فيلم محمود وجهاد لعل وعسى حد في يوم يسمعك
يادشي الدوخة
سونيا
والنبي لما تعرفي قولي لي
دودو انت متأكده؟
اماني
والنبي صحيح بالنسبة لاحزاب المعارصة
كنت سمعت ان التجمع مش ح يقاطع
قال؟
اصله لو مش ح يقاطع انا ح اقاطع بالعند فيه
اصل مافيش حد بيتسابق مع الاخوان على الصفقات الحكومية قد التجمع ده
واخد بالك يا سعادة استاذ مخلص
وانت عايز الناس تقول عليا مجنونة
وعايز تمشيني في الشارع اقول انت فين يا جهاد
عشان تجيب صحابك يتفرجوا عليا وتقول لهم: مش قلت لكوا مجنونة ما حدش صدقني
ما اعتقدش ان احزان المعارصة عندهم قوائم
فيه بقى نقطة تانية خطرت في بالي وانا تحت الدش : افرضوا المعارصة مقاطعة
التصرف مع المعارصة يبقى ازاي
يعني لو اجمعوا انهم ح يقاطعوا
هل المفروض نتعامل معاهم على انهم معارصة وزيهم زي الحكومة
وللا نتعامل معاهم بشكل مؤقت على انهم معارضة ونساندهم ضد الحكومة؟
مش عارفة
انا عادة باستوسخهم
بس التصرف السليم دلوقت حالا ايه؟
يا جماعه، اللى عنده رقم قومى، يروح يصوت فى القسم اللى طلع منه الرقم القومى، بس الموضوع بسيط قوى.
أنا عملت كده فى إنتخابات الرياسه، لقيت الأولاد القممير بطوع الحزب الوطنى، و لبسين تى-شيرتات و طواقى، سألتهم على إسمى فى أى لجنه، و هما شاكرين إدونى رقم اللجنه. و أنا زى الأمور رحت اللجنه و صوت ضد حسنى (طبعا الناس أصلا إستغربت لأنى انا لوحدى تقريبا اللى كنت رايح اللجنه مش من طرف الحزب الوطنى)
و نصيحه، بلاش تستفسروا عن مكان الستاره اللى حتصوت وراها، لأن الناس هناك حيبوصولك على إنك كائن جاى من كوكب تانى.
إنتى قولتيهى يا نواره دول مش معارضه دول معارصه.
و بعدين سيبونا منهم، دوله كلهم ليهم حسابات خاصه، لو وقفتى جنبهم، حينطوا على أى حاجه إنتى غملاها و ينسبوها لنفسهم.
زى الإخوان ما إستغلوا "كفايه" لأغراضهم هما، و أول ما حتغرق، اول ناس حينطوا منها هما.
إحنا مش مهم.. المهم العمال و الموظفين اللي حيتشحنوا على لجان الاستفتا لتأدية واجبهم الوظيفي في تنفيذ أوامر الحزب.. لو قدرنا نقنع الناس دي بإنها تبطل أصواتها حيبقى ده أكبر كف ممكن نلزقه على قفا البهوات ترزية الدستور
العمال؟
ودول نقنعهم ازاي
دول عايزين ياكلوا عيش
الا
believer
قال كلمة غريبة قوي
قال ماحدش يسأل على الستارة
هو احنا بنصوت قدام بعض ؟
هو حمام بلدي وللا ايه؟
انا نازلة دلوقت
على ما ارجع اكون مخمخت في الكلام
ويمكن نعرف نستقر على رأي
اصلي لسة ما استقريتش
طبعا الكل يروح الاستفتاء و يقول لا
انا عن نفسى هاروح باذن الله
و الى مش عندة بطاقة انتخابية يطلعها من القسم
سهله قوى
اتاكدى باذن الله ان الكل هايروح
http://al-ghareeb.blogspot.com/2007/03/blog-post_1866.html
-----
هنا تصاميم صغيره للمدونات
ياريت كلنا نحطها في مدوناتنا للتعبير عن رفضنا للتعديلات
تحياتي اخت نوارة
سلام
هما مش طالبين رأينا !! يبقي هاروح و أقول زي ما أبو الليل قال في مدونته
أي حد ليه صوت لازم يروح ويقول لأاااا ولو حتي متأكدين من التزوير
نوارة
لازم كلنا نروح ونقول لا لا لا لا لا
انا عارف ان الحكومة بتاعتنا كده كده هتزور الانتخابات وكده كده هتطلع نتيجة الاستفتاء 99.99% لصالح موافقة ما هوا فتحى سرور باه اسمه فتحى موافقات
بس على الاقل نعمل اللى علينا ونحاول نقول لا
ادخلى عندى فى بوست محتاجين راى سعادتك احنا نستاهل تضحية اجدانا اللى ضحوها علشانا ولا لأ
نروح و نئول لأه
نذهب و نقول لا
عمو صلاح جاهين
قال للعصفور
قول احكى على غنوتك
كتم الغنا هو اللى حيموتك
و عجبى
بس انا لسة مستنية اراء الناس
عزيزتي نواره
من الاخر لو مارحنوش هتتزور اصواتنا
فمن رأيئ نروح ونرفض علي الاقل نكون عملنا اللي علينا
لحد دلوقت الغالبية مع التصويت
يعني ح اضطر اصحى بدري
نوارة
اللينك انا واخده من عندك أصلا
http://www.petitiononline.com/kxqf4436/petition.html
وشايف اسمك منور فيه من الاوائل بس للاسف كانوا وصلوا 630 بس
انا كنت ضايف اللينك علي الجملة اللي بتقول وقع هنا وعموما حطيت اللينك زي ماهو برضه عشان يبقي زيادة تأكيد
وباكرر مرة تانية اني مع التصويت وبشدة كفاية انهم سرقوا اصوات المغتربين اللي زينا .. ربنا يبارك فيكم انتم بقي
تحياتي
هو قصة الاستفتاء الي عندكم الي دليل الديمقراطشية و الراي للشعب . ذكرني بقصة الانتخابات الرئاسية عنه , كشباب رافضه للانتخابات اشي قال لا مش حنروح عشان نتعلم علينا بالحبر الازرق او الاحمر و اشي قال نروح و نحط ورقه بيضا طب ممكن تتزور و نكون لونو اصابعنا و صوت راح ببلاش , طيب نشطب الورقه الانتخابية لااااا يقولو عنكم جاهلين و ما فهمتو التعليمات؟ طيب يا جماعه خلص مش حنروح كويس لا بكره يطلع حد انتو مش راضين عنه و ساعتها مش يحق لكم الاعتراض علي
و مداولات دامت سنتين طبعا و الانتخابات كانت لشهر,,, وكانت حوارات و نقاش مش بس بيزنطي بطيخي كمان و لحد اليوم مختلفين عنها
مش عارف ع المواضيع الي عندكم لا تعليق بجد , قلوبنا معكم و تحياتي لك و لكل القابضون ع الجمر
عذرا ع الاطاله
مع كامل احترامي لكل مؤيد للمشاركه في الاستفتاء
ولكل معارض بالانقطاع
فأنا سوف اشارك
واقول رأيي
ادام نفسي على الاقل حروح واقول رأيي
وشكراً على اللينكات
اقر انا الذكور اعلاه الساكن في العنوان إياه ... هههه
قررت الاتي بعد تفكير طويل مرير
سوف اقاطع الاستفتاء
و اكون في ميدان التحرير يوم الاحد المقبل من الساعه السادسه مساءً الاشارك في الاعتصام و لن اغادر الميدان الا علي الاسعاف او المعتقل
و وصيتكم اممي و اختي عشان ملهمش غيري
الله الوطن سلاحف النينجا
الأخت نوارة / أشكرك للزيارة وللأسف الشديد لن أستطيع المشاركه لني خارج البلاد حاليا, ولكني كنت ساقاطع وفي نفس الوقت أقترح تكوين مجموعات عمل من المقاطعين لتوعية القادمين لللأستفتاء بخطورة التعديلات والتصويت بـ لا وفي نفس الوقت رصد التزوير الجماعي المتوقع حدوثه وبالتالي نخرج من موضوع المقاطعة السلبية ويشارك الجميع في الدعوة الي المقاطعة والتصويت ب لا ولا بد أن يوقن كل منا ان هذا اليوم سيكون ان شاء الله شرارة العمل للفترة القادمة
يا جماعه انا هتم تمانتاشر كمان شهرين يعني ,, ينف اشارك في الاستفتاء انا عندي بطاقه شخصيه ,,ارجو الافاده وهو لو منفعش اسمي مقاطع
ههههههههههه
لالالالالالالالالالالالالالالالا لازم نروح ونقول لا للتعديلات منبقاش سلبيين لان لو مرحناش اسمأنا متأيده عندهم والمش هيروح معنى كده انه ساكت والسكوت علامة الرضا ولا ايه؟
نور التميمي
السكوت علامة الرضا دا عند فوزيه الخاطبه
ايه اللي انت بتقولوا دا
يا اخوانا كل قوى المعارضه اتفقت على المقاطعه و المشاركه في اعتصام بميدان التحرير يوم الاحد مساءً لحد الصبح
شباب لبنان مش احن مننا
جه الوقت اللي نتحرك فيه بجد
ياريت نشفكوا كلكوا هناك و ياريت انتي كمان يانواره و تقولي للوالد يساندنا انشالله بكلمتين
أنا مش هاشارك في المسرحية دي
لا الدستور القديم كويس و لا الجديد كويس الإتنين ألعن من بعض
طول ما المادة 77 زي ما هي
يا مصر هاتعيشي مطية
إذ يحكمك دبورة و كاب
اعتقد ان كلنا فى حيرة قاتلة ، مش عارفة نعمل ايه ، بس حتى لو اعترضنا ما صوتنا هيتزولر ، انا عندى مديش صوتى احسن ميكتموه و يعملوا دوبلاج و يقولوا كلم انا مقلتوش ، مش هقول لا و يقولوا هما دى قالت اه
ya bentee by2olo msh 7ynfa3 ta7'do el bta2a de now :S !!
حدش شاف التعديل الدستورى عند الحاج أبو جمال
مفيش أطعم من كده ولا حلى من كده
اقرا نص التعديلات المقترحة
http://elezba.blogspot.com
انا شخصيا عايزة اربي عيالي ابعت طهقان يمكن يخدوه و ارتاح
انا شخصيا عايزة اربي عيالي ابعت طهقان يمكن يخدوه و ارتاح
الى الحين على اقتناع بفكرة مقاطعة الاستفتاء للتعديلات الدستوريا .
يا شباب معنى وجود اقبال على صنديق بوجه عام فى معنى قبول التعديلات وتأيدها اعلامياً امما الكاميرات وبشكل هادف بما يعرض النظام
والـ انا فهمة ان المشرفين على الصنديق ميقدروش يصرحة بعدد القال لا او نعم لكن يقدرة يصرحة بعدد الاقبال على الجان من المواطنين فقط
بمعنى اخر مجال التزوير مفتوح على مصرعيه.
ونظام مشهور بتزوير اوى وستفتاء العام الماضى اقرب دليل
يوم الأحد 25\3 الساعة 6 مساء هنعتصم في ميدان التحرير و نبات الليلة دي عشان نقول لأكبر عدد ممكن من أخواتنا على خطر تعديلات الدستور.دعوة لاعتصام في ميدان التحرير ضد التعديلات الدستورية الحديقة المستديرة بميدان التحرير - القاهرة
http://www.manalaa.net/node/87244
انا بالفعل توجهت لعمل البطاقة الانتخابية
ولكني اري ان مجرد ذهابي
في الاستفتاء
سوف يعطي لهذه المسرحية .. شرعية سياسية
كل الاصوات صوف تزور .. لم تعد هناك ثقه في الحكومة .. الرئيس اثناء كلمته في المجلس وهو يعرض رغبته في تعديل الدستور
كان بيقول
ان تغيير المادة 76 لاقت اقبال واستحسان كل الشعب
مافيش فايدة
مافيش فايدة مافيش فايدة
تحياتي
والسلام
السلام عليكم
انت بصراحة لمست حيرة جوانا كلنا ولكن بعد تفكير بسيط بصراحة لقيت أن المقاطعة مع المشاركة الكاملة في فعاليات الإعتصامات والمظاهرات الضد تعديلية هي أفضل الحلول المتاحة وإن كان لي وجهة نظر خاصة ف الموضوع أن العبرة ليست بالدستور ولا القانون ولكن بما يتم تطبيقه منهما ع الأرض لأننا بنتعامل مع نظم فاجرة بإمكانها فعلا تحطلنا أروع دستور وقانون علي وجه الأرض وتتجاهلهما تجاهل كلي لغايت مايبقاش ليهم إستعمال إلا ف الحمامات وكنت قلت قبل كده قبل ما تطالبوا بإلغاء قانون الطوارئ طالبوا الأول بتطبيقه لأن مايحدث ف الأقسام والمعتقلات لا علاقة له أصلا بكلمة قانون ماهو مافيش قانون ف الدنيا بيقول حط العصاية ف طيظ المواطن أو انفخه أو قلع إخواته البنات قدامه كل دي إبداعات حرة من البهوات الي بينفذوا القانون
ملحوظة: أنا كنت رديت ع البوست بتاع عريضة الأسري وماعبرتنيش خالص مع إني طلبت وجهة نظرك ف اللي قلته لعل المانع خيرا ياست الكل
طيب أنا عندى خيمه، أجيبها ولا إيه النظام؟
بس هيا بصراحه مبتشلش غير اتنين رفيعين او واحد من الوزن التقيل.
:)
مظنش ان الخيمه دي فكره كويسه
عشان لما الامن المركزي يهجم او لو لستخدموا المطافي تكون خفيف خفيف
هههههههههههه
ربنا يستر انشاء الله
together we stand ya regalet masr :)
نواره أنا أعترف ,, خاااب من استشار
رأيي اننا نروح و نقول لأ
حتي لو زوروا المهم نبين لهم اننا شعل واعي و مش عبيط و هينضحك علينا
يعني مش علشان هما هيزوروا نبقي نستسلهلهم
اه هيزوروا الف مرة
و اه و نروح نقول لأ الف مرة
و خلين سمعتهم في بلاد العالم زي الطين لما تقرير حقوق الانسان يجيب مصر في المركز الاول في عدم احترام حقوق الانسان
نفسي بس بجد اتفرج عليهم يوم الدين و اشوف دجول كلهم هيبقي شكلهم عامل ازاي
حتي لو زوروا ادي ذنب ينضاف لقائمةالطويلة بتاعة ذنوبهم
Post a Comment